كان كل سكان الحي عارفين قصة الحب بين سعيد وسعيده وكانو مابتفارقو لحظه ولا وهم مع بعض دخلو المدرسة مع بعض خلصو المدرسة ودخلو الجامعه مع بعض وكانو عايشين حياء حلوة الا ان استقر بهم الحال عشان يبدو يفكرو في المستقبل الكبير ويشوفو حيعملو شنو المهم سعيد حاول يشتقل بي الشاده بتاعتو لاكين الحظ ماحالفو ومرة الايام لحدي ماجاهو عقد عمل في السعودية وماكان قادر يفارق الحي ولا حتا يفارق حبيبتو في الحي المهم حاول بي جاي وبي جاي عشان يرجع ويعود ليها بي الفرح الكبير
سافر سعيد ومره الايام بيناتهم والزمن داك ماكان في لاتلفون ولا موبايل الشي الفي كان تسجيل شريط وارسال مع زول جايئ للبلد بعد شهر رسل سعيد شريط لي اهل والتفت العايلة حول الشريط عشان تسمعو وتسمع صوة كبير البيت السافر عشان راحتم في الاول وعشانم راحتو في الاخر وبعد داك فكر سعيد ان يسجل شريط لي حبيبتو سعيده وماعرف يكتب شنو
عمل تسجل وبداء
حبيبتي سعيده
عمل استوب وسمع المقطع لقاهو بي العربي الفصحة
قال لا انا اسجل ليها في العربي الدراجي
حبيبتي سعيده انا والله مشتاق ليك شديد والله ياسعيده ماعارف السنتين دي حتمر كيف انا اشتقتة ليك شديد والله ؟
رجع وسمع المقطع بتاعو لقاهو كويس
وواصل علي كدا وبقا همو كلو في الشريط الحيرسلو
وبي جاي سعيده ركبا ليك شيطان وبدا يوسوس ليها
سعيد خلاك سعيد نساك نسا العشره نسا الحي
ولمن وصل واحد من افراد الحي سالتو عن سعيد وقال ليها سعيد بيحضر ليكي في شريط وحيرسلو ليكي قريب وهمو كلو ان يتم الشريط
ومرة السنتين وقربت تنتهي وكان سعيد مابمشي الشغل وبس قاعد حاضن المسجل وبسجل وبعيد الا ان انتهة السنتين وفكر في انو يرجع
عاد سعيد الي الحي وكانت سعيده فرحانة بي عودتو عشان خلاص حيحق ليها احلامه وحيعمل العرس وتكون الامور تمام
اها يا سعيد عملتة شنو في الغربة انشاء الله تكون جاهز وجايئ
قال ليها والله انا من سافرته انتي مافارقتيني لحظه وكنته كل يوم بسجل ليكطي كلام في الشريط
لا يا سعيد انتا عملته شنو في موضوعنا
انا سجلتة ليكي شريط فيهو قصة حبنا الحلوه وفيهو معني الريده والاخلاص
سعيد انا اعمل بي قصة حبنا شنو
بي اختصار يا سعيده انا في الغربة كان همي كلو انتي ومتين الاقيك يعني جاي شايل معاي الشريط بس عشان تعرفي حبي ليك قدر شنو
سجمي سجمي سجمي ياناااااااااااااااااس
سعيد ليهو سنتين مافيش وجايئ يقول لي
جايب لي معاهو شريط
يا سعيد الشريط بعرس ليك ؟؟؟؟؟؟؟؟
