............

حبابك عشره يا زائر
 
الرئيسيةالتسجيلدخول

شاطر | 
 

 تموت الاسد في الغابات جوع ولحم الضان تاكله الكلاب

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الأربعاء 16 أبريل 2008, 6:04 am


تسالية يا حبيب ..
أسمح لي أرد ليك إنابة عن أخونا ود ريا ..
دا لو ود ريا سمح لي بذلك ..
يا عمنا تسالية ما تاخد الأمور بالصورة دي يا مك ..
الزول دا ما قاصد حاجة لا سمح الله ..
وما قاصد يكون شديد اللهجة معاك .. العفو يا مان ..
الزول دا حبووووووووب جدا .. وظريف جداً ..
تسالية يا اخوي .. ود ريا يا حبيب ..
خلونا اخوان شباب ..

ودوموا لي ...
الرجوع الى أعلى الصفحة اذهب الى الأسفل
الحاج ود الرشيد
عضو نشط
عضو نشط


عدد الرسائل : 50
تاريخ التسجيل : 12/03/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الثلاثاء 22 أبريل 2008, 12:35 am

اول لكم كل التقدير على هذة الكلام الحلو يالجرافى والمتجرفين دى طبعا لى اخوانا تسالى
شايف ادوك الجنسيه (ههههههههههههه ) ياخوى تساليه لكا العتبى حتى ترضى انت جرافى
اكتر من الجرافى الجد لانك لازلت معنا فى التواصل ويا ويا ويا ويا ود رياء حقيقه الجريف
واراضى الجريف ضيعوه اهلا ياخوى الحكومه ادت ناس من اللجنه الشعبيه يوزع الاراضى
ناس شالت على كيفا وناس انظلمت والادوهن اراضى باعوها ياخوى نحنا نمشى قدام والله كريم
الاراضى اكلوة ناس البلد


،،،،،، القلعه راجعين اكان لقينا واطه ،،،،،،،
الرجوع الى أعلى الصفحة اذهب الى الأسفل
محي الدين حسن محي الدين
عضو جديد
عضو جديد


عدد الرسائل : 11
تاريخ التسجيل : 27/02/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الثلاثاء 22 أبريل 2008, 9:14 am

هل الاماكن هي التي تسطر التاريخ ام ساكنيها ؟

في اعتقادي البشر هم صناع التاريخ ومنذ قديم الاذل. الاهرامات مثلا تنسب الى منطقة الهرم ام الى الفراعنة؟ هل


الفراعنة عندما فكروا في بناء اهراماتهم كان تفكيرهم في تلك المنطقة ام في فائدة تلك الصروح التي ظلت شامخة
على مر الدهور ؟ دعونا من تلك المهاترات ومسلسل الحق المسلوب في كل ارجاء الوطن الحبيب . الرائع ودريا دعنا
نتناقش بموضوعية اكثر لان ديننا الاسلامي يقر بالملكية الفردية والجماعية والذين يقطنون الجريف في درجة اولى
اشتروا الاراضي بحر مالهم ولكن في نقطة موضوعية اكثر بخصوص الكبري. نحن كسكان للمنطقة يجب ان ننظر
للخطاء الجوهري في تصميم الطريق المؤدي لمنطقتنا الحبيبة الا وهو عند نزولك من الكبري يمكنك دخول المنطقة
ولكن كيفية الطلوع الي الكبري ؟ اذا كنت قادم من منطقة بحري كيف تدخل الي المنطقة ؟ اذا كنت تريد ان تعبر
الطريق الى الجهة الاخري من الجريف كيف السبيل الى ذلك؟ ( لقد حصل حادث شنيع ). في اعتقادي ان المهندس
الذي صمم الطريق ليس لديه اي فكرة في تصميم الطرق واعتقد انه لم يسافر الي خارج السودان نهائيا ام اذا كان
تصميمه للطريق وفقا للامكانيات المتاحة واختصارا للتكاليف فتكون هذه هي الطامة الكبري وهذا لا يعفية . اليس من
الافضل ان يكون الدوار عند مدخل الكبري بدلا من مكانه الذي هو عليه الان ؟ تكلفة الطريق المؤديه الي الجريف
عندما تكون قادم من بحري اليست اعلي من تكلفة دوار اخر اذا كانت هنالك حوجة الي الدوار الموجود حاليا ؟ السؤال
الذي يطرح نفسه هلا هذا الخطاء الجوهري الذي في التصميم لتقليل التكاليف ام تهميش لاهل المنطقة ؟ يجب على
اهالي الجريفات قاطبة ان يقفوا وقفة رجل واحد لتصيح هذا الوضع والذى مهما كانت اسبابه فيه تهميش لمنطقتنا
الحبيبه.
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الأربعاء 23 أبريل 2008, 6:38 am

الله الوطن المسلمية الجريف
الرجوع الى أعلى الصفحة اذهب الى الأسفل
محي الدين حسن محي الدين
عضو جديد
عضو جديد


عدد الرسائل : 11
تاريخ التسجيل : 27/02/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الأربعاء 23 أبريل 2008, 6:46 am

نساليه كتب:
ود رياء
سلامات يالذيذ
الكبرى عملوا ....الكبرى فتحوا....الكبرى كسروا ...الكبرى الكبرى الكبرى
والله الكبرى ده زهجتونو بيهو والكلام بالحيل كتر فيهو تقول كبرى (القولدن قيت)
وانا بستغرب لمن يقولوا طور الجريف
يعنى الجريف كان متخلفه قبل انشاء الكبرى ؟؟؟؟؟
وتخلف المنطقة وتقدمها لايقاس بالكبارى بل يقاس بفهم ومعاملة اهلها ولى رايكم شنو ؟؟؟
اما مسالة اراضى الجريف يسكنها من هم ليس من الجريف حقيقى انا ما فهمتك قاصد شنو؟؟
يا ود رياء نحن دناقلة وساكنين الجريف لينا 30 سنة اها كده نحن غرباء ولى من اهل الجريف
وعليك الله فكونا من كلام الحبوبات ده (غريب وسيد بلد وما عارف شنو كده)
فى اعتقادى اى زول ساكن الجريف انشاءالله جاء من (الواق الواق)
تلقائيا اصبح من اهالى الجريف ومن المفترض علينا ان نحترمه ونقدره ..


الرائع تسالية لك العتبة حتي ترضي ولك مني اجمل الاماني القلبية بدوام الصحة والعافية ،اسلافك لهم ان يفخروا بصلابتهم وشموخ هاماتهم لانهم هم من اثروا في معتقدات اهل المنطقة والدلالة على ذلك بقائهم 30 عام في المنطقة وانت محظوظ لصغر سنك ولم تعايش تعامل اهل المنطق قديما مع من هو ليس منها واكثر الذين وفدوا الي الجريف فضلوا ان يجدوا منطقة اخري للعيش فيها ،الانسان بطبيعة حاله يتعلم ويكتسب الثقافات من احتكاكه بالثقافات الاخري فانتم من لكم الفضل في اضافة بعض الثقافات الي مجتمعنا الغالي و اعتقد كلمة (غريب) سادة في مجتمع الجريف للدلاة وليس لي اي سبب اخر وهي مسالة وقت ،وبعدين ياراجل دي مشكلة السودان كلها اتا قايل الجايب المشاكل شنو في السودان غير دا جعلي ودا نوباوي ودا دنقلاوي .اتا عارف يا تسالية الحل لي مشكلتك شنو ؟ نديك واحدة جرافية على السكين .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الخميس 24 أبريل 2008, 12:39 am

الرائع ود رياء

سلام كميات
وجودنا فى الجريف فى حد زاته ما تشريف هههههههههه
انا بحول السوال لابو تراجى

الغالي نسالية :ـ
في وجود الكبار لا يتكلم الصغار والطيب بخيت موجود واجاب ولكن كلمة ما تشريف وبعدها ضحك هذه الكلمة تعني الكثير والكثير .......؟
واعلم اخي العزيز مرة اخيرة أن الجريف شرق تسع الجميع أنت وغيرك وما في داعي نفتح الموضوع مرة ثانية . لكن كما قال الطيب بخيت نحن الغرباء في حضرتكم ..
نحن لا نعتبر الغريب غريباً إلا إذا كان هو اختار الغربة عنا
..
أي ان الذي يعيش بيننا ولكنه بعيد عنا نعتبره اراد ذلك


وهذا يكفي ولك حبي
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: تموت الاسد في الغابات جوع ولحم الضان تاكله الكلاب   الخميس 24 أبريل 2008, 12:00 pm

محي الدين حسن محي الدين كتب:
للخطاء الجوهري في تصميم الطريق المؤدي لمنطقتنا الحبيبة الا وهو عند نزولك من الكبري يمكنك دخول المنطقة
ولكن كيفية الطلوع الي الكبري ؟ اذا كنت قادم من منطقة بحري كيف تدخل الي المنطقة ؟ اذا كنت تريد ان تعبر
الطريق الى الجهة الاخري من الجريف كيف السبيل الى ذلك؟ ( لقد حصل حادث شنيع ). في اعتقادي ان المهندس
الذي صمم الطريق ليس لديه اي فكرة في تصميم الطرق واعتقد انه لم يسافر الي خارج السودان نهائيا ام اذا كان
تصميمه للطريق وفقا للامكانيات المتاحة واختصارا للتكاليف فتكون هذه هي الطامة الكبري وهذا لا يعفية . اليس من
الافضل ان يكون الدوار عند مدخل الكبري بدلا من مكانه الذي هو عليه الان ؟ تكلفة الطريق المؤديه الي الجريف
عندما تكون قادم من بحري اليست اعلي من تكلفة دوار اخر اذا كانت هنالك حوجة الي الدوار الموجود حاليا ؟ السؤال
الذي يطرح نفسه هلا هذا الخطاء الجوهري الذي في التصميم لتقليل التكاليف ام تهميش لاهل المنطقة ؟ يجب على
اهالي الجريفات قاطبة ان يقفوا وقفة رجل واحد لتصيح هذا الوضع والذى مهما كانت اسبابه فيه تهميش لمنطقتنا
الحبيبه.
الرائع دوما محى الدين

طبعا كلامك منطقى 100% ومعظم النلس لم تفتكر لهذه النقطة المهمة
من المفترض عندما نفذ هذا الكبرى ان ينفذ معه كبرى مشاة
(ودى ماعايزه خبرة او درس عصر يعنى اى زول عاقل
مهندس او كمسارى او مكوجى من المفترض يكون عارف الحاجة دى)
لانو ببساطة شديده هذا الكبرى يطل
على مدرستين لمرحلة الاساس وطلبة هذه المدارس
معرضين لخطر الحوادث
ولكن كما ذكر محى الشركة المنفذه لهذا الكبرى اما ان تكون ليس لها خبرة فى مجال الطرق والجسور
(ودى مشكلة )واما ان تكون متعمده لتقليل التكلفه(ودى المشكلة الكبرى)
وعلى قولك يامحى هم ما شافوا كبارى فى الدول الاخرى ولى شنو؟؟؟؟؟
قال كبرى قال
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: تموت الاسد في الغابات جوع ولحم الضان تاكله الكلاب   الخميس 24 أبريل 2008, 12:14 pm

ود رياء كتب:
الرائع ود رياء

سلام كميات
وجودنا فى الجريف فى حد زاته ما تشريف هههههههههه
انا بحول السوال لابو تراجى

الغالي نسالية :ـ
في وجود الكبار لا يتكلم الصغار والطيب بخيت موجود واجاب ولكن كلمة ما تشريف وبعدها ضحك هذه الكلمة تعني الكثير والكثير .......؟
واعلم اخي العزيز مرة اخيرة أن الجريف شرق تسع الجميع أنت وغيرك وما في داعي نفتح الموضوع مرة ثانية . [/size]

وهذا يكفي ولك حبي
الفطن اللماح

ود ريا
طبعا الموضوع ده انا قفلتو زماااااااان تفاديا للمشاكل والكلام الانا كاتبو ده ليهو 15 يوم
وكلمة ما تشريف وضحكة وماعارف شنو كده تعنى لك الكثير ولى ماتعنى ده شى ما بخصنى لانو بصراحه
انا اجاوزتك زمان وشلتك من راسى وما فاضى ليك
لكن لو انت داير كلام معاى ماعندك مشكلة انا جاهز (لانو شكلك كده ما عايز تجيبها البر)
نقطة
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: تموت الاسد في الغابات جوع ولحم الضان تاكله الكلاب   الخميس 24 أبريل 2008, 12:45 pm

نساليه كتب:
ود رياء كتب:
الرائع ود رياء

سلام كميات
وجودنا فى الجريف فى حد زاته ما تشريف هههههههههه
انا بحول السوال لابو تراجى

الغالي نسالية :ـ
في وجود الكبار لا يتكلم الصغار والطيب بخيت موجود واجاب ولكن كلمة ما تشريف وبعدها ضحك هذه الكلمة تعني الكثير والكثير .......؟
واعلم اخي العزيز مرة اخيرة أن الجريف شرق تسع الجميع أنت وغيرك وما في داعي نفتح الموضوع مرة ثانية . [/size]

وهذا يكفي ولك حبي
الفطن اللماح

ود ريا
طبعا الموضوع ده انا قفلتو زماااااااان تفاديا للمشاكل والكلام الانا كاتبو ده ليهو 15 يوم
وكلمة ما تشريف وضحكة وماعارف شنو كده تعنى لك الكثير ولى ماتعنى ده شى ما بخصنى لانو بصراحه
انا اتجاوزتك زمان وشلتك من راسى وما فاضى ليك
لكن لو انت داير كلام معاى ماعندك مشكلة انا جاهز (لانو شكلك كده ما عايز تجيبها البر)
نقطة
الرجوع الى أعلى الصفحة اذهب الى الأسفل
الطيب بخيت
قلم فضي
قلم فضي


عدد الرسائل : 327
تاريخ التسجيل : 03/11/2007

مُساهمةموضوع: رد: تموت الاسد في الغابات جوع ولحم الضان تاكله الكلاب   الأحد 27 أبريل 2008, 1:46 am

الأخوان الأعزاء

تسالية وود ريا وأبو تراجي ومحي الدين

لكم جميعاً تحياتي العطرة

شنو يا تسالية

محي الدين ما حل المشكلة خلاص وقال ليك:

الرائعتساليةلك العتبة حتى ترضي ولك مني أجملالأماني القلبية بدوام الصحة والعافية، أسلافك لهم أن يفخروا بصلابتهم وشموخهاماتهم لأنهم هم من اثروا في معتقدات أهل المنطقة والدلالة على ذلك بقائهم 30 عامفي المنطقة وأنت محظوظ لصغر سنك ولم تعايش تعامل أهل المنطق قديما مع من هو ليسمنها وأكثر الذين وفدوا إلى الجريف فضلوا أن يجدوا منطقة أخري للعيش فيها، الإنسانبطبيعة حاله يتعلم ويكتسب الثقافات من احتكاكه بالثقافات الأخرى فانتم من لكم الفضلفي إضافة بعض الثقافات إلى مجتمعنا الغالي واعتقد كلمة(غريب) سادة في مجتمع الجريف للدلالةوليس لي أي سبب أخر وهي مسالة وقت، وبعدين يا راجل دي مشكلة السودان كلها انت قايلالجايب المشاكل شنو في السودان غير دا جعلي ودا نوباوي ودا دنقلاوي. أنت عارف ياتسالية الحل لي مشكلتك شنو ؟نديك واحدة جرافية على السكين.

هذا رد جميل ومقنع جداً وفيه الدواء الشافي

ما تأخذ في نفسك ود ريا يظهر عليه راجل هاشمي وهميم وقلبو أبيض

الأخ ود ريا

بشويش بشويش خليك رياضي

يا جماعة نحنا عايزين نناقش المواضيع المهمة في الجريف بصفة عامة

مثل دوار الكبري الذي تطرقتوا إليه ومركز الشباب والمشاكل الأخرى

أي المشاكل الحيوية التي تخص المنطقة

وتثري النقاش ونستفيد من أرائكم النيرة ويستفيد الجميع

خلونا من أنت أيه وأنت ايه


عدل سابقا من قبل الطيب بخيت في الأربعاء 07 مايو 2008, 4:58 am عدل 3 مرات
الرجوع الى أعلى الصفحة اذهب الى الأسفل
maia
عضو جديد
عضو جديد


عدد الرسائل : 25
تاريخ التسجيل : 03/04/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الأحد 27 أبريل 2008, 3:50 pm


احيييك يا تسالية وياود ريا
ود ريا عساك بخير
انت قلت :
)

أن الكبري يمر بالجريف كأن الجريف عبارة عن ارض صحراء ليس فيها سكان بل بالعكس اصبح يسبب مشاكل واضرار . واراضي الجريف يسكنها من هم ليس من الجريف بل اصبح لهم كلمة اكثر من ناس الجريف .. وين الخطة الاسكانية لسنة 1973م ياشباب ؟؟؟؟

)

بقول ليك :
يازول انت لى يوم الليلة رامى المسؤلية على ناس الخطة الاسكانية لسنة 1973 ، يازول الناس ديل المات فيهم مات والقاعد ما اعتقد انو تابع لناس الخطة السكانية ، يعنى شوف ليك حاجة تانية او ناس تلومهم .
انتو عارفين انو السودايين شعب عجيب

الكبرى دة لو ما كان تطوير للجريف من قبل الكبرى كنا نبعد ساعة على ما اعتقد (بالمواصلات) من العاصمة والان اصبحت العاصمة

قريبة (دقائق بدلاً من ساعات ) بس كدى اخدوها من الناحية دى ، وشوفو فى تطوير ولا لا؟
لكن الحاجة السمحة فينا انو اى تغيير بنقول التغيير دة للاسوئ
والناس كلها ماسكاها الجبهجية الحيكومة يا جماعة ما تصحو شوية الحكومة عملت ليك كبرى موش مفترض تحمدو الله وبعدين تعلمو نسوانا واولادنا كيف شارع الظلط بيقطعو ؟ ولا شنو



محى الدين /



انت قلت :
للخطاء الجوهري في تصميم الطريق المؤدي لمنطقتنا الحبيبة الا وهو عند نزولك من الكبري يمكنك دخول المنطقة

ولكن كيفية الطلوع الي الكبري ؟ اذا كنت قادم من منطقة بحري كيف تدخل الي المنطقة ؟ اذا كنت تريد ان تعبر
الطريق الى الجهة الاخري من الجريف كيف السبيل الى ذلك؟ ( لقد حصل حادث شنيع

).
بقول ليك :
الكبرى يقدر بملايين الجنيهات ممكن فقط نستهلك ساعات وجيزة لتعليم الاولاد والناس الكبار لو برضو يعنى فايت عليهم مسألة الكبارى وكدة ممكن نعلمهم كيف يقطعو الظلط ولو اتضطر الموقف نعملها ليهن فى ( اسكتش) تعليمى
تسالية :

انت قلت :

يا ود رياء نحن دناقلة وساكنين الجريف لينا 30 سنة اها كده نحن غرباء ولى من اهل الجريف

بقول ليك :
ما يهمك يا حبيب انو جرافى ولا دنقلاوى لانو السودان كلو مالاقى ليهو هوية البيقولو افارقة والبيقولو عرب

بخصوص هويتك ممكن ادعمك بسؤال توجهو لاطراف النقاش
الجرافة ذاتهم اصلهم شنو وجايين من وين (وركز فى الرد ما يقولو اجدانا كانو هنا دة ما رد )
وياريت انو التعليق الجاى يتحدث عن تاريخ الجريف واصول الجرافة وموطنهم الاصلى


ود ريا

الاخ صاحب الحجه والمحجاج نساليه المقصود اولاد الجبهة الاسلامية الذين الان يتكلمون باسم الجريف وليس لهم دور بالجريف وهم ليس من الجريف واصبح لهم ............. وذلك كله عشان عندهم كرت الصرف وهذا الكرت يخص اهل الخريف وهم يصرفون به من الحكومة باسم الجريف . ولكن كبيرنا الطيب بخيت تتدخل وقال خلاص يعني بالنسبه لى انا خلاص اترك الموضوع هذا . مع حبي وتقديري لك وباقي الاخوان

يا سودانيين انسونا عليكم الله من اسطورة الحكومة والتعليم الانتهى والجبهجية
وما ادراك والمواصلات البقت صعبة ، ومشروع الجزيرة وقف ،والصين بتخاف من السودان لانو المهدى قتل ليهم غردون باشا
الحكومة فعلاً مقصرة وفيها الجبهة اولاد الجبهة الاسلامية اكلو وشبعو
لكن والله ما قدر انو تخطط فى الجريف وتشيل اراضيها او تشيل الكرت الاصفر هو فى شنو ذاتو يصرفوهو بيهو ؟
انت عارف السودانيين بى صورة عامة بيقولو انو امريكا طمعانا فيهم والشعب السودانى بيقول الحكومة طمعانة فيهم والحكومة ذاتها طمعانة فى انها تتخارج
من القصة دى ،
(

العزيز والحنون : ود سنقد

انت قلت :
الإخوة الأفاضل
.
ود ريا ..
تسالية ..
ود بخيت ..
والباقين ..
يا أخوانا هدوا اللعب شوية ..

والله بالحالة دي ما حانمشي لقدام ..

لقول ليك :
ما تخاف ياحبيبنا دة نقاش عادى والناس دايره
تعرف انو الكبرى تطوير ولا لا؟ يعنى ما بأثر فى الخوة والصحبة ولا شى من هذا القبيل
وتسلم كتير يا رايع انت ما شايف تسالية عنوانو فاوضنى بلا زعل فخلونا نتفاوض ولا شنو ؟




حافظ العبيد

انت قلت :
تحياتى بقدر اشواقى واشواقى بلاحدود

جملة عبدالرحمن ابراهيم المشهورة
حقيقة الارض هاجس كبير لنا اهل الخرطوم
بصورة عامة وانا بعد اقول اهل الخرطوم ليس
تحيز الى قبيلة او جنس ولكن هى مشكلة
قائمة والان السودان كله يفتش عن حقوقه
وهو كما نعلم انه حق مشروع لهم ، ولكن
نحن اهل الخرطوم كاننا نبت شيطانى ليس له
وجود و ونسب اى ليس لنا جزور او حق نبحث
عنه وهذا فهم كل الناس فى الاقاليم او من جاء
واستوطن الخرطوم ليس كلهم ولكن معظم السياسين
وعليه لابد من تغير هذا الفهم ، ولعل تغير الافهام فى
السودان الا بحمل السلاح وقتل الابرياء والوقوف ضد
الحكومة وباقى الاحزاب التى هى جزء من الحكومة
او الاحزاب التى خارج الحكومة ، بمعنى ان اصح
امدرمان المدينة التى سلبت حقوقنا التاريخية فى الخرطوم
وبحرى ، وانا بعد اقول امدرمان اقصد امدرمان الحديثة
واستثنى احياء اهلنا الجموعية من الفيتحاب ومدن اهلى الجموعية
نحن يا جماعة الخير من ززززززززمان

لقول ليك :
والله يا حافظ كلامك صاح ومية المية الناس مفترض تتعايش بالمعطيات المتاحة وتحاول تستقلها بصورة افضل حتى تستطيع من الوصول لاعلى الغايات موش تتحجج بالحكومة والكلام الفاضى ـ خلونا نتكلم انو مفترض نعمل شنو ومفترض يكون شنو بدلاً من الحكومة التى اصبحت شماعة فشلنا الوحيدة بعد الشماعة الكبيرة الجبهجية
الناس ديل فعلاً خربو ونهبو واكلو لكن ما مكن نعيش بقية عمرنا كلو انو ما نتقدم لانو حكومة فلان خربت
يلا يا شباب نصحى شوية ونعيد موضوع الحديث عن الكبرى بابعاد تانية موش بالمعطيات القديمة خلونا كلنا نقعد سوى ونتكلم فى موضوع الكبرى


ملحوظة/
----------------------
والله الموضوع عجبنى شديد دايرين الناس تتكلم فيهو بى صورة سلسة وللكل العفو والعافية والتحايا والافتخار بهم كاهل واحباب ووطن
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الإثنين 28 أبريل 2008, 1:12 am

أخي تسالية لك منا مليون تحية

ومرحبك بيك في بلد الحنية والطيبة


بلد العمال والمكافحين بلد الكمائن

أمنا الغالية (الجريف شرق)

والله أنت والمعاك جرافة مليون في المائة

انتو بقيتو أخوانا وأهلنا وحبايبنا

أنا مش بعطيك الجنسية

لو كنت عايز التابعية بعطيك ليها

لأنو أنا في نظري

كل من يجعل الجريف سكناً أو ملجاً له فهو جرافي
وكل من أراد أن يجاور ناس الجريف فهو جرافي

زي ما قال العسل ود سنقد مشكوراً

نحنالغرباء في حضرتكم
..
نحن لا نعتبر الغريب غريباً إلاإذا كان هو اختار الغربة عنا ..
أي ان الذي يعيش بينناولكنه بعيد عنا نعتبره اراد ذلك

بمحض إرادته وبالتالي يكون غريباً عنا ..

حتى لوكان من أجداد جرافة مية المية
..
فيا أهلنا نحن نمنحالجنسية الجرا فية

لكل من يفكر في ان يسكن او يقيم

في الجريف بطيب خاطر ولطيبةأهلها ..

أو حتى المكوث بها كعابر سبيل حتى ..

ولو فكر فقط في الجريف ..

كبلد تراثوكرم وجود واهل شجعآن وعزة يكون جرافياً 100
% ..
فالجريف بلد تسع الجميع ..بشرط إحترام الغير .

والله الموضوع اخذ اكبر من اللازم الاخ تساليه حب أن يخلط الكيمان وهو يعلم أنه ليس المقصود المقصود الذين يتبعون للجبهة الاسلامية ويتكلمون بأسم الجريف ومن الذي اعطاهم الوكالة لكي يتكلمون بأسم الجريف .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: تموت الاسد في الغابات جوع ولحم الضان تاكله الكلاب   الأربعاء 30 أبريل 2008, 2:48 am

قد كثر الحديث عن هذا الموضوع


لم نصل إلى نقطة نتجمع فيها الناس ولكن ماذا الموضوع مفتوح لكي يعرف الناس من الواضيع التي يذكرها باقي الاخوان مثل موضوع والي الخرطوم وفيه ديليل على هذا الموضوع وموضوع الاراضي الذي قام به الاخ الطيب بخيت , وغيره من المواضيع ممكن نربطها بهذا الموضوع . وتكون دليل . ولقد فهم الاخ تساليه وغيره من الاخوان أني اقصد أن الاخوة الذين ليس من الجريف لكن اقصد الاخوة الذين ينتمون للجبهة الاسلامية فقط والجريف فيها الشيعيون وغيرهم الذين يعارضون نظام الجبهة الاسلامية .
الرجوع الى أعلى الصفحة اذهب الى الأسفل
 
تموت الاسد في الغابات جوع ولحم الضان تاكله الكلاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: