............

حبابك عشره يا زائر
 
الرئيسيةالتسجيلدخول

شاطر | 
 

 لنكن ازوالاً بحق نرفع اسم السودان يشرفنا ونشرفه...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: لنكن ازوالاً بحق نرفع اسم السودان يشرفنا ونشرفه...   السبت 14 يونيو 2008, 11:48 pm

كلمة (الزول)
تلك اللفظة العربية التي أصبحت تعادل كلمة (سوداني ) في كل مهجر ومغترب،
حتى أصبحت شعاراً للسوداني –هي والعمامة-
من فصيح العريبة ولها في لسان العرب أكثر من سبعة عشر معني ، فالزول تعني :

1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال

2- والزول : الخفيف الحركات قال ابو منصور الثعالبي في حديثه عن الممادح والمحاسن،

حين ذكر أطوار الإنسان : فإذا كان حركاً ظريفاً متوقداص فهو : زول.

3- والزول الفتى ، قال محمد بن عبيد الله الكاتب المشهور بالمفجع يمدح عليا رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.

4- والزول : العجب ، ألا تري أن السوداني إذا استغرب شيئاً قال : يا زول؟!

يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .

5- والزول : الشجاع الذي يتزايل الناس من شجاعته

6- والزول : الخفيف الظريف الذي يعجب الناس من ظرفه .

7- والزول : الغلام الظريف .

8- الداهية .

9- معالجة الأمر كالمزاولة .

10- التظرف .

11 - الحركة .

12- الصقر .

13- والزولة : المرأة الظريفة ، قال الصمعي : أنشدني عشرقة المحاربية،

وهي عجوز حيزبون زولة ..قال أبو علي : الحيزبون التي فيها بقية من شباب

14- المرأة البرزة( الجميلة) الفطنة الزكية قال الطرماح بن حكيم:
وأدت إلي القول منهن زولة****تلاحن أو ترنو لقول الملاحن
والملاحنة هي الفطنة.

15- والزولة : الفتية من الإبل أو النساء ، قال رؤبة بن العجاج:
قد عتق الأجدع بعد رق **** بقارح أو زولة معق

16- ووصيفة زولة : إذا كانت نافذة الرسائل

17- ويقولون فلان رامي الزوائل : إذا كان خبيراً بالنساء ، قال الشاعر:
وكنت امرأً أرمي الزوائل مرةً****فأصبحت قد ودعت رمي الزوائل
فهذا رجل كان يجتذب النساء في شبيبته بحسنه فلما أسن أنصرف عن ذلك .

فالزول والعمامة شعار سوداني- وأكرم به- ونحن نسعد ونفخر أن يكون شعا! رنا كلمة عربية فصيحة في قمة الفصاحة هي ( الزول) ، وسنة نبوية وعادة إسلامية عربية أصيلة هي ( العمامة) والعمامة لباس النبي صلي الله عليه وسلم وأصحابه والتابعين والأئمة والفقهاء . وقد كانت لباس العرب قبل الإسلام حتى قالوا( العمائم تيجان العرب)
ومن الشائع في كلامنا أننا نقول( فلان زول الله أو زول جنة) إذا كان طيب القلب سليم الصدر ، والسودانيون عموما معروفون بطيبة القلب –وهذا مصدر فخرنا- ولكنهم ايضأ مشهورون بأنهم كالكبريت أو البنزين في سريع الاشتعال وفي الحالتين لا يشتعلان إلا بمثير ، والطيب ايضا يبقى طيباً إلي أن تثيره وتحرك فيه ما يخدشه فيغضب ويشتعل.
قيل لأحدهم ما تقول في السوداني و...؟ وذكروا جنسية أخرى ، فقال عن الجنسية الأخرى: ( هو كالسيجارة ندري أنها تضرنا ومع ذلك نتعاطاها، أما السوداني فهو حليو زي البيبسي ، بس لا ترجو).
ولنكن أزوالاً بحق نرفع اسم السودان يشرفنا ونشرفه.
[/size]
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الإثنين 16 يونيو 2008, 1:20 am

يا زول يالغالي احمد

مشكور على هذا الموضوع الجميل يارائع ياجميل
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الإثنين 16 يونيو 2008, 3:09 am


يا زووووووووووووول ؟.؟
فعلاً أنت زول رائع يا زول ..
جعلنا الله أزوالاً نمارس أغلى انواع الزوق والرقي ونعكسه للعالم الخارجي ..

فعلاً زول ..


فقط دم لنا زولاً راقياً ..
الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الإثنين 16 يونيو 2008, 8:01 am

الزول البندورة الليمونة الليله يا ...مانعنى مانزورة الليمونه الليله يا.........


لكم التحيا الزولين ودريا ودسنقد.....

بس كلمة زول مافى ناس مسخوها غير السعودين ....
والله لما تقابل سعودى قليل ادب فى اشارة اقولك ( ايا يازول ) تقرب تنزل عليه تديه كفين سمحات ..
وهم البدو ما عارفين معناها لكن بنطقوها بطريقة غريبة خلاص.
الرجوع الى أعلى الصفحة اذهب الى الأسفل
معتصم بابكر عبدالعزيز
مشرف
مشرف


عدد الرسائل : 240
العمر : 39
الاقامة : أرض الطيبة والطيبين وبلد الأمن والأمان وتلاوة القران
المهنة : موظف بفندق القصر
تاريخ التسجيل : 06/06/2008

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الإثنين 16 يونيو 2008, 8:46 am

زولى الاخضر ان شفته بخدر الزول زولى

الفنان احمد عوض
الزول الرائع تحياتى ومشكور على الموضوع وبصراحة المعلومات الواردة فيه جديده على وبخصوص السعوديين اقول ليك
ها زول روق شوية وخليك من السعوديين الماعندهم موضوع وشوف مصالحك وين أزول
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الثلاثاء 17 يونيو 2008, 2:03 am


الزول زولي أنا .. انا بريد زولي انا ..
فعلاً ياشباب المعلومات الجابها ابو حميد جديدة على أنا بالذات ..
وفعلاً نحن بنمتاز بكلمة زول عن بقية دول العالم وبنفتخر بيها .. لا سيما وهي تمت إلى اللغة العربية بكبير صلة .. وأصل كلمة ..

يا زول .. الزول داك .. الزول زولي .. الزول دا جاك .. والله الزول دا كرهني البلي ...

غايتو يا زول ..

ربنا يخليك لينا ..

ودمت زولنا ...
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: لنكن ازوالاً بحق نرفع اسم السودان يشرفنا ونشرفه...   الخميس 19 يونيو 2008, 11:30 pm

وين يازولنـــا كتر خيرك والله موضوعك موضوع زول
ده فعلا موضوع كاتبه زول صحي زول تمام واحسن زول
شكرا كتير ليك يازول ةربنا يكتر لينا الازوال زيك

الرجوع الى أعلى الصفحة اذهب الى الأسفل
http://aljraif.forumotion.com
 
لنكن ازوالاً بحق نرفع اسم السودان يشرفنا ونشرفه...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: