ملكة جمال الجنوب(بالصورة)

تم تنظيم اول مسابقة جمال فى جنوب السودان

لاختيار ملكة جمال الجنوب
وشاركت فية عدد من فتيات الجنوب الجميلات
حضر المسابقة لفيف من المدعوين
وقد اشاد الجميع بالفكرة..........

ملكة جمال الجنوب(بالصورة) 228a815ff6

الابنوسة

جمال بطعم الشوكولاته

مع السلامة..مع السلامة..
وما تنسي لي ترسلي..
يسعدني إنك تذكريني
وعني دايماً تسألي..

******
إتذكري الريدة الكتبنا حروفا بي أجمل وفا...
وأطري الحنان المني ليك ساعة جفا وساعة صفا...
وإتذكري الريدة الزمان بيناتنا أطري المعرفة...

******
بوصيك أنا لو أنتبهتي في يوم لي ذاتك...
وبحثتي عن الما أنقضى من أمنياتك...
ولقيتي في جواي أوصافي وصفاتك...
أنا لسة ما سكت النغم في قلبي من فيض أغنياتك....

******
علي أي حال إنشاء الله ما آخر وداع...
عشم اللقاء بيك ما انقضى لو مستطاع...
أصلو الحياة بين الأمل والشوق صراع ..
لكني زورق حبي ليك يا غالية ما داير شراع...
مع السلامة..مع السلامة...

الجماعة ديل يمكن يقولوا حافظ جن والدخل دى فى دى شنو ولكن يا جماعة الخير الاغنية دى مكتوبة فى واحدة جنوبية وكتبها الشاعر الكبير المرحوم عوض جبريل وقصتها الاتية

قال الشاعر عوض جبريل -رحمه الله - أن الأغنية دي مكتوبة في إمرأة من جنوب السودان (جنوبية)... المرأة دي كانت شغالة ممرضة في السلاح الطبي (تقريبا) وكانت صديقة زوجته، وقال إنو أعجب بيها جداً وفي يوم قال ليها تتزوجيني؟
رفضت المرأة بي شدة وقالت ليه مستحيل يا عوض أنا أخون صاحبتي اللي فتحت لي بيتا وأكون ضرتا..!!
إزداد إعجابي بيها أكتر وأصريت إني أتزوجا وقلت ليها أنا حا أكلم زوجتي لكن هي رفضت بي شدة وقالت ليه أنا تاني ما حا أجي بيتكم ده نهائي يا عوض ..فقام عوض جبريل شال الفكرة من راسو ..وفي يوم من الأيام جاتو المرأة دي وقالت ليهو أنا إنتدبوني في السعودية (ممرضة) وحا أسافر بكرة ..
قام قال ليها القصيدة الرائعة دي...

وبرضو تقولوا الجمال وين الجمال فى السودان اهل الزرقة والوان لم تراها من قبل الابنوسى والمهوجنى واصفر واخضر وابيض وازرق وازرق فاتح واسود وشاى لبن وعيون كديس وشنو وشنو

ياواحد الله عيني بارده ... والله كويس برضو

الاخ تسالية

والله فكرة مسابقة ملكة جمال فكرة عظيمة
وقد لا يتقبلها المجتمع السودانى فى البداية
ولكن مع الوقت سوف يتعود عليها
وفى تقديرى فكرة مهمة لانها تعكس للعالم وجود الجمال السودانى
وخاصة بعض الدول العربية التى لا تتخيل ولاتعترف اصلا بوجود فتاة سودانية جميلة
وليس كلام الفنان اللبنانى الحقير راغب علامة ببعيد الذى يتصور ربنا لم يخلق الجمال الا فى لبنان........

الوارف ود العبيد

والله الجمال زى ماقلتا فى السودان اهل البشرة السمراء
ليت فتاة الشمال تعى ذلك وتترك (الديانا والموفيت واللوكسيد )
وكل كريمات تفتيح البشرة وترضى بالبشرة السمراء
حاجة اخيرة:
اسمر جميل عاجنى لونو كحل سواد الليل عيونو
ومشكوووووووووووووووور على المرور

الرائع بروعة غاندى

ود نابرى

مطلوب منك كمية من البخور الهندى عشان نبخر ملكات الجمال
وماشاءالله ماشاءالله
ومشكوووووووووووووور على المرور

الرائع بوحة

سلام بالكوم
فكرة المسابقة مهمة انا شخصيا من رايك
والفنان الحقير راغب علامة البقول الفتاة السودانية
قبيحة كان يجئ السودان و يشوف الجمال الطبيعى
بدون عملية شد وجه وحقن الشفايف بالسلكون وغيرها من عمليات صناعة الجمال
التى اشتهرت بها الفتاة اللبنانية..
ومشكووووووووووور على المرور

عزيزى تسالية

عزيزى بوحة

لكم الشكر الجزيل ولكن انا اختلف معكم فى موضوع عرض البنات ولكن هذا الاختلاف لا يفسد للود قضية وعلى العموم نحن ما محتاجين الى شخص مثل الذى زكرتموه للحديث عن جمال البنت السودانية . ولكن نقول له اذكر محاسن بناتكم مثل هذا الذكر ان كان هنالك جمال مثل وصف شاعرنا الكبير خليل فرح وهو التالى ولو انت وضعت نفسك كمقيم للجمال اتحفنا مثل هذه الاغنية وكفى .

بين جناين الشاطىء
وبين قصور الروم
حي زهرة روما
وأبكي يا مغروم

دره سالبه عقولنا لبسوها طقوم
ملكة باسطة قلوبنا تبين عليها تقوم
في الطريق ان مرت بالخلوق مزحوم
كالهلال الهل الناس عليها تحوم

شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم

خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار

شوف جبينا الهل ضو فوقه فنار
منه هل الشارع منه بق ونار
طالعة ما بتقابل زي لهيب النار
تحرق البتهابل والبعيد في نار

اخوانى

خلوا النصف رجل هذا انتم اقتنعتوا ولا لا وهذا لوحده كفاية ونحن عز عازة ويسلم البنوت من العرض وديل يا اخوى لا لفن لا شافن مساكن اسع ياجماعة البنوت فى سوبر ستار عليكم الله ديل بنوت والرجال المعاهم ديل عليكم الله رجال ، يا اخونى الحياء ثم الحياء هو مقياس الجمال الحقيقى والله يا جماعة البنت المابتخاف لو بقت مثل القمر ما جميلة وطبعا البعض يقول لى انت متخلف ولكن انا بقول الجمال الحقيقى الناس بتغنى ليه وانشاء الله قريبا سوف يكون بوستر كامل عن جمال البنوت عندنا نحن كسودانين بتاعين الدقة القديمة .

ودمتم فى حفظ الله ورعايته

اسع اي جماعة والله الموضوع اكلنى شديد

كدى يا جماعة شوفو عليكم الله رصة الاسنان دى فى العالم كلوا فى والله الرصة ناس هيفاء وهبى وبت عجرم يخسروا فيها ملاين الدولارات كعمليات تجميل

ودى رد تانى الرجنساوى المذكور واسف على هذه الكلمة ولكن والله العظيم دى من اختراعى والان من الزعل

والرجنساوى هذه كلمة مركبة من كلمتين وهى الرجال والنساء بعد تدمجم سوى بعض يطلع نصف رجل والنصف الاخر معروف ويا ناس تسالية الكلمة دى لازم تسجل فى منظمة الحماية الفكرية وتقول ليهم بعد ما تسجل هدية الى كل من يمس بنت السودان الجميلة والزيها وين ودى بنت بلدى

ود العبيد

كبير التربالة

وأبكي يا مغروم
ههههههههههههههههههههههه
ابداع ياحافظ

عليك الله يا ود نابرى الكلام الكتير ده كلوا ما عجبك فيه الا الكلمتين ديل يا يابة انشاء الله اقول ليك شنو

أشكركم على هذه الصورة الجميلة وعلى هذا الموضوع الرائع، الجمال دا يا جماعة شيء نسبي لكن الجنوبية الفي الصورة دي قمر 14 يا واحد الله عيني بارده (الهندي) والا رأيك شنو يا ود العبيد. فجنوبنا وسوداننا كله ملي بالفتيات الجميلات، لكنهن لم يعرفن شيء عن عروض مسابقات ملكات الجمال، زي ما قال ود العبيد بنتنا في السودان هي من أجمل نساء العالم في نظرنا لعفتها وكرامتها، لكن دخول الكريمات غير أشياء كثيرة (لايهمك رأي راغب علامة أو غيره) والا رأيك شنو يا ود العبيد وأشكرك على رائعة شاعرنا الكبير خليل فرح "بين جناين الشاطىء"

حافظ العبيد الطاهر كتب:: عليك الله يا ود نابرى الكلام الكتير ده كلوا ما عجبك فيه الا الكلمتين ديل يا يابة انشاء الله اقول ليك شنو

الكلام والله عاجبني بالحييييييييييييييييييييل ... لكن راقد لي فوق راي
هههههههههههه

كبير التربالة
هيع هيع هيع هيع هيع هيع

اقتباس :: لكن دخول الكريمات غير أشياء كثيرة

اهااااااااا شفت آبو ياسر ده الشي البلخبط

يا اخوى رائك خلى الفيك تب عرفناها

كبير التربالة وكمان من فريق الضلمة رايك شنو يا دكتور/ الهندى

لينا الله يا ابو محمد
الله في