الزول طلق مرتو لكن عليكم الله ماليهو حق ؟؟!! ( فكاهة )

الزول طلق مرتو .. يمين مافيها عيب خلقي اوخلُقي
لكنه يعتقد بأنها نذير شؤم عليه ... قال مره كـــج
وفي المحكمة ... وقف الزوج قدام القاضي يحكي ويشكي ويشرح يرص عربي وافرنجي
اسباب ودوافع الطلاق حتى ماخلالو شي ماقاله ... والمره غالبا النضمي
قال الزوج .. تصور يا سيادة القاضي .. اول يوم شفتها فيهو
كانت في زيارة لبيت الجيران وقفت العربية جنب الباب الخلفي
ومشيت أتاوق ليها من بعيد ، أكان بيجاي كف سمعت ليك صوت
العربية طقشتا عربية النفايات الحادث عظيم وعربتي رقدت سلطه
وتعال شوف اليوم التاني مشيت لأهلها أخطبها أكان أمي شتت
وفاتت خلت البلد كلو كلو مااااااتت والدرب بقا للمقابر
وفي فترة الخطوبة كنت كل مرة أسوقا للسوق أكان يلمو فيني
ناس الحركة يقطعوني وصـــل يخلو خشمي ملح ملح ؟
تعال شوف يوم العرس يامولانا الله ما يوريك ..
النار ولعت وبيتنا اتحرق بس اكان سلمت هي وأمها وبيتنا رقد قصب
تعال شوف أبوي يوم الجانا يزورنا وقع علي خشمو في السلم
كسر كراعو وديناهو المستشفى ضربو السكري مع انو صحته بم .
وديناهو الاردن من ديك عليك أمان الله تاني ماجانا صادي ليوم الليله ..
الحمد لله على مراد الله
وأخوي أكان جانا بيمرتو تعال شوف النار البتنطلق ويمرق
حردان والحقا ليهو أنا عليك اله دي حـــاله يامولانا
أها يامولانا البلد كلها قالو لي بس مرتك دي ياها
وش المصايب دي كلها تلقاها عافصة ليها جااااااان
أها قلت ليهم ياناس المره دي هديه ورضيه والشي ده ما منها حرّم ..
أها آمولانا الشغله بقت كل يوم ماشه منتهية وخسرانه والقروس
اتمحقن تب وغلبهن القعاد الشكيه لأب ايدا قوية وبقيت ماشي للداون
والحالة بقت كربه .. ده كلو كوم ورضيانين وصابرين
تعال شوف فصلوني من الشغل عييييييييييييييييك
اها قلت وكت بقت ليكدي المره دي حرّم تاني ’بتقعد في البيت ده تاني
القاضي قاله يازول استغفر الله يازول الكلام ده ما ببقا كلو كلو
المره دي حكمنا ترجع ليك ... الزول نطط عينه وقال آمولانا آمولانا
وقاله له دي كلها مشاكل وحوداث طبيعية وابتلاءات وانت لوك الصبر بس عليك بالصبر

أها قبال ما يمرقو من القاعه بعد الحكم ده
أكان القاضي رسلوا ليه خطاب إنهـــاء الخدمة والاستغناء عن خدماته وودوهو المعاش
أكان القاضي قال للزول تعال تعال آولدي
طلقا بالتلاته الماتعودا كلو كلو
قال للقاضي لحقتك نشفتك أها ان شاء الله اقتنعت أسه

************

ياجماعه دي قصه من نسج الخيال ويسلمن حريمنا
ويمكن تكون حاصلة مع بعض الجنسيات ولا رايكم شنو
وحبيت انسجها ليكم بالدارجية لمتعتها وطرافتها

ياخوى سلام
ههههههههههههه
ههههههههههههه
ههههههه
والله نسوان الزمن لهم نقرات وجيبن الفقر
والمشكله بعد دا نحن اها جارين جرى شديد
ياخو مخير الله دا قسمتنا اها نعمل شنو
ذى ماقال الاستاد كمال حنفى..

قبل الزواج يتحدّث الرجل عن الدخول الى البيت وبعد الزواج يتحدّث عن الخروج من البيت

اها ياخوى سلام

.......................................
انتم منى فكونو بالقرب منى

دكتورنا الهندى ههههههههههههههههههههههههه
والله زى ما قال القاضى أسيغفرالله واظن دى فاتت حدها من النقرة الكتيرة وهسه أنا زاتى خايف
يجينى خطاب من الشركة أقله إنقولونى من الرياض واظن ياخوى الهندى النقارة دى أخير منها
ام شدق ولا رايك شنو ،هههههههههههههههههه الله يستر حالتنا نحن فى النت ما عارف البحصل شنو .
وراجعين

ود جريف قمر .... تحياتي وأشواقي
شكرا لهطولك بساحاتي اليوم مع هذا الصباح الباهي
يسلم فمك ويسلم كمال حنفي كمان ..
لكن مهما كان ومهما حصل نحنا حريم بلدنا زيهن في البلود مافي
طيبة ... وأصـــل ... وذوق
أرقد بعافية يا ابوحميد وخليك قريب

أستاذي بدر . معتق تحياتي .. وصباحك باهي
ليك ودي وامتناني يارجـــــــل .. ما تشيل هم تب
العوجه ما بتجيك هههههههه لكن عليك الله الزول ده
حالتو ما بتحنن الكافر ههههه ليهو الله

ههههههههههههههههههههههه

الحكاية شنو يا الهندى والله مراة زى دى انشاء يقع
فيها فلان البعرفوا
يا اخوى الله يسترنا ويعافينا كلنا من جنس الحالة
دى .

ههههههههههه
أضحك الله سنك يا ود العبيد
انشاء الله مبتهجه سنين عمرك

حافظ العبيد الطاهر كتب:: ههههههههههههههههههههههه

الحكاية شنو يا الهندى والله مراة زى دى انشاء يقع
فيها فلان البعرفوا
يا اخوى الله يسترنا ويعافينا كلنا من جنس الحالة
دى .

هوووووووووي يا حافظ أنا عارف إنت قاصد منو ..

إنت قاصد يوسف ود عبد المجيد صاح ؟؟ ههههههههههههههههههههههههههه يفكر

أنا بكلمو ليك .. أعمل حسابك يا ود عبيد ..

ههههههههههههههههههههه

والله يا الهندي انا داير ارد لكن خايف تحصلني بكفوة .
هههههههههههههههههههههههه

ودمت أنيساً ...

ههههههههههه
ود سنقد كلامك وصلني تب
هههههههه
أبقى بعافية وكن بالجوار دوما
فمرورك يسعدني حقاً

كععععععععععععععععععععععععع والمراه طلقها ولا ما طلقها

Ahmed كتب:: كععععععععععععععععععععععععع والمراه طلقها ولا ما طلقها

هي يا أمحمد ..
الزول كان ما طلقها .. كانت منتدياتنا دي طشت ..
هههههههههههههههههههه

ودمتم بعافية ...

عضو نشط عدد الرسائل : 50 تاريخ التسجيل : 12/03/2008

ياود نابرى ازيك وياخى نحنا عرسان جداد كرت ما تخوفنا ولك التحية

ود سنقد كتب:

Ahmed كتب:: كععععععععععععععععععععععععع والمراه طلقها ولا ما طلقها

هي يا أمحمد ..
الزول كان ما طلقها .. كانت منتدياتنا دي طشت ..
هههههههههههههههههههه

ودمتم بعافية ...

حبيبنا ود سنقد لك مؤنة 200 عام
اشك فى نبرتك الحسية إنك من فريق الضلمة !!!!!!!!!
وراجعين

كضباً كاضب يا بدر ..
المرة دي حدسك خانك ..
لكن يا زول ما مشيت بعيد .. البيت جنب الجامع .. ههههههههه

جرب تاني . . وأبقى معانا ...

ودمت لنا ...

ود سنقد كتب:

Ahmed كتب:: كععععععععععععععععععععععععع والمراه طلقها ولا ما طلقها

هي يا أمحمد ..
الزول كان ما طلقها .. كانت منتدياتنا دي طشت ..
هههههههههههههههههههه

ودمتم بعافية ...

والله ياو سنقد انا داير اقع من الضحك
قلت لي منتدانا كان طشه عديييييييييل هههههه
والله النصيحه اكان طشينا نحنا زاتنا ههههه
الزول يا ابو حميد طلق بالتلاته بلا رجعه

الحاج ود الرشيد كتب:: ياود نابرى ازيك وياخى نحنا عرسان جداد كرت ما تخوفنا ولك التحية

الغالي الحاج ود الرشيد ياخي الف مبروك ألأف
مبروك وبيت مال وعيال
وربنا يكتب ليك السعادة انشاء الله طول العمر
اما قصة زولا ده فليهو الله وانت تسلم انشاء الله

» التمبلولو كع . عليكم الله شوفو جنس الملايين دي
» اخوانى تحيتة من الله عليكم طيبة
» عليكم الله شوفو الراجل دا فى وصف اكتر من كدا لى سودانا..
» إنصروا نبيكم رسول الله (ص)
» موقع رسول الله صلى الله عليه وسلم,,,