............

حبابك عشره يا زائر
 
الرئيسيةالتسجيلدخول

شاطر | 
 

 قصة د. طــارق وصاحبة عوض والبنات السمحات ،،،

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: قصة د. طــارق وصاحبة عوض والبنات السمحات ،،،   الإثنين 10 مارس 2008, 1:41 pm


الخيــــال والواقع .... عالمين غريبين وجميلين في نفس الوقت ... يمتزجان ببعضهما حيناً
وترتسم صور يعبر عنها البعض بشئ من كلمات خيالية لكنها قد تكون حقيقة في الواقع
والبعض يعبر عن خيال وكأنه حقيقة .. وهذا نتاج طبيعي مثل هذه القدرات العالية لدى البعض
فهي دمـــاء سودانية لها تراث ولهجات وعادات أصيلة حقاً ... هنا أنقلكم معي الى ذلك البستان
الذي حصلت عليه حين غفلة .. وهي قصة الدكتور طارق وصاحبه عوض وكل أحداثها على
لســـــان المبدع الرائع دكتور طارق والذي أراه العملاق الطيب صالح إلا الاســــم فقط ..
فله أسلوب يفوق حد الوصف ... وله مقدرة لنقله كلياً من عالم الحقيقة الى عالم آخر جميل
لا تعرف أين أنت في ذلك العالم ... لتستمتع بحديثه ولهجته الشايقية التي تبهج النفس وتنعش
الروح ويتمرحل في قصته وروايته العملاقه العظيمة بين مراحل مختلفة تستمتع انت في كل
جزء منها حد الانتشاء وترتقي بمتعة الحديث معه والانصات لــه الى حد لا يوصف ويشدك
بطريقة سرده الجميلة لأحداث تلك القصه الرائعة والرواية الحدث .... وتدور أحداثها حول
قصة دراسته للطب بمصـــر وصديقة عوض بالسودان وبعد انتهائهم من مرحلة الثانوي
والشهادة الثانوية وهنـــا تحصل القصة وتبدأ مجرياتها مع البطلتين الأخوات احداهم أصبحت
خطيبة عوض والثانية أتركها لكم لتكتشفو ما حدث لها مع طارق ... وقصة واقعية
لا أجد من الكلمات ما اعبر بهـــا عنها ... فهي آية جمال وسأوردها لكم مفصلة
لأترككم بين الشوق واللهفة لتستمتعو أكثر وأكثر فكونو متابعين على مهل ....
معبق تحياتي ،،،،،
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الإثنين 10 مارس 2008, 1:48 pm




وبدأ الدكتور طارق حديثه وروايته قائلا

انا بحكيلكم قصة صحبي عوض الله يطراهو بالخير...
دحين يا الحبان ونحن في الثانوي انا وصحبي عوض دا كنا شغالين طلب
مع بناي كدي ايدو خضراْء تحلف تقول الزول دة ساقية يمين من تبدأ الاجازة ونحن مدورين يوم في الصحافة ومرة اركويت وساعات في الامتداد.. المهم الخرطوم دي تحلف تقول بنيناها انا وعوض دا... تمانية صفايح رملة وواحد اسمنت والملطم يكون جاهز... جيب الطوب يا ولد غربل الرملة يا ولد... الخرصانة وصلت ولا لسا... بكرة حا نعمل البيم...المهم يا الحبان الرزق يوم قام ساقنا للعمارات عندنا فيها شغل شهر وكان الوكت آخر الاجازة ونحن مقدمين للجامعة بعد ما امتحنا الشهادة.. عوض صحبي دا شليق شلاقة عدوكم.. قوم يوم ونحن ماشين على العمارات جاب اورنيق الجامعة معاهو قال عايز يستاذن من المعلم عشان يكمل الاجراءات... انا الكلام حرقني خفت الارانيق دي تقوم تغتس في الاسمنت والطوب ويكون تعبنا راح شمار في مرقة...المهم طلعنا الطابق التالت عشان نغير ونلبس لبس الشغل... عوض صاحبي مبسوط الليلة ويغني شافلو مسمار علق فيهو هدوما وبدأ يلبس في لبس الشغل.. عندو فنيلة تحلف تقول الفطيرة البيخلوها في آخر الصاج ديك وبيسموها (القنقروشة) يمين ان بقا ما بلاها ما تتلبس... والعرق الفيها لو كبوهو في بطارية عربية نازلة تولع...اما بنطلون الشغل بالله تقول ضربوا لغم كله مقدقد تقول غربال دراب..انا قلت ليه ياخي ما نغير لبس الشغل دا هنا في العمارات ديل ناس هاي ويمكن يتهمونا باكلة لحوم البشر... حلف ما يغيرو لكن الحكاية يبدو عندها معنى بعدين بيظهر..
المهم كلمنا صباحيتنا وقبل ما نمشي نفطر قلت ليه ياخي الارانيق دي شوفليها طوبة اهجرها بيها عشان ما تطير قال لي يا زول ما تخاف يلا نمشي نفطر... ومشينا الديم يا ابو ساندرا وضربنا الفول في سوق الديم وجينا منفوخين وكروشنا قدامنا زي الحنابيك تحلف لو ختو ليك سهم نشاب في صرتك وقالولك شيل نفسك وتاني ختو السهم يصل الصحافة من الديم من شدة ما زردناها فول...
عوض على غير عادتو يغني ساكت في الطريق... المهم لامن وصلنا لقينالكم بنيتا سمحي جنس سماح واقفة منتظرانا... جملة الايمان وجيها من شدة ما ناعم ان بقى كبولم فيهو عسل نحل ينزلق منه.. بالله البت وشها اصفر ومندي تقول منقة قلب التور... وانا وعوض صحبي وقفنا مبلمين تحلف تقول ما عمرنا اتكلمنا قبل دة.. والموقف كانت فيهو مفارقات عجيبة خلاص البت بي سماحتها دي كلها وعوض وشوا مليان اسمنت وراسه مغبر عامل زي الدرابة... المهم يا الحبان البنية قامت حلت الموقف وسألتنا منو فيكم عوض؟
انا اتشجعت وقلت ليها دا... قامت قالت ليه انت حا تدخل السنة دي كلية الصيدلة؟؟؟ قاليها ايوة..
قامت قالت ليه: ياخي انت راجل مكافح خلاص... الكلمة دي وقعتلنا في جرح... لاننا كنا بنسمعهامن اخوان عوض الكبار لمن يجوا من الجامعة ونحن منجعصين وصتهم ويقعدوا يتكلموا عن كفاح الطلبة والديفييشن وكلاما غلاد غلاد كدي نحن مانا فاهمين منه اليكتحنا....
ونواصل .......




عدل سابقا من قبل الهندي ود نابري في الخميس 13 مارس 2008, 7:29 am عدل 1 مرات
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الإثنين 10 مارس 2008, 1:51 pm



(2)
اها يا الحبان البت بدت تسأل فينا جنس اسئلتا تقول شغالة في جهاز الامن... شي عن الوالدين وشي عن الظروف وشي عن الطموح... وعوض مبلم ومقهي تقول ماكلو أمانة... انا القصة حرقتني... ياخي نحن جايين نشتغل ولا نعمل معاينة... قمت استأذنت منها عشان نشتغل ومشينا لي اسمنتينا وطوبنا... جملة الايمان عوض من طلعنا كضم الكضمة الياها.... ونسى كلو كلو موضوع الارانيق.. انا القصة ضربتلي في راسي انت الزولة دي من وين عرفت اننا مقدمين للجامعة... قفرنا الارانيق ما لقيناهن... اتاريها طارت مع بنطلون عوض ووقعت في حوش النسوان... قلت لي عوض زي ما جبتهن تمشي تجيبن.. المهم زولكم اتشجع ومشى جابن وانا اتاوق عليه من فوق... زولكم العرق الطلع منه في جيب الارانيق دي من ما بدينا نشتغل طلب ما طلع منه عرق قدر دة... وجاني صوتو مبحوح... قال لي الزولة دي قالت انها معجبة بي كفاحنا دة... قلت ليه يا زول انسى الموضوع دا وخلينا في طوبنا دا...
تاني يوم يا الحبيبين نلقالكم البنية منتظرانا بي شاي الصباح ومعاهو كيك.... على باليمين قايلين نفسنا دخلنا الجنة عديل... واصلو الكان لي عوض قرب يقول صدق وعده دي واحدة من الحور العين... البنية اتاريها دخلها عوض في نافوخها... ومن السواق بتاعم عرفنا انه ابوها تاجر ليه ضل وعنده 3 بنات بس وعنده مزارع وجاه... سبحان الله الهيلمانة دي كلها و3 بنات بس... كان يجي يشوف ابو عوض اي مرة قابلته في الطريق عجبته عرسها وبقى يملص في الشفع زي قزقيز التسالي... بالله بيوت الحلة كلهن مافي واحد فيهن ما ختاهو حرامي الا بيت ناس عوص... لانه من كترة العناقريب الفيهو حقت البطان الحرامي ما عندو طريقة ينزل رجلينو... انا عوض دا ان بقيت دايرو في شي بعد 11 بالليل عارف عنقريبو وين بس ارفع راسي فوق الحيطة وعيني لي عوض مدلدل راسي في شناط الليل عنقريب مرخي كدة تقول حفرة دخان واديهو حجر زولكم طوالي يطلع يقابلني...
المهم يا الحبان ضربنا الكيك والشاي وطلعنا لي شغلنا... ومن طلعنا وعوض مقهي... قلت ليهو عجبتك.. قال لي دي منو المابتعجبو... قلت ليهو يا ولدنا ضمنت انك حا تسكن في العمارات بس عليك الله ما تنساني... ونسيبك القادم دة عندو مزارع وانا داخل بيطرة يعني ما تتغاتت... زولكم ضحك لامن طلعلو ضرس العقل...
المهم يا الحبيبين... بقينا نجي نلقالكم شي عصير شي كيك شي منقة جاية من المزرعة لامن سوينالنا جضيمات... المشكلة بقت في انه نحن لامن نطلع ما بنقدر ننزل والقصة دي كانت محرقة عوض في فشافيشو... قمت قلت ليه عندك حل واحد بس انت بدل تشتغل معانا فوق تقوم ترفع الرملة وبي كدة تشوف الجكس وتاخد ليك حنك حنكين... زولكم ما صدق كلم المعلم ومن تاني يوم بقى يطلع في الرملة... بس زولي انا عارفو قصة الرملة دي ما بيقدر عليها ومروتو ماها قدر دة.... لانه لامن تجي الساعة 12 وزولي يتفنس وشكله وهو مفنوس وشايل الصفيحة زي علامة الاستفهام... وشعر راسو زي بوخ السليقة...





عدل سابقا من قبل الهندي ود نابري في الخميس 13 مارس 2008, 7:30 am عدل 1 مرات
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الإثنين 10 مارس 2008, 1:53 pm

(3)
عوض بقى يطلع في الرملة ويتشجع لامن البنية تديهو بسمة من بعيد... جملة الايمان الزول ان بقينا قلنالوا ترفع رملة الحرطوم دي كلها هنا كان رفعها... بس مرات لامن البت تبقى ماها في وتشوفو طالع بي صفيحتو يمين لسانو ماديهو زي كلب الحر... وعيونه من التعب زي عيون ام سيسي... ولامن البنية تكلمه... يا زول جضومه تتنفخ زي العندو برنبوفي (ابوعديلات عشان ناس كردفان)... وتحلف تقول الزول دا ان بقى مات وهو في الحالة دي حا يدفنوهو وهو ضاحك لا قعر اضانو..
الايام الاولى كلها وانا اتاوق فيهو من فوق زي الزول الصابة فوقو مطرة البت تتونس معاهو وهو مبلم زي ولد الطهور ... بعد اسبوع كدة حتا لسانو اتفك... وشوف عيني بقى يقول ليها صباح الخير... عوض يقول صباح الخير.. ايوة والله... عوض الناشف داك زي عود الطلح بقى يجي ممسح وشعره مسرح.. ومريح كمان بالرغم من انه الريحة عاملة زي النفتالين... لكن اهو عوض بقى يتريح بعد ما كانت ريحتو مع العرق ترمي الصقر.. والله ان بقيت مريت بي جنبو ساكت ريحتو تخليك تدخل في غيبوبة.... يا جماعة خير زولكم اشترى ليه مراية شخصية لانه لو ختاها مع اخوانه الكتار ديك الا يوزعوها زرة زرة بيناتهم... وبقى بعد نضرب الفول في الديم يشيل باقي الزيت ويتمسح بيهو... عشان يظهر ناعم وكدة...

الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الإثنين 10 مارس 2008, 1:54 pm


اها يا جماعه آمن تكملو الفوق ده وتاني بجيب ليكم الباقي الليل القصه
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الثلاثاء 11 مارس 2008, 12:19 am

عرفتو ليها والله ... أصلها ما بتنفك القصه دي
ولو دخلتو فيها يحلكم الحلا بلــــــــه
الرجوع الى أعلى الصفحة اذهب الى الأسفل
http://aljraif.forumotion.com
الحاج ود الرشيد
عضو نشط
عضو نشط


عدد الرسائل : 50
تاريخ التسجيل : 12/03/2008

مُساهمةموضوع: رد: قصة د. طــارق وصاحبة عوض والبنات السمحات ،،،   الأربعاء 12 مارس 2008, 2:11 am

تم الباقى سرعه ولا انيشك بى كساره
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الأربعاء 12 مارس 2008, 1:48 pm

الحاج ود الرشيد كتب:
تم الباقى سرعه ولا انيشك بى كساره

لا إله الا لله محمد رسول الله
الحاج ود الرشيد الحكاية شنو آيابه كســــاره عديل
نحنا الكلام ده ماخليناهو زمااااااااااااااااااان
ههههههههههههه
انت بس ابقى قريب فالقادم جميل أكثر مما تتصور

الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الأربعاء 12 مارس 2008, 3:23 pm

(4)

المهم يا الزينين زولكم بقى يهضرب بالبنية والبنية مكسرة
فيهو... واصلو كان لي عوض ما عايز الطابق اليلم دا كلو كلو ما يتم... عوض المسكين الغنماية تاكل عشاهو بفى يغني شيتا: اساسق
بالدريب الجايي بي حداكا.... وشيتا انا دستوري نازل هناك في العمارات... ودي ما بعرفو جابها من
وين... دحين انا شفت زولي اتشعلقلو جنس شعليقة يفكو منها الله ساكت..
- شوف يا عوض انت راجل رفيق العمر كله القصة شكلها ما
لافقة معاك
- ياخي ليه عشان انا فقير يعني
- ما كدة يا الحبيب بس انت لسة المشوار قدامك فيهو مليون
كيلومتر
- ياخي بقطعوا معاها
- يا راجل البنية دي سميحة ما قلنا حاجة بس صعب تنتظرك
حا يجي اي واحد مرتاح ومتمسح ويخطفها منك وانت تبقى فاتح خشمك زي العوير...
- ياخي انت مالك عايز تكسر مقاديفي
- هي وينة مقاديفك دي انت عندك بلتون اخوان وناس ابوك
راجنك تقول لي مقاديف
زولكم عين لي كويس وكبسني بنية وخلاني مرمي ومشى..
.




الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الأربعاء 12 مارس 2008, 3:24 pm

(5)

المهم يا الحبان اخدت بنيتي ومشيت كمدتها في قلبي وكملت
شغلي ومشيت للبيت...
اصبحنا الصباح وكان يوم خميس وطبعا يوم الخميس مهم جدا في
حياة الطُلب لانه يوم صرف القروش... والواحد دايما بيكون قافل على كيلو باسطة وكدة..
المهم عوض جاء مبلم لا ناضمني لا ناضمتو... كل واحد فينا
مشى لي شغلو...
عوض علي زعلتو مني البنية الصباح كلو كلو ما ظهرت...
زولكم عيونه حمرت وعرقوا نازل يخرخر... ووشو بقى زي ملاح الويكة البايت.. تاوقت عليه من فوق لقيتو رفع فنيلتو العجيبة ديك لي نص
كرشو..
اصلو زولي عندو كرش ومع رفع الفنيلة دة بقى عامل زي الزول
البالع ليه (قُلة)... وعلي العليه قام رفع بنطلونه السجمان داك لي ركبتو... والرجلين تحلف
تقول كُنش عصيدة...
هسا البت السجمانة دي العاجبها في الزول دة شنو ما عارف..
مشينا نفطر وزولكم حارن،،، وعوض في الاكل عندو اكل غريب
خلاص وحاتكم يقع في صحن الفول دة جف جف جف جف زي الكلب لامن يكون عطشان ويشرب من صحن الطلس...
لكن زولكم شال ليهو لقمتين وقام...
بس ربكم ربك الخير مع رجعتنا ظهرت ام الحسان... كان
اشوفلكم الراجل فرح وابتسم زي الزول العندو ام فريحانة...
قبضنا قريشاتنا من المعلم ومشينا لي بتاع الباسطة دغري
ولهطنا باسطتنا في امان الله..
في الطريق الزول ما مبسوط وعايز يصالحني:
- انت لسا زعلان
- ازعل ليه انت حر انا حبيت بس انبهك
- تنبهني لي شنو
- لي وضعك والمشوار الطويل المنتظرك
- ياخي ما ممكن يمشا مع بعض
- ما ممكن يا عوض انت عارف انت عندك كم اخو واخت وناس
ابوك قافلين عليك قدر شنو
- عارف

- لا ما عارف.... ياخي انت نسوان الحلة ينجارن عشان
يحصلن بتاع اللبن قبل ما يصل بيتكم واللبن يكمل عليهن... ولا بتاع العدة
النسوان كلهن يشترن
نص دستة كبابي ونص دستة صحانة انت امك تشتري دستتين
ونص احتياطي عشان البلتون العندكم دة... ياخي انت بتاع العناقريب لمن يدخل بيتكم يطلع
منه بعد تلاتة يوم لامن نفسو ينقطع وهو ينجد في
العناقريب تحلف تقول زول من البيت... بعد دة كله تقول لي عارف...
وصلنا بيوتنا كداري من العمارات وكل واحد فينا مشى لي
بيتو...
بالله يوم الجمعة من اصبحت اشوف ليك زولي لابد جنب بتاع
الدكان...
مشيت عليه وسلمت على بتاع الدكان... شويتين اكان نسمعلك
جرس تليفون الدكان:
- بالله عوض جنبك.... ابو الزفت البنية السميحة على
التليفون.. اتاريه مصنقر هنا من اصبحت
- الو صباح الخير (سبحان الله عوض وصباح الخير اصلهم ما
بيتلموا)
وشوية انا والهادي بتاع الدكان نسمع في القرقراب والضحك
تحلف تقول الولد مولود في مقاطعة سان جيمس ما في الامتداد
- والله انا ذاتي اشتقت ليك... دة الكلام



الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الجمعة 21 مارس 2008, 2:57 pm

up
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قصة د. طــارق وصاحبة عوض والبنات السمحات ،،،   الثلاثاء 22 أبريل 2008, 10:31 am

up
الرجوع الى أعلى الصفحة اذهب الى الأسفل
http://aljraif.forumotion.com
 
قصة د. طــارق وصاحبة عوض والبنات السمحات ،،،
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: