سافر تصحبك السلامة

سافر تصحبك السلامة

اصلي بستناك اكيد
السفر جفوة مواسم او علي الزول البريد

وسافر تصحبك السلامة

غادر في صباح هذا اليوم الصديق الرايع / معز السماني حاج يس الي المملكة العربية السعودية نتمني من الله التوفيق له وان توصل بالسلامة

https://www.youtube.com/watch?v=9owvr3Z0fGA

درب السلامة إنشاء الله

حبيبنا نبيل لك التحية الاغنية دى رائعة تمها لينا

ونحنا بيجاي وصلنا بالســـلامه .. وألف حمدا لله على الســــلامة

صديقي العزيز (بلبل )

اخي احمد عثمان
اشكركم كثير
واقول ليكم الحمد لله وصلت
وفي اتم الصحه والعافيه ويا بلبل
ماتخاف ناس الرياض ديل مابقدرو يلموني
لشلتم انا بلمهم لشلتنا
ولينا عوده
معز السماني

الاخ نبيل لك التحيه:
يمضي اخاك فلا تلقى له خلفا" فالمال بعد زوال المال مكتسبا
الف حمدله على السلامه وانشاءالله ربنا اكرمك وترجع سالم غانم
الرايع معذ السماني نحنا ماحنلقى ليك خليفه في السودان عشان كده ياريت غربتك ماتطول
عندي ليك وصيه احذر المجموعه دي ((اولاد نابري والطيب والعريس وتساليه.))) ديل منتظرنك عشان الفول والتسالي والنبق والويكه مايغشوك وادوك الكبسه واشيلوا حاجاتك ..

الف مرحبا بالاخ الغالى معز وانشاء الله الدار ترحب بيك وننتظر وصولك لينا بالشرقية وماتكمل علينا الويكة والعجين المخمر وانشاء الله تكون جايب معاك ملوحة بس دسها من ابوتراجى مايشوفها قالولى الايام دى قاعد متربع بالرياض

عندما تعزر اللقاء
وازدادت المسافات
اتساعآ تداخلت
فرضيات الاشياء مع واقع
الزمن المعاش رغم
كل هزا ستظل معزتكم
فوق المدى وفوق احتمال الخيال.

وتمشى وتجى بالسلامة (برنجية)

مع السلامة

الاخت اسماء

اشكرك علي المرور
اسماء اخوكي (مفتح ) ريع سريع دسه
الحاجات المهمه وخليت لناس الهندي وعبد الله
وتساليه شوية حاجات بسيطه نظام (الضواقه )
اما بخصوص الغيبه فدي متروكه للزمن ارجو ان اعود الي السودان
قريبا رقم حرارة الاستقبال الذي وجدته من الاخوان الذين لم يتركوني
اتزكر مرارة الفرقه فلهم مني كل الود
ولينا عوده
معز السماني

اخي وصديقي كمبيوتر

رقم مرارة انني لم استطيع ان
اودعك الا انني اشكر الله انني لم
اودعك فتقبل مني كل ماهو جميل واتمني
ان التقيك حتي استطيع ان (ابل ) شوقي
ولك كوم من الود
ولينا عوده
معز السماني

ود الامام

كما يقول عبد الله نابري
مشكور سته شهور
وانشاء الله نلتقي
ولينا عوده
معز السماني

معز السماني ..

مرحب بك في بلدك الثاني المملكة العربية السعودية
بلد العطاء والخير ..
وشعب الممكلة شعب معطاء واهل كرم وضيافة وستجد ما يسرك ..
بس اهم حاجة ..
لازم تخت نقطة وتبدأ سطر جديد ..
لانك سستحول الى الة بشرية ..
لن يكون هناك شارع النيل والخرطوم بالليل ..
ستنخرط في داومة بتاعت دوام (والدوام لله) وحاتصبح ذي الزول الشغال بالزمبلك
الشغل .. البيت .. الشغل .. البيت .. الشغل ..
ازيك يا حاج احمد .. اهلا يا آخينا ..

كمبيوتر .. الزول ده جه وشفانهو وصوتو في الكمبيوتر نفس صورتو في الطبيعة
الحاجة الخايف منها انك تكون زيو !!
بعني ان تكون صورتك الفي الكمبيوتر ..الخ

عبدالله محمد نابري كتب:: معز السماني ..

مرحب بك في بلدك الثاني المملكة العربية السعودية
بلد العطاء والخير ..
وشعب الممكلة شعب معطاء واهل كرم وضيافة وستجد ما يسرك ..
بس اهم حاجة ..
لازم تخت نقطة وتبدأ سطر جديد ..
لانك سستحول الى الة بشرية ..
لن يكون هناك شارع النيل والخرطوم بالليل ..
ستنخرط في داومة بتاعت دوام (والدوام لله) وحاتصبح ذي الزول الشغال بالزمبلك
الشغل .. البيت .. الشغل .. البيت .. الشغل ..
ازيك يا حاج احمد .. اهلا يا آخينا ..

كمبيوتر .. الزول ده جه وشفانهو وصوتو في الكمبيوتر نفس صورتو في الطبيعة
الحاجة الخايف منها انك تكون زيو !!
بعني ان تكون صورتك الفي الكمبيوتر ..الخ

الاخ معز السمانى الف حمد لله على السلامه . مع انو السودان مفتقدك جدا انشاء الله تحقق احلامك سريع وترجع لى بلدك ومعاك الشيله بس ماتبقى زى ود نابرى جايب الشيله جايب الشيله لمن موضه الشيله دايرين يلقوها واعمل حسابك الجماعه ديل (مايبرلموك )

الف حمد لله علي سلامة الوصول اخي معز السماني وامس فقط علمت بنباء مغادرتك السودان فلك العذر في التاخير وامس النادي كان خلاء بدون شيخ يا شيخ الحلة نتمني ليك التوفيق في حيك الجديدة

مشكورين اختي سيده صباحي

واخي محمد زين علي المرور
اختي سيده من ناحيت البرلمه
اسكتي ساكت ناس الهندي وتساليه
وعبد الله ماقصرو
اخي محمد زين بالجد الحضور الي السعوديه
تم في ظروف سريعه نسبتا لظروف وكان من المفروض
اخبارك انت والاخ وليد سنقد ولكن لكم العتبه حتي ترضو
وانشاء الله نتلاقي في ساعة خير
ولينا عوده
معز السماني