............

حبابك عشره يا زائر
 
الرئيسيةالتسجيلدخول

شاطر | 
 

 عطلة السبت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: عطلة السبت   الأربعاء 23 يناير 2008, 7:55 am

احب ان اتناول موضوع عطلة يوم السبت التى اجيزت فى ولاية الخرطوم

واود ان اقول الدول النامية مثل الصين واليابان وماليزيا لم تتقدم الا من خلال
الجهد والاجتهاد (ليس من خلال الاجازات و الركلسه)ونحن ما احوجنا ان نعمل الاسبوع بكامله
لكى نلحق بركب هذه الدول ونضع خطواتنا على طريق النماء
مع انو واقع العمل عندنا لايخفى على احد
الحضور الساعة 9
الفطور من 10 الى 11
الصلاة من الساعة 12الى1
الساعة2 الانصراف
(يعنى اليوم كلو بنشتغل ساعة واااااااااحده)
وعلية فى الاسبوع نكون عملنا 6 ساعات
ولا تنسى كمية العطل التى لاتحتاج الى براهين
وطبعا الشعب السودانى متكيف جدا من هذه العطلة الجديده التى اضيفت الى
عطلاته الموجوده اصلا.
مع العلم نفس هذه التجربة ونفس هذه العطلة ونفس هذا اليوم طبقت فى التسعينات
وطبقته نفس الحكومة وانتهت با لفشل
ماهو المصير الذى ستنتهى به هذه المرة؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: عطلة السبت   الأربعاء 23 يناير 2008, 11:12 am

في معنى الأية الكريمة تقول ..
لا يغير الله ما بقوم حتى يغيروا ما بأنفسهم ...
المشكلة فينا نحن ياتسالية ... الكســـل قد يكون أصبح فطرة يولد عليها السوداني
كلامنا اكتر كتير من أفعالنا ... مهما اختلفت الاسباب أو المؤديات لهذا الكسل والخمول
فالمهم أن تأتي لحظة نستيقظ فيها ونعاين حولينا لكي نتقدم ... والعزيمة والاصرار ماليه النفوس
بس فين البداية والانطلاقه .. ده الشئ المفقود ... الاهمال واللامبالاة مشكلة عامة مصاب بهـــا كل
المجتمع للأسف الا ما رحم ربي ....

مشاققة : أيوا أظهر كده ولعلع فينــــا اشتقنا لصوتك ياخي .. وصاحبك خبرو شنو ؟؟؟
تحياتي تســـــــــــالية ...

الرجوع الى أعلى الصفحة اذهب الى الأسفل
http://aljraif.forumotion.com
المغتربة
عضو جديد
عضو جديد


عدد الرسائل : 9
تاريخ التسجيل : 19/01/2008

مُساهمةموضوع: رد: عطلة السبت   الجمعة 01 فبراير 2008, 5:14 pm

الاخت تسالية اؤيد كلامك فالسودان لا يحتاج المزيد من العطلات وبري انه لو كان ولابد فالانسب انها تكون الخميس بدل السبت لانه اصلا يوم قصير وناس الاقاليم بسافروا فيه فكده صارت الاجازة خميس وخمعة وسبت-----كان الله في عون بلادي
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   السبت 02 فبراير 2008, 4:55 am

الرائع بروعة غاندى

ود نابرى
والابنوسة
المغتربة
فى واحد سالوه ليه ما شغال
قال:الجمعة عطلة والسبت عطلة والاحد عيد المسيح والاثنين ميلاد سيدنا محمد(ص)
والثلاثاء يوم اخضر والاربعاء ما عارف شنو كده والخميس يوم قصير.....
(فى النهاية طلّع الاسبوع كلو بيش )
وده حال كل السودانيين .....
.ومشكوووووووووووووورين على المرور
ولكم منى مؤونة 100عام من الود
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: عطلة السبت   الخميس 14 فبراير 2008, 10:08 am

الرائع بروعة الابنوس


عزيزى تسالية عطلة السبت درست من قبل سنوات طويلة ولم تكن وليد اللحظة وكانت من ضمن الخطة العشرية
وبعد ما تأكدوا منها
أصحاب الفكرة السليمة من نجاحها تم تنفيذهابعد 7سنوات من الدراسة وكانت النتيجة إيجابية جدا جدا (إقتصاديا _ علميا _ وإجتماعيا _ وصحيا ) والنتائج سارة جدا والاثرللشعب سوف يرى النور قريبا .............؟

وراجعين
الرجوع الى أعلى الصفحة اذهب الى الأسفل
Ahmed
الادارة
الادارة


عدد الرسائل : 146
العمر : 33
تاريخ التسجيل : 24/06/2007

مُساهمةموضوع: رد: عطلة السبت   الجمعة 15 فبراير 2008, 1:02 pm

المغتربة كتب:
الاخت تسالية اؤيد كلامك فالسودان لا يحتاج المزيد من العطلات وبري انه لو كان ولابد فالانسب انها تكون الخميس بدل السبت لانه اصلا يوم قصير وناس الاقاليم بسافروا فيه فكده صارت الاجازة خميس وخمعة وسبت-----كان الله في عون بلادي



الاخت المغتربه السلام عليكم ورحمه الله
طبعا العطله يوم السبت لانه العالم مرتبط بالغرب ,والسوق (market) مرتبط مع الغرب , وعلي سبيل المثال البورصه يوم السبت مابتشتغل ولكن يوم الجمعه بتكون شغاله يعني لو العطله يوم الجمعه بتكون مشكله.
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   الجمعة 15 فبراير 2008, 1:48 pm

الغالى بدر

اشك فى مسالة درست من قبل
لانوالحكومة لو بتدرس القرار قبل تنفيذه
(ماكان ده حالنا)
وياصحبى انا قلتا قبل كده وتانى اكرر ليك
نفس هذه التجربة طبقت فى التسعينات وفشلت فشل زريع
وبالله عليك انت جادى فى مسالة نجحت (اقتصاديا وعلميا......الخ)
الاقتصاد يجى من وين ؟؟ ونحن فى اجازه على امداد السنه
وكلامك ده عشان اقتنع بيهو لازم اغيب عقلى..
والنتيجه سلبيه من هسه ظاهره تشرزم وعطال وقلة انتاج ووووووو
وكان منتظر نتجه ايجابيه من اجازة السبت
(واطاتك اصبحت)
قال نتائج ساره قال
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   الجمعة 15 فبراير 2008, 2:04 pm

الرائع


Ahmed
ياعزيزى فى السودان ما فى بورصه ولا السودانيين بعرفو ليك البورصه
الرجوع الى أعلى الصفحة اذهب الى الأسفل
Ahmed
الادارة
الادارة


عدد الرسائل : 146
العمر : 33
تاريخ التسجيل : 24/06/2007

مُساهمةموضوع: رد: عطلة السبت   السبت 16 فبراير 2008, 2:56 pm

شكرا ليك الاخ تساليه علي المرور الرائع
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: عطلة السبت   الأحد 17 فبراير 2008, 5:46 pm

الرائع تساليه


عطلة السبت كماذكرت زياده للكسل والخمول وهذا حال الشعب السوداني للاسف

انت عارف العطله دي نظررولا كيف !!
اولا نسبه لغلا المعيشه وارتفاع تعريفة المواصلات قالو نخفف للشعب المعاناه يعني كان في اسره لديها ثلاثه طلاب بقرو في الجامعه ديل دايرين حوالي عشرون الف جنيه سابقا يعني رب الاسره يوم السبت يوفر المبلغ ويحضر للاولاد فواكه او لحم وبالتالي لايحدث فقر دم للاسره

ثانيا نسبة لسرعة الحياة والجري خلف المعايش ترك هنالك جفوه وقطع للارحام فقالو الناس تواصل بعضها في هذا اليوم على الرغم من انه اذا كان في شركه احد الموظفين لديه عزاء او عرس او سمايه كل الموظفين مابقصرو من الساعه العاشره لا تجد احد في الشركه وايظا الحدائق العامه مليانه كل الاسبوع والطلبه مامقصرين..

ثالثا تقليل الزحمه الكثيره المتواجده في وسط العاصمه لعكس روعة ووجه الخرطوم الحضاري

ربنا يكون في العون ومامعروف الجماعه ديل موصلننا وين

مشكور حسن
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   الإثنين 18 فبراير 2008, 4:26 pm

حسن

سلام بالكوم
والله على قولك وعلى قول الفنان الهادى ود الجبل
عارف وين خطواتك ماشه
واخرى معاك مامعروف
والله يكون فى العون
ومشكور ياسيدى على التهديف
الرجوع الى أعلى الصفحة اذهب الى الأسفل
المغتربة
عضو جديد
عضو جديد


عدد الرسائل : 9
تاريخ التسجيل : 19/01/2008

مُساهمةموضوع: رد: عطلة السبت   الأربعاء 20 فبراير 2008, 5:07 pm

[الاخ تسالية] عذرا علي الخطا الكتابي الوارد في ردي علي موضوع عطلة السبت وكتابتي الاخت بدلا عن الاخ ولك العتبي حتي ترضي
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: عطلة السبت   الخميس 21 فبراير 2008, 12:33 am

المغتربة كتب:
الاخت تسالية اؤيد كلامك فالسودان لا يحتاج المزيد من العطلات وبري انه لو كان ولابد فالانسب انها تكون الخميس بدل السبت لانه اصلا يوم قصير وناس الاقاليم بسافروا فيه فكده صارت الاجازة خميس وخمعة وسبت-----كان الله في عون بلادي

[size=24] الاخت المغتربة حبابك عشرة بلا كشرة

وتميت الفرحة بوجودك الزاهر بطلاتك الجميلة

عزيزتى السودان اليوم ،سودان جديد ،قاعدة صلبة وهمة شبابية عالية لاتعرف الكسل والخمول والاعتزارات
المتكررة كحال الموظفين السابقين ، الان عصر النهضة والتنمية واديك مثال سد مروى - جياد-الطرق المعبدة-
يعنى ما فى نوم ، وعطلة السبت كما زكرت سابقا مدروسة ومفحصة والنجاح يفتح أبوابه على مصرعيه للسودان.

وراجعين
[/size
]
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   الخميس 21 فبراير 2008, 5:01 am

المغتربة كتب:
[الاخ تسالية] عذرا علي الخطا الكتابي الوارد في ردي علي موضوع عطلة السبت وكتابتي الاخت بدلا عن الاخ ولك العتبي حتي ترضي
النخلة السامقه

المغتربة
ما بيناتنا اعتذار وعلى العموم مشكوره
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: عطلة السبت   الخميس 21 فبراير 2008, 6:04 am

بدر عبد الماجد كتب:
السودان اليوم ،سودان جديد ،قاعدة صلبة وهمة شبابية عالية لاتعرف الكسل والخمول والاعتزارات
المتكررة كحال الموظفين السابقين ، الان عصر النهضة والتنمية واديك مثال سد مروى - جياد-الطرق المعبدة-
يعنى ما فى نوم ، وعطلة السبت كما زكرت سابقا مدروسة ومفحصة والنجاح يفتح أبوابه على مصرعيه للسودان.

وراجعين
[/size
]

عزيزى شايفك بتقول سودان جديد وصلبه ونهضه وشنو وشنو

دحين يابدر البتتكلم عنو ده سودانا ولا سودان تانى
كان قاصد سودانا تكون بتحلم
وسد مروى نغمة وليس نعمة لانه قام على مصادرة اراضى المناصير وتشريد الاف الاسر
بعد ان فشلت ادارة السد فى اعادة توطينهم(وشكلك مامتابع تطورات احداث سد مروى الداميه)
والطرق المعبدة فى السودان لاتتجاوز اصابع اليد (15 طريق خلال 19 سنة )اتخيل لى ما انجاز
وعطلة السبت (الماعايزيين تعترفو بفشلها) انشاالله تنجح
وربنا يكذب الشينه.
خارج النص:
بمناسبة الطرق المعبدة عندى نكتة ليك يابدر
اهلنا الطيبين(ناس الحكومة) القزافى اتبرع ليهم بسفلتت طريق العيلفون
ولمن جاء يفتتح الطريق اتفاجا انو الطريق ضيق جدا (اتجاه واحد ما بنفع)
قال ليهم ده الرايح فين الجاى ..
الرجوع الى أعلى الصفحة اذهب الى الأسفل
منير السماني
قلم فضي
قلم فضي


عدد الرسائل : 353
تاريخ التسجيل : 22/01/2008

مُساهمةموضوع: رد: عطلة السبت   الثلاثاء 04 مارس 2008, 5:37 am

عطلة السبت، استغرب للذين يقولون بانها لم تدرس، هذا كلام غير سليم وغير دقيق، بالتاكيد تم دراسة ذلك من قبل مختصين، وعلى نظرنا إلى كل الشعوب المتقدمة سنجدهم يعطلون يوميين كاميلين إذاً ليس بمقياس تقدم الاقتصاد بالعمل كل الأسبوع!! ثانياً إذا تمت العطلة في يوم الخميس سيخسر السودان كثيراً بالذات الجانب الاقتصادي لان العالم كله يعطل يوم السبت والأحد فإذا عطلنا نحن الخميس والجمعة سنقطع عن العالم اربعة أيام كاملة!!!!

أما الشوارع والطرق والكباري والمشاريع الضخمة فهي لا تحتاج إلى شخص يتحدث عنها فهي تتحدث عن نفسها بنفسها والآن السودان يعش في طفرة وطفرة كبيرة!! العالم كلوا شايفها وشاعر بها!!!
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: عطلة السبت   الثلاثاء 04 مارس 2008, 6:08 am

منير السماني كتب:
عطلة السبت، استغرب للذين يقولون بانها لم تدرس، هذا كلام غير سليم وغير دقيق، بالتاكيد تم دراسة ذلك من قبل مختصين، وعلى نظرنا إلى كل الشعوب المتقدمة سنجدهم يعطلون يوميين كاميلين إذاً ليس بمقياس تقدم الاقتصاد بالعمل كل الأسبوع!! ثانياً إذا تمت العطلة في يوم الخميس سيخسر السودان كثيراً بالذات الجانب الاقتصادي لان العالم كله يعطل يوم السبت والأحد فإذا عطلنا نحن الخميس والجمعة سنقطع عن العالم اربعة أيام كاملة!!!!

أما الشوارع والطرق والكباري والمشاريع الضخمة فهي لا تحتاج إلى شخص يتحدث عنها فهي تتحدث عن نفسها بنفسها والآن السودان يعش في طفرة وطفرة كبيرة!! العالم كلوا شايفها وشاعر بها!!!


يا منير تحياتي الكتارات ..
بالنسبة لعطلة اليوم الإضافي للجمعة هي في الواقع أُقترحت من قبل .. أما موضوع دراستها فالله أعلم بذلك ..
والدليل على ذلك أن رؤساءنا الكرام لا يميلون على موضوع الدراسة دي كتير .. المهم الواحد فيهم ينفذ ما طاف بخاطره وهو مستلقي على سريره .. والدليل على ذلك معظم القرارات التي تم إتخاذها من قبل وزاراتهم .. والتي منها منع عربات الهايس والأمجاد من دخول منطقة السوق العربي .. وبعدها أصدروا قرار يمنع عبور الأمجاد الكباري .. وبعد يوم أو يومين رأوا غير ذلك فقاموا بتعديل القرار .. كما أن وزارة الطاقة أرسلت خطاب إلى شركة النحلة مهنئيةً بإستخدامها لغاز العربات وتجشيعها عليه قبل كم سنة .. والآن أرسلت خطاباً لها يحمل في طياته بعدم تمويل عربات الأمجاد بالغاز .. شئ غريب .. طيب مالك ؟؟ ما قبيييييل قلتي الكلام دات كويس ..
لكن في الواقع أخي إنو مسألة الإجازة دي فيها سلبيات وإيجالبيات لا تغفل على الكثيرين وهي على العموم عندها فترة تجريبية لمدة ستة أشهر وبعدين بتظهر النتيجة .. وبالمناسبة عشان تعرف إنو القرارات دي إرتجالية بعد ما إدارات الشرطة طبقت الإجازة بعد شوية تااااااااااني رجعوا بعض الإدارات للعمل يوم السبت .. ما حكاية غريبة ؟؟ ..
أما بخصوص الشواع المنفذة من قبل حكووووووووووومة كبييييييييييييييييييييييييرة زي دي وقعدت فترة طويييييييييييييييييييييييييييلة زي دي .. ما غريبة تعمل عدة شوارع .. وزي ما زكرت قبل كدا في بوستر تاني إنو العملية دي أقرب رأسمالي ممكن يعمل النفذتو الحكومة دي وفي أقل من خمسة سنة ..
والموضوع والله كبييييييييييييير وبحتاج لسمنارات وحاجات كتييييييييييرة .. وربنا يوفق الجميع ...


ودمت أخ لنا ...
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: عطلة السبت   الثلاثاء 04 مارس 2008, 10:50 am

الاخ /الكريم ود ســـــــــــنقد


لك التحية وأنت تناقش هذا الموضوع (عطلة السبت) الجيد الذى أصبح حقيقة ليس بحلم وأصبح واقع
معاش فى ظل القيادة الرائدة (المؤتمر الوطنى ) الذى حقق كل ماهو درس فى الاستراتيجية الموضوعة
لهذا البلد الذى يقوده مفكرون لاينامون من التفكير و التمحيص الشديد لتنفذ الخطط المدروسة لنهضة هذا
القطر الذى عانة كثيرا من التخبطات السياسية السابقة ، والحمدلله الان هناك من هم اكثر علما فى تنفيذ القرارات
الصائبة والتى ترى النور ،لا أريد زكر شىء من الذى زكر ولكن الان نهضة السدود ليست الطرقات والكبارى
والعلم وووووووو الان النظر إلى أشياء أسمى وأغلى والايام شواهد .
وراجعين]
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: عطلة السبت   الأربعاء 05 مارس 2008, 8:33 am

بدر عبد الماجد كتب:
الاخ /الكريم ود ســـــــــــنقد


لك التحية وأنت تناقش هذا الموضوع (عطلة السبت) الجيد الذى أصبح حقيقة ليس بحلم وأصبح واقع
معاش فى ظل القيادة الرائدة (المؤتمر الوطنى ) الذى حقق كل ماهو درس فى الاستراتيجية الموضوعة
لهذا البلد الذى يقوده مفكرون لاينامون من التفكير و التمحيص الشديد لتنفذ الخطط المدروسة لنهضة هذا
القطر الذى عانة كثيرا من التخبطات السياسية السابقة ، والحمدلله الان هناك من هم اكثر علما فى تنفيذ القرارات
الصائبة والتى ترى النور ،لا أريد زكر شىء من الذى زكر ولكن الان نهضة السدود ليست الطرقات والكبارى
والعلم وووووووو الان النظر إلى أشياء أسمى وأغلى والايام شواهد .
وراجعين]


يا بدر يا رائع ..
لك الشكر والتقدير لشخصك ..
نحن معاك أخي إنو برنامج عطلة السبت بقت على أرض الواقع بعد ما كانت على الورق ..
السؤال هل هذه الفكرة دُرست من قبل أم شانها شأن باقي القرارات الغير مسئولة ؟؟
وإذا كان ذلك كذلك .. لماذا تم تعديل الدوام لبعض إدارت الشرطة إلى العمل يوم السبت ؟؟
سؤال برضو صاح ؟؟ .. وليه وزارة الطاقة كتبت لشركات البترول إنها توقف إمداد الأمجاد
بالغاز بعد ما كتبت ليهم قبل كم سنة بتشجعهم على ذلك ؟؟ ..
والله العظيم نحن لا نشك في بعض الأعمال .. وأكرر الأعمال وليس الإنجازات .. التي تحققت
إبان فترة الحكم المايوي أقصد الحكم الإنقاذي .. ولكن برضو يبقى السؤال التقليدي ..
هل هذه الأعمال بقدر الفترة الزمنية التي قضتها حكومة الإنقاذ في السودان ؟؟ وهل بقدر ما
سلبته الإنقاذ من الشعب والضغوطات التي مارستها على عم عبد الرحيم وحاجة آمنة ؟؟ ..
يا اخي العزيز شوف الإنقاذ ليها كم سنة بتعمل كما تقول .. وشوف الشئي الذي حققته ..
يا اخي شوف الإنقاذ شالت شنو من الشعب مقابل تنمية البلد والإقتصاد وقارن بينه وبين ما
حققته مقابل ذلك ..
حا تقول لي البلد محاصرة بحرب إقتصادية وعسكرية وما عارف ايه ..
يا أخوانا البلد فعلاً ممارس عليها الكثير من الضغوطات المعروفة لدينا كلنا .. لكن ما ممكن الضغوطات دي
إتكوي بيها المواطن المسكين دا براه .. في حلول أخرى غير دا أو بالأحرى خلوا المعاناة تكون جماعية ..
عشان عم عبد الرحيم لما يشوف غيره بتكوي بنار الحرب والحرب الإقتصادية الممارسة على البلاد
يحتسب زي ما بقولوا أخوانا ..
الإنقاذ فرضت على الشعب إنو يمارس أقصى أنواع السرقة .. والغش والتدليس ..
فرضت عليهم حاجات كتيرة ما كان الواحد بعرفها .. وبقى يمارس حاجات غريبة ودخيلة على المجتمع ..
زمان الواحد كان بغني براااااااه في الشارع .. أسي آخر مرة غنيت فيها متين ..
وآخر مرة سمعت عم عبد الرحيم بغني متين ..
يا عزيز الإيجابيات ما كافية عشان تتعظم الإنقاذ .. في سلبيات كتيرة بتغطي على الحاجات السمحة ..
في إفرازات سالبة و...

وللحديث بقية لو وسع صدرنا وصدركم ..

ولك الود والتحية والتقدير أخي ..


ودمت أخي ...
الرجوع الى أعلى الصفحة اذهب الى الأسفل
 
عطلة السبت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: