............

حبابك عشره يا زائر
 
الرئيسيةالتسجيلدخول

شاطر | 
 

 ما بين غربتى وقدرى ....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد عثمان حاج حمود
عضو فعال
عضو فعال


عدد الرسائل : 213
العمر : 37
الاقامة : السعودية الدمام
المهنة : احب مزاوله جميع المهن
مزاجك اليوم :
تاريخ التسجيل : 15/03/2008

مُساهمةموضوع: ما بين غربتى وقدرى ....   الأربعاء 20 مايو 2009, 2:29 am


افكر فى بعض الاحيان أن الغربة هى اسواء من

كل الكوابيس التى يراها النائم فى منامه ولكن طبعاً

هذه الكوابيس تكون فقط فى المنام عندما تصحى تكون

قد تلاشت هذه الكوابيس ولكن هناك كابوس تراه وانت

صاحى وهى الغربة !!

اللعينة والمتعبة التى تبعدك عن اهلك واحبابك واخوانك

وكل الناس الذين تحبهم فهل هو

قدرى .........

ولنا عودة
الرجوع الى أعلى الصفحة اذهب الى الأسفل
اسماء
عضو نشط
عضو نشط


عدد الرسائل : 92
العمر : 30
الاقامة : ام درمان
المهنة : مهندسه
مزاجك اليوم :
تاريخ التسجيل : 28/03/2009

مُساهمةموضوع: رد: ما بين غربتى وقدرى ....   الأربعاء 20 مايو 2009, 5:30 am


الاخ احمد عثمان السلام عليكم
الاحساس بالغربه احساس قاتل مرعب مفزع
اسال الله ان يرد غربتكم سالمين غانمين
وتصحى على حلم جميل بدلا" عن الكابوس .......
الرجوع الى أعلى الصفحة اذهب الى الأسفل
علي الامين
عضو مشارك
عضو مشارك


عدد الرسائل : 37
الاقامة : الرياض - العريجا
المهنة : مهندس إتصالات
تاريخ التسجيل : 08/03/2009

مُساهمةموضوع: رد: ما بين غربتى وقدرى ....   الأربعاء 20 مايو 2009, 8:28 am

أخي أحمد ، سلام من الله عليك ، أخي هناك من يعيشون غربة حقيقية و هم بين أهلهم و زويهم . فغالب ظني أنه لديك الكثير من الأخوان تجد فيهم سدا للنقص الذي فرضته الظروف .
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: ما بين غربتى وقدرى ....   الخميس 21 مايو 2009, 1:46 am



الغالي احمد عثمان "باداب"
ابيت في غربة لا النفس راضية بها ... ولا الملتلقي من شيعتي كثب
فلا رفيق تسر النفس طلعته .. ولا رفيق يرى مابي فيكتئب
الغربة ذلك الوحش الظالم الذي يسرق منا اجمل واحلى ايام حياتنا وذكرياتنا ...
ولكن عزوانا في الغربة اننا جيئنا لجمع المال والبنون ...
جئينا لزينة الحياة الدنيا ...
والثمن ..
ستشتاق لتلك الاوقات الرائعة وسط اهلك وناسك ...
ستشتاق لفتة فول في دكان الفوراوي بزيت سمسم وجبنة بـ (500جنيه) مربوطة في كيس !!
ستشتاق لبتمرين ببسي فيهو تحدي كبير والتحكيم "دائما" فاشل ..
ستشتاق لملاح روب يوم الجمعة ويا حبذا لو رشق بالسمن رشقا بجانب امك وابوك واخواتك ...
ستشتاق لضل الصباحية من الساعة 9 وحتى 11 صباحا في بعض من الاحجار واللساتك !!
ستشتاق يا احمد لشوربة الحمام "فجوز" الحمام بـ 2000 جنيه بس !!
الرجوع الى أعلى الصفحة اذهب الى الأسفل
http://www.basilholding.com
ام احمد
عضو جديد
عضو جديد


عدد الرسائل : 8
تاريخ التسجيل : 28/03/2009

مُساهمةموضوع: رد: ما بين غربتى وقدرى ....   الخميس 21 مايو 2009, 12:23 pm



التحية والإكرام للأخ احمد عثمان وحقيقة عزفت على وتر حساس جدا جدا
لكن الغربة عن النفس امر من الغربة عن الأهل والوطن ولا تفتدى بالأصدقاء،،

الغربة ما بعد المسافة ولا السفر آخر مطافه الغربة فى الزول البعزك تلقاهو فى آخرالمسافة
الغربة فى القدر البعاند وفى الحنين الطشا جافا،،،،

لك التحية يا ود نابرى ونحن نلتقى مجدداً فى هذا البوست ، لكن أظنك طولت من البلد
فتة الفول في دكان الفوراوى أقل شى ( 1000 ) جنيه،،
جوز الحمام (3000 ) جنه،،
أما الأحجار واللساتك فما حرمكم منها إل زيت العربات،،
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: ما بين غربتى وقدرى ....   الأحد 24 مايو 2009, 1:46 am

ومهما يكن من امر اختي ام حمد فبلادك حلوة ارجع ليها .. دار الغربة ما بترحم
ولا يعرف قيمة النعمة الا من فقدها ..
لكن السؤال هل ارتباطنا بالسودان كدولة ووطن .. ام بالسودان كناس وأهل
عندما اغتربت اختي الصغيرة اخر العنقود كانت تبلغ من العمر 5 سنوات الان عمرها تجاوز الثانية عشر .. ضاعت على طفولتها البرئية وضحكتها الصافية وقبالاتي المتوالية .. وسط هذه الغربة التي لا تنتهي ..
ذكرت في غير هذا المكان انو اي سوداني مغترب بتكون قناة السودان رقم (1) في الرموت كنترول واي سوداني في السودان بتكون قناة السودان رقم (236) واحيان كثيرة غير معروفة رقم كم !!!
الناس في السودان قاعد تستفيد من قناة السودان ايام رمضان فقط "عشان بعرفو بيها وقت ازان المغرب"
وهو نفس التلفزيون السوداني وهم نفس الناس بس النَفَس بيختلف ..
احساسك ببلدك وانتماءك سيكبر ويتتطور .. لانك بتكون فاقد هوية هنا
تخيلي نحن في السعودية بيقولوا علينا اجانب .. !!!
قال (ص) السفر قطعة من العذاب يمنع احدكم اكله ونومه فاذا قضى احدكم نهمته فليعجل الي اهله
وللحديث بقية ..
الرجوع الى أعلى الصفحة اذهب الى الأسفل
http://www.basilholding.com
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: ما بين غربتى وقدرى ....   الأحد 24 مايو 2009, 5:36 am

حاج احمود


متالم انت .. وكل من زاق مر الاغتراب يصرخ................!
جميل الشعور بالالم .......................................ولكن
ما بين اشتياقات (عبد الله ود نابرى ) السته التى زكرها كما يلى :_
(ستشتاق لتلك الاوقات الرائعة وسط اهلك وناسك ...
ستشتاق لفتة فول في دكان الفوراوي بزيت سمسم وجبنة بـ (500جنيه) مربوطة في كيس !!
ستشتاق لبتمرين ببسي فيهو تحدي كبير والتحكيم "دائما" فاشل ..
ستشتاق لملاح روب يوم الجمعة ويا حبذا لو رشق بالسمن رشقا بجانب امك وابوك واخواتك ...
ستشتاق لضل الصباحية من الساعة 9 وحتى 11 صباحا في بعض من الاحجار واللساتك !!
ستشتاق يا احمد لشوربة الحمام "فجوز" الحمام بـ 2000 جنيه بس !!)


دروس وعبر واستفهام يضرب الراس وفى المنتصف
الا وهو :_

ايهما اشد ايلامآ الغربة وانته بجوار اهللك
ام الغربة وانت بعيد عنهم!!!!!

ويا عزيزى يعتبر العتاب (واعنى به اـلآمك من الغربة)
فى كثير من الاحيان وسيلة للحفاظ على الود.....!




الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: ما بين غربتى وقدرى ....   الأحد 24 مايو 2009, 6:41 am

اخي احمد عثمان

ياخي مالك علينا انحنا يادوب
لينا كم يوم والواحد عندو حبة امل انو
يعيش في البلد دي الحاصل شنو ياخي خلينا شويه نروق المنقه
وبعد داك اكتب موضوعك ده تعرف هسي انا قربت الموضوع ده قربته
احجز في اول طياره ماشه السودان ياخي ناس عبد الله ديل
بتاعين حركات جوني في البيت والمطار هو و الهندي وشبكوني ليك
البلد سمحه وفي كده وكده وكده وانا العوير صدقته ماكمان جديد اعمل شنو
غايتو يا احمد اكان واصلتو في الموضوع انا بتلقوني في السودان في اول طياره

اخوتي بالجد الحنين للوطن شي جميل وبالجد يزداد حنين الانسان كلما بعد
عن وطنو
اقول ليكم كلام انا قاعد في السودان من ماولدوني مابحضر قناة السودان لكن جيت هنا
ما شفته غيره
فالتحيه لكم جميعا وبالجد الموضوع قمه في الروعه وقايتو اكان خلوني كتير في
البلد دي ببقه ليكم شاعر عديل
ولينا عوده
معز السماني
الرجوع الى أعلى الصفحة اذهب الى الأسفل
yusuf
عضو جديد
عضو جديد


عدد الرسائل : 6
الاقامة : الامارات
المهنة : Senior Accountant
مزاجك اليوم :
تاريخ التسجيل : 04/05/2009

مُساهمةموضوع: الغربه و ما بين الحقيقة والخيال   الثلاثاء 26 مايو 2009, 2:07 am


شايف الكلام عن الغربه والحنين للوطن، له مفاهيم واحاسيس مختلفه باختلاف كل شخص وطريقه حياته، وخصوصا عند الناس الممكن نقول منفتحين اجتماعيا، ديل بنلقاهم اكثر شوقا لكل تفاصيل حياتهم ، ولكن المغترب في النهايه لا بد له أن يرىSad التمرين ولمة الناس وفتة الفول) كأشواق وذكريات ينفس بها عندما تطبق الغربة على صدره ، لانه لن يجد الواقع بهذه الوردية، لان هذا الواقع للاسف مجرد خيال يظل يحمله المغترب في مخيلته واحاسيسه، لان ببساطة عجلة الحياة لا تستمر عند المغترب وتتوقف عند الاخرين، لهذا السبب تجد المغترب بيجي اجازه في اول سنه قبل مايتم سنه عشان يلحق الفته و لكن للاسف يجد دكان الفوراي قفل ويلقى الشله العرس وبتعشى مع اولاده والسافر سافر .. الخ . وهنا تصبح الاجازه كل سنتين .. واحيانا تمتد الى الخمسه سنين ..لذلك نصيحتي لكل مغترب سنه اولى .. اذا ارتضيت ان يكون واقعك الغربه .. ما بنفع كراع جوه وكراع بره يعني لا زم تجي طاير جوز في الغربه، طبعا هذا لا يعني او يمنع التواصل مع الوطن والاهل والاحباب ولكن المعنى مع الغربه يفقد الانسان بعض الاشياء الجميله في حياته .. لذلك ضريبه المغترب اكبر من الريالات والدراهم الضريبه هي جزء جميل من حياته تركه وراءه من غير رجعه .. وأما الاشواق والزكريات ستظل هي هي فهي الامل للغد والمعين لكل مغترب ..
واهدي المغتربين اجمل وأصدق ما كتبه الشعراء فى الم الغربة وحنينها الجياش ، ما خطه يراع الشاعر صلاح أحمد ابراهيم – رحمه الله رحمة واسعة - فى قصيدته التى غناها الفنان محمد وردى بعنوان ( الطير المهاجر ) - التي فيها كثيرا من المعانى النفسية يقول الشاعر فى قصيدته :

غريب وحيد فى غربته ...حيران يكفكف دمعته
حزنان يغالب لوعته .. ويتمنى
طال بيه الحنين ...فاض به الشجن
واقف يردد من زمن ... بالله يا الطير المهاجر للوطن
زمن الخريف ... تطير بسراع
تطير ما تضيع زمن ... اوعك تقيف
وتواصل الليل بالصباح ... تحت المطر وسط الرياح
وكان تعب منك جناح ... فى السرعه زيد
فى بلادنا ترتاح
ضل النخيل اريح سكن
وفوت بلاد وسيب بلاد .... وان جيت بلاد تلقى فيها
النيل بلمع فى الظلام ... زى سيف مجوهر بالنجوم من غير نظام
تنزل هناك وتحى يا طير... باحترام
تقول سلام وتعيد سلام ... على نيل بلادنا سلام
وشباب بلادنا ... ونخيل بلادنا
سلام
بالله يا طير قبل ما... تشرب تمر على بيت صغير
من بابه .... من شباكه
بلمع الف نور
تلقى الحبيبه بتشتغل.. منديل حرير
لحبيب بعيد
تقيف لديها ... وتبوس ايديها
وانقل اليها وفاى ليها
وحبى الاكيد[/size]
الرجوع الى أعلى الصفحة اذهب الى الأسفل
 
ما بين غربتى وقدرى ....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: