مجرد سؤال

موضوع: مجرد سؤال الخميس 14 فبراير 2008, 1:11 am

يا جوهر صدر المحافـــــــل}

يا جوهر صدر المحافـــــــــل ***** روحي معـاك اتلطفيلهــــــــــــــا

************
ما النور الفي حِلّيه رافـــــل ***** في حُـق نًهده قلوبنـــا قافــــــــــل
ما الظبي الفي مقيله غافــل ***** تــــارة يميــل والتانية جافـــــــــل
وجهه يَنــور والبدر آفـــــــل ***** فوق للبدر يزيـــــد نفيلــــــــــــــه

يا النور خدك لاح مقابـــــــــل ***** للشعــر الطـال ليلــــه سابــــــــل
سهم ألحاظــك ليّ نابـــــــــل ***** بي كل شيء دون هجري قابــــــل
يُنسب نوحي علي البلابـــــل ***** وإنت القمــــره بتُنسبيلهــــــــــــــا

ليك جوز عين نعسان وكاحل ***** وخصــر يميـــل وصـدر راحــــــــل
وليّ وجــدي اللي جسمي ناحل ***** بحر الشــوق ما ليــه ساحــــــــــل
بيني وبين النـوم مراحـــــــل ***** ووين للطيـــف أنا القي حيلــــــــــة

الفـــرع البتّني راتـــــــــــــل ***** طيره ينــوح في غصونـه خاتــــــل
بهوي نسيم لي فكري شاتل ***** والأسد الفي القيـــد يناتـــــــــــــــــل
يتأكـد ماليه قاتــل .......... ***** غيـر مكحــول ظبـي ..... النتيلـــــه

ضاوي ثناك لي بريقه راسل ***** لاح بين عُنّابتين ..... عواســــــــــل
صــدرا يرجح وكتفه حاتـــل ***** رنا طرفــك للسيـف يماثـــــــــــــــــل
بيه .. يجنـدل كلّ ... باســـــل ***** وساحبة دغس وخــدود أسيلــــــــــه

يالمرنوع لي كتفه ... هادل ***** في دروعـه ولي معاصمه جــــــادل
أنا ساهــر والليل ســــــادل ***** شـرط الحاكم يبقـــي ..... عـــــادل
لا أقبل بهــواك مبـــــادل ... ***** كيف اعشق وأرضي البديلـــــــــــــه ؟

مانع طيفك ليّ لا يغــــــازل ***** داخل قلبي أنــا ليــــك منـــــــــــازل
يا لائـم لا تبقـــــي هـــــازل ***** أنا فــي الحــب لي روحـــي بــــــاذل
إنت بحالة سهري جاهـــــل ***** دي الأنجـــم فأســــأل سهيلــــــــــــة

لي طيفـك ما لقيت وسائــل ***** غيــر بَســـًّط النسمــــات رسائــــــــل
أعجـــب شيْ وأغـرب مسائل ***** حلم الصاحـــي ودمعـــه سائـــــــــــل
لو شكّيت في أمري سائـل ***** البدريـن كونـــــــــك ..... مثيلــــــــــه

أنا لي شوقي ودمعي هامل ***** جمـر الحــب لي جسمـــي شامــــــــل
حتى الطيــف لي لا يُجامـــل ***** مع ُكّلاً مــا كُنــــت ...... آمـــــــــــل
دمــي تحنّن بيــه الأنامــــــل ***** وهل يرضيـــك كـده ..... ياجميلـــــــه

مجرد سؤال وبدون تعليق

موضوع: رد: مجرد سؤال الخميس 14 فبراير 2008, 9:04 am

حديث نور ياشيخ عقب عقب
كلمات تتبعثر درر والله بلاغة يندر مثيلها
تسالية بالله شوف الحكى دا تقولى راغب علامة
قال مافى جمال فى السودان

وراجعين

موضوع: رد: مجرد سؤال السبت 16 فبراير 2008, 12:11 pm

الاخ الحافظ يعطيك العافيه

مشكور على حسن الاختيار لهذه الكلامات الرائعه

والجميله والمعبره والصادقه لانها نابعه من الاصل

حسن

موضوع: رد: مجرد سؤال السبت 16 فبراير 2008, 1:13 pm

ياسلاااااااااااااااااااااااااااااااااااام
عجب والله عجب بتعرف تختار وتكتب شنو

موضوع: رد: مجرد سؤال السبت 16 فبراير 2008, 10:32 pm

شكرا شباب على المرور بس يا ريت لو كتبتوا رد لهذا الولهان

موضوع: رد: مجرد سؤال الأحد 17 فبراير 2008, 3:31 am

الولهان ده والله أكبر هديه ليهو
د. منال بدر الدين تغيني ليه الغنيه دي
علشان توشح كلماته بأحلى زينه

شكرا الهندى

لكن بتين سرع الشوق غلب

كبير التربالة الولهان
الهدية ليك 3جرادل زنك من الميترة ال فى جنينة كنجارى كان شوية
تطفى جمر الحب المويقد له زمن ، من شفتك تدبا بالضهارى
وراجعين

ود عبدالماجد

تحية يا اصيل لكن جرادل الزنك والميترة دحين الجنو ديل ما دايرين شرح

لهذة الاشياء بالله عليك تانى لو عندك جنس النضمى دى خليه سر علشان ما

نتعذب بالاسئلة

ود العبيد

وكان داير الشبك انا بديك منها اصلو طلعونا رجال كبار وقديميييييييين

كرد البرمة ، قش الحوش وشال الزنك لو سمحت ترجم

» مجرد سؤال ولا داعى للفلسفة
» مجرد لحظة سعيده في زمن صعب
» سؤال ؟
» سؤال فى الرياضة
» مائة سؤال في النصرانية ليس لها إجابة ؟