ابو امنة عضو نشط
عدد الرسائل : 90 الاقامة : بعيـــــــــــــ شديـــــــــــــــــــــــــد ـــــــــــــــــــــــــــــــــــــــــــــــــد تاريخ التسجيل : 06/04/2008
| موضوع: امونــــــــــــــــــــــة بنت الشــــــــــــيخ حمـــــــد الثلاثاء 13 مايو 2008, 5:06 am | |
|
امونه بنت الشيخ حمد ابوها كان رجلا مزواج خلاص ناسب جميع اهل البلد ميلادها كان عرسا كبير هيصه وضبائح ما ليها حد في يوم السمايه اتيتمت و حكم القدر في الام نفد امونه كبرت و استوت شب الصدير شال النهد كانت أمل كل الشباب و جمالها في بنت ما اتوجد في لهفة يوم دق قليبها حبت قريب الشيخ حمد اظن كمان حباهاهو وسوا الضلوع لحبهم سد كاتمين غرامهم في القلوب خايفين عيون الناس تشوف و الخبر يملأ البلد و الحب هناك عيبا كبير لا تبوحبو بنت ولا يبوحبو ولد سنتين ثلاثه و حالتهم بقت نكد في يوم ابوها ضحك كثير كشر نوايبو كالاسد ناداها آمنه تعالي جاي قاتلو هوي يابا جر البرش ربع قعد قالها شيخ الخضر داك عارفاه قاتلو آي يا ابوسند قالها جاني الصباح طالب يداك طالب قرب شيخ البلد و انا قلتلو مرحب بيك يومين ثلاثه يكون عقد سكتت شوو جرت الدموع من عينيها ابت تديلو رد فسر سكات البت رضا ولما جماعتو وفات عقد بشيشه فكرت في المروق و بسرعه ما حاسبالو حد لقت الحبيب راقد هناك و الصدمه قاده قليبو قد قالتلو ما بيدي شيئ ديل ناس ابوي وابو سند ادوني للراجل العجوز المن عروقو الدم شرد لكن محال اسعد وراك كأن السماء انهد هد اهديك قليبي و روحي ديك و ارقد هناك صوره و جسد اتراجعت وقفت في القيف تدور تحكيلوا و فكت كل زينه وريعة عقد و فجأة هاج النيل و في جوفو غابت للابد و امونه ضاعت للابد و امونه ضاعت للابد
عدل سابقا من قبل ابو امنة في الأربعاء 14 مايو 2008, 10:46 am عدل 1 مرات | |
|
الطيب بخيت قلم فضي
عدد الرسائل : 327 تاريخ التسجيل : 03/11/2007
| موضوع: رد: امونــــــــــــــــــــــة بنت الشــــــــــــيخ حمـــــــد الثلاثاء 13 مايو 2008, 5:52 am | |
| أخوي أبو أمنه
تحياتي
ومشكور على هذه القصة الرائعة والأسلوب الجميل
يظهر يا أخوي أنك مشوكش شاكوش كبير خلالللللللللللالاص
وأمونة دي مويجعاك شديييييييييييييييييييييييييييييييييييييييييد
وراجعلك | |
|
عبدالرحيم حطي قلم ذهبي
عدد الرسائل : 743 العمر : 50 الاقامة : بالمملكة العربية السعودية المهنة : لا يهم تاريخ التسجيل : 09/03/2008
| موضوع: رد: امونــــــــــــــــــــــة بنت الشــــــــــــيخ حمـــــــد الثلاثاء 13 مايو 2008, 6:10 am | |
| الاخ ابو امنه
يبدو انت شايقي وهذه القصيدة شايقية على العموم قصيدة جميلة تحمل معاني و واقع حقيقي في الشمالية . مشكور يالغالي | |
|
ابو امنة عضو نشط
عدد الرسائل : 90 الاقامة : بعيـــــــــــــ شديـــــــــــــــــــــــــد ـــــــــــــــــــــــــــــــــــــــــــــــــد تاريخ التسجيل : 06/04/2008
| موضوع: رد الثلاثاء 13 مايو 2008, 6:32 am | |
| الخال الغالى الطيب بخيت 0 لا واللـــــــــــــــــه انا ما مشوكش وامنونة دى بنتى وربنا يخلليك عيالك 0وشكرا على الرد اخوى ودريا لا والله انا ما شايقى انا جرافى ومن اعرق اسـر الجريف | |
|
وليد عثمان علي سنقد مشرف
عدد الرسائل : 1546 العمر : 49 الاقامة : الجريف أرض الطيبة والطيبين المهنة : موظف مزاجك اليوم : تاريخ التسجيل : 25/02/2008
| موضوع: رد: امونــــــــــــــــــــــة بنت الشــــــــــــيخ حمـــــــد الثلاثاء 13 مايو 2008, 7:01 am | |
| - ابو امنة كتب:
- الخال الغالى الطيب بخيت 0 لا واللـــــــــــــــــه انا ما مشوكش وامنونة دى بنتى وربنا يخلليك عيالك 0وشكرا على الرد
اخوى ودريا لا والله انا ما شايقى انا جرافى ومن اعرق اسـر الجريف يا شباب براحة على اخونا أبو آمنة دا .. أبو آمنة لو مشوكش فنعم المشوكشين وياريت نكون مشوكشين عشان نقول كلام رائع زي دا .. نعم بالجرافي .. والله جرافي تسر النفس .. الزول جرافي مية مية يا ود ريا .. ماشامي ريحة الطيبة الفيه .. ؟؟ وعبق الكرم الفي كلامه ؟؟ ونسمة الطيبة النابعة منه ؟؟ مرحبا من جرافي أبو آمنة .. دمت جرافي ...
| |
|
ابو امنة عضو نشط
عدد الرسائل : 90 الاقامة : بعيـــــــــــــ شديـــــــــــــــــــــــــد ـــــــــــــــــــــــــــــــــــــــــــــــــد تاريخ التسجيل : 06/04/2008
| موضوع: رد: امونــــــــــــــــــــــة بنت الشــــــــــــيخ حمـــــــد الثلاثاء 13 مايو 2008, 8:14 am | |
| جزاك الله خير اخوى سند | |
|