............

حبابك عشره يا زائر
 
الرئيسيةالتسجيلدخول

شاطر | 
 

 تزكر زمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: تزكر زمان   السبت 14 مارس 2009, 9:47 am



سلام اهل الجروووف

واجمل حررررررف

من اجمل الاجزاء فى المخ شباك التزكر والزكريات و الزول لمن يرجع كدا بزكرياتو ويتزكر خاصه احتيالات الطفوله زى مشى البحر وتغشى الدكان وتتمسح بالزيت عشان اهلك ما يعرفوك و الغريب انو الخدعه دى متوارثه اجيال وراء اجيال وبرضو كان بتمش مع انو مافى مبرر لى التجلبط بالزيت غير البحر ..وياسلام حرب البسوس الخور بينا وناس جريف قمر الحرب نتلاقى فى المدرسه واهل ونتخابت فى الخور .والعجب كتابه خواطر ال(Loveulgy (

فى الكتب والاشعارمبالغه ............

انا غايتو اخدت لى رجعه كدا وقريت اول موضوع كتبتو فى المنتدى واخر موضوع بى صراحه حسيت بى فرق كبير والله المنتدى اضاف لى طريقت كتابتى كتير جدا ما كان القاها لو مشيت اعتى صحيفه والغريب انو انا كنت بكره الكتابه الكتيره على الكمبيوتر وخاصه بالعربى والله فجأه السرعه زادت وبقيت خطابات العمل بكتبى بالعربى وبرضو اديتى رجعه لى بعض المواضيع لقيت فى فرق فى ناس كتار اتطورو والغريب كان فى البدايه فى اخطاء أملائيه مبالغه والمواضيع كانت حته هسه ماشاء الله .انا برجو انو الناس ترجع بالزمن مره وتقراء كتبت شنو وردت بى شنو والله فى مواضيع قديمه جميله شديد اتمنى انو الناس ترد عليها تانى وشوفو الفرق اتمنى لو فى زول كتب موضوع قديم ارجع كدا وبراهو يكتب لينا رايو او الرد الرداهو

الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: تزكر زمان   الأربعاء 18 مارس 2009, 7:06 am


ارجع بالزمن مرة وأتزكر حكايتي معاااااك ..
مالك يا ايمن علينا ..
مالك أثرت فينا شجوناً كنا نكتمها عفاً ونذكر وادي النيل هيمانا ..
زمااااااااااااان وما ادراك ما زماااااااااااااااااااااان ..
انت يا ايمن داير ترجعني لأول موضوع كتبته في المنتدى ..
وانا راجع لوراء ورا ورا ورا لقيت نفسي تايه بين حكايات عفا عليها الدهر ..
ولقيت نفسي (سحبت) مشيت لبعييييييييييد .. وإتذكرت ليالي وأيام فريق الشفيع ..
وما ادراك ما فريق الشفيع .. الفريق الفيه الناس الطيبين .. الحنينين .. الحلوين ..
كل ما يجي جارك يبني ليه حيطة .. تلقاك زعلت وقلت ليه ليه تبني الحيطة بيني وبينك ؟؟
مالك شفت مننا شنو زعلك ؟؟ أو يقول ليك ما تبعد مني جيب حيطتك دي جاي ..
لغاية ما بقت فريق الشفيع كما هو حالها الآن ..
أزقة تكاد الشمس لا تطل عليها .. يدخل فيها من دخلها اول مرة ..
ولا يستطيع ان يخرج منها .. لا لطبيعة أزقتها وشوارعها فقط ..
ولكن لطيب المقام بها .. وللانس الذي يجده بين جدرانها ..
ولحسن المعاشرة التي يمتاز بها اهلها ..
تذكرت اخواني وبني صلبي ونحن نتجول بين حناياها .. نلعب ونلهو ..
ومن ما ذكرت يا ايمن (نتمسح بالزيت) من أثر مياه النيل الأزرق الدفاق ..
وتذكرت دكان عمك التجاني .. لما نجي نمشي على المدرسة الصباح ..
يحشي ليك عيشة بسكر وزيت .. وتشيلها وتمشي على مدرستك وفي أماااان الله ..
والعجب دكان عمك الامين عليه رحمة الله .. تجي عليه من المدرسة في ساعة الفطور
تعمل عنده فتة كدا وتكتر شطة اللون لو بتتذكرها .. عاجة ما تخلص ..
وفي إثناء رجوعك للمدرسة تغشى معاك مدرسة البنات وتشتري الفول والتسالي
والداردمة والايسكريم ..
ايمن بجيك تاني بذاكرتي لأسترجع معك بداية تشريفي بتسجيلي بالمنتدى ..

فقط م لنا ...
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: تزكر زمان   الخميس 19 مارس 2009, 2:41 am

ايمن والله بالجد لفتة في غاية الروعة ..
اذكر اول مشاركاتي في المنتدى كان بوست قناة ساهور لتعظيم النبي "ص" ودي كانت اول مرة في حياتي اشارك في منتدى .. وكنت مسجل باسم مستعار في ذلك الوقت "soca" ولما شفت ردود الناس اتكيفت شديد وقلت خسارة الردود تكون لاسم مستعار ..
انا واحد من الناس يا ايمن بتكيف لما ارجع لزكرياتي القديمة عندي ورق كتير فيهو خواطر وحاجات من زمن بعيد بكون في غاية السعادة والاستمتاع لما يمر وقت وارجع اقرأ الكلام الكتبتو تاني وبجيك احساس انك كان مفروض تكتب كدي وبدل العبارة دي كان مفروض تقول دي وهكذا ..
ومهما يكن من امر يا عزيزي فالبوست دي جميل وعجيب شديد لانو بخاطب الدواخل ...
وياخي انته عبارة عن شنو بالضبط ؟!!
الرجوع الى أعلى الصفحة اذهب الى الأسفل
http://www.basilholding.com
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: تزكر زمان   الأحد 22 مارس 2009, 8:39 am

سنقد كتب
[[size=21]كل ما يجي جارك يبني ليه حيطة .. تلقاك زعلت وقلت ليه ليه تبني الحيطة بيني وبينك


اصاله
شكلنا يا عثمان حنبكى كتير
فى ايثار اكتر من كدا الجار كان بساوى الف مليار قطعه هسه الف مليار فى ستين داهيه شان شبر
ارجع بالزمن مره واتزكر حكايتى معاك
/size]
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: تزكر زمان   الإثنين 23 مارس 2009, 1:29 am



الاخ عبدالله

تزكر مره رسلت لى رساله فى بريدى وكتبت لى فيها عن همك بخصوص المنتدى انا كنت عايز اطبع الرساله واعمل الرساله بوست عن حبك الرهيب الفى صمت للمنتدى ....بس انا زيك كدا

بكتب وقدامى حاجتين الاولى

حلم

ان الجريف تكون

1-اطهر مدينه بعد مكه والمدينه

2-انضف مدينه باريس ولا حاجه

3-اغنى مدينه طوكيو وابو ظبى يعاينو بس

4-اجمل مدينه ناس البندقيه يرحلو ساى

والكتير انشاء الله تبقى الجريف D.C

المهم فوق زحل

الحاجه التانيه

حب تقيل للجريف

بنريدى مهما كان وما سيكون

لك التحيه وحب خاص

الرجوع الى أعلى الصفحة اذهب الى الأسفل
 
تزكر زمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: