الحبيب الغالي حسن عوض عباس
آفة الخصام الجهل .. هكذا قال العارفون ... وأربأ بك من ذلك
لماذا حينما نتكلم عن السودان الحبيب يتبادر اليك انها السياسة
لم تحب هذا البلد الطيب ....؟ لم تعشقه ...؟
ولكن لعن الله الجهل
اسمع هذه الابيات والتي تحكي عن ... وتناولتها عدة مرات في هذه
المنديات وفي منتديات اخري
من دقش شال البلد
لا خدار عندوا فيها
لاهو زارع لا حصد
داير يسلم داير يصافح كل يد
في البلاد البشتهيها
والبلاد البشبهنك
كنت فيهن
شايل الحزن البجنن
الا كيفن ما عرفت انو فصل الشوق مزور
وانت مالك
وين خدارك وين عيالك
قلبي فيها
ودربي فيها
في تقاويها وخدارا
في عواجيزا وصغار
وجيت اطمن عليها ودايير اطمن عليها
دي حكاية قرية فوق النيل
وشاحا تقيل
ومحصول الفرح فيها
بنضح كل ليل
مزحومة سكة الراجعين
وصوت في صوت
بتتداخل وتتناسل
تقول للفضلوا قاعدين فوق جيناكم
قرية فوق النيل فرحانه
وما لاقيه البقول ليها
السوداني انسان
من عيون تطير عذابات البيوت الاتبنت فاتوها اهلا
السوداني انسان
وليل المغترب رحلة دموع مجان
وزمنك يا غريب مرهون مقدر
يا سالك دروب الصدفة والاقدار
السوداني زيك
بس بتختلف النتيجه ويفضل المشوار
الحبيب الغالي حسن
الساحة للخواطر فلا نحولها الي ساحة معركة ولعن الله السياسة
