............

حبابك عشره يا زائر
 
الرئيسيةالتسجيلدخول

شاطر | 
 

 إجتماعيات أعضاء جمعية الجريف شرق بالرياض

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
رحال
عضو نشط
عضو نشط


عدد الرسائل : 86
تاريخ التسجيل : 03/09/2007

مُساهمةموضوع: إجتماعيات أعضاء جمعية الجريف شرق بالرياض   السبت 26 يناير 2008, 1:28 am

أولاً تحياتي للجميع .. وأستأذن الأخوة المشرفين بفتح هذه النافذة المتواضعة في هذا القسم والتي تحكي إجتماعيات ونشاطات جمعية أنباء الجريفات الشرقية بالرياض .. هذه الشريحة الضخمة من المغتربين .. القديمة النشاءة والتي قدمت الكثير لأبناء المنطقة بالسعودية عموماً والكثير من المساهمات الثرة لمدينتنا العريقة الجريف شرق .. ومن هنا أصالة عن نفسي أشكر جميع من ساهم في إنشاء هذا الصرخ الفخيم وعلى جهودهم المقدرة في إرساء ثقافة الترابط والتعاضد بين أبناء المنطقة وجمع شمل المغتربين في إطار جميل وموحد ...

وكأول مشاركة سأبداً باللقاء الرياضي يوم أمس الجمعة :
حيث قامت اللجنة الرياضية بقيادة (مجحوب الكديري) .. تكوين فريق رياضي وممارسة تمارينه يوم الجمعة من كل أسبوع ..

حضر التمرين كل من التيم (أ) : عمر حسن حمزة و مصطفى الحساني .. إيهاب (رحال) .. معاوية أبدرق هشام الدنقلاوي .. محمد الريحانة .. عوض خوجلي البلي
التيم (ب) : بابكر حسن شروم .. محجوب الكديري .. ياسر الكنج .. معز (أخناتون) .. محمد السيد (ليه ياشمعة سهرانة) .. سامي الشيخ ..

هذا وقد إعتذر الللاعب الخطير (تسالية) عن التمرين بسبب خلافات مالية مع الإدارة بخصوص توقيع العقد (خلااص يا ميسي) Laughing ومصطفى محمد الطيب خوفاً من الإصابة

حكم اللقاء (صديق منصور ـ حيد) .. جمهور اللقاء .. فتحي البلال .. (تسالية) .. عاطف الدليل

بدأ التمرين في جو خريفي جميل جداً .. وتمكن التيم (أ) من هزيمة التيم (ب) شر هزيمة كالعادة وظهروا بمستوى أفضل بكثير مما ظهر به منتخب السودان في قمة أفريقيا ونال الأهداف كل من (عمر حسن .. ود الريحانة .. رحال .. هشام) .. وتنبأ المراقبون للمبارة (ناس تسالية) للاعبي التيم (أ) بالإحتراف في أوروبا) affraid ..

وبعد اللقاء الكروي التقى الجميع بمنزل الجمعية (بمنفوحة) وتناولوا الغداء ..

كما شرف بالأمس الجمعية الأخ : الطاهر عبدالصادق قادماً من دولة (قطر) في زيارة لللسعودية .. الف مرحب بالأخ الطاهر بين أحبابه وفي ثنايا الرياض ..

ختاماً لكم مودتي

مراسلكم رحال
من قناة الجريف شرق الإخبارية .. الرياض منفوحة


عدل سابقا من قبل في السبت 26 يناير 2008, 3:35 am عدل 3 مرات
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: إجتماعيات أعضاء جمعية الجريف شرق بالرياض   السبت 26 يناير 2008, 1:49 am

شكرا رحال على هذه الاخبار وبلغ تحياتنا واعجابنا لاهل الرابطة فرد فرد وبالخصوص اخونا الطاهر عبدالصادق بالله تحية خاصة وخاصة جدا له . وانت يا اخوى تسالية معاكم فى الرياض والله يكون فى عونكم يا اخى دى بالع مسجل بالله يا رحال ادى خنقة قوية وقول ليه دى من ودالعبيد علشان تخلى الجن البتعمل فيه دى .
الرجوع الى أعلى الصفحة اذهب الى الأسفل
منير السماني
قلم فضي
قلم فضي


عدد الرسائل : 353
تاريخ التسجيل : 22/01/2008

مُساهمةموضوع: رد: إجتماعيات أعضاء جمعية الجريف شرق بالرياض   السبت 26 يناير 2008, 2:01 am

تسلم يا حبينا رحال (إيهاب) ويا اخوي انت وين؟ وبلايه لسع الجماعة قاعدين يتمرنوا ان شاء عما قريب بنكون معاكم !!
الرجوع الى أعلى الصفحة اذهب الى الأسفل
محمد زين نابري
قلم ذهبي
قلم ذهبي


عدد الرسائل : 1514
العمر : 37
الاقامة : الجريف شرق
المهنة : مهندس ستديو تلفزيون السودان
مزاجك اليوم :
تاريخ التسجيل : 03/12/2007

مُساهمةموضوع: رد: إجتماعيات أعضاء جمعية الجريف شرق بالرياض   السبت 26 يناير 2008, 9:52 am

والله تمام اخي ايهاب وجهزوا حالكم لمباراة مع ناس الدوحة علي الحدود عشان الفيزا وكده هههههه للامام دوما.
الرجوع الى أعلى الصفحة اذهب الى الأسفل
http://sudantv.ahlamontada.net/index.htm
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: إجتماعيات أعضاء جمعية الجريف شرق بالرياض   السبت 26 يناير 2008, 8:35 pm

و الله لاقنها, ربنا يديم اللمه و يديكم العافيه...
عليك يا رحال سلم لي علي صديق حيد, ما عارف يكون متزكرنا ولا لا.... قول ليه الطيب من فريق الشاطئ لو بتزكر بسلم عليك.. و تحياتنا للاهل و باقي الاخوان و قول للفريق المغلوب ما تزعلوا, تعيشو و تاكلو غيرها Laughing
تحياتنا للعم عصام عبد الصادق لو شايفو, و قول ليه منتظرنك تشرفنا في الموقع


عدل سابقا من قبل في الأحد 27 يناير 2008, 6:38 pm عدل 1 مرات
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: إجتماعيات أعضاء جمعية الجريف شرق بالرياض   السبت 26 يناير 2008, 10:29 pm

الجميل ... رحـــال .. تحياتي بعمق
ماهاذا المال الذي تنثره .. فكدت أعيش
في خيالي مع أيام خوالي مضت من زمن بعيد
كنت أكون خارج الملعب وأراقب المباريات والتمارين
والتي كانت غالبا تقام في (الميادين) أمام منزل الاستاذ / عمر حسن حمزة
بحي الجرادية منذ زمن ليس قريب .. وكانت أيام لهـــا إلفتها الخاصة
وكان ذلك الزمن من النجوم .. العم / الزين كمال الدين
وكان نجما ساطعا وسهما لا يشق له غبار ...وعلى ما اذكر
في يوم سدد هدف وقون ( هد ) بالرأس فاخترقت الكورة الشباك
واتخذت طريقها خرج الملعب مارة قربي تناديني لألحق بهـــا
فلما جيت ومعاي الكورة احسست أن الجماعه تقريبا قرروا أن يغادرو الملعب
لأني اختفيت عن الانظار زمنـــــــاً وظنو أني لن أرجع ...
فقـــلت لعمنا الزين يعني لو شتها برجلك أنا كنت حأصل القصيم وأجي راجع بالباص
***************
التحية ليك يارحال وعبرك الى كل المجاهدين من أرض الجريف شرق خصوصا
بحي منفوحة ( بيت العزابة ) وكل من حولكم و الى ( جمعية ابناء الجريفات الشرقية بمنطقة الرياض ) والدعوة عبرك لهم جميعا بالمشاركة معنا عبر المنتدى ...
والدعوة خصيصاً عبرك للا ستاذ / عمر حسن حمزه ..
لكي تحياتي رحــــــال أقصى ماتراهو العيون ... وكن بخير أبد الدهر

الرجوع الى أعلى الصفحة اذهب الى الأسفل
http://aljraif.forumotion.com
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 29 يناير 2008, 4:41 am

طبعا الاخ رحال نقل احداث التمرين بحزافيرو

لكن فى حاجة احب اوضحها بخصوص خلافى مع الادارة
عندما وقعت العقد كان المبلغ المتفق علية 1000000 ريال (خمسه وخميسة من عين الحساد ناس ود العبيد واخناتون ورحال) استلم نص المبلغ كاش
والباقى شيك ولم استلم الشيك الى الان لذلك رفضت الاستمرار فى الفريق
اما التمرين كان ممتع احرز الرحال (ايتو زمانه)هاترك ثلاثة اهداف فى مرمى سامى الشيخ (المعز محجوب زمانه) وكان اداء اخناتون فى التمرين متواضع وكذلك شمعة سهرانه
اما احدالجماهير فقد(عاطف ود سميره )رشق الحكم (صديق حيد)بعلب البيبسى الفارغة ومناديل الورق لانه انحاز فى تحكيمه للفريق(أ)

وبالمناسبة سامى الشيخ عضو فى المنتدى نازل بسم...............
وايضا شهاب عبدالرحيم نازل بسم..........
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 29 يناير 2008, 10:20 am

شكرا مراسنا رحال من حي منفوحه


ولك التحيه وانت تنقل احداث هذه التمرين الرائع

لكن نحن ناس زلابيه ساكت يعني بنحضر بعد التمرين

وبالمناسبه نحن ضمن فريق عصام عبدالصادق ...

ارجوا المواصله يارحال وفي انتظار الجديد

حسن
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: إجتماعيات أعضاء جمعية الجريف شرق بالرياض   السبت 02 فبراير 2008, 1:37 pm

نساليه كتب:
طبعا الاخ رحال نقل احداث التمرين بحزافيرو

لكن فى حاجة احب اوضحها بخصوص خلافى مع الادارة
عندما وقعت العقد كان المبلغ المتفق علية 1000000 ريال (خمسه وخميسة من عين الحساد ناس ود العبيد واخناتون ورحال) استلم نص المبلغ كاش ( ياوااااااااااااااااااااحد الله ... عيني بارده )
والباقى شيك ولم استلم الشيك الى الان لذلك رفضت الاستمرار فى الفريق
اما التمرين كان ممتع احرز الرحال (ايتو زمانه)هاترك ثلاثة اهداف فى مرمى سامى الشيخ (المعز محجوب زمانه) معليش ياسامي تعيش وتاكل غيرها وكان اداء اخناتون فى التمرين متواضع وكذلك شمعة سهرانه
اما احدالجماهير فقد (عاطف ود سميره ) رشق الحكم (صديق حيد) بعلب البيبسى الفارغة ومناديل الورق لانه انحاز فى تحكيمه للفريق(أ) هههههههه لا لا ما اظن الصديق بيعملها

وبالمناسبة سامى الشيخ عضو فى المنتدى نازل بسم...............
وايضا شهاب عبدالرحيم نازل بسم..........

عليك الله قول لشهــــــــــاب هندي قال ليك ياود يافنـــــــــان عبدو اداني التقارير (ومبروك) ...
أما سامي الشيخ فبالله أبلغه عني طـــــن من السلام والشوق .... وقول ليه موعدنــــا ( غبيرا )
والتحايا بحور لصديق حيد حكم اللقاء والتحايا أمثالها للبقية الفريده
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 12 فبراير 2008, 1:49 am

يا ود رحال أخوي أن رجعت ليكم بعد فترة غياب في السودان وعرفت من الأخوان بانك اصبحت في التمارين عنيف وبتضرب تحت الحزام ، وحتى الشجر الكبار ( عمر حسن ) قالوا ما سلم من ضرباتك ، والخلوق ود الكديري الشاب الموهوب والفنان قالوا طلعتوه من الميدان حردان ،وحتى شروم قالوا كان حايلحقو كمان ... ليه يا زمان الفيهو إتلخبطت الكيمان ،
عموماً أخي رحال نشكرك على نقل الصورة الحية لإجتماعيات الجمعية ، وأبشرك بأنه تجرى محاولات لضم اللاعب الخطير الحاج حسن للفريق وهنالك محاولة لدعم الفريق من خارج منطقة الرياض باللاعب حاج على المنشاري وذلك بعد أن تتم تزكيته من قدامى الأعضاء ( بشير + عمر + الشريف + الطيب بخيت والزين ) مع تقديمه لشهادة حسن سلوك .
وأعدكم بنقل ما شاهدته خلال إجازتي في السودان وأمسكو الخشب.
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: إجتماعيات أعضاء جمعية الجريف شرق بالرياض   الإثنين 17 مارس 2008, 6:51 am


مع إنو الواحد ما إغترب ولا حاجة والحمد لله ..
إلاإنو والله الواحد حاسي .. بسردكم للحاجات البتحصل هناك دي ..
إنو كان معاكم وعاش وياكم اللحظات الحلوة دي ..
سبحان الله .. لكم التحايا الكتارات أعزتي ..
ويا تسالية الناس ديل لو ما أدوك الشيك النص التاني ما تلعب ..
وأحب أضيف إلى تعليق أخونا رحال للجانب الرياضي ..
أن الاخ / محجوب الكديري قد تلقى عرضاً مغرياً من نادي الهلال العاصمي السوداني قيمته دور كسار .. إلا ان نفس اللاعب الأبية قد رفضت العرض وقال لا بد من أن يدفع الهلال شوال دقيق للفريق ..

تحياتنا للأخ محجوب الكديري .. وياسر .. وكل الشبب الحلوين ..



ودمتم ...
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: إجتماعيات أعضاء جمعية الجريف شرق بالرياض   الإثنين 07 أبريل 2008, 2:23 pm

بالله ده انت ياايهاب
ده شنوالاسماء العجيبه دى
ايهاب مااجمل من ابن بطوطه اقصد رحال
وقلت ارحل واسوقخطواتى من زولاً زى عصا..........!!!
مشتاقين انتو متن تجونا وسهراننى والليل طال علينا
ودى لكل الاحبة فى الجمعية من الريس ود دفع الله حتى القاعد فى الكرسى الجنب الباب
ابوتراجى
الرجوع الى أعلى الصفحة اذهب الى الأسفل
Anas Bakheit
عضو مشارك
عضو مشارك


عدد الرسائل : 43
العمر : 33
الاقامة : london
المهنة : student
مزاجك اليوم :
تاريخ التسجيل : 12/01/2008

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 08 أبريل 2008, 8:32 pm

مراسلكم رحال
من قناة الجريف شرق الإخبارية .. الرياض منفوحة



شكرا ايهاب علي هذا المجهود

ملحوظـــــــــــــــــــــة
لــذيذ قصت مراسيلكم دي حقو نعمل في كل حتا واحد اذا في اي متقدمين اتصلو بل احمد المبارك لتسجيل.
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: إجتماعيات أعضاء جمعية الجريف شرق بالرياض   الأربعاء 09 أبريل 2008, 4:17 am

الاخوان الاعزاء السلام عليكم

اخونا ايهاب
حقيقة نحن ننتظر اكمال اعدادكم لفريقكم حتى تستطيعو ان تلعبو مع فريق القصيم لانكم الى الان لما تصلو لمستوي جيد من اللياقة
وفريق القصيم رافض ان يلعب مع فريق الرياض نسبة لتدنى مستواكم فى الفترة الاخيرة
علما بان فريق القصيم يضم اسامة خواجه بشير الحاج الشامى شيبان ووليد عبد الرحيم وخالد محمد عمر ( جدو) و على حنينة ومصطفى خوجلى بكرى خالد الفاروق والامين خوجلى و وصديق الحاج البشير و هيثم بخيت وشخصى الضعيف معز عبد المنعم والفريق بقيادة جهز فنى على مستوى عالى السيد الجزولى والطيب عباس والطيب خواجة ومككاوى الحلاوى
وحمد النيل عثمان وطبعا المستشار الفنى لفريق القصيم الكوتش قنديل جيب الله

علشان كده يا ناس الرياض شيلو شيلتكم والانذار موجه خصوصا للاخ عصام ( العجب) علشان كده حسنو مستواكم بالعب مع فريق الدمام وبعدين تعالو العبو مع فريق القصيم

وفريق القصيم مستعد بشراء بطاقة الا خ عصام عبد الصادق ورحال ( ايهاب) لكن نقل الكفالة ونقل عفشهم من الرياض الى الى القصيم عليكم
مع دفع راتب شهر مقدما وطبعا التسجيل بعد اجراءات الفح الطبى لاتنو ايهاب ده لسه ما اتزوج لازم فحص ما معروف شكلته شنو

والله اكبر
معز عبد المنعم مراسلكم من بريده منطقة القصيم
الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: إجتماعيات أعضاء جمعية الجريف شرق بالرياض   الأربعاء 09 أبريل 2008, 4:31 am

علما بان هنالك لاعبين سكونون مفاجاة لفريق الرياض


وهم يوسف فوكس ومحمد صديق الحلاوى ومنير الصديق وموسى الخضر
ومتوكل الصادق ولطفى الطيب الكسيحة والاعب الكبير عمر على حماد العربى علما بان عمر كلف فريق القصيم مبلغ كبير بعد ان تم تفضيله على لاعبكم ايهاب ( رحال) وسيكون الحكم من عندنا وهو عبد الرحمن خولة اب احمد وقد تم ارسال طائرة خاصة لاحضار الاعب عبد الرحمن ياسين من جده ليلعب بنظام الاعارة وسيتم الاستعانة ببعض الادارين من السودان لاعداد الفريق لمنازلتكم مثل الاستاذ عبد المنعم و الطيب مصطفى ابناتولة وبابكر حكومة وعلى فريق الرياض الانسحاب حتى لا تحدث فضايح
sudan soccer 10
car race
الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: إجتماعيات أعضاء جمعية الجريف شرق بالرياض   الأربعاء 09 أبريل 2008, 5:04 am


لكن والله كلام ..

الكتلة قاعدين في السودان ؟؟ وفي الجريف كمان ؟؟ ..

عيني بااااردة عليكم ..
والله الواحد بتمنى يجي عليكم ويستانس بصحبتكم ..
مع إنو الواحد ما بعرف يلعب الكورة لكن اهو نخربش ليكم ونستمتع بأنسكم ..
بس جدو دا إتغشيتوا فيه .. هههههههههه



دوموا في رعاية الله ..


الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: إجتماعيات أعضاء جمعية الجريف شرق بالرياض   الأربعاء 09 أبريل 2008, 10:17 am

وليد قول ماشاء الله

انشاء الله تكون معانا بقلبك لكن ما نتمنى لاحد الغربة

تحياتى لكل الاهل بالجريف

معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: إجتماعيات أعضاء جمعية الجريف شرق بالرياض   الخميس 10 أبريل 2008, 12:22 am


والله يا معز ..
الغربة دي بنكرها ليك كراهية شديدة خلاص ..
وأنا ما قصدت الغربة في حد ذاتها ..
بس لما عكستو لينا الحاصل عندكم هناك .. والشباب المتلمين معاكم ..
غرنا عليكم وحسدناكم على لمتكم دي ..
وإتمنينا الواحد يكون معاكم ويلعب معاكم الكورة .. ويتونس معاكم ..
لأنو جد هنا الونسة بقت بالقطاعي ..
والكورة زااااااااااتها الناس خلتها ..
وبقت مافي نفس لأي شئي ولا حتى الواحد يطلع من البيت ..

وغايتو ..

تحاياك في نص الحلة الآن ..


بس دوموا لنا إخواناً ...
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: إجتماعيات أعضاء جمعية الجريف شرق بالرياض   الخميس 10 أبريل 2008, 1:27 am


غربة وشوق ومطر
الغاليين ود سنقد و المعز ...والباقيين في كل صوب
مهما طالت ساعات الغياب لابد من ساعة لقــــاء
وياكم آلجرافة الحنان ما بتتغيرو
الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: إجتماعيات أعضاء جمعية الجريف شرق بالرياض   الخميس 10 أبريل 2008, 2:39 am


الهندي يا أصيل ..
طلتك تزيدنا إصراراً على مواصلة المشوار ..
ونبتغي بها الإستمرارية ودوام الحضور ..
ونستشف منها عبق الرحلة الممتعة ..
وروح الدعابة والمرح والإلفة ..

دم بيننا أخي هندي .. ولا تحرمنا من بهاك ..

اخونا المعز لا تقطع مننا أخباركم ..
اوصلنا دائماً بكم وإجعل حبل الوصل قائماً بيننا ..
أزجينا بأفراحكم وسعادتكم ..
وبلغ تحياتي لأخونا أبسوكة ..


ودوموا لنا إخوة ...
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: إجتماعيات أعضاء جمعية الجريف شرق بالرياض   الأحد 04 مايو 2008, 2:48 pm

وقد تم ارسال طائرة خاصة لاحضار الاعب عبد الرحمن ياسين من جده ليلعب بنظام الاعارة
طبعاً ياستاذ معز الطيارة وصلت متاخرة شويه وبعدين انا عندى باقى قروش عن ناس الرياض مادفعوها وكما الشعار الذى كتب فى تمرين الوداع بتاعى لما غادرت الرياض (بلا ونجلا )كل دة بمنعنى من اللعب فى الرياض وجوار عصام عبدالصادق !!!
عموما انا بقترح تعملوا مباراة فى جدة
بين القصيم والرياض وانا الحكم عشان اطرد عصام فى اول دقيقتين وعند مبرراتى
والله دى دعوة حقيقية لعمرة وعمرة(بفتح العين ) جماعية لكل الجرافه والتلاقى فى جدة لاجراء مباراة ثلاثية الابعاد
ونكون شوفنا بعض وكسبنا اجر
ارجو الاهتمام
ابوتراجى
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 06 مايو 2008, 5:03 am

أحمد الله كثيراً بأن أحبابي كثيرين.. والحاقدين بعدد الأصابع.

والأغرب أنو أخونا أبو تراجي وهو بعيد في جدة برضو بيهدرب بي.

وأخونا معز وهو في القصيم بيتحدى بي..

والحكاية شنو ... ويا جماعة الخير .. أنا غلبان .... ولكن حالياً بقوم بإعداد جيل المستقبل من أمثال مصعب عمر حسن ورفاقه وأول ضحاياهم كان أخونا إيهاب وسوف يلحق بهم بابكر شروم.

أما بالنسبة لأخونا أبو تراجي .. والله سعدت جداً بدعوته للجميع في جدة .. وهذه مكرمة كبيرة لأنو بعد نقله للعمل بجدة مباشرة قبل فترة .. ذهبت لجدة في مامورية عمل وقلت للأخوان في الرياض البيسأل عني قولوا له عصام ذهب جدة ليدخل عبدالرحمن في الإسلام .. ويومها كانت حكاية .. والحمدلله أبو تراجي الأن بيقدم الدعوة عشان نعمل عُمرة جماعية.

وبالنسبة لشعار وداعه ( بلا وإنجلا ) حقيقة أتت هذه الفكرة بعد تفكير عميق ولكن للأسف بعد فترة وجيزة من نقله إلى جدة عرفنا أننا خسرنا رجل بحق وحقيقة ... ولكن إبتعاده برضو رحمة بالعباد بالرغم من أنه لم ينقطع عن تسديد إشتراكاته بالجمعية أسوة بأخونا حاج على حاج ابراهيم برغم إستقراره بحفر الباطن منذ أكثر من عشرة سنوات.

وبالنسبة لموضوع التحدي .. أعتقد بأني لو ما شاركت فخيالي لوحده مشكلة بالنسبة لأبو تراجي وبدر عبدالماجد وواحد ثاني هو عارف نفسه جيداً .. وعموماً خانتي بجيب فيها الطيب بخيت.. أو الهندي..

تحية من القلب للجميع..

عصام عبدالصادق
الرجوع الى أعلى الصفحة اذهب الى الأسفل
منير السماني
قلم فضي
قلم فضي


عدد الرسائل : 353
تاريخ التسجيل : 22/01/2008

مُساهمةموضوع: رد: إجتماعيات أعضاء جمعية الجريف شرق بالرياض   الثلاثاء 06 مايو 2008, 5:51 am


يا دوب عرفت أنوا ابو تراجي ده هو (عبد الرحمن يس)
تحياتي يا ود جيرانا!!! وعقبال ما نعرف ود رياء ده منو وتساليه ده منو وجيقا ده منو وباقي العقد الفريد!!
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: هروب عصام عبد الصادق   الإثنين 12 مايو 2008, 9:54 am

االسلام عليكم ورحمة الله


اخونا عبد الرحمن ياسين شاكرين لك دعوة الجميع للعمرة
انا من ناحيتى بلبى دعوة العمرة بضم العين وبترك دعوة العمرة بفتح العين لاخونا عصام عبد الصادق لانو اخونا عصام لما لقى انو يحتاج لعمرة بفتح العين قال ايه نحن بنجهز فى ناس مصعب ده هروب عديل يا عصام
غايتو نقول البركة فى الاخوان عمر حسن حمزة و اخونا ازهرى
لكن مضطرين نعمل ليك تكريم يا عصام

مع تحياتى اخوكم معز
الرجوع الى أعلى الصفحة اذهب الى الأسفل
http://aljraif.forumotion.com
تمارا الادريسى
عضو جديد
عضو جديد


عدد الرسائل : 4
تاريخ التسجيل : 13/05/2008

مُساهمةموضوع: رد: إجتماعيات أعضاء جمعية الجريف شرق بالرياض   الخميس 15 مايو 2008, 11:40 am

اسف لعدم الرد فى حينه
والأغرب أنو أخونا أبو تراجي وهو بعيد في جدة برضو بيهدرب بي
الهضربه دى ياربى تكون من طعم الحنضل الاكلتو عندك يااب المصطفى

أما بالنسبة لأخونا أبو تراجي .. والله سعدت جداً بدعوته للجميع في جدة .. وهذه مكرمة كبيرة لأنو بعد نقله للعمل بجدة مباشرة قبل فترة .. ذهبت لجدة في مامورية عمل وقلت للأخوان في الرياض البيسأل عني قولوا له عصام ذهب جدة ليدخل عبدالرحمن في الإسلام .. ويومها كانت حكاية .. والحمدلله أبو تراجي الأن بيقدم الدعوة عشان نعمل عُمرة جماعية.
يعنى هجرتك فى سبيل الله جابت فائدة والجميع رابح (اجر)

وبالنسبة لشعار وداعه ( بلا وإنجلا ) حقيقة أتت هذه الفكرة بعد تفكير عميق ولكن للأسف بعد فترة وجيزة من نقله إلى جدة عرفنا أننا خسرنا رجل بحق وحقيقة ... ولكن إبتعاده برضو رحمة بالعباد بالرغم من أنه لم ينقطع عن تسديد إشتراكاته بالجمعية أسوة بأخونا حاج على حاج ابراهيم برغم إستقراره بحفر الباطن منذ أكثر من عشرة سنوات.

اكان كده حقو تعمل وداع جديد وتغير الشعار ل (البريدو ...... )
وبالنسبة لموضوع التحدي .. أعتقد بأني لو ما شاركت فخيالي لوحده مشكلة بالنسبة لأبو تراجي وبدر عبدالماجد وواحد ثاني هو عارف نفسه جيداً .. وعموماً خانتي بجيب فيها الطيب بخيت.. أو الهندي..
ياابو الشباب انت عارف المشكله شنو بالنسبة لى خوفى تلحق (ناس وشو والطيب عباس والقبلهم من الهزائم النكراء لهم ) وكدى اتذكر الطفشو
واخير والله غالى على جداً ياعصام انت والرائع حاج على حاج ابراهيم ولكم التحية
ابو تراجى


الرجوع الى أعلى الصفحة اذهب الى الأسفل
 
إجتماعيات أعضاء جمعية الجريف شرق بالرياض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: