أفراح الجريف شرق ..

أرحكو أنشروا الأفراح التي تسعدنا وتثلج صدورنا ..
فكرة البوست اعزتي تتمثل في أرسال وكتابة كل ما يسر أهلنا الجرافة
من زواج اهلنا وتخريج (ثانوي ، جامعي ، فوق الجامعي ) وإنشاء المرافق الحيوية بالبلد ..
والزواج الجماعي الذي يتمثل قمة الأفراح هذه الأيام وغيره من الأخبار السارة ..

ويلا ورونا روعة أهلنا ..

ودمتم فرحانين ...

الفكرة جميله جدا يا ود سنقد
وبشارات الأفراح قاااااادمة ان شاء الله
وألف مبروك لكل العرســـــــــــان
وربنا يهنيهم

تم تدشين تقوية المياه رقم (2) بحي كركوج جنوب غرب والحمد لله .. مما كان لها الأثر الطيب لساكني الحي والاحياء الاخرى بمنطقة الجريف ..
وتم تقوية معظم المواسير بالمياه العذبة النقية بعد معاناة دامت لاكثر من ثلاثة سنين ..
والشكر موصول إلى الإخوة القائمين على امر تلك التقوية من لجان شعبية ورجال البر .. ونسأله تعالى أن يجعله في ميزان حسناتهم ..

ودمتم ...

مزيدا من الافراح يارب
ومزيدا من الانجازات
في رحابك يابلد

نشكرك يا ود أخوي ( ود سنقد ) علي الاخبار الطيبة واذا كنت ود ( عثمان علي سنقد ) فنحن اهل يا بركة. أولاد بنات صباحي بابوك ابن عمتي watching

.

عاشق الجريف كتب:: نشكرك يا ود أخوي ( ود سنقد ) علي الاخبار الطيبة واذا كنت ود ( عثمان علي سنقد ) فنحن اهل يا بركة. أولاد بنات صباحي بابوك ابن عمتي .

هي نان لكن يا عاشق ما حبابك عديييييييييل كدا ..
وياهو انا زااااااااااااااااتي زي ما قلت ..
وما تكلم زول ..
وأبشر يا ان نحن لاقين نكون حتى جيرانك ؟؟
وحباب ناس صباحي وتحياتي للقامات العظام في بلدنا ..

ودمت قريبي ...

تم في الأيام القليلة الفايتة عقد قران أكثر من خمسين زيجة بمدينة الجريف

بساحة الخور (ميادين الكورة) .. والحمدد لله ..
مما كان له الأثر الكبير في نفوس أهلنا الجرافة ..
وحفظ الكثير من الشباب من الإنحراف .. وعصمة بناتنا وحفظهم ..

ادام الله الأفراح ..

ودمتم فرحانين ...

ياود سنقد أنا في غاية السعادة أني طلعت واحد منكم... وعلى فكرة والله كل الفي المنتدى ديل أهلك عديل كدا..... وأبوك دا رجل عظيم والله محنته مافي ليها مثيل .. ربنا يحفظه أن شاء الله.
وبمناسبة الأفراح اليوم تبدأ بالسودان امتحانات الشهادة الثانوية .. أسأل الله التوفيق لجميع ابنائنا وبناتنا وادعو معي لمزيد من الأفراح والنجاحات ...
&&&&&&&&&&&

جونا الناس يقولوا تهاني بخيت وسعيد تتحقق أماني ...لقوك بعيد في عالم تاني .. غربة على وجرح جواني....

وربنا يرد غربتكم يا حبايبنا.

خالص التهاني
للاخ العريس طارق عثمان
بكركوج اخر محطة
بمناسبة زواجه وبيت مال وعيال يارب

والله يا عاشق حبابك عشرة وميات كتارات ..
والله يكرمك ويعز مقدارك ..
وزي ما قلت ليك يا عاشق أنا بتمنى بس أكون جارك من بعيد ..
خلي تكون من اهلي ..
وربنا ينجح أخوانا واخواتنا في أمتحانات الشهادة السودانية ..

ودمت لنا ...

بديع الغريب كتب:: خالص التهاني
للاخ العريس طارق عثمان
بكركوج اخر محطة
بمناسبة زواجه وبيت مال وعيال يارب

أخونا بديع حبابك والله ..

وعبرك نرسل تهانينا العظام للوجيه / طارق عثمان .. بمناسبة زواجه ..
والتهنية موصولة للأخ / معاوية عثمان .. اخو العريس ..
ولكل أهل العريس بكركوج ..

وعقبال العزابة ..

ودمتم لنا ...

التحبه ليك براءك يا ود سنقد
يارائع بروعة جريفنا
تهنينا موصوله عبرك وعبر هذا المنتدى
لكل اهل الجريف

ود جريف قمر كتب:: التحبه ليك براءك يا ود سنقد
يارائع بروعة جريفنا
تهنينا موصوله عبرك وعبر هذا المنتدى
لكل اهل الجريف

تسلم يا ود جريف قمر ..
تسلم يا عشاي ..
يلا يا باشا .
إخترناك تكون حارسنا وأمينا على حلتنا جريف قمر ..
يلا جيب لينا الاخبار الحلوة .. وأثلج صدورنا ..

ودمت لنا ...

ود سنقد

كل مرة تزيد إبداعاتك

مليون شكر على هذا الفكرة الرائعة

التي سنستفيد منها كثيراً

لأنها تمدنا بأخبار الجريف وأهلنا ومزيداً من الأخبار والأفراح الحلوة

شكراً عاشق الجريف

على إطلالتك البهية

وطلتك علينا كل يوم بالأخبار السارة عن بلدنا الغالية

ونشكرك على تعليقك لود سنقد

الذي ذكرت في نهايته أبيات شعر سودانية أعجبتني

جونا الناس يقولوا تهاني بخيت وسعيد تتحقق أماني

لقوك بعيد في عالم تاني غربة على وجرح جواني

الجرح قّرب يتداوى

عاشق الجريف

مليون تحية لك وللأولاد

وعامة أهل الجريف

خلي إطلالتك البهية

تمدنا بأخبار حلة وراء والخور

ناس بت علي والدحاليق عامة

ود بخيت ..
حبابك فد الف يا أخوي ..
ونحن هنا يا باشا قاعدين ليكم أنتو ..
وبنحاول نسعد أيامكم في الغربة بقدر الإمكان ..
واعتبرونا خدام ليكم يا مك .. ونحن لاقين ؟؟ ..
شكراً على الطلة الرائعة يا رائع ..

ودمت لنا ...

يحتفل الأستاذ القامة : الأستاذ عبد الله التجاني المليح يوم الأحد القادم الموافق للثالث والعشرون من شهر مارس من العام الحالي بزواج إبنه محمد عبد الله على كريمة السيد / عوض الله عبيد بمشئة الله ..
والأستاذ عبد الله قامة من قامات بلدنا .. وهو أستاذ يُشار له بالبنان .. فله إسهامات واضحة في مجال التعليم بالمنطقة ..

ألف مليون مبروك أستاذنا .. وألف مليون مبروك محمد ..
وربنا يهنيكم يارب ..

ودمتم ...

ألف مبروك محمد عبدالله وآلاف التبريكــــــات
وربنـــا يتم على خير انشاء الله
لك التحية يا ود سنقد وانت تجلب لنــا أخبر الافراح

جاءنا البيان التالي :
ضرب لي اخونا الزعيم من أرض الحرمين أمس الثلاثاء 18/03/2008م ..
ناقلاً لي عتاب أخونا حسن .. بعدم إخطاره بأخبار الجريف .. وبالأخص كركوج ..
وأقول لأخونا حسن دمت طيباً .. وأنا أعاهدك على نقل كل ما هو جيد وجدير بالنشر في منتدانا الحبيب .. وستجدني بمشئية الله على اتم الإستعداد للقيام بما ترغبون فيه .. أنا وأخواني الأفاضل المقيمين بالجريف ..

وأكرر أسفي وإعتذاري لأخونا حسن ..
فلك العتبى حتى ترضى وعند الرضى وبعده ..

وشكراً أخونا الزعيم على الإتصال ..

ودمتم لنا ...

إذدانت كركوج ليلة الأحد بمهرجان الفرح وسط إبتهالات الأحبة المريدين لسيدنا النبي صلوات ربي وسلامه عليه .. في مهرجان وكرنفال عظيم بمسجد المدرسة بكركوج .. حيث تخلل المهرجان ندوة بعنوان كيف لا نحتفل بحبيبنا المصطفى (ص) لأحد المشائخ الذي عبر ودلل على ضرورة الإحتفال بسيد البشرية على الإطلاق وعدد مكارم وأخلاق حبيبنا المصطفى المختار .. كما تخلل البرنامج بعض المدائح على لسان المرديدن والمادحين لسيرة النبي (ص) ومنهم على سبيل المثال المادح الجيلي الشيخ الذي اتحف الليلة بسيرة سيدي رسول الله وشهد الحفل جمع كبيير من المواطنين وتحدث الأستاذ أمام مسجد المدرسة مععداً مآثر المصطفى صلى الله عليه وسلم .. كما ترحم على موتانا في الآونة الآخيرة وسأل الله لهم الرحمة .. وكانت ليلة ولا أروع ..
أها يا حسن عساك رضيان علينا ..

ودمتم لنا ...

هو ما خبر سار بالنسبة لينا ..
لكن الواحد مضطر ينزلو ليكم شباب ..
وخصوصاً ناس القصيم ..

سوف يغادر أخونا الوجيه / يسن محمد هارون (أبو فاطمة) ..
أرض الوطن إلى المملكة العربية السعودية في يوم الجمعة القادم 11/04/2008م ..

في رحلة عملية ..
سائلين المولى عز وجل أن يوصله بالسلامة ..
وأن يرجع إلى أهله وأولاده سالماً غانماً ..
لكن ما بعرف كورة هههههههه
ويا الزعيم أستلم وأبقى عشرة على الجنى ..

ودمتم لنا ...

أها يا الزعيم ورينا وطمنا الزول دا جاكم سالم ؟؟

أبو فاطمة وصلكم ولا لسة في الجو ؟؟

أبقى عشرة عليه .. وقول ليه قال ليك ود سنقد :
الأمانة وصلت ومشكووووووووور والفيك إتعرفت ..

ودوموا لنا ...

» أفراح المنتدى
» استلهام أفراح و أحلام أوباما..
» مايكتب عن الجريف خارج موقع الجريف شرق
» lمن حواء الجريف الي ادم الجريف
» الجريف