العــــــــــــــــراب

العراب هو الشخص الذي يكتشف مواهب الناس ويقدمهم للجمهور والناس بصفه عامه.
والعراب ايضا برنامج شهير في احدي القنوات العربية المشهورة ونحن هنا ليس بصدد الكلام عنه وانما نريد من هو عرابك للمنتدي او بمعني اخر من هو الشخص الذي دعاك لتكون ضمن هذه الكوكبة الرائعة التي نفتخر جدا بمساهماتهم وكرد بعض الجميل للذين اخذو في عاتقهم نشر المنتدي بين افراد ابناء الجريف شرق.

من هو عرابك لمنتدي الجريف شرق؟

خلاص ياااااااااا(نيشان دير)مقدم برنامج العراب فى mbc

بامانة شديده فكرة سينما
كنت من الاعضاء الفعالين فى منتدى الراكوبة (وكنت مفتون بيهو شدييييييييييييييييييييد)
وفى مرة من المرات بتونس مع صديقى ورفيق دربى معز عمر كمال الدين(اخناتون)
عن دور المنتديات فى تكوين ثقافة الفرد والمواضيع التى تطرح وتحاكى
فى منتدى الراكوبة بالتحديد تناقش بفهم عالى يعنى ما ساى
المهم فى النهاية قال لى عندنا منتدى بتاع ناس الجريف وده الرابط (كتبو لى)
وحاول خش واطلع عليهو انا متاكد ح يعجبك
وفعلا اخذت الرابط (بفتور وعدم حماس)ارضاءا له ودخلت الموقع
حقيقة وليس مجاز انبهرت بالموقع و(المثقفاتيه)الفيهو
يعنى ماكنت متخيلو اطلاقا بالصوره دى ومن ديك وعيك
نسيت ليك الراكوبة ومحطة التعاون والمدارس
وكسرت ليك ركبه فى الموقع ولليله ما طلعت
عرابى ومكتشفى:
اخنــــــــــــــــــــــــــــــــــــــــاتون لك طيب التحية وجل الاحترام
والشكر والتقدير لمؤسس المنتدى
الشكر الجزيل لصاحب الابداع والتصميم البراق
الشكر الجزيل لكل الاعضاء

شكرا لك اخي تسالية للمرور والمشاركة ولعرابك الاخ اخناتون

وفي انتظار بقية الشباب

الاخ الرايع محمد زين نابري

التحيه لك وانت تاتينا بالاشياء الجميله
الفكره رايعه وفيها نوع من انواع رد
الجميل
بالنسبه لي فالدعوه كانت عن طريق
الصدفه وانا اتحدث هاتفين مع اخي منير
السماني واخبرني بالمنتدي
وبعد فتره اشتركت ومن الوقت داك
بقيت مدمن وماداير اتفكه من الادمان ده
ولينا عوده
معز السماني

الزين كوووووووووووف

سلام .....

حقيقة الفكرة اكثر من رائعه
وتشكر عليها عزيزى الزين كووووف.

انا
ولجت الى دنيا الجريف شرق
بالشبكة العنكبوتية بدعوه كريمة من

ابن خاااااااااااااااااااااااااااااااااااالتى العزيز \ نبيل احمد على

فله الشكر والتقدير.

بره الشبكه:_

(شبش)
ليك مده ما بنته .......وووووووووووين انته؟؟؟؟؟؟؟
ب ل ب ل

ودمتم.

اخو الاخوان معز السماني لك التحية ولعرابك الاخ منير السماني

ومنتظرين جديد مساهماتكم وابداعاتكم من اجل منتدانا الغالي

الجميل عبدو كمبيوتر نشكر جدا عرابك الرائع نبيل احمد علي لدعوته لك للمشاركة بالمنتدي وبالجد انت وفي اعتقادي الخاص فاكهة المنتدي نتمني لكما كل خير وفي انتظار المزيد منكما

أما أنا فعرابي هو الشاب الأنيق :
هيثم الباقر دفع الله ..
والذي أطلعني على النبأ السعيد في إحدى الأمسيات التي كنا نقضيها سويةً في منزله ..
ولا أريد ان أقول لكم كم بهرني الخبر .. ولكم أسعدني النبأ ..
ولم ألبث أن دخلت إلى أجمل منتدى وأروع من باقي المنتديات ..
ولكم إنبهرت وسعدت بالكم الهايل من الشباب الزين الذين وجدتهم بالمنتدى ..
ولكم إندهشت بسرعة تسجيل الأعضاء بالمنتدى ..
فالتحية العراب ود الباقر ..

ودمتم في أمان الله ...

اما عن عرابي فهو الرائع دوما الاخ الغالي

النبيل نبيل دعاني وهو علي امل ان ينال
رضاي وهاانا من المريضين جدا جدا بالمنتدى
واسال الله عدم الشفاء من المرض ده

صديقي وليد من اجمل الاشياء التي تحسب لعرابك الاخ هيثم الباقر بانه دعاك لتكون ضمن هذه الكوكبة ولتصبح احد الاضاءات الجميلة في منتدانا فكن كذلك كما عهدناك وفي انتظار الجديد منك دائما

مشرفنا الجديد عامر لك التحية وانت تخطو بخطي ثابتة في المنتدي مما اكسبك احترام الجميع وشكرا لعرابك الاخ نبيل احمد علي وفي انتظار المزيد

عضو نشط عدد الرسائل : 86 تاريخ التسجيل : 03/09/2007

إبن خالتي : محمد زين

مشكور على البوست اللطيف

بالنسبة لي كانت معرفتي بموقع الجريف عن طريق الصدفة .. كنت أبحث عن معلومة تخص تاريخ الجريف عن طريق موقع Google فظهر لي الموقع .. وقمت بالإشتراك وكنت من أوائل المشتركين قد أكون السابع أو الثامن .. بعدها كنت (عراباً) لكثير من الأعضاء ...

المبدع الزين كوف .. الفكرة في غاية الروعة
صراحة انا ما كان عندي اي رغبة في المشاركة في المنتديات ، نسبة لعدم المصداقية..
بس لقيت هندي ود البشير عمي .. مغرم شديد بالمنتدى ده وشهاني ليهو بالقفشات القاعد تحصل والمواقف الطريفة وكده ..
بعد داك رسل لي رابط بتاع مسجد المرحوم حاج عبد الله نابري
ودعاني للاشتراك .. ومن ديك وعييييك !!
شكرا لعرابي وشكرا ليك ايها الزين كوف نابري ..

اخونا العزيز محمد زين نابري

تحياتى لك ولافكارك الجميلة

حقيقة بداية دخولى بدات اولا بفكرة انشاء موقع لنادى كركوج بحكم انتمائى له ولم استطع تنفيذها الا بعد عام 2000 تقريبا وانشاءت موقع لنادي كركوج وكان مجرد تجربة وما زال موجودا الى الان بالرغم من تصميمه البسيط ولم اعدل فيه كثيرا وهذا هو الرابط لموقع نادى كركوج http://www.geocities.com/muizk/
ثم تقابلنا انا والشباب الموجودين بالهند وعلى راسهم الهندي ويوسف واخرين لا اذكرهم بالضبط على الماسنجر صدفة فتم طرح فكرة انشاء موقع عام للجريف فتولوا موضوع انشاء الموقع على يكون بيننا تنسيق لكنهم انشاءو الموقع باسرع مما تصورت
فحقيقة مشكورين الاخوان المصمممين للموقع والمشرفين على جهدهم الرائع وانشاء الله يكون التعديلات الجديدة والتى ننتظرها منهم بفارغ الصبر
مشكوريييييييييييييييييييييييييييييين

معز يالذيذ الشمار حارقنى

عرابك منو ماوريتنا؟؟؟؟

العزيز تسالية

العراب جزءين
الجزء الاول الجريف شرق التى كنت ابحث عن اي شى يخصها وانا بعيد عنها
فكنت دائما اعمل بحث على النت عن كلمة الجريف شرق او كلمة الجريف لوحدها او ابحث عن كركوج او جريف قمر او نادي السهم او كركوج

و الجزء الثاني هم مصممى هذا الموقع الرائع الهندي وزملاءه الكرام فلهم منا التحية

القريب البعيد ابن الخالة ايهاب

شكرا للصدفة التي قادتك للمنتدي وشكرا كثيرا لمحرك البحث Google

بس يا ايهاب شغال معانا بنظرية غيب وتعال نتمني ان نراك دوما منور المنتدي.

خليك قريب وفي انتظار المزيد والمزيد

الوريف الشفيف ود امحمد عمي عبدالله

تصور كيف كان حال المنتدي بدون وجودك معانا كان لا شوفة شرعية ولا خارم بارم ونشكر جدا عرابك الغالي الهندي نابري ونتمني ان نري مزيد من ابداعاتك
يا اولاد جدي نابري خليكم قراب والف رحمة ونور عليك جدنا الكبير نابري

الغالي جدا معز

يبدو ان هم الجريف من همومك الكبيرة ونحمد الله ان المنتدي هو قناة للتعبير عن حبنا للجريف واهلها الكرام وشكرا لمجموعة عرابينك بقيادة الهندي ودنابري ومجموعة الهند كلها
معز خليك قريب وفي انتظار الجديد منك دوما

حبيبي ونور عيني .. الزين كوف نابري
حقيقة بوستك ده عسل بس وردوك ذاتا التقول اخير البوست !!
راس الزول ببقه كبيييير من ردك الراقي واختيارك للون الاحمر لبعض الكلامات دي في حد ذاته مهاره تحسد عليها ..
وما زلت احلم بك انسانا اجد عنده راحة النفس وهناء الروح ...

الرائع والجميل محمد زين نابري لك التحيه

والله فكرة البوست جميله وحلوه

شخصيا كان عرابي ابن عمتي ليه ياشمعه سهرانا محمد السيد

ذكر لي اسم الموقع والباقي تميتوا براي فله التحيه

مشكور محمد زين

عبدالله محمد نابري كتب:: حبيبي ونور عيني .. الزين كوف نابري
حقيقة بوستك ده عسل بس وردوك ذاتا التقول اخير البوست !!
راس الزول ببقه كبيييير من ردك الراقي واختيارك للون الاحمر لبعض الكلامات دي في حد ذاته مهاره تحسد عليها ..
وما زلت احلم بك انسانا اجد عنده راحة النفس وهناء الروح ...

عبد الله ود جدي نابري

الحمد لله انو البوست عجب الناس وهو رد الجميل لنفر من الشباب الشايلين هم المنتدي وتطوره
حيرتني اقول شنو الكلام راح مني بس عجبتني ابيات شعر عشان اكرر ليك تاني انو المنتدي ما ببقي بلاك

قبل الشمس شروقك بطلع وشمس الدنيا تقيف ترجاك
وانت الشمس العالى مقاما وانت صباح ايامنا هواك
حتى القمر يتمنى يزورك والنجمات تتمنى لقاك
تعال اتمدد فى اشواقنا وبحر الشوق ما ببقى بلاك

صديقي حسن

طبعا يا شباب حسن ده من الشخصيات المريحة ومن اول مرة تلاقيهو فيها بتشعر بارتياح شديد لشخصيته ومعاملته الراقية واسلوب فهمه الغالي فلك مني التحية ولعرابك المشرف العزيز ليه يا شمعة سهرانة وفي انتظار المزيد دوما

[size=29]العزيز/

محمد زين نابري
مشرف
العــــــــــــــــراب Stars1

العمر : 29
سجّل في : 03 ديسمبر 2007
عدد المساهمات : 1078
الاقامة : السودان
المهنة : Engineer
مزاجك اليوم : العــــــــــــــــراب Busy10

يااااااااااااااا اخوى ...................
ما توريناااااااااااااااااااااااااااااااااااااااااااااااااااااااا

انته (عنوان البوست )بتااااااااااااااااااعك منو؟؟؟؟؟؟؟[/size]

عبدو كمبيوتر لا تستعجل رزقك.