............

حبابك عشره يا زائر
 
الرئيسيةالتسجيلدخول

شاطر | 
 

 للمتزوجين فقط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المينقو
عضو مشارك
عضو مشارك


عدد الرسائل : 43
تاريخ التسجيل : 22/02/2009

مُساهمةموضوع: للمتزوجين فقط   السبت 16 مايو 2009, 4:11 am


عارف إنو فى أعضاء مامتزوجين حضروا والشمار كتلم عشان يعرفوا الحاصل
لكن مافى مانع فى حضورهم ليتدربوا على أمر مستقبلى فهى ..
قصـــــــــــــــــــــــــ أوحـــــوارـــــــــــــــــــــــــــــة
جاني صارى وشو , نافخ صدرو
,ينفخ فى جضيماتو النار في عيوناتو
قلت له : خير ان شاء الله ؟
قال : ياريتني كان ماتزوجته
...كنت مرتاح البال ومبسوط ...
قلت : ومالوالزواج ؟
قال : هو فى غيرها !
قلت : دى شنو ؟
قال : الوليه..
قلت : شن سوت لمن تزعل كده؟
قال :هى بسوى شى بفرح !
قلت : يعني الما بيرضيك فيها
اكثر مما بيرضيك؟
لولح براسو مرات متتالية ...
مؤيدا ...موافقا .
قلت له : أظنك بتشتكي من عدم انقيادها
لك ؟
نظر في عيني وقال : فعلا ...
قلت : ودميعاتا قريبات في
أقل حاجة وبدون سبب ؟
ظهرت الدهشة عليه وهو يقول
......نعم ....صاح..
تابعت : ومكابره عنيده ....؟
زادت دهشتة : إنت ذى العايش معنا !
قلت : واهتمامها بك ماذى شهور
الزواج الاولى ؟
قال : إنت فى زول حدثك بيها
غيري !
واصلت كلامي : وزاد عدم اهتمامها
بك بعد جبتو العيال؟
قال : انت عارف كل شيء ؟
قلت : أصبر يا اخي ..واسمع
مني
هدات مشاعر الغضب والحنق التي
بدت عليه ,وحلت عليه مكانها رغبة حقيقية واضحة في الاستماع. وقال : إتفضل .
قلت : لمن تشترى اي جهاز كهربائي
.... بتشغلو كيف ؟
قال : حسب الإرشادات الموجودة
فى كتلوج الجهاز .
قلت : كلام جميل . لو
افترضنا انو زول اشترى جهاز كهربائيا , ولقى في الكتلوج انو يعمل بطاقة محددة بمية وعشرين فولتا
بس .......لكن المشتري وصل الجهاز بوصلة الكهرباءفيها متين واربعين فولتا
قاطعني : بحرق طوالى ....!
قلت : نفرض انو زول دايريشترك في سباق عربات وعربيتو العداد
فيهااقصى سرعة ليهو 180 كيلو متر والعربات
المنافسةعدادها بشير الى تلتمية كيلو متر .
قال بسرعة : مابفوز في السباق .
قلت : وإذا قال حا يدوس
الابنص للنهاية ...
قال : مابنفع ... لانو
سرعتا180كيلو بس..
قلت : كيف ؟
قال : الناس الصنعوها صانعوها
كده..
قلت : ....ونفس الشى خلق
الله المرة !
قال : يعني شنو ؟
قلت : الطبيعة النفسية الاشتكيتها
فى مرتك ..هي الخلقها الله
سبحانة وتعالى عليها . ولو قريت طبيعة المراة في الكتلوج المرفق مع مخها ...ما كان
شكيت منها !
قال : ياتو كتلوج تقصد ؟
قلت : إنت ماقريت حديث رسول
الله صلى الله عليه وسلم : " استوصوا بالنساء خيرا فإن المرأة خلقت
من ضلع أعوج وإن أعوج شيء في الضلع أعلاه فإذا ذهبت تقيمُه كسرته ، وإذا تركته لم يزل
أعوج ، فاستوصوا بالنساء خيرا "
قال : قريتو
قلت : اسمح لي اقول ليك .. البتطلبو
من مرتك ...بشبه البطلبو صاحب العربية الحددو سرعتها ب 180 كيلومترا في الساعة
قال : يعني انو مرتى ماحاتستجيب
لي ...ذى ما أبت تستجيب العربية لصاحبها البيضغط فى البنزين عشان تفوت سرعة 180 المحددة ليها ؟
قلت : تقريبا .
قال : يعني شنو" تقريبا
" ؟
قلت : أتمعن فى حديثه صلى
الله عليه وسلم بتلقى إنو المرة خلقوها من ضلع اعوج والعوج ده من طبيعة المرة فاذا داير تعدلو ...انكسر الضلع ..
قال :وذىما بيحرق الجهاز
الكهربائي المحددة طاقتو ب 120 فولت ..اذا وصلناهو بطاقة كهربائية 240 فولت ..
قلت : كده صاح .
قال : لكن ده بيعني قدرات
المرة ناقصه ؟
قلت : ناقصه في جانب ...ومتوفرة
في جانب . بقابلها في الراجل ..نقص ووفرة برضو ...لكن بصورة متقابله نقص المرة
بتقابلو وفرة في الراجل ووفرتها بيقابلها نقص في الراجل .
قال : اشرح لي ...نقص...ووفرة
دى؟
قلت : أرجع معاي للعوج القالو
رسولنا صلى الله عليه وسلم في الحديث ...وحاول إتخيل اما ترضع طفلها وهي وأقفه على
طولى !
او تلبسو القميص وهي وأقفة .
او تضمة ليها وهي وأقفه ....
قال : صعب عليها ..فأنا ملاحظ
إنو كل الحاجات دى بتعملا وهى منحنيه .
قلت : معناهو اي وضع من
اوضاع رعاية الام لوليداتها بتلقاها منحنيه .
قال : وده بفسر سر خلقها من ضلع اعوج ...
قلت : دى واحدة .
قال : والتانية ..
قلت : كل الكلمات البتحمل كلمة
العوج في اللغة العربية ..بتحمل معنى العاطفة في الوقت نفسه .
قال : وين العوج في كلمة
العاطفة ؟
قلت : مصدر كلمةالعاطفة
" عَطَف " ومن المصدرده نفسه جات كلمة المنعطف . يعنى المنحني ذى مابتعرف والعرب بقولو: عطفت راس الخشبة
فنعطف أو فانحنى والعطائف هي القسي جمع قوس ماشايف معاي القوس يشبه الضلع .
قال : سبحان الله . وفى كلمة تانى
بشترك فيها معنى العوج ومعنى العاطفة ؟
قلت : الحنان . بيحمل معنى العاطفة ؟
قال : صاح. الحنان هو العطف
والرقة .
قلت : وهو بيحمل معنى العوج
. العرب بتقول: انحنى العود وتحنى : انعطف . وفي الحديث : لم يحن احد منا ظهرة ,,بمعنى لم
ينحنى للركوع . والحنية : القوس . وياهو ده رجعنا للقوس البيشبه في شكلو الضلع .
قال : زدني ...زادك الله من فضلو .. .
قلت : بتعرف الاحدب ؟
قال : الزول الضهرو إتقوس !
قلت : بس قلتها بنفسك إتقوس
وجات من القوس فعلا وصفته انحناء ظهر الاحدب .
وقال : ولكن وين معنى العاطفة
في الاحدب ؟
قلت : في اللغة : حدب فلان
على فلان وتحدب : إتعطف وحنا عليه . يعنى بقى ذى الوالد والحدب في حديث علي يصف ابا
بكر رضي الله عنهما : " واحدبهم على المسلمين " المعنى يعنى اعطفهم
واشفقهم .
قلت :أيوا نعم الاعوجاج في الضلع معناتو مائل قال : كلامك صاح .
قلت : العرب بتقول : الاستمالة :
الاكتيال بالكفين والذراعين .
قال : وده بيشير الى العوج والانحناء ..لكن وين
العاطفة ؟
قلت : ماشايف انو اصل الكلمة
هو" الميل " والميل اتجاة بالعاطفة نحو زول اوأى شيء .. بتقول : اميل الى فلان او الى علان ؟
وفي لسان العرب " الميل " العدول الى الشيء والاقبال عليه .
قال : كفانى. والله ما فهمت
العوج في الضلع الخلقو منو المرة ..ذى ما فهمتو هسى ...كترخيرك وبارك الله فيك .
قلت : وبارك فيك على حسن استماعك
ومحاورتك ...وسرعة استجابتك للمعرفة .
وبارك الله فيكم الأعضاء
الحضرتو ...
المَـَـَوضوع جميَـَل ولآ يظن أحدكم الهدف
منه السخريه , فقط من يظن ذلك لم يقرأه جيدآ , أعزآئي الموضوع فقَـَط للتذكير بـ أن المرأه هذه طبآعهَـَآ .


فأصبرواعليهن وأستوصوابهن خيرا


وألقـــــــــــــــــــــــــــــــــــــــــــــــــــــــــــــــــــــــــاكم
الرجوع الى أعلى الصفحة اذهب الى الأسفل
حسن عوض عباس
عضو فعال
عضو فعال


عدد الرسائل : 122
العمر : 47
الاقامة : المملكة العربية السعودية - الرياض
المهنة : محاسب
تاريخ التسجيل : 14/08/2008

مُساهمةموضوع: رد: للمتزوجين فقط   السبت 16 مايو 2009, 4:34 am

الأخ العزيز المينقو

السلام عليكم ورحمة الله وبركاته,,,
نصائح غالية لمن يريد العمل بها,نشكرك أخي جزيل الشكر.
فالإهتمام بالنساء عامةً وبالزوجات خاصةً والأمهات على وجه الخصوص وجب يمليه علينا ديننا الحنيف.فالنساء شقائق الرجال كما ورد في الحديث الشريف,وكما أوصانا رسولنا الكريم صلوات الله وسلامه عليه,أن نكرمهن ونحسن إليهن"ما أكرمهن إلا كريم,وما أهانهن إلا لئيم"
الرجوع الى أعلى الصفحة اذهب الى الأسفل
علي الامين
عضو مشارك
عضو مشارك


عدد الرسائل : 37
الاقامة : الرياض - العريجا
المهنة : مهندس إتصالات
تاريخ التسجيل : 08/03/2009

مُساهمةموضوع: رد: للمتزوجين فقط   السبت 16 مايو 2009, 11:35 pm

الأخ المينقو ، جزيت خيرا على الكلام الطيب و الشرح و التوضيح ، لكنني وجدت صعوبة في قراءة بعض الكلمات ، و إتمنيت لو أن الكلمات المستخدمة يمكن قرأتها لكل الناس أي لغة يفهما القاصي و الداني ، لا تنسى إنه منتدانا يدخل عليه ناس من غير أهل الجريف و أيضا من دول أخري ، نحن في عصر العولمة و يجب ان نعبر عن افكارنا بلغة يفهما الغير ، يعني ما تكون مثل سلمنا الخماسي الذي جعل أغانينا محصورة فينا فقط . أخي من المواضيع التي قرأتها لك وجدت عندك أفكار جميلة لكن كلماتها للخاصة ما للعامة . فاتمنى أن تتحفنا بالمزيد .
الرجوع الى أعلى الصفحة اذهب الى الأسفل
المينقو
عضو مشارك
عضو مشارك


عدد الرسائل : 43
تاريخ التسجيل : 22/02/2009

مُساهمةموضوع: رد: للمتزوجين فقط   الأحد 17 مايو 2009, 6:40 am

لك التحية أخى وداللمين
سنعمل بتوجيهاتكم مستقبلا بإذن الله
لك كل الإحترام
الرجوع الى أعلى الصفحة اذهب الى الأسفل
احمد عثمان حاج حمود
عضو فعال
عضو فعال


عدد الرسائل : 213
العمر : 37
الاقامة : السعودية الدمام
المهنة : احب مزاوله جميع المهن
مزاجك اليوم :
تاريخ التسجيل : 15/03/2008

مُساهمةموضوع: رد: للمتزوجين فقط   الإثنين 18 مايو 2009, 5:49 am


يعطيك العافية موضوعك رائع وجميل

الرجوع الى أعلى الصفحة اذهب الى الأسفل
 
للمتزوجين فقط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: