| موضوعين في غرفة الانعاش | |
|
+8الهندي بشير نابري محمد زين نابري الطيب بخيت عبدالله محمد نابري عبدالرحيم حطي خضر حسن الفضل عصام عبدالصادق Admin 12 مشترك |
كاتب الموضوع | رسالة |
---|
Admin الادارة
عدد الرسائل : 33 مزاجك اليوم : تاريخ التسجيل : 23/06/2007
| موضوع: موضوعين في غرفة الانعاش الخميس 10 يوليو 2008, 7:45 pm | |
| السلام عليكم ورحمة الله تعالى وبركاته
الاخوة الافاضل بالمنتدى تم نقل موضوع (الجريف اتباعت) و موضوع
( هل قناة ساهور تعظم النبي ؟؟!! اشك في ذلك)
الى قسم المشرفين لعملية فورية وذلك لاخطاء تقنية
تم دمج الموضوعين مع بعض بدون قصد ووصلتنا رسالة لفصل الموضوعين
ولكن وللاسف لم تنجح عملية الفصل لذا قمنا بنقلهم الى
غرفة العمليات (قسم المشرفين) لفصلهم فنرجو منكم الصبر الى
ان تنجح العملية وارجاع الموضوعين الى القسم العام
ولكم العتب حتى ترضو
الادارة | |
|
| |
عصام عبدالصادق قلم فضي
عدد الرسائل : 429 تاريخ التسجيل : 23/09/2007
| موضوع: رد: موضوعين في غرفة الانعاش الجمعة 11 يوليو 2008, 12:35 am | |
|
لا حول ولا قوة إلا بالله العلي العظيم
والله الكلام ده ما سمعت بيهو إلا منكم الأن والله يحرقني بي جاز بابور لو كان في زول كلمني قبل كدة.
غايتو ربنا يجيب العواقب سليمة لأني عارف أنو الجريف اليومين ديل صحتها تعبانه شوية وخصوصاً مع زخات المطر ولولا وجود بعض من المهمومين بها كان حصل ما لا يحمد عقباه.
عموماً يا الـAdmin ربنا يوفقكم في عملية الفصل دي رغم أني عارف خطورتها الشديدة وأشركونا معكم لو محتاجين دم أو دعم ونحن جاهزون وإنشاءالله دعواتنا لها ليل ونهار حتى تخرج من هذه المحنة .. وربنا يوفق المشرفين بغرفة العمليات .. ونصيحتى ليكم وأنتم في غرفة العمليات تجنبو الطابور الخامس لأنو الزمن ده الحذر واجب وكمان بعد العملية نبهوا الأخوان بتخفيف الزيارة عليها خوفا من الإنتكاسة المفاجئة.
وأنا كمان بعد شوية حا أبحث عن ود ريا وود سنقد ليتحركوا نحو أم ضوابان والشيخ الأمين وبشوف أستاذ الخدر ليتحرك نحو ود الفضل .
تحياتي .. عصام عبدالصادق | |
|
| |
خضر حسن الفضل عضو فعال
عدد الرسائل : 274 تاريخ التسجيل : 23/05/2008
| موضوع: رد: موضوعين في غرفة الانعاش الجمعة 11 يوليو 2008, 9:37 am | |
| بسم الله الرحمن الرحيم والله الكلام ده ما سمعت بيهو إلا منكم الأن والله يحرقني بي جاز بابور لو كان في زول كلمني قبل كدة.
ونصيحتى ليكم وأنتم في غرفة العمليات تجنبو الطابور الخامس لأنو الزمن ده الحذر واجب وكمان بعد العملية نبهوا الأخوان بتخفيف الزيارة عليها خوفا من الإنتكاسة المفاجئة.
الأخ الفاضل أستاذ عصام سلامات يا ود جدى كتر الف خيرك تعليقك يضحك ام المرحوم المات غرقان نسأل الله السلامة انا كنت جاى المستشفى ومعاى [عامود غداء مدنكل ] لكن بعد ان وصلتنى إستغاثتك سوف أكلم الجماعة يجوا باللوارى رغم الخريف فهم ناس حارة. ولكن الفريق الطبى المشرف على العملية رغم كفأته إلا أنه ليس هناك جدوى من عملية فصل الموضوعين حسب قوانين الرياضيات وحسب قوانين المواريث قناة ساهور :ــ الكاتب هو الطيب حاج بخيت أمه بنت حاج عبد الله نابرى { معادلة 1 } الجريف اتباعت:ــ الكاتب هو عبدالله محمد عبدالله نابرى { معادلة 2 } إذن نسبة لوجود صلة الرحم بين كاتبى الموضوعين معادلة 1= معادلة 2 إذن نتيجة الفصل = 0 بالبلدى الموضوعين لما تعارفوا ووجدوا انهم أقرباء واهل لحم ودم عانقوا بعضهم وإلتحموا معاً بقوة الجاذبية الحنية السودانية. ودمتم لنا خضر حسن { الخدر } | |
|
| |
عبدالرحيم حطي قلم ذهبي
عدد الرسائل : 743 العمر : 50 الاقامة : بالمملكة العربية السعودية المهنة : لا يهم تاريخ التسجيل : 09/03/2008
| موضوع: رد: موضوعين في غرفة الانعاش الجمعة 11 يوليو 2008, 10:43 am | |
| الكاتب الرائع عصام عبد الصادق والاستاذ/خضر حسن
السلام عليكم ورحمة الله وبركاته بخصوص الموضوع يا عصام نشوف اللوارى بتاع السراج او للوراى بتاع حاج بخيت ويكون التحرك من الميادين او من عند جنينة حاج عبدالصادق . ونكلم ناس ودالفضل وناس ودابوعشر يحضرو بعد الخريف ونكلم احمد البنقر عشان يشوف الدم من بنك الدم .ود سنقد الان مشغول يحفر في النتاق بتاع البيت , | |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: رد: موضوعين في غرفة الانعاش السبت 12 يوليو 2008, 1:14 am | |
| الاخوة المشرفين على موقع الجريف شرق
صراحة نحن كنا عاوزين نطلع الموضوعين للاردن عشان هناك العلاج متقدم لكين الناس نصحونا وقالو في المنتدى في دكاترة شاطرين ... وعملياتم مضمونة ... لذلك نحن الان ما خايفين على العملية بس عاملين حساب المضاعفات لانو قصة انو الجريف اتباعت دي اكيد حتعمل مضاعفات خطيرة جدا !! وربنا يستر ..
وبالمناسبة يا أ.خضر حسن {الخدر} -كما يحلو لك- بالنسبة للطيب بخيت هو ابن عمتي ومتزوج اختي يعني مياخد بت خالو لذلك فعلا يبدو ان ان عميلة الفصل يجب ان تكون بحذر شديد عشان ما يقومو يفصلو أختنا معاهم برضو !! ولا شنو !!!!
عدل سابقا من قبل عبدالله محمد نابري في السبت 12 يوليو 2008, 9:16 am عدل 1 مرات | |
|
| |
خضر حسن الفضل عضو فعال
عدد الرسائل : 274 تاريخ التسجيل : 23/05/2008
| موضوع: رد: موضوعين في غرفة الانعاش السبت 12 يوليو 2008, 3:08 am | |
| بسم الله الرحمن الرحيم كفارة ليكم يا عبدُاللهِ يبدو ان ان عميلة الفصل يجب ان تكون بحذر شديد عشان ما يقومو يفصلو أختنا معاهم برضو !! ولا شنو... { عبد الله} يأخى شفقتنى شديد وحتى لا يحدث ما لاتحمد عقباه أقترح إنه العملية دى تكون فى مستشفى مجلس الأمن لأنه قصة الجريف اتباعت دى فيها جراثيم سياسية. ونسأل الله السلامة ودمتم لنا خضر حسن | |
|
| |
الطيب بخيت قلم فضي
عدد الرسائل : 327 تاريخ التسجيل : 03/11/2007
| موضوع: رد: موضوعين في غرفة الانعاش السبت 12 يوليو 2008, 4:33 am | |
| الأخوة الأفاضل/ لكم جميعاً أعظم التحايا ومشكورين كثيراً على تعليقاتكم الجميلة والرائعة على هذا الموضوع الهام الذي يخصنا جميعاً. لي بعض الإيضاحات التي أردت توضحيها على تعليقاتكم لتكونوا بدراية كاملة على الموضوع: (1) كاتب الموضوع (الذي سوف تجرى له العملية) هو الأخ/ Soka وليس شخصي الضعيف فأنا لم أكن أعرف في ذلك الوقت من هو الأخ/ Soka وقد قمت بالرد عليه في حينها، وبعد فترة وجيزة قام الأخ بكشف اسمه الحقيقي واتضح بأن Soka هذا هو الأخ/ عبد الله محمد نابري. (2) كتب الأخ/ عبد الله محمد نابري الموضوع تحت عنوان (قناة ساهور) وكتب في مقدمة الموضوع أنه (الجريف اتباعت). (3) ونسبة لأهمية موضوع المقدمة بالنسبة لنا كجرافة وسكاناً لمنطقة الجريف، ونسبة لأن الموضوع هو موضوع حياة أو موت بالنسبة لمحبوبتنا الغالية علينا جميعاً (الجريف) قمت بالاتصال بالأخ/ عبد الله محمد نابري وطلبت منه فصل المقدمة في موضوع لحاله وليكن تحت عنوان (الجريف اتباعت) ليضطلع على هذا الموضوع كافة المغرمين بهذه البقعة الطيبة من أهالي وسكان الجريف والمهتمين بأمرها به، ولكي يتداولوا هذا الموضوع بالفحص والتدقيق وليقفوا سداً منيعاً أمام هذه المخطط الذي يعدم محبوبتهم وليكون الموضوع الثاني عن قناة ساهور التي لا يهمنا أمرها كالموضوع الأول. (4) فقد استجاب الأخ/ عبد الله محمد نابري وقام بفصل الموضوع وقمت أنا بدوري بشكره هاتفياً. السؤال: لماااااااااااااااااااااااااااااااااااااااااااااااااااااااااااااااااااااااااااااااااااذا اختفى موضوع (الجريف اتباعت) وموضوع (قناة ساهور) وبدون اي مقدمات
أردت توضيح النقاط الأربعة السابقة ومعها السوال الأخير لكم جميعاً كما أردت أن يضطلع المشرفين والأخ الـ Admin على هذه النقاط لأنهم هم الأطباء الذين سيشرفون على فصل التوأمين كما أردت بإيضاحي السابق توضيح الأمر لكل حادب على أمر الجريف ولكل من يهمه أمرها فدقوا النحاس وجهزوا اللواري زي ما قلتم في تعليقاتكم
ودمتم | |
|
| |
الطيب بخيت قلم فضي
عدد الرسائل : 327 تاريخ التسجيل : 03/11/2007
| موضوع: رد: موضوعين في غرفة الانعاش السبت 12 يوليو 2008, 5:13 am | |
| الأخوة المشرفين الأعزاء
إذا لم تستطيعوا إجراء العملية الجراحية لفصل التوأمين
نرجو إرجاع الموضوعين بحالتهم السابقة
حتى تتم مناقشتهم لأن الأول منهم في غاية الأهمية
ودمتم
| |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| |
| |
محمد زين نابري قلم ذهبي
عدد الرسائل : 1514 العمر : 44 الاقامة : الجريف شرق المهنة : مهندس ستديو تلفزيون السودان مزاجك اليوم : تاريخ التسجيل : 03/12/2007
| موضوع: رد: موضوعين في غرفة الانعاش السبت 12 يوليو 2008, 7:36 am | |
| ههههههههههههههههههههههههههههههههههههههههههههههههههه
حلوة شديد الدكاترة المشرفين دي والعملية الان بين شد وجذب ما بين كندا وقطر والهند والسعودية والسودان وده طبعا اكبر تجمع لاختصاصيين في عملية تستحق اكتر من هذا الفريق الطبي المتخصص في حل المشاكل المستعصية زي دي . دعواتكم لينا بنجاح العملية وسنوافيكم بتطورات العملية اول باول انتظروناااااااااااااااااااااااااااااااااااااااااااااااااااااااااااااااااااااا. | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: موضوعين في غرفة الانعاش السبت 12 يوليو 2008, 9:40 am | |
| ياساتر ياساتر يارب .... دعواتكم ياجماعه
الظاهر أخونا عبدالله حوّط المواضيع بتاعته دي ونحنا بيجوه غالبنا نعمل أي عملية جراحية أو نستخدام المقصات والسكاكين دعواتكم بس ربنا يسهل وتتم عملية الفصـــل بسهوله هههههههههههه
| |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: موضوعين في غرفة الانعاش السبت 12 يوليو 2008, 9:44 am | |
| - اقتباس :
- السؤال:
لماااااااااااااااااااااااااااااااااااااااااااااااااااااااااااااااااااااااااااااااااااذا اختفى موضوع (الجريف اتباعت) وموضوع (قناة ساهور) تم نقل المنوضوعين لمعالجة وفضل المشاركات لكل موضوع لأنه قد تم الدمج بينهم عن طريق الخطـــا والآن الحمد لله بدأن بالتعافي والعودة لصحتهم في أمان الله وقربا سيعودن تحياتي أبو ياسر وكن بالجوار ما أمكن | |
|
| |
Sudania الادارة
عدد الرسائل : 180 مزاجك اليوم : تاريخ التسجيل : 23/06/2007
| موضوع: رد: موضوعين في غرفة الانعاش السبت 12 يوليو 2008, 1:24 pm | |
| | |
|
| |
خضر حسن الفضل عضو فعال
عدد الرسائل : 274 تاريخ التسجيل : 23/05/2008
| موضوع: رد: موضوعين في غرفة الانعاش السبت 12 يوليو 2008, 3:50 pm | |
| [size=29]بسم الله الرحمن الرحيم بارك الله فيك يا سودانية والتهنئة لكل الفريق المشرف على العملية وحمدلله على السلامة يا عبد الله وألف مبروك والتهنئة موصولة للأخوان عصام عبد الصادق وود ريا والطيب بخيت وزين كوف والنطاسى البارع الهندى وكل من ساهر معنا أو استفسر هاتفيا أو برقيا. والحمد لله على السلامة. ودمتم لنا خضر حسن[/size] | |
|
| |
وليد عثمان علي سنقد مشرف
عدد الرسائل : 1546 العمر : 49 الاقامة : الجريف أرض الطيبة والطيبين المهنة : موظف مزاجك اليوم : تاريخ التسجيل : 25/02/2008
| موضوع: رد: موضوعين في غرفة الانعاش الأحد 13 يوليو 2008, 1:07 am | |
| أولاً الشكر كل الشكر للاخوة الأفاضل المشرفين .. ثم أولاً الشكر كل الشكر للاخوة الأعضاء .. على صبرهم علينا .. ننوه السادة الأعضاء بأنه قد تم علاج الموضوعين وفصل التؤأمين عن بعض بعد عملية إستغرقت الكثير من الوقت (والجهد لا ذكر له هنا) لاننا فداء لكم وجهدنا لكم .. وقريباً سيرى النور بإذن واحد أحد .. فقط دعواتكم ليهم بالتوفيق . ودمتم لها ولهم ...
| |
|
| |
الطيب بخيت قلم فضي
عدد الرسائل : 327 تاريخ التسجيل : 03/11/2007
| موضوع: رد: موضوعين في غرفة الانعاش الأحد 13 يوليو 2008, 4:52 am | |
| الأخ Admin والسادة المشرفين لكم أعظم التحايا الخالصة ومشكورين جداً على هذا الاهتمام بفصل التوأمين الساميين (الجريف ونبت آخر) في وقت وجيز ونسبة لأهمية موضوع (الجريف اتباعت) بالنسبة لكل أهالي وسكان الجريف فهو موضوع حياة أو موت بالنسبة (الغالية الجريف شرق) لذا أرجو منكم وضع هذا الموضوع في أول القسم العام وليكون تحت عنوان (هام جداً) وليكون ثابتاً ليضطلع عليه كل أعضاء المنتدى وأهالي وسكان الجريف وليناقشوه بكل جدية (حتى لا تقع الفأس في الرأس) وليدلي كل بدلوه وأن تتحروا من هذا الموضوع جيداً حتى تتأكدوا من صحته فإن سراباً كفى الله المؤمنين شر القتال وإن كان حقيقة فيجب على ناس الجريف أن يقفوا سداً منيعاً أمام هذا المخطط الذي مسح (ست الكل) من الوجود فانتبهوا أيها السادة لما يجري في جريفكم | |
|
| |
باجيقا عضو مشارك
عدد الرسائل : 37 تاريخ التسجيل : 08/04/2008
| موضوع: رد: موضوعين في غرفة الانعاش الأحد 13 يوليو 2008, 5:21 am | |
| | |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: موضوعين في غرفة الانعاش الأحد 13 يوليو 2008, 5:44 am | |
| شكرا جزيلا عمنـــا الخضر وقوفكم بجانبنــا يزيدنــا بريقنا ويمنحنــا الضيــاء ويهبنــا الفرح
| |
|
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: موضوعين في غرفة الانعاش الأحد 13 يوليو 2008, 5:46 am | |
| شكرا أبو ياسر على التنبية والاهتمام المتواصـــل بالمنتدى وقضاياهو وقضايا الوطن فكن بالقرب دوما وما استطعت ... تحياتي أبو ياسر
| |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: رد: موضوعين في غرفة الانعاش الإثنين 14 يوليو 2008, 4:42 am | |
| ود سنقد ...
عليك الله قبل جاى شوية !!! | |
|
| |
وليد عثمان علي سنقد مشرف
عدد الرسائل : 1546 العمر : 49 الاقامة : الجريف أرض الطيبة والطيبين المهنة : موظف مزاجك اليوم : تاريخ التسجيل : 25/02/2008
| موضوع: رد: موضوعين في غرفة الانعاش الإثنين 14 يوليو 2008, 5:22 am | |
| انا امشي منكم وين يا ود نابري .. فقط أقف مشدوهاً ومنبهراً لما تسطرونه من عبق كلمات .. وجمال أساليب .. يقف الإنسان عاجزاً حيالها .. فلزمنا الصمت والوقوف جابناً حتى لا نكدر صفو خيالكم الرائع .. ولكننا دوماً بالقرب منكم نستشف الضياء وألق النور الزاهي .. دمت لنا ود نابري ...
| |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: رد: موضوعين في غرفة الانعاش الإثنين 14 يوليو 2008, 7:04 am | |
|
واته يا ود سنقد اصبر لي بجيب ليك القدرك ...
هندي ود البشير عمي ..
عليك الله رد على ود سنقد ده سريع ...
الراجل قاعد يرمى درر كالشهد ... انا ما قدرها ...
رجاءاً انقذني سريعا ... !!!
| |
|
| |
وليد عثمان علي سنقد مشرف
عدد الرسائل : 1546 العمر : 49 الاقامة : الجريف أرض الطيبة والطيبين المهنة : موظف مزاجك اليوم : تاريخ التسجيل : 25/02/2008
| موضوع: رد: موضوعين في غرفة الانعاش الإثنين 14 يوليو 2008, 7:17 am | |
| هههههههههههههههههههههههههههههههه انا قدر الهندي ؟؟ والله تجيب لي الهندي .. أجيب ليك عصام ود عبد الصادق .. ات قايلنا نحن هينين ولا لينين ؟؟ هههههههههههههههههههه اولاد نابري لكم ازكى التحايا .. وأطيب الأمنيات باللقاء معكم .. ودمتم لنا ...
| |
|
| |
حسن قلم ذهبي
عدد الرسائل : 803 الاقامة : الرياض- السعوديه بلد المصطفى المهنة : كيميائي تاريخ التسجيل : 23/11/2007
| موضوع: رد: موضوعين في غرفة الانعاش الإثنين 14 يوليو 2008, 8:43 am | |
| شبابنا وكل المشرفين الف حمدلله على السلامه واجر وعافيه انشاءالله مشكورين للجهد المقدر لفصل الموضوعين لكن الظاهر الكرامه اكلوها اولاد نابري براهم مامشكله هم ونحن واحد تحياتي
| |
|
| |
| موضوعين في غرفة الانعاش | |
|