............

حبابك عشره يا زائر
 
الرئيسيةالتسجيلدخول

شاطر | 
 

 دكان ود البصير السياسي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: دكان ود البصير السياسي   الجمعة 24 أبريل 2009, 11:38 am

[size=24]الأخوان الأفاضل

السلام عليكم ورحمة الله وبركاته
هذا البوست عباره عن اي كلام ممكن تشاركون وممكن لا تشاركون
المهم الموضوع :- لا يقصد به التجريح
كما يحب يقول بدر عبدالماجد البيت السعيد في القسم العام انا بحب اقول
( دكان ود البصير السياسي )

ودكان ود البصير ياشباب فيه مجموعة جميلة تضم نخبة من الاخوان الافاضل
والمتابع للقسم يعرف بنفسه .وهم في يوم من الايام والكهرباء مقطوعة ولا توجد ماء
كما تعلمون أن الماء بالجريف مرتبط بالكهرباء وبينما هم جالسون بكان عمنا حاج عصام
ود عبدالصادق كان يجلس مع عصام عمنا حاج الخضر ود حسن الفضل حضر لهم حاج
عبدالرحمن ابوتراجي يحتاج جاز لكي تعمل له ام الاولاد شاهى بالبابور عشان مافي غاز
وسلم عليهم ابو تراجي وكان زهجان والنظارة من العرق ما بتشوف قال له حاج خضر يأخوي مالك
زهجان اصبر بعد يومين قالوا في الجرائد الكهرباء ممكن يخفضوها قال له ابو تراجي ها موت يحمار
والله كل يوم نسمع كلام .
وعمك سيد الدكان عصام ود عبدالصادق قال له اها جاكم ابو كلام كثير وبحب النضمي في السياسة
ودخل عمك تساليه وبيده جريدة اسماء اخر للحظة وفيها كلام من وزير لا يرضى الشعب السوداني
وحرك النظارة يمين ويسار وقال لهم وين العامل لينا فيها كوز حاج حسن ود عوض عباس .
قال له عمك عصام اجلس في العنقريب الهباب واشرب من الزير يجيك وبعد أن جلس عمك تسالية
وكان عامل فيها شباب دخل عليهم حاج منير ود السماني وبيده ولده محمد وقال يا حاج عصام بالله
اقطع لينا خمسه متر قماش للولد , وقال له عصام حاضرين يا حاج منير وقال منير يا حاج عصام
ياخوي المتر بكم قال له عصام المتر بخمسه وستون الف جنيه وقال منير يا عصام الحكايه شنو
غالي وبدل ان يجب عصام قال تساليه ياخوي كل شئ اصبح غالي والناس بتموت من الغلا هذه
حكومة الغلا . وبينما هم جلوس والحديث مسخن دخل عمك يحى وبيده كيس قروش وقام الجميع
بالسلام عليه وقام عمك عصام ونفض زجاجة الببسي من الغبار وكان حارة عشان مافي كهرباء
وبدل أن يشكر عمك يحى عمك عصام قال له ياحاج عصام وين السد وين الرد وقام عمك صديق ود النعمة
وسمع صوت عمك يحى وكان صديق جالس مع ناس بيت عمك عصام ودخل بالباب الداخلي ولى الدكان باب
يفتح في الحوش وقال اها جاكم الحجاج وبالحب السياسة واحتدم النقاش وبينما هم جلوس دخل عليه عبدالله
ود ام حمد وبيده كرت في دعوة زواجه .
وقال له تساليه يا عبدالله يا ولدي هذا زمن عرس انت مجنون ؟
وقال له صديق النعمة الزواج اكمال نصف الدين اترك الولد يزوج الان عمرو 45 سنه
ودخل عليه عمك محمد زين نابري ومعه عبدالرحيم حطي وقال لهم امشوا معى البيت
والله ام الاولاد عندها ملاح روب وكسرة .
وذهب الجميع للمنزل عبدالرحيم حطي ودخلوا البيت وكان في عمك بدر ود عبدالماجد
جالس يشرب في القهوة بعراقي خفيف ومعه الهندي الراس كاشف والصلعه تنور
وكان النقاش عن الصلع ومعهم عمك الطيب بخيت والطيب الامام وعمر حسن .
وبعد كملوا ملاح الروب ذهب الجميع لعقد زواج محمد ولد عمك بدر من بدر من بنت ابو تراجي
وفي الختام لم تحضر الكهرباء وحتى يوم الخميس 24/4/2009م مقطوعة من الجريف من الساعة
الثامنة صباحاً ودرجة الحرارة المكتوبة في الجرايد 45 .
والمستشفي لم يتم العمل به وكبري الموت كما هو ولم يستلم اصحاب الخطة الاسكانية الاراضى حتى الان
وناس الخمور حتى الان على رمال النيل الجميل . و بعض الفصول بالجريف ليس فيها سقف .
زاتفق الجميع أن النقاش في السياسة في دكان ود البصير يدخل الكراهية بين الناس ولا يفيد ولا يقدم
واتفقوا على مهما كان الخلاف نرجع للدستور الذي نحكم به العلاقات والصداقة بينا افؤاد دكان ود البصير
وقام عمك عصام وقال لهم اكان بتجو دكاني عشان المشاكل والله انا ما عايز مشاكل وما بقدر على المدفرة
والحجز.
وبعد فترة قام عمك عصام بتآجير الدكان لواحد من اولاد الفور واصبح عمك عصام يجلس في الكرسي
يشاهد تمارين فريق العجايز نا عبدالرحيم حطي ومنير السماني والطيب ودالامام وعبدالله ود امحمد
والحكم صلاح والقون الهندي وفي الإدارة حاج علي المنشاري وعمك عمر حسن .
والطيب بخيت عمل فريق ثاني وهجر الجلوس في دكان ود البصير .
ودمتم احلام سياسي بدكان ود البصير السياسي ..........
الرجوع الى أعلى الصفحة اذهب الى الأسفل
منصور عبدالسلام البشير
عضو نشط
عضو نشط


عدد الرسائل : 82
العمر : 43
الاقامة : الرياض
المهنة : مدرب سباحة
مزاجك اليوم :
تاريخ التسجيل : 08/02/2009

مُساهمةموضوع: رد: دكان ود البصير السياسي   الجمعة 24 أبريل 2009, 12:33 pm

ياريت لو كل الدكاكين زى دكان ود البصير
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: دكان ود البصير السياسي   الجمعة 24 أبريل 2009, 1:22 pm



الشكية لي الله يا حطي معقول للزمن داك ما يكون في واحد إنقرض ... لكن بيني وبينك ما ظنيت للزمن داك الطيب بخيت يكون قاعد

وعموماً في رواية أخرى...

وبينما هم جالسون في دكان أبو مصطفى وصوت ماكينة الترزي عمنا حافظ ود العبيد داخل برندة الدكان لمحوا من بعيد ود حاج بخيت الطيب جاي من بعيد وفي لحظة واحدة بدأها حاج على المنشاري وقال أمحمد معانا ما تقشانا والله شيلوا شيلتكم الليلة ... وفعلاً بعد وصول الطيب سألهم يا جماعة مشيتو لبكاء هناي ... وهنا سأله حاج الصديق وده ..مات متين يا ود حاج بخيت؟ ... فما كان من الطيب إلا أن قال لهم التراب التكيل خشمكم ... وقاعدين لي للقطيعة ومتحكرين مع أبو مصطفى والمنشاري ده ... وقبل أن يكمل ... قامت الشمطة بيناتهم ....وبعد جهد كبير فضوهم وربنا سلم .... وفي هذه اللحظة وصل كارو محمل شوالين دقيق ونزل سائق الكارو ود نابري عبدالله ... وسأله حطي ... إت آآ ود نابري الدقيق سعرو ما نزل ... ولكن لم يجد من ود نابري أي إجابة ... سوى النظرات الشاردة ... وفي لحظة سريعة غمز حاج الهندي لحطي بأن لا يعقب على سؤاله ... ... وفعلاً الجؤ تكهرب قليلاً إلا بعد إن إستلم ود نابري عبدالله أجرة الترحيل من أبو مصطفى وقبل أن يتحرك بالكارو أتى شافع ومعه مجموعة وصرخو في ود نابري وقالوا له العروس وين ...العروس وين .... العروس وين .... فما كان منه إلا نزل وأخذ يجري خلفهم مع أبشع الشتائم ... وهنا صاح المنشاري يا أولاد يا قليلين الأدب .. والولد أب رأس داك ود منو ... فما كان من أبو مصطفى إلا الرد السريع فقال له أفو .... يا المنشارى ده ما عرفتو ... فقال له المنشاري حرم ما عرفتو ... فرد عليه حاج الخضر ... يا حليلك يا المنشاري ده ما ولد بتك سماح ... فرد المنشاري ... عفيت عليهو منشاري ود مناشير مأصل ... وهنا ردت عليه إمرأة واقفة في السبيل ... وتحس أن شقاوة الدنيا ومتاعبها ظاهرة في عينيها ... وقالت للمنشاري ... يا هو ده عمارك مع الرجال ... فقال لها المنشاري إت ما كنصيحة ... سبتي الرجال ديل كلهم وقبلتي علي ... وألتفتت للمجموعة وقالت له وين الرجال ديل هيا يا يابا أخه ... هنا رد الترزي ود العبيد وقال ... عاين آآ جماعة ده كلام شنو يا بت صباحي ... فاقلت له والله دي الحقيقة ... بقت ما عندكم شغلة غير القعاد في الدكك والتعليقات الما بتودي ولا بتجيب ... ووين كلامكم ونظرياتكم الزمان ديك ووروني عملتو شنو لحدي الأن ... ها ... رجال ما تقوموا تتفرقوا وتشوفوا ليكم شغله تقضوها... والله تتابعو لي ناس أبو مصطفى والمنشاري ديل إلا يودوكم الأخرى واحد ورى التاني ... وهنا تمتم الخدر وقال دي منو يا جماعة النجاضة دي ... فرد عليه ود النمير حاج أحمد وقال له كدي خليها التمش ما تقوم تشب فيني ...وفي هذه اللحظه وصل أبو تراجي لأنو للزمن داك ما حجة ولا عمل عمره ... وطبعاً بي سببو ... وعلى طول قال مسعولين من الخير إنتو الليلة ما قالوا في حولية في جامع بشير ود حاج عبدالله دحين إنتو ......................

.............................................................

مين فيكم حا يواصل ............

واصلوا ... واصلوا والله يحميكم....

الرجوع الى أعلى الصفحة اذهب الى الأسفل
حسن عوض عباس
عضو فعال
عضو فعال


عدد الرسائل : 122
العمر : 47
الاقامة : المملكة العربية السعودية - الرياض
المهنة : محاسب
تاريخ التسجيل : 14/08/2008

مُساهمةموضوع: رد: دكان ود البصير السياسي   الجمعة 24 أبريل 2009, 2:30 pm

يا عبدالرحيم يا أخوي

الناس ديل ما فيهم زولاً خرف وبقى اتكلم بره راسو؟
دحين أخوي عمنا عصام دا غلطان شدييييييد كونو اييجر الدكان للفوراوي ويحرمنا من الجلسة الحلوة دي يعني تاني نقبل وين.
تمارين العجائز زاتا بقت ما جايبا حقها وخلا مافي عشان الواحد امشي يشم هواء يعني ما الأراضي كلها اتبنت!
غايتو إلا نمشي الكورنيش!
يا حليل رملة البحر وطين الكمائن وصوت البابور
غايتو البركة في ميادين الكورة دي الوحيدة الماقدرو يغيروها عشان مجرى السيل وربك كريم.ياها المتنفس الوحيد لينا.
تعرف آآآآآ حاج عصام ود حاج الطيب ود أعم عزيزة حبوبتي أجمل حاجة في دكانك دا البساطة والعفوية بتاعت ناس أهلنا الزماااان والبركة اللمانا زي ماكان لامينا منتدى الجريف والانرنت والسعودية.
وبمناسبة السعودية دي آآآجماعة قالوا نظام الكفيل لغوه كلو كلو وهسه محمد ولدي ما شاء الله تبارك الله قال شغال في أماااان الله وطبعاً بالمناسبة إنتو معزومين على عرس محمد ولدي السنة الجاية أكان الله أحياكم ومد في عمركم وعافاكم من الخرف.
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: دكان ود البصير السياسي   السبت 25 أبريل 2009, 6:47 am



وبعدها رجع عبد الله ود ام حمد لحاج عصام وهو مشتعل من الغضب وقال له بعد ان ربط الكارو جيداً: اته يا راجل يا عجوز شفعك الكتاااار ديل ما تشوف ليهم حل ..!!! كل حاجة فيك خرفت وبقت قديمة الا كرشك كل يوم ماشة في زيادة ذي اسعار الدقيق ..
فضحك عصام وقال : اته آآزول مالك متضايق كده كدي تعال اقعد ..
وهمهم عبد الله بكلمات غير مفهومة واتحكر بالقرب من صاحب الدكان "الدكاكين في الزلط"

واثناء جلوسهم مر عليهم عبد الرحيم حطي وهو متجهم الوجه وصاري "بوزو" مترين ود ريا فابتدره حاج عصام قائلا : مالك يا زول صاري وشك كده اعمل حسابك ما يقع منك ..

فاجابه حطي : عندي هندي "الله لا كسبو " شرد مني وما عارفو مشه وين ؟؟ واسه انا شغلي كلو واقف.

عصام : طيب بلغت البوليس ؟؟

حطي :بوليس شنو عليك الله !! هو البلد دي فيها بوليس

هنا التفت اليه صديق النعمة قائلا - بعد ان عدل وضع نظارته ووضع الجريدة جانباً: نحن من زمان قلنا ليكم اهتمو بالتنمية البشرية بدل ما تستقدموا الهنود ديل البلد مليانة شباب اها خم وصرّ..

فقال له حطي : ياخي شباب شنو ؟؟ شوف البلد بقت مليانة مصرين ، الشوام مستثمرين في البلد وفاتحين مطاعم وقاعدين يدخلو قروش ذي التراب ، ناس متغربة في السودان ومبسوطين واولاد البلد خدمة الزامية ،، واحدين في الجنوب والفي دافور .. غايتو ده ما كان بترول ده ..

فقال عصام : اتو يا الشعب السوداني لا بعجبكم العجب ولا الصيام في رجب طلع ليكم البترول وبقيتو كفلاء اسه عليك الله اته بتشبه الكفيل يا حليل زمنا في الغربة لما تشوف الكفيل تقعد ترجف ذي الصغير المارقنو من الحمام !!

وفجأة واثناء جلوسهم مر عليهم رجل يبدو من مظهره انه يعمل في جهة حكومية ومد يده لعصام بظرف ملغق ففتحه الاخير بسرعة قائلا : خير اللهم اجعله خير ..
وبدون مقدمات اصبح يشتم ويسب وكورك قائلا: ها جنا اقفل التلاجة دي واقفل المكيفات سرعة ..

فسألة صديق النعمة : مالك في شنو !!

فاجاب عصام : ناس الكهرباء رسلو خطاب وقالوا حايقطعوا الكهرباء لمدة ساعة ..

فقال له ود النعمة : طيب مالك زعلان كده ما تصبر كلها ساعة!!؟؟ ...

عصام : ياخي نحن عندنا اكبر سد في الوطن العربي والكهرباء لسه بتقطع اته قايل الساعة دي شوية ديل 60 دقيقة ياخي !!.

فشب ليهو عبد الرحيم حطي : قلت ليكم البلد دي ما نافعة هو اليوم كلو فيهو 24 ساعة لما يقطعو الكهرباء لمدة ساعة كاملة ؛ كده ما كملوا لينا اليوم ..

الرواي : مع العلم انو الناس ديل قاعدين من الصباح لحدي الساعة 12 في الحجة واللجّة دي.. ودكان عصام بيقفل الساعة 12ظهرا وبفتح تاني الساعة 4 عصرا وسيجلسون من الساعة 4 عصرا الي صلاة المغرب فيذهبون الي المسجد لحضور حصة العلم مع الشيخ ابو تراجي ويصلون العشاء جماعة ويفترقون على ان يتقالبون غدا في نفس الموعد ونفس الحجة !!

الرجوع الى أعلى الصفحة اذهب الى الأسفل
http://www.basilholding.com
خضرحسن الفضل
عضو فعال
عضو فعال


عدد الرسائل : 141
تاريخ التسجيل : 03/11/2008

مُساهمةموضوع: رد: دكان ود البصير السياسي   السبت 25 أبريل 2009, 4:48 pm

[size=24]الزول المـدمـدم
بسسسسسسسسسسسسسسسسم الله الرحمن الرحيم
هكذا صاح الطيب ود الإمام
ــ المعـز ود استاذ عبد المنعم{ مدير شركة خاصة لإستقدام المعلمين التربويين والمعلمين الله} مالك آ ود الإمام ؟؟فى شنوا!!
ــ ود الإمام { مدير عام شركة كفيلكم الله} يعنى ما شايفين المصيبة تجى كل مرة بالدس وتتحكر فوق اللساتك وانتوا ساكتين ساااكت؟؟
ــ الأستاذ البروف د/ الهنـدى يا اخونا اللى بيجيبوا ربنا لينا حبابه يمكن يكون دا نبى الله الخضر .
ـــ بدر عبـد الماجـد{{ مدير عام شركة مؤسس شركة بدر القوم لهندسة الطرق الصوفية المسفلتة عبر النت} يا ناس هوووووى أنا الخضر اللى شفته من ما ولدونى هو الخدر ود حسن ود الفكى الفضل.
ــ قرشى التـوم يـنتـبه فجأة من سرحانه:ــ صبراً أحبتى...
يا حلم متوج بالصدى والسنين...
لك منا فى الحنايا عشق دفين...
نشتاق لك كأرصفة الربيع يا شيخنا الحنين...ـ
ـــ مولانا محمد كمال الدين{ مفتى الديار والأمصار}:ــ الفرقان دا قال شنوا آجماعة؟؟
الشيخ مستيكا {مدير شركة المعدات الطبية لما وراء البحار والمحار}:ــ
الزول دا بقصد شيخنا الحنين المذكور فى رائعة الطيب صالح عرس الزين وحيثما يحل شيخنا الحنين تحل البركة.
ــ الهـندى:ــ ينصر دينك يا مستيكا وحااات جدى ود نابرى الزول دا ما ساهل.
ـــ ههههههههههههههه هىهىههىه ههها هههاهههاهها فجاة عبدوا كمبيوتر ونبيل واولاد السمانى فـقـعوها ضحكة بمقياس ريختر.
ــ أبو مصطفى الله الله شنوا المسخرة دا يا ناس؟؟؟
ــ منيرالسمانى{ المسؤل السياسى لدوائر وانجازات المربعات والمثلثات الإنقاذية الخالية من المكعبات}:ــ يا اخوانا الحكاية لا فيها نبى الله الخضر ولا شيخنا الحنين ولا يحزنون الزول المدمدم دا من ناس الأسماء المستعارة
خضر حسن
[/size]
الرجوع الى أعلى الصفحة اذهب الى الأسفل
 
دكان ود البصير السياسي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف السياسي-
انتقل الى: