لو الخفير يصبح وزير
لو الاسد يخلى الزئير
لو الكديسة تخلى ناو تقلب شخير
لو الجدادة تكاكى هاو ولا الحمام يلد حمير
لو تنهرينى تنبذينى تعاملينى كما الحمير
لو تنسى اسمى وتمحى رسمى ومن خيالك افر اطير
لو تعفصينى بجزمتك
او تكفتينى بشنطتك
او تصعبلى شوفة خلقتك
انا ريدى ليك راكز متين وعيشتى من دونك تطير
انا خوفى بس من حاجة واحدة صعيبة جد
ختينى بس شيتاً كعب اسمو الشويكيش المرير
لو كان غرامك لى شرف بعيشو بى احساس امير
باكر شواكيشك تلبع وعلى حياتى الدور يدور
والحلة تعرف واتكسف
ومن حياتى بترحل البسمة وتغور
قولى لى بس من وين اجيك ادخل عليكى بى كرشى الكبير
اتنفسك واستنشقك فى كل زفير
ورينى كيف يحن قليبك و لى يلين
اصلى مجنون بى هواك وخوفى فى الدنيا الكبير
انك تخلينى وتفوتى
وتبقى لى الدنيا من بعدك اسى وبعبع كبير
يا غالية شاكوشك صعب قدامو بتكبكب كتير
راعينى ادينى الحنان واعفينى من هذا المصير
تحـــــــــــــياتي