............

حبابك عشره يا زائر
 
الرئيسيةالتسجيلدخول

شاطر | 
 

 الجريف بعيون اهلها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: الجريف بعيون اهلها   الأربعاء 28 مايو 2008, 6:16 am


ايها الأعزاء الأفاضل ..
هذه مساحة أردت أن أفردها لكم .. لتنشروا فيها ما تفيض بها جوانحكم
من حب لهذه المنطقة العملاقة .. التي أعطت وما زالت تعطي الكثير الكثير لأبنائها وغير أبنائها ..
الجريف أرض المحنة والكرم والبسالة ..
أهلها في قمة الكرم .. شبابها في غاية الشجاعة ..
كبارها في غاية البساطة .. نساءها في قمة التعاون والتكاتف ..
لعل لكل واحدٍ منكم قصص وقصص وحكاوي عن هذه الأرض الطيبة واهلها الكرام ..
فرأيت أن نخصص لكم موضعاً لتحكوا لنا عنها واهلها ..
فكانت (الجريف بعيون اهلها) ..
هيا بنا نحكي للعالم عن محطة عشرة .. وفريق سرحان .. ومحطة تمانية .. وفريق الضلمة ..
وفريق الشفيع .. وحي الدناقلة .. وتنزانيا .. والخور .. والحوش .. ومحطة تسعة ..
هيا نحكي عن قصص عبد الله ود رابح الرجل الضاحك الضحوك رحمة الله عليه ..
نحكي عن عمالقة بلدنا .. عن قامات بلدنا .. عن تراث بلدنا .. عن بطولات اهلنا ..
عن مواقفهم الشجاعة والعظيمة .. عن تكاتفنا في الملمات والمناسبات .. عن جمعياتنا الخيرية ..
عن .. عن .. عن ..
اخواني الاعزاء .. هيا اطلعونا على ما تحملون من حب لهذه البلد الرائعة ..


ودمتم في حفظ الله ...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأربعاء 28 مايو 2008, 6:40 am


أذكر فيما أذكر .. لما كنا صغار .. تقريباً في سنة ثلالثة إبتدائي ..
كونا فريق سميناه فريق السلام .. كنا بنجي من المدرسة ونخش ليك في اللبس خمسة المعروف .. فنيلة حمالات .. وشورت الزمن دالك .. ونمشي ليك على الدونكي (ميادين كركوج) بغادي لمعهد النعمة حاج الطيب حالياً .. ومدرسة النعمة .. لكن والله كنا بندق كورة زي الليل ..
وكان فريق قوي جداً .. وكنا بنعمل مباريات مع ناس فريق الشفيع .. الحلة ورا.. وعااااااااادي كنا بنغلبهم ليك .. وبعد ما نغلبهم تقوم المشاكل بيناتنا .. عشان شنو ؟؟ غلبناهم .. وما برضوا الكلام دا .. لكن والله نتشاكل الليلة وبكرة نجي المدرسة كأنوا ما حصل أي حاجة امس .. سبحان الله الناس كانت حياتهم بسيطة جدا ونفوسهم صافية ..
وبتذكر جونا ناس من أمدوم ولعبوا معانا مباراة وغلبناهم ليك .. ودعونا نجيهم في أمدوم وفعلاً قد كان .. وبرضو غلبناهم وبعد المبارة والله قاموا فلقونا ليك بالطوب ..
وبتذكر من اللعيبة الكانوا معانا .. الطيب الجزار .. وأخوه حمود الجزار .. والسيد عبد الرحيم .. ووليد .. وياسر قوطة .. وكاوندا .. وغيرهم من العمالقة ..
والعجب يوم العيد تلقى الهدوم جديدة وطبعا الشرابات اكرم الله السامعين بكونوا من غير حزاء ..
وكنا بنعمل قدات بعد كل تمرين تقريباً في بيت واحد من اللعيبة .. وكنا متكاتفين جدا والله ..
لكن وقبل سيول 88 تقريباً جاتنا إمتحانات شهادة الأساس وبعدها عينك ما تشوف إلا النور ..
وتاني ليوم الليلة ما قامت لينا قائمة ..

اخوتي .. دمتم لنا ...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأربعاء 28 مايو 2008, 6:47 am


زمان كان عندنا برنامج ثابت مع بعض الأخوان في الحلة ..
وكان برنامج رائع جد والله ..
كنا شخصي التعبان دا .. وأنور إبراهيم جميل .. يسن محمد هارون .. جدو محمد عمر المهل .. بدر الدين بابكر .. بكري عبد الرحيم (ابشامة) لؤي محمد بليل .. هيثم شمس الدين .. محمد مبارك خواجة .. محمد نور الدائم .. وغيرهم .. كان عندنا برنامج كتشينة ثابت .. بالكاد يكون يومياً .. في اي بيت من البيوت .. وكنا بتذكر بنلعب للصباح وخصوصاً في رمضان .. بنتسحر ونرقد ننوم .. وكان عندنا ليالي قمرية بصحبة الفنان محمد نور الدائم .. في البيتش بتاع قمر مقابل الخور ..
ومرات بنمشي التميد .. ونشيل معانا الحاجات السمحة (ماتفهمونا غلط) قصدي الأكل والشراب .. لكن والله لما ود نور الدائم دا يشدو ليك لحمد الريح كدا .. ياسلاااااااااااااام ..
بس اسه مشاغل الحياة والله بقت حاجة عويصة خلاص ..
وبالمناسبة أنا بتحداكم في الاربعتاشر .. أخوكم نجييييط فيها ..
ربنا يرجع لينا أيام الصفاء ..


ودمتم لنا ...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الجريف بعيون اهلها   الأربعاء 28 مايو 2008, 11:33 pm

في البيتش بتاع قمر مقابل الخور ..

[size=29]والله ياودسنقد حلوه البيتش بتاع قمر


والله ايام حلوه واتحداك تعيد هذه الايام مرة ثانية لا انت ولا الذين كانوا معك من الصعب ان تعود هذه الايام , مع مشاغل هذه الحياة التى لا تنتهى .

انشاء الله يجعل ايامك افراح وهنا وسعادة[/size]
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الخميس 29 مايو 2008, 12:52 am

ود ريا ..
دايماً ما تحرجنا بمرورك الطيب .. وتعقدنا بيه ..
شكراً كثيراً على الطلة الزاهية بلون الورد والفل والياسمين ..
فعلاً الأيام الحلوة أولاً بتنتهي بسرعة بالإضافة إلى إنها ما بتجي تاني وما بتتعوض أبداً ..
لكن عزانا الوحيد يا ود ريا إننا بنتلزز بيها في دواخلنا وبناجي بيها زاكرتنا ..

* * *
عندنا في الحلة عاملين لينا جمعية والجمعيات كتار في البلد .. إسمها جمعية الهادياب ..
ليها من العمر قرابة الخمسة عشر عاماً يا واحد الله .. ود ر يا قول ماشاء الله ..
ما تسحرنا .. ههههه .. وبنتلاقى كل إسبوع في بيت واحد من الأعضاء .. وطبعاً دي لأسرة الهادياب ومن ينتسب إليها .. وعندها قوانين ولوائح ماشة بيها .. وأهم ما يميزها أنها تعمل على الربط بين الأسر بالإجتماعات الدورية الإسبوعية .. وتعمل على خلق علاقات ودية طيبة بين الناس وربطهم ببعض ..
يا ود ريا إنت بتعمل في شنو ؟؟ وين زكرياتك الحلوة في سرحان وفي قمر وفي كركوج ؟؟
يلا أفسح لزكرياتك مجال للتعبير والتنفيس عن ما يجيش بداخلك ..
وإنتو كمان يا أحباب ..
يلا المساحة دي للجرافة وحبايبنا الساكنين معانا ..

فقط دوموا لنا ...
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: الجريف بعيون اهلها   الخميس 29 مايو 2008, 12:57 pm

يوم كنت واقف فى موقف بصات الجريف بالخرطوم جوار فنادق الحرمين [ يعنى زمااااان] فسألنى احد الواقفين : يا ولدى انت من الجريف ؟ فقلت له نعم . فقال لى انا عندى ولدى مقدم للعمل بالسعودية والمدير المسؤل عن مكتب القنصل الثقافى السعودى من ناس الجريف وانا عاوز اقابله عشان يشيل ولدى
وانا مستعد لأى حاجة ... ولأنى اعرف ذلك المسؤل ونتعشى يوميا مع بعض فقد غضبت غضباً شديدأ وقلت له يا حاج!
المسؤل دا اخوى ود عمى لو ولدك مؤهل فسوف يجتاز المعاينة وتركته وذهبت . وبعد 2سنة سافرت للسعودية وهناك قابلت احد معارفى بالهاتف السعودى بالرياض فقال لى معانا زميلنا من الصحافة ومعجب بالجريف شرق لدرجة العبادة.
ولما قابلته وجدته إبن ذلك الرجل وقال لى ابوه رجع بعد ان قابلنى وقال له والله ياولدى المسؤل دا انا قابلت ود عمه فى موقف البصات ولقيت ناس الجريف ديل ناس حارين وما ناس خمج.
وكان[ أخدوك اوما اخدوك] انا عافى منهم
والحمد لله ابنه تم اختياره والمطلوب 5 من بين اكثر من 200 متقدم.
وهذا الرجل العصامى هو صديق حسين حاج الطيب اول مدير لمكتب القنصل الثقافى السعودى بالسودان.وبعد عدة سنوات عندما اراد هو ان يذهب للعمل بالسعودية إشترى عقد من حر ماله.
ودمتم لنا
خضر حسن
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأحد 01 يونيو 2008, 5:42 am


والله كلام ..
يا خضر والله فعلاً انا بعرف ناس مسئولين من الجريف ..
ما عندهم حتة الوساطة والكلام الفارغ دا .. ود حاج الطيب أفو عليه كفو والله ..
ياخ عندنا ناس جرافة الناس بتكرهم عديل كدا ..
ليه ؟؟ عشان ما بخدموا الناس .. طيب ياخ إنت يخدموك بالأعوج ؟؟
والله لكن كلام غريب خلاص ..
يا أبناء الجريف دمتم لنا أنصاراً للحق .. وأصيلين وكريمين ..
ود حسن .. شكراً على المرور ..

دم لنا ...
الرجوع الى أعلى الصفحة اذهب الى الأسفل
قرشي التوم
عضو نشط
عضو نشط


عدد الرسائل : 49
مزاجك اليوم :
تاريخ التسجيل : 10/03/2008

مُساهمةموضوع: رد: الجريف بعيون اهلها   الإثنين 02 يونيو 2008, 6:26 am

ود سنقد ربنا يديم المعروف بين اهل الجريف

ولكنني فقدت حي كمائن الطوب ولم اجدة ولم اجد اشارة اليه لعل المانع خير
ثم انني اعجبت ايما عجب ببرنامج الاخوان الذي زكرته واتمني ان يعود هذا البرنامج
مع خالص مودتي وتقديري اخوك القرشي
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الثلاثاء 03 يونيو 2008, 2:09 am


قورا ..
تحياتي بحجم قارة .. لشخصك الغالي علينا ..
اشكرك جزيل الشكر على المرور الطيب ..

آمين .. ويديم المعروف بينا وبينك يا مك ..
بالنسبة لكمائن الطوب يا باشا .. الحيكومة قامت بنزع الأراضي قهراً من أسيادها ..
وقاموا بتعويضهم .. بأقل أقل أقل مما يجب تعويضهم ..
في ناس عوضوهم والبقية لسه جاري البحث ..
متناسين في ذلك المهنة الرئيسة لهؤلاء الناس الغلابة .. والعاملبن على هذه الأرض الطيبة ..
وكمية من ينتفعون من هذه الأراضي .. وهذا ما لزم توضيحه قورا ..
وبالنسبة لإعجابك يا باشا .. شكراً وفيراً على الحس الراقي ..
ونتمنى معك ان يعود ..

قورا ..
دم لنا ...
..
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الخميس 05 يونيو 2008, 12:47 am

قرشي التوم كتب:
ثم انني اعجبت ايما عجب ببرنامج الاخوان الذي زكرته واتمني ان يعود هذا البرنامج

هووووووووي ياقورا ..
انا عااااااارفك قاصد شنو بكلامك دا ..
وانا يا اخوي ما قاصد الأخوان المسلمين ..
بل قصدت الأخوان الأخوان الجد جد زيك خوتك دي يا قورا ..

بالله ياشباب ما تفهمونا غلط ..

يا حليل أيام زمان .. زمان ناس ابسوكة والتيسير ودامبة وعباس ود موسى ..
وجدو .. وبدر ويسن .. ولؤي ود محمد بليل ... إلخ ..
وزمان ناس النيل محجوب ود الكديري .. وعصام جحا ..
ومكرم رزق الله (ميلا) والصادق الفهد .. وفائز آغا .. وإسكون وجمال عيسى ..
ويحيى وبابكر كرار (كركر) وعادل بهيج ..
وشلة ورا ناس فريق الجمعة .. اولاد عمك مختار وغيرهم وغيرهم ..
ربنا يديم المعروف ..

ودمتم لنا ...
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الجريف بعيون اهلها   الأحد 08 يونيو 2008, 3:03 am

في واحدة من ضباط الجيش تسكن الجريف شرق وكانت هذه الضابطة لا تسلم على الناس وبتعامل الناس معاملة غير حميدة ولكن لديها ام طيبة وتدخل على الجيران , وفي يوم من الايام وهي بالعمل توفى والد هذه الفتاة وعندما اتصل عليها اهلها واخبروها بأن والدها توفي حضر معها مجموعة كبيرة من الضباط والعسكر ومجموعة من عربات الجيش لكي يقوموا بحفر القمر لكن والحمد لله رجال الجريف قاموا بالواجب بحفر القبر ودفن الميت وتحضير الصيوان , وعندما دخل ضابط الجيش برتبة عميد قال لها انتي لم تعرفي ناس الجريف ناس الجريف ناس واجب وعندها تغير حال الضابطة من معاملة غير طيبة إلى معاملة طيبة . وهذا الحال الجريف وهي الان تسكن الجريف وتحب الجريف اكثر من ناس الجريف .

ود رياء النادر
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأحد 08 يونيو 2008, 5:49 am


ود ريا حبيبنا ..
تحيات كتارات ..
أفو أفو أفو ديل الجرافة أسياد البلد ..
ديل الجرافة البعدلوا الميل ..
ديل الجرافة البشدوا الحيل ..
والله لو ما عملوا كدا يكونوا ما جرافة .. أفو أفو أفو ..
الجرافة إنفردوا بالعادات الجميلة التي قل أن تجدها في غيرها من المدن ..
والدليل على هذا يا ود ريا تجد ألاف الناس يقبلون على هذه الأرض الطيبة ويجعلونها ملاذاً لهم ومسكناً .. لجمال اهلها وطيبتهم وأصلهم الطيب ومعدنهم الجميل .. ولدرجة الأمان التي لا توجد في غيرها .. لكم أنتي جميلة يا جريفنا ..

ولنا عودة ..


ودمتم ...
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: الجريف بعيون اهلها   الثلاثاء 10 يونيو 2008, 3:22 pm

ماتخلوا الناس تتحدث عننا ودى عادات
الجريف واهلها والله لو ما عملوا كدا يكونوا ما جرافة
ابو تراجى
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: الجريف بعيون اهلها   الثلاثاء 10 يونيو 2008, 4:52 pm

شكراً يا ود رياء
شيخنا ود بدر سيد الإسم قال جريفاتى فوق كتيفاتى ... هذه الشهادة للعارف بالله تكفينا
فإن الجريف من دخلها صار أمناً... وأذكركم هنا بقصة البطل المرحوم ابراهيم السيد { حلة سرحان} الذي قدم روحه الطاهرة فداءً لمن استغاث به...{ المستغيث والمعتدى لم يكونوا جرافة}
ودى عادات
الجريف واهلها والله لو ما عملوا كدا يكونوا ما جرافة
ابو تراجى

... ... ... ...
ديل الجرافة البعدلوا الميل ..
ديل الجرافة البشدوا الحيل
ود سنقد

... ... ... ...
ودمتم لنا
خضر حسن
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الجريف بعيون اهلها   الخميس 12 يونيو 2008, 1:55 am

سبحان الله ... لما يكون الحديث عن الجريف أجد فيكم روح الدفاع
والانتماء قوية الى حد لا يوصف .. فهل ما شربتم من رحيقها ورضعتم
مع مر السنين أم ان السحر من بركة وضعها الله بها فتميزت على باقي
البلاد ... ووصفكم لأهلها وناسها ... هل هي حقيقة غابت عنها عقول الباقيين
ليعيشوها ولتكون دور حقيقي يمثلوهو بحياتهم
سبحان الله وسبحان من كساكم كل هذ االجمال جرافة مية المية
ود سنقد أفو أفو أفو ...... تسلم يابة ويسلم ضراعك

الرجوع الى أعلى الصفحة اذهب الى الأسفل
http://aljraif.forumotion.com
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الجريف بعيون اهلها   السبت 14 يونيو 2008, 7:12 am

اما بنعمة ربك فحدث ( هذه واحدة ثانية )

انا شاهد عيان عليها في يوم من ايام الخريف كان المطر شديد وكانت تسكن جارتنا حليمه يرحمها الله تعالى في منزل عبد الرحيم ود العوض وكان البيت قديم ولم يتحمل البيت المطر وانهار البيت بسكان البيت الذي يشمل مجموعة من السكان خمسة اطفال والام والاب كان بالعمل , وعندما سمعنا انهيار البيت ذهبنا ووجدنا الاطفال يبكون ويقولون امي بالداخل تحت البيت وحضر شباب الحي ورجال الحي وكان من بين الشباب ذلك الشاب هو المرحوم مصطفي خالد الصديق الله يرحمه كان يعمل بحماس وكان يحث الناس على العمل بسرعة لكي يتم انقاذ ما بالداخل لكن كانت حليمة قد ماتت وتم اخراج الجثمان من الركام والدماء تسيل وقام الشباب بتسليمها للشرطة ثم المشرحة وبعدها حضرو بها الى منزلنا وقام بعض النساء ومن بينهم امي عليها رحة الله بغسل المرحومة وتكفينها ثم قام شباب الحي ورجال الحي بتشيعها للمقابر وعندها حضر زوج المرحوم وكايبكي بشدة وحتى اليوم الثاني يبكي وقال له واحد من الناس انت رجل خلاص ادعي لها لماذا تبكي قال ابكي عشان اهلي ناس الجريف والله رجال والله رجال ,,, وهذا والله قليل في حق ناس الجريف .
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الإثنين 16 يونيو 2008, 3:34 am


عمنا ود ريا ..
يا اخوي الحكاية شنو ؟؟ الناس الزكرتهم ديل كلهم ماتوا إلى رحمة الله .. ههههههه
إنت يا اخوي كان كدا كبير خلااااااااااص .. ههههههههههه
فعلاً والله يا شيخنا الجرافة جرافة بجد .. ودي من خصلاتهم النبيلة ..
وأزكر قصة مشابهة لقصتك .. لكنها تختلف نوعاً ما .. وانا كنت شاهد عيان لها ..
فهي حدثت لأسرة جنوبية في كركوج ..مما يدل على أصل وطيب معدن الجرافة وشهامتهم لأي جنس من الأجناس لا لشئ سوى انهم سا كنين معاهم ..
أسرة جنوبية ساكنة في كركوج غرب .. فريق الضلمة زي ما بقول أخونا حافظ طراه الله بالخير .. الزول دا وين يا ناس بالمناسبة ؟؟ ..
وقع سقف الغرفة او الراكوبة أو البرندة إن شئت القول .. وأصبحن النساء يولولن ويصيحن .. فما كان من اهلنا الجرافة إلا وأن أسرعوا لنجدة الأسرة المنكوبة في عز المطر والرعد والوحل .. لم يكترثوا لشئ إلا أن يقوموا بإنقاذ ما يتم إنقاذه ..
وبعد جهدٍ جهيد يا شباب تم إخراج شاب في مقتبل العمر من بين الانقاض وهو معافاة تماماً بفضل الله سبحانه وتعالى أولاً ثم بفضل اهلنا الجرافة ..
ديل الجرافة البعدلوا الميل ..
ديل الجرافة البشدوا الحيل ..

فقط دوموا لنا ...
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الجريف بعيون اهلها   الأربعاء 02 يوليو 2008, 12:07 pm

يا ود سنقد ... تحياتي .. وشهقات تعتريني هاهنــا
فقد مررت بهذا المكان كثيرا ولم استطع الكتابة
ليس لعجز أو قلة معرفة لما اكتب وأسطر ولكن
هاجس احتمال التقصير هنا يتملكني ويحكم القبضة على
أصابعي ويداي فلتقبل مني الجريف كل حروف اللغة
وكل ما نطق به اللسان من حسن حديث وجميل كلام
في حقهـــا ولتكن أمنياتي لها بأمن وأمان
وشعب وعالم فيهو الراحة والأمان
توازي عطائهــا
عشتي أيتها الجريف
الرجوع الى أعلى الصفحة اذهب الى الأسفل
http://aljraif.forumotion.com
معتصم بابكر عبدالعزيز
مشرف
مشرف


عدد الرسائل : 240
العمر : 39
الاقامة : أرض الطيبة والطيبين وبلد الأمن والأمان وتلاوة القران
المهنة : موظف بفندق القصر
تاريخ التسجيل : 06/06/2008

مُساهمةموضوع: رد: الجريف بعيون اهلها   الجمعة 04 يوليو 2008, 12:09 am

تحياتى أسف لتأخرى عن المشاركة معكم لكن ما فى مشكلة ملحوقة

هنالك قصة حدثت فى حى سرحان وكان ذلك قبل سنوات قليلة مضت
كان يسكن معنا المرحوم صاحب تاكسى وكان مؤجر جوار
مسجد الشيخ سرحان فحدث له حادث مرور بالقرب من سلاح الاشارة
ونقل المرحوم الى المستشفى وما ان سمع ابناء المنطقة بان المرحوم
بالمستشفى هب الجميع يتسابقون الى المستشفى والغريب فى الامر انهم
وصلو قبل ان تبدأ عملية اسعاف المرحوم وقامو بالدخول الى غرفة العمليات
وصدقونى شاركوا فى عملية اسعافه وقد كان من ضمن المشاركيين فى الاسعاف
من داخل غرفة العمليات الصديق العزيز (عثمان ابورادى) وقد فقد الوعى
و سقط مغشيا عليه داخل الغرفة .
و بعد جهد شديد شهد به الطبيب قامو باخراج المرحوم من غرفة العمليات وكانت فى حالة
غير مطمئنه وبدأ التنسيق لجدول المرافقه للمريض الذى لم يكن هنالك احد من
اهله علم خبره بعد سوى زوجته وابنه فقط
فما كان من ابناء المنطقة الابالتسارع لمرافقة المريض وبتناوب اسار الدهشة وسط الجميع
ولم تكن المستشفى تخلو من الزوار نساء ورجال كبارا وصغار ولكن شأت الاغدار ان يفارق
المرحوم الحياة وهنا تحرك اللكل فى جميع الاتجاهات فمنهم من ذهب القبر وحفره ومن ذهب
الى الصيوان والكراسى بتناقم غريب وقام الشباب بعمل كل ما يمكن ان يعمل وعندما ات
اهل المرحوم صعقتهم المفاجاءة فقد اسرع الابناء الى خدمتهم وكانهم ضيوفا وهم كذلك ان
لم يكونو ضيوفا على فقيدهم وابناءه فهم ضيوفا للجريف وحى سرحان ولذلك وجبت
خدمتهم وعند اكتمال ايام العزاء طلب اهل المتوفى من الزوجة الذهاب معهم الى
منطقتهم وهنا توقفت عجلة الزمان برهه لتسجل لهذه المراءه لحظة لا تنسى فقالت
بصوت كله قوة واصرار (والله اهلى ياهن ديل ناس الجريف والله ما افوت
من هنا الا للمقابر وما يدفنى الا ناس الجريف) فزرف الدمع كثيرا من الحاضرين
ـاثرا بهذا الوفاء الذى قابلتهم به هذه المرأه الرائعه والتى مازالت بيننا نسأل الله
ان يمتعها بالصحة والعافية الدايمة وان يخلى ليها ابنها والذى دخل الان فى الحياة
العملية ولكن لازالو يسكنون بالايجار ولكم تمنيت ان يكافئها اهل الجريف بقطعة
أرض او بمبلغ يعينها على شراء بيت حتى يكون الوفاء لأهل الوفاء
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأحد 06 يوليو 2008, 5:52 am


لله درك يا معتصم .. وأنت تخبر العالم بالجريف واهل الجريف الكرام ..
لله درك يا بلدٍ أنجبت الكثير من أهل الخير وما زالت تنجب ..
لله درك أيتها البلد المعطاءة التي تقف شاهداً على حياة البداوة الأولى ..
لله درك يا بلداً أمطرتني عزاً وجاهاً جادك ربي بالعز والجاه ..

شكراً أخونا معتصم ..
ففي حضرة الجريف شرق نقف أدباً وإحتراماً وإجلالاً ..
وتقديراً لعظمتها ومكانتها ..

ودمت لنا ...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأربعاء 06 أغسطس 2008, 3:38 am


في خطوةٍ غير مندهشين لها زارني الأخ / الفاضل العزيز معتصم بابكر ..
مشرف قسم الجريف شرق ..
واصبحت ألعن الظروف التي لم تتح لي أن أتواجد بالمنزل في تلكم الليلة
التي هبت نسائمها بقدوم وحضور الأخ معتصم ..
ولكم أتمنى أن يلبي أخونا معتصم طلبي بزيارتي مرةً أخرى ..
فلهذه الزيارات في الله بين الأعضاء والأهل والأصدقاء كبير أثر في نفوسنا ..
ومرحب بيك يا معتصم والبيت والله بيتك في أي وقت ..

والله من وراء القصد .

ودمتم جرافة ...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأربعاء 27 أغسطس 2008, 7:10 am


طال إنتظارنا يا معتصم ..
وكل يوم اعاين في الشارع اترقب قدومك الزاهي ..
وكلما أسمع صوت عربية جنب بابنا أقول دا الوجيه معتصم ..
وكل ما أسمع همسات أقدام أظنها أقدام خير أتت علينا ..
ولكن هيهات ثم هيهات .. ليس كل ما يتمناه ود سنقد يدركه ..
بغادي ..
ياااااااا الهندي امس مشيت على اخونا القامة حافظ ود العبيد ..
وما لميت فيه .. لكن ما بخليه .. تااااني بمش عليه ..
بغادي شويتين ..
ينتابني إحساس عظييييم كلما إتذكر كلمات الهندي ود نابري وهو يدعوني
دعوة كريمة إلى نفسي بان أستقبلهم في بيتي يوم تلاتين رمضان ..
إحساس زول عطشااااااان وفجأة واعدوه بالموية البااااااردة ..
يا يوم تلاتين رمضان ما تسرع تخفف لي نار وجدي ..


ودمتم في أمان الله ...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الإثنين 15 سبتمبر 2008, 5:34 am


أمس قابلت الوجيه حافظ ود العبيد ..
لقيتوا يباري بغادي جنب جامع الصفاء .. وحارس ناس اللجنة الشعبية ..
ما عارف عنده شنو بغادي ..
وأقر بعدم تواجده وتواصله بسبب بعض الظروف الحياتية الأسرية العرسية
التي حالت دون ذلك .. ووعد بالإنسلاخ والتمرد من الجماعة والحضور مجدداً ..
* * *
نما إلى علمنا خبر وصول الاخ الفاضل زينكوف إلى السودان ..
نرجو من الإخوة الأفاضل تأكيد الخبر أو ... ..

حتة خااااااااااااااااصة ومففففففففففففرحة ..
تبقى ليوم تلاتين رمضان أربعتاشر يوم .. تهئ تهئ تهئ تهئ تهئ

ودمتم حضور يوم تلاتين رمضان ...

الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الجريف بعيون اهلها   الأربعاء 17 سبتمبر 2008, 2:53 am


يوم ستاشر من رمضان بالنسبة لي يوم مشهود ..
ذلك أني قابلت فيه أولاً وانا قادم من العمل بالوجيه عاشق الجريف ..
وتبادلنا وتجازبنا أطراف الحديث ..
وبالمساء قابلت السيد العريس حافظ ود العبيد ..
وبالمناسبة يا شباب .. حافظ عبيد عنده عمه طوالي توفي إلى رحمة مولاه يوم أمس ..
نسأل الله له الرحمة والمغفرة ..
وفي نفس اليوم قابلت السيد / صلاح غريب الله ..
ووعد بحضور زاهي قريباً إنشاء الله ..

ودمتم لنا ...
الرجوع الى أعلى الصفحة اذهب الى الأسفل
قرشي التوم
عضو نشط
عضو نشط


عدد الرسائل : 49
مزاجك اليوم :
تاريخ التسجيل : 10/03/2008

مُساهمةموضوع: رد: الجريف بعيون اهلها   الأحد 09 نوفمبر 2008, 12:42 am

الجريف مدينة لا تنجب الطوب فقط ، فمنها يتدفق الخير من معدن انسانها النبيل الطاهر

مدينة عند دخولك اليها ترحب بك قبل اهلها ، وتمدك بسحر عراقتها المتاصل في جذور سكانها .
كم هي رائعه هذه المدينة فالشروق بها له طعم خاص وكذا الغروب وعند الاصيل تغازل النيل
وينعكس ذلك علي سكانها بهذا البهاء واللطف الجميل
وياجرافي (ودسنقد وودنابري والحافظ وغيرهم) من التقيتهم بصدفة من اجمل الصدف كان الوعد حاضراً قمحاً وطوباً وتمني
كل الشكر لهذه (الدولة) اقصد القارة المدينة الجريف ولكل من بها ازجي صوت الشكر الجزيل والعرفان . لان هناك اناس في مرتبة الملائكة نتذكرهم وآل الجريف منهم
تحياتي لكم ياوطن
الرجوع الى أعلى الصفحة اذهب الى الأسفل
 
الجريف بعيون اهلها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: