فطور العريس.....؟

السلام عليكم ...؟

فطور العريس من العادات والتقاليد القديمة والتي كانت من الحاجات المحببة دومآآ وهي تاتي بعد انتها مراسم الزواج في ثاني يوم من ايام المناسبة او يوم المناسبة الصباح ........؟
ناس العروس من الصباح يزينو في الجرادل والصواني ويجهزو البكسي ويرفعو فيهو لفطور .......؟
والعربية تدور والزغاريد تنطلق الي بيت العريس ويطلعو اهل العريس في الشارع العام ويستغبل اهل العروس الجابين الفطور ....؟
وينزلو الفطور والناس تاكل وكل واحد يتخارج
الصينية كانت قديمآآآ...
سكسكانية _ شعرية_وملاح النعيمية _ الطعمية_ وحاجات بسيطة
لاكين الوضع تطور وزادو فيهو شوية
بقت تجي فيهو تياب وخواتم دهب والفطور زاتو بيكون في فندق ويدوك هدية موبايل ويوزعو ليكم شوية اسكراتشات
وتقعد في الصفرة
البيتزا _ وهوت ضوق_جداد_سمك_
وبعد دا كلو تقوم تحلي تورتات وجاتوهات وكريمات و و و و .
ويا اهل العريس دايرين 5 مليون للفطور
كان دا بقا الحال اخير العزابة يا ود نابري ولا شنو..........؟
سؤال للجميع ...؟

الاخ العزيز جدا نبيل لك مني كل الود

موضوع جميل ورايع بس
ياريت لو كان معمم
بمعني اننا نتحدث عن تفاصيل العرس
كامله والحاجات القاعده تتعمل
عشان نشوف العرس صعب كيف
فعشان ما اكون بقول كلام خارج النص ونكون
ونكون بنقول كلام ومابنعمل بيهوا
داير اخد منك الازن في اني اعمم الفكره
ونتحدث عن العرس بصوره موسعه من
الجانبين (اهل العريس )و(اهل العروس )
ولك العتبه
ولينا عود
معز السماني

اخي برمبج ليك الفرصة واتفضل قول الدايرو عن تفاصيل العروس وانا بديك اهل العريس وانا بشيل اهل العروس ونبدا من وين (سد المال -الخطوبة-العقد-التعارف-ولا نخش في العرس طوالي )بس ناخد جانب العرس زمان والعرس هسي
انا في نظري نشوف العرس زمان وبعد داك نجي لي العرس اسي.........؟
وانا في رجاك تجي تتقدم ولا نجيكم نحنا يا اهل العريس؟
ههههههههههه

بلبل مشكور يارائع

وسيبك من كلام العزيز معز السمانى

والله يا معز ( اعمم الفكرة دى ) التعميم ده اوكامبوا ما يعملوا ؟؟؟؟؟؟؟؟؟؟؟؟؟؟؟؟؟؟

ويا اخوى النقول ليك فطور العريس بقه زى

طابور الصباح ال في المدرسة

يعنى سيك سيك الفطور راجيك

ولا شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والعتبى ليكم ...........

انا ما فاهم اي حاجة يا بلبل !!!!!!
الفطور ده البدفع قروشو منو؟!! نعلّو العريس!!!
الكان كدا خلينا على السكسكانية والشعرية !!
وبعدين هو عرس ولا عيد؟!!
والناس ذاتا ما فاضية لانو مجرد ما الحفلة تنتهي زول واحد تلقه يشيل معاك الكراسي مافي !!!
قبل كم يوم واحد من ناس مدني قال لينا العرس في السودان بكلف حوالي 100.000ريال 75 مليون سوداني !!! ودي تكلفة عروس واحدة بس .

وبجيك راجع .. موضوعك رهيب يدخل في الزول "خُلّعة " قدر دا حرام عليك ياخي!!.

نبيل احمد علي كتب:: كان دا بقا الحال اخير العزابة يا ود نابري ولا شنو..........؟
سؤال للجميع ...؟

الغالي نبيل والله مشتاقين بالحيل

لو سؤالك لي أنا بأقول ليك أخير العرس يا اخوي كلها ملاين وبتطير وبتبقى معاك العروس طول العمر
قلت لي كم مليون ؟؟؟؟ لاحولة ولاقوة الا بالله ... الحمد لله على مراد الله

عبدالله محمد نابري كتب:: قبل كم يوم واحد من ناس مدني قال لينا العرس في السودان بكلف حوالي 100.000ريال 75 مليون سوداني !!! ودي تكلفة عروس واحدة بس .
وبجيك راجع .. موضوعك رهيب يدخل في الزول "خُلّعة " قدر دا حرام عليك ياخي!!.

عبدالله .. تحياتي .. الموضوع فعلا يدخل في الزول خلعة شديدة والله

وقولة العرس بالفاتحة ياناس موحلال .. دي طارت في الهوا ..
رأيك شنو نعمل العبارة دي السؤال الأول لمسابقة من سيربح العشرة مليون
كم نسبة الرجال العرب الذين يؤمنون بهذه المقولة
1/ 0-20
2/ 21-45
3/46-70
4/ 70- 100

كتب العزيز الهندي

موضوع: رد: فطور العريس.....؟ فطور العريس.....؟ Icon_miniposted

اليوم في 5:58 am

عبدالله محمد نابري كتب:

قبل كم يوم واحد من ناس مدني قال لينا العرس في السودان بكلف حوالي 100.000ريال 75 مليون سوداني !!! ودي تكلفة عروس واحدة بس .
وبجيك راجع .. موضوعك رهيب يدخل في الزول "خُلّعة " قدر دا حرام عليك ياخي!!.

عبدالله .. تحياتي .. الموضوع فعلا يدخل في الزول خلعة شديدة والله

وقولة العرس بالفاتحة ياناس موحلال .. دي طارت في الهوا ..
رأيك شنو نعمل العبارة دي السؤال الأول لمسابقة من سيربح العشرة مليون
كم نسبة الرجال العرب الذين يؤمنون بهذه المقولة
1/ 0-20
2/ 21-45
3/46-70
4/ 70- 100
والله حلات ماطارت هسي
اكان قلته جزء عمه مابدوك
ولينا عوده
معز السماني

الهندي انشاء الله بخير ياخوي زمن العرس بي الفتاحة ما اقول ليك انتها ولا العرس بي البلح ما انتهي لالكين من الهسي بيديك بتو بي طن بلح
مشكور علي مرورك الهندي ........؟

عبد الله نابري سلامات يا وجية دا بس الفطور لحدي هسي ماشفت تسريحة العروس عند منو كدا(جحا) بي 5 مليون التسريحة ....؟ (والله تقول ما حتفك شعرها تاني )
مرورك يسعدني دومآآآ

كمبيوتر الغالي طابور المدرسة كلنا حنقيفو انشاء الله وحنجي برضو درس العصر
مشكور كما يقول عبد الله ستة شهور

الهندي والله الزمن دا بي طن بلح مايدوك زوجة...؟

العزيز معز السماني رفيق الدرب ما حتجو تتقدمو ياخوي راجنكم نحنا عشان تشوفوا الطلبات

ماتسالني دا ياتو درب يامعز....؟

فطور العريس من العادات السودانية الجميلة

ولكن فى الزمن ده اصبح (مظاهر وقشره)
يعنى الناس بقت تتنافس فيهو والعريس المسكين كان قروشو ما كتتتتتتتتار( الترابة فى خشمو)
عشان ست الحسن والجمال (العروس)تودى ليهو فطور معتبر وقابل للعرض وكده
اقل حاجة لازم يطلع للفطور ده (تلاته مليون)
وطبعا يابلبل الحاجة الانت ماعارفها انو الفطور ذاتو مابودهو بى اى (عده)
يعنى لازم تكون صوانى نيكل جميلة و مزينة طبعا ده كلو لزوم الفشخره وكده
اقايتو جنس بوبار
وبالمناسبة فى محلات خاصة لتجهيز فطور العريس
يعنى قصة كانونى وكانونك وحلتى وصينيتك دى الناس خلوها زماااااااااان
خلاصة القول
هى من العادات الجميلة بس كمان ماتكون بالبزخ ده
وللا رايك شنو ياعريس الغفلة(حسن)
يســـــــــــــــــــــــــر ولا تعســــــــــــــــــــــــــــــر

الله يستر يا تسالية من كلامك دا انا هسي باني امالي علي كانوني وكانونكم تجي تطلع لي فيها محلات تجهيز فطور العريس وصواني نيكل عاد دا كلام يا تسالية عبد الله مايسمعك اسكت ساي

[الاخ نبيل فعلا نحن فى الجريف بنجهد اهل العروس جهد شديد وما اكتفينا بالبيت والعفش زدنا عليه فطور العريس ولااجتهدنا نحن الشباب شوية بنغير العدات هذه وكان الله فى عون العندهم بنات والفت نظرك اخونا تسالية الى نقطة فايتة عليك سد المال البجيبوا العريس مايكفى ايجار الصيوان والكراسى وكل الاتعاب بكملة المسكين ابو العروس يفكر

الطيب الامام بكتب ليك الصباح وبقول ليك صباح الخير

والله يستر من سد المال
العروس تقول صحبتي جابو ليها مال 5.000.000 وانا عاوزة 6.000.000
والله بقت الشغلانية منافسة يا الطيب ياخوي تقول بورسات
مشكور علي المرور

بلبل ... ~ صباحك هادي وصافي ~
ياخي عندي استفسار بسيط ..
الواحد لو عرّس في رمضان هل برضو فطور العريس ده قائم؟

اسعد الله صباحكم ودامحمد خالى ونبيل اخوى واقولك الله يستر ما يكون فيها سحور وبنات الانترنيت والعولمة بعملنها يا حليل ناس الكورة والزبير الجيلانى

بلبل ... ~ صباحك هادي وصافي ~
ياخي عندي استفسار بسيط ..
الواحد لو عرّس في رمضان هل برضو فطور العريس ده قائم؟

عبد الله علي طلاق 7 نسوان الزمن ديل يخلوك تجيبو سحور العريس قايل نفسك بتطلع منو وين يا صاحبي

العزيز ودنابرى

والله مش تعرس فى رمضان

وراك وراك

وتانى حاجه المصيبة انو العرس خلوا

الواحد لو خطب قبل رمضان

في حاجة انيل من الفطور اسمها

موية اهل العريس يعنى يودوا لوازم

رمضان ( حلمر وآبرى ابيض ........ووآآآآآآآآآآآآآآآآآآآآآآآآآآآآآآآآآآآآآآآآآآآآى
ياود نابرى ).

ويا ووف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مهرك كم؟؟.

ودمتم ......

عزيزى عبدوا والله حيرتنا معاك ماتخوف الناس نجيك بى هناء تجينا بى هناء دحين يااخوى انت بتشرب القهوة مع الحبوبات عليك جنس محن

نساليه كتب:: اقايتو جنس بوبار
وبالمناسبة فى محلات خاصة لتجهيز فطور العريس
يعنى قصة كانونى وكانونك وحلتى وصينيتك دى الناس خلوها زماااااااااان
خلاصة القول
هى من العادات الجميلة بس كمان ماتكون بالبزخ ده
وللا رايك شنو ياعريس الغفلة(حسن)
يســـــــــــــــــــــــــر ولا تعســــــــــــــــــــــــــــــر
[/size]

[size=18]فعلا هذه من العادات التي تعيق الزواج
بالاضافه للاوائل
اول عيد
واول مولود
واول زياره للنسيبه واول واول

كلها مظاهر وبوبار وبزخ في الفاضي ..

تساليه ياخوي نحن مامقيمين في البلد يعني الفطور دا المستفيد منه ناس البيت والاسره وانت الذي تدفع الثمن
من المفترض مع الظروف الاقتصاديه المترديه في السودان وغلاء المعيشه الناس تترك العادات دي بدلا من تطويرها
لموبايلات وكروت شحن وعربات ومامعروف الجاي شنو !!!!!
حسبنا الله ونعم الوكيل.. والله يعرس للعزابه قبل ماتزيد العادات دي وتتضاعف ؟؟؟[/size]

معذ السماني الحاج ياسين كتب:

كتب العزيز الهندي

موضوع: رد: فطور العريس.....؟ فطور العريس.....؟ Icon_miniposted

اليوم في 5:58 am

عبدالله محمد نابري كتب:

قبل كم يوم واحد من ناس مدني قال لينا العرس في السودان بكلف حوالي 100.000ريال 75 مليون سوداني !!! ودي تكلفة عروس واحدة بس .
وبجيك راجع .. موضوعك رهيب يدخل في الزول "خُلّعة " قدر دا حرام عليك ياخي!!.

عبدالله .. تحياتي .. الموضوع فعلا يدخل في الزول خلعة شديدة والله

وقولة العرس بالفاتحة ياناس موحلال .. دي طارت في الهوا ..
رأيك شنو نعمل العبارة دي السؤال الأول لمسابقة من سيربح العشرة مليون
كم نسبة الرجال العرب الذين يؤمنون بهذه المقولة
1/ 0-20
2/ 21-45
3/46-70
4/ 70- 100
والله حلات ماطارت هسي
اكان قلته جزء عمه مابدوك
ولينا عوده
معز السماني

الغالي معز تحياتي وأشواقي ممزوجه بدعاش النيل أرسلها ليك وأسأل عنكم فردا فردا

قلت لي المقولة طارت خلاص لا فاتحة بتحل ولاجزء عما . هههههه الله يستر ويكضب الشينة

نساليه كتب:: وللا رايك شنو ياعريس الغفلة(حسن)
يســـــــــــــــــــــــــر ولا تعســــــــــــــــــــــــــــــر

لاااااااااااااااااااااا اله الا الله محمد رسول الله
انت عازي تضرب الزول ده في الأنكل مالك ياتسالية
.. هو قدر ودق صدرو الكلام الباقيين يعاينو ويعضو في اصابعينهم
بالمناسبة جيت سريع جيت . ولو اتأخرت شويه أنا حاحتفظ ليك بصحن العشا بتاعك
لاكن ما بأقد اثبت عبدالله من الرقيص لحدي ما انت تجي لأنو مهرجان الاحتفال بحسن
حيكون خرافي وخيالي وما حيكون في أي احباط أو سخط أو أي حاجه من القابيل ده
ههههههههه

نبيل احمد علي كتب:: الطيب الامام بكتب ليك الصباح وبقول ليك صباح الخير
والله يستر من سد المال
العروس تقول صحبتي جابو ليها مال 5.000.000 وانا عاوزة 6.000.000
والله بقت الشغلانية منافسة يا الطيب ياخوي تقول بورسات
مشكور علي المرور

أنا عندي اقتراح جميل جدا يا شباب بعد القراءة العملتها في اجازة عشره يوم للأوضاع في السودان
نحن معشر الشباب نعمل عزوف تام ونهائي من العرس ونصبر شويه قالوا المصريين جايين البلد
ونرفع الشعار ده وننشره بأقصى سرعة وانا متأكد أن المسألة دي ختتلف أعصاب البنات كلهن
واسعار الأسهم حتقل شديد وحنقد نشتري وقتها .. ولا رأيكم شنو يانبيل ؟؟؟

الطيب الامام الطيب كتب:: اسعد الله صباحكم ودامحمد خالى ونبيل اخوى واقولك الله يستر ما يكون فيها سحور وبنات الانترنيت والعولمة بعملنها يا حليل ناس الكورة والزبير الجيلانى

الطيب أمام عساك مبسوط وأيامك سعادة انت نسيت عمنا خليفة كازقيل مع الزبير الجيلاني والخطب العصماء
في الزيجات الجماعية .. جزاهم الله ألف خير قاموا بأعمال سيحكي عنها الدهر كثيراً

يـا أخــونـا كـدى قـولوا بــسم الله
الشئ دا ...فطــــور العـــريس!!!
ولا ...فطـــــور الشهــيـــــد!!!
ولا ... شـهـيـــــد الفـطــور !!!
ولـنـا عــودة بعـد مـا نغـسل إيـديـنـا بـمـاء الـذهـب.
خـضر حـسن

انت عارف يابلبل جيلنا ده لمن يحصل يتزوج حيحاول يلغي حاجات كتيرة لأنو المعيشة دي ماشة لي أغلى فحيطروا يلغو مواضيع كتيرة أوالبنات ديل حيبورو ، ولّا شنو؟