............
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

............

حبابك عشره يا زائر
 
الرئيسيةأحدث الصورالتسجيلدخول

 

 صوتك امانة وذمة

اذهب الى الأسفل 
+9
محمد زين نابري
وليد عثمان علي سنقد
نساليه
الطيب بخيت
حافظ العبيد الطاهر
الهندي بشير نابري
بوحة
بدر عبد الماجد
بديع الغريب
13 مشترك
انتقل الى الصفحة : الصفحة السابقة  1, 2
كاتب الموضوعرسالة
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : صوتك امانة وذمة - صفحة 2 Mostmt10
تاريخ التسجيل : 25/10/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالثلاثاء 04 مارس 2008, 2:15 am

اهداء خاص لبديع الغريب وبدر عبدالماجد



يا اللي بتسمع .. والما بتسمع ..
شعر محجوب شريف 1992
------------------------------
يا اللي بتسمع .. والما بتسمع ..
لازم تفتح اضانك .. وتسمع
صوت الشارع لمن يدوي ..
كل قلاع الخونة بتهوي..
وكل جباه الكهنة بتركع
وشمس الحق السرقو شعاعها
بكرة بامر الشعب .. بتطلع
ياللي بتسمع ..
والما بتسمع ..
نحن اسودا ما بتدجن
ونحن سدودا ما بتهدن
ونحن جبلا ما بتصدع ..
لملم ناسك .. ولحمة راسك ..
وارفع ايدك عننا .. ارفع
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
...............
..............
والتاريخ يا جاهل .. بيشهد
والايام لسع بيناتنا
وكل الحق الضايع بيرجع
يا اللي بتسمع
والما بتسمع
.اسأل كل العسكر قبلك
وكل الحاول فكر متلك
الاستأسد .. والاتنمر..
مهما استعلا.. ومهما استكبر
برضو في يوم الغضبة بيهلك
وبيلقى مصيرو .. نفس المصرع
واننا أمة عظية اصيلة
لينا خصايص ما في مثيلها
وفينا طباع بالفطرة نبيلة
والاسلام ما جانا الليلة
ولا اخلاقو علينا دخيلة
الايمان من بدري سبيلنا
والقرآن في الصدر دليلنا
انقى .. وارقى .. واسمى .. وارفع
يا اللي بتسمع
والما بتسمع
نحكي ليك لو كان ما بتعرف
حاجة بسيطة بس عن ماضينا
انحنا رضعنا الثورة رضاعة
وبالوطنية انحنا ربينا
التدجيل ما بنفع فينا
والتضليل ما بيمشي علينا
انحنا عبرنا السكة مشينا
وشفنا عدونا .. وشفنا صفينا..
وما بنهاب لا سيخ .. لا مدفع
يا اللي بتسمع
والما بتسمع
الانقاذ ما بالدبابة
ولا احلام شايلاها سحابة
ولا اوهام عالم كضابة
ولا ارقام خاوية .. وخلابة
والاصلاح ما جربندية
الاصلاح ما بالزندية
الاصلاح عدل .. وحرية
الاصلاح موضوع .. وقضية
الاصلاح عزقة .. وطورية
نحن بنفكر بتاريخنا
يا اللي بتسمع
والما بتسمع
نحن اولاد الوطن الواحد ..
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادقنا
فينا مساجد بتهليلها
وفينا كنايس بانجيلها
وفينا معابد يسرج ليلها
ربنا واحد .. وشعبنا واحد
وحبنا واحد .. ودربنا واحد
يا اللي بتسمع
والما بتسمع
دايرين نختم نحن كلامنا
ودايرين نحسن نحن ختامنا
للاحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الشمس مرامنا
ونحن وقود الحارة .. ونارها
ونحن منية الباغي .. سهامها
الا ارادة المولى ارادت
حكمت فينا .. وفي حكامنا
بعد ما ازهري كان هو زعيمنا
بعد المهدي الصلى امامنا
بعده الغرد الضوو جبينا
بعد الدرر الزانو زمانا
جات البقرة عشان تحكمنا
وام رخم الله مشت قدامنا
جل جلالة الملك الواحد
يأتي وينزع
ويعطي ويمنع
ويخفض .. ويوفع
يا اللي بتسمع
والما بتسمع
يومك قرب يا ظالمنا
وبكرة حناخد منك تارنا وما بنرجاهو حساب الآخرة
داكا حصابا من غفارنا
يمكن يصفح .. ويمكن يسمح
ويمكن يعدك من اشرارنا
الا انحنا حسابنا براهو
يوم الحارة بتوقد نارنا
تحصد كل الداسو حقوقنا
تحرق كل الخربو ديارنا
دايرين نعرف وين شهدانا
دايرين نعرف وين ابرارنا
والشرفا الراحو اوانطة من طلابنا ومن احرارنا
والآلاف الشردتوها من خبراتنا ومن اخيارنا
والمؤتمرات الدبلجتوها من اخوانا ومن اعمارنا
نحن عرفنا البير وغطاها
ونحن خلاص ... قرارنا
ونحن حنضرب كل العملا
ونحن حنصلب كل الجهلا
نحن حنغبن عصابة القتلة
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع
الرجوع الى أعلى الصفحة اذهب الى الأسفل
بدر عبد الماجد
مشرف
مشرف
avatar


عدد الرسائل : 606
مزاجك اليوم : صوتك امانة وذمة - صفحة 2 Mondah10
تاريخ التسجيل : 05/09/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالثلاثاء 04 مارس 2008, 11:18 am

أشكرك أخى وحبيبى تسالية على الإهداء الرائع
لسة بيناتنا المسافة والعيون


التشوف نهضة الثورة بدون كسوف
وراجعين
الرجوع الى أعلى الصفحة اذهب الى الأسفل
بديع الغريب
عضو فعال
عضو فعال
بديع الغريب


عدد الرسائل : 267
تاريخ التسجيل : 27/12/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالثلاثاء 04 مارس 2008, 12:52 pm

شيخي نساليه

مابقدر اهديك غير هذه الكلمات:

دعوني من آماني كاذبات فلم أجد المنى إلا ظنوناً
وهاتوا لي من الإيمان نور وقووا بين جنبي اليقينا
أمد يدي فأنتزع الرواسي وأبني المجد مؤتلقاً مكينا
كذلك أخرج الإسلام قومي شبابا مخلصا حرا أمينا
شباب لم تحطمه الليالي ولم يسلم الى الخصم العرينا
الرجوع الى أعلى الصفحة اذهب الى الأسفل
محمد زين نابري
قلم ذهبي
قلم ذهبي
محمد زين نابري


عدد الرسائل : 1514
العمر : 44
الاقامة : الجريف شرق
المهنة : مهندس ستديو تلفزيون السودان
مزاجك اليوم : صوتك امانة وذمة - صفحة 2 Busy10
تاريخ التسجيل : 03/12/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالأربعاء 05 مارس 2008, 3:01 am

الاعزاء الكرام


العقل والعاطفة بتقول المشير عمر حســـــــــــــــــــــــن أحمد البشير
طبعا عارف الكلام ده حيزعل تيسو رغم انو حيكون متوقعو بس خيارات صاحب البوست كانت محددة وطبعا ماممكن يكون سيلفاكير ولا النضام ود المهدي البشير هو الاقرب الي الشعب السوداني الاغلبية طبعا .

الرجوع الى أعلى الصفحة اذهب الى الأسفل
http://sudantv.ahlamontada.net/index.htm
حسن
قلم ذهبي
قلم ذهبي
حسن


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالأربعاء 05 مارس 2008, 11:44 pm

بديع الغريب كيفنك


والله يااخي انا بثني رائ اخونا الطيب بخيت

الكل كانت له الفرصه في الحكم والنتيجه كانت واضحه !!!

واه اسفاء على السودان الجريح وربنا انشاءالله يجبر كسرنا

السلطه تافه كلها خساسات ومكايدات وقتل ونهب وضياع والخاسر الوحيد هو المواطن السوداني

شوفلنا خيارات اخرى( ولا نمشي ناكل باسطه)

مشكور للطرح
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي
عبدالرحيم حطي


عدد الرسائل : 743
العمر : 50
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالخميس 24 أبريل 2008, 3:46 am

الاخوان الافاضل


السلام عليكم ورحمة الله

بالنسبة للفترة الدمقراطية في السودان للاسف الشديد لم تدوم طويل وفترة السيد الصادق كانت 4 سنوات وفترة الانخاس اقصد هذا الاسم بالفعل 19 عام .
وانا اذا كان هناك حزب صوفي انا معه والله اكبر .
الله - الرسول - ال البيت - الصحابة - الصوفية - الجريف - ودبدر
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
حافظ العبيد الطاهر


عدد الرسائل : 513
تاريخ التسجيل : 28/10/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالخميس 24 أبريل 2008, 4:30 am

يا ود ريا

سلام كتير
حباب الصوفية يا اخوى لكن اين هم الصوفية
اليس الصوفية مقسومين بين ال المرغنى وال المهدى
ومن 1960 هنالك اسمين فقط يتعاقبون على حكم السودان
يا اخوى الانقاذ دى على الاقل طلعت اسماء مختلفة
هل السودان لم ينجب الا المرغنى والمهدى وشلتهم
يا اخوى كلنا صوفية والحمد لله وبادراب كمان لكن
ليس هنالك واحد مؤهل للقيادة شعب السودان وحتى لو
كان فى واحد مؤهل تلقاه زاهد فى العمل السياسى العام
الرجوع الى أعلى الصفحة اذهب الى الأسفل
الطيب بخيت
قلم فضي
قلم فضي
الطيب بخيت


عدد الرسائل : 327
تاريخ التسجيل : 03/11/2007

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالجمعة 25 أبريل 2008, 9:41 am

الأخ حافظ ود العبيد

لك تحياتي وأشواقي الكثيرة

حواء والده يا ود العبيد

ما تتشاءم









الرجوع الى أعلى الصفحة اذهب الى الأسفل
الهلالي
عضو فعال
عضو فعال
الهلالي


عدد الرسائل : 102
تاريخ التسجيل : 12/03/2008

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالجمعة 25 أبريل 2008, 11:19 am

اولا معليش المشاركة متاخرة جدا
التصويت حق مشروع وكل زول بصوت للانسان البحس

انو افيد ليهو وللبلد وهو حرية شخصية ونحن(ديمقراطية) بس

في مشكلة اساسية وهي كم سؤال بسيط :-

1-هل المواطن فاهم كفاية عشان يفهم مصلحت البلد ومصلحتو وين

2-هل الوعي بالصورة المطلوبة

3-الحكومة (اليها 19 سنة) وعندها انجازات(العهدة علي الراوي بديع وبدر)

عيشت الناس في حالة تسمح للواحد انو يطور نفسو ويفكر في الفترة الفاتت ويعرف

الايجابيات والسلبيات (العاملين منها طناش ناس الراوي ديك)ويكون قادر علي التصويت

4-لاننا قلنا ديقراطية حنسال هل لقت كل الاحزاب الاخري(غير جماعة بدر ووديع)الفرصة

عشان تتعامل مع المواطن وتطرح فكرها وبرنامجا وعشان تستقطب عضوية وعشان تمارس

السياسة بصورة طبيعية وتعيش في الواقع وتكون علي صلة بالمواطن ويعرفة(يعني اخدت حقها

البسيط في الممارسة السياسية الديمقراطية العادلة)

5- هل الانتخابات حتكون بصورة صحيحة بعيد عن التزوير والغش

وهل وهل وهل ي(ياناس تسالية وبوحة وود البخيت كملو لو انا نسيت)

الكلام عن انتخابات وحكومة وانجازات وديمقراطية في الواقع الحالي لعبة ومسلسل سئ الاخراج لابعد حد


وخلو الناس في حالة
الرجوع الى أعلى الصفحة اذهب الى الأسفل
باجيقا
عضو مشارك
عضو مشارك
avatar


عدد الرسائل : 37
تاريخ التسجيل : 08/04/2008

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالإثنين 28 أبريل 2008, 3:24 am

الهلالي

سلالالالالالالالالالام

انتخابات شنو ديل ناس ما واقعين

هو من الله ما خلقك

شفت ليك انتخابات نزيه
الرجوع الى أعلى الصفحة اذهب الى الأسفل
الهلالي
عضو فعال
عضو فعال
الهلالي


عدد الرسائل : 102
تاريخ التسجيل : 12/03/2008

صوتك امانة وذمة - صفحة 2 Empty
مُساهمةموضوع: رد: صوتك امانة وذمة   صوتك امانة وذمة - صفحة 2 Emptyالإثنين 28 أبريل 2008, 4:06 pm

صدقت يا جيفا

والنشوف اخرتا
الرجوع الى أعلى الصفحة اذهب الى الأسفل
 
صوتك امانة وذمة
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2
 مواضيع مماثلة
-
» صوتك لدعم قضية مقابر ناصر

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف السياسي-
انتقل الى: