............

حبابك عشره يا زائر
 
الرئيسيةالتسجيلدخول

شاطر | 
 

 الفرق بين الصراحة والإحراج

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: الفرق بين الصراحة والإحراج   الإثنين 16 يونيو 2008, 9:03 am

الفرق بين الصراحة والإحراج


في حياتنا اليومية نضطر للتعامل مع شخصيات عديدة وهذه الشخصيات مختلفة التركيب ومتفاوتة النفسيات والأمزجة فمنها ذو الشخصية المرحة ومنها العنيد ومنها المعقد....ومن المؤكد هناك شخصية تعمل ليها إلف حساب تتعامل معها بحذر وتكون خايف تتفوه بكلمة تتحسب ضدك.... قد تكون هذه الشخصية صديق أو أخ أو حبيب أو زوج وزى مابقولوا الواحد بكون قاعد علي أعصابه لان مثل هذه الشخصيات لا تفرق بين الصراحة والإحراج
...................

......
...
.
( ود رياء المسكين )

الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: الفرق بين الصراحة والإحراج   الإثنين 16 يونيو 2008, 12:58 pm

الدين النصيحه. و قال عمر ابن الخطاب -رضي الله عنه-: لا خير في قوم ليسوا بناصحين، ولاخير في قوم لا يحبون النُّصح.

لكن من الواجب التزام الحزر عند تقديم النصيحه حتى لاتكون فضيحه... فلنتعلم مثلا من سيداء شباب الجنه...

ذكر في مرة من المرات ان الحسن و الحسين رضي الله عنهما، دخلا مكاناً للوضوء، فوجدا رجلاً من المسلمين يسيء الوضوء، أي: لا يتوضأ وضوءاً طيباً، فيهمل الوضوء كما يفعل كثير من المسلمين اليوم، تجد أحدهم يغسل يده، فلا يصل إلى المرفق مطلقاً، ويغسل قدمه، فلا يصل إلى العقب مطلقاً، والرسول صلى الله عليه وسلم يقول: (ويل للاعقاب من النار). دخل الحسن و الحسين على هذا الرجل وهو يتوضأ، فرأيا سوء وضوئه، وهما يعلمان بأن الله لا يقبل صلاة بغير وضوء صحيح. ما هي الطريقة الآن لنصح الرجل؟ ما هي أمثل طريقة لتعليم الرجل من غير جرح لكبريائه وهو شيخ يفوقهما سناً، والكبير عادةً لا يتقبل من الصغير. فنظر الحسن و الحسين إلى بعضهما نظرةً ذات مغزى، ثم اقتربا من الرجل، فقالا له: يا أبانا أو يا شيخ! إني أنا وأخي قد اختصمنا أينا أحسن وضوءاً، أنا أقول أنا أحسن وضوءاً من أخي، وأخي يقول: هو أحسن وضوءاً مني، فأردنا أن نحتكم إليك لتحكم بيننا أينا أحسن وضوءاً من الآخر، فتقدم الحسن فتوضأ وضوءاً نبوياً كاملاً، وأسبغ الوضوء، ما ترك شيئاً من سننه، ثم تقدم الحسين لما فرغ الحسن ، فتوضأ وضوءاً نبوياً كاملاً، وأسبغ الوضوء، ما ترك شيئاً من سننه، ثم التفتا إلى الرجل ينتظران منه الحكم، فوقع هذا العمل في قلب الرجل أشد موقع، وقال لهما بلسان معترف مستجيب: بل أنا والله الذي لا يحسن الوضوء، وأنتما علمتماني كيف أحسن الوضوء.

_________________
الطيب مبارك عبد الصادق الطيب

----------------------------------------------------------------------------------------------------------------------

حــســبــي الـلــــه لا الـــه الا هـــــــو عــلــيــه تــوكــلـت و هــو رب العــرش العـــطيــم
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الإثنين 16 يونيو 2008, 11:14 pm

الله الله عليك يالغالي انت والله بهذا المرور تنور هذا البوست بهذا المرور الجميل ياجميل

ودمتم لنا
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الفرق بين الصراحة والإحراج   الثلاثاء 17 يونيو 2008, 3:03 am

الصراحة ان تقول رايك بصدق فى موضوع ما لشخص ما دون مجامله ودهنسه ونفاق حتى اذا كانت

مؤلمه للشخص الذى سوف تبديها له
اما الاحراج ان تقول الكلام الغير مناسب فى المكان الغير مناسب على قولك يا ود ريا
واهلنا بقولوا (الصراحه راحه)
لكن يظهر ان الصراحه فى هذا الزمن بقت( رواحه ) يعنى بتروحك و بتودرك وتوديك فى 60 دهيه
عشان كده بلاش منها
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الفرق بين الصراحة والإحراج   الثلاثاء 17 يونيو 2008, 5:42 am

الغالي ود ريا تحياااااااااااااااتي من الأعماق
لموضوعك معنى كبير وفخيم وله فائدة عظيمة

أثني على كلامك فالصراحة أن يقول الانسان الصدق كل الصدق من غير زيف ولا كذب ولا نفاق
لكن هل هذا يعني أن أقول للولد ( أنك ابن حرام ) رغم صحة كلامي وصراحتي فيهو من غير كذب
هناك أماكن تقال فيها الصراحة وأماكن لايمكن أن يكون في ذكر للصراحة وهنــا يكون الالتباس بين فهم المعنيين للصراحة والاحراج
فدعونا نضرب الامثلة مثلا على كل الموقفين

انسان أعمي ولا يري .... هل من الجميل ذكره بالعمي في وجوده رغم اننا نقوده ونحركه
يمينا ويسار وهذه حقيقة واقعه لكن مراعاة لمشاعره لا يجب أن نلفت انتباهه دوما لأنه أعمي
رغم أنها صراحة وحقيقة

شخص يحب أن يتودد لك ويحاول أن يرسم الابتسامة عليك .. لكن يخونه الأسلوب أو
الطريقة فيجد منك رداً قاسيا يصنع الغضة في حلقة ألماً ......ولا يتمكن من الرد عليك
هذا هو الاحراج ..... دعونا نفرد هذه المساحة لنذكر فيها كل المواقف التي يمكن ان تمر
علينا ويحصل عندنا الالتباس بين الاحراج والصراحة والصدق وغيره من المفاهيم
شكرا هميما ود ريا .... شكرا
الرجوع الى أعلى الصفحة اذهب الى الأسفل
http://aljraif.forumotion.com
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الثلاثاء 17 يونيو 2008, 6:35 am

نساليه كتب:
الصراحة ان تقول رايك بصدق فى موضوع ما لشخص ما دون مجامله ودهنسه ونفاق حتى اذا كانت

مؤلمه للشخص الذى سوف تبديها له
اما الاحراج ان تقول الكلام الغير مناسب فى المكان الغير مناسب على قولك يا ود ريا
واهلنا بقولوا (الصراحه راحه)
لكن يظهر ان الصراحه فى هذا الزمن بقت( رواحه ) يعنى بتروحك و بتودرك وتوديك فى 60 دهيه
عشان كده بلاش منها

[size=29]

كلام جميل من جميل

بخصوص كلام
الشيخ الهندي الشريف
حتى الان الناس لم تفرق بين الصراحه وبين الاحراج والنصيحه بعض الناس يستعمل النصيحه في مكان الصراحه والصراحه في مكان النصيحه .
النصيحه لها شروط وتختلف من شخص للشخص اخر والاسلوب يختلف لكن الصراحه هذه تستعمل مع بعض الناس وليس كل الناس وفيها دليل في حديث الرسول المعروف ( مازال الرجل فينا نبعثه إلى كذا فياتي ويقول هذا لكم وهذا ............ إلى اخر الحديث الشريف هنا استعمل رسول الله صلى الله عليه وسلم عدم زكر اسم الشخص وعدم التجريح ولكن كان صريح مع الصحابة وعامة الناس بالمسجد بطرح مشكلة تخص الدولة المسلمة. وكان صلى الله عليه وسلم شفاف في اطرح المشكلة مع التحفظ في زكر الاسم ودعم التجريح الشخصي لكن اذا اختصم لديه شخصين كان يكون صريح بزكر الاسم .
وبخصوص الاعمى
والله الاعمى هو يعلم قبل الناس تعلم أنه اعمى لكن رغم هذا نتعامل مع الاعمى تعامل طيب واذا كل الناس بتكون صريحه وتقدم الصراحه وليس النصح بالطريقة الكريمه والله ما كان كثر ناس التسول ولا اعتمد اصحاب الحاجات الخاصة على باقي الناس (واذا قلنا له انت اعمى هنا يعتبر هذا احراج للشخص الضعيف ام الشخص القوى فممكن يكون مثل البصير ويعيش الحياة على اكمل وجه . ويكون انسان مساهم في التطوير والتقدم .
هذا ولكم خالص الشكر والتقدير


[/size]
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الأربعاء 18 يونيو 2008, 2:49 am


غايتو أنا ما عارف ..
لكن (على كلام أخونا تسالية) ..
بقولوا الزمن دا الداير يقول الصراحة يخت عكازه جنبو ..

ولنا عودة ..

ودمتم صريحين ...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الأربعاء 18 يونيو 2008, 3:55 am

الاخ ود سنقد

وين انت يالغالي
بخصوص عكازه العكاز الذي كان معك عندما انت تجري عشان تمسك كيس اللحم من الكلب موجود هذا العكاز هههههههههههههههه.
ودمتم سالمين
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الأربعاء 18 يونيو 2008, 4:09 am


غالينا ود ريا ..
ياخي شكرا كثيرا على سوالكم عنا ..
وبارك الله فيك ..
العكاز داك يا خوي قاعد هناك بغادي ..
ولا قصدك العكاز الضربتك بيه داك ؟؟ ههههههههههه
لا لو قاصد دا ياهو معاي .. بس ورني داير تاخد بيه منو ؟؟


ود ريا دم لي وحدي ...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الأربعاء 18 يونيو 2008, 6:45 am

الحبيب ود سنقد


تحياتي
المهم اي عكاز وين انت وين المواضيع الجميلة يجب تحويل العكاز للقلم .
تحياتي ود ريا الرماد
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الخميس 19 يونيو 2008, 6:41 am


معقولة بس يا شيخنا ؟؟
ولا هذا هو حال الشيوخ المتواضعين ؟؟
على كل حال يا ود ريا .. انا اخوك ات ..
سوف نحول العكاز إلى قلم يحكي عن تراث وقيم اهلنا ..
سوف نحوله لقلم يحكي عن أصالة شيخنا ود ريا .. وعن الهندي ود عز الدين ..
ويرسل ألشوق مدراراً إلى أخونا تسالية وابوتراجي وزينكوف وحسن وحافظ والرائع إخناتون ..
ويا الباقين انا ما ناسيكم بس خاتيكم براااااااااااااكم عشان اخصص ليكم كلكم الشوق والوله لرؤياك يا غالين ورائعين ويا من تسكنون اعماق قلوبنا ..

ود ريا وباقي العقد الفريد ..
دوموا لنا في امان الله ...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الجمعة 20 يونيو 2008, 11:22 pm

كل المشرفين تكلموا عن موضوع كلام منير للناس الذي يقول فيه ان ناس المنتدي لديهم جهل في الفقه وين انت من هذا لم نشوف ردك على هذا الكلام مع العلم انك في السابق تكتب كلام جميل ....
مع خالص تحياتي
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الأحد 22 يونيو 2008, 6:48 am

ود رياء كتب:
كل المشرفين تكلموا عن موضوع كلام منير للناس الذي يقول فيه ان ناس المنتدي لديهم جهل في الفقه وين انت من هذا لم نشوف ردك على هذا الكلام مع العلم انك في السابق تكتب كلام جميل ....
مع خالص تحياتي


حبيبي وشيخي ود ريا ..
تحياتي الكتارات ..
بالنسبة للموضوع مثار الجدل في المنتدى السياسي (لماذا المتعافي) ..
أصل الحكاية يا شيخنا وأصل الموضوع كان (زوبعة) الناس في غنى عنه ..
نحن يا ود ريا لما جينا المنتدى الحبيب كان بدافع الحديث عن بلدنا وقيمنا الحلوة ..
وكان بغرض تزكية النفوس وجمع الأهل الجوة السودان وبره السودان ..
وليس العمل على تفتيت الناس ..
انا الموضوع تابعنه بفضل تنبيه من أخونا تسالية وغيره من الشباب الحلوين ..
إطلعت على البوست الذي قاد الناس إلى التفرقة والتشتيت بسبب أمر لن تنتفع
منه الجريف ولن تطلع منه بقيد أُنملة .. ولا نقيرا .. سوى الألفاظ البذيئة والإنحطاط في المناقشة ..
إطلعت على الموضوع وليتني لم أطلع عليه .. صدمت أيما صدمة يا شيخنا ..
وإعتراني البؤس والشقاء والقرف الشديد على ما كتب وسطر .. بغض النظر عن من هو المسئ إلى من ..
لم أقدر على تكملته البوست والردود التي تلت الموضوع .. لم أسطتع ذلك يا شيخنا والله لسزاجة المناقشة (عفواً) ..
فكتبت إلى اخونا زينكوف راجياً منه نقل البوست إلى منتدى المشرفين لحفظ البقية الباقية من الشتات ..
ولحين النظر في أمره وأمر من أساء لغيره .. ليس بغرض العقوبة لا سمح الله .. ولكن بغرض كيفية الحفاظ على أحبابنا ولمتنا وتجمعنا الطيب .. وكيفية الحفاظ على منتدياتنا التي بذلوا فيه الأحباب المجهود الطيب والمقدر للخروج به إلى حيز الوجود زاهي انيق يشرح النفوس ..
والآن جاري البحث في الموضوع والمهاترات ..
لكن يا ود ريا والله أنا بكتب ليك وحاسي بأسى شديد جداً يعتريني بسبب ما حصل وبسبب ما أكتب بشأنه ..

ولا حولة ولا قوة إلا بالله العلي العظيم ..

(إدع إلى سبيل ربك بالحكمة والموعظة الحسنة ... ) الآية ..
(يا أيها الذين أمنوا إن جاكم فاسقٌ بنباءٍ فتبينوا أن تصيبوا قوماً بجهالةٍ فتصبحوا على ما فعلتم نادمين) ..
هذا وصلى الله عليك يا علم الهدى ..
ولي عودة في ذلك يا ود ريا ..
شيخنا وباقي العقد الفريد ..
دوموا في أمان الله إخوانا...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الأحد 22 يونيو 2008, 7:42 am

مشكور ود سنقد

لكن حتى الان موضوع الجهل بالفقه يخص عامة الناس وحتى الان انت لم تقوم بالدفاع عن نفسك ولا عن الاخرين ولكن مقبولة انت صادق .
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الإثنين 23 يونيو 2008, 5:31 am


يا ودريا ..
حتة الجهل بالفقة دي أفتكر إنها جات بناءً على الغضب الذي صاحب الموضوع ..
يعني جراء إنفعال ليس إلا ..
وبعدين يا أبوي الراجل دا كان قاصد الناس الكانوا بتتناقش معاه في ذات الموضوع ..
وحتى لو كان يقصدني أنا أو هم الأمر سواء ..
واحد قال ليك إنت ما بتفقه شئ في الفقه .. تقول ليه شنو يعني ؟؟
يعني تقول ليه انا بفقه فيه .. !! .. شئ غريب والله ..
قالوا الزول الما بصلي لما يموت يقوم يصلي بيه أفسد الناس ..
وأفسد واضل الناس دا يعرفوه كيف ؟؟ قالوا يقولوا يطلع واحد فقيه يصلي بالناس ..
والبطلع فيهم داك .. يكون هو أفسد وأضل الناس ..
والله لكن قصة غريبة خالص ..
انا بالذات لا أفقه شئ في الفقه .. والباقين ما عارف عنهم حاجة ..

ود ريا نحن دايرين نكون أكبر من كدا .. أكبر من التخاصم والشد والجذب ..
عاوزين نكون بعيدين عن المهاترات .. والسب واللعن وأمور الدنيا الفارغة التي تبعد الناس أكثر مما تقربهم .. الفقيه زي ودريا يعلم غيره .. والمتخصص في الحاسوب زي الهندي يعلمني انا مثلاً .. وكدا ..

ود ريا بجيك صاد ..

فقط دم قريب مني ...
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الفرق بين الصراحة والإحراج   الإثنين 23 يونيو 2008, 7:10 am

[quote="ود سنقد"]
[size=24]
يا ودريا ..
حتة الجهل بالفقة دي أفتكر إنها جات بناءً على الغضب الذي صاحب الموضوع ..
يعني جراء إنفعال ليس إلا ..
وبعدين يا أبوي الراجل دا كان قاصد الناس الكانوا بتتناقش معاه في ذات الموضوع ..

ود سنقد معقول يكون ده ردك ؟؟
اتهم منير الناس بالجهل بالفقه وتاتى انت
وتبرر له بحجة انه غضبان وانه لم يقصدنى بل قصد اللذين ناقشوه ووووالخ فى ذمتك ده مبرر
يعنى كل من يغضب يتهم ويسب من يشاء بحجه الغضب وليس عليه لوم ولى شنو؟؟
انا واحد من الناس الناقشوه وعارف منير قصدنى فى شخصى
لكن تجاوزا لاشياء كثيره لم ارد عليه بصفتى(تساليه)
بل خاطبته بصفه رسميه(كامشرف)ودعيت كل المشرفيين لمخاطبته الزين والهندى ماقصرو
ولكن ود سنقد(انت) كمشرف لم تبدى رايك ولم تخاطبه
وحينها لم اعلم لماذا
ولكن الان علمت وليتنى لم اعلم

الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الإثنين 23 يونيو 2008, 7:18 am

علمت شنو يا تسالية ؟؟
يا ريت لو رديت على باقي ردي ..
أنا ما قصدت ابرر موقف الراجل دا .. بقدر ما قصدت أوضح ليكم إنو دي كلها زوبعة فاضية ..
الهدف منها التفرقة بين الناس والتشتيت يس الا ..
لما يجي واحد يقول ليه انت ما بتفقه شئ وارد عليه انا فقيه .. وهكذا دواليك ..
يا تسالية الأمور ما بياخدوها بالطريقة دي ..
اما حتة انو يكون قاصدك في شخصك دي الحاجة البنرفضها نحن كأعضاء قبل ان نكون مشرفين ..
لانو نحن هنا بنمثل مجتمع باكمله ..
وبرجع ليك تاني تسالية ..

بس ما تسئ الظن في اخوك ..

تسالية دم لي ابد الدهر ..
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الفرق بين الصراحة والإحراج   الإثنين 23 يونيو 2008, 7:31 am

الاحباب ود ريا وود سنقد وتســـالية
عندي ليكم اقتراح في ضو المساحة الجميلة التي جمعتنا هنـــا في المنتى والخلقت
بيناتنا تآلف وترابط لم يكن موجود وخلقت محبة متواصلة ومتزايده وجميلة جدا جدا
رأيكم شنو نتجاوز المرحلة دي بشكل نهائي ولا نعود للحديث فيهــــا ياجماعه لكل
انسان فينا هفوات وغلطات وزلات واساءات وأخطاء ومافي زول فينا كـــامل أبدا
طيب أنا شايف أنو يكون جميل جدا لو بدينا نهرب من أي كلمة أو موضوع ممكن
يخلق بيناتنا شقوق أو خلافات او حساسيات وتراكمات في النفوس خلونا بعد عن السياسه
مع العلم الى انها جزء لا يتجزأ في الحيــاه لكن خلونا في منتدانا ده نهتم أكتر بأن ترابط
ونتحابب اكتر ونتعاون لأن نرسم على شفاه الغير الابتسامة الجميله ونتعاون على أن نمضي
في ترابط وتواصل ونقـــاء جميل بيناتنا كلنـــــا وخلونا نتعلم من بعض وننشر قيم للناس
البعدنـــا والحولنـــا ننقاش مشاريع حقيقية ممكن نحققها عبر المنتدى . اجتماعات ولقاءات
وبحوث علمية ونقاشات حضارية وأراء ثقافية وأساليب متحضرة وصورة جميله نفتخر بيها
خلونا بعيد عن المهاترات وبعيد عن استغلال المنتدى للكتابة والاسائة والمهاترات والنقاشات
الغير مفيده ... بالمناسبة وعذرا لهذه الكلمة خاطبني بعض الاخوة الاعضاء كثيرا في
الحقيقة وأعربو عن استيائهم للمنتدى في الفتره الاخيره والتي أصبح كله مهاترات ومشاكل
وابتعدوا لهذه الاسباب .. وانا في الحقيقة وأنتم أيضا نتفق على اننا كلنا لجأنا للمنتدى علشان
نفرق همومنا ونفرق احزاننا ونناقش مشاكلنـــا وقضايانا ونتبادل مشاعر الاحترام والتقدير
ونتعارف على بعضنـــا أكتر ونترابط أكنر وأكتر

عذرا جميلا صاحب البوست وعذرا ايها الافاضل على اطالتي وخلونا كلنــا نتذكر نحنا
الجرافة لو مات فينا زول بتبكيهو عيوننا وأرواحنــا وجل اجزاء أجسادنـــا ومننا البمشي
يحفر والبمشي يجهز الكفن والبمشي يجهز الصيوان والبجيب الكراسي انتو يا اهلي ناس
الحارة وناس الواجب وأهل الذوق وأهـــل الفضل والكرم والجود والخلق الجميل والكلم
الطيب والتواصل الجميل والترابط المعهود في الجرافة والأنا بافتخر بيهو بين كل البلاد
خلونا نعيش في المنتدى في سعادة ونجتهد كلــــــنا ان نبحث عن السعادة أينما كانت نجلبها
هاهنا خلونا ننشر قيم أهلنـــا وعاداتنا وتقاليدنـــا وجمال روحنـــا وحلاوة نوايانا ....


الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 12:12 am


أخونا وحبيبنا الهندي ود نابري ..
وأنا معاك في رأيك أرح ننشر الفضيلة بيناتنا وروح الود والالفة الطيبة ..
نكون احباب زي ما نحن .. ونكون جرافة يا واحد الله ..
نتحابب بيناتنا وننشر الخير والأمل في بكره .. نتواعد وتتلاقى عيونا في بهجة ومسرة ..
نحب بعض ونسامح بعض .. ونتعلم من بعض .. ونفسح لينا مساحة كبييييييييييرة
من الحب والإحترام والتقدير للغير ..
انا معاك يا أستاذي .. ومستعد أتكلم بلسان باقي الأحباب المعانا هنا واللسة جايين بعدنا ..
إنهم معاك يا هندي في تبادل الحب بين الناس ونسيان زلة اللسان والهفوات البترجع الناس لوراء ..


صاحب البوست وهندي وباقي أحبابي الكرام ..

دوموا لنا أحباباً متسامحين ...
الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 12:38 am

ود رياء كتب:
الفرق بين الصراحة والإحراج


في حياتنا اليومية نضطر للتعامل مع شخصيات عديدة وهذه الشخصيات مختلفة التركيب ومتفاوتة النفسيات والأمزجة فمنها ذو الشخصية المرحة ومنها العنيد ومنها المعقد....ومن المؤكد هناك شخصية تعمل ليها إلف حساب تتعامل معها بحذر وتكون خايف تتفوه بكلمة تتحسب ضدك.... قد تكون هذه الشخصية صديق أو أخ أو حبيب أو زوج وزى مابقولوا الواحد بكون قاعد علي أعصابه لان مثل هذه الشخصيات لا تفرق بين الصراحة والإحراج
...................

......
...
.
( ود رياء المسكين )




قال امير المؤمنين سيدنا عمر بن الخطاب رضي الله عنه: ( رحم الله امرأ اهدى إلي عيوبي ).

حقيقه كـــــــلام من ذهـــــب .. فقط تامل في الكلمات و ستغنيك عن الف كتاب في هذا الموضوع.. هذه هي سماحة و رقي اجدادنا, فهلا استفدنا منها ولو القليل..

.

_________________
الطيب مبارك عبد الصادق الطيب

----------------------------------------------------------------------------------------------------------------------

حــســبــي الـلــــه لا الـــه الا هـــــــو عــلــيــه تــوكــلـت و هــو رب العــرش العـــطيــم


عدل سابقا من قبل ronaldo في الثلاثاء 24 يونيو 2008, 1:07 am عدل 1 مرات
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 12:59 am

الاخ ronaldo

مشكور اخي الغالي على المرور ولك الحب والتقدير .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 1:08 am

الهندي ود نابري كتب:
الاحباب ود ريا وود سنقد وتســـالية
عندي ليكم اقتراح في ضو المساحة الجميلة التي جمعتنا هنـــا في المنتى والخلقت
بيناتنا تآلف وترابط لم يكن موجود وخلقت محبة متواصلة ومتزايده وجميلة جدا جدا
رأيكم شنو نتجاوز المرحلة دي بشكل نهائي ولا نعود للحديث فيهــــا ياجماعه لكل
انسان فينا هفوات وغلطات وزلات واساءات وأخطاء ومافي زول فينا كـــامل أبدا
طيب أنا شايف أنو يكون جميل جدا لو بدينا نهرب من أي كلمة أو موضوع ممكن
يخلق بيناتنا شقوق أو خلافات او حساسيات وتراكمات في النفوس خلونا بعد عن السياسه
مع العلم الى انها جزء لا يتجزأ في الحيــاه لكن خلونا في منتدانا ده نهتم أكتر بأن ترابط
ونتحابب اكتر ونتعاون لأن نرسم على شفاه الغير الابتسامة الجميله ونتعاون على أن نمضي
في ترابط وتواصل ونقـــاء جميل بيناتنا كلنـــــا وخلونا نتعلم من بعض وننشر قيم للناس
البعدنـــا والحولنـــا ننقاش مشاريع حقيقية ممكن نحققها عبر المنتدى . اجتماعات ولقاءات
وبحوث علمية ونقاشات حضارية وأراء ثقافية وأساليب متحضرة وصورة جميله نفتخر بيها
خلونا بعيد عن المهاترات وبعيد عن استغلال المنتدى للكتابة والاسائة والمهاترات والنقاشات
الغير مفيده ... بالمناسبة وعذرا لهذه الكلمة خاطبني بعض الاخوة الاعضاء كثيرا في
الحقيقة وأعربو عن استيائهم للمنتدى في الفتره الاخيره والتي أصبح كله مهاترات ومشاكل
وابتعدوا لهذه الاسباب .. وانا في الحقيقة وأنتم أيضا نتفق على اننا كلنا لجأنا للمنتدى علشان
نفرق همومنا ونفرق احزاننا ونناقش مشاكلنـــا وقضايانا ونتبادل مشاعر الاحترام والتقدير
ونتعارف على بعضنـــا أكتر ونترابط أكنر وأكتر

عذرا جميلا صاحب البوست وعذرا ايها الافاضل على اطالتي وخلونا كلنــا نتذكر نحنا
الجرافة لو مات فينا زول بتبكيهو عيوننا وأرواحنــا وجل اجزاء أجسادنـــا ومننا البمشي
يحفر والبمشي يجهز الكفن والبمشي يجهز الصيوان والبجيب الكراسي انتو يا اهلي ناس
الحارة وناس الواجب وأهل الذوق وأهـــل الفضل والكرم والجود والخلق الجميل والكلم
الطيب والتواصل الجميل والترابط المعهود في الجرافة والأنا بافتخر بيهو بين كل البلاد
خلونا نعيش في المنتدى في سعادة ونجتهد كلــــــنا ان نبحث عن السعادة أينما كانت نجلبها
هاهنا خلونا ننشر قيم أهلنـــا وعاداتنا وتقاليدنـــا وجمال روحنـــا وحلاوة نوايانا ....


مشكور الشيخ الهندي على هذا الكلام

لكن هذا المنتدي ليس فيه شخصي الضعيف والاستاذ تسالية فقط فيه كما اعلم الاخ منير السماني الذي لم يكتب اسمه منك ولا من ود سنقد وحتى الاخ ود سنقد لم يحتج على كلام منير عندما احتج كل المشرفين هل هذا عدل ياسادة وين العدل ............... هذا يعني شئ واحد فقط ان كل من يقوم بهذه المشاكل هو ودريا وتسالية صح وين باقي الناس . وانا الان بطلب منكم وانتم اهل الاصلاح الاعتزار الان وكتابة اسم منير وباقي الاخوان الان او لا سمع ولا طاعة لكم . مع خالص الاحترام وهذا حق من حقوقي
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 1:26 am

بخصوص الاخلاق

والله نحن اهل الاخلاق والاحترام والاصلاح بين الناس وانا من يقوم بالاصلاح بين الناس في هذا المنتدي والاخ ود سنقد يعلم هذا جيد , لكن عشان الواحد يرد له الاعتبار يجب عليكم وانتم لكم قدر كبير عندي يجب عليكم كتابة اسم منير السماني الان كيف يكون هذا عدل بالله واسم منير لا يكتب حتى الكتابة يخاف منها الناس انتم رجال وانا اعلم ذلك ولكم خالص الشكر والتقدير . وان كان موضوع السياسة يعني لكم عدم معارضة نظام الحكم والله انا بعتبر هذا المنتدي نسخة من تلفزيون السودان نحن نتكلم عن ولاية الخرطوم التي فيها مدينة الجريف وهذا الموضوع يخص الجريف وتكلم الاخ عمر حسن عن هذا الموضوع بان الوالي باع اراضي الجريف وله الشكر الاخ عمر ولكم خالص الشكر والتقدير .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 1:40 am

الغالي ابو امنه

السلام عليكم وبارك الله فيك انا موجود بس امس كنت مريض ولكن الان الحمدلله ومشكور
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الفرق بين الصراحة والإحراج   الثلاثاء 24 يونيو 2008, 1:52 am

ود رياء كتب:

مشكور الشيخ الهندي على هذا الكلام

لكن هذا المنتدي ليس فيه شخصي الضعيف والاستاذ تسالية فقط فيه كما اعلم الاخ منير السماني الذي لم يكتب اسمه منك ولا من ود سنقد وحتى الاخ ود سنقد لم يحتج على كلام منير عندما احتج كل المشرفين هل هذا عدل ياسادة وين العدل ............... هذا يعني شئ واحد فقط ان كل من يقوم بهذه المشاكل هو ودريا وتسالية صح وين باقي الناس . وانا الان بطلب منكم وانتم اهل الاصلاح الاعتزار الان وكتابة اسم منير وباقي الاخوان الان او لا سمع ولا طاعة لكم . مع خالص الاحترام وهذا حق من حقوقي

ود ريا مالك في شنو أبوي ؟؟
منير ماله ؟؟ ونكتب اسمه وين ؟؟ وعدل شنو البتتكلم عنه والي نحن مقصرين فيه ؟؟
ومنو القال إنك وتسالية بتقوموا بالمشاكل وتفعلوها ؟؟ وناس شنو الماكتبنا اساميهم ؟؟
ونكتبهم وين ؟؟ يا ود ريا والله بقيت ما فاهم منك حاجة .. أرجو التوضيح أكثر ..
وعلى العموم انا شايف إنك مكبر الموضوع حبتين .. الموضوع ما بستاهل دا كله ..
هدي اللعب يا ود ريا .. ولو مصر على الموضوع دا أوكي ارح ناقشني .. ولو ثبت إنو أنا مقصر في حق واحد من الناس أو أكلت حق واحد أو أي حاجة من هذا القبيل .. انا مستعد أنسحب من الإشراف على المنتدى تماماً ..
وإن دعا الأمر أنحسب من المنتدى كله .. ولا أظلم واحد أو أجحف على أحد ..
بس يا شيخنا ود ريا أرجو التوضيح ما أمكن ..

ود ريا شيخي دم لنا ولها ولهم ...
الرجوع الى أعلى الصفحة اذهب الى الأسفل
 
الفرق بين الصراحة والإحراج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: