............

حبابك عشره يا زائر
 
الرئيسيةالتسجيلدخول

شاطر | 
 

 انواع الحريم السودانيات للزواج .. وزمن العنوسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: انواع الحريم السودانيات للزواج .. وزمن العنوسة   الخميس 17 يناير 2008, 4:29 pm


في اطار عرض مشكلة العنوسة المنتشرة في وسط البنات السودانيات بعد موت الجد وضياع زمن البت لود عمها
فقد كان الحديث طوييييييييل جدا حول تلك الظاهرة وتفشيها في بلاد الغربة ودول الخليج والمهجر واقتبست لكم
هذا المقطع وسأوافيكم بالمزيد حول الظاهرة الخطرة التي يعيشها الكثير من السودانيات ...
-
مشاهدة النسخة كاملة : انواع الحريم السودانيات للزواج!!
__________________________________________________

المصدر:- منتديات ( الخدمة الوطنية ). 05-06-2007,

ابوباسل:
إن
بقيت بخيت .. ربنا يديك مرا هدية ورضية .. السماحة ماضروريلانو بعد شوية
.. ما حتكون سمحة حاتكون عادية .. نصيحة ليك النسوان البقولن ليك ديلاوعك
تعرس واحدة فيهن ،
الفنانة .. والحنانة .. والحردانة .. والمدرسة .. والمدبرسة .. والمفلسة ..والنوامة .. والحوامة .. واللوامة
والبوبارة .. والكوبارة .. والخبارة .. والفشارة .. واللايوقة .. والنقناقة ..

أها نمسكن واحدة واحدة........

1-
الفنانة :- حاتمرق معاهاوتقعد تحوم .. في الحفلات .. وتشوف كرسي قدام
وتقعد فيهو شايل عكازل وسكينك فيضراعك وعينك عليها .. إن راجل بشر ساكت
تتحنفش وتتخنفش وتقوم .. إلا يهجروك اتنينعلي الكرسي .. وتجوا نص الليل
راجعين اهلكم والنهار كلو نائمين

2- الحنانة -: طول النهار برا
البيت .. تحنن في نسوان الرجال وهي كرعينها يكونن ما شافن حنة ليهنسنين ..
والنهار كلو إنت تحاحي في الشفع ما يلمسوا الصبغة .

3- الحردانة :-
ديحا تكرهك حياتك اقل كلمة تتفنع توبها وتجري بيت ناس ابوها وتلحقها انت
وتلقي ابوهاتقعد في طرف العنقريب .. تطقطق في اصابعيك ومدنقر في ا؟؟؟؟؟
وداير تراضيها ترجعالبيت .. لكن احسن حل يا تسكنوا مع ناس ابوها .. ياتجيب
ناس ابوها عندكم .. عشانتوفر المشاوير والجري .

4- المدرسة :- اول
حاجة دي ما بتقدر تفرق بينك وبينالطلبة .. وحتقعد تعيد وتكرر في الكلام
مليون مرة .. زي برنامج من الامس فيالتلفزيون .. وممكن جداً تسرح وتقول
ليك فاهم ياشاطر.

5- المدبرسة :- تلقاهاطوالي زهجانة .. وشايلة
اخلاقها في طرف نخرتها .. وان كلكلتها ماتضحك وفي النهايةحتوديك التجاني
الماحي ..... نزيل اكتئاب ..

6- المفلسة :- مادايرة أي شرح .

7-
النوامة :- تجي من الشغل نص النهار وزهجان .. تلقاها ( تانية المخدة )
وخاتها ايدها تحتها وتشخر .. وريالتها سائلة .. وحالتها بالبلا .. وتكره
اليومالفكرت انت فيهو في التكاثر

8- الحوامة :- طول اليوم فوق
كرعينها .. في الحلة منبيت لبيت .. وتدخل البيت قبال ما إنت تجئ من الشغل
بخمس دقائق .. وتجري تولع الناروتطبخ ليك ( القطر قام ) .. واول ما ينتهي
الغداء تدخل في سفنجتها إستعداداً لرحلةجديدة .
9- اللوامة :- دا نوع
مزعج جداً .. لو جبت سيرة اخوك ساكت .. تفتح فيهو، الله بسألني سنتنا ديك
وكت انت خليتنا بلا قروش وسافرت .. يدخل علينا مدلدلايديهو .. كيس موز
ساكت ما بيجي شايلو .. ولو جبت سيرة امك هي والله امك دي اصلهاما بتريدني
من تشوفني تزعل والنيران تنطلق فيها .. وتمد قدومها .. ووليداتي ديلالسلام
يا الله ويا امين تسلم عليهم .

10- البوبارة :- دي تحملك فوق طاقتك
تشريكالمابنشري .. وجيت الناس في البيت تجري علي علبة الذهب وتتعنكش كلها
من راسها ليلكرعيها .. وتقعد تنضم وتك*** بايديها وكرعيها ورقبتها واضنيها
,, عشان توري الذهب .

11- الكوبارة :- دي تكبر اي موضوع .. وتسوي
ليهو توم وشمار .. وتقول ليك ناسالقبور دقو الطنبور .. لو شافع من شفعك
عتر ووقع تصرخ وتخت ايديها في نص راسها وبيطول
حسهاوووووووووووووووووووووووب علي ووووووووووب علي ..
ماااااااااااااااااات خلاص ماااااااااااااااااااااااااات يسمعوها في
الشارعوالمصيبة لو انت كنت نائم وسمعتها .. تقوم مخلوع وتمرق من الاوضة
لحدي نص الصالة .. اما لوكان عندك قلب مرضان .. اللحظة ديك ...... من
المهد لي اللحد

12- اللايوقة :- دي حكايتها تانية .. تمسك في موضوع
يحلكمنو الجليل الرحيم .. يادا هوي ياداالليلة يايمـــة طرشت ؟؟؟؟ وقدر ما
تطنش هيمصرة .. وممكن تجئ وتخجك خجة جامدة عشان تنتبه
.............................. للنقة .

13- النقناقة :- دى تقوم
تنقنق ونقعد تنقنق ومن الصباااااااح تنقنق وكان بتغسل تنقنق وكان بتعمل فى
اى شى تنقنق والغريبة كان جبت ليها حاجة جديدة تنقنق لم تقصر ليك عمرك ...
بالنقنقة .

.....................................................
2 -
تعالو نشوف انواع الرجال!!!
________________________

ابوباسل:

بقيتى بخيته .. ربنا يديك راجل هدي ورضي .. الوجاهة ماضرورية لانو بعد شوية .. ما حتكون وجيه حاتكون عادية .. نصيحة ليك النسوان

تعالو نشوف انواع الرجال

فالرجل دائما يكون واثق من نفسة

ولكن هناك 6 رجال يستطيعون تقدير المراة تقديرااااااا جيداا

ولا يختلف اثنان على أن المرأة تنجزب بصورة واضحة لهم وتملكهم حبها وتسلمهم قلبها.

1-الشاب الرومانسي الحساس وهذه النوعية من الرجال

تجذب المرأة بحنانها وحبها للحب

وتقديرها للمشاعرالجميلة.

2-الشاب الواثق من نفسه وهو الشاب الذي لا يهتم

برأي الآخرين فيه ولا يهتم حتى بآراء شريكته

وهي تنهار أمامه وتعتقد أنها أمام شخصية فولاذية

عملية وقادرة على اتخاذ القرارات.

3-الشاب الفنان كل شاب لديه موهبة فنية قادر على اجتذاب

امرأة تعشق حبه للفن وموهبته، وهذه الموهبة

تسهل عليها الطريق كثيرا لفتح حوارات مع العديد

من الفتيات ولا يعاني معاناة الشباب الآخرين الذين

لا يجدون الطريقه المناسبة للحديث.

4-الشاب الأجنبي ولا تتعجبن عزيزاتى من هذه الشخصية،

فالمرأة تنجذب إلى الشخص الغريب

عن البلدوالذي يتكلم بلهجة غريبة إلى حد ما حيث ترى

أنه مليء بالأسرار وبمعلومات أخرى وبنمط حياة مختلف.

5-الشاب الذكي وهو المتفوق وسط أقرانه والذي يمثل

مصدرالثقة في الحديث والآراء، وله القدرة

على التحليل وقراءة المستقبل.

6-المراعي للآخرين وهذا الشاب يجذب المرأة التي ترى

أن الرجال مجموعة ذئاب ليس أكثر، وبهذا

يدخل قلبها بسرعة حيث يظهر لها الجانب الإنساني

الحساس الرقيق المشاعر؟؟
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الخميس 17 يناير 2008, 4:32 pm

فالحديث عن المشكلة يطول في زمن تفشي ظاهرة العنوسة بين أوساط السودانيات
اللواتي يعشن في بلاد الغربة ... والكم الكثير المثير حول هذه الظاهرة
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الخميس 17 يناير 2008, 4:33 pm


الـموضـوع: البنت المغتربة وما رايكم?
_______________________________

الـمصـدر: " منتديات الراكوبة".



نسبة (العنوسة للبنت المغتربة)... اكثر بكثير من نسبة العنوسة فى السودان
لماذا؟:
_____________________

هل لتواجدها خارج السودان وبالتالى عدم الدراية الكافية بالبيئة البتحيط بيها
ام للتاكد من عدم الاتفاق والتفاهم بينها وبينها المغترب السودانى
ام لعدم معرفتها بالعادات والتقاليد السودانية
ام لرفض الاهل العروس المغتربة الما عايشة فى السودان
ام لنظرة المغتربة للمستوى المادى قبل الرجل نفسه
ام لعدم مقدرة المغترب السودان لطلبات المغتربة نسبة للبلد العاشت وتربت فيها
ام
لرفضها القوى لمجرد التفكير انها ممكن تعيش فى السودان ودة كان سبب فى عدم
اقبال المغترب السودان او حتى السودانى المحلى فى الاقدام من العروس
المغتربة ؟؟؟؟؟؟؟؟؟؟؟؟؟؟؟؟؟؟؟
رايكم كيف?

ردود وتعـليقات قـارئات وقراء (منتـدي الراكوبة) علي الـموضـوع:
_______________________________________________________________


تحياتي...
لو أنك اضفت بند أخير
كل ما ذكر اعلاه لأجبتك نعم كل ما ذكر اعلاه .
طرحك
غاية في الاهمية لالقايه الضو على شريحه هامه في المجتمع السوداني (
المغترب على وجه الخصوص ) وهذه ملاحظة لا سبيل الى انكارها , واعتقد ان
البنت السودانية وبالذات في المجتمعات المغلقة ( السعودية ) مثلا لا تجد
حظها من مقابلة الشاب والاختلاط البري , فنظام التعليم والعمل لا يكفل لها
ذلك , فأصبحت الانثى في ذلك المجتمع محاطة بهالة من الخصوصية والحصار لا
سبيل الى الاتقاء بها والتحدث معها , مما يخلق شي من الالفة والمودة التي
تؤدي الى الاقتران والزواج , لا اقصد بذلك ترك الحبل على القارب , ولكن
الفتاة الواعية تعرف حدود تعاملها مع الشاب تمام دون ابتذال ودون ان تفرض
نفسها عليه .
ووبالطبع التقاء وتقبل الفتاة للالتقاء بالشاب بكل
الوسائل الشرعية في المجتمع المغلق , يجعل النظر اليها بصورة سالبة تماما
لان هذا المجتمع لم يتعارف على هذا الشي ( فلا نحن بقينا في اريحية
المجتمع السوداني بتقبله وممارسته للاختلاط ) ولا نحن تعايشنا مع عادات
ذلك المجتمع .
وعلى فكرة هذه المشكلة تواجه ايضا الشاب المغترب لسنوات
طويله , صحيح انه لا يكون عانسا ( باير ) ولكن تواجهه مشكلة الاختيار
وكثيرا ما لا يوفق لعدم التفاهم وعدم التعارف الكافي بمن يود الزواج بها .


الموضوع جميل وهام رغم إنك أتحاملتي كتير على البنت المغتربة
يعني بصراحة لميتي كل مشاكل البنات عموما والمرتبطة بالعنوسة في سلة واحدة وشيلتيها للمسكينة المغتربة.
المغتربة
دي زيها وزي أي بت، بل بالعكس ما أخدت كتير من المميزات المتاحة
للمتواجدات بالسودان من اختلاط بالناس واكتساب الخبرات الحياتية
لأن
البت المغتربة بتمشي السودان من أجل الدراسة الجامعية وفي الإجازات
السنوية والتي لا تتعدى شهرين ، وفعلا كتيرات بثبتوا جدارة كبيرة في
التعايش والتأقلم السريع رغم اختلاف الحياة في الاغتراب زي ما اشرتي في
كلامك
ما عاوز اطول عليك ، لكن لو عملنا احصاء دقيق، في احتمال كبير نلقى انو نسبة العنوسة عند المغتربات ليست بذاك الحجم المخيف.


انا فى رأى الاشخصى البنت المغتربة ما بتعانى من مشاكل العنوسة بالعكس
الرجل المغترب بفضل البنت المغتربة لاعتبارات كثيره منها تعودها على
الغربة واحوالها واهم شئ انه مابكون مضطر للجرى وراء اجراءت الاقامة
وغيرها.
يعنى بتكون جاهزة على حسب قول احد المغتربين.
لكن هنالك
مشكلة فعلا تواجهة البنت المغتربة بعد الزواج وهى ارتفاع نسبة الطلاق
ويمكن يرجع ذلك لعدم الاتفاق والتفاهم بينها وبين الزوج او عدم الالمام
الكامل باخلاق الزوج وتربيتة ومعرفة اهلة يعنى زوج جاهز والسلام
شكرا اختى منوى على الموضوع القيم.


عزيزتى angel...
جايز
فى رايك ان نسبة عنوسة المغتربة ما شديدة لكن دة راجع لنسبة السودانيين
الموجودين فى كل دوله واحسبى عدد الاسر وبعد عدد الفتيات المتزوجات والما
متزوجات وبتعرفى الفرق مثلا فى القاهرة لو بتعرفى زول فيها اسأليه نسبة
الاسر الموجودة فى مصر بتلاقى ان نسبة العنوسة واصله لحد كبير جدا بدليل
الاعراس بتم فى مصر والعرسان من الخارج شهر العسل بيتم فى مصر والعرسان
ايضا من الخارج بالرغم من ان مصر فيها مساحة كبيرة جدا جدا للتعارف ما بين
الشباب والبنات وفى فرصة كبيرة للنقاش والتفاهم .
تحياتى ومنتظرة باقى اراء الشباب والبنات المغتربين.


مسا الخير....

وموضوعك يا موني رائع جدا خصوصا انو نحنا هنا في مسقط بنناقش الموضوع دا.
عايزة اوضح زي ما قال اخونا ود كمال انو البت المغتربة زي اللي في السودان لكن وبقول لكن زي
ما قالت موني الزول لما يجي يرتبط ويعرف انو دي مغتربة بينساها ويعاين
لمستواها ومرات بينسحب بس لانو هي مغتربة على اساس انو
مستواها حيكون عالي جدا - ماعارفة بيجيبو الافكار دي من وين -
على اي حال انا هنا برضو عملت كان احصائية انا وبتين معاي لقينا انو متوسط سن الزواج هنا في مسقط 28 -30 سنة دا كان عرسو
من
ون الافكار الغريبة الماخدنها الناس عن البت المغتربة يقولوا ليك دي عندها
راي مثلا يمكن لانو نظرتها بتكون اوسع كونها في السودان وبرا السودان
عايشة في مجتمعين وبتقارن بتكون عايزة الافضل والخلاصة .............
فبيشوفوها زات فلسفة!!!!


سعدت جدا جدا بمرورك البوست وعجبنى رايك شديد وخصوصا انك بنت ومغتربة....
وبعدين
انا شايفة ان راى الشباب ونظرتهم للبنت المغتربة من الناحية المادية وبس
يعنى البنت العايشة خارج السودان ما عندها قلب او احساس لمجرد تفكيرها
بالمستوى الاجتماعى للشاب البيتقدم ليها وبس ما بيعرفوا ان حياة المغتربين
تكاد تكون حياة عادية جدا جدا ولو نظرنا ليها من الناحية الجادية بنلاقى
ان العايشين داخل السودان مرتاحين اكتر مننا
والافكار الغريبة دى ما
عارفة بتصل ليهم من ياتو ناحية منو البيوصل ليهم ان البنت المغتربة
تفكيرها سطحى بالطريقة دى وبعدين البنت المغتربة بتقارن فى حاجة واحدة بس
ان البنت العايشة داخل السودان معاها اهلها وسط ناسها ما محرومة منهم ولا
هم محرومين منها بتشعر بحنانهم .


السلام عليكم ورحمة الله وبركاته.....
الموضوع
يا اختي العزيزة غاية في الاهمية وخاصة أنه يخص شريحه هامه في المجتمع
السوداني (المغترب والمغتربة ) على وجه الخصوص واتفق مع رأي اخوي البشير
دفع الله فيما ذهب إليه وخاصة نحن في السعودية نلاحـظ هذه الأشياء فنظام
الحياة الأسرية هنا محاط بهالة من الخصوصية والمغتربين والبنت المغتربة
خاصة تعاني هنا من حصار لا قبل لها بها فقط ذنبها انها وجدت نفسها في بلاد
الاغتراب والزواج في الغربة اسهل طبعا ولكن يعقبه متاعب لا حصر لها مما
يؤدي في النهاية لأبغض الحلال وهو الطلاق لاختلافات كثيرة وكبيرة في رأي
الشخصي لدلائل منها عدم التوافق والتفاهم وعدم رضا الأهل بالسودان من زواج
ابنهم او بنتهم وبعيدا عنهم أو لسوء الاحوال المعيشية والاسرية وتلبية
متطلبات العروسة المغتربة..


اختي موني لك التحيه والود
.كل الاسباب التي ذكرتها مجتمعه اضافه للحصار الاجتماعي للفتاه السودانيه
في دول المهجر عامه وفي الخليج خصوصا اما بداعي الخوف او الحرص الذايد عن
الحد واحب ان اشير الي شريحه اخري وهي الفتاه المغتربه العامله والتي
كثيرا ما يحول واجبها الاقتصادي تجاه اسرتها ووضعها المادي المرتفع -عاده-
من زواجها فعلي سبيل المثال رفضت احدي الزميلات السودانيات شاب تقدم
للزواج بها لان راتبه اقل من راتبها !!!


اشكرك جزيل الشكر الاخ دبلاوى....
انت فعلا تقريبا قلت العايزة اقوله لكن انا شايفة ان الشباب ليهم وجه نظر فى المغتربة
ودة ما الا لان الفتاه السودانية على غير ارادتها لقت نفسها مغتربة
اما
للمصاريف انا ما شايفة ان المصاريف كتيرة بالعكس لو عملنا مقارنة دقيقة
بنلاقى ان العرس فى السودان ومتطلبات العروس الموجودة فى السودان اكتر
بكتير من المغتربة ودة لشكل الزواج فى السودان والمظهر الاجتماعى
يعنى
مثلا ( ما عندنا قوله خير ما عندنا غداء العريس ما بيلتزمو برقيص العروس
البيكلف مبلغ وقدره وما عارفة هديةللعريس ودهب شكله كيف للعروس واول حاجة
اغلب المغتربين ما بيشترو شقه للعروس فى البلد العايشة فيها طوالى بيزوجها
وبيسوقها مكان ماهو عايش )....
اما الطلاق ممكن اقول ليك السبب فيه
شنو هو بيكون العريس مغترب اوكى والعروس مغتربة صح بس كل واحد بيدور ليه
على عروس فى نفس البلد البيعيش فيها ودة لتوفير مصاريف السفر وما شابه
واكيد اما التفكير يكون بالطريقة دى يبقى مافى تفاهم ما فى حياة مستقرة
وبينتهى بالطلاق الحتمى!!


اولا: اتفق على ان تكلفة
العرس خارج السودان اقل من داخل السودان لعدم التقيد بالعادات والتقاليد
المكلفة التي يفرضها اهل العروس على العريس بحجة انهم عايزين يفرحوا
ببنتهم بعيد عن مراعاة ظروفه المادية

تانيا: العريس المغترب يفضل
العروس المغتربة لانها ادرى بوضعه من العروس التي تعيش طول عمرها في
السودان ومتخيلة انها لو تزوجت بعريس مغترب افضل من عريس من داخل السودان
لانه سيوفر لها لبن العصفور وعندما تاتي لبلاد المهجر وترى الوضع الغير
متوقع تحصل الخلافات ويقع الطلاق

ثالثا: كما للاغتراب ايجابيات
للبنت المغتربة كالمحافظة عليها وحمايتها من الاحتكاك بالمجتمع له ايضا
سلبيات مثل الانغلاق الزائد عن الحد ( الضغط يولد الانفجار ) وبما انه لا
يوجد طريقة للتعارف بين الشباب والبنات فيمكن للبنت ان تلجأ للطرق الاخرى
مثل الانترنت للتعرف على شخص يمكن ان ترتبط به وفي معظم الاحيان يكون
الوضع خطر عليها لانها ممكن ان تختار الشخص الخاطيء وهنا يحصل الطلاق.
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الخميس 17 يناير 2008, 4:36 pm

كانت هذه مقتطعات من معركة كما أراها طويييييييييلة جدا في اطار النقاش حول تلك الظاهرة التي تفشت بين أوساط بناتنا وشبابنا في هذا الزمن والجديث يطول
واليكم رابط الموضوع والنقاش


http://www.sudaneseonline.com/cgi-bin/sdb/2bb.cgi?seq=msg&board=150&msg=1198629619


عدل سابقا من قبل في الجمعة 18 يناير 2008, 6:09 am عدل 1 مرات
الرجوع الى أعلى الصفحة اذهب الى الأسفل
http://aljraif.forumotion.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: انواع الحريم السودانيات للزواج .. وزمن العنوسة   الجمعة 18 يناير 2008, 2:19 am

الهندي لك التحيه


مواضيع تمس العصب الحي وخالصة للمغتربين

بانسبه للموضوع ربما يكون لي عوده له

اقترح ياود نابري ان تكون هنالك قسم يسمى مقتبسات من بعض المنتديات للفائده

ومشكور للاختيار
حسن
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الجمعة 18 يناير 2008, 2:38 am

لك أمتناني يا حسن
ومرورك حولي يسعدني كثيرا
حقا كما قلت ... المسألة تمس العصب الحي
ربنا يكون في العون

الرجوع الى أعلى الصفحة اذهب الى الأسفل
http://aljraif.forumotion.com
محمد زين نابري
قلم ذهبي
قلم ذهبي


عدد الرسائل : 1514
العمر : 37
الاقامة : الجريف شرق
المهنة : مهندس ستديو تلفزيون السودان
مزاجك اليوم :
تاريخ التسجيل : 03/12/2007

مُساهمةموضوع: رد: انواع الحريم السودانيات للزواج .. وزمن العنوسة   الجمعة 18 يناير 2008, 4:06 am

الهندي الرائع اعجبني عرضك للموضوع وربنا يرزقنا بالبنت الهدية الرضية والجميلة كمان.
بس اعتقد انو في انواع اخري من البنوت الرائعات نرجو القاء الضوء عليهن.
الرجوع الى أعلى الصفحة اذهب الى الأسفل
http://sudantv.ahlamontada.net/index.htm
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الجمعة 18 يناير 2008, 6:13 am

انت عارف يا الزين كوف .. عرض هذه النوعيات من النساء السودانيات البتتكلم عنهم الحبوبه دي
جاء مزانمناً لمشاكل العنوسة والتي تصل الى حالة ظاهرة خطرة جدا جدا ... لكي يعكس ويحكي
عن بعض اسباب عزوف الرجـــــــــال عن الزواج ....ولكن مما لاشك فيه فإن في بلدنا أنواع كثيرة
من سيدات المجتمع واللواتي يعتبرن مفخرة لنـــا جميعا بلا شك ...
شكرا زينكوف ... فطالما أقول أن مرورك يسعدني حد الانتشاء . فكن بالقرب ما امكن .. شكرا هميماً صديقي

الرجوع الى أعلى الصفحة اذهب الى الأسفل
http://aljraif.forumotion.com
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: انواع الحريم السودانيات للزواج .. وزمن العنوسة   السبت 19 يناير 2008, 2:03 am

يا ود نابرى شكيتك على شيخى


انت يا اخو دايرنا نضرب عن الزواج يا اخوى نطير

يا اخوى البشرية ربنا خلقها وكل بشر فيه عيب لازم نشيل بعض يا اخوى علشان الدنيا تمشى ويا اخوى عليك شيخى كلام زى دى تانى ما تقولوا براها روحنا كارة من العرس الله يا يابة عرس اقول ليك شنو .

ويا اخوى اى بنت ما بتمرق من الكلام القلتوا دى الله يكضب الشينة


ود العبيد
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الثلاثاء 22 يناير 2008, 4:30 am

لاحولة ولاقوة الا بالله
عريسنا ود العبيد
هيا يابه مالك ... مالك ... مالك هيا زول قول باسم الله
ذكرتني الزول الجا لجدي حاج عبدالله نابري داير العرس
أها وتمو ليهو الحكايه ولقو ليهو العروس وشافته ووافقت
أها ..... الباقي بتمو ليك بعدين ....
يا أخوي النسوان زي ماقالت الحبوبه القاعد تحكي دي
أشكال وألوان ... كلن انت كلامي ما وقع ليك سمح
ألكلام الفوق كلو عن البوره والعنوسه والموضوع واضح من العنوان
لكن ماوقع ليك الحكي .... أها آخوي أطمن تب ...
" سيدنا النبي قال اظفر بذات الدين تربت يداك "
وروحك آخوي كاره منالعرس لشنو ؟؟؟ هههههههه
وأكان على الحريم البره الموجه دي راقداات ماليات البلد
انت قول يا لطيف والله بيسهلها ...
كدي أبشر بالخير ...
قلت ليك اركاك بهناك أنا سامع لي زغارييييييت
والله الدنيا بلاك خلا خلا خلا خلا

الرجوع الى أعلى الصفحة اذهب الى الأسفل
http://aljraif.forumotion.com
ابوزيد مصطفى الصديق
عضو جديد
عضو جديد


عدد الرسائل : 7
تاريخ التسجيل : 18/01/2008

مُساهمةموضوع: رد: انواع الحريم السودانيات للزواج .. وزمن العنوسة   الأربعاء 23 يناير 2008, 12:49 am

ودنابري حبابك عشرة
ياحليل العرس أيام جدك حاج عبدالله (المعروف بالكورة ) كان المهر عنقريبين وبرش والباقي تتمو براك....
عمك ابوزيد
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: انواع الحريم السودانيات للزواج .. وزمن العنوسة   الأربعاء 23 يناير 2008, 1:18 am

يا ود نابرى البنات اطيرن فى السماء هن بقن زى بترول السودان طلع وطلع الاسعار اهى هن كترن ودايرات القراية والعلم يا حليل ناس ززززززززززززمان وياحلييييييييييييييييييلى انا الضائع شمار فى مرقة .

وانت يا اخوى بقيت زى ديك العدة تكسر سااااااااااااااااااااكت يا اخوى انت اقول ليك شنو

ودالعبيد
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الأربعاء 23 يناير 2008, 11:22 am

ابوزيد مصطفى الصديق كتب:
ودنابري حبابك عشرة
ياحليل العرس أيام جدك حاج عبدالله (المعروف بالكورة ) كان المهر عنقريبين وبرش والباقي تتمو براك....
عمك ابوزيد

العم أبو زيد مصطفى ... ألف مرحب بيك ... سعيد أنا كل السعادة وأنت تحط رحالك في هذا البوست
فقد ألهبنا جمـــال قدومك ... ويبشرنا بقادم جميل بأيديكم ... فمنكم نتعلم في مدرسة الحيـــــاة ... شكرا لتواجدك

بالنسبة للعرس والزمن الجميل . أيام جدي حاج عبدالله نابري .. كان الحال
مختلف تماماً بلا شك .. وقد نعزي الاسباب لوجود الهميم والحريص على مصلحة
المجتمع والحرص على الشباب والبنات في ذلك الزمن .. ولوجود الوصي والكبير
بين الناس الذي لـــه كلمته .. وقد قام بهذا الدور الكثير من رجالات
الجريف شرق ومنهم جدي حاج عبدالله .. كانوا يتلموا كل همهم في الدنيا ان
الناس يعيشو بسلااااااااام .. يحاولوا أن يقدمو للمجتمع كل ما يستطيعو
وبكل ما آوتوا من قوة وعملوا عرس الكورة علشان يسهلوا للشباب في ذك الزمن
رغم رخــــاء الحياة وسهولة المعيشة ... لله درهم ... كانوا في غاية
الحرص على مجتمع بأكمله وكانو سراجاً منيرا له ...
فكم منهم نحتاج نحن الآن فيجيلنا هذا .. لا أظن أن آلاف منهم يستطيعو أن يطوعوا المجتمع ويحلوا مشاكلو


لك كل الود عمنا أبو زيد مصطفى وخليك معانا طوالي فوجودكم حولنـــا يهبنــــا الأمان ... شكرا جزيلاً

الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الأربعاء 23 يناير 2008, 4:02 pm

حافظ العبيد الطاهر كتب:
يا حليل ناس ززززززززززززمان وياحلييييييييييييييييييلى انا الضائع شمار فى مرقة .
وانت يا اخوى بقيت زى ديك العدة تكسر سااااااااااااااااااااكت يا اخوى انت اقول ليك شنو
ودالعبيد [/size]
بسم الله الرحمن الرحيم ... والله آخوي شفقتنا عليك بالحييييل
هازوا ماتقول باسم الله وتروق المنتقه شويه ياخي ...
عليك الله اسه ديك العده فينا منو ؟؟؟؟!!!!!
وناس زمان ديل والله تاني مابجو كلو كلو وين تاني ليهم ..
أسه زمن الانترنت والعولمة هع هع هع
والله ياحليلهم ماحضرو اللاب توب والانترنت والموبايل
ولا عندك راي هههههههه
عليك الله ما اخير زمنـــا ده من زمنهم ..
الرجوع الى أعلى الصفحة اذهب الى الأسفل
http://aljraif.forumotion.com
المغتربة
عضو جديد
عضو جديد


عدد الرسائل : 9
تاريخ التسجيل : 19/01/2008

مُساهمةموضوع: رد: انواع الحريم السودانيات للزواج .. وزمن العنوسة   الجمعة 01 فبراير 2008, 5:04 pm

الله يمسيكم بالخير والله ضحكتوني من جوة الهندي موضوعك جميل وخطير كمان فعلا لاندري سبب العنوسة اللتي اصبحت ظاهرة لا نستطيع غض الطرف عنها والخجل من مناقشتها وهز الراس والتمتمة ب----كل شي قسمة ونصيب الموضوع كبير ويستحق الوقوف وفي رايي ان اهم اسبابها الزيادة الكبيرة في عدد الاناث غير المقارنة بعدد الذكور-------الاخ ود العبيد امنياتي الصادقة لك بالعثور علي بت الحلال الهدية ورضية و----بتستاهلك
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   السبت 02 فبراير 2008, 12:49 pm

المغتربة كتب:
الله يمسيكم بالخير والله ضحكتوني من جوة الهندي موضوعك جميل وخطير كمان فعلا لاندري سبب العنوسة اللتي اصبحت ظاهرة لا نستطيع غض الطرف عنها والخجل من مناقشتها وهز الراس والتمتمة ب----كل شي قسمة ونصيب الموضوع كبير ويستحق الوقوف وفي رايي ان اهم اسبابها الزيادة الكبيرة في عدد الاناث غير المقارنة بعدد الذكور-------الاخ ود العبيد امنياتي الصادقة لك بالعثور علي بت الحلال الهدية ورضية و----بتستاهلك

الراقية ... المغتربة .. تحياتي تبلغ عنان السماء ..
ومساك الله بالنور وعساها ضاحكة سنينك ومبتهجة أيامك ..
يسعدني تواجدك دومــــاً ... حقاً ماذكرتي في حق ظاهرة العنوسة
فهي مشكلة كبيرة فعلاً ... أعطتني احساس بالهـــــــم تجاه تفشي
هذه الظاهرة وسط بنــــــات بلدنــــــا في حين اننا كنا لا نجد عوائق
أبدا للزواج بل كمية الزيجات وخصوصا في الجريف وزي ما أشار
عمنا أبو زيد ... كان المهر عنقريبين وبرش ... والناس عاشت
في سلاااااااام نجد الآن صعوبة الزواج .. تحتم على الشباب العزوف
وغياب الوصي والولي ... وتوهانه في ضغوط الحياة التي أصبحت
هي الهم الوحيد للاستمرار في الحياة .. جعلت الأمور تفلت من زمام
سيطرتهم وأصبحت كلمهم تهتز مع نسمات الهواء ...أصبحنــــا نعيش
في زمن .. يكلف الزواج الذي هو أسمى العلاقات الانســانية . ملاينين
... يحتاج الشاب لسنين لتوفيرها وحينهـــــــــا يكون العمر قد أصبح فوق
الخمس والثلاثين والأربعين ويصبح الزواج في حد ذاته تأدية فرض من
فروض الحيـــاة السقيمة والسبب في ذلك يرجع للعادات والتقاليد التي من
شأنها أن تهدم فقط لا تبني ... وفي الآخر نرجع ونهذي بالقول ( كل شئ
قسمه ونصيب ) كلمة حق تستخدم في غير موضعها ... ليش مافي نصيب ؟؟؟
وده السؤال المطروح في طاولت كل الأباء والأمهــــات ... ومؤكد عدم الاجابة عليه
وهنـــــــــا يدفع الابنـــاء الثمن ... ويلتهي الشباب حول توفير حق العرس
ومن جانب آخر ... تتفشى العنوسة في اوساط البنات ....يااااااااااااااااااااه والله فعلاً كارثه
كبيرة لابد لهــا من حل
أما أخوي ود العبيد فليهو الله رب العبــــــــاد مشكلتو مع البترول ومع القرايه والجامعات
وليهو مرات يقفلو الجامعات كلــــــــها هههههههه لكن قربت تفرج
كدي يا ود العبيد قول يالطيف .. أنا زي السامع لي زغاريييييييييت

*************************
على سبيل المناسبة ....
أذكر في عام 2001 كنت في مناسبة وفــــــاة جمعتنا مع بعض الاسرة في
( منطقة قريبة من الجريف) وكان تواجدي لأيام في الوفاة
وحينها استوقفني واحد من أعمامنا الكبار من أهل المنطقة
وسألني ... إنت ولد منو ؟ قلت ليه ولد بشير حاج عبدالله نابري من (الجريف شرق )
وانتهز الفرصة وحكى لي حكاية المرحوم حاج/عبدالله نابري مع ناس (المنطقة دي )في
مسألة الزواج الجماعي ( عرس الكوره ) وردهم له بالرفض وأن بناتهم بضاعه شاميه
ما بدوها أي أديه
.. فرد عليهم جدي وقال ... ( أنا البضاعه الشاميه ما خايف عليها من
الحرامية يطبوا عليها ويمرقوها من النية )
وقال لي والله جدك صدق وده الحصل علينا
الان وقبل أيام اتلمينا نحنا كبار ( المنطقة ) واتناقشنا حول المسألة دي وكثرة البنات في
المنطقة بدون زواج وعددهم ( 2000 بنت) قابلة للزواج تتفاوت أعمارهم مابين 20 الى
35 سنه وبدون زواج .... بالله موش كارثه يرثى لهــــــــــــــا وحقو النـاس ترجع للصواب

ونحنا الآن في عام 2008

الرجوع الى أعلى الصفحة اذهب الى الأسفل
http://aljraif.forumotion.com
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: انواع الحريم السودانيات للزواج .. وزمن العنوسة   السبت 02 فبراير 2008, 10:31 pm

المغتربة كتب:
الله يمسيكم بالخير والله ضحكتوني من جوة الهندي موضوعك جميل وخطير كمان فعلا لاندري سبب العنوسة اللتي اصبحت ظاهرة لا نستطيع غض الطرف عنها والخجل من مناقشتها وهز الراس والتمتمة ب----كل شي قسمة ونصيب الموضوع كبير ويستحق الوقوف وفي رايي ان اهم اسبابها الزيادة الكبيرة في عدد الاناث غير المقارنة بعدد الذكور-------الاخ ود العبيد امنياتي الصادقة لك بالعثور علي بت الحلال الهدية ورضية و----بتستاهلك


اختى المغتربة

لك التحية والاحترام

انا والله قريت ردك الان بتاريخ 3/2/2008 الساعة 7ونصف صباحا وقولى ما شاء الله انا اصلى بقوم بدرى شوية

ماكبرت والنوم غلبنى ولكن ظروف عملى بتطلب كدى ، ويا اختى انشاء الله يسمع منك ربنا ويا جماعة على بالطلاق المنتدى يا دابو نور وعندى هدية الى اختنا المغتربة ولكن انشاء فى المرة القادمة
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: انواع الحريم السودانيات للزواج .. وزمن العنوسة   السبت 02 فبراير 2008, 10:34 pm

يا ود نابرى الشكية لله والله منتدى التقول رحلة انصار سنة
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الثلاثاء 22 يوليو 2008, 11:11 am

up
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الثلاثاء 22 يوليو 2008, 11:12 am

مطلوب يا عمنا الخضر تحليلاتك وتفسيراتك ورأيك في القضية
الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: انواع الحريم السودانيات للزواج .. وزمن العنوسة   الخميس 24 يوليو 2008, 6:16 am


انا انفع يا الهندي ؟؟ ..
طبعاً انا ليس لدى الخبرة الكافية زي عمنا الخدر ..
بفضل الخبرة العمرية والخبرة الفهمية ..
لكن برضو ما بخليكم وبقول رأيي ..
يا الهندي ويا باقي الاخوان ..
أعتقد أنكم توءلون (غلبتني) الموضوع أكثر من اللازم .. في رأئي ..
لا أعتقد يا شباب ان نسبة العنوسة في الجريف بلغت هذا الحد ..
العنوسة أصبح خطراً يهدد المجتمعات كثيراً .. وهذا حق .. وواقع معاش ..
فهي تكاد تؤدي المجتمعات إلى الإنحلال والضياع ..
أما في الجريف بلدي الغالي لا أعتقد ذلك .. فنسبة الزواج في الجريف كبيرة جداً بفضل المساعدات التي يجدها أهل العريس والعروس التي لا تخفى عليكم ..
وبفضل تشجيع الأهل على الزواج والزواج المبكر ..
فعلى حد علمي أن الشاب يكاد يتزوج قبل ان يبلغ الحلم .. (طبعاً دي مبالغة) دلت على حرص الشباب على الزواج في الجريف .. والدليل على ذلك كل يوم جمعة بعد الصلاة تسمع ما لا يقل على الخمسة دعوات لعقد قرآن ..
يمكن أن تكون المشكلة يا شباب في كثرة البنات أكثر من الرجال ..

عفواً ناس العقد جوا .. بجيكم تاني ..


ودمتم لها ...

الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الإثنين 28 يوليو 2008, 2:46 pm

الرائع ود سنقد انت آيابه رايك فوق وفوق وفوق وبيهمنا شديد
أما عن العنوسة فحديثي عنهــا كان بمثابة الكارثة الانسانية في
عالم جميل اسمه السودان وأهله وخصوصا في بلاد الغربة وبكثرة
في دول الخليج وهي حقا واقع معاش الآن ومؤلم جدا
أما عن جريفنـــا فليت كل العالم جريفنــا

الرجوع الى أعلى الصفحة اذهب الى الأسفل
http://aljraif.forumotion.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: انواع الحريم السودانيات للزواج .. وزمن العنوسة   الإثنين 28 يوليو 2008, 5:38 pm


الهندي ود نابري سلامات

العنوسه ذي ماقال ود سنقد في الجريف نسبتها ضعيفه نسبه للتسهيلات

والتنازلات من الطرفين
اقتراح :
1- دعوه للناس تدبل اي زوجه ثانيه بالنسبه للمتزوجين
2- تقليل المهور والتكاليف العاليه التي تنفق في المظاهر
3-ترسيخ الفهم الحقيقي للزواج الجماعي ( الشاب بقول بوره ولا عرس كوره )

اسال الله ان يزوج كل شبابنا وبناتنا
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: انواع الحريم السودانيات للزواج .. وزمن العنوسة   الثلاثاء 29 يوليو 2008, 2:26 am

الهندي ود نابري كتب:
الرائع ود سنقد انت آيابه رايك فوق وفوق وفوق وبيهمنا شديد
أما عن العنوسة فحديثي عنهــا كان بمثابة الكارثة الانسانية في
عالم جميل اسمه السودان وأهله وخصوصا في بلاد الغربة وبكثرة
في دول الخليج وهي حقا واقع معاش الآن ومؤلم جدا
أما عن جريفنـــا فليت كل العالم جريفنــا



ايواااااااااااااااااا ..
لا كان كدا فهمت يا الهندي ..
وتكرم يامك على تفضلك بمجاملتي في قبول رأئي ..
فعلاً العنوسة أصبحت خطر يداهم الشعوب ..
لا سيما كما أسلفت في دول الخليج .. وذلك لأسباب كثيرة ..
منها على سبيل المثال لا الحصر ..الغلاء في المهور ..
وتفضيل مال الزوجة أكثر منه من الأخلاق لكلا الزوجين ..
وبعد الناس عن التعاليم الإسلامية السمحاء ..
والخوف من المعيشة وما يترتب عليه من تبعات ..

ولنا عودة يا شباب ...
ربنا يعرس لعزابة المنتدى (الكلام ليك يا المنطط عينيك )

ودمتم لنا ...
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: انواع الحريم السودانيات للزواج .. وزمن العنوسة   الأحد 18 يناير 2009, 5:09 am

up
الرجوع الى أعلى الصفحة اذهب الى الأسفل
http://aljraif.forumotion.com
 
انواع الحريم السودانيات للزواج .. وزمن العنوسة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: