............

حبابك عشره يا زائر
 
الرئيسيةالتسجيلدخول

شاطر | 
 

 الضحك المؤلم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: الضحك المؤلم   الإثنين 07 يوليو 2008, 5:48 am

بالدراجى وبدون فلسفه عندى موضوع حارقنى شديييييد

واتمنى ان يتم مناقشته بكل صدق وشفافيه
قريت فى كم جريده مسالة كسل السودانين والنكات الكتييييييييييره ومسيخه
التى ظهرت فى منطقة الخليج كماده للتندر
ويتداولها الخلجيين وباقى الدول العربيه
منها سودانى الدكتور قال ليهو التدخين يعنى الموت البطى
رد السودانى هو المستعجل على الموت منو
وبرضو قالوا فى سودانى كسلان كسل شديد مشى الحلاق
الحلاق سالو راس ام دقن
السودانى قال ليهو دقن
الحلاق قال ليهو ارفع راسك
قام السودانى قال للحلاق ولى اقول ليك خلاص راس
يعنى كسلان لدرجة ماقادر يرفع راسو و(الحاجه البتغيظ )
يحرفون هذه النكات ثم يلصقونها فى السوانيين
وانا شخصيا معى فى العمل كميه من العرب وكلما تنادرو بهذه النكات
ازعل واثور
ولكنهم يضحكون ويعتزرون ويقولون ان السودانى
من الجنسيات التى لها وزنها فى دول الخليج
وانهم يكنون لنا كل الود والاحترام
والموضوع ده مولمنى جدا
سؤال بمساحة المليون ميل
(معقول بقينا مهزله ومسخره لدرجه دى؟؟؟)
الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: الضحك المؤلم   الإثنين 07 يوليو 2008, 8:15 am

[size=18]انت عارف المثبت فينا الكسل حسب نظريتى انا طريقة كلامنا . يعنى كلامنا بطىء والله سبحانه وتعالى قال ( وخلقناكم شعوب وقبائل ) .

وبعدين قصة الاحترام البكنوه لينا الخليجين دا حقيقى لانو نحن بعد الكسل المتهمننا بيه دا عندنا امانة وقيم ومثل اتربينا عليها . لانو الربانا امنا وابونا موش زى الخليجين المتربين على يد الشغالات .

فلـــــــــــــــــــته..
بينى بينك بنحب النــــــــــوم.[/size]
الرجوع الى أعلى الصفحة اذهب الى الأسفل
Anas Bakheit
عضو مشارك
عضو مشارك


عدد الرسائل : 43
العمر : 33
الاقامة : london
المهنة : student
مزاجك اليوم :
تاريخ التسجيل : 12/01/2008

مُساهمةموضوع: رد: الضحك المؤلم   الإثنين 07 يوليو 2008, 11:02 am

انا برضو سامع من الشباب العائشين في الخليج بالكلام ده بس احنا في امكانا نحرف النكات كمان الخليجيين معروفيين بي ابو جهل و المصريين بي الشحاتيين او اولاد الرقاسه اي بلد عندهم حاجه بس اعلامنا ضعيف و معظم الاحيان السوداني برد باليد
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الضحك المؤلم   الإثنين 07 يوليو 2008, 11:59 am



فعلا يا تسالية الموضوع مؤلم جدا ... والله لا كسب برنامج طاش ما طاش .. طبعا البرنامج عندو حضور كبير في السعودية والخليج بصفة عامة .. وكل مرة قاعدين يبدعو الجماعة في البرنامج ويطلعو لينا بحاجة جديدة لدرجت تلقي شفع السعوديين في الشارع الواحد يقولك آآآآآآآي ويجرها جرة بايخة شديد !! .. انا صراحة قاعد تضرسني عديل كده الكلمة دي!!!!

بس يا خوى الهجوم خير وسيلة للدفاع ... عاوز اديك بعض النكات في الجنسيات الممكن تقابلك في العمل ... عشان تبرد بطنك..

اولا : بالنسبة للسعوديين ...

في واحد سعودي عربيتو خربت عليهو في الطريق السريع لقاهو واحد سوداني شهم فتح الماكينة بتاعت العربية لقه سير المكنة مقطوع فتش جاى جاى ما لقه الا عقال السعودي قام استخدم العقال كسير للمكينة ... والعربية اشتغلت .. السوداني نفسو لقه السعودي بعد كم يوم كده سألو : اها آآزول العربية كيف .. قال ليهو والله زينة بس بقت تأكل عقالات كتيير !!!

ثانيا السوريين :

معروف السوريين ايضا بالغباء واحد مشى للدكتور اكتشف الطبيب انو عندو سرطان بالمخ الدكتور قال ليهو: انت عندك سرطان في المخ.. السوري استغرب جدا!! وقال للدكتور لك من فين جاني المخ!!!!
(يعني السرطان ما مشكلة بس الغريب انو ما كان مفتكر انو عندو مخ)

بالنسبة للمصارى ممكن تشتغل في الصعايدة ...

مثلا صعيدي صعيدي جزمته اتقطعت خيطها وبعد أسبوع لقاها كويسه فك الخياطه
--------------
صعيدي ربح مليون خافوا يبلغوه يموت مصدوم .. قال العمده: أنا أقوله
قال: يا محمدين لو ربحت مليون حتعمل بيهم إيه؟ .. قال:أديك نصهم .. مات العمدة!
----------

مين أكثر إنسان صابر في الدنيا؟؟؟ صعيدي ينتظر نانسي عجرم علي قناة إقرأ
-----------

صعيدي قال لأبوه: رخصة السواجة خلصت يابوي
قاله: من لفك في الشوارع طول النهار يابن الهرمة
---------

ليه الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي
***************
مرة شافع صعيدي راح للبقالة قال للبائع : عمو عندك الشوكلاتة ام ربع جنية ؟ قال له
نعم عندى.

فقال الشافع طيب بكام؟؟؟؟!!

وهكذا ...

لانو الموضوع ده ما عندو علاج العلاج بتاعو مجهود شخصي تماما ,,,

الرجوع الى أعلى الصفحة اذهب الى الأسفل
http://www.basilholding.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الضحك المؤلم   الإثنين 07 يوليو 2008, 12:23 pm


هههههه عبدالله نابري
والله ما خليت للجماعه جنبه يرقدو عليها
انت الظاهر عليك زعلان من المصريين شديد ههههه

بالنسبة للموضوع فعلا دي ظاهرة تفشت وهي استهتار الجنسيات الاخرى بالسودانيين
لكن ياجماعه ... نعيب زماننا وما لوماننا عيب سوانا فالعيب فينا منذ البداية
نحن فعلا شعب فيه شئ من الكســــل والخمول ودي مسألة ملخوظه جدا في تجمعات
السودانيين وأعمالهم ومشاريعهم سواء على نطاق العمل في السودان أو العاملين خارج
السودان ...فعلا نحنا اصبحنا نعانين من خمول وكســـل شديد وللاسف دي ظاهره تفشت
في الاجيال الاخيره والموجوده حاليا
وده ما لم يكن عليه آبائنا واجدادنـــا من قبل والاجيال التي سبقتهم ... لكن ده برضو ما بيبرر
قبولنــا لمهاترات الجنسيـــات الاخرى سواء عرب أو غيرهم لأنو نحنا عندنـــا من الطبائع
والعادات والتقاليد والقيم المن المستحيل تكون عندهم أبد الدهر
فنحن شعب مترابط ومتسامح ومتعاون والدليل السوداني العمل العقال سير مروحه للسعودي
الماعرف يفكر أو يتصرف أبدا مع انو العقال في راسو هههههههه والادهى والامر انو
متخيل انو الكان مربوط قبل كده عقال واصبح كل يوم يربط ليها عقال
وده ميزه كبيرة جدا ورد قوي جدا جدا لأي سعودي ممكن يفكر يستهزأ بأي سوداني


أذكر أن احد الاخوة ذكر قصة لدكتور سوداني تعرضت لنوبه قلبية في الامارات وبدأ يحس
بالاعراض فتوجه للمستشقى مباشرة وقررو له عملية فوراً ولم يجد الفرصة ليتصل لأي أحدا
من اقاربة فكلف الطبيب أن يعطي هذه الورقة والمكتوب عليها طلبات من الدكتور السوداني
المريض لأي شخص سوداني يجده في الشارع علشان يجيبوها ليهو فورا
واستغرب الطبيب المعالج من طلب الدكتور الكريض وعاوده بالسؤال لأي شخص
قالو ليهو أيوا أس شخص سوداني وفعلا بعد ان انتهت العملية وخرج الطبيب المعالج من غرفة العمليات وتم نقل المريض الى العنبر ذهب الطبيب الى الشارع وسلم الورقة لأول
شباب سودانيين جو مارين من جنبه وقال ليهم في شخص سوداني مريض عملنا ليهو عملية
وكتب الورقة دي وقال لي اديها لأي شحص سوداني تقابلة في الشارع وانتم اول من قابلتهم
وفعلا استلموا الورقه ولقو فيها طلبات وفعلا اشتروها وجهزوها وذهبوا ليهو لزيارته في
غرفته وجابو ليهو كل طلباته من ملابس وغيره وجابو ليهو الكرامة في غرقته وقعدوا معاهو
فأتي الطبيب لزيارته والمرور عليه واتفاجأ بوجود الشباب السودانين معاه واستغرب وسألهم ما
اذا كانو بيعرفوهو من قبل أو انه مشهور لدى السودانين أو غيره فقالو ليهو
يكفي أنو سوداني ومن بلدنـــا نفديهو بأرواحنـــا ونقيف جنبو في محنته مهما كلفنا الامر
وده حال السودانين مع بعضهم البعض بيساعدو بعضهم من غير مقابل فقط تحن دمائهم
لبعضهم .............. فأين يمكن أن تجد هذا في باقي الاجناس

شكرا يا تســـــالية على الموضوع المتألق ده والبيمس حقيقة واقعه

عبدالله نابري
آآآآآآآآآآآآآآآآآآآييييييييي

الرجوع الى أعلى الصفحة اذهب الى الأسفل
http://aljraif.forumotion.com
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الضحك المؤلم   الثلاثاء 08 يوليو 2008, 3:49 am

[size=29]الرائع تساليه

اول مشكور على الموضوع الجميل
بخصوص المهزله اراد الشعب السوداني هذا الوضع للنفسه لو كان لدينا حكومات توفر لنا العيش السعيد بالسودان وسفارات تقوم بالعمل المطلوب تجاه كل سوداني خارج السودان ما كان اصبحنا مهزله بين العرب حتى الدراما الكويتية والدراما العربية المصرية يضعون صورة السوداني هو البواب ويكون السوداني صاحب الدور الضعيف , لكن الواقع يختلف السوداني في كل الفطاع الخاص والحكومي هو المدير او المشرف . وفي دولة الامارات العربية كان للسودانين اليد في تطوير دولة الامارات , والاعلام السوداني للاسف الشديد لم يكتب عن هذه المشاكل وحتى المغترب السوداني لم يوضح لهم ان الشعب السوداني ليس كسول .
المشكلة هي في تركيبة الشعب السوداني لا يعلم حتى الان هل هو عربي ام افريقي وبهذا يصبح مهزله بين الافارقة والعرب .
والله مشكلة كبيرة في يوم من الايام واحد بنجلاديشي ادفع مبلغ من المال واحضر اخيه من بنجلاديش لكي يعمل بالسعودية وجلس الاخ الجديد سته شهور ولم يتعلم اللغة العربية وكان اخوه الاكبر زعلان من هذا الموضوع كيف بعد هذه الفترة الطويلة لم يتعلم هذا الاخ اللغة العربية وقام بضرب اخيه الاصغر وقال له شوف الان كل سوداني يحضر السعودية واحد شهر بعدين هو معلوم اللغة اللعربية , هذا البنجلاديشي يفتكر ان الشعب السوداني ليس عربي وانت السوداني تفتكر انك عربي .[/size]
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الضحك المؤلم   الثلاثاء 08 يوليو 2008, 6:27 am


هههههههههههههههههههههههه
ود نابري عزبتهم عزاب لكن ..
هههههههههههههههههههههه
يا تسالية فعلاً الموضوع يستحق الخوض في غماره ..
وهو ينم عن طيب خصالك وحبك لبلدك السودان ..
وهو لا يرضى به إلا متهاون ببلده .. ومتخازل ..
لك الله يا أيها الوطني الغيور على وطنك ..

ولنا رجعة ..


ودم لنا ...
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الثلاثاء 08 يوليو 2008, 7:22 am

احمد عوض الحاج النميرى كتب:
[size=18]انت عارف المثبت فينا الكسل حسب نظريتى انا طريقة كلامنا . يعنى كلامنا بطىء والله سبحانه وتعالى قال ( وخلقناكم شعوب وقبائل ) .

وبعدين قصة الاحترام البكنوه لينا الخليجين دا حقيقى لانو نحن بعد الكسل المتهمننا بيه دا عندنا امانة وقيم ومثل اتربينا عليها . لانو الربانا امنا وابونا موش زى الخليجين المتربين على يد الشغالات .

فلـــــــــــــــــــته..
بينى بينك بنحب النــــــــــوم.[/size]
احمد عوض

سلامات يارائع ياخلاصة الخير الفى الناس
اها اقوليك حاجه انا كنت فى مصر وكان تعليقهم دايما انو السودانى كلامو سريع
ومامفهوم وطبعا هم بلحنو الكلام(ياباشا وياااسماره ويا شنو كده)
وعلى قولك نحن ربونا ابهاتنا وامهاتنا الحمدلله يعنى الخدم الفلبينيات والحبشيات ما بنشوفهم الا
فى المسلسلات
وحقيقه لست تتأ ول السودانى مشهور بالامانه فى جميع دول الخليج
بس ده ما شفع لينا مع الخليجيين ومصريين اصرار شديد على انو السودانى كسلاااااااااااااان
وبينى وبينك كده يا ابو حميد انا واحد من الناس بحب النوم جدا جدا هههههههههههههههه
مؤونة 100 عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الثلاثاء 08 يوليو 2008, 7:39 am

Anas Bakheit كتب:
انا برضو سامع من الشباب العائشين في الخليج بالكلام ده بس احنا في امكانا نحرف النكات كمان الخليجيين معروفيين بي ابو جهل و المصريين بي الشحاتيين او اولاد الرقاسه اي بلد عندهم حاجه بس اعلامنا ضعيف و معظم الاحيان السوداني برد باليد

انس
سلام كميات اول حاجه بقول ليك( حظك وبختك )عايش مع الخواجات البقدرو البنى ادم
يعنى متل الكلام الشين ده تسمعوا بس لكن نحنا عايشنو هنا فى الخليج
الحاجه التانيه هو يا اخوى فى اعلام اساسا عشان يكون قوى ولى ضعيف؟؟؟؟؟؟؟؟؟
السودانى من طبعه الطيبه والخلجيين وبالاخص السعوديين يستقلون هذه الطيبه ويتعاملون مع السودانى
على اساس انه اهبل ومسكين وبليد وما ناقش حاجه عشان كده من (قولت تيت)تتعامل معهم بحزم شديد
وكان قال نكته فى السودانيين
طوالى ترد عليه بنكتتين فى السعوديين بدون مجامله
بالمناسبه واحد سعودى سال سودانى قال ليهو انت من فين فى السودان
السودانى قال ليهو من بربر
السعودى( باستهتار) قال ليهو ايش بربر
السودانى زعل شديد ورد عليهو وايش عرعر
مؤونه 100 عام من الود
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الضحك المؤلم   الأربعاء 09 يوليو 2008, 5:48 am


تساليه كيفنك ياخوي

ماانت لوحدك المكتوي بهذه اللسعات

لكن كماذكر الهندي يوجد بعض السودانين كسالا وهذا شئ واقعي
الغريب بعد كسلهم البقولوا عليه دا ماسكين اعلى المناصب والدرجات
ولا يمكن ان يتخلو عنهم لانهم اذكياء ويتحلون بالامانه والصدق لذا هم
بيثقوا فيهم اكثر من ناس البلد .
وكمان بقولوا لديكم مدينه تسمى كسلا وهم لايعرفون معناها لان كسلا بالف اللينه
يعني كسلى بمعنا الارض المرتفعه فيها جبال توتيل وغيرها هم عرب ولا يفقهون العربيه

تساليه ولايهمك ناس بـــدو ولا اقولك لسع ما بـــــــــدو
لولا البترول جبال وصحراء وجمال
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الأربعاء 09 يوليو 2008, 5:51 am

عبدالله محمد نابري كتب:


فعلا يا تسالية الموضوع مؤلم جدا ... والله لا كسب برنامج طاش ما طاش .. طبعا البرنامج عندو حضور كبير في السعودية والخليج بصفة عامة .. وكل مرة قاعدين يبدعو الجماعة في البرنامج ويطلعو لينا بحاجة جديدة لدرجت تلقي شفع السعوديين في الشارع الواحد يقولك آآآآآآآي ويجرها جرة بايخة شديد !! .. انا صراحة قاعد تضرسني عديل كده الكلمة دي!!!!

بس يا خوى الهجوم خير وسيلة للدفاع ... عاوز اديك بعض النكات في الجنسيات الممكن تقابلك في العمل ... عشان تبرد بطنك..

اولا : بالنسبة للسعوديين ...

في واحد سعودي عربيتو خربت عليهو في الطريق السريع لقاهو واحد سوداني شهم فتح الماكينة بتاعت العربية لقه سير المكنة مقطوع فتش جاى جاى ما لقه الا عقال السعودي قام استخدم العقال كسير للمكينة ... والعربية اشتغلت .. السوداني نفسو لقه السعودي بعد كم يوم كده سألو : اها آآزول العربية كيف .. قال ليهو والله زينة بس بقت تأكل عقالات كتيير !!!

ثانيا السوريين :

معروف السوريين ايضا بالغباء واحد مشى للدكتور اكتشف الطبيب انو عندو سرطان بالمخ الدكتور قال ليهو: انت عندك سرطان في المخ.. السوري استغرب جدا!! وقال للدكتور لك من فين جاني المخ!!!!
(يعني السرطان ما مشكلة بس الغريب انو ما كان مفتكر انو عندو مخ)

بالنسبة للمصارى ممكن تشتغل في الصعايدة ...

مثلا صعيدي صعيدي جزمته اتقطعت خيطها وبعد أسبوع لقاها كويسه فك الخياطه

--------------
صعيدي ربح مليون خافوا يبلغوه يموت مصدوم .. قال العمده: أنا أقوله
قال: يا محمدين لو ربحت مليون حتعمل بيهم إيه؟ .. قال:أديك نصهم .. مات العمدة!
----------

مين أكثر إنسان صابر في الدنيا؟؟؟ صعيدي ينتظر نانسي عجرم علي قناة إقرأ
-----------

صعيدي قال لأبوه: رخصة السواجة خلصت يابوي
قاله: من لفك في الشوارع طول النهار يابن الهرمة
---------

ليه الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي
***************
مرة شافع صعيدي راح للبقالة قال للبائع : عمو عندك الشوكلاتة ام ربع جنية ؟ قال له
نعم عندى.

فقال الشافع طيب بكام؟؟؟؟!!



وهكذا ...

لانو الموضوع ده ما عندو علاج العلاج بتاعو مجهود شخصي تماما ,,,



ضلى وضراى ود نابرى

بمناسبه بستهتروا بكلام السودادانيين
والله والله كلام السودانيين اوضح واقرب للغه العربيه اكتر من كلام السعوديين
السعوديين ينطقون حرف (ض) ظ
مثلا:
يقولون ولا الظالين والصحيح ولا الضالين
ويقولون الرياظ والصحيح الرياض
مع انو معروف اللغه العربيه تسمى اللغة الضاضيه
وهم حرف الضاض فى قاموسهم مافى
وبرضو تقول لى عرب؟؟؟؟؟؟؟؟
وجايين يضحكوا فلى كلامنا ؟؟؟؟ومسالة غبائهم معرفه لدى الكل يعنى مادايره نقاش
اما السوريين عندى ليك فيهم نكته يا نابرى
واحد سورى من منطقة حمص (طبعا منطقه مشهوره بالغباء)
اشترك فى برنامج من سيربح المليون
القرداحى سالو
السوال الاول
جاوب صحيح كسب مئة ريال
سالو السوال التانى
فى مثل بقول
عصفوره فى اليد ولا تلاته على..................
البقره الشجره الصفرا
السورى قال
احزف اجابتين
تم حزف الاجابتين وتبقت كلمة الشجره
السورى اتردد
وقال للقرداحى
اسال الجمهور
الجمهور قال الشجره
برضو السورى اتردد
وقال للقرداحى
اتصل بصديق
الصديق قال ليهو الشجره
بضوالسورى اتردد
قام القرداحى قال ليهواستخدمت جميع وسائل المساعدة ومافى حل قدامك غير الاجابه
او الانسحاب بالمئة ريال
السورى اختار الانسحاب بالمئة ريال
جورج القرداحى استغرب من قرار الانسحاب قال ليهو ليه انسحبت؟؟؟
رد السورى عصفوره فى اليد ولا تلاته على الشجره
احسن اضمن مئة ريال فى يدى ولالمجازفه وراء المليون ريال
المصريين الشحاتين ديل خلينا منهم
ومشكووووور على المرور
مؤونة عام من الود

الرجوع الى أعلى الصفحة اذهب الى الأسفل
Anas Bakheit
عضو مشارك
عضو مشارك


عدد الرسائل : 43
العمر : 33
الاقامة : london
المهنة : student
مزاجك اليوم :
تاريخ التسجيل : 12/01/2008

مُساهمةموضوع: العنصريه   الأربعاء 09 يوليو 2008, 7:05 am

بس صرحه كده العنصريه في اي حته حتى في السودان و بين السودانيين في المهجر بشكل يخويف فا اقرب مثل الاحداث باعت برمينيقهم و ده كله بيبدا بي نكات و تعصب لي جنس معيين رقم انو انا مع انو الوحد يرد بلسانو على اي واحد بيضحك على السودانيين لكن ده مابحل المشكله لكن على الاقل بشفيليك شويه.
انا استغربتا لمن قرييت من بعض الاخوا انو بظنو انو السوداني كسلان بطبعو اول حاجه اي بلد فيها الكسلان و النشيط بعديين ٤٠ مليون نسمه كلهم كسلانيين دي اصلان مستحييله لي المعلومييه معظم العرب بيشكو انو السودانيين بتكلمو سريع.
الواحد يحاوال يعيش حياتو و مايقف كتيير على الموضيع الزي دي لنو بتوليد الحقد و بتشقلنا عن حاجة اهم مشاكل زي دي اصلان مابتتحلا و معظم الناس البطلعو النكات دي ناس حقديين على السودان
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الأربعاء 09 يوليو 2008, 7:30 am

الهاتما العظيم
هندى
قصة السودانيين كسلانيين دى انا ما مقتنع بيها اى بلد فى الدنيا فيها الكسلان وفيها النشيط
وماهو المعيار الذى تصنف به( دوله كامله )بهذه الصفه؟؟؟؟؟؟؟؟؟؟؟
فى تقديرى الشخصى السعودىين( بالتحديد )من خلال معايشتى معهم اهم اكثر شعوب العالم كسلا وخمول
تعرف يا مهاتما الاجانب الفى السعوديه لو اتخارجوا منها والله السعوديين مايقدرو يتحركوا(قيد انمله)
الحياة سوف تصبح مشلوله فى المملكة لانو مابعرفو اىىىىىىىىىىىىىى حاجه غير
الثلاثه كافات (كابرس وكبسه و كتشينه)
اما بخصوص تكاتف وتلاحم السودانيين دى مافى زول بحصلنا فيها
بيتين من الدوبيت:
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..

مؤونة 100 عام من الود

الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الأربعاء 09 يوليو 2008, 7:46 am

ود سنقد كتب:

هههههههههههههههههههههههه
ود نابري عزبتهم عزاب لكن ..
هههههههههههههههههههههه
يا تسالية فعلاً الموضوع يستحق الخوض في غماره ..
وهو ينم عن طيب خصالك وحبك لبلدك السودان ..
وهو لا يرضى به إلا متهاون ببلده .. ومتخازل ..
لك الله يا أيها الوطني الغيور على وطنك ..

ولنا رجعة ..


ودم لنا ...

فردة جناحى اليمين

ود سنقد
والله ما عايز اطلع نفسى الولد قديس والود مثالى وغيور على وطنه وووووالخ
بس الزول مابقبل الحقاره المافى داعى ليها فى بنى وطنه
وانت عارف يا سنقد انا قبل كده قلت الكلام ده وتانى بكرر السعوديين
لما تسكت ليهم (بطلعوا فى راسك) لكن لما توريهم العين الحمرا
بحترموك( يشبكوكك)نحن بنمزح ونحن نكن وما عارف شنو كده
مؤونة 100 عام من الود
الرجوع الى أعلى الصفحة اذهب الى الأسفل
نبيل احمد علي
قلم ذهبي
قلم ذهبي


عدد الرسائل : 628
العمر : 30
الاقامة : ارض الطيبة والطيبين
المهنة : موظف
مزاجك اليوم :
تاريخ التسجيل : 09/07/2008

مُساهمةموضوع: رد: الضحك المؤلم   الأربعاء 09 يوليو 2008, 8:18 am

ياشباب اناغايتو ماعا عارف البيحصل شنو لاكين هي في النهاية نكته لاتسوي شي غير انها تضحك الواحد وهنا عندنا في السوادان بقا البرنامج بتاع النكات برنامج سابت سواء كان عن الدناقلة او الشوايقة او المحس او او او غيرهم من القبايل المختلفة وفي النهاية زي ماقلته هي مجرد مزاح وحكاوي ونحنا في يدنا نكون ما كساااااااااااالا ولا ما صاااااااااااااح يا تيسو ؟ماتزعل حقك علي
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الجمعة 11 يوليو 2008, 4:45 am

حسن كتب:

تساليه كيفنك ياخوي

ماانت لوحدك المكتوي بهذه اللسعات

لكن كماذكر الهندي يوجد بعض السودانين كسالا وهذا شئ واقعي
الغريب بعد كسلهم البقولوا عليه دا ماسكين اعلى المناصب والدرجات
ولا يمكن ان يتخلو عنهم لانهم اذكياء ويتحلون بالامانه والصدق لذا هم
بيثقوا فيهم اكثر من ناس البلد .
وكمان بقولوا لديكم مدينه تسمى كسلا وهم لايعرفون معناها لان كسلا بالف اللينه
يعني كسلى بمعنا الارض المرتفعه فيها جبال توتيل وغيرها هم عرب ولا يفقهون العربيه

تساليه ولايهمك ناس بـــدو ولا اقولك لسع ما بـــــــــدو
لولا البترول جبال وصحراء وجمال

الدعاش حسن

ازيك
بامانه شديده من زماااااااااااااان متحير فى اسم مدينة كسلا ومعناه وسبب التسميه
وطوالى وجوه سرى العن اسم كسلا
(الجايب لينا الهوا)واقول الاسم ده شبهه ويؤكد صفة الكسل الملازمانا
(الماعايزه تطلع من رقبتنا)
لكن يا حسونه اخيرا( حيرتى اتفكت) بعد شرحك لمعنى الاسم
وعلى قولك ديل لسه مابدو
مؤونة 100 عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الجمعة 11 يوليو 2008, 5:09 am

نبيل احمد علي كتب:
ياشباب اناغايتو ماعا عارف البيحصل شنو لاكين هي في النهاية نكته لاتسوي شي غير انها تضحك الواحد وهنا عندنا في السوادان بقا البرنامج بتاع النكات برنامج سابت سواء كان عن الدناقلة او الشوايقة او المحس او او او غيرهم من القبايل المختلفة وفي النهاية زي ماقلته هي مجرد مزاح وحكاوي ونحنا في يدنا نكون ما كساااااااااااالا ولا ما صاااااااااااااح يا تيسو ؟ماتزعل حقك علي
الرائع

بلبل
سلام
النكته بتعكس واقع وحال المجتمع
يعنى يا عزيزى نبيل لما الخليجيين يتنادرون ويضحكون على حال السودانيين
فى شكل نكات
تبقى مشكله و(وبتسوى شى)
وداخل السودان ننكت مع بعض او نقطع بعض ما مشكله(زيتنا فى بيتنا)
لانو قافلين الباب علينا ومافى زول شايفنا ودى بلدنا وده جنسنا
ونحن حريين
لكن لما الخليجي يطلق نكاته جزافا على السودايين( ببقى فى كلام تانى)
ولى رايك شنو يابلبل؟؟؟؟؟؟؟؟؟؟؟؟؟؟
مؤونه عام من الود


عدل سابقا من قبل نساليه في الجمعة 11 يوليو 2008, 5:35 am عدل 1 مرات
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الضحك المؤلم   الجمعة 11 يوليو 2008, 5:33 am

ود رياء كتب:
[size=29]الرائع تساليه

اول مشكور على الموضوع الجميل
بخصوص المهزله اراد الشعب السوداني هذا الوضع للنفسه لو كان لدينا حكومات توفر لنا العيش السعيد بالسودان وسفارات تقوم بالعمل المطلوب تجاه كل سوداني خارج السودان ما كان اصبحنا مهزله بين العرب حتى الدراما الكويتية والدراما العربية المصرية يضعون صورة السوداني هو البواب ويكون السوداني صاحب الدور الضعيف , لكن الواقع يختلف السوداني في كل الفطاع الخاص والحكومي هو المدير او المشرف . وفي دولة الامارات العربية كان للسودانين اليد في تطوير دولة الامارات , والاعلام السوداني للاسف الشديد لم يكتب عن هذه المشاكل وحتى المغترب السوداني لم يوضح لهم ان الشعب السوداني ليس كسول .
المشكلة هي في تركيبة الشعب السوداني لا يعلم حتى الان هل هو عربي ام افريقي وبهذا يصبح مهزله بين الافارقة والعرب .
والله مشكلة كبيرة في يوم من الايام واحد بنجلاديشي ادفع مبلغ من المال واحضر اخيه من بنجلاديش لكي يعمل بالسعودية وجلس الاخ الجديد سته شهور ولم يتعلم اللغة العربية وكان اخوه الاكبر زعلان من هذا الموضوع كيف بعد هذه الفترة الطويلة لم يتعلم هذا الاخ اللغة العربية وقام بضرب اخيه الاصغر وقال له شوف الان كل سوداني يحضر السعودية واحد شهر بعدين هو معلوم اللغة اللعربية , هذا البنجلاديشي يفتكر ان الشعب السوداني ليس عربي وانت السوداني تفتكر انك عربي .[/size]
الرائع

ود رياء
ازيك
بمناسبة الدراما العنصريه عفوا المصريه
فلم من الافللام المصريه الجديده (مامتذكر الاسم)
يوجد شخصيه سودانى ويدعى عثمان بهذا الفلم
وفى مشهد معيين فى الفلم يدخل عثمان السودانى على الممثل المصرى
وعندها يغطى الممثل المصرى(نخرته)كنايه على الريحه العفنه التى تفوح من السودانى
(والمشهد ده )عمل مشكله كبيره وتدخلت نقابة التمثيل السودانيه
فى النهايه تم حزف المشهد
اها ياود ريا شفت الحقاره دى كيف؟؟؟؟؟؟؟؟؟؟؟
وطبعا انا مندهش جدا من البنقالى الماقادر يستوعب انو السودانى عربى
والله( ياهو الفضل)البنغالى كمان يحقرنا
مؤونة 100 عام من الود
الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: الضحك المؤلم   الأحد 13 يوليو 2008, 9:36 am

[size=18]بى مناسبة السعودين دى يا تساليه...

قال ليك فى واحد سعودى سأل واحد رباطابى قال ليه : ( ايش الفرق بينكم وبين البهايم )
رد الرباطابى وقال : ( البحر الاحمر) .
اما المصرين ديل خليهم ديل لسانم طويل وبس .... الواحد اخلى اختو ترقص فى روتانا وهو اعاين مع الشباب وكمان ممكن اقول ليهم شفتو البنت الفلانيه اللابسة كذا وكذا دى اختى ... انعل ابو الرجالة.
الرجوع الى أعلى الصفحة اذهب الى الأسفل
 
الضحك المؤلم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: