| يومياتي.. | |
|
+2عبدو(كمبيوتر) عبدالله محمد نابري 6 مشترك |
كاتب الموضوع | رسالة |
---|
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: يومياتي.. الإثنين 13 أبريل 2009, 6:53 am | |
| كل يوم يمر علينا ونحن في نأمل ونسعى ونعمل لتحقيق احلامنا وطموحنا .. وتتشكل في هذا اليوم ذكريات قد تكون طيبة وقد تكون غير ذلك .. في هذا البوست نبحث عن الايام الحلوة كل يوم سنكتب اجمل ما حدث في هذا اليوم وادعوكم للمشاركة واتمنى لكم ايام سعيدة دوماً. قبل يومين كنا في زيارة للغالي بدر عبد الماجد "البيت السعيد" وتحدثنا طويلا عن المنتدى ودار الحديث عن القفشات القاعدة تحصل في المنتدى وكان عوض عباس وتسالية "المبازرة القلمية" موضوع الساحة هو محور الحديث .. وقفت مع نفسي في ذلك اليوم وحمدت الله كثيرا انه وفي فترة وجيزة تكون لدي العديد من الاصدقاء الذين أكن لهم شوقا وحنينا لرؤيتهم .. وبينما نحن كذلك اذ رن تلفون الهندي وكان المتصل "النعمة" صديق النعمة وكانت أول مرة في حياتي اسمع صوته ولكم أن تتصوروا مدى سعادتي في ذلك اليوم .. وبالجد يا ناس المنتدى ده شغال .. شغال شغل قرف !!!
| |
|
| |
عبدو(كمبيوتر) قلم ذهبي
عدد الرسائل : 817 العمر : 39 الاقامة : khartoum المهنة : technition of nursing (coronarycare unit مزاجك اليوم : تاريخ التسجيل : 17/07/2008
| موضوع: رد: يومياتي.. الإثنين 13 أبريل 2009, 7:24 am | |
| اهلآ بسليل النابراويه ويومياتك دائمآ سعيدة . عبدالله !!! دى يسدنى اكان فهمتها
| |
|
| |
صديق النعمة الطيب قلم فضي
عدد الرسائل : 357 تاريخ التسجيل : 22/08/2008
| موضوع: رد: يومياتي.. الإثنين 13 أبريل 2009, 10:09 pm | |
| و الله يا عبد الله مجرد ما شفت إسم البوست قلت في نفسي أدخل مباشرة و أكتب عن ذاك اليوم...
و لكن يبدو أنك دوماً سباقاً و بتكون في الصفوف الأمامية،و ما بتدينا فرصة نفوتك كلو كلو يا خي ما معقول... بالمناسبة يا خوي... الهندي كتر خيرو ألف وميتين هو الاتصل بي يعني فايتني فايتني... عموماً و الله كانت لحظة تاريخية بمعنى الكلمة و هبشت حاجات جوة القلب... و لو ما استفدنا من المنتدى غير تلك المكالمة لكفتنا و وفتنا و ما طلبنا مزيد... أحبتي لكم الود الكثير جداً... و الواحد بفتخر و بعتز و بتنفخ قربة بمعرفتكم الطيبة... و ربنا يديم الأيام الحلوة... و جد دي من أسعد الأيام في حياتي، فكم تحرقت شوقاً لها، و تبقى الأمنية الثانية و هي أن نلتقي جميعاً لحماً و دماً و نقدم لهذه الجريف ما تقاعسنا عنه طويلاً... لكم ألف تحية و احترام يا سادة الود النبيل... | |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: رد: يومياتي.. الثلاثاء 14 أبريل 2009, 6:46 am | |
| "النعمة" صديق النعمة .. لما تكتب اي رد على بوست والزول ما يرد ليك طوالي في نفس الوقت فده معاناهو انك افحمتو .. وخليتو يكضم !! وتقريبا ده الحصل معاى ! مشكور يا صديقي على المرور واشكر الله اولاً على انك موجود معانا ... ... كمبيوتر !! وعليكم السلام ورحمه الله ... اظهر ذي الناس ياخي!!! | |
|
| |
عبدالله محمد نابري قلم ذهبي
عدد الرسائل : 968 العمر : 115 الاقامة : kSA - RIYADH المهنة : Chief Accounts مزاجك اليوم : تاريخ التسجيل : 04/06/2008
| موضوع: رد: يومياتي.. الثلاثاء 14 أبريل 2009, 6:52 am | |
| يومياتي ... سمعت امس بالخبر المؤلم الذي حدث لاحد سكان ام درمان حيث انهار به بئر سايفون هو وزوجته اثناء نومهم .. المفجع في الامر ان ذلك الشخص كان مغترب خارج السودان لمدة 25 عاما وطوال هذه الغربة استطاع ان يبنى ذلك البيت ولكن تشاء الاقدار ان يموت فيه بهذه الطريقة .. والحمد لله على مراد الله بس على حد علمي ان ميت الهدم شهيد.. اسأل الله ان يتقبله من الشهداء والصديقين وحسن اولئك رفقا .. *** اتصلت على العريس الجديد "كرت كرتونة" حسن شمس الدين - مشرف قسم الجريف الاسلامي ورد علىّ بعد تعب ..!! وانشاء الله في مقبل الايام سنحتفل به كعريس نافضاً للكيس وقنبلة سماحة الزول في الطول والعلا .. | |
|
| |
عامر عبد الوهاب مشرف
عدد الرسائل : 656 العمر : 49 الاقامة : حبي الأول المهنة : مقرر مزاجك اليوم : تاريخ التسجيل : 24/08/2008
| موضوع: رد: يومياتي.. الثلاثاء 14 أبريل 2009, 7:40 am | |
| الغالي عبد الله نابري دايما كما عودتنا تاتي
بالجديد الشديد غايتو بس الله يخليك لينا وليها وذي ما قلت المنتدى شغال جد قرف واي ذول ما حاسي بالحاجه دي معناهو هو ما جاي علشانه جاي لحاجه تاني التعارف اساس المنتدى الممكن يحقق لينا اي حاجه عاوزنها. دمت لها ولنا غالينا أها شفت اليوم داك جوني ناس وليد سنقد ومحمد زين في البيت وانا مريض رغم قصر المده القعدوها معاي لكن والله هي الرفعتني من المرض بعد المولى عز وجل يعني لو ما المنتدى ذي ود سنقد ومحمد زين ديل الم فيهم كيف الله يخليكم لينا أبو المريوده | |
|
| |
معذ السماني الحاج ياسين قلم ذهبي
عدد الرسائل : 624 الاقامة : السودان المهنة : محاسب مزاجك اليوم : تاريخ التسجيل : 27/07/2008
| موضوع: رد: يومياتي.. الثلاثاء 14 أبريل 2009, 8:12 am | |
| تحياتي الرايع عبد الله وبالجد كما قال صديق لكما افراء كتب موصوع جديد اري انني اذهب من دو تردد لانني متاكد من ان هذا الموضوع يحمل اشياء جميله اما بخصوص الهندي وصديق النعمه فهولا الناس لا تعرف من اين اتو ولكن دايما ماتجدهم في الصفوف الاولي فلهم مني كل الحترام والتقدير والحمد لله انني تعرفت عليهم والتقيت بهم وتحدثت اليهم فلك الشكر اخي عبد الله وانشاء الله تلقانه دايما حضور في هذا البوست ولينا عوده معز السماني
| |
|
| |
صديق النعمة الطيب قلم فضي
عدد الرسائل : 357 تاريخ التسجيل : 22/08/2008
| موضوع: رد: يومياتي.. الثلاثاء 14 أبريل 2009, 11:44 am | |
|
بالمناسبة معاي مجموعة من الشباب حاولنا نتحرك عملنا منتدى و حا يكون تقريباً شهري، و كل مرة بندعو فيهو شخصيات عامة من مختلف التخصصات، و قمت بإعدادو و تقديمو و حا أديكم الرابط عشان تتفرجو و تورونا رايكم شنو،، المهم حصل لي موقف لذيذ و نحن في قمة الزحمة و الجري،،، إتصلت بالمصور عشان يجي يصور لينا المنتدى، قال لي أنا بتواجد في واحد من المقاهي و حدد إسم المقهى، قلته ليهو يا خي طيب أعرفك كيف قال لي تعال في الطابق التاني بتلقاني قاعد شغال في اللاب توب، و اتحركت و لما وصلت المقهي من تحت ضربت تلفون عشان أتأكد إنو موجود و رد علي و قال لي تعال فوق أنا موجود، مشيت فوق لقيت سوداني واحد قاعد مافي غيرو فاتح لاب توب، سلمت و عملنا مجاملات السودانيين و قعدت و فتحت الموضوع طوالي قلت ليهو ياخي أنا مستعجل يوم الخميس مشغول و لا فاضي قال لي فاضي، قلت ليهو طيب عندنا منتدى و فيهو الكاتب جعفر عباس و السفير و الشيخ الفادني قال لي تمام جداً و انبسط و فرح، وقلته ليهو حا يكون في السفارة، قال لي أنا بصراحة عندي حساسية من السفارة و ما بقدر، قلت ليهو يا خوي نحن عايزينك تصور بس ما تتكلم، فجأة رد و قال لي ياخي تصوير شنو، قلت ليهو تصوير المنتدى قال لي ياخي إنت عايز منو بالضبط، إتحيرت طبعاً قلته ليهو ياخي إنت مش سوداني و قاعد في مقهى "كوستا" و فاتح لاب توب و مافي سوداني غيرك في المقهى يبقى مستحيل تكون إنت ما المصور الأنا قاصدو، و غصباً عنك تكون هو طبعاً أخونا إتحير؟؟؟؟ طولت موش.. المهم ما كان في حل غير إني أضرب تلفون تاني و أنا متأكد إنو حايكون هو نسفو،ما مكن تكون صدفة قدر دي، و كانت المفاجأة إنو المصور قاعد في الكرسي الجنبنا و قال لي شنو ياخي ما منتظرك و هو طبعاً ميت ضحك و مصور الفلم من الأول، و عينك ما تشوف إلا النور ضحكت لمن الناس كلها قعدت تتفرج،،
المصور طلع حلبي ونهائي ما بشبه السودانيين و شكلو بس فلبيني،،،
الجميل في الموضوع إنو الشخص الغلط طلع كاتب معروف للأسف و اتعرفت بيهو و اخدت تلفونو و أهداني كتاب من كتبو، و من العسيلات و بعمل في جمع تأريخ المنطقة و طلبت منو يساعدنا و يدينا المعلومات الخاصة بالجريف لأنو تاريخ المنطقتين متداخل،،
| |
|
| |
عبدو(كمبيوتر) قلم ذهبي
عدد الرسائل : 817 العمر : 39 الاقامة : khartoum المهنة : technition of nursing (coronarycare unit مزاجك اليوم : تاريخ التسجيل : 17/07/2008
| |
| |
الهندي بشير نابري قلم ذهبي
عدد الرسائل : 2809 الاقامة : المملكة العربية السعودية - الريــاض المهنة : Computer programmer مزاجك اليوم : تاريخ التسجيل : 08/09/2007
| موضوع: رد: يومياتي.. الأربعاء 15 أبريل 2009, 6:19 am | |
|
الأحباب الحضور للذوات الراقية إلفتها الخاصة وحضورها الاستثنائي في الخاطر .. والكلام معكم به الكتير الجميل .. لكن مواعن الحروف أضيق من شاسع بونها .. والقلب لايحتمل ولا يحتمل ولايحتمل .
* ابن عمي عبدالله نابري دوماً متألق ومواضيع ملتهبة ومثيره وجميلة كجمال روحك .. يومياتي خبر جميل . وكان للحديث مع صديق النعمة وقع فخيم في النفوس بصحبة أبو محمد بدر البدر .. في يوم جميل فكم اشتقت للحديث مع ذلك الرجل .... والحمد لله لميت في تلفونه وعترته فيهو .
* الحبيب عبدو كمبيوتر ياخي انا بريدك لله بس من غير سبب . انت سويت لينا شنو؟ انشاء الله عمرك أطول من عمري علشان يكون عمري كله فرحة بوجودي فوق ارضا انت فوقا.
* صديق النعمة يوم سمعت صوتك زادت فرحتي فرحه وانا قاعد في لمه فيها عبدو وبدر البدر وكنت بافتش ليك لي زمن .. اصلو اسمك يهجم وقلمك يجنن ولقيت المفتونين زيي كتييييييير . فرصــة جميلة كانت يومهــا ما قلوبكم صافية ونفوسكم طاهرة . لك الود يا فخر منتدى الجريف شرق .
* عامر ما انت الخير الفي الدنيـــا ولمة الأحباب ترد الروح أسألني منها لاقيتهم على ضفاف النيل بقيت أنضم بره راسي وأطربق عربي وأفرنجي وماسكاني فرحة ليوم الليله وشالوا مني حزن كتير كان جواي على فقد جدي ربنا يرحمه . شكرا ليكم وجودكم الجميل في الدنيا يزيدها ألقاً كل يوم .
* الحبيب المعز السماني .. ياااااااااااااااااه ياخي اشتقت ليك ياخي اشتقت لييييييييييييييييييييييك . المنتدى يعيش ويدوم خيره . وراجين يوم النشوفك معانا هنا
| |
|
| |
معذ السماني الحاج ياسين قلم ذهبي
عدد الرسائل : 624 الاقامة : السودان المهنة : محاسب مزاجك اليوم : تاريخ التسجيل : 27/07/2008
| موضوع: رد: يومياتي.. الأربعاء 15 أبريل 2009, 7:07 am | |
| كتب الهندي
الحبيب المعز السماني .. ياااااااااااااااااه ياخي اشتقت ليك ياخي اشتقت لييييييييييييييييييييييك . المنتدى يعيش ويدوم خيره . وراجين يوم النشوفك معانا هنا
الرايع الهندي ااخي تحيه من اعماقي موصله لك والله انا في قمت الشوق ولكن الذي يجعلني اصبر هوانني اتزكر ذالك اليوم الذين التقينا فيهي بجوار النيل وكم كانت اللقيه التي تجعل في نفسي الفرح اخي الهندي انشاء الله حنتلاقي قريبا فلك مني كل الود والي ابن عمك الرايع عبد اللله د و الود كمان ( وانتظروني انا جايكم انشاء الله ) ولينا عوده معز السماني | |
|
| |
| يومياتي.. | |
|