............
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

............

حبابك عشره يا زائر
 
الرئيسيةأحدث الصورالتسجيلدخول

 

 الشلوخ

اذهب الى الأسفل 
+6
معذ السماني الحاج ياسين
عبدالله محمد نابري
يحيي عثمان عيسي
صديق النعمة الطيب
عبدو(كمبيوتر)
نساليه
10 مشترك
انتقل الى الصفحة : 1, 2  الصفحة التالية
كاتب الموضوعرسالة
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: الشلوخ   الشلوخ Emptyالأحد 15 مارس 2009, 2:36 am

ما زالت الشلوخ او الفصاد فى السودان تزين وجه الحبوبات وربما الامهات بشئ من الاصالة والفخر

ولكنها تعد من العادات التى ترفضها بشده الاجيال الجديده واعتبرتها نوعا من استخدام العنف ضد المراه
والشلوخ اشتهرت بها عدة قبائل (الشوايقة والدناقلة والجعليين والهدندوه والبنى عامر)
وتختلف اشكالها من قبيلة الى اخرى.
والشلوخ قصد بها التميز القبلى كما قصدت بة الزينة واضفاء لمسه من الجمال
والشلوخ فى بعض القبائل لست تقاليد خاصة بالنساء فقط بل الرجال ايضا يصيبهم نصيبا من التقليد
ومن انواع الشلوخ (كى القلب) و(المطارق) و(الاتش)
هنال عادة غريبة تنسب الى بعض قبائل غرب السودان
وهى عبارة عن شلخ واحد على الخدين تعمل لمن توفى والده
والاسباب تعود على ان هذه الشلوخ تمنع الطفل من ان يحلم بوالده الميت(كلام غريب)!!!!
سؤال:
هل الشلوخ تشويه للجمال؟؟؟؟؟؟؟؟؟؟؟
مخرج:
في أغنية ياليل ابقالى شاهد فتحدث ابوصلاح عن جمال الشلوخ في هذه الابيات ...
خده البى مطارقه فاصد ...جامع كل قاصد
طرفه المكحول وراصد .....بى سهامه الالمونى


الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي
عبدو(كمبيوتر)


عدد الرسائل : 817
العمر : 39
الاقامة : khartoum
المهنة : technition of nursing (coronarycare unit
مزاجك اليوم : الشلوخ Pi-ca-50
تاريخ التسجيل : 17/07/2008

الشلوخ Empty
مُساهمةموضوع: رد: الشلوخ   الشلوخ Emptyالأحد 15 مارس 2009, 4:38 am

الشلوخ 143470745


تسلم يا سلم على الموضوع الموضوعى جدآ


وبجيك صادى
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي
عبدو(كمبيوتر)


عدد الرسائل : 817
العمر : 39
الاقامة : khartoum
المهنة : technition of nursing (coronarycare unit
مزاجك اليوم : الشلوخ Pi-ca-50
تاريخ التسجيل : 17/07/2008

الشلوخ Empty
مُساهمةموضوع: رد: الشلوخ   الشلوخ Emptyالأحد 15 مارس 2009, 5:05 am

الرحط والشلوخ

كانت الأسر في المجتمع السوداني تحرص على أن ترتدي الفتاة منذ فجر صباها ما يعرف بالرحط , وهو عبارة عن سيور ذات لون وردي جميل تشبك لتتدلى على جانب واحد من شعر الفتاة . ويرتدى الرحط ليدلل على عذرية الفتاة التي كانت تمشط شعرها بأسلوب دقيق ينم عن مهارة فائقة . وتستخدم في تلك العملية التي تعتبر شكلا من اشكال الزينة , خلطة من الطيب تسمى ( الرشة ) وهي عبارة عن عطر المحلب المسحوق المخلوط بالصمغ الذي يبرم به الجزء الاخير من كل ضفيرة من ضفائر شعر الفتاة .
ويجدر بنا أن نتحدث عن البنت السودانية التي كانت ترتدي الرحط وهي لم تتجاوز السابعة من العمر بعد ان نذكر بأنها تعاني من الخوف والقلق النفسي لانها تتهيا في هذه السن للاقبال على عملية مؤلمة , تنتظرها عاجلا ام اجلا لتزفها للدخول الى مرحلة النضج وفقا للمعايير الاجتماعية السائدة حينها . تلك العملية هي عملية الشلوخ وهي جروح طولية تخدد خدي الفتاة على الجانبين وتعتبر ايضا مظهرا من مظاهر التجميل وتزيين وجة الفتاة على نحو ماكان معروفا حينها . وكانت الفتاة تترقب في وجل ذلك اليوم وهي لاتقوى على معارضة اهلها .
وتعتبر عملية الشلوخ عملية بشعة ومؤلمة وتقوم بها في الغالب امراة معينة لا تعرف شيئا عن الاجراءات الصحية ولم تسمع عن التعقيم والجراثيم التي تصيب الجروح ولا تحس بخطورة هذه العملية المؤلمة ولكنها تحمل الموس الحاد بكل اطمئنان وتخطط خدود الفتاة بإستئصال اللحم منها , وتتكرر العملية بعد كل خط على جبين الفتاة لتكمل ستة أو ثمانية أو عشرة خطوط بطول الخد في الغالب وسط صراخ الفتاة من جراء الالم المبرح وهي تحاول الافلات دون جدوى من قبضة نساء قويات لا تعرف قلوبهن الرحمة أو الشفقة على الضحية المغلوب على امرها . وتمسك أولئك النسوة بذراعي الفتاة ويسبتنها حتى تكتمل العملية المؤلمة , وبعد ذلك تغسل الجروح ويوسع كل منها ثم يلصق علية القطن المشبع بالمحلبية والقطران , وتتعذب الفتاة المسكينة عدة اسابيع وهي تعاني آلاما مبرحة نتيجة للحمى وتورم الخدود , ويزيد سرور الاهل كلما كانت الشلوخ عميقة وعريضة في خدود البنت اليانعة , وعلى الرغم من خطورة هذه العملية إلا أنها كانت تعتبر مظهرا من مظاهر الزينة والجمال بالنسبة للمرأة السودانية , وتفيض الاغاني الشعبية لشعراء ذلك الزمن بالنمازج التي تغنت بجمال الشلوخ .
ولكن بحمد الله فقد انتشر الوعي وتحررت المرأة السودانية من هذه العملية البشعة التي لا اجد وصفا انسب لها من كلمة المجزرة ..
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالإثنين 16 مارس 2009, 12:09 pm

الرائع كمبيوتر

سلامات
فعلا عملية الشلوخ مؤلمة بشكل غير عادى
وفى اعتقادى لا تمد للجمال بصلة يعنى هو تشوييه اكثر من ماهو تقييف
واى امرأة (مشلخه)لو عاد بها التاريخ الى الخلف
سوف ترفض معظمهن الشلوخ لان معظمهن ارغمن واجبرن عليه
وان لم تكن تحب ذلك لاتقوى على معارضة اهلها لانه امر محتوم لايمكن التصدى له
والحمدلله الزمن تغير وحلت محل الشلوخ مستحضرات التجميل الحديثة
شكرا كمبيوتر دوما حاضر
ومبهج
مخرج:
ماشوهوك بفصاده على الخدود الساده *** طبيعى خلقة ربك مادايره اى زياده
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي
صديق النعمة الطيب


عدد الرسائل : 357
تاريخ التسجيل : 22/08/2008

الشلوخ Empty
مُساهمةموضوع: رد: الشلوخ   الشلوخ Emptyالإثنين 16 مارس 2009, 2:09 pm



ألف تحية أخي تسالية، فالشلوخ حقيقة عادة محيرة، و بتعكس فعلاً فهم انو معاير الجمال بتختلف من مكان لمكان و من جيل لجيل، و ربما ياتي جيل بعدنا و ينظر لكريم"ديانا" ومحاولات فسخ الجلد دي بنفس النظرة التي تلقينا بها الشلوخ، و عايز بس أضيف كمان "دق الشلوفة" و دي برضها عادة عذبت أجيال من حبوباتنا غايتو اكلوها في خاطرهم، ،،،

و يا عبدو بالله طممته بطنا كلو كلو من الشلوخ، ياخي دا ضبح عديل كده دا ما كان جمال دا، و الله يستر علينا من منظمات حقوق الانسان، غايتو جدودنا المات ارتاح و الحي لازم نعمل ليهو دفتر عشان نوكل ليهو محامي،،

عموماً يقال أن للموضة أو العادة سلطان و قوة و جبروت يهزم كل دفاعات الانسان من مبادئ و قناعات، و دا بفسر لينا سريان الموضات بصورة مذهلة و سط المجتمع، و لا تستثني حتى المتعلمين، لذلك لا نعجب عندما نرى هذا الإصرار رغم العذاب على التقيد بهذه العادات، خصوصاً بين النساء، فتجد الواحدة رغم عذابها و كرهها للعادة إلا أنها تنساق خلفها بلا وعي، بمعنى أنها تتنازل عن عقلها و تفعل ما يريده الناس حتى و لو كان في ذلك هلاكها، و ده برضو بوضح الكثير من المشاكل التي يقع فيها الناس لأنهم تنازلوا عن عقولهم طواعية، عشان كده يا تسالية لو الزمن عاد بتفاصيله فاحتمال كبير المرأة المشلخة تختار الشلوخ تاني لسبب بسيط لأنها ستفكر بعقل الجماعة،،،،

عموما هذه العادات تبدأ في الانحسار مع انتشار العلم و الثقافة في المجتمع، و عقبال ما تنتهي قصة الخفاض، و ما تبعها من عادات،،،

يا تسالية خلي بوستك ده يكون للعادات المذمومة في المجتمع عموماً و كل واحد شايف حاجة غلط يا خوانا يخش، و ألف تحية علي أفكارك،



الرجوع الى أعلى الصفحة اذهب الى الأسفل
يحيي عثمان عيسي
عضو فعال
عضو فعال
يحيي عثمان عيسي


عدد الرسائل : 168
مزاجك اليوم : الشلوخ 7azeen10
تاريخ التسجيل : 18/12/2008

الشلوخ Empty
مُساهمةموضوع: رد: الشلوخ   الشلوخ Emptyالإثنين 16 مارس 2009, 7:32 pm


يا عبده كمبيوتر

من ابجديات الكتابة ان نعطي مصادرنا التي نستقي منها معلوماتنا حقها الادبي
فالمعرفة حق مشاع للجميع وجميل ان تنقل لنا ما قراته لنزداد معرفة

ولكن ان تنسب ما كتبه غيرك لنفسك بكل بساطه فهذا لا يقبل وهي سرقة ادبيه تحاسب عليها قانونيا

ماكتبته عن الشلوخ هو بالحرف الواحد موضوع الزميل "مقنع الكاشفات "في منتديات عشاق السودان بتاريخ 13/5/2007
العزر الوحيد لك هو ان تكون انت مقنع الكاشفات وهنا لك الحق واعتزر

نحرص كل الحرص على سمعة و سلامة المنتدي لذا ارجو من الادارة التحقيق في هذا الموضوع



الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي
صديق النعمة الطيب


عدد الرسائل : 357
تاريخ التسجيل : 22/08/2008

الشلوخ Empty
مُساهمةموضوع: رد: الشلوخ   الشلوخ Emptyالثلاثاء 17 مارس 2009, 5:06 am

أخي يحي أنا أعتقد جازماً أن عبدو لم ينسب الوضوع لشخصه، و هذه ليست محاولة للرد عنه، فهو على ذلك أجدر،
و الدليل على ذلك أسلوب الكتابة و اللون و الترتيب و حجم الخط، كلها دلائل قطعية تشير إلى أن الموضوع ليس للأخ عبدو، و من نافلة القول أن الشخص لا يستطيع أن يغيير أسلوبة حتى لو حاول ذلك، فهو كالبصمة في اليد،،
و ما حدث لا يعدو أن يكون سهو من فرط السرعة في المشاركة في ظل المشغوليات و أعباء الحياة فيما يبدو، و لكن كل ذلك لا يعفيه من ضرورة عمل ما هو ضروري،،،،
عموماً، لك التحية أخونا يحي على المتابعة التي تدل على إلمام و متابعة حصيفة لكل ما يتعلق بالمواضيع، إضافة لأننا استفدنا حاجة جديده من خلال تنويهك و ضرورة إعطاء الحق الأدبي لمصادر و مظان ما نكتب،،،
المهم أننا استمتعنا بكتابة الأخ عبدو و استمتعنا بتعليقك و استمتعنا بطرح الموضوع من أخونا تسالية و استمتعنا بوجودنا معاكم،،،،
و الظاهر إنو المنتدى فعلاً أصبح مصدرمن مصادر المعلومات،،،
و لك التحية أخي تسالية،،،
يا تسالية ما هي العلاقة بين الخفاض و الشلوخ، فكلاهما تعذيب و تشويه للمرأة، و لا رايك شنو؟؟؟؟

الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي
عبدالله محمد نابري


عدد الرسائل : 968
العمر : 115
الاقامة : kSA - RIYADH
المهنة : Chief Accounts
مزاجك اليوم : الشلوخ Pi-ca-22
تاريخ التسجيل : 04/06/2008

الشلوخ Empty
مُساهمةموضوع: رد: الشلوخ   الشلوخ Emptyالثلاثاء 17 مارس 2009, 7:54 am

تسالية شايفك ماشي كويس !!

وانا عارف انو موضوع ختان الاناث حارقك شديد .. فبديت بالبطان والشلوخ ..
المهم يا راقي مثل هذه العادات بتنتهي بمرور الزمن بمعني ان لكل زمان ناس وافكار وعادات وتقاليد وبتقدم الزمن العادات الضارة دي بنتهي من تلقاء نفسها بحث لا يصبح من المنطق الاستمرار فيها .. بس لا شك انها في ذلك الزمن كانت لها دلالتها وجمالها ..
ذي "الخنفس" وهو الشعر الكتير "ده لناس الشهادة العربية" المهم الخنفس ده انتهي من الوجود "شفت ليك خُلال قريب ؟!!"
كنت اتمني ان تتناول هذه الظاهرة من ناحية تاريخية من هم اول من ابتكروها وماذا تعني كما ذكر كمبيوتر يعني في مشلخين 111 وفي ناس حرف T وفي ناس سلم H ومنهم الوالد ..
وسمعت ان هناك مقولة تقول ان الشلوخ اتت من الاستعمار للتفرقة بين القبائل وانا غير متأكد من صحة هذه المعلومة .. ارجو ان تزبد البوست ده شوية يا جميل
م ش ك و ر س ت ة ش هـ و ر
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي
عبدالله محمد نابري


عدد الرسائل : 968
العمر : 115
الاقامة : kSA - RIYADH
المهنة : Chief Accounts
مزاجك اليوم : الشلوخ Pi-ca-22
تاريخ التسجيل : 04/06/2008

الشلوخ Empty
مُساهمةموضوع: رد: الشلوخ   الشلوخ Emptyالثلاثاء 17 مارس 2009, 8:01 am

الاخ يحي عثمان ...

مشكور للاهتمام وده دليل على الحرص والمتابعة .. بس عاوز اقول ليك ذي ما ذكر "النعمة" صديق النعمة انو اي كاتب ليهو اسلوبو .. وتأكد تماما انو لو كان كمبيوتر كاتب الكلام ده كان خته ليك صورة ولا شكل ذي ديل يفكر lol! music
الرجوع الى أعلى الصفحة اذهب الى الأسفل
http://www.basilholding.com
معذ السماني الحاج ياسين
قلم ذهبي
قلم ذهبي
معذ السماني الحاج ياسين


عدد الرسائل : 624
الاقامة : السودان
المهنة : محاسب
مزاجك اليوم : الشلوخ Mostmt10
تاريخ التسجيل : 27/07/2008

الشلوخ Empty
مُساهمةموضوع: رد: الشلوخ   الشلوخ Emptyالثلاثاء 17 مارس 2009, 8:09 am

الرايع تساليه الاخوه

المتداخلين التحيه لكم جميعا وتحيه
خاصه اتساليه
في البدايه الموضوع رايع واظن ان الاخ تساليه
بقي اخصائي العادات والتقاليد لانو قبل كده فتح
موضوع (البطان ) وهسي فتح (الشلوخ )التحيه لك اخي
تساليه علي الروعه
بالنسبه لي اري ان هذه العاده سئيه جدا
ولكن اصبحت تتلاشي مع مرور الزمن وسوف اقول
لكم كما قال ايمن السر في موضوع البطان
ان هذه العادات تتلاشي بمرور الزمن (هذا في معني الكلام للرايع ايمن السر )
ولينا عوده
معز السماني
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي
معذ السماني الحاج ياسين


عدد الرسائل : 624
الاقامة : السودان
المهنة : محاسب
مزاجك اليوم : الشلوخ Mostmt10
تاريخ التسجيل : 27/07/2008

الشلوخ Empty
مُساهمةموضوع: رد: الشلوخ   الشلوخ Emptyالثلاثاء 17 مارس 2009, 8:19 am

الاخ يحيي التحيه لك اولا

والتحيه للاخ عبدو للتعليق الرايع
اخ يحيي اود ان اقول لك الاساس في هذا المنتي
الفايده العامه بقض النظر عن كاتب الموضوع
واظن ان الاخ عبدو وصل الفكره بقض النظر
عن انو الكاتب عبدو ولا غيرو بعدين انا شايف انك (ساكي عبدو )
ماعارف ده قصد ولا مداعبه ولك كوم من الود
ولينا عوده
معز السماني
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالأربعاء 18 مارس 2009, 6:02 am

صديق النعمة الطيب كتب:



عموماً يقال أن للموضة أو العادة سلطان و قوة و جبروت يهزم كل دفاعات الانسان من مبادئ و قناعات،

الدعاش

صديق النعمة
طبعا كلامك ( المقتبس داك)قمة الروعة وماقدرت اعلق عليهو يعنى قلبنى عديل
ولكن يانعمة مسألة المراة تقبل بالشلوخ لو عاد بيها الزمن دى ماوارد وكلامى ماعن فراغ
لانو كما ذكرت معظمهن كانو لايستيعن ان يرفضن او يعارضن اهلهن
وانا سألت 3نسوان فى حلتنا(ممكن ناخذهن قاعده) لماذ تشلختن
فاكدن انهن لم يكن يستطعن الرفض لان اهلها فى ذاك الزمن يمكن يضربهن بسبب الرفض
واما بخصوص اسلايب التجميل الحاليه (كريم روز وكلى وديانا والامير تشارلز) انا شخصيا ضدها
فهى لاتقل ضررا عن الشلوخ ويجب محاربتها بشتى السبل
وبامانة شديده
انت فى بصحى فى جواى شى وانت مافى ينفلت دمع القوافى
مؤونة عام من الود
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي
صديق النعمة الطيب


عدد الرسائل : 357
تاريخ التسجيل : 22/08/2008

الشلوخ Empty
مُساهمةموضوع: رد: الشلوخ   الشلوخ Emptyالأربعاء 18 مارس 2009, 7:09 am

تحياتي أخي تسالية،،،

بس لو كملت الجملة كنت لقيت إننا متفين، لأني قلت "لو الزمن رجع بتفاصيله" طبعاً التفاصيل دي مقصود بيها الثقافة الكانت سائده وقتذاك، يعني المره ما كان عندها حرية اختيار، و كل ما يقوله المجتع يجب أن تنصاع له، لأنو زمان ما كان في حاجة اسمها الإستقلالية و حرية الاختيار و أقنعني و أقنعك، العادة كانت مقدسة و المساس بها يعنيي المساس بالقبيلة كلها، و لو رفضت المره ممكن كان ما يتقدم ليها راجل و تبور بورة العدو و تبور اخواته معاها،،
عموماً و الله كلامك جميل و رائع، بس خلي البوست شغال ما تغيب، لأنو في عادات كتييييرة مازالت حية و عايزة البتر،،،
لك عاطر التحايا،،،
بس أنا المحيرني النسوان ديل زمان كانو جنس لطيف زي أسه، و لا الحكاية شنو لموا فيهم تقول بس مراح بقر قطعك قطعك قطعك ما خافو فيهن الله المسكينات، و العجب دق الشافيف "الشلوفة" لأنو شفايف أسه دي الله أعلم يقدرن علي الدق بالإبر، أسه عليك الله لو كانو فكروا لينا في اختراع ما كان أحسن،،،
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالأربعاء 18 مارس 2009, 8:30 am

يحيي عثمان عيسي كتب:

يا عبده كمبيوتر

من ابجديات الكتابة ان نعطي مصادرنا التي نستقي منها معلوماتنا حقها الادبي
فالمعرفة حق مشاع للجميع وجميل ان تنقل لنا ما قراته لنزداد معرفة

ولكن ان تنسب ما كتبه غيرك لنفسك بكل بساطه فهذا لا يقبل وهي سرقة ادبيه تحاسب عليها قانونيا

ماكتبته عن الشلوخ هو بالحرف الواحد موضوع الزميل "مقنع الكاشفات "في منتديات عشاق السودان بتاريخ 13/5/2007
العزر الوحيد لك هو ان تكون انت مقنع الكاشفات وهنا لك الحق واعتزر

نحرص كل الحرص على سمعة و سلامة المنتدي لذا ارجو من الادارة التحقيق في هذا الموضوع




الجميل يحى

سلامات
ومن ابجديات المنتديات ان لا تحرج اخاك
نعرف يا يحى كونو الانسان يستقى افكاره من الغير ابدا ماعيب ولاجريمه
وكونو كمبيوتر عبر عن رفضة للمارسة الشلوخ باسلوب او بافكار غيره مافيها حاجة
تعرف الجريمة شنو؟؟
انو تسرق افكار غيرك وتنسبها لك لكن تأيد وتساند شخص فى رايه دى ماسرقة
وعبدو كمبيوتر أيد وساند(مقنع الكاشفات)فى رايه فى مسألة الفصاد وحب ينقل هذا الراى بصورة او باخرى
انتهى...
منتظرين رايك فى مسالة الشلوخ يايحى ياعثمان
الرجوع الى أعلى الصفحة اذهب الى الأسفل
يحيي عثمان عيسي
عضو فعال
عضو فعال
يحيي عثمان عيسي


عدد الرسائل : 168
مزاجك اليوم : الشلوخ 7azeen10
تاريخ التسجيل : 18/12/2008

الشلوخ Empty
مُساهمةموضوع: رد: الشلوخ   الشلوخ Emptyالأربعاء 18 مارس 2009, 4:35 pm

مدخل اول


هنالك عضوان اهتم لهما كثيرا هما
عبده كمبيوتر
الرومانساي
لاساب ساعود لها في خاتمتي

مدخل ثاني
كل من حاول الدفاع عن عبده كمبيوتر وبالتالي التقليل من شخصي تلميحا او تصريحا
اقول لكم انتم مخطئون لم تتجاوز دفوعاتكم العلاقات الشخصية
لم تتعاملوا مع ماكتب عبده او ما كتبته الا من خلال الحروف فقط ( فعميت عليكم )

الموضوع يا احباب ابسط مما تتصورون
عبده ويحي ادركو ان الكتابة عن موضوع يمس تكوين الشخصية السودانية يجب ان لا يكون انشائيا فقط
لا بد من المعلومة والبحث عنها الامر متعب ولكن الموضوع يحتاج الي ذلك ولابد ان نقدم للمنتدي المعلومة الصحيحة العلمية والتاريخية وغيرها

بكل بساطة كتبنا علي " القوقل " كلمة الشلوخ وضغطنا على زر بحث ( ادعوكم لتجربة ذلك ) وانهالت المعلومات وكان من ضمنها موضوع الزميل مقنع الكاشفات وهنالك معلومات سال عنها بعض الاعضاء قمت ببطباعتها وترتيبها للمساهمة بها في الموضوع فهي في غاية من الاهمية والروعة ( لكن الظاهر حافتش عن مكان تاني )
ها هو عبده يتعب لكم
وانتم بكل بساطة تكتبون مرتاحين ولابد ان تاتي كلماتكم مرتاحة

اخطأ عبده فخفت عليه من المساءلة الادبية لا قدر الله
وان ينتبه لهكذا اشياء
احيانا لابد ان نقسو على من نحب لاننا نحبهم


لماذا عبده والرومانسي
يمتلكون الحس ,,.....ويحاولون باجتهاد تطويع المفرده ..... احس بتعب المخاض في ما يكتبون
تاكدت باننا سنفخر بهم يوما ما

الاخ المشرف تسالية
اسمي يحيي عثمان عيسي
وليس يا يحيي يا عثمان لن ارد على مثل هذا فقد علمتني تجارب الكتابة ان ردي سياتي لصالحك وخاصة انت مشرف ولكن ما يهمني فوق كل ذلك هل فهمت الفرق بين ساكي عبده ومهتم بعبده ؟

وهل احسست الفرق بين ما كتب في 13/5/2007 وبين ما كتب في 15/03/2009م
لك يدوم ابدا الحب والود القديم


الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي
ابو تراجى


عدد الرسائل : 903
مزاجك اليوم : الشلوخ 3dwane10
تاريخ التسجيل : 11/03/2008

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 4:16 am

الحاصل شنو؟؟؟
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي
معذ السماني الحاج ياسين


عدد الرسائل : 624
الاقامة : السودان
المهنة : محاسب
مزاجك اليوم : الشلوخ Mostmt10
تاريخ التسجيل : 27/07/2008

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 4:44 am

الاخ يحيي عثمان عيسي

انا لمن كتبت تعليقي عن انك (ساكي عبدو)
كان هذا الكلام من اجل المداعبه لا اكثر واظنك
لم تفهم قصدي المهم في الموضوع انني لم اقصد ان
الومك او اعتب عليك ومن حققك ان تقول ريك في ما كتبه عبدو
ولكن الشي الذي لفت نظري انك دايما في الهجوم علي عبدو في
الكثير من المواضيع المطروحه عشان كده انا قمت بمداعبتك
وانت فهمت الموضوع بطريقه تانيه وقمت بنقل المعلومات التي تعرفها
الي مكان اخر حسب كلامك فانا من هنا اقدم اعتزاري لك ولكل المتداخلين
وارجو ان تقوم بمواصلة البحث وتمدنا بالمعلومات وليك كوم من الود
ولينا عوده
معز السماني
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي
صديق النعمة الطيب


عدد الرسائل : 357
تاريخ التسجيل : 22/08/2008

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 4:55 am

يا خوانا البتكلم تسالية و لا ابو تراجي و لا الحاصل شنو يا خوانا فهمونا،

عموماً الظاهر إنو الجميع بتكلم بصوت واحد في سبيل تقريب وجهات النظر و الكل مجمع على ضرورة البساطة و افتراض حسن النوايا في الجميع و ده مبدأ،،،
يا عبدو انت غلطان و لم تكتب مصدر الموضوع،،
و يا يحي إنت غلطان و أحرجت عبده و كان ممكن يتم العلاج بصورة تانية،،،
يا عبدو إنت صاح لأنك عايز تشرك الجميع فيما تقرأ،،،
و يا يحي إنت صاح لأنك طبقت مبدأ أدبي،،،
و يا جماعة إنتو غلطانين لأنكم شنيتو هجوم كاسح على يحي،،،
و يا جماعة إنتو صاح لأنكم طيبتو خاطر عبدو،،
و يا جماعة الإختلاف شيء طبيعي، و ده الشي البنكلم عنو في "فاوضني بلا زعل" و "دعونا نتفق" و مواضيع أخرى لا تعد و لا تحصر،،،
طيب السؤال:
إذا كنا نحن البنعرف بعض بعمق ما قادرين نحتوي خلافاتنا، فهل سينتظر منا أبناء الجريف أن نوفق بينهم، و الجريف مليانة خلافات و مشاكل ينتظر منا حلها و ليس تعقيدها؟؟؟؟؟؟؟؟؟؟
و الله الحياة أبسط من إنك تخسر زول في سوء تفاهم، و بعدين يا جماعة نحن قربنا من الموت يعني قطعنا سنة و ستة شهور تقريبا دي بس من ما بدينا المنتدى يعني قربنا، و الله يعلم فضل لينا كم،،،،
بس عشان الناس ما يجيها يوم و تفتش للواحد عشان تعتذر ليهو يقولو ليك غادر إلى الدار الآخرة، و تبقى الحسرة جواك ما عارف تسوي شنو؟؟؟؟
لازم كل واحد مننا يعرف إنو غلطان و لازم يكون في عمل مستمر عشان يصلح غلطو لأننا ببساطة من بني الإنسان، و يا جماعة و الله الجماعات و التجمعات ما بتقوم على العمل الصحيح و المنظم بقدر ما انها بتقوم على التراحم و التجاوز و المدافعة و المناصحة و محاولة الوصول لما هو صحيح،،،
و يا يحي ما تقول انتهينا،
نحن لسه ما ابتدينا،،،
و بعدين دي ما كانت شلوخ دي، شلختنا و فصدتنا،،
يا تسالية إنت قاصد الشلوخ بتاعة العادات و التقاليد و لا شلوخ المطاوي و السكاكين، الحمد لله الكنا في النت، أسه كان تلقى ما عارف شنو كده ؟؟؟
ألف تحية لك أخي يحي و عبدو

الرجوع الى أعلى الصفحة اذهب الى الأسفل
يحيي عثمان عيسي
عضو فعال
عضو فعال
يحيي عثمان عيسي


عدد الرسائل : 168
مزاجك اليوم : الشلوخ 7azeen10
تاريخ التسجيل : 18/12/2008

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 6:08 am

الاحباب دوما


الانتماء مسؤلية تترتب عليها التزامات لايد من تحملها والوفاء بها والا فانها الخيانه في ابشع صورها ...وهذا ما لا ارتضيه لا لنفسي ولا لغيري

وهكذانتمائي لهذه المنتديات ترتبت عليه مسؤليات لابد من القيام بها في اطار الثوابت التي ارتضيناها جميعا .



وكما لنا الحق الدخول على منتديات الغير والاستقاء منها ايضا لغيرنا الحق في متابعة ما نكتب والاستقاء منه
اذا المنتديات بهذا الوضع " شئنا " ام ابينا تعدت الجريف واصبحت في مدارها القطري والعالمي وهذا مدعاة ان نكون على قدر كاف من الايفاء بانتمائنا .


نعم لنا خصوصياتنا كما هو واضح لكل من يدخل على منتديات الجريف شرق ولنا الحق في ممارستها لا ناسين ولا متناسين مسؤلية انتمائنا .

كنت اظن اننا فهمنا ماكتبناه عن "الاختلاف " وكيف نتختلف كما كنت اظن اننا فهمنا ما كتبناه عن " كيف تطور المنتدي " و"نداء المنتدي "


عبده كمبيوتر
صمتك جميل

"وغضبك جميل
زي بسمتك "

صديق النعمة
ادا كنت في كل الامور معاتبا اخاك
لم تلق الذي لا تعاتبه
احسها دوما من خلال كلماتك فانت القلب الكبير

تسالية
تريث قليلا لا تستعجل... الحيادية في الحكم لابد منها خاصة وقد ارتضيت ان تكون مشرفا ورغم كل ذلك لك حبي والود القديم

الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي
الهندي بشير نابري


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم : الشلوخ Pi-ca-22
تاريخ التسجيل : 08/09/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 8:09 am

ابو تراجى كتب:
الحاصل شنو؟؟؟


أبو تراجي الحاصل ريدة شديده ... بس زي زول بريد زول عضاهو في جضوموا
وسنونو ظهرت في الجضوم .. ناس تضحك وناس خجلت وناس زعلت وضحكت ...

ياسيدي ريده شديده ناسنا ديل منهم مافي .. انت بس ارقد قفى متلي كدى ود النعمة
وأ.يحيى وعبدو ومعز وأخينا فلان وعبدو نابري وكل المتداخلين يعدلاو راس كون مخروب

وترانا قاعدين كل يوم نتعلم في شيتاً جديد .. يوم نختلف ويوم نتفق ... وكله بفايدة
عليك الله يا ابو تراجي سخن تاني زي زمان وعيد لينا الأيام الحلوة وبأنادي ليك ود ريا
وهدا تسالية قاعد متمهل ... عليييييكم الله عيدو الأيام الحلوة خلو زينكوف يقعد يتطاقش
ومحل مايمشي يغلبوا... هههه علييييييك الله

الرجوع الى أعلى الصفحة اذهب الى الأسفل
https://aljraif.yoo7.com
الهندي بشير نابري
قلم ذهبي
قلم ذهبي
الهندي بشير نابري


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم : الشلوخ Pi-ca-22
تاريخ التسجيل : 08/09/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 8:17 am

نساليه كتب:
والشلوخ قصد بها التميز القبلى كما قصدت بة الزينة واضفاء لمسه من الجمال
والشلوخ فى بعض القبائل لست تقاليد خاصة بالنساء فقط بل الرجال ايضا يصيبهم نصيبا من التقليد
ومن انواع الشلوخ (كى القلب) و(المطارق) و(الاتش)
سؤال:
هل الشلوخ تشويه للجمال؟؟؟؟؟؟؟؟؟؟؟


نحنا الليله بنرى الشلوخ هيبة ان صح التعبير في وش الحبوبه ...
لكن النصيحة لايمتن للجمال بأي صلة .. ناهيك عن المضار الصحية
فالبقت بقت وحبوباتنا سلمن الحمد لله وعاشن وماتن لكن في البنية الضغيره لما يشلخوها
وعلى قول صديق دق الشلوفه ........ لاااااحوله .. جسمي قام شوك شوك .. الحكاية شنو
فعلا العادات والتقاليد كانت مقدرســات ولا أظننا نملك الحكم عليها نظرا لاختلاف المعايير بين اليوم والبارحة الماضي

ارقد بعافية يا تسالية ... مبارنك من بطان وجلد لشلوخ ودق شلاليف تاني ماش وين مامعروف
مواضيعك جميلة وسودانية ميه في المية
الرجوع الى أعلى الصفحة اذهب الى الأسفل
https://aljraif.yoo7.com
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 11:03 am

عبدالله محمد نابري كتب:
تسالية شايفك ماشي كويس !!

وانا عارف انو موضوع ختان الاناث حارقك شديد .. فبديت بالبطان والشلوخ ..
المهم يا راقي مثل هذه العادات بتنتهي بمرور الزمن بمعني ان لكل زمان ناس وافكار وعادات وتقاليد وبتقدم الزمن العادات الضارة دي بنتهي من تلقاء نفسها بحث لا يصبح من المنطق الاستمرار فيها .. بس لا شك انها في ذلك الزمن كانت لها دلالتها وجمالها ..
ذي "الخنفس" وهو الشعر الكتير "ده لناس الشهادة العربية" المهم الخنفس ده انتهي من الوجود "شفت ليك خُلال قريب ؟!!"
كنت اتمني ان تتناول هذه الظاهرة من ناحية تاريخية من هم اول من ابتكروها وماذا تعني كما ذكر كمبيوتر يعني في مشلخين 111 وفي ناس حرف T وفي ناس سلم H ومنهم الوالد ..
وسمعت ان هناك مقولة تقول ان الشلوخ اتت من الاستعمار للتفرقة بين القبائل وانا غير متأكد من صحة هذه المعلومة .. ارجو ان تزبد البوست ده شوية يا جميل
م ش ك و ر س ت ة ش هـ و ر
الوارف عبدالله نابرى

والله موضوع ختان الاناث حارقنى حرقة شديده وانت شفتنو ليهو زمن مكتوب وقاعد فى الدرج
لكن قريب بنزلو(اصلو اخوك عامل نفسو نصير المرأة وكده)
والحمدلله اندثرت عادة الشلوخ وهى فعلا بجانب انها للتجميل كانت للتمييز القبلى
بس هنالك سوال يؤرق مضجعى لو افترضنا انها للتجميل لماذا يشلخ الرجل طبعا مامكن يكون لتجميلة
طيب ليه؟؟؟؟ده سؤال للكل
وباوعدك اخد لى جكه صغيره لقوقل واجيب ليك تاريخها
كسرة:
والله ياعبدالله خدك الاسل ده فيهو حلاة (T ) شلوخ مع الظاره دى بتبقى بادى احمد الطيب عديييييل
مخرج:
والخد السادة يشبهه الشعراء بالمراية حيث أن المراية لامعة لاتوجد عليها خدوش
حيث قال ‏الجاغريو في أغنية الحجروك حبي ...‏

ايه يعنى المرايه .... مع خدك الذهبي ‏
انا من دون درايه ....اهتف بيك براى ‏
قدامـى ووراى .... حبك اعلن حربى ‏

مؤونة عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 11:51 am

معذ السماني الحاج ياسين كتب:
الرايع تساليه الاخوه

المتداخلين التحيه لكم جميعا وتحيه
خاصه اتساليه
في البدايه الموضوع رايع واظن ان الاخ تساليه
بقي اخصائي العادات والتقاليد لانو قبل كده فتح
موضوع (البطان ) وهسي فتح (الشلوخ )التحيه لك اخي
تساليه علي الروعه
بالنسبه لي اري ان هذه العاده سئيه جدا
ولكن اصبحت تتلاشي مع مرور الزمن وسوف اقول
لكم كما قال ايمن السر في موضوع البطان
ان هذه العادات تتلاشي بمرور الزمن (هذا في معني الكلام للرايع ايمن السر )
ولينا عوده
معز السماني
الرائع بروعة بلادى

معز السمانى
اول حاجة وين انت ياغالى؟؟؟
الحاجة التانية
لسه هو انت شفت حاجة مع روتانا ههههه ههههه
والله بس قلنا نوثق ما اكتر من كده وجاييك الختان ودق الشلوفة يالذيذ
المهم كل المداخلين اتفقوا على مساوىها وده المهم
وحاول واصل يعنى ماتتلاشى زى الشلوخ
مؤونة عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي
نساليه


عدد الرسائل : 760
العمر : 44
الاقامة : السعوديه_الخبر
المهنة : تلميذ فى مدرسة الشعب
مزاجك اليوم : الشلوخ Mostmt10
تاريخ التسجيل : 25/10/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 12:06 pm

الهندي بشير نابري كتب:
كتب:
[[/size]


نحنا الليله بنرى الشلوخ هيبة ان صح التعبير في وش الحبوبه ...
لكن النصيحة لايمتن للجمال بأي صلة .. ناهيك عن المضار الصحية
فالبقت بقت وحبوباتنا سلمن الحمد لله وعاشن وماتن لكن في البنية الضغيره لما يشلخوها
وعلى قول صديق دق الشلوفه ........ لاااااحوله .. جسمي قام شوك شوك .. الحكاية شنو
فعلا العادات والتقاليد كانت مقدرســات ولا أظننا نملك الحكم عليها نظرا لاختلاف المعايير بين اليوم والبارحة الماضي

ارقد بعافية يا تسالية ... مبارنك من بطان وجلد لشلوخ ودق شلاليف تاني ماش وين مامعروف
مواضيعك جميلة وسودانية ميه في المية

شفتك ابتهجت وين ياغالى انت؟؟؟

سلامات يارائع
تعرف ياهندى الجمال شئ نسبى يختلف من مجتمع لآخر وما يراه
البعض جمالا يراه ‏الآخرون شيئا قبيحا..
السمة الجمالية لهذا اليوم يمكن أن تتغير إلى ضدها في يوم آخر بتغير ‏المجتمع والعادات والتقاليد
والشلوخ أصبحت تشويها للوجه وضياعا لملامح الإنسان بعد أن ‏كانت سمة جمالية يتغنى بها
و أظن إن انتشار التعليم والتلاقح الثقافي هذه الأسباب مجتمعة كانت لها ‏الأثر الكبير
في تطور المجتمع وتغير نمط حياته وثقافته وفى هذه الفترة بدأت الشلوخ في ‏الاختفاء بل أصبح الكثير من الناس يستنكرها وينظر لها كتخلف وتشويه للوجه وقبح ..
بينى وبينك شوق وتواصل يالذيذ
مؤونة عام من الود
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي
عصام عبدالصادق


عدد الرسائل : 429
تاريخ التسجيل : 23/09/2007

الشلوخ Empty
مُساهمةموضوع: رد: الشلوخ   الشلوخ Emptyالخميس 19 مارس 2009, 12:40 pm



نشكر أخونا تسالية لتطرقه لواحدة من عاداتنا السودانية
ونشكر كل المتداخلين في هذا البوست وكنت أتمنى من البعض التركيز على موضوع البوست وإثراءه ببعض المعلومات القائبة عنا جميعاً ، وأما الأخوين العزيزين أستاذنا يحى عثمان عيسى وحبيبنا عبدو ومن خلال متابعتي لهم لكل ما سطرته أناملهم في بعض الأقسام أجد دوماً مشاغبات لذيذة ولكل أسلوبه الخاص .
لذا لا أجد أي غضاضة في مداخلة أستاذي يحي .. لأنه يعلم جيداً فيما يتحدث وبأي لغة يخاطب ومن هو المخاطب .. وأعتقد أن رسالته مزدوجة وفي كل الإتجاهات ومبنية على الآتي:
أولا تكملة ما بدأه مع حبيبنا عبدو في مداخلات سابقة وهم قانعين بأسلوبهم سوياً وكل نحو الآخر وبدون الخروج عن نص الإلفة والمحبة بينهم .. وطالما وجد الفرصة أمامه جاهزة ومقشرة لم لا يجرب التهديف .
رسالة أستاذنا يحى موجهة لكل رواد المنتدى فيما يخص الإقتباس .. وخصوصاً هو رجل كما عرفته سابقاً ضليع في حقوق الملكية والمرتبطه بتخصصه في الإعلام والصحافة والفنون وأبو الفنون المسرح..
أتمنى من الجميع إثراء هذا البوست ..
أخي وأستاذنا يحى عثمان عيسى عاشق الجريف
لك التحية أين ما كنت وأتمنى مواصلة إبداعك الحقيقي لأننى أعتقد بأنك لم تعطينا حتى الأن ولو نسبة 10% من مخزونك الإستراتيجي ... وأتمنى تخصيص قسم خاص للنقد الفني وفيما يتم عرضه في قنواتنا السودانية
وعموماً أشكرك لتزكيتك لى مع عم قوقل حيث أنه لم يبخل علي في طلبي فيما يخص الشلوخ ولو ما حلفت كان حا يعبئ لي شوالين ولكن قنعت بنصيبي المعبأ في كيس .. وحلفت ستين يمين إلا يتم توزيعه على الرواد.. وكان المحتوى كالتالي:
مدونة مكتوب
كتبهاmidad ، في 25 ديسمبر 2007 الساعة: 13:53 م
ما زالت الشلوخ في السودان تزيّن أوجه الجدات وربما الأمهات بشيء من الأصالة والفخر، ولكنها تُعد من العادات التي رفضتها بشدة الأجيال الجديدة واعتبرتها نوعاً من استخدام العنف ضد المرأة. وقصة الشلوخ هذه في السودان قصة طويلة تختلف طقوسها وأشكالها من قبيلة إلى أخرى، وعادة الشلوخ اشتهرت بها العديد من القبائل السودانية، وقد اتفقت معظم هذه القبائل على أنها تعمل لسببين للجمال أو العلاج ومنها ما هو على شكل (شلختين صغار قرب النواضر)، وهذه تستخدم لحماية الطفل من أمراض العيون.
أما شلوخ الزينة هي في الغالب عبارة عن جروح طويلة تحدد الخد على الجانبين وتعتبر من مظاهر الزينة المهمة والجمال للمرأة قديماً ونجدها تترقب هذا اليوم على وجل وخوف ورعب فهي تحب أن تظهر مثل صويحباتها من الحسناوات من ذوات الشلوخ وإن كانت لا تحب ذلك فهي لا تقوى على معارضة أهلها على هذه العملية المؤلمة وهو أمر محتوم لا يمكن التصدي له.
*
من يقوم بالتشليخ:
وتؤدي عملية التشليخ امرأة معينة وبمعاونة نساء قويات البنية متخصصات يمسكن بأذرع الفتيات لمنعهن من المقاومة حتى انتهاء العملية. أما بعد التشليخ فالفتاة تظل عدة اسابيع تعاني من الآلام المبرحة من تورم وألم واحمرار على الخدين، وتعتبر ذات الشلوخ العريضة قديماً الأكثر جمالاً.
*
الشلوخ للنساء والرجال:
الشلوخ في بعض القبائل ليست عادة خاصة بالنساء فالرجال أيضاً ينيبهم نصيب من التقليد، فمثلاً يتم تشليخ النساء والرجال عند قبائل الجعليين الشايقية، والمغاوير الكواهلة، الرباطاب، الدناقلة، الجوامعة، الهدندوة، وكذلك البني عامر.
*
طقوس مختلفة لتقليد واحد:
الزميلة مشيرة عبد الماجد جلست إلى عدد من العارفين بأمر عادة الشلوخ التي أصبحت من الإرث السوداني الأصيل.. مثلاً نجد الشلوخ عند قبيلة الجعليين تعد من التقاليد القديمة للقبيلة والثابتة، وتتم عن طريق موس معها خشبة وهي للزينة وبعد الانتهاء من إجراء عمليةالشلوخ يغسل الوجه بالماء والصابون ومن ثم يبللون القطن بالقطران ويوضع على الشلوخ، فالقطران يوقف النزيف ويمنع حدوث الأمراض مثل التتنوس. لديهم عدد من أنواع الشلوخ (كي القليب)، أو المطارق هي عبارة عن ثلاث خطوط طولية، أما الخطوط الثلاثة الطولية من أسفلها خط واحد فيسمى هذا الشكل (كرسي النادي)، وأيضاً الشكل المعروف (بالإتش) كما ذكرت الحاجة ثريا أن عملية الشلوخ أجريت لها وهي في السادسة من عمرها على يد ممرضة تدعى (العز) بمستشفى الخرطوم التشخيصي وهي تذكر اسم هذه الممرضة جداً إذ ارتبط هذا الحدث بذهنها ولا تستطيع نسيانه أبداً حيث ذكرت أن عملية الشلوخ صعبة للغالية ومؤلمة، لكن كان الأهل يصرون عليها، ومن أنواع الشلوخ التي ذكرتها لنا الحاجة ثريا ما يطلق عليه اسم العارض. الحاج عبدالله من قبيله المغاوير ذكر أن قبيلته تتميّز بهذه العلامة وهي ما نطلق عليه حرف التي وهم يطلقون عليه اسم (البد قوق) هذه العلامة التي تميزنا وجدنا عليها اباءنا واجدادنا وهي مأخوذه من الشيخ (ود بدر)
*
عندنا شلوخ المدقاق:
أما الحاج (أحمد مالك) وهو من قبيلة الكواهلة أكد أن علامة الحرف هذه مشتركة مع عدد من القبائل وعندهم يطلقون عليها اسم مدقاق، والمدقاق هو عبارة عن آلة تصنع من الخشب لدق الذرة.
في تقليد الشلوخ هناك عادة غريبة جداً تنسب الى احدى قبائل غرب السودان وهي عباره عن شلخ واحد على خدين تعمل لمن توفي والده والأسباب تعود الى ان هذه الشلوخ تمنع الطفل من أن يحلم بوالده الميت.
*
مطارق الشايقية:
أما قبيلة الشايقية فلها أيضاً طريقتها التي تميزها والتي تسمى (شنب الكديس) وايضاً المطارق وهي عبارة عن ثلاث خطوط عرضية ايضاً بالموس وبعد الانتهاء من عملية الشلوخ تمسح الشلوخ بواسطة السرتية أو المحلبية.
عند الدناقلة قليل جداً من يقدم على هذه العادة وهي في الغالب تشبه شلوخ الجعليين إلا أنها أرفع بقليل وبعد إجرائها يقمن النساء بوضع روث الأغنام على الشلوخ.
*
الحاجة فاطمة من قبيلة الرباطاب ذكرت أن الطريقة التي تم تشليخها وعمرها لم يتجاوز الشهرين وذلك للاعتقاد بأن الطفل الذي يكثر البكاء سبب بكائه هو وجود دم فاسد فتقوم أم الطفل أو إحدى قريباتها بعملية الشلوخ لهذا الطفل، والطريقة التي تمت بها حسب ما سمعته من اقربائها هي بواسطة آلة تشبه المطوة وبعد نزول الدم يقمن بسكب المجموع على الشلوخ وذلك لاعتقادهم بأن المجموع يجعل الشلوخ واسعه وجميلة والبعض يوضع عليها الكحل الحجري وبعد يومين يصبح شكل الشلوخ مثل (بقاق النار) فيقمن بطعنها بواسطة الإبرة أسفل الشلخ فتخرج القشرة التي تغطيها.
*
الشلوخ زمان والكريمات الآن:
كذلك التقينا عائشة محمود من قبيلة الجموعية والتي ابتسمت قائلة طبعاً هي لزينة العروس وكان عمري وقتها ثلاث عشرة سنة حين اجريت لي بواسطة الموس.. هي مؤلمة لكن كنت اعتقد انه في سبيل الجمال لا يوجد صعب ولأنني اقتنعت واعجبت بعملية الشلوخ قررت زيادتها حتى أزيد من جمالي فقمت بزيادتها بماء النار وطبعاً بعد اجراء عملية الشلوخ يقمن بوضع السكن والودك عليها حتى تصبح سوداء وهذا يزيد من جمالها.
وفي استطلاعنا لعدد من الفتيات حول هذه العادة القديمة أكدن على أن هذه العادة تشويه للجمال وليس نوعا من أنواعه، وإذا كانت موجوده في هذا الوقت فلن يقمن بها وهذا لا يعني عدم احترامهن لهذه العادات والتقاليد بل هو اختلاف أجيال لا أكثر. كما أن الكثير من الحبوبات اليوم يعترضن على استخدامنا للكريمات ومستحضرات التجميل التي اصبحت شائعة جداً في هذا الوقت، إذاً الشلوخ من مظاهر الجمال قديماً ومستحضرات التجميل من مظاهر الجمال حديثاً.
ونجد هناك العديد من الشلوخ مثل درب الطير وغيرها من غير مسميات تمارسها بطقوس مختلفة في شرق السودان وغربه وفي الحنوب مقابل الشلوخ طقوس أخرى مثل (دق الجبين) وغيره ونجد أن الشلوخ الأكثر نصيباً في الغناء السوداني وخاصة أغنيات الحقيبة التي مجّدت ذوات الشلوخ.
أحبتي ألم أقل لكم بأن عم قوقل لم يبخل علينا .. الله يديهو العافية ويعرس ليهو ويعرس لتسالية.

الرجوع الى أعلى الصفحة اذهب الى الأسفل
 
الشلوخ
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: