عدد الرسائل : 168 العمر : 37 الاقامة : Canada المهنة : طالب تاريخ التسجيل : 26/06/2007
موضوع: شعر حلمنتيشي الأربعاء 20 فبراير 2008, 11:51 am
قال ليها
ريدك لي يا أم شداق يقلب اللوري في الدقداق لما أغلط أقول مشتاق عيونك كك تكركب جوة في عيوني تألمني وتبشتني وتقابض في مصاريني وأتوكل ... وأقول ليك أي بريدك يا سجم خشمي بريدك ساي زندية وأريدك يا القرنتية يا أم ريداً بعج بطني ... يا أم يداً قدر جسمي هي يا التسعين ... يا الهينو الشرط عيني بريدك قايلة من قلبي أبداً ... بس وحاتك خوف يا كتلة لحم منشورة فوق رجلين وحاتك ما شايف غير هامة سواد الراس هناك منشورة بين كتفين تلاتة شهور بحمر فيك ... بوزع فيك بفتش لي رقبتك وين تبلعوا ساي ... تسفسفوا ساي عاملين فيها حبيبين ده حب ناس وين جبر ساكت تجبرونا على الريدة هيا عباد الله ... يا خلق الله ... ما تورونا كيف الشورة أريد حيطة؟؟ ... أريد لي فيل؟؟ ينجيني منك الله يا البرميل ولما أكون بعاين ليك يا الحقنة المع الشرشوف خايفك يوم تهجميني وترجميني وفد أم كف تكتليني أريدك أنا؟؟ ... أريدك كيف براطيشك وكت تتخم دي كتاحة أمدرمان في عز الصيف أريدك كيف بعيونك ديل جفون عينيك مطامير ... تفك كتاحة نص الليل شقوق كرعيك تدخل ضب ... تدخل فار كمان سحلية راسها عديل أريدك كيف؟؟ ... أوديك وين؟؟ ... أطير بيك وين؟؟ ما عاجبني نور عينيك لكن قصدي أتسلى وأفكر في خلايق الله وأتذكر بنوتاً لينا في الحلة رقابن زي رقاب الريل وجوهن زي قمر دورين ... ظهر فجأة الغمام طلَّ راسك زي غطا الحلة رقبتك ناطة منسلة يا الكلك توب وباروكة ما خليتي ريحة ...وكريم نيفيا وفلور دمور ... وكمان دوكة برضه تقولي شاغلتِك! ... أحب الله وأزيده صلاة أشاغلك أنا؟ رماني جمل ..أشاغلك إلا بالشلوت هي يا الخانقاني يا الباقية لي شوكة حوت يا الطعنة الأبت ما تفوت محل ما أمشي إنتي معاي تطفشي مني البنوت شكيتك على الله يا أم زعلوط .
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
موضوع: رد: شعر حلمنتيشي الأربعاء 20 فبراير 2008, 12:06 pm
اقتباس :
أريدك كيف؟؟ ... أوديك وين؟؟ ... أطير بيك وين؟؟
ههههههههههههههههههههههههههههههه الله يجازي محنك ياكبتن أنا والله من الضحك دموعي جرت والقومه من الكرسي غالباني .. شكيتك على منو ... دي لقطها من وين لا حولة ولاقوة الا بالله
قلت لي طفشت منك البنوت ..لا لا دي كتيره شديد أها عاد آخوي طير انت براك خلي ليها البلد أم زعلوط دي رونالدو انشاء الله سنين عمرك كلها ضاحكة يارب
ronaldo الادارة
عدد الرسائل : 168 العمر : 37 الاقامة : Canada المهنة : طالب تاريخ التسجيل : 26/06/2007
موضوع: رد: شعر حلمنتيشي الجمعة 22 فبراير 2008, 10:54 pm
مشكور يازعيم على المرور, و ان شاء الله الله يحفظنا من جنس ديل... و يديك واحده كده علي نيتك.. قول امين..
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
موضوع: رد: شعر حلمنتيشي الثلاثاء 04 مارس 2008, 9:08 pm
رونالدو ياخي نحنا مامشتاقين ما تجينا بيجاي تاني ياخي
بدر عبد الماجد مشرف
عدد الرسائل : 606 مزاجك اليوم : تاريخ التسجيل : 05/09/2007
موضوع: رد: شعر حلمنتيشي الخميس 06 مارس 2008, 8:54 am
لك التحية شاعر حلتنا سبحان الله ،وفى خلقه شؤون الجمع ام شدق بفلوردمور والنييفيا والدوكة . الشغلة مقلبة قليب شديد خلاص ، يا كابتن زى جزمتك التانية دى يا أخى الله يستر عليك شوف طريقة صلحها ولا شوف جوز تانى إنشاءالله كبك سودانى من (لاركو) صناعة معروفة سودانية 100% زى حلاوة بنت السودان (أم شدق) لك أحلى الامانى وفى إنتظار الجديد أم اى حاجة . وراجعين
ronaldo الادارة
عدد الرسائل : 168 العمر : 37 الاقامة : Canada المهنة : طالب تاريخ التسجيل : 26/06/2007
موضوع: رد: شعر حلمنتيشي الثلاثاء 18 مارس 2008, 10:10 pm
تسلم يا بدر على المرور... لاركو دي ماحضرناها لاكن لو شبه الرطـــــــــب اكون كويس... تلبسو سنه, زول مابسرقوا........... جاييكم شعر تاني قريت.. بس ان نفضا ليكم..