............

حبابك عشره يا زائر
 
الرئيسيةالتسجيلدخول

شاطر | 
 

 شين ودشن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: شين ودشن   الجمعة 13 فبراير 2009, 6:35 am



(ها الشين دا )

تاكل روحك .

انت ا جنى امك اتوحمت على شنو.

قال ليك فى واحد شين شين شديد اتقدم لى خطبه واحدة امها سألتو قالت ليهو : اهلك وين قال ليها:انا عصامى سألتو كيف قال ليها :سويت نفسى بى نفسى .قالت ليهو:الله عالم وانا من قبيل اقول الخلق دى ما خلقت الله.

واحد شين بياكل مع عمو قام قال يا عمو قول بسم الله قال ليهو اقول بسم الله عشان القاك مافى.

الشنه والسماحه وقصه النسبيه يعنى انو البتشوفو انت شين ممكن غيرك اشوف سمح وكدا.دا ما الموضوع الموضوع حكايه انو شنانه الراجل ودشونته وسامتو بتتقاس كيف واهميه الموضوع دا فى زمن ناس (مهند)واختلال المقايس يعنى زمان كانت الشنه والشنب وشقيق اليدين دليل على الرجوله يعنى كانت ميزه .هسه الناس بقوا يشتروا الحبوب والكريمات يعنى فى مبالغه فى الاهتمام بمظهر الراجل بقو ينافس المراه فى المرايا .

الراجل هسه بتقاس بى شكلو وعدد مفاتيحو

يا حليل ابو مروه

البى فرارو ينط من جوة

يبادر ليك من غير تاخير

لكن الشينه منكوره والناس زاتى ما بتريح الشين بوصفو بيهو عديل كدا مثلا يقول ليك اقعد جنب الشين دا .يا اخى الشين اسمو بنسوه بنادوه بالشين.

لكن الشكل ما مقياس بس الوجاهة مطلوبه .

فى ناس شينين قاعدين ابالغو يعنى خلقت الله دى خليها ما بتبدل لكن ما فى داعى للبشتنه تلقى الشعر كيف الهدوم كيف ما تقدرتعرفو مقبل على وين زاتو.

الله جميل والنظافة من الايمان مفروض الزول يكترث شويه بشكلو فالنساء يكرهن ما يكره الرجال

فى حته وسط بين الدشونه والرجوله والنضافة.

شنة مرة لاشوفتن تبل العين

لاوشن يطمن







الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: شين ودشن   الجمعة 13 فبراير 2009, 7:47 am

اخ ايمن الانسان يقاس بجوهرة وليس شكله وزمان مافى دش وانترنيت وماشابه ذالك وكل واحد يبغى يجيب مصارف بيته وموضوعك زكرنى واحد مننا من محطة ثمانية كان يعمل طلبة باللوارى وفى مرة اشتروا منهم طوب بجامعة الاحفاد ولما دخل سور الجامعة انبهر من البنات طبعا انتم ادرى بى بنات الاحفاد ومرت بالغرب من اللورى بنت جميلة جمال مبالغ وبدا صاحبنا بمعاكستها والتفت اليه ولما شافت شكله ماافتت بى كلمة دون صفقت يديها وهناء صاحبنا استفزته الحركة ومايفوتك طبعا كان اللجن وقالها صبحان الله انتى تعالى بقهوة العشاى العصر بتشوفى اشكال تانية انت اتخيلها بطريقة اللجنه وفعلا زمان فى خشونه ولكن ايضا النظيف نظيف والنظافة ليس لديها علاقة بالعمل المهم ان الانسان يكون نظيف من الداخل
الرجوع الى أعلى الصفحة اذهب الى الأسفل
مصعب عمر حسن حمزة
عضو فعال
عضو فعال


عدد الرسائل : 155
العمر : 21
الاقامة : المملكة العربية السعودية -الرياض .
مزاجك اليوم :
تاريخ التسجيل : 10/04/2008

مُساهمةموضوع: رد: شين ودشن   الجمعة 13 فبراير 2009, 10:43 am

كتب أيمن :
الراجل هسه بتقاس بى شكلو وعدد مفاتيحو
وكتب الطيب :
النظيف نظيف والنظافة ليس لديها علاقة بالعمل المهم ان الانسان يكون نظيف من الداخل
-------------------------------------------------
كلامكم صح آسي أمشي أسئل أي بنت اختك بنتك وقوليها:
لوجاك راجلين .
الراجل الأول عند قروش فبه أشياء سيئة ؟
والراجل التاني ما عند قروش لكن طيب وكويس؟
شوف حتختار شنو .
الرجوع الى أعلى الصفحة اذهب الى الأسفل
http://www.asmerr.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: شين ودشن   السبت 14 فبراير 2009, 12:53 am

الحبيب الطيب الإمــام ... عسـاك مبسوط كما وجدنـاك ...
القضية يالطيب ماهي قضية الرجوله والأصـالة والشهامة ..!
القضيــة انهيار كل مقومات الرجولة التي تحكي عنها أمام مغريات
التجميل والشكل الوسيم الذي يظهر به الرجال هذا الزمان (مهند) ويُحسب معانا راجل
وهنا تكمن القضية ياصديقي .. وربنا يستر الحال ...
الرجوع الى أعلى الصفحة اذهب الى الأسفل
http://aljraif.forumotion.com
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: شين ودشن   الأحد 15 فبراير 2009, 4:09 am



الاخ مصعب

الاخ الطيب

المقياس بالجوهر فى عالم مادى بحت بقوم على المصلحه مقياس لايجدى نفعا (عندك قرش تساوى قرش)وطبعا دى ما قاعدة عالم لكن الغالب الاعم من العالم بفكر بي طريقه ماليه بحته كل شى دونها صفر .

انا مقتنع تماما بأنو المادة والكاش ماهى البتخلى الحياة اجمل (ليس بالخبز وحدة يحى الانسان لكن من غيره يموت)

المسأله مسأله ضروريات وحوجه فى المقام الاول لكن الجشع والنهم هو المشكله.

فائدة المحافظه على القيم لاتحصى وهى اهم من المحافظه على الثروات.
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: شين ودشن   الأحد 15 فبراير 2009, 6:16 am

يا أيمن أسه بقى في موضوعين:

موضوع الشنه و موضوع الكرش أقصد القرش،
و لكن الموضوع بقى واحد أن القرش يجلب الوسامة ليس في الشكل أو الخلقة و لكن في جاذبيته الساحرة،
و لكنني أعتقد أنه لا يوجد إنسان قبيح المنظر و لكن يوجد إنسان قبيح الطوية لذلك فإنه يرى أن هناك إنسان قبيح،،،
يقال إذا سرق فرد من مجتمع ما يجب أن يعاقب كل المجتمع، لأن الفرد ابن بيئته و يستقي كل قيمه من البيئة التي يعيش فيها،،،
أما إذا سرق جل المجتمع كما نرى فهذا يعني أن المجتمع آيل للسقوط و التحلل إلى جزيئات دقيقة جداً، وهذه الجزيئات إذا جمعناها لا تكون مجتمع و لكنها تكون كومة من الأوساخ،،،
نحن شعوب نؤمن بالوكالة، نوكل أبنائنا للمدارس للتربية و ننسحب نحن من الساحة حتى تتم تربيتهم و تعليمهم، نوكل نظافة بلدنا لغيرنا، نوكل حتى الكلام لغيرنا ليعبروا عنا و نحن جلوس نستمع تماماً كالمنضدة و الكرسي،،،
القيم لا تبقى حيث تنعدم شروط بقائها، دعونا نصرخ و نعلي صوتنا عسى أن تحن علينا هذه القيم و تبقى معنا و لو قليلاً،،،
أين الخلل هل فينا أم في غيرنا، و لا أدري حقيقة من هم الذين يقيمون الناس بالقرش هل هم من خارجنا، طبعاً هم أنا و أنت و هو و هي، و لكن الإنسان بطبعه يوجه اللوم لهم، و لهم هذه تخدر العقول و لا تحل المشكلة،
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: شين ودشن   الإثنين 16 فبراير 2009, 2:52 am


الغالي ايمن السر بابكر ...
الشناه شناة الطبع ..
بس المظهر له دور كبير في تكوين شخصية ناجحة وقيادية وخاصة عندنا في الخليج .. بتجد اللبنانين والاردنين مهتمين بمظرهم بصورة كبيرة جدا .. اما نحن فنتعقد من الظهور بمظهر جيد حياءاً وخجلاً... مثلا اتخيل معاى انو انت لابس بدلة "فل ست" بما فيها الكرفته لو الناس شافتك في الشارع ابسط حاجة حاتتقال انو الزول ده "فرحان" وفي بعض الناس يعتقد جازما انو البدلة دي للعرس بس .. واحد من الشباب آل على نفسه ان لا يلبس ربطة العنق الا في عرسو !! اذن الثقافة ثقافة مجتمعات الناس ديل جايين من مناطق بتلبس البدلة والكرفته عادي ونحن جايين من مناطق بتعتقد انو الشي ده حق العرس فقط وفي العرس في الحفلة بس يعني حدها الساعة 11:00PM

ومن الطرائف اتفقنا في يوما ما على حضور حفلة لاحد الاصدقاء فاتصل علينا واحد من الشباب
- اها يا جماعة الحفلة دي كيف بدل ولا الفهم شنو ؟؟
- يا زول ده كلامك ...
- طيب بكرفته ولا بدون !!!

وبالمناسبة الكلام ده مافي الجريف بس اعتقد انو انسان السودان البسيط والبسيط دي نحن قاعدين نخليها شماعة .. هذا الانسان يعتقد انو كل هذه الاشياء عبارة عن تعقيدات ليس لها فائدة .. وحتى السيارات في شوارع الرياض هنا الغالبية العظمي من موديل 2004 وانت طالع والسودانيين يمتلكون سيارات عفا عليها الدهر وشرب بفهم شنو انو دي غربة وانا واحد من الناس كان معاى كريسيدا موديل 80م وكنت اعتقد انو دي سيارة قوية وبتتحمل كأنو كنت ناوي اخش بيها في مشكلة .. اما غيرنا من الجنسيات فيلبسون ويركبون الافضل لذلك رواتبهم اكبر ومناصبهم اعلى وافضل ..

وبالجد من هذا المنبر اخوى ايمن حقو الناس تتلفت للمظهر وتحاول زيادة النفقات علية فهو استثمار و صدقني لما تكون لابس كويس بتزيد ثقتك في نفسك وهذا ما يخلق فيك الشخصية القيادية الناجحة .
اما من ناحية ديننا الحنيف فعن جابر بن عبد الله رضي الله عنها قال : " أتانا رسول الله صلى الله عليه وسلم فرأى رجلاً شعثاً قد تفرق شعره فقال : أما كان هذا يجد ما يسكن به شعره ؟ " ورأى رجلاً آخر وعليه ثياب وسخة فقال : " أما كان هذا يجد ما يغسل به ثوبه "

الرجوع الى أعلى الصفحة اذهب الى الأسفل
http://www.basilholding.com
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: شين ودشن   الثلاثاء 17 فبراير 2009, 7:08 am

الاخ صديق
اننا امه تقيم بالمظهر
تتداخل الاشياء سمه
واختلاط الحابل بالنابل عادى
القروش تصنع حواليك اى حاجه
الا احترامك لى رقبتك
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: شين ودشن   الثلاثاء 17 فبراير 2009, 7:13 am

الاخ عبدالله
نحن ضعاف شديد
واداءنا جنائزى
بقى الخجل صفه ملازمه لينا
مما جعل الشخصيه السودانيه شخصيه هشه جدا
ياخى نحن بنتكلم مصري مع المصرين فى السودان
الفلبينى هنا بنطط زى ماداير
ام الخواجه دا اله عديل كدا تسجد لى رقاب
السبب شنو لى نحن كدا
مع اعتزارلى لخروجى عن الموضوع
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: شين ودشن   الثلاثاء 17 فبراير 2009, 12:25 pm



اخي ايمن المسالة اذا كانت فى خلقة الانسان
فهذه خلقة ربنا سبحانه وتعالي لكن
لكن اذا كانت المسالة فى عدم الاهتمام بالمظهر (البشتنة ) فهذا هو الموضوع

خاصة النقاط التى ذكرها اخونا عبد الله باننا نحن السودانيين لانهتم بالمظهر
وزمان يا ويلك لو لبست بدله ومشيت فى وسط الحله
يقولو ليك شوف المتفلهم ده ---- شوف الزول ده فاكيها فى روحو كيف
---- شوف الزول الما قاعد فى الواطة ده
فقناعة ان المظهر مهم دى داير ليها زمن طويل فى السودان
وفى الخليج اكثر شى مضيع السودانيين عدم الاهتمام بمظهرهم
فعدم الاهتمام بالمظهر يعتبر جزء من الشنا
الرجوع الى أعلى الصفحة اذهب الى الأسفل
http://aljraif.forumotion.com
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: شين ودشن   الأربعاء 18 فبراير 2009, 4:24 am

[color=darkblue] عبدالله نابرى كتب:
بفهم شنو انو دي غربة وانا واحد من الناس كان معاى كريسيدا موديل 80م وكنت اعتقد انو دي سيارة قوية وبتتحمل كأنو كنت ناوي اخش بيها في مشكلة .. اما غيرنا من الجنسيات فيلبسون ويركبون الافضل لذلك رواتبهم اكبر ومناصبهم اعلى وافضل .. [/color]


طبعاً ود نابرى أستفاد من الاخرين . وبعد جهد وتغير فى المفهوم واخونا عبد الله نابرى إستفاد من
الدرس جيداً والان فى أبهى الصور والمنظر الجاذب للناظرين وبعد كريسيدا موديل 80 الان كامرى 2009 والحمدلله وربنا يحفظه ويهديه للبنت الحلال قولوا اميييييييييييييييييييييييييييييين.

ليس الجمال بمئزرٍ
فأعلم وإن رديتُ برداً
أن الجمال معادنٌ
ومناقبٌ اورثن مجددا





واتفق معكم فى القول اخوانى عبدالله نابرى ومعز ومسالة الجمال والبشتنة تحتاج منا الكثير
للوقوف عندها لعلّ يستفيد بعضنا البعض وخاصة نحن المغتربين وانا شخصياً ألبس الكرفيته فى
المكتب فقط يعنى ياجماعة مستحيل اكون لابسها من عند البيت والموضوع يحتاج منا ان نفكك هذه العقدة التى كانت سبباً لكثير من الاخون فى عدم التوفيق والاستقرار فى العمل والحديث جميل جداً واتمنى من الجميع المشاركة .
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: شين ودشن   الأربعاء 18 فبراير 2009, 6:48 am

مشكور على الاطراء يا بدر ..
بس حقيقة نحن فعلا قاعدين نعاني من مسألة المظهر
في مرة من المرات كانت عندنا وظائف شاغرة في الشركة وكان الناس قاعدة تجي تقدم للوظائف دي المهم جاء سوداني لابس بنطلون ازرق وقميص برتقالي وكرفتة فيها ورود واشكال الغالب عليها اللون الاحمر ومعلق دلاية مفاتيح في البنطلون - النوع الفيها سير ديك - ومدخله المفاتيح في الجيب العلاقة بتاعت المفتايح لونا برتقالي مطقم مع القميص والكرفتة تقريبا الربطة بتاعتا جات بالصدفة كدي لانو كان شكل الربطة غريب شوية !!
المهم بعد ما انتهت المعاينة بتاعتو المدير طوالي عمل "×" على السي في بتاعتو وقال لي شكلو الاخ جاي مهرجان الوان ..
اتصلت على الزول تلفونيا وقلت ليهو ياخي بالمناسبة شهاداتك تمام وخبراتك حلوة شديد بس عاوزك تشتري بدلة طقم لون واحد ومعاها قميص وتخليها للمعاينات بس!
المثل ده واقعي يا شباب بس وعاوز الفت نظر الناس لمسألة المعاينة دي لانو دائما المدراء انطباعيين يعني الانطباع الاول هو الاخير لذلك مفروض الزول لما يجي يقدم لوظيفة جديدة مفروض يهتم بمظهرو جدا لانو الكفاءة والشهادات دي اصبحت ماهي كل شي لانو اي زول عندو شهادة ..
والجانب المشرق في الموضوع ده كلو انو السوداني معدن وامين ومقيم بس هو ما مقيم نفسو!! يعني بشوية اهتمام ممكن الواحد يتغير 180 درجة للافضل بس اهم حاجة القناعات..
الرجوع الى أعلى الصفحة اذهب الى الأسفل
http://www.basilholding.com
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: شين ودشن   الأربعاء 18 فبراير 2009, 8:24 am






نعم أخوتى هذا الكلام فيه نوع من الفكاهة ولكن وهى حقيقة وملموسة

عندنا نحن المغتربين واتمنى أن يكون هذا البوست فاتحة معرفة جديدة

لكيفية إنعكاس الشخصية وتأثير المظهر الخارجى للاخرين ولك التحية صاحب
البوست الرئيسى أيمن السر وربما ذهبنا إلى محنى أخر من الموضوع !!

الرجوع الى أعلى الصفحة اذهب الى الأسفل
الامبراطور
عضو جديد
عضو جديد


عدد الرسائل : 8
تاريخ التسجيل : 09/02/2009

مُساهمةموضوع: رد: شين ودشن   الأربعاء 18 فبراير 2009, 1:59 pm

الاخ ايمن السلام عليك الشنة والوجاهة حاجة من رب العالمين لو الانسان بي يدو كان اي زول جا بالطريقة العائزة هو هسي في ناس وجيهين لكين مبشتنين وفي نافس شينييين لكين اخر شياكة وتنظيم لكين داير اسالك سوال الشين دا السيافي ولا واحد غيرو
الرجوع الى أعلى الصفحة اذهب الى الأسفل
حسن عوض عباس
عضو فعال
عضو فعال


عدد الرسائل : 122
العمر : 47
الاقامة : المملكة العربية السعودية - الرياض
المهنة : محاسب
تاريخ التسجيل : 14/08/2008

مُساهمةموضوع: رد: شين ودشن   الأربعاء 18 فبراير 2009, 2:29 pm

بدر عبد الماجد كتب:





نعم أخوتى هذا الكلام فيه نوع من الفكاهة ولكن وهى حقيقة وملموسة

عندنا نحن المغتربين واتمنى أن يكون هذا البوست فاتحة معرفة جديدة

لكيفية إنعكاس الشخصية وتأثير المظهر الخارجى للاخرين ولك التحية صاحب
البوست الرئيسى أيمن السر وربما ذهبنا إلى محنى أخر من الموضوع !!


السلام عليكم إخوتي الكرام
كلام أخي بدر كلام مضبوط للغاية, فهذا المنحى في إعتقادي أهم من إستهلالية البوست والطريقة التي إبتدرها الأخ أيمن ولا أفهم المغذى الحقيقي لهذه البداية التي أعيبها وأستنكرها علانية وعلى الملأ حتى تعم الفائدة فهذا ديدني في هذا المنتدى.
إنني أصرخ في هذا البوست وفي كل بوست لم أمر عليه بعد فما زلت عضواً جديداً لا أجد الوقت الكافي للإطلاع على كل المواضيع.
إخوتييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي
إتقوا الله فينا وفيكم وأتركوا الاستهزاء والسخرية في حق الله وتأدبوا في ما تكتبون وتقولون وتتحدثون, فمثل هذه النكات التى تخوضون وتلعبون بها لا تليق بالإسلام والمسلمين.
نصيحتي لكل من يريد أن يتحفنا بفكاهة (وكلنا نحب الفكاهة والضحك) نصيحتي ألا يخوض ويلعب بآيات الله.
أما المنحى الذي يقصده أخي بدر,فبالفعل ذو أهمية بالغة فإما أن ننتقل إلى بوست جديد بعنوان جديد يدل القارئ على المضمون أو نطلب من الإدارة تغيير إسم هذا البوست إلى هذا المنحى.مع جزيل الشكر المصبوغ بالإعتذار لصاحب البوست الأخ أيمن السر.
الرجوع الى أعلى الصفحة اذهب الى الأسفل
حسن عوض عباس
عضو فعال
عضو فعال


عدد الرسائل : 122
العمر : 47
الاقامة : المملكة العربية السعودية - الرياض
المهنة : محاسب
تاريخ التسجيل : 14/08/2008

مُساهمةموضوع: رد: شين ودشن   الأربعاء 18 فبراير 2009, 3:29 pm

هناك نقاط جميلة جداً ذكرها الأخوان عبدالله نابري ومعز وبدر عبدالماجد عن تقييمنا لأنفسنا وإهتمامنا بمظهرنا الخارجي ومدى تأثيرها على أوضاعنا الوظيفية والمادية والاجتماعية,لا أريد تكرارها بل أضف إليها أننا في بعض الأحيان أو في كثير من الأحوال ربما نتعمد عدم الاهتمام في ملبسنا ومظهرنا ليس تواضعاً منا بل خوفاً من مجتمعنا الذي ترعرعنا ونشأنا فيه راضعين من ثديه التخلف والجهل في أيام غابرة لا أعادها الله علينا وعلى أبنائنا.

فكلنا من طينة واحدة وثقافة واحدة ولا ينكر واحد منا(لا أقول بساطة وطيبة مجتمعنا القروي المدني النقيض) بل أقول جهل وتخلف وعزلة المجتمع في أزمان مضت وقد كنا نحن أبناء مجتمعنا المغلق,فالمرء إبن بيئته.
الأمر يحتاج إلى شجاعة رأي ووقفة قوية للتغيير لما بداخلنا إذا أردنا أن ينعكس ذلك على مظهرنا.
ولنا عودة.


عدل سابقا من قبل حسن عوض عباس في الإثنين 16 مارس 2009, 7:32 am عدل 1 مرات
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: شين ودشن   الثلاثاء 24 فبراير 2009, 7:12 am

الاخ حسن عوض
الف مليون مرحبا بين اهلك
وشكرا للمرور
كل شخص لديه اسلوبه الخاص به نحن لسنا محترفين كتابه نحن نعبر فقط عن انطباعاتنا وافكارنا البسيطه عن مواضيع معينه على ان لانتعدى الادب والاحترام..وان نحافظ على مكتسباتنا ......
استهلاليتى للموضوع كانت بعبارات يرددها الشارع السودانى ولم يستهجنا سواك
التعبير بالنكته ليس ابتكار اخترعته انا حتى الرسول (ص)استخدم النكته .......
ولى الحريه فى التعبير بالطريقه التى ارى انها توصل المعلومه او الفكره........
اتقوا الله؟؟ هل كانت دعوتى للقمار او تصريح بالكفر
ولو كانت كزلك انت ليس القيم على لك حق النصيحه وليس هذة النعوت الجارحه ..
ولى ان اقبلها
او ارفضها
او اردها عليك ان انا شأت
لكن
نحن اخوه وقد غفرت لك
بخصوص العنوان
كان هناك قادة فى المهديه يقتخرون بلفظ شين ودشن
وفى اشعار واغانى بتحمل كلمه شين ودشن
واظن فرقه عقد الجلاد تغنى اغنيه تحمل نفس الاسم بتمدح المروه السودانيه
الشعب الحرو الفعلويسر
الفى زنقه بمر
...........
شين ودشن
انا كتبت ان الدشانه كانت علامه من علامه الرجوله.مما يدل على انك لم تقراء الموضوع جيدا او
انك فضلت الهجوم ...



الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: شين ودشن   الثلاثاء 24 فبراير 2009, 12:31 pm

يا جماعة براحة براحة، مالكم، الكلام الأخلاق الكلام الأخلاق،،،

مداخلة أخونا و حبينا حسن قصد منها بس لفت الإنتباه و له الشكر على ذلك، و بعدين أوصاك بالتقوى ياخي قول ليهو شكراً، بس أنا متأكد لأنكم ما بتتعارفوا، حسن دا ياخي من أعز الناس الذين عرفت، و أيمن دا يا حسن أخوي يعني رضعنا من ثدي واحد، لكن أنا زاتي ما قادر عليهو، وكتر خيرك المسكتو لينا....
و بعدين الشنة دي زاته بتكف العين، و ما بتخلي الناس تراقب تصرفاتك، و بتكون عايش في حرية، و راغب علامة زاتو ما بعرف يغني، و اللبنانيات الفي الفديوكلبات زاتن ما عندهن أخلاق، وما يغرك الشعر الطويل غير التعب ما بعمل شي و تضييع القروش في الكريمات نحن علينا بالجوهر بسسسسسسس.. الكلام الأخلاق ياناس الأخلاق، و لا رايك شنو يا أيمن...
الرجوع الى أعلى الصفحة اذهب الى الأسفل
حسن عوض عباس
عضو فعال
عضو فعال


عدد الرسائل : 122
العمر : 47
الاقامة : المملكة العربية السعودية - الرياض
المهنة : محاسب
تاريخ التسجيل : 14/08/2008

مُساهمةموضوع: رد: شين ودشن   الإثنين 16 مارس 2009, 7:54 am

ايمن السر بابكر كتب:
الاخ حسن عوض
الف مليون مرحبا بين اهلك
وشكرا للمرور
كل شخص لديه اسلوبه الخاص به نحن لسنا محترفين كتابه نحن نعبر فقط عن انطباعاتنا وافكارنا البسيطه عن مواضيع معينه على ان لانتعدى الادب والاحترام..وان نحافظ على مكتسباتنا ......
استهلاليتى للموضوع كانت بعبارات يرددها الشارع السودانى ولم يستهجنا سواك
التعبير بالنكته ليس ابتكار اخترعته انا حتى الرسول (ص)استخدم النكته .......
ولى الحريه فى التعبير بالطريقه التى ارى انها توصل المعلومه او الفكره........
اتقوا الله؟؟ هل كانت دعوتى للقمار او تصريح بالكفر
ولو كانت كزلك انت ليس القيم على لك حق النصيحه وليس هذة النعوت الجارحه ..
ولى ان اقبلها
او ارفضها
او اردها عليك ان انا شأت
لكن
نحن اخوه وقد غفرت لك
بخصوص العنوان
كان هناك قادة فى المهديه يقتخرون بلفظ شين ودشن
وفى اشعار واغانى بتحمل كلمه شين ودشن
واظن فرقه عقد الجلاد تغنى اغنيه تحمل نفس الاسم بتمدح المروه السودانيه
الشعب الحرو الفعلويسر
الفى زنقه بمر
...........
شين ودشن
انا كتبت ان الدشانه كانت علامه من علامه الرجوله.مما يدل على انك لم تقراء الموضوع جيدا او
انك فضلت الهجوم ...




أعذرني أخي أيمن أنا بالفعل لست قيماً عليك ولا حتى على هذا المنتدي (البيت السعيد).
صدقني لم أعب عليك غير النكتة ولا شيئ غير النكتة , أنا فقط أكره مثل هذه النكات التي أعتقد فيها الخروج عن الأدب في حق الله سبحانه وتعالى, فالله عز وجل منزه عن النقص ولا يجدر بنا كمسلمين أن نتداول مثل هذه النكات,وكما أكرر دائماً فأنا أستنكر على كل من يأتينا بمزحة من هذا النوع.وشاهد على ذلك أنني هاجمت الأخوين أبو تراجي ومعز في مثل هذه النكات ولم يقابلني أحدهما بالعداء أو التجريح بل كتب الأخ أبو تراجي على الملأ إعتذاراً لطيفاً وتقبل كل منهما نقدي المباشر حتى أن الأخ معز كتب لي في رسالة خاصة وبعد مدة طويلة لأنه لم يكن قد قرأ موضوعي في وقته.فلهما التحية وأكبر فيهما الرجوع للحق فالرجوع للحق فضيلة.
موضوعك هذا أخي أيمن موضوع جميل وبه إشارات بديعة وتلميحات وكنايات جميلة لا غبار عليها في نظري سوى هذه النكتة التي في غير محلها فهي كبقعة سوداء في ثوب أبيض يرصعه الجمال.
ولك حبي أخي.
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: شين ودشن   الأربعاء 18 مارس 2009, 4:55 am

يا سلام عليك يا حسن عوض عباس ..
ويا ايمن ياخ اهمد شوية !!
وازيدك من الشعر بيت في حديث شريف يقول : ويل لمن كذب ليضحك الناس ويل له .. ويل له .. ويل له
الرجوع الى أعلى الصفحة اذهب الى الأسفل
http://www.basilholding.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: شين ودشن   الأربعاء 18 مارس 2009, 5:28 am


اعوذ بالله من ويلاته ..
وأجارنا الله وأياكم من الويل العظيم ..
أمين آمين آمين ..
حقيق المظهر كثيراً ما ينم عن شخصية الفرد ..
ونحن كسودانيين (بسيطين زي ما بنقول طواااالي) بنحب إنو الامور تمشي
بسرعة وبدون تعقيدات .. يعني عاوزين نخلص وبس .. عشان نشوف غيره ..
فحقيقة المظهر شئي ضروري للفرد ولا بد منه .. وعندما نهتم بمظهرنا لا يعني أننا
ننعطف إلى قائمة المتكبرين أو المتكلفين .. أبداً فهناك مثل قديم يقول (كل ما يعجبك ..
وألبس ما يعجب الناس) ذلك ليس بمعنى الإنبطاح للخلق .. وإنما نزولاً لرغباتهم ..
فالفرد لا يعيش بمعزلٍ عن المجتمع .. عليه لا بد من إرضاء شعوره ..
مما ينعكس ذلك على رضائه منك ..
ولعل من أهم أسباب قبول المتقدمين للوظائف بعد الشهادات أو قل قبلها
هو الشكل العام للمتقدم للوظيفة .. ويمكن أن تبدأ من كيفية المشي ..
الوقفة زاتا عندها وقع كبير وتأثير .. حركة الأيادي عند التعبير والكلام ..
الكلمات المنتقاة .. اللبس .. تسريحة الشعر .. (دا للناس العندها شعر) ..
جد يا جماعة كل هذه الملاحيظ ينظر إليها بعين الإعتبار في مثل هذه الأوقات ..
لا سيما في الحالات الأخرى بمختلف المناسبات ..
فما في داعي لتعقيد السودانيين من اللبس المعين والظهور بمظهر طيب ..
وشنو يعني لو لبست الكرفتة من البيت .. ؟؟

أما مسألة الشناة دي .. ما عارف ..
أسه اتكلم يجي فلان يقول لي إنت قاصدني ..

ودمتم ...
الرجوع الى أعلى الصفحة اذهب الى الأسفل
يوسف موسى
عضو مشارك
عضو مشارك


عدد الرسائل : 35
تاريخ التسجيل : 11/02/2009

مُساهمةموضوع: رد: شين ودشن   الأربعاء 18 مارس 2009, 8:21 am

ماشين دشن كلمة مافى
الانسان باخلاقه لابجماله ولا بماله
الرجوع الى أعلى الصفحة اذهب الى الأسفل
 
شين ودشن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: