............

حبابك عشره يا زائر
 
الرئيسيةالتسجيلدخول

شاطر | 
 

 اقوال الشيخ العبيد ود رياء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: اقوال الشيخ العبيد ود رياء   الثلاثاء 11 مارس 2008, 3:52 pm


قطوف وحكم من كلام الشيخ العبيد ود بدر ------------------------------------------------------------- 1/ النساء فيهن مرا وفيهن نصف مرا وفيهن لا مرا - المرا من عتبتة لا وراء - ونصف المرا جيرانة وبنبرة - ولا مرا ناس السوق جايبين خبرا - 2/ قود من يتبع كلم من يسمع واكل من يشبع - 3/ شيل العصا من الكلب والسكين من السلب وفكة الريق مسمار القلب البيا با الجودية لابد ينقلب - 4/ العندو درهم من الرئاسة ما تكمل معاة الفراسة - 5/ الماعون هو لين غسيل هين - 6/ عليكم بملازمة اورادكم وتقوى اللة اجعلوها زادكم فبذلك تبلغوا مرادكم - 7/ الما بسوى لى اللة خير النوم اخير - 8/ اربعة لا تشبع من اربعة عين من نظر واذن من خبر وارض من مطر وانثى من ذكر - 9/ كان قعدت لى حول ما تقوم ليك بى خاطر زول - 10/ ان اردت الشفاء من كل مرض فلا تعمل عملا لغرض 0 11/ التاجر يتم ميزانة ويحلى لسانة شوف كان ما يملة دكانة - 12/ علامات الشقاوة -- عين حارة -وروح كارة - وايد صارة 13/ ماتبقى راس يقطعوك ولا تبقى ضنب يوطوك ابقى القلب ود ابوك لما يكسروا الضلع حتى يجوك ------ وهذة قطوف من بحر عميق ولنا عودة باذن اللة -----
الرجوع الى أعلى الصفحة اذهب الى الأسفل
ود جريف قمر
عضو فعال
عضو فعال


عدد الرسائل : 134
المهنة : Designer and Editor
تاريخ التسجيل : 26/09/2007

مُساهمةموضوع: رد: اقوال الشيخ العبيد ود رياء   الثلاثاء 11 مارس 2008, 10:05 pm


اخونـــــــــــــــــــــــــا ود رياء
يا حليل ناس زمان وحكم وكلام ناس زمان
عليك الله كتر لينا من الكلام السمح دا


................لنا عودا..................
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: اقوال الشيخ العبيد ود رياء   الأربعاء 12 مارس 2008, 12:37 am

لو صدق قولهم قالوا :
والقول على عاتقهم ..
العبيد ود ريا قال :
كان غلبك الصبر ..

أصبر شوية ..


حكم والله

ودمتم صابرين ...
الرجوع الى أعلى الصفحة اذهب الى الأسفل
الطيب بخيت
قلم فضي
قلم فضي


عدد الرسائل : 327
تاريخ التسجيل : 03/11/2007

مُساهمةموضوع: رد: اقوال الشيخ العبيد ود رياء   الأربعاء 12 مارس 2008, 2:41 am

ود ريا 100.000.000 تحية

يا أخوي دحين الكلام دا

ما صعب على الجماعة ديل
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: اقوال الشيخ العبيد ود رياء   الأربعاء 12 مارس 2008, 1:42 pm

ياسلااام عليك يا ود رياء
كلام أبونا الشيخ درر
عليه رحمة الله
أبقى أدينــــا وأسقينـــا من جميل حديثم الكثير ولا تتوقف
ولك ودي وامتناني أبد الدهر وما بقيت

الرجوع الى أعلى الصفحة اذهب الى الأسفل
http://aljraif.forumotion.com
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الأحد 05 أكتوبر 2008, 3:40 pm

مشكور اخي الطيب بخيت

على المرور الجميل الرائع ولك التحية والحمد لله امة سيدنا محمد بخير .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الأحد 05 أكتوبر 2008, 3:42 pm

الاخ الشريف الهندي

مشكور يارائع على هذا الكلام وبارك الله فيك .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الأحد 05 أكتوبر 2008, 3:43 pm

الشريف الهندي

تحياتي لك
مشكور حبيبي وشيخي على الكلام الجميل .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الأحد 05 أكتوبر 2008, 3:46 pm

[size=24]العزيز ود سنقد

تحياتي لك وكل السودان عبرك
ومشكور على المرور
كان غلبك الصبر ..
أصبر شوية ..

وانا بصبر شوية


[/size]
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الأحد 05 أكتوبر 2008, 3:50 pm

ود جريف قمر

تحية سامية لك
ابن المنطقة الحبيبة للنفس كيف الحال ومشكور على المرور
اخي الغالي كما جاء في حديثي مع الطيب بخيت
امة سيدنا محمد بخير والحمد لله لدينا من احفاد الشيخ ود بدر من هم
على طريقه . ولك التحية والتقدير
الرجوع الى أعلى الصفحة اذهب الى الأسفل
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: اقوال الشيخ العبيد ود رياء   الإثنين 06 أكتوبر 2008, 1:52 pm


يا ود رياء!!
أريتك طيب ياخى
وكل سنه و إنت و كل الأحباب بخير
ياخى أن من المعجبين كتير بحِكم و أقوال الصوفية أو قل "فلسفة الصوفية" فأسمح ليّ أروى القصة دى.
صباح الخميس 29/9/1994 ، رابع أيام وفاة أبى الجزولى سعيد عليه الرحمة، قدِم للعزاء
أحد شيوخ الصوفية من أصدقاء عمى عبدالله سعيد ، إسمه ود الحميدى، من منطقة عِد بابكر .
كنا مجموعة وافره من الأهل و الجيران ، فى منزل عمى عثمان سعيد ، يتناولون شاى الصباح.
بعد أن قام الرجل بواجب العزاء و الدعاء بالرحمة على المتوفى ، عرّفنا عمى عبدالله به و أضاف :
عمّكم ده ما تشوفوه كده ، هو راجل أمى لكن فصيح.
إستعدل الرجل فى جلسته و قال : أدونى لُقمة آكُله .
ذهبت بنفسى حيث النساء فى بيتنا و طلبت أى أكل موجود. إستغربت منْ سمع ذلك منهُنّ ، فالوقت ما زال باكرا.
أعطتنى عمتى صحن طبيخ فاصوليا و رغيفتين .
وضعت الأكل أمامه . أكل نصف رغيفة و قال مؤشرا بكِلتا يديه: شيلو الأكل ده من قدامى .
قلت ليهو : يا شيخنا ياخى ما أكلت ، ما تاكل ياخى !!
أجاب قائلا : الأكل ده أنا شحتُّو!! إتّ بتشحتنى عليهو؟؟ ضحك الناس ، لكننى ذُهلت من قوة المنطق.
ثم بتمهيد من عمى عبدالله بدأ يحكى و يروى حِكم و قصص الصوفية ، و فى الواقع هى عندى "فلسفة الصوفية" .
ومن القصص زات المغزى ، التى رواها : أنه فى صباح أحد الأيام : جا عربى مااااكِن، ليهو دومات لي ودبدر
[سألته مقاطعاً : دومات يعنى شنو ؟ قال: يعنى فِقرتو ماكنه]
ثم واصل : قال لى ودبدر، يا سيدى أنا الفقُر كتلنى كتل ، طلِّعنى منو !
قال : ودبدر قال ليهو: سمح يالحبيّب ، أمش و تعال لينا فى العَصُر .
قال : العربى رجع فى العصر ، لقى ودبدر جامع الفقرا ، بِدِّيهم فى زُبد الحديث .
ودبدر شاف العربى ، قال ليهو: تعال يالحبيّب ، قبيل مرقتك كده ، جا الفقُر بى وراك ، إشتكى منك !!
العربى إستغرب و قال : يشتكى منى فى شنو ؟ مالى ؟ اكلت بلادو ؟؟
ود بدر قال ليهو : لا ، قال إتّ مزاحمو، فى ضل الضحى و ضل الضهر !!!!
وتلك كانت الحكمة التى أذهلتنى . فهل يترك الفقر منْ يُكْمل ظل الضحى لينتقل لظل الظهر ؟؟؟
و أظن أن معظم المستمعين لم يفهمو ذلك المغزى ، أو هكذا بدا لى .
و مره أخرى قال عمى لنا : أسألوه الحجاب المالى بيهو يدو دى لى شنو ؟؟؟
فقال الحميدى : ياخوانا الكلام البجيكم من وراء المالح ده كلو ختو بى وراكم .
و قال : أسّع أنا أطلع منكم من هنا ماشى لعربيتى فى الشارع التانى ، يلاقينى زول قليل أدب
يقول لي إنعل أبوك !! بَرُد عليهو بقول ليهو إنعل أبوك إتّ .
و إن بقى عندو عصايا داير يضربنى بيها ، انا هدِى عصايتى معاى بكسر ليهو راسو،
و إن بقى عندو بندقيه ، حرّم بندقيتى فى عربيتى .
ثم أردف وهو يضع يسراه على الحجاب فى كفه الأيمن : علاكين إبليس يضاربو بى شنو غير ده ؟؟؟
ده إنتو قايلّنو شنو؟ ده آيات من كتاب الله.
ذلك منطق قوى ، لا يستغربه من يعرف الحلاج أو إبن عربى أو أبايزيد البسطامى و غيرهم من كبار الصوفية

الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   السبت 11 أكتوبر 2008, 9:37 am

الرائع الاستاذ الشفيع الجزولي

السلام عليكم ورحمة الله وبركاته (وكل عام وانت بخير )
مشكور على العطر الجميل من ريحك الطيب الذي كان في هذا البوست
وعلى هذا الكلام الجميل الرائع من رجل يحب التصوف واهل التصوف
اخي الشفيع
لك هذه القصة او النكته الجميلة .
يقال أن شخص من الاتجاه الاسلامي وهو بالجنوب قبل السلام وهو جالس
مع مجموعة من الجلابة يهذب اليهم بالليل لكي يسهر معهم وكان الجلابة من
اصحاب المزاج يعني يشربون وعندما حضر اخونا لهم خافوا وقالوا هذا الرجل
متدين وفي هذه الجلسة لم يشربون وتكرر الاخ بالحضور اليهم كل يوم وفي يوم
من الايام زهج واحد منهم قال لهم نحن نضع الشراب ونقدم له واذا رخض نشرب
و ما علينا منه . وعندما قدموا له الشراب شرب الاخ وشرب المجموعة من الاخوان
الجلابة وكان اكثر الناس شراب الاخ الاسلامي وكل الجلابة اصبح الواحد منهم يبكي
بدون سبب والاخ الاسلامي ثابت لم يتحرك بل يطلب المزيد من الشراب .
وكانت هذه السهرة في ليلة الجمعة يعني يوم الخميس .
وفي يوم الجمعة ذهب الجميع للمسجد لكي يصلون الجمعة وكان الخطيب هو ذلك الاخ
الاسلامي وكانت الخطبة قوية ابكت الجميع وكان بعض الجلابة يضحكون.
وعندما خرج الناس من المسجد قال الاخ الاسلامي للجلابة هنا نبكيكم وهناك نبكيكم .
المقصود من هذه القصة .

أخي الشفيع أنت حبر وبحر من العلوم
اذا دخلنا القسم السياسي نرتاح من ذلك الكلام الجميل واذا دخلنا القسم الاسلامي
نجد الشيخ الشفيع بحر علم من علوم الدين والتصوف .
بارك الله فيك يالشفيع وارجواك اكتب لنا مثل كتاباتك الجميلة في المواضيع السابقة
اكتب لنا شئ عن التصوف والله انا سعيد بهذا المرور بارك الله فيك .
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: اقوال الشيخ العبيد ود رياء   الأحد 12 أكتوبر 2008, 5:03 am

ود رياء كتب:
الماعون هو لين غسيل هين


ود ريا النادر ...
تعلمت من هذا البوست الكتير ... والحكمة اعلاه عجبتني جدا واظن انها توازي المثل القائل: لا تؤجل عمل اليوم الي الغد ..
مشكور ستة شهور ..ما تقيف ...
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: اقوال الشيخ العبيد ود رياء   الأحد 12 أكتوبر 2008, 5:17 am

الشفيع الجزولى كتب:
ود بدر قال ليهو : لا ، قال إتّ مزاحمو، فى ضل الضحى و ضل الضهر !!!!
وتلك كانت الحكمة التى أذهلتنى . فهل يترك الفقر منْ يُكْمل ظل الضحى لينتقل لظل الظهر ؟؟؟
و أظن أن معظم المستمعين لم يفهمو ذلك المغزى ، أو هكذا بدا لى
.

لا تظن ايها الشفيع!! انا ايضا لم افهم ماذا يعني ود بدر بهذا العبارة .. هل يقصد ان هذا الانسان عاطل (من ضل لضل) هذا اقصى ما تمكنت من تفسيره لهذه العبارة .
الرجوع الى أعلى الصفحة اذهب الى الأسفل
http://www.basilholding.com
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: اقوال الشيخ العبيد ود رياء   الإثنين 13 أكتوبر 2008, 11:17 am

عبدالله محمد نابري كتب:
الشفيع الجزولى كتب:
ود بدر قال ليهو : لا ، قال إتّ مزاحمو، فى ضل الضحى و ضل الضهر !!!!
وتلك كانت الحكمة التى أذهلتنى . فهل يترك الفقر منْ يُكْمل ظل الضحى لينتقل لظل الظهر ؟؟؟
و أظن أن معظم المستمعين لم يفهمو ذلك المغزى ، أو هكذا بدا لى
.

لا تظن ايها الشفيع!! انا ايضا لم افهم ماذا يعني ود بدر بهذا العبارة .. هل يقصد ان هذا الانسان عاطل (من ضل لضل) هذا اقصى ما تمكنت من تفسيره لهذه العبارة .

التحية الخاصة لود ريا لهذه الدرر الصوفية والتحية للاخ عبدالله ودنابر والشفيع .

ما تعنيه العبارة التى تعلو : أن صلاة الضحى تجلب المال الكتير ولذلك علينا بإتباع
السنة والله أعلم .
الرجوع الى أعلى الصفحة اذهب الى الأسفل
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: اقوال الشيخ العبيد ود رياء   الإثنين 13 أكتوبر 2008, 2:40 pm

الزول السمح ود ريا!!

عساك بخير ياخى
ياخى والله أديتنا أكتر مما نستحق ، ياخى ده أكتر بكتير مما لدينا.
علي أي حال شكرا جدا علي التشجيع و الثناء وربنا يقدرنا نكون عند حسن الظن و نأتى بالمزيد.

الوجيه عبدالله نابرى.
كتبت :هل يقصد ان هذا الانسان عاطل (من ضل لضل) هذا اقصى ما تمكنت من تفسيره لهذه العبارة .
هو بالضبط كذلك و هذا أقصى ما عناه الشيخ ود بدر علي قبره النور و الرحمة.
وبالمناسبة ، قولة الشيخ العبيد: "الماعون هو لين غسيلو هين" أيضا تعنى كما قلت أنت بالضبط
"لا تؤجل عمل اليوم إلى الغد"
لكن ، الفرق إنو الأولى جملة "منحوتة بعناية" فيها موسيقى عالية ،منها تكتسب جمالها .
ومفرداتها سهلة، مأخوذة من مفردات عملية لا تخلو منها بيت ، كبيرا كان أم صغيرا ،
فقيرا كان أم غنيا، لذلك هى ميسورة الفهم للعامة و الخاصة ، لذلك هى حكمة جامعة.
جامعة إستخداما و جامعة معناً.
أما الثانية فهى عبارة عن فعل أمر جامد لا يُغرى من يعرفها بتكرارها.

والتحية ليك يا أستاذ بدر يا ماجد!
ما عارف إسوحيت كلام صلاة الضحى من وين. وعلي أى حال ما عناه الشيخ زى ما قلنا
أن العطالة جالبة للفقر. والعطالة إحدى سماتها " من ضل لي ضل" كما قال عبدالله.
ولكم خالص المودة الصادقة

الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الثلاثاء 14 أكتوبر 2008, 12:48 am

الرائع عبد الله نابري


مشكور اخي المعلم وليس المتعلم
على المرور الجميل وعلى الاسلوب الرائع .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الثلاثاء 14 أكتوبر 2008, 12:52 am

الرائع الشيخ/ الخال بدر عبد الماجد

السلام عليكم ورحمة الله
مشكور على هذا المرور وعلى مثل هذا البوست الصوفي
واينما كان التصوف كنتم تزينون المجلس البحضور الجميل .
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: اقوال الشيخ العبيد ود رياء   الثلاثاء 14 أكتوبر 2008, 12:56 am

الحبيب الشيخ / الشفيع

شيخي عزراً انتم بحر زاخر اذ ليس يحصر
الثناء عليكم بهذا المقال ولكن لشكر الكرام امثالكم
اتقدم بها جهد المقل للشخصكم الغالي .
الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: اقوال الشيخ العبيد ود رياء   السبت 18 أكتوبر 2008, 8:28 am

والله ياود رياء ياحليل ناس ابونا ودبدر والشيخ فرح وتكتوك واقترح عليك بعد اذنك ان يخصص هذا البوست لحكم الصوفيه وكلامهم لاننا نجهل الكثير من كلام الصوفيه وحكمهم والله ولى التوفيق لجميع ودمت لنا
الرجوع الى أعلى الصفحة اذهب الى الأسفل
صديق الجيلاني
عضو جديد
عضو جديد


عدد الرسائل : 26
تاريخ التسجيل : 23/09/2008

مُساهمةموضوع: رد: اقوال الشيخ العبيد ود رياء   الأحد 26 أكتوبر 2008, 4:19 am

عزيزى ود ريا والله امتعتنا بحديث ناس اللالوبه

واهم ماقاله ودبدر جريفاتى فى كتيفاتى
2/ ياقيوم مااصل الخرطوم عندما كان ذاهبا لمحاربه الانجليز
حيث استعان به الخليفه فى حصار الخرطوم من الجهه الشرقيه
ففاضه روحه الطاهره بمنطقه الجريف وصاره من معالمه ةهى
روح السيخ ود بدر
ونلتقى يا ود ريا
الصديق الجيلانى عبد الرحيم ابو مزن
الرجوع الى أعلى الصفحة اذهب الى الأسفل
 
اقوال الشيخ العبيد ود رياء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: