............

حبابك عشره يا زائر
 
الرئيسيةالتسجيلدخول

شاطر | 
 

 حلتنا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: حلتنا   الثلاثاء 27 مايو 2008, 2:37 pm

ياجماعة والله لييت نفسى بقيت انسى شديد جدا
نصحنى دكتور بتمارين عشان تنشيط الذاكرة ولى مده كدة شغال تمارين ذاكره واستعت بعض اللياقة الذهنية ونصيحتى للجميع بهذه التمارين (مامشكله ) ياعصام لوعندك ركبه ولا انكل تعمل التمارين دى وماتقول بربى فى جيل صاعد
هى بتبدى بى محاولة تذكر اماكن بعض الاشياء بعد مدة من وضعها واستذكار اسماء بعض الشخوص وهكذا
عشان تاكيد نجاحى قررت افتح بوست واسميه حلتنا ويوميا امسك شارع فى الحله واذكر جميع سكانو هكذا اكون عملت توثيق لاهلنا الاحياء منهم والاموات واتمرن كما
البداية
[]كركوج جنوب ]
حدودها من شارع تنزانيا شمالاً حتى الجدول جنوباً
ومن الزلط شرقاً وحتى شارع الجريف بالنص غرباً
الشارع الاول :-
شارع تنزانيا
الشارع ده فيه من الاول بيت عمنا المرحوم محمد سعد الدين اولادو مرتضى ومعتصم (حلبى ) والمرحوم مجاهد
وكان ساكن معاهم اخوه يوسف سعد الدين موجود حالياً فى الرياض يعمل فى مكتب الخطوط الجويه السودانيه
وغربهم بيت اولاد المرضى ( على ومبارك ومحمد ويحيى ) غربهم بيت كانوا ساكين فيه اولاد على (السيد وعبده وعوض على ) غربهم (منزل احمد الطيار ) من الرباطاب متزوج بنت عمنا المرحوم الخليفه عيسى محمد حمزة
غربهم منزل محمد نور (محسى ) والد فهد غربه منز عثمان سعيد كان ساكن فيه المرحوم الحاج حمد من الباوقه
وغربه اولاد المرحوم محمد عثمان (عوص جاكسون والتوم) بعدو بيت عمنا عبدالحميد (عماد وياسر )
بيت ابراهيم الحبشى فاضى
بعدو بيت المرحوم يوسف عبد المجيد (عبد الوهاب)بعدو منزل عبدالرحيم عثمان (عماد وشهاب عبدالرحيم ) ثم منزل عبدالحى ابراهيم مختار (عادل وعماد )وهم حالياً يسكن ام القرى ثم منزل المرحوم عبدالرحيم عباس خال اولادفضيل ثم عبدالنبى مرحوم (نزار وحسن فسفس )
نتوقف هنا اليوم
ابوتراجى
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: حلتنا   الثلاثاء 27 مايو 2008, 9:08 pm

أبو تراجي والله فكرتك رهييييبة جدا جدا
وكلنا والله بنعاني من ارتخاء في اعصاب المخ مما يؤدي الى
كثرة النسيان وقلة التركيز ويعود السبب على حد علمي
لزيادة الانزيم الذي تفرزة الكبد وهذا بسبب معطيات في الحياة
من ماء وهواء محيط ونعيات الغذاء وهذا تفسير طبيب عراقي هندي
مختص في الطب اليوناني والعلاج بالاعشاب
وفكرتك فعلا جميلة جدا والبوست ده تحدي للنفس وابراز للنتائج
وربنا يوفقك انشاء الله وتمضي بنحاج فيهو ونحن حولك

الرجوع الى أعلى الصفحة اذهب الى الأسفل
http://aljraif.forumotion.com
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: حلتنا   الأربعاء 28 مايو 2008, 2:20 am

تسلم ابو تراجى على الموضوع الجميل .

بس فى ملاحظه فى كتابتك ياريت تكبر الخط شوية
عشان اناحنا عميانين وكدا.
وتسلم للمرة التانية
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: حلتنا   الأربعاء 28 مايو 2008, 6:21 am


والله الفكرة رائعة ابو تراجي ..
ولو ما عندك مانع أنا ببدى ليك من ورا تب ..
رائك شنو ؟؟


ودمت لنا ...
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: حلتنا   الأربعاء 28 مايو 2008, 11:35 am

والله الفكرة شكراً هندى ونميرى وودسنقدعلى التشجيع ونزول لرغبتك يانميرى غيرنا الخط واللون كمان
ممكن واحد يسأل البيوت الفى اليمين ليه ماذكر اصحابها الرد لانو دى تابعه الى كركوج جنوب لكن سوف اتىاليها فى موقعها
نواصل
غرب بيت عبدالنبى فى بيت كمال عباس (ابوالليل )ثم بيت قسم الله(جعفر والحاج والمرحوم ممدوح )
ثم بيت المرحوم عمنا عبدالفضيل (عوض وعبده وصابر )ويقطن معهم حجازى السر (نسيبهم)ثم فضل الله(عبد السخى والبن)ثم منزل قرشى واخوانه
ثم المحطه الهامه (البيت السعيد)منزل عمنا ابراهيم التوم بله(حسبو ومصطفى سيما وعاطف ود الحاج ويوسف
وغربهم بيت الجد البشير ثم بيت (ال جادالله )ثم بيت الصاوى
واظن من هنا داير شوية مساعده من الشباب
ابوتراجى
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: حلتنا   الأربعاء 28 مايو 2008, 1:03 pm

اخونا عبد الرحمن وكل الشباب والله فكرة ممتازة وانشاء الله انا بديك من بكرة كل بيوت حى الحضارة وفريق الشفيع لكن اخونا عصام كبر خلالالالالالالالالالالالالالاص بالكتير يتزكر ليك بيته وبرضو يكون مشكور الا اذا استعان بصديق


اخوك معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: حلتنا   الأربعاء 28 مايو 2008, 1:18 pm

ببداء ليك يا اخونا عبد الرحمن وبقية الشباب من اول بيت فى حى الحضارة وهو بيت حاج العوض عمر الان فيهو منزل الشيخ العوض ( اولاده وليد والفاتح ونسائبهم الباقر دفع الله نصر وحسن محمد البدوى و محمد البدى وعاصم السيد تمشى قدام شوية فى منزل البدوى على العاقب وعلى شماله امير ود حضر ( نسيب محمد عمر المهل )

تمشى قدام شوية منزل عمر العوض واولاده محمد وصلاح قدامهم بيت عبد المنعم البدوى
تدخل قدام شوية وتمر بشارع الحضارة الوسطانى على يمينك اسرة شيخ الجيلى الشيخ بابكر ( عبد الرحمن والامين واولاده عبد الله حصحاصة وبكرى الامين والاد بابكر محمد وخالد ويوسف وصلاح و البقية ) فى قدام شوية بيت على ود الزين على على شمال شارع الحضارة منزل يوسف العاقب واولاده (المرحوم محمد وعمر وعثمان وعلى ) تمشى قدام شوية منزل مختار العاقب واولاده ( محمد وصديق عرس وفاروقو اسامة وعبده لاعب كركوج والطيب ومصطفى
تمشى لقدام كمان بيت عبد المجيد واولاده 0 المرحوم ابراهيم حرازة والحميد والحاج ود الحرم ) ونسيبهم محمد الاسد
تمشى قدام شوية على يمينك منزل الاستاذ محمد البشير واولاده ( د. اسامة وفخر الدين و البقية )
وبعده منزل حاج البدوى واولاده( محمد الان بسوريا وامير باسطة ونادر ولسه نادر فى الطاحونه )
ياقبلهم منزل المرحوم بكرى يوسف العاقب وساكن فيه الان عميد من الجيش بعد عل الشمال شوية منزل عبد المجيد واولاده ( المرحوم استاذ حسن مركز والطيب ابناتولة وخالد ود. شمس الدين ومختار )
قدامهم منزل ابو دقن واولاده ( عبد الله واحمد وعامر وعبد المجيد ويحيى ومحمد ربنا يرحمه )
قدامهم فرن عامر وتمشى قدام شوية منزل المرحوم عز الدين نمر ابو صلاح اولاده اسامة ومحمد والبقية
وبكره نكمل
معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: حلتنا   الأربعاء 28 مايو 2008, 11:26 pm


اخونا الرائع عبد الرحمن لك منا ازجى تحيه نديه

والله فكرة جمليه وطرح رائع وواصل في انتظار بقية الحله

وياريت كمان لو وجدت بعض الصور للشوارع من الاخوان في السودان

وكمان الساحات والميادين والنوادي والافران والبقالات واسمائها المشهوره بها

لانها معالم بارزه وتوضح اكثر

لك التحيه والتجله
حسن
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: حلتنا   الخميس 29 مايو 2008, 12:41 am

muizk كتب:
ببداء ليك يا اخونا عبد الرحمن وبقية الشباب من اول بيت فى حى الحضارة وهو بيت حاج العوض عمر الان فيهو منزل الشيخ العوض ( اولاده وليد والفاتح ونسائبهم الباقر دفع الله نصر وحسن محمد البدوى و محمد البدى وعاصم السيد تمشى قدام شوية فى منزل البدوى على العاقب وعلى شماله امير ود حضر ( نسيب محمد عمر المهل )

تمشى قدام شوية منزل عمر العوض واولاده محمد وصلاح قدامهم بيت عبد المنعم البدوى
تدخل قدام شوية وتمر بشارع الحضارة الوسطانى على يمينك اسرة شيخ الجيلى الشيخ بابكر ( عبد الرحمن والامين واولاده عبد الله حصحاصة وبكرى الامين والاد بابكر محمد وخالد ويوسف وصلاح و البقية ) فى قدام شوية بيت على ود الزين على على شمال شارع الحضارة منزل يوسف العاقب واولاده (المرحوم محمد وعمر وعثمان وعلى ) تمشى قدام شوية منزل مختار العاقب واولاده ( محمد وصديق عرس وفاروقو اسامة وعبده لاعب كركوج والطيب ومصطفى
تمشى لقدام كمان بيت عبد المجيد واولاده 0 المرحوم ابراهيم حرازة والحميد والحاج ود الحرم ) ونسيبهم محمد الاسد
تمشى قدام شوية على يمينك منزل الاستاذ محمد البشير واولاده ( د. اسامة وفخر الدين و البقية )
وبعده منزل حاج البدوى واولاده( محمد الان بسوريا وامير باسطة ونادر ولسه نادر فى الطاحونه )
ياقبلهم منزل المرحوم بكرى يوسف العاقب وساكن فيه الان عميد من الجيش بعد عل الشمال شوية منزل عبد المجيد واولاده ( المرحوم استاذ حسن مركز والطيب ابناتولة وخالد ود. شمس الدين ومختار )
قدامهم منزل ابو دقن واولاده ( عبد الله واحمد وعامر وعبد المجيد ويحيى ومحمد ربنا يرحمه )
قدامهم فرن عامر وتمشى قدام شوية منزل المرحوم عز الدين نمر ابو صلاح اولاده اسامة ومحمد والبقية
وبكره نكمل
معز عبد المنعم

المعز عبد المنعم تحيه عطره

واصل ياخوي الحضاره باقي فيها كثير

غرب منزل العوض عمر حي الحوش ومسجد الفكي خليل الجديد

وجنوبهم حي فريق الشفيع وواصل اللف وفي الانتظار البقيه

انا بدعمك بهذا الربط من الاقمار الصناعيه لحي الحضاره

http://www.wikimapia.org/#lat=15.573241&lon=32.599346&z=18&l=0&m=a&v=2


حسن شمس
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: حلتنا   الخميس 29 مايو 2008, 3:49 am

أخوي معز .. يا خوي إنت جاري شديد كدة مالك وعليك الله شوية شوية وشكلك كدة زي اللافي لفة العيد ومعاك باقي الشلة.

وعموماً أنا لسه فيني باقي نفس عشان كدة اقيف وأسمعني كويس..

وبسم الله أولا بالتبادي المحلية وبعدين المستسفى والسينية الدديدة وتاني الشارع المعاتس الدديد وتمسي طوالي تديت محطة عسلة هب النسيم وأولاد باعو .. أها أمس توالي تديت محتة تسعة تلاقي أفلاح المعتسم ( فائز ) وأمش سوية تديت محتة 8 العساي وبعدين محطة سبعة ( جامع حاج عبدالله ) أها أمس توالي يديت سوق دليف دمل والسوق فيه البلوشي وفرن حبيب الله وكشك ميرعني والحلاد وحادات تاني كتيلة وابراهيم حلازة ما بتلقاهو لأنو الفترة الأحيلة دي معانا في كركوج وبعد داك امس سوية يديت فرن مصطفى حاج التيب وبعد داك حتى تدي التلمبة وأمكن تلق حاج التيب والا سيف ويمبنك عاز ود السيد وشمالة تلقى الإجزحانة الدديدة ودي محتة حمسة ودبال ما تمس سوية عاين ولا تلادي جامع ددنا سرحان والحور وبعد دات أمس سوية تديت الميادين وبعدا تديت محتة ألبعة ودي فيها بست الأمن السامل وبيت ناس أبوي وناس النعمة وناس عسمان عمي وناس كتال حلاس.

يالله أمس ددام تديت مدلسة ابلاهيم سباحي وبعدين السود وبعداك مدلسة كركوج الدديمة وبعد داك يديت نادي السهم ولف يمين يدبت دتان حسن ود الفدل على سمالك وتمس سوية يديت فلن حليفة وتلده فيهو فتحو وأمين في المعلع

أمس سوية يديت حسبو ودا الحاد وبعد داك يديت بيتم ( بيت الأستاذ الفاضل /عبدالمنعم حاج خالد ) وبعد داك يديت فلن عامر وبيت أبو القاسم يالله لف سمال يجيك بيت فاروق فوف وبعد داك بيت عبدالحكم ويمينك اللومية حدت التهلباء يالله لف سمال وامس توالي تديت المعابل على سمالك وبعد داك يديد كشك حدازي والمحتة الأحيلةيالله يا ود سنقد أنزل وأمشي سلم علي أهلك في الفليق ولا . وأنت يا معز لو ماعسيت بيتم عاوزك تعاين ددامك تلق بست الأمن السامل وعاين هنات تلادي ناس

سديك علس ومعاهو ناس الحاد ود الحلم قاعدين يتعالتو.

تحياتيعسام عبدالسادت
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: حلتنا   الخميس 29 مايو 2008, 5:55 am

عصام يا اخوى انت جارى كده مالك زى ال بتمشى فينا
يا اخونا واحده واحده
بديت فى زين الشابك لما وصلت السطر العاشر وصلت فريق الشفيع
انت جارى اسرع من المواصلات

معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: حلتنا   الخميس 29 مايو 2008, 5:57 am

ولسانك بقى الجن كمان

معليش يا عصام ده الكبر روح ركب طقم اسنان عند نسيبك د. شمس الدين
بيعمل ليك تخفيض
اخوك معز
الرجوع الى أعلى الصفحة اذهب الى الأسفل
http://aljraif.forumotion.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: حلتنا   الخميس 29 مايو 2008, 7:04 am

sam كتب:
أخوي معز .. يا خوي إنت جاري شديد كدة مالك وعليك الله شوية شوية وشكلك كدة زي اللافي لفة العيد ومعاك باقي الشلة.

وعموماً أنا لسه فيني باقي نفس عشان كدة اقيف وأسمعني كويس..

وبسم الله أولا بالتبادي المحلية وبعدين المستسفى والسينية الدديدة وتاني الشارع المعاتس الدديد وتمسي طوالي تديت محطة عسلة هب النسيم وأولاد باعو .. أها أمس توالي تديت محتة تسعة تلاقي أفلاح المعتسم ( فائز ) وأمش سوية تديت محتة 8 العساي وبعدين محطة سبعة ( جامع حاج عبدالله ) أها أمس توالي يديت سوق دليف دمل والسوق فيه البلوشي وفرن حبيب الله وكشك ميرعني والحلاد وحادات تاني كتيلة وابراهيم حلازة ما بتلقاهو لأنو الفترة الأحيلة دي معانا في كركوج وبعد داك امس سوية يديت فرن مصطفى حاج التيب وبعد داك حتى تدي التلمبة وأمكن تلق حاج التيب والا سيف ويمبنك عاز ود السيد وشمالة تلقى الإجزحانة الدديدة ودي محتة حمسة ودبال ما تمس سوية عاين ولا تلادي جامع ددنا سرحان والحور وبعد دات أمس سوية تديت الميادين وبعدا تديت محتة ألبعة ودي فيها بست الأمن السامل وبيت ناس أبوي وناس النعمة وناس عسمان عمي وناس كتال حلاس.

يالله أمس ددام تديت مدلسة ابلاهيم سباحي وبعدين السود وبعداك مدلسة كركوج الدديمة وبعد داك يديت نادي السهم ولف يمين يدبت دتان حسن ود الفدل على سمالك وتمس سوية يديت فلن حليفة وتلده فيهو فتحو وأمين في المعلع

أمس سوية يديت حسبو ودا الحاد وبعد داك يديت بيتم ( بيت الأستاذ الفاضل /عبدالمنعم حاج خالد ) وبعد داك يديت فلن عامر وبيت أبو القاسم يالله لف سمال يجيك بيت فاروق فوف وبعد داك بيت عبدالحكم ويمينك اللومية حدت التهلباء يالله لف سمال وامس توالي تديت المعابل على سمالك وبعد داك يديد كشك حدازي والمحتة الأحيلةيالله يا ود سنقد أنزل وأمشي سلم علي أهلك في الفليق ولا . وأنت يا معز لو ماعسيت بيتم عاوزك تعاين ددامك تلق بست الأمن السامل وعاين هنات تلادي ناس

سديك علس ومعاهو ناس الحاد ود الحلم قاعدين يتعالتو.

تحياتيعسام عبدالسادت

الرائع ابو طوفه

ياخوي نحن عاوزين الاوصاف بيت بيت والناس الساكنين فيه طبعا المشهورين من الاسره

وبعدين وصفك دا وصف كمساري ( بلف ) حافلات الجريف بالنص وفي الجريف بالنص المحليه بس

لانو شكلك حافلتك مامرخصه وخايف من ناس المرور وكمان مابتشل طلبه لانه من لاسانك دا عرفتك !!

نتمنى انك تدخل شويه في البيوت بيت بيت وتشرب كباية شاي و ماتجري ونحن منتظرين ...

حسن شمس

الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: حلتنا   الخميس 29 مايو 2008, 8:53 am

حبايبي الحلوين معز وحسن

يا جماعة الخير ما تستعجلوا وتقولوا

أنا خرفت

أولاً وأنا بكتب متخيل نفسي التشي وعشان كدة كنت بكتب بلسانه

ثانياً عشان فكرة أخونا أبو تراجي تأخذ بعدها والفائدة الحقيقية فلابد من وضع تصور حقيقي للوصف .. لذا لابد من ان نأخذ الخط الرئيسي الذي يوصلك لداخل الجريف

لذا بدأت بالمحلية وهي الحدود التي

وضعها الإستعمار وبارونات الأراضي..

وبعدين بتقولوا أنا ماشي سريع

ودي مبالغة لأني كنت راكب ركشة.

المهم أنا دخلت الجريف بالنص وفي المرة

القادمة سوف أتيكم بالظلط وعشان تطمئنوا حاكون راكب

مع عبدالمجيد حسب الرسول..

المهم البركة فيكم أنتم وكملوا الباقي داخل البيوت وأتركوا لي الشوارع الرئيسية والفرعية وبدون تخطيط كلامكم

كلو في الهواء وعموماً الشوارع بتساعد على الجرية وخصوصا لو ظهرت فيها كلاب وده شئ مؤكد.

تحياتي ... عصام عبدالصادق
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: حلتنا   الخميس 29 مايو 2008, 11:23 am

سلامات عصام ومعز وحسن كويس جدا بس مانقيف نواصل الجريف بيت بيت وشارع شارع
الطيب بخيت وبدر ناس (دريف دمر العايسكم حير)
شدو حليكم معانا وابدو
حسن انت حاول فى الصور بتاعت الشوارع او البيوت والناس المهم مانقف
ودسنقد مابديت لامن وراء ولاقدام ياابو صح النوم
منتظر بدايتك
ناس فريق الضلمة اياك اعنى ياحافظ
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: حلتنا   الخميس 29 مايو 2008, 12:00 pm

سلامات الله يخليك يا أبو تراجى فكرة حنينة منك . طبعاً انا طولت من البلد وزمان قضيت فى ليبيا سنة ونصف ولما رجعت ركبت تاكسى من المطار للجريف وبالقرب من المدارس فى بنت اوقفت التاكسي وسلمت على بحرارة شديدة ولأنى بأعرف الأصول رديت عليها السلام وقلت لها انشاء الله اهلك كويسين؟؟؟ فقالت لى اهلى شنوا !!! أنا أختك.
لكن دلوقت الحمد لله عندى أربعة مطوفين أبو تراجى والمعز وحسن وعصام. يا عصام بارونات الأراضى دى حلوة شديد وتعبير مبتكر.
ودمتم لنا
خضر حسن
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: حلتنا   الخميس 29 مايو 2008, 12:32 pm

الاستاذ خضر حسن
شكراً على المرور
لكن دى زوقه منك عشان ماتشارك فى الموضوع ...مقبوله هسه بس !!كدى بالله اسالك
انت الشنطه بتاعتك الفى الرياض
فيها شنو ؟
لانو كل الاشياء المعتقه غالية الثمن !!!
ابوتراجى
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: حلتنا   الخميس 29 مايو 2008, 1:08 pm

ابوتراجى معليش حارجع وابدى الليله كمان من الظلط وانا نازل
يمين منزل مرتضى (استيف )واخوانه سمعت انهم باعو البيت ده واشتراه غزالى الزين صغيرون
يسار منزل (المرحوم عبد الماجد التوم بله)اولادو سرى ونهرو وحسبو كما يسكن معاهم نسيبهم (سيف الدين نمر )
منزل مهجول تسكنه الجنوبيه الفايقه الزوق والجمال
(لوشيا)لها التحية ثم يساره منزل ابراهيم فلال(نسيب الخير ميرغنى وكما سمعت انو باع البيت والمشترى (كمال النور فضل )من الدناقله الجداد على الجريف ثم منزل محمد عبدالحى (تريكو وعنتر وسليم )يسار منزل غير مهول بالسكان (فاضى)
منزل(الجيلى حاج الهادى )موجرلحبشيه (شمسيه)عندها ولد اسمو ابراهيم
منزل المرحوم عبده محمد احمد(عوض عبده)مقيم فى قطر من فترة طويله يسار منزل الفاضل حاج يسن (عم منير السمانى)يمين منزل عبداللطيف عبدالماجد (ماجدتود) والد (اسماعيل بنك ونورالدين وعامر (والمرحوم ماهر )يمين دكان عباس كشب
ثم منزل صلاح عبد اللطيف (دنقلاوى جديد )يسار
اولاد المرحوم خضر الطاهر (الطاهر وسر الختم ويحيى ثم عوض العربى (مع انو دنقلاوى )ثم منزل عوض السيد محمد صالح (ياسر وبيلى )
الليله نقيف هنا
ابوتراجى
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: حلتنا   الخميس 29 مايو 2008, 1:18 pm

فهمتك يا أبو تراجى ابومصعب وصل ليك الكلام ...والله كتر خيرك من ماسافر منى ابو مصعب ما ضحكت زى هسع...
مع تحياتى لك وله وللشنطة
ودمتم لنا
خضر حسن
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: حلتنا   الخميس 29 مايو 2008, 1:42 pm

أستاذنا خضر ... لك التحية أينما كنت.

بالنسبة لموضوع الشنطة وأبو تراجي

أعرفك بأني فكرت فيها ومنتظر فتوة من

ناس الجمارك حتى ياخذ الموضوع الطرق

القانونية والغير قانونية ولو عاوز الموضوع

ينتهي باقل الخسائر ابعد لي محمد والحاج

من الموضوع .. وكمان ما تقلق لو وجدتني غبت شوية عن المنتدى ..

وعليه تعرف بأني مشغول

بإجراءات الشنطة .

والأقربون أولى بالمعروف وجدنا سعيد الله يرحمه ويحسن إليه.

عصام عبدالصادق
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: حلتنا   الخميس 29 مايو 2008, 2:46 pm

ياعصام عبدالصادق ويا ود جدى سعيد الشنطة دى ما بقدر يتصرف فيها زول إلا يكون عارف سر حنية عائلة سعيد .
حيث ان كبير القوم هو الذى ينجذب وينعصر على صغار القوم.
ومن يحمل علامة السر هذه يكون له نصيب فى الشنطة .
وأنا اقر واشهد بأنى بكامل قواى العقلية قد عينت المدعوا ود أبوزهانة حكماً أول والمحافظ الطيب أبو شنب حكماُ ثانى .
يعنى محمد والحاج وانت شهود.. ضد الطرف الشاكى وباكى فى هذه القضية المدعو أبو مصعب الحمزاوي ومحاميه أبو تراجى.... والله أكبر والنصر لنا
ودمتم لنا
توقيع : خضر حسن
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: حلتنا   الجمعة 30 مايو 2008, 2:18 am

استاذى لك الود والاحترم ماتخلى الشين يفضل بين الناس
وفى ناس الشين بينهم الشنطه دى خلينا السؤال عنها خايفين يكون عندنا فيها نصيب والأقربون أولى بالمعروف وجدنا سعيد الله يرحمه ويحسن إليه.
ولكم حبى
ابوتراجى


وصاحبى عصام قاصد يتطلعنى من المولد بدون (ده معنى كلاموده
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: حلتنا   الجمعة 30 مايو 2008, 5:22 pm

كلامك صاح يا العديل والزين....

يا أبو تراجى يا المِرق المتين....

يا ضوء البيوت يا قبلة القاصدين....

الخير والظل ولقمة المسكين....

حقك محفوظ والفيه كله سمين....

من شنطة الرياض المركونة ليها سنين....

من [ نطة] الرياض لو رمينا الِشين....

حاشاكم التلاتة بالتلاتة ما بتعرفو الَشين...

من خضر حسن بفرنسا ويهديها إلى الثلاثى ابوتراجى وعصام وأبو مصعب الحمزاوى بمناسبة [ النطة من الشنطة ] وكل نطة وانتم بخير.
ودمتم لنا
خضرحسن الفضل




الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: حلتنا   السبت 31 مايو 2008, 7:37 am

الاخوان جميعا السلام عليكم ورحمة الله
خاصة الاخولن خضر وعصام وعبد الرحمن وحسن شمس الدين
اول حاجه يا اخونا عصام انا داير حقى فى شنطة الاستاذ خضر
الحضر القسمة يقسم طبعا الموضة الجديدة فى السودان اى واحد شوفك تبيع ولا تشترى انشاء الله خضار اليوم يقول ليك ادينا حقنا علشان كده ادونا حقنا فى شنطة خضر حسن ونصيبى سلموه لنسيبنا عثمان يوسف الناطق الرسمى باسم الاسرة فى الرياض

وطبعا يا عصام انا عرفتك بتقلد فى التشى يعنى بالواضح كده جابت ليها غش ويومك التغش تغش من التشى

نحن الرد السابق كنا واقفين فى منزل الاستاذ محمد البشير اها نمشى قدامه شوية يوجد منزل السيد مصطفى اولاده عادل السيد وعاصم ومصطفى شرو تمشى قدام شوية منزل على عبد الحكم والاده السيد وعبد الحكم وعبيد خالد اولاده خالد والجيلى وعثمان ومجدى ومنزل المحوم صديق نور الدائم على ابوزيد واولاده احمد وسارى واسعد
قدامك على طول منزل كامل عبد الحكم وولده محمد وطبعا كل البيوت الاخيرة هذه تفتح على ساحة الصلاة 0ساحة صلاة العيد )
تجد من خلفهم منزل ابو القاسم عبد الرحمن واولاده محمد ابو القاسم والطيب السيد ومصطفى ونسابته احمد الحاج والسيد السمانى والمرحوم خضر عباس وعز الدين نمر قدامهم علي طول منزل فاروق حسب النبى على يمينه منزل عادل السيد مصطفى وفى نفس الاتجاه منزل عبد المنعم خالد واولاد ايمن وانس وكاتب هذه السطور
ونسائبه الطيب عبد الوهاب ومجدى عبد الحميد وعرابى وعبد الحميد عثمان
والمرة الجاية نديكم ناس الحضارة الموجودين خارج نطاق الحضارة
تحياتى لكم
معز عبد المنعم خالد
الرجوع الى أعلى الصفحة اذهب الى الأسفل
http://aljraif.forumotion.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: حلتنا   السبت 31 مايو 2008, 9:02 am


الخدر سلامات بقدر المسافه التي تفصل بيننا وبين اهلنا في الجريف

ياخوي شنطتك اصبحت ذي كنز علي بابا واللصوص

كدي ورينا فيها شنو ؟

المعز ياخوي كبر الخط شويه لان نظرنا تعبان ..

عبدالرحمن الصور دي القاها فين وان في الرياض والله الا صور الفيصليه والمملكه

فدحين خلي ناس ود سنقد ياتو بها

مع خالص التحايا
الرجوع الى أعلى الصفحة اذهب الى الأسفل
 
حلتنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: