............

حبابك عشره يا زائر
 
الرئيسيةالتسجيلدخول

شاطر | 
 

 الزواج الجماعي الثاني لجمعية تطوير الجريف شرق

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
عاشق الجريف
عضو مشارك
عضو مشارك


عدد الرسائل : 43
تاريخ التسجيل : 09/03/2008

مُساهمةموضوع: الزواج الجماعي الثاني لجمعية تطوير الجريف شرق   الأحد 09 مارس 2008, 5:42 am

[size=24][/size]thump up

أمس السبت 8/3/2008م وفي ساحة الميادين بالجريف شرق احتفلت جمعية تطوير منطقة الجريف شرق بيوم العرس الجماعي لزواج عدد مقدر من البنات والاولاد زاد عن الخمسين زيجة شرفه السيد/معتمد شرق النيل وقد كان بحق يوم جميل ملئت فيه الزغاريد جميع انحاء الجريف شرق. جعله الله زواجا مباركا ومزيدا من الانجاز با أبناء الجريفمعقول
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأحد 09 مارس 2008, 11:34 am

الحمد لله الذى جعل لنا من مثل هولاء الشباب الذين يعملون بدون ملل ولا رياء كما نعرفهم دائما يعملون
لنهضة هذه المنطقة ورفعتها وجعل إسمها عاليا ومعروف فى كل أنحاء السودان ، مثل هذه الزيجات الجماعية
التى أصبحت بشكل مرتب فى العام مرة أو مرتين على الاقل ، وابناء الجريف لهم إنجازات عديدة قامت بها جمعية
تطوير الجريف ،ودعوانا لهم سيرو وعبن الله ترعاكم ونحن فى إنتظار الجديد الذى قد ينبهر به كثير من الناس خارج
وداخل الجريف هناك مشاريع ضخمة جدا جدا فى الطريق ترى النور قريبا من إنجازات هؤلاء الشباب وعلى راسهم
الشاب الذى يعتبر علما للانجاز( المهندس موسى عمر أبو القاسم -الاستاذ/ احمد بابكرمحمد )والف الف الف مبروك وربنا يدوم
الافراح فى بلادنا عامة والجريف شرق خاصة ولك الشكر عاشق الجريف وهنئا لك بعشقك لهذه المنطقة الطيب أهلها .
وراجعين
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الأحد 09 مارس 2008, 2:59 pm

الأخ الغالي بدر عبدالماجد بله نشكرك على هذا التبيان لكن نتمنا أن يكون عمل الأشخاص الذين ذكرتهم لله وأن لا يدخل الجانب السياسي في هذا العمل ؟؟؟؟؟
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأحد 09 مارس 2008, 3:34 pm

ألف مبروك لكل العرسان في تلك الليلة السعيده
حقاً ان سنة الزواج الجماعي لسنة جميلة وعظيمة
وفيها من التسهيل لأمور كل الشباب لكي يتزوجو
شكرا لتلك الهيئة التي تعمل ليل نهار .. وليس إلا
لأن الدم الذي يحشو أجسادهم .. دم جرافة مليانين
رجـــاله وأصالة ونخوة وشهامة .. شكرا لهم شكرا
عظيما ... وأذكر من بينهم العم / باباكر حاج الطيب بلال
لهم جميعا كل الشكر والتقدير

الرجوع الى أعلى الصفحة اذهب الى الأسفل
http://aljraif.forumotion.com
الطيب بخيت
قلم فضي
قلم فضي


عدد الرسائل : 327
تاريخ التسجيل : 03/11/2007

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 10 مارس 2008, 6:36 am

الأخ/ عاشق الجريف

ألف مبروك لجميع العرسان

وإنشاء الله ربنا يهني الجميع

فحقاً فكرة الزواج الجماعي

فكرة جميلة وعظيمة بعظمة الجريف



ود عبد الماجد لك مني تحية ود ومحبة

نشكرك على عرضك الرائع لهيئة تطوير الجريف والقائمين عليها

أنظر لكلام ود ريا

(نتمنى أن يكون عمل القائمين

على هذه الاحتفالات لله

وأن لا يدخل الجانب السياسي

في هذا العمل)

لأن في حاجات كتيييرة في الجريف

عايزه تطوير
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الزواج الجماعي الثاني لجمعية تطوير الجريف شرق   الثلاثاء 11 مارس 2008, 2:56 pm

حبيبنا ود الجريف

ماذا بعد الزواج
فالزواج لاينتهى بعقد القران
بل تصبح هنالك مسئولية من ماكل ومشرب (ومتطلبات باقى الحياة)
هل تستطيع هذه الجمعية توفيرها للعرسان فيما بعد؟؟؟؟؟؟؟؟طبعا لا
وياعزيزى بدر عبدالماجد والله نهضة منطقة الجريف (بتفرحنا)كلنا
لكن جمعية ابناء الجريف( الانت بتمدح فيها من الصباح ) ماشايف ليها انجاز
كان من الاولى لها ان تصلح الكنب والكراسى فى مدارس الجريف
واعادة تاهيل المعمل الطبى فى مركزصحى الجريف
لانو بصراحه شديدة شنطة العرس التى يوفرونها لست هم ولا من الاولويات )
يعنى الزول ممكن يعرس بدون شنطة ب(بلح) بس.
عرس جماعى......عرس الشهيد..........عرس شنو كده
بالله فكونا من اعراسكم المابتنتهى دى
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأربعاء 12 مارس 2008, 2:38 am


لكم التحايا أعزائى الطيب بخيت وتسالية العائد بقوة
ياشباب الله يهديكم إنما الاعمال بالنيات ولكل إمرىء بما نوى
الشباب ديل حا يعملوا الكتير الكتير لمنطقة الجريف شرق،ويا أخى تسالية تتحدث عن معمل صحى وهناك
مستشفى باكمله ألم تعلم به (المستشفى الصينى الصرح الكبير من إنجازات عمر البشير والجديد قادم .
وراجعين
الرجوع الى أعلى الصفحة اذهب الى الأسفل
الطيب بخيت
قلم فضي
قلم فضي


عدد الرسائل : 327
تاريخ التسجيل : 03/11/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأربعاء 12 مارس 2008, 3:23 am

ود عبد الماجد لك 100.000.000 تحية ود وإخاء

والله يا أخوي أنا شخصياً

ما عندي أي شك في أي إنسان يريد أن يعمل

وما عندي مثقال ذرة من الشك في وطنية الأخوان

الذين ذكرتهم وعشقهم لهذه المنطقة

(فليسيرو وعين الله ترعاهم ونحن من وراءهم)

نعم هؤلاء شباب يودون أن يعملوا

لكن يجب أن يكون العمل منظماً

شنو نعمل احتفال زواج

ما بكرة النسوان تاني بيلدن

وتكون العملية زيادة في (الجهل والفقر والمرض)

كأنك يا أبو زيد ما غزيت

نحن عايزين لجنة تطوير الجريف تعمل

الحاجات المهمة للجريف تصلح المدارس الابتدائية

لأنها في حالة يرثى لها، وتبني رياض الأطفال

(لأننا ببناء المدارس ورياض الأطفال نبني الأجيال)

تحاول تنير الطرق وبالذاتى (طريق النص العام)



أذهب شوف مركز صحي الجريف حالته شنو

وشوف مركز الشهيد إبراهيم السيد في حلة سرحان الحبيبة

ما فيه إلا سرير واحد (شنو الحاصل يا جماعة)

هل نحن في حالة حرب ما قالوا الحرب انتهت

يعني الفلوس التي صرفت في الاحتفال دي

كان من الأولى تصرف في أي مدرسة

أو مركز صحي أو أي مسجد من مساجد الجريف

بدل من الهتافات والخطب المنبرية

التي لا تسمن ولا تغني من جوع

ويستفيد منها أناس آخرون

لتعبئة أنفسهم سياسياً

أما بخصوص المستشفي الصيني !!!!!!!!!!!!!!!!!!!!!!

جاييلك تاني يا أخوي
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 31 مارس 2008, 1:53 pm

مستشفى باكمله ألم تعلم به (المستشفى الصينى الصرح الكبير من إنجازات عمر البشير والجديد
لاتعليق!!!!!!!؟؟؟؟؟؟
ابوتراجى
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 31 مارس 2008, 2:04 pm

المستشفى !!!
وضع حجر الاساس لمستشفى الشهيد د.الطيب مصطفى داخل المركز الصحى قى اول زيارة للقائد الانقلاب المسمى بالانقاذ(الحجر موجود حتى لحظة كتابة سطورى هذه )
ولاجديد وتقول لى المستشفى الصينى
وشنو الماصنى عندنا يابدر ياعبد الماجد
هسه النسوان البعرسو فيهم بالجماعى ديل مادايرات يلدوا؟؟؟؟
الله يعرس ليك كان جماعى ولا كورة وتعرف الولادة فى مستشفى عمر الصنى بى كم ؟؟
الله يرحم ايام الداية زهراء بت الشعرانى
وتحياتى لود الشاعر محمد
وال ابودقن
ابوتراجى
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 31 مارس 2008, 2:12 pm

العرس ده كلف كم ياالطيب بخيت ؟!!!!
تلقى الاحتفال بالعرس الجماعى كان اكتر كلفه منالعرس الجماعى !!!
زى كبرى الفتيحاب
التكلفة للاحتفال بالافتتاح كان اكتر من قيمة تكلفة الانشاء
واظن انا الغلطان!!!!
فاوضى بزعل ليبان الحقيقة
كفا سخف !!!
هل موسى عمر ابوالقاسم قدم للجريف ماتستحق ؟؟
فضل بس يعرس للناس ؟
يابدر قول لهذه اللجنة هنا ماهو اهم ومهم اكثر !!!
ابوتراجى
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الخميس 03 أبريل 2008, 1:33 am

اشكر واسف علي التاخير على الرد والمشاركة


والله يا اخي ابو تراجي اذا كان في الجريف عشرة من امثالك يقولون كلمة الحق كانت الجريف الان تكون بخير والله الجريف تحتاج اهم من هذا الان الناس بتمت بالسرطان والفشل وما عندها حق العلاج وانت وانا والكل في السابق وحتى الان بدفع المساهمة للسفارة السودانية كل تجديد جواز او عند السفر .. واذا ذهبت اعشان يدعموك لكي تسفر احد من اهلك لكي يتعالج بالخارج يعطوك ناس المالية مبلغ 500دولار فقط وبالواسطة 1000 دولار . رغم انهم يدفعون الكثر من تعبئة الجماهير في الاحتفالات التى تقام لصالح الموتمر المسمى الوطني . وين المواطن المسكين وين تطوير الجريف وين المبلغ الذي تبرع به عمر البشير وكان 10 مليون جنيه ذلك الزمان بتعادل الان 10 مليار وين المركز الصحي وين وادب الحادو الزراعي وين وين وين يا ناس الجبهة الاجرامية .
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الزواج الجماعي الثاني لجمعية تطوير الجريف شرق   الخميس 03 أبريل 2008, 7:07 am

ود رياء كتب:
. وين المواطن المسكين وين تطوير الجريف وين المبلغ الذي تبرع به عمر البشير وكان 10 مليون جنيه ذلك الزمان بتعادل الان 10 مليار وين المركز الصحي وين وادب الحادو الزراعي وين وين وين يا ناس الجبهة الاجرامية .
السؤال محول للاخ بدر (الهارب )من البوست وللاخ بديع الغريب
الرجوع الى أعلى الصفحة اذهب الى الأسفل
alzeim
عضو نشط
عضو نشط


عدد الرسائل : 54
تاريخ التسجيل : 15/01/2008

مُساهمةموضوع: رد: الزواج الجماعي الثاني لجمعية تطوير الجريف شرق   الجمعة 04 أبريل 2008, 6:33 pm

قال رسول الله صلي الله عليه وسلم ( يا معشر الشباب من استطاع منكم الباءة فليتزوج ومن لم يستطع فعليه بالصوم ) واظن انو الفكرة في حدة ذاتة جميلة لتسهيل امر الزواج ولا اختلف مع الشباب الراي فيما يتعلق باوليات التعليم والعلاج و لكن الطيب بخيت قال كلمة جميلة ( ان لا يدخل الجانب السياسي ) ارجو ان تاخذ في عين الاعتبار ولكم التحية جميعا
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 07 أبريل 2008, 5:40 am

alzeim كتب:
قال رسول الله صلي الله عليه وسلم ( يا معشر الشباب من استطاع منكم الباءة فليتزوج ومن لم يستطع فعليه بالصوم ) واظن انو الفكرة في حدة ذاتة جميلة لتسهيل امر الزواج ولا اختلف مع الشباب الراي فيما يتعلق باوليات التعليم والعلاج و لكن الطيب بخيت قال كلمة جميلة ( ان لا يدخل الجانب السياسي ) ارجو ان تاخذ في عين الاعتبار ولكم التحية جميعا





إنتو لو بتفتكروا إنو الاعمال الزي دي بتختى الجانب السياسي ..
بتغشوا في رقبتكم سااااي ..
يا شباب خلوكم واقعيين ..
ما في الآن في السودان جهة إعتبارية وعندها قروش ونفوذ إلا وكانت الحيكومة ثانيهما ..

دحين ......



ودمتم لنا ..
.
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 07 أبريل 2008, 11:51 am

ود سنقد كتب:
alzeim كتب:
قال رسول الله صلي الله عليه وسلم ( يا معشر الشباب من استطاع منكم الباءة فليتزوج ومن لم يستطع فعليه بالصوم ) واظن انو الفكرة في حدة ذاتة جميلة لتسهيل امر الزواج ولا اختلف مع الشباب الراي فيما يتعلق باوليات التعليم والعلاج و لكن الطيب بخيت قال كلمة جميلة ( ان لا يدخل الجانب السياسي ) ارجو ان تاخذ في عين الاعتبار ولكم التحية جميعا





إنتو لو بتفتكروا إنو الاعمال الزي دي بتختى الجانب السياسي ..
بتغشوا في رقبتكم سااااي ..
يا شباب خلوكم واقعيين ..
ما في الآن في السودان جهة إعتبارية وعندها قروش ونفوذ إلا وكانت الحيكومة ثانيهما ..

دحين ......



ودمتم لنا ..
.

الغالى تمر السوق السياسة هى كل شىء هل تعلم بذلك ولكن مطلوب منك تكييف السياسة
وضع أسس وبرامج ومنهج واضح حتى لبرنامجك اليومى لازم يكون هناك ترتيب ياودسنقد
وتعجبنى فيك اللباغة ودمت للوطن واخا فى الطريق
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 07 أبريل 2008, 2:41 pm

شكراً ياود رياء على تعليقك والثناء
الزى كتار وانت واحد مننا والله يديك العافية
بس داير اسال بدر عبدالماجد برة البلد ؟
شنو فتح البوست وختفى ؟!!!!
وين الكان فى دفاع مستميت عن لجنة العرس الجماعى الجنائزى........ ياودعبدالماجد
وسمعت انو قالوا اول زولا تولد فى صينى البشير المشير بدوها عربية!!!
وقلت والله كان كلمونى وانا فى السودان كان اولد انا زاتى مااخلى عربيتهم دى ياودرياء اخوى
تحياتى
ابوتراجى
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 07 أبريل 2008, 11:44 pm


الرائع ابوتراجى كيفك ياراجل ياطيب الشوق بحر
المنتدى إزدان وتجلى بحضورك البهىء والله يكثر من أمثالك،
الغياب لاسباب عملية وإنت عارف ..................
اسعدنى كثيرا تواجدك وإنتقاداتك الجميلة وتحليلك الرائع دائما
فى كل موضوع وخليك قريب .
إنشاءالله المواضيع كتر ،الزواج الجماعى دى نقطة من ذاك الغيث
الدافق . وراجعين
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الزواج الجماعي الثاني لجمعية تطوير الجريف شرق   الثلاثاء 08 أبريل 2008, 6:45 am


يا تو طريق يا بدر ؟؟

وشكراً على الإطراء .. الذي لا أستحقه ..
وأظن يا غالي هناك من يستحقه بدلاً مني .. وهم كثر ..

الأسس والسياسات للبرامج الحيوية وغير الحيوية أخي لا تجدي نفعاً مع الجاعة ..
اللهم إلا السياسات الخسيسة وكتل الحيل والتنازل عن المبادئ التي نعتبرها لا تتجزأ
للحصول على ما نصبو إليه .. يعني بالغش والخداع والمكر والدهاء الغير طبيعي ..
والسير في الطريق ..

ويا ريت تكون حفاني في المسألة دي بالذات ..

ودمت أخاً في طريقنا ...
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الثلاثاء 08 أبريل 2008, 10:25 am

ود سنقد كتب:

يا تو طريق يا بدر ؟؟

وشكراً على الإطراء .. الذي لا أستحقه ..
وأظن يا غالي هناك من يستحقه بدلاً مني .. وهم كثر ..

الأسس والسياسات للبرامج الحيوية وغير الحيوية أخي لا تجدي نفعاً مع الجاعة ..
اللهم إلا السياسات الخسيسة وكتل الحيل والتنازل عن المبادئ التي نعتبرها لا تتجزأ
للحصول على ما نصبو إليه .. يعني بالغش والخداع والمكر والدهاء الغير طبيعي ..
والسير في الطريق ..

ويا ريت تكون حفاني في المسألة دي بالذات ..

ودمت أخاً في طريقنا ...

أخى فى الله بإذن الله
أقصد طريق السلامة والاستقامة (طريق الانقاذ الوطنى)
شعارنا من غشانا ليس منا وبرنامجنا واضح وصريح من أجل رفعة الوطن الغالى
وابقى قريب
وراجعين
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الزواج الجماعي الثاني لجمعية تطوير الجريف شرق   الأربعاء 09 أبريل 2008, 4:26 am


صحي والله (من غشانا ليس منا) ..

دي سياسة الإنقاذ ..

لكن من غشاهم فهو منا .. (دي شرح للمقولة الأولى) ..



وأحسن ليك دمت معانا ...
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأربعاء 16 أبريل 2008, 11:53 am

بدر كتب

برنامجنا واضح وصريح من اجل رفعت الوطن
الكوز اللذيذ بدر
ممكن تطرح لينا برنامج الجبهة الاسلامية (الكيزان)
لانو بصراحة شديدة يمكن نقتنع بيهو ونبقى معاهم
بس وعودكم المامنطقية ديك(حور وجنة ومسك وووووو) ابعدنا منها
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: الزواج الجماعي الثاني لجمعية تطوير الجريف شرق   الأربعاء 16 أبريل 2008, 10:46 pm

البرنامج واضح وصريح

تعبئة كل الاكواب الفارغة بشى نافع
لو مافى شى نافع انشاء الله عصير او ويسكى
المهم تعبئة كل الاكواب الفارغة
علشان الواحد يا معانا يا ملتهى بشى
تانى ويخلى الناس تشتغل
ايه رائك عليك الله فى البرنامج
والتكتيك هذا


عدل سابقا من قبل حافظ العبيد الطاهر في الخميس 17 أبريل 2008, 8:42 am عدل 1 مرات
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الخميس 17 أبريل 2008, 12:18 am

نساليه كتب:
بدر كتب

برنامجنا واضح وصريح من اجل رفعت الوطن
الكوز اللذيذ بدر
ممكن تطرح لينا برنامج الجبهة الاسلامية (الكيزان)
لانو بصراحة شديدة يمكن نقتنع بيهو ونبقى معاهم
بس وعودكم المامنطقية ديك(حور وجنة ومسك وووووو) ابعدنا منها


الغالى أبو النسب تسالية
أخونا حافظ كتر خيرو ماقصر فى الطرح لتبيان البرامج طبعاً أنا عارفك زكى،
وإجابتى أنا هى مختصرة أيضاً:
الإشارات تغنى اللبيب عن العبارات .
وراجعين
الرجوع الى أعلى الصفحة اذهب الى الأسفل
موسى
عضو جديد
عضو جديد


عدد الرسائل : 1
العمر : 41
تاريخ التسجيل : 03/09/2007

مُساهمةموضوع: رد: الزواج الجماعي الثاني لجمعية تطوير الجريف شرق   الإثنين 16 يونيو 2008, 11:49 am

زواج السر كصورة من صور الزواج العرفي




تفشت ظاهرة الزواج العرفي في السودان بصورة ملفتة للنظر مما يستدعي انتباه الجميع لهذه الظاهرة وتلمس مسوغاتها ومسبباتها بهدف دراسة الظاهرة وإيجاد حل جذري لها قبل أن يستفحل الأمر ويستشري ويصبح أمرا حتميا لا يمكن تجاوزه ، وتأتي أهمية هذه الظاهرة لكونها ظاهرة غريبة على مجتمعنا السوداني وتأتي هذه الغرابة كونها تستشري في أوساط المثقفين السودانيين وبصفة خاصة داخل الوسط الجامعي وفي دواوين الدولة المختلفة بالخرطوم ، مما يستدعي الالتفات لهذه الظاهرة قبل أن تأخذنا على حين غرة ، وتصيبنا في أعز ما نملك من بناتنا وأخواتنا وعشيرتنا الأقربين لما لها من اثر الاعتداء على الأعراض المصونة ، والأشد خطورة من ذلك هو أن مجموعة تنبري للدفاع عن هذه الظاهرة وتوجد لها مبررات ومسوغات شرعية مغلوطة تنم عن جهل أصحابها .

زواج السر صورة من صور الزواج العرفي :

إن كلمة زواج عرفي تعني إتمام أو عقد زيجة على مستند عرفي وهو نوعان :

1. زواج عرفي يتم في مساجدنا و في الكثير من قرانا السودانية حيث لا يوجد مأذون شرعي لعقد مثل هذه الانكحة وهذا النوع من الزواج العرفي هو الغالب عند أهل السودان لان اغلب أهل السودان قرويون وهذا الزواج صحيح شرعا .

2. زواج عرفي يتم بين رجل وامرأة فقط أو رجل وامرأة في حضور شاهدين ويعرف هذا بزوج السر حيث يتم دون علم أهل الزوج والزوجة وهذا حكمه باطل كما سنبين أدناه .

إن إطلاق عبارة زواج عرفي تأتي بسبب أن الزواج تم على مستند عادي فالزواجان المذكوران أعلاه يعتبران عرفيان – بيد – أنهما يختلفان رغم أن الزواجين يتمان بصيغتا الإيجاب والقبول بقول ( زوجتك .. وقول الآخر قبلت ) في حضور شاهدين ، إلا أن هناك خلافا حوهريا جعل الزواج الثاني محرم شرعا ويأتي هذه الخلاف كون أن زواج السر يخلو من ركن أساسي وهو قبول الولي واستئذانه قال تعالى : ( فانكحوهن بإذن أهلهن وءاتوهن أجورهن بالمعروف محصنات غير مسافحات ولا متخذات أخدان ) الآية 25 من سورة النساء ، وهذا أمر الهي يقضي بضرورة الحصول على إذن ولى البنت عند زواجها فإن لم يتم ذلك عُدّ الزواج سفاحا ، وروي عن عائشة أن النبي صلى الله عليه وسلم ، قال ( أيما امرأة نكحت بغير إذن وليها فنكاحها باطل ، فنكاحها باطل ، بنكاحها باطل ، فإن دخل بها فلها المهر بما استحل من فرجها ، فإن اشتجروا فالسلطان ولي من لا ولي له ) ، وحديث ( لا نكاح إلا بولي وشاهدي عدل ) .

وبالتالي فإن ما يمارسه بعض الرجال بحق النساء من مكر وخداع وتحايل لإضفاء الشرعية على هذا الزواج بسبب جهل النساء بأحكام الدين الحنيف ومحاولة استغلالهن لحاجة لهن في ظل تفاقم الأوضاع المعيشية يُعدّ من قبيل التغرير بهن للتفريط في اعز ما يملكن حتى إذا قضى وطرا منها تركها فماذا يرجي من رجل يخفي عن أهله وأصدقائه هذا الزواج إلا لعلمه بأنه باطل وعيب في حقه ، فمن باب أولى إذن أن تحتاط البنت لنفسها برفض مثل هذا الزواج ، كما يثور سؤال هام هو : هل يرضي مثل هذا الرجل أن تتزوج أخته أو بنته بمثل هذه الطريقة ؟ ويأتي الجواب حتما بالنفي فلماذا إذن الوقوع في براثن هذا الزواج المسمى زواج السر وبعض الناس يلطفون اسمه ويسمونه بزواج عرفي حتى يلبسون على الناس بين الزواج العرفي الصحيح والزواج العرفي الباطل .

ومن هنا نناشد كل أهلنا في السودان بأن يعوا حجم هذه المشكلة ويراقبوا بناتهم وأولادهم من باب ( كلكم راع وكلكم مسئول عن رعيته ) حتى يتم وضع حد لهذه الظاهرة كما أناشد كل وسائطنا الإعلامية من صحافة وتلفزيون وإذاعة ومواقع انترنت بأن تقوم بعمل منتديات وحلقات يتناول فيها الجميع هذه الظاهرة بالتحليل والنقاش وأن يشرك في الحديث عن هذا الموضوع عدد من المهتمين والباحثين والخبراء وكبار الأعلام والمشايخ أمثال الشيخ الدكتور / عبد الحي يوسف وغيره ممن آتاهم الله فقها واسعا حتى يبصروا شعبنا الطيب بهذه الظاهرة التي أخذت تفتك بنا .. وما أريد إلا الإصلاح ما استطعت وختاما لا يسعنا إلا أن نقول ( ربنا آتنا في الدنيا حسنة وفي الآخرة حسنة وقنا عذاب النار ) .

موسى محمد موسى ( أبو فاطمة )
mousagrafe@hotmail.com
الرجوع الى أعلى الصفحة اذهب الى الأسفل
 
الزواج الجماعي الثاني لجمعية تطوير الجريف شرق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف السياسي-
انتقل الى: