............

حبابك عشره يا زائر
 
الرئيسيةالتسجيلدخول

شاطر | 
 

 قاعة الجريف شرق للمؤتمرات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: قاعة الجريف شرق للمؤتمرات   الخميس 07 مايو 2009, 2:36 pm



تسع الصالة لعدد 500 شخص..
الصالة مكيفة و مجهزة بأحدث أنظمة الصوت..
و يوجد بالصالة "بروجكتور" لتسهيل عملية الشرح..
كما يوجد بها منصة على شكل مسرح...
تم تصميم الصالة على أن تكون متعددة الأغراض حتى يتسنى استخدامها لأكثر من غرض:
- مناقشة قضايا التعليم في الجريف...
- مناقشة قضايا المنطقة و اعتبار القاعة برلمان الجريف..
- تنظيم الندوات الثقافية و الاجتماعية..
- استضافة و تنظيم بعض الأعمال الأعمال الفنية...
- قيام الليالي الشعرية و الأدبية...
- كما توجد بها صالة عرض صغيرة ملحقة لعرض بعض الأعمال الفنية لكبار الفنانين بالجريف..
أما ما يتعلق بمضاريف تشغيل الصالة و المحافظة على جودتها، فقد تم تكوين لجنة للتسويق و قد أقرت الآتي:
- يمكن تأجير الصالة لأهالي الجريف لتنظيم الأعراس بأسعار حتماً ستكون أقل تكلفة من أسعار أعراس الجريف التي تمتد لأكثر من أسبوع خروف داخل و جلد طالع...
- كذلك يمكن للفرق الرياضية أن تنظم بعض الحفلات الفنية من أجل الدعم المالي على أن يكون للصالة نسبة مقدره من ريع الحفلات..
- كذلك يمكن تأجير الصالة للأحزاب السياسية لا سيما و الانتخابات على الأبواب...
أما الفوائد المرجوة من الصالة في:
- إيجاد منفذ لشباب الجريف للتعبير عن أفكارهم و آرائهم لأن الحضور للصالة أكثر جذباً للجمهور من غيرها..
- بما أن الصالة ستكون مجهزة و منظمة على أحدث طراز فسيكون في مقدور الأسر الحضور بكل أريحية...
- بما أن البيئة المحيطة لها تأثير على طريقة سلوك الناس فحتماً الصالة ستعمل نقلة في تفكير الحاضرين.
- سيكون في مقدور أعضاء منتدى الجريف استخدام الصالة لعرض أفكارهم و آرائهم و ضموحاتهم التي ظلت حبيسة منتداهم...
- استقطاب المفكرين و الصحفيين و أصحاب الآراء النيرة لمنطقة الجريف...
- ستكون الصالة و من ثم الجريف بؤرة اهتمام وسائل الاعلام..
ملحوظة:
كل تكاليف انشاء القاعة تمت عن طريق العون الذاتي من ابناء الجريف شرق الذين يؤمنون بضرورة التحرك الثقافي في المنطقة و كسر العزلة التي جعلتنا نهباً لأطماع الناس و ناس الناس...
الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: قاعة الجريف شرق للمؤتمرات   الخميس 07 مايو 2009, 5:05 pm

عمل عظيم و خطوه كبيره للمنطقه... و اتمني بالفعل ان يتم استثمارها و استخدامها الاول من اجل الغرض الاساسي الذي انشأت من اجله القاعه.. و اعني بذلك استخدامها في المجال الثقافي اكثر من استخدامها للحفلات و غيرها...

أؤمن تماما بان ابناء الجريف و خاصة الشباب ان لهم القدره على تطوير المنطقه في معظم المجالات... شباب الجريف يمتلك معظم المهارات المطلوبه لتحقيق نهضه في المنطقه.. فالشباب يتمتع بقوة الاراده و بمهارة العمل الجماعي و بروح الانتماء للمنطقه, فكل ابناء الجريف ينتمون لاسره واحده تجمعهم ببعض, سوى بالحي الفلاني او بفريق الكوره المعين او غيره, و اخيرا الكل ينتمي الى الجريف و لا احد ينكر حبه او انتماءه لهذه البقعه الطيبه من الارض.....

لاستخدام الشباب لنهضة المنطقه يجب اولا توعيتهم و تحسيسهم بالمسؤليه, فكل مشاكل المنطقه تعني كل فرد من افرادها و لا يمكن لاحد تخلفه او عدم انتباهه لشي بسبب ان الامر لايعنيه و هذه النقطه مهمه جدا في حياة الشباب وهي الايجابيه و عدم السلبيه.... و هذه اهم خصله يجب احياءها في الشباب.....

اتمني ان تشمل مؤتمرات القاعه مواضيع تعني الشباب و تهتم بخصوصياتهم, و الا فلن تحظر القاعه بوجودهم الا في حالة الاعراس و الحفلات... وانا متاكد تماما بان هناك شخصيات مثقفه في الجريف و اتمنى ان تتم بواسطتهم محاضرات شهريه تعنى بامور الشباب كما توجد تماما حاليا محاضرات اسلاميه كل فتره... فالامر لا يقل اهميه, فالسبب الاساسي لخلق الانسان هو تعمير الارض....

_________________
الطيب مبارك عبد الصادق الطيب

----------------------------------------------------------------------------------------------------------------------

حــســبــي الـلــــه لا الـــه الا هـــــــو عــلــيــه تــوكــلـت و هــو رب العــرش العـــطيــم
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: قاعة الجريف شرق للمؤتمرات   الخميس 07 مايو 2009, 11:01 pm

طبعاً يا الطيب القاعة تم تنفيذها في الحلم،،،
و لكن كلامك أداني الاحساس بأنها يمكن أن تؤدي الدور الذي أحلم به و تحلم أنت به و يحلم به كل من يعلم أن النهضة تبدأ في العقول، يقال إذا أردت أن تغير الواقع فلا بد أن تغير الأفكار التي تنتج الواقع، لك التحية على هذه الروح الوثابة المتوشقة لرؤية جريفنا فوق، كلامك رائع و جميل و هذا يعني أن الفكرة حتماً ستصبح واقعاً و أن الحلم شوق لمستقبل أفضل، و أن الخيال هو الواقع في طور المخاض،،،
و وددت لو أعرف مدى تفاعل الناس مع الفكرة؟؟
و هل هي فعلاً ضرورة أم ترف لا حاجة له في الوقت الراهن؟؟
و هل يمكن استثمارها ما لو خرجت للواقع بالطريقة الثقافية الفكرية التي تؤدي لمزيد من القاعات؟؟؟
أم أن الموضوع في النهاية سيؤول للإغلاق بدعوى فساد الأخلاق و سوء الإدارة؟؟؟
الغالي ود الغالين...
الفكرة صدقني ليست بهذه البساطة فهناك أصوات كثيرة تعارض كل ما هو جديد، و للحد من هذه المعارضة لا بد من تسويق الفكرة أولاً و تجميلها بقدر الإمكان، تماماً كما تفعل الحكومات قبل إصدار أي قرار يتم بث الإشاعات حوله حتى يتهيأوا لردود الفعل من خلال ما يحصلون عليه من (Feed Back)

و لكن قناعتي أن المستقبل حلم...
و أن الحلم سيصبح واقعاً...
عليك الله اتخيل لو فعلاً تم تنفيذ هذه القاعة و تخيل كيف يكون الحال...
عموماً يدك معاي و مع الباقين نحاول نسوق للفكرة...
و أنا متأكد إنها حا تنجح يوماً ما فليس شرطاً أن تنفذ الفكرة بواسطة الشخص الذي طرحها، فلكل ساقطة لاقطة كما يقال..
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قاعة الجريف شرق للمؤتمرات   الجمعة 08 مايو 2009, 1:28 am

الغالي النعمة صديق النعمة ... نشتاق إليك كما شوق الأرض اليباس للمطر ...

فلا تطل علينا الغياب .. واحلم صديقي كما تشــاء لكن كن بالقرب منا فجمعنا سيهب حلمك أنفاس الواقع والحياة .....
الجميل يا صديق ليس في الأفكــار النيرة أو الاقتراحات الجميلة أو كل ذلك فحسب وانما في نظري أن الجمــال مسكون في داخل تلك التي نشدو لأجلهــا فلو تلاحظ معــي انها كل يوم تهب أبنائها سحراً من نوع خاص وبريق متفرد لتحشد هممهم ويستمر التفكير والتخطيط والتدبير لأجل التقديم لحضرتها قرابين كلما حانت لهم الفرصـة .. والشئ الأجمــل ان الأمـل لايموت وكل منا يحلم بطريقة يتفنن فيها ... في بداية الحديث عن القاعة الحلم .. تخيلتها أصبحت حقيقة وموجودة الآن على أرض الواقع ... لكني وجدتها أجمل من أن تكون حقيقة فقد وجدتها .. حلما يشع بين أعين أحد أبنائهــا ... كن بخير يا صديق وصدقنــي ان للحلم أن يبقى حقيقة مهما طال الزمن

القاعة الحـــلم ... أجدك قد رسمــــت لهــا كل وظائفهــا للنهضة بالمجتمع حيث لا اجد ما أزيد على قولك ... فنحن في أمــس الحةجة لمثلهـــا ويحضرني الآن ذكر احدى القاعات أو المساحات والتي خصصت لتنفذ القليل من الافكار الجميلة
التي ذكرتها وهي بدت واقع جميل الآن وموقعها في نادي السلام وأظن أنها قد بدأت تمارس نشاطاتها ..... واثبتت نجاح .

الفكرة قيمة الى أبعد الحدود ياصديق ولا تعتبر ترف ولا بزخ ولاغير ذلك وانما يجب التخطيط الصيحيح والايمان بالفكرة أولاً وأظنك سقتها لنـا نسيماً لايمكن تجاوزه فقد تشبعنا منه وامتلأت الصدور ..يبقى التخطيط الســـلم والصمود حول تنفيذ الحلم باتقان ونجاح ويبقى التكاتف والسير نحو الهدف بخطى ثابتة وبصورة واضحـــــة .

أضيف فقط على المشروع والذي اعتبره انتقل من مرحلة الحلم وفي العتبة الأولى ليصبح دراسة جدوى يتم بعدها التنفيذ بعد دراسة كيفية التنفيذ... أضيف أن يبقى المشروع تحت مظلة موقع ومنتديات الجريف شرق .. وتكون الانطلاقة من أعضــائه ولنبدأ التنفيذ ...


شكرا يا صديق ذلك الفكر السامي والذي تضخه في مسامنا دومــاً
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قاعة الجريف شرق للمؤتمرات   الجمعة 08 مايو 2009, 3:01 am



شكراً ليك كتير يا أخوي صديق على هذه الأحلام السعيدة .. والتي تتطابق مع كثير من أحلامنا
وبالتأكيد إذا نجح هذا السناريو الذي ربطته مع أحلام اليقظة نكون فعلاً قد حققنا أصعب وأجمل حلم لنا وللإجيال القادمة.. وبالإرادة الحرة يمكننا أن ننجذ الكثير والكثير.
وبمناسبة حلمك الواقعي .. دائماً ما أداعب الأخوان هنا في الرياض عندما نجتمع في مناسبة ما وتكون دائماً في أحد الإستراحات المخصصة للمناسبات ... والتي تبهرني دوماً ببساطتها والمساحة المعمولة عليها وكمية الإضاءة المتوفرة... فيتبادر إلى ذهني ولغيري أيضاً ونطرح السؤال دوما .. لما لا نعمل واحدة كذلك في الجريف كإستثمار مثلاً .. وطبعاً تكون موضوع للنقاش الأخوي كعادتنا نحن السودانيين وكل يشرع حسب رؤاه ... المهم دائماً ما أختم حديثي معهم بالتشحيع على الفكرة .. ولكن ... دائماً ما أختم حديثي معهم بكلمة بس ... وبس هذه هي سبب البلاوي والتأخير عندنا دوماً ... وتختلف كلمة بس بين كل شخص وآخر ... وعموماً بس الخاصة بي كنت أقول لهم بس والله مافي حاجة شائل هما ومهبطة همتي إلا الحشرات ... يعني بتخيل عامودين إنارة فقط وسط هذه الإشجار سوف تتجمع حولها 3 مليون حشرة وبجميع الأشكال والمقاسات وكمان أبو الدقيق لا تحسبه ..وده كوم وأبو الجندب كوم تاني ... وكمان الذباب ده موضوع تاني .. والخلعة الدخله فيني خلال إجازتي الماضية حتى الأن ما طلعت ... يا أخي أنا شغلت اللاب توب حوالي الساعة الواحدة والنصف صباحاً للدخول على منتدانا تخيل تأتيك كمية مهوله من الذباب وفي هذا التوقيت بالذات ... وما عاوزك تقولي يا صديق إنت المصحيك لغاية الوقت داك شنو ... لأنو سؤالك ده يوجه للذباب أولا ... ويا حليل زمن الذباب الما كان بيتجكع إلا في المناسبات .. وكمان يا حليل زمن الذباب الكان بينوم من بعد صلاة العصر ... ويا حليلنا نحنا ويا حليلي أنا .
وعموماً طالما هي قاعة .. إذن هي بعيدة كل البعد من الحشرات ... لذا ما علي إلا الإستشهاد بكلمات الهندي والذي نصه ( الفكرة قيمة الى أبعد الحدود ياصديق ولا تعتبر ترف ولا بزخ ولاغير ذلك وانما يجب التخطيط الصيحيح والايمان بالفكرة أولاً وأظنك سقتها لنـا نسيماً لايمكن تجاوزه فقد تشبعنا منه وامتلأت الصدور ..يبقى التخطيط السلم والصمود حول تنفيذ الحلم باتقان ونجاح ويبقى التكاتف والسير نحو الهدف بخطى ثابتة وبصورة واضحة)
لكن المحيرني يا صديق الجنا الهندي ده بجيب الكلام ده من وين مثال ( أظنك سقتها لنا نسيما لا يمكن تجاوزه) وحرم جمله زي دي أجمعها في ثلاثة يوم ....ودي لو نفسي ما قام..
لكم الشكر ولكم التحية ومزيداً من الأطروحات التي تنيرون بها طريقنا ...

الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: قاعة الجريف شرق للمؤتمرات   الجمعة 08 مايو 2009, 1:31 pm

الحبيب الهندي...

كما العهد بك و لا أزيد،،،
اخونا عصام...
و الله مشكلتك مع الضبان دي طولت شديد و كل ما أتذكر مشاكلك معاهو بالجد بضحك، خصوصاً مغامرات الاصطياد العنيفة، احتمال يكون دا جيل جديدمن الضبان الشباب بياخد في تار أجدادو الزمان، طيب ما تغير الاستراتيجية و تحاول تعمل علاقة مع الضبان دا، خصوصاً و الشغلانة بقى فيها سهر ليالي يعني ما طبيعية، و أخد الموضوع بجدية،،
عموماً و الله أنا سعيدجداً إنو الفكرة كانت موجودة جواكم و أنا بس عبرت عنها، و دا شيء لا يستغرب فيكم،،،
بالمناسبة و الله بعد ردودكم دي حسيت إنو الفكرة ممكن تطلع للواقع لو شدينا حيلنا و زيناها لأصحاب المال في الجريف أو خارج الجريف، خصوصاً إنو مافي صالات في المنطقة كلها، و جدواها الاقتصادية تكاد تكون مضمونة بنسبة كبيرة جداً،
لكم ألف شكر على هذا الاحساس الواجب علينا جميعاً، فشكر القائم بالواجب فيه احترام للواجب قبل القائم به،،،
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: قاعة الجريف شرق للمؤتمرات   الثلاثاء 12 مايو 2009, 5:35 am

اخي صديق النعمه الاخوه المتداخلين

التحيه لكم جميعا
اخي صديق دايما ماتاتينا بالافكار التي تدخل فينا الامل
ببكره الفكره اكثر من رايعه وبالجد وانا اطلع علي الموضوع
راودني حلم الليله الثقافيه لفريق الشعله الخامسه والثلاثون
المقامه في صاله الجريف شرق للموتمرات تحت رعاية
(منتديات الجريف شرق ) وكما يقول الكاتب الصحفي
مزمل ابو القاسم (ياربي تديني الفي مرادي )
اما بخصوص تنفيز الفكره لابد من
اولا
لابد من اقناع كل قادة العمل الطوعي بالفكره
ثانيا
لابد من وصول كل اقطاب الجريف اصحاب المال (الهميمين )
ثالثا
ابعاد كل اعداء النجاح عن المشروع
رابعا
الوصول بالفكره الي اي شخص يمكن ان يساهم اويدعم الفكره
خامسا
ياربي تديني الفي مرادي
ولكم كل الود
ولينا عوده
معز السماني
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قاعة الجريف شرق للمؤتمرات   الثلاثاء 19 مايو 2009, 1:23 am


عصام عبدالصادق كتب:


وعموماً طالما هي قاعة .. إذن هي بعيدة كل البعد من الحشرات ... لذا ما علي إلا الإستشهاد بكلمات الهندي والذي نصه ( الفكرة قيمة الى أبعد الحدود ياصديق ولا تعتبر ترف ولا بزخ ولاغير ذلك وانما يجب التخطيط الصيحيح والايمان بالفكرة أولاً وأظنك سقتها لنـا نسيماً لايمكن تجاوزه فقد تشبعنا منه وامتلأت الصدور ..يبقى التخطيط السلم والصمود حول تنفيذ الحلم باتقان ونجاح ويبقى التكاتف والسير نحو الهدف بخطى ثابتة وبصورة واضحة)
لكن المحيرني يا صديق الجنا الهندي ده بجيب الكلام ده من وين مثال ( أظنك سقتها لنا نسيما لا يمكن تجاوزه) وحرم جمله زي دي أجمعها في ثلاثة يوم ....ودي لو نفسي ما قام..
لكم الشكر ولكم التحية ومزيداً من الأطروحات التي تنيرون بها طريقنا ...



العم الغــالي عصــام .. شفت الجنا الهندي ده .. قعدته حداكم وتربعكم جواهو .. وهَبــه الدهـــشة
وفي لحظات غفلة بتمرق منو كلمات تحيره هو زاته .. لاتعجب قولــي فمنكم استميد النور لأكتب
وتجمعكــــم يمنحني الثبات ....
الصديق النعمة قــلم لايستهان به وانا من في حضرته أقضي الليالي لأكتب كلماتي علّهــا تتشابى لترتقي
دون كلماته ... أسه عليك الله أٌقرا كلامه عن الصالة دي تاني ... بتلقى رقبتك جواها مبتهج والنور حوليك
وعلى الأقـل في 500 عضو من ناس المنتدى قاعدييييين وفيهم المنطط عينيه وعيني لود ريــا يقول

ياجماعه الصالة دي الاقترحها صديق النعمة في المنتدى.. وبدر عبدالماجد جنبو يقرقر من الضحك ..
ورحال عندو نــص موزون وقصيدة تقدل داير يقولن ولو ماقالن حيشقّنه عديييل لو خلاهن في حشاهو ومامرقن أصلو
ده حال الناس المتل رحال وقرشي التوم والزينهم كتير .
وتسالية واقف في الباب يرحب بالضيوف والزوار وعاين لحسن عوض قاعد في كورنه معاهو كم واحد كده يناقش فيهم في
موضوع مسخن كتبو وهدااااك أيمن الســــر جا جاري سريع مخلوع من الناس الكانو ينادو فيهو ويكوركو ليهو في
المنتدى .. في شنو ياناس في شنو .. وأنس بخيت لابس ليهو جكت ونظارة شمسية .. مالك يازول قال البرد
الله يقطع لندن .. وبيجاي حســن ووليد وزينكوف وود العبيد ومحي الدين ويوسف واسماعيل حسن حضور ليه وزنه

أما عمنـا الخضــر جا متأخر وقال اصلو المسافة علي بعيده من فرنسا لي هنا . وباقي اللمة نغم أصيــل يدندن
وأولاد السماني كوم وناس عبدو كمبوتر ونبيل ومحمد الأمين وابو المريوده كوم تاني والشلليات كل شلة بيجنبة
وعبدالله نابري حايم بيناتهم من كل بستان زهرة .. سيده صباحي تزغرد وحسها انقرش وسودانية توزع في العشــا

وأخينا رونالدو بالوا في مباراة مانشيستر والهلال السوداني ياربي حيغلب منو وشايل في يدو كيكه مجهولة المكونات الحقيقية ونجمه عندها رأي في التصميم الداخلي للصالة .. الألوان مامتناسقة ... وكلمة متناسقة ماقادرها تقولا بالعربي
كلو كلو قالتها بالانقليزي وريحت رقبتا ... وأخينا أحمد يضحك ... أما عكس الناس جا داخل بباب الخروج ..

وبيجاي الحضور فخيم وأصحاب الفخامة والسمو
ناس عمر حســـن وعصام والخدر ومحمد حسن الفضل والحاج حسن الفضـل ومحمد كمال الدين وأ.يحيى وأبو تراجي
خالف رجل فوق رجل وعاشق الجريف عمنا حمد النيل وعمنا الحاج عبدالصادق وأبو زيد مصطفى وعلي الأمين

وصديق النعمة سيد اللمة وباقي الفخامات ..كلهم في منصة الشــــرف والطيب بخيت مع ناس نابري ماكسين الجو كله .

وسبب واللمة شنو .. قالوا الهندي عريـــــس ... عليك الله موش لي حق أنضم بره راسي وأقول كلام انا زاتي
محيرنــــــــي ........ وعيني لناس الهند عاملين العجب وغنية ( عاشق بنايا ) عامله فيهم عمايلا

ألحق .. ألحق ... تسالية لدغ ليهو زول بكلمتين وقال ليهو فاوضني بلازعل ... عليك الله الجنا ده اكان قعد في
الواطه وخت الرحمن في قلبو مالو . لاحوله ولاقوة الا بالله .. أسه هو بقدر على الشَكل .... والحفلة خربت
مامشكلة .. الصالة ماتحرق دي المشكلة ...

الرجوع الى أعلى الصفحة اذهب الى الأسفل
http://aljraif.forumotion.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: قاعة الجريف شرق للمؤتمرات   الخميس 21 مايو 2009, 7:54 am

لما يكون اللاعب حريف، الناس بقولو دا الكورة بتحبو و ين ما يقيف بتصلو براها...

أما الهندي فيبدو أنه على عشق قديم مع الكلمات، فلا يحتار أبداً في تصوير ما يجيش بخاطره و مخيلته، و لا يبحث عن الكلمات و لكن الكلمات هي التي تبحث عنه، كأنه صائغ يلعب بمصوغاته يشكلها كيف شاء، يستعمل أسلوب "السهل الممتنع"، تجد الكلام بسيط و لكنه في تركيب عجيب، يمزج الكلمات التي نعرفها جميعاً ليستخلص منها تركيب لا نعرفة و لم نسمع به، تفوح كلماته بعطر المحبة و عبق المحنة و أسر الإلفة و دفئ اللقيا فيطوف بك في عالم غير العالم الذي نعرف، فتحتار في كلامه أشعراً هو أم نثراً، أم أنه الاحساس الصادق الذي يخرج من القلب و لا وجهة له سوى القلب، هو لعمري كذلك لا يحيد عن قصده أبداً...
لك تحية من القلب،،،
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: قاعة الجريف شرق للمؤتمرات   الجمعة 22 مايو 2009, 1:35 pm

معذ السماني الحاج ياسين كتب:

اولا
لابد من اقناع كل قادة العمل الطوعي بالفكره
ثانيا
لابد من وصول كل اقطاب الجريف اصحاب المال (الهميمين )
ثالثا
ابعاد كل اعداء النجاح عن المشروع
رابعا
الوصول بالفكره الي اي شخص يمكن ان يساهم اويدعم الفكره
خامسا
ياربي تديني الفي مرادي
ولكم كل الود
ولينا عوده
معز السماني

اول حاجة حمد لله على السلامة .....وصولك السعودية مكسب لناس الرياض و خسارة لناس الجريف، لكن طالما المنتدى شغال نحن البعيدين من الجريف و الرياض في كلا الحالات كسبانين، أمنياتنا ليك بإقامة مثمرة و وارفة...

أنا مؤمن تماماً أن الأفكار لا تخرج من الأشخاص و لكنها تخرج من المجتمع، بمعنى أن جزء كبير من تفكيرنا يتحكم فيه "العقل الجمعي"، و ما يفعله الأشخاص هو صياغة هذه الأفكار الموجودة أساساً في عقول الآخرين، و رغم ما قد يعتري هذه الصياغة من ضعف إلا أنها تنمو و تكبر بواسطة الناس، و هذا هو مفهوم المشاركة،،
و كما قال الرائع كانيجا، المنتدى يظل آلة من آليات تطوير الذات، علينا أن نطرح الأفكار في شكلها الخام و على الباقين أن يقوموا بعمليات التطوير و التحسين و التحويل، و صاحب الفكرة الصغيرة في بادئ الأمر سيخرج في النهاية بفكرة أكبر و أشمل و أروع و هكذا ننمو و نتطور...
مع عاطر التحايا،،،،
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قاعة الجريف شرق للمؤتمرات   الأحد 24 مايو 2009, 12:16 am



ياجماعه الصالة دي الاقترحها صديق النعمة في المنتدى.. وبدر عبدالماجد جنبو يقرقر من الضحك ..
ورحال عندو نــص موزون وقصيدة تقدل داير يقولن ولو ماقالن حيشقّنه عديييل لو خلاهن في حشاهو ومامرقن..

الهندي أخوي أنا دائماً بقول عليك طيب وود حلال وكلماتك التي أفتبستها في مداخلتي ما هي إلا ديل على نقاء دواخلك .. وفي نفس الوقت ناسي إنو يوجد ناس مثل أبو تراجي سوف يحرفوا بعض ما كتبت..
لذا قبل أبو تراجي ما يعمل مداخلة ويجوط المكان أن لدي بعض الإسئلة التي تحتاج لتوضيح مثال ذلك:
1/ نص هل هي بفتح النون أم بضم النون؟
2/ كلمة موزون أيضا تعتبر كلمة مزدوجة تمشي مع فتح النون وضم النون .. نرجو التوضيح؟
3/ قرقرة بدر عبدالماجد من الضحك هل لها علاقة بالنص إذا كانت بالضمة؟
4/ صديق النعمة هل له علاقة بنص رحال ومذا قال لبدر عبدالماجد ؟
5/ قلت أن رحال حا ينشق ... طيب من شنو ؟
6/ هل رحال إذا طرش أي إستفرغ نتوقع إنو يرتاح شوية؟
عزيزي الهندي معليش لهذه الإستفهامات الصعبة ولكن يمكنك الإستعانة ببعض الأصدقاء.. لكن نصيحتي ليك أبعد عن حسن عوض عباس لأنو حا يقيم عليك الحد ... وبتوقع ود ناس النمير ممكن يعطيك بعض التحليل لأنه فنان ... وتسالية أنا عارف رايو .. وكمبيوتر حا يرسل لك وفد من وزارة الصحة لعمل تحاليل للموجودين وخصوصاً بدر وضحكه الهستيري والمسكين رأسو خفيف... لكن عليك بود عمك عبدالله ود أمحمد ... بس مشكلته حا يدخل بشير.. ولكن ... ولكن أتوقع إذا وجدت مزاج أخونا ماهر رائق حا يفيدك كثير..
دعني أخي لدخول القاعة مرة أخرى لأستمتع بقوافي أخونا رحال وتعقيبات أخونا قرشي التوم ودندنة أستاذنا خضر...
يدوم الود

الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قاعة الجريف شرق للمؤتمرات   الأحد 24 مايو 2009, 12:51 am


أول حاجة ياسلام على الدنيــا الفيها انت ...
ويارب نلقى لينا منك اتنين تلاته علشان ننشق نحنا زاتنا فرح وسعادة ..

ياسيدي بالنسبة للسؤال الأول وعلشان مانمرق بيوشنا ونلقا رقبتنا في الخور ولا البحر ورا
النص ياسيدي بفتح النون فتحة كبيرة وقاصد بيه الكلام البقولوهو الناس الكبار وكبار شديد
زي قرشي التوم وسيدنا رحال أيهاب محمد مصطفى .. الناس الزي ديل بيكون في كلام في
حشاهم دايرين يقولوه والواحد فيهم لو ماقال الكلمتين ديل واطمئن انهن وصلن يتكون ماسكاهو
أم هلا هلا ويقرب ينشق سااااي لاسبة ولا سبب أصلو الكلمات بتقعد تنحر في حشاهم واتخيل معاي
والناس قاعدين في الصالة الحلم الحقيقة دي والقالها الفخيم صديق ورسمها لينا بالجمال ده
والناس ديل فجأ لقوا رقبتهم قاعدين جواها حقيقة .. تخيل معاي الكلام يسيل منهم سيل أها جنش
التريانين أدب ديل عليك الله موش لو ما اديناهم المايك بينشقو عدييييييييييل .

أما السؤال التاني ياسيدي فاعتبره مدوزن وهنا قاصد بيهو نص (قصيدة أو كلمة أو نثر أو شعر ..
المهم الكلام البخول المخ البقولو الجماعه ديل والبتلقا رقبتك قاعد ممحن فيهو يومين مايقع ليك)

وبالنسبة للسؤال الثالث . قرقرة بدر عبدالماجد ماليها علاقة بالنص ولا بموزون ولامدوزن الزول
ده انا بس البقدر عليهو كويس وبأخليهو يقرقر من أعماقه أمن أحن في حاله .. أًصلو تريان محنه
وزولا سمح .. وكايس لي في الدنيا العريضة دي لواحد متله وليه نفس الطعم ولسه مالقيت .

السؤال الرابع : صديق النعمة دا عليك الله ماتجيب سيرته ... أصلو لما يجي اسمو
بنقعد نقيف ونقعد علشــان كده الفخامات دي خليها في المنصـــة قاعده فوق هنــاك وده ميدان
ماعندنا ليهو كدارات .

السؤال الخامس ... رحــال .. الزول ده يمين بالله اكان سرو انكشف إلا نشوف لينا بلدا تاني
واكان لحق اندفق فينا هنــا ومزاجو انعدل يانا الادمنا المنتدى وبقينا اليوم كله سكرانين نتشهق
العجب أكان قعد يبحت ويمرق من بيت الكلاوي . لاحوله ولاقوة إلا بالله .وفي واحد تاني بقولو
ليهم مصطفى المحسي ده كمان لونه تاني .

السؤال السادس : غايتو بس لاااااااااااااااحوله ولاقوة الا بالله العلي العظيم ... الحكاية شنو
الناس ديل بيتنفسوا نضمي وكلام مدوزن تقول لي طراش .. هياعمنــا عصــام حمدا لله على
السلامه وتاني مصر دي حرمانه عليك .
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قاعة الجريف شرق للمؤتمرات   الأحد 24 مايو 2009, 1:00 am


أبو تراجي في الدرب وماسك الشارع عديييل متجه للريــاض واليومين الفاتن ديل قعد في
المنتدى علشان يسد الفرقه بتاعة المشوار من جده للرياض وقعد في المنتدى قعدة المفارق ولم فيهو
فتفته فتفيت شديد الله يستر وانا شايفن المنتداين داخلات في اضافرينهن من الشئ السواهو أبو
تراجي فيهن .. ياريت لوعندنا مليون أبو تراجي


عمي عصام سيرة النص والنص بالفتحة وبالضمة تاني عليك النبي ماتجيب سيرتهن وانا هدا توبه تاني مابقول نص كلو كلو .. والله القال عليك روائي صدق .. لأنك بتعاين بزوايا ماسمعنا بيها
ههههههههههههه أضحك الله سنين عمرك وخلاك للجمعية سراج منير
الرجوع الى أعلى الصفحة اذهب الى الأسفل
http://aljraif.forumotion.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: قاعة الجريف شرق للمؤتمرات   الأحد 24 مايو 2009, 1:25 am

السلام عليكم ..
تاريهو البوست ده مشعلل ونحن ما جايبين خبر ..
واسئلة عصام دي يا هندي هل هي قبل ام بعد ..؟؟
قصدي قبل الوجود مع المصرين ام بعد ذلك ..
لانو الفرق كبير!!!!

"النعمة" صديق النعمة ..
والله فكرة في غاية الروعة واحتمال نادي السلام الرياضي قد سبق بتنفيذها بس مشكلة نادي السلام هي الموقع وموقع النادي بالقرب من السوق حيث لا يخفي على الجميع رواد النوادي في السودان بصورة عامة خاصة عندما يكون في منطقة سوق ..
نتمني انو يجي يوم وتقدر اي اسرة من الاسر ان "تشيل غداها" وتمشي تتغده في الساحة بتاعت القاعة المنجلة المظللة ..
تخيل معاى الشعور ده بيكون كيف ؟؟
احلى حاجة في الفكرة هو إنك تتخيلها ..
لذلك دعني اعيش مع خيالي واستمتع بوجودي في قاعة الجريف شرق للمؤتمرات..
الرجوع الى أعلى الصفحة اذهب الى الأسفل
http://www.basilholding.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: قاعة الجريف شرق للمؤتمرات   الأحد 24 مايو 2009, 6:31 am

يا عصام الحاصل شنو جاي شبعان كشري و خاش الجريف "الجريف بالنص"، ألف حمد لله على السلامة و سلامة الوالد و العم و الخالة،،،

الهندي الزول دا الظاهر مشى مصر ما لقى الناس البعرفم و صامي خشم زمنو دا كلو و أسه قال يتفكفك فينا،،
عبد الله نابري...
تحياتي يا منمق،،،
كما قال أحدهم "أحب الجمال متخيلاً" ما في شك الجمال المتخيل أجمل من الجمال الملموس، و كلما حلقنا بعيداً بخيالنا كلما رفعنا و جملنا الواقع بنفس النسبة،،،،
شوف الأمريكان ينتجو فيلم خيالي و تظن و أنت تشاهد فيه أنه خيال محض، و ما هي إلا سنين فترى ما كان خيالاً واقعاً معاش،،،
دعنا نسيح في خيالاتنا عسى أن يتحول الخيال يوماً إلى واقع، و إن لم يتحول إلى واقع فقد كسبنا متعة التخيل،،،
و الحديث معكم متعة،
و بعدين يا جماعة مصير المنتدى دا شنو اتجهجهنا، لكن و الله زي ما بقول المثل الولف كتال،،
الرجوع الى أعلى الصفحة اذهب الى الأسفل
 
قاعة الجريف شرق للمؤتمرات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: