............

حبابك عشره يا زائر
 
الرئيسيةالتسجيلدخول

شاطر | 
 

 الشريف مبسوط منى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: الشريف مبسوط منى   الجمعة 30 يناير 2009, 2:31 pm



لايخفى على احد التدهور الرهيب الزى تعيشه البلاد

تردى ووحل فى كل شى الكورة السياسه الاخلاق التعليم اى حاجه امس افضل من اليوم واليوم افضل من بكره .والغريب عدم الاحساس على الاقل الزعل او الغضب عشان نقول ساى الناس بتحس اظن الناس همها الرغيف اهم حاجه يكون فى رغيف الرغيف دا يجى كيف مامهم انشاء الله يجيبو(الشريف مبسوط منى)مامهم المهم الهمر تجى وطبعا الشريف مبسوط منى نموزج ضغير والغريب تلقى الناس تسمع فى الاغنيه بي مزاج تقول ركبوهم فى اللكزز ويقولو والله عرفت ليهم وعرفت ترد.عليك الله فى فشل زى الفشل دا .

على الاقل مفروض الناس تقاطع اغانيها ايو فى فرق بين فن الزول واخلاقو لكن الفنان هنا ساحر بأثر بى سرعه عشان كدا اخلاقو اهم من فنو .

بلد تمجد(الشريف مبسوط منى) الفاتحه فيها كتيره

بلد كانت تصرخ بصه ياكنار ونفتديك اليوم يا وطنى

وانا سودانى انا بتخلينا نقول عديل كدا البلد دى ماشه على وين؟عارفين سياسيا ماسكه درب الصومال لكن الزوق العام والاخلاق و كلو يسك كلو الله يرحم الحردلو قال لينا الفيها لكن نسوى شنو؟ما الشريف مبسوط منى




.
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الشريف مبسوط منى   السبت 31 يناير 2009, 2:47 am

لايخفى على احد التدهور الرهيب الزى تعيشه البلاد

ايمن الف تحية
ياترى ما هى انواع هزا التدهور
من وجهة نظر ايمن ...!

ايمن نحن شعب زى السلطة
مشكلين من الشمال ونوع من الجنوب
ومن الغرب نوع ومن الشرق نوع

والسلطة يا ايمن لو نقصت شئ
واحد بتكون ما حلوه صاح..!

فيا عزيزى ايمن انا وغيرك وغيرنا

الكتير يجعل عنوانك الكاتبو ده

نصب عينوا دوغرى ..!!
فينا المعاهو وفينا الضدوا

وكل البشرية البتنطبق عليهم
حاله من الحالتين القلتهم....!

هم بشريه كاتلاهم الهزيمة
منهم الفى الحفلات الفيها
(الشريف مبسوط منى )
تجبجب......................!


ومنهم الفى النوم بهضرب
مخرج:_


ويا ايمن زى مابقول المثل

البشرية انواع ....!

ايمن انته ياتو نوع...!

وبجيك صادى.
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الشريف مبسوط منى   السبت 31 يناير 2009, 11:25 am


أبقوا عشـــــــــــــرة على المباد ى
نحــــــــــــــــــــــــن الشـــــــــــــــــــــرف الباقى .............

جــــــــــــــودود نا زمان وصـــــــــــــــــــــــونا على الوطن ........

ممتنع عن التصويت !!!!

( النفس راغِبة إذا رغبُتها وإذا ترُد إلى قليل تقنعُ )
وراجعين
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الشريف مبسوط منى   السبت 31 يناير 2009, 12:24 pm



الأخ أيمن السر،،

تحياتي و أشواقي، أراك أخي تجيد جلد الذات و تتفنن في ذلك،،،،

الانحطاط الأخلاقي ليس حكراً على السودان و لا حكراً على مرحلة من المراحل،،،

العالم اليوم أصبح متداخل و هذه ليست جناية هذا الجيل الذي تراه، فهذا الجيل دخل في هذا الصراع بدون أي سلاح، فسقط مغشياً عليه ليس من الطعان في المعركة، و لكن انبهاراً بالعدو،،،

أخي، النداءات التي أطلقتها لن تجدي فتيلاً، و مشكلة الجيل اليوم مشكلة عامة و طالت كل الطبقات، لذلك حلها لن يكون فردياً و يتطلب تضامن كل فئات المجتمع، من علماء و قادة و أسر و مدارس و وسائل اعلام،،،

أما الجاني في هذه الجريمة فهو المجتمع كله، بكل طوائفه بما فيه من حكومة و آباء و أمهات و مدارس و شارع و إنت و أنا، لا بد أن ننظر للمشكلة في هذا الإطار أما أن ننتقي أسهل الفراس و نرمي فيها كل أسهمنا فسنموت جوعاً في اليوم الثاني،،،

المجتمع نظام، و النظام يتكون من عناصر، و لا يمكن تقويم النظام إلا بتقويم كل عناصره، و محاولات التجزأة وأنصاف الحلول لن تسمن و لن تغني من جوع،،،

الحكومة بلا شك ضالعة في هذا التدهور، و لكن لا يغيب عن بالك أخي أن السماوات المفتوحة هذه، قدر لا تستطيع حكومة السعودية بما أوتيت من أجهزة رقابة على المجتمع الصمود في وجه ناهيك عن حكومة السودان، خلينا نكون واقعيين متى شهد السودان حكومة قامت على تقويم الأخلاق منذ الاستقلال، و لكن الفرق أن العالم كان غير العالم اليوم، و هذه حقيقة إن لم نعيها فلن نبارح مكاننا، و أي محاولة دون ذلك فهي بمثابة الحركة الإهتزازية في نفس المكان،،،

دعونا ننظر بواقعية و نيه صادقة للحل لا أن ننبذ الواقع كما لو أننا ملائكة تنزل من السماء، العالم اليوم اصبح أخطر من أي وقت مضى سواء أخلاقياً أو إقتصادياً أو سياسياً، زيارة واحدة للفيس بوك و ستىرى أن الانحلال يعم كل البلاد و ليس السودان وحده،،،

الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: الشريف مبسوط منى   السبت 31 يناير 2009, 5:18 pm


قال تعالى(يا أيها الذين آمنوا إن تنصروا الله ينصركم ويثبت أقدامكم ) قال
رسول الله صلى الله عليه وسلم . إذا تبايعتم بالعينة وأخذتم أذناب البقر
ورضيتم بالزرع وتركتم الجهاد سلط الله عليكم ذلا لاينزعه حتى ترجعوا إلى
دينكم .رواه ابو داوود وصححه الالباني. قال لا ينزعه أي الذل حتى ترجعو
لدينكم وقال صلى الله عليه وسلم. يوشك الأمم أن تداعى عليكم كما تداعى
الأكلة إلى قصعتها . فقال قائل ومن قلة نحن يومئذ قال بل أنتم يومئذ كثير
ولكنكم غثاء كغثاء السيل ولينزعن الله من صدور عدوكم المهابة منكم وليقذفن
الله في قلوبكم الوهن . فقال قائل يا رسول الله وما الوهن قال حب الدنيا
وكراهية الموت .رواه ابو داوود وصححه الالباني

الاخ ايمن
مثل ماذكر الصديق العالم اليوم اصبح أخطر من أي وقت مضى
سواء أخلاقياً أو إقتصادياً أو سياسياً ...
والغرب غزونا فكريا اولا بالاغانى والكلبات والقنوات التى دخلت على مجتمعنا
حديثا وخلسه اغلبيتها العظما اساميها بالعربى ..ياااااااااااااه

انحنا مامشكله المشكله الجاي ورانا ...!!!!!



عدل سابقا من قبل احمد عوض الحاج النميرى في الثلاثاء 17 فبراير 2009, 1:56 pm عدل 1 مرات
الرجوع الى أعلى الصفحة اذهب الى الأسفل
kobe
عضو جديد
عضو جديد


عدد الرسائل : 15
تاريخ التسجيل : 25/01/2009

مُساهمةموضوع: رد: الشريف مبسوط منى   الثلاثاء 03 فبراير 2009, 12:51 pm

لو مافي ارضية خصبة لانتشار الفارغة دي ماكانت الغنية دي وغيرا انتشرت لكن احنا عندنا سميعا ماشاء اللة اضانم نضيفة
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الثلاثاء 03 فبراير 2009, 1:45 pm



التدهور فى النتائج الكارثيه التى تزين بورتات المدارس والجامعات التى تخرج طلاب لم يرو المكتبه ولكانها محرمه مثلها مثل مكتب مدير الجامعه .التدهور فى نتائج مباريات القدم التدهور الامنى عادى جدا يشرع السلاح لك فى قلب الخرطوم والتدهور فى المستشفيات كم من طبيب نسى شاش لتدهور التعليم والنجاح بالشيت والتعليم الخاص او انك لم تسمعو بعيادة الزنا والاجهاض

بلدنا نعلى شانا

التدهور عاين البنوك الاراضى توزيع فرص العمل بفرضيه حرف التاء والولاء عاين فى الوشوش حليل الكان بشوش مفرهد ساى بدون رتوش.انا اقف منتصبا فى خانة فاقدى الامل اردد:

كل البينا بقي حكايه

وبرضو ............

يا وطن عز الشدائد





.



الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: الشريف مبسوط منى   الخميس 05 فبراير 2009, 9:33 am

اخونا ايمن نحن شعب فعلا ماشين الى الاسواء ولاتنسى ناس راجل المرة حلوة حلا والعربية وماادرك وهلم جراء وربنا يستر زى ماقال احمد الى الجاى
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الشريف مبسوط منى   الخميس 05 فبراير 2009, 10:51 am


أيمن السر ( ود أختى ) كتب :
لدنا نعلى شانا

التدهور عاين البنوك الاراضى توزيع فرص العمل بفرضيه حرف التاء والولاء عاين فى الوشوش حليل الكان بشوش مفرهد ساى بدون رتوش.انا اقف منتصبا فى خانة فاقدى الامل اردد:




( قل يا عبادى الذين أسرفوا على أنفسهم لا تقنطوا من رحمة الله إن الله يغفرُ الذنوب جميعاً انه هو الغفور الرحيم )

ويا عزيزى أيمن ود السر ويا ود أختى أطال الله عمرك ومتعك بالصحة والعافية ، بين الامل والرجاء شعرة

ولو لا الرجاء لمتُ من ألم الهوى
لكن قلبى بالرجاء ُمو ملُ


ويا أيمن ان الانسان اذا مرت عليه ليلة يظن انه قضى عمل طالما ما هو عائش يكون على أمل ومهما كثرت الحوادث فهى مقرونة بالفرج والفرج القريب باذن الله .

وعليك بتغير هذه الخانة !!! وكن معنا دائماً نحن فى إنتظارك يا رائع


وراجعين
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الجمعة 06 فبراير 2009, 7:54 am

الحبيب والخال العزيز
بدر البدور
حبنا الشديد لهذة البلد
وغيرتنا على امتنا
والحلم بعودة المجد الزى ضاع
يجلعنى كل يوم اقارن بين ماأرى وبين ما احلم
وفى هذه المقارنه ارى العجب العجاب ناس تصارع فى النجوم وناس زى ما قال عبدو بى بنطلون ناصل تحوم.
لك العتبى وجعل الله القران الكريم حديثك و ربيع قلبك انك رجلا يزكرنا بالله
الرجوع الى أعلى الصفحة اذهب الى الأسفل
يحيي عثمان عيسي
عضو فعال
عضو فعال


عدد الرسائل : 168
مزاجك اليوم :
تاريخ التسجيل : 18/12/2008

مُساهمةموضوع: رد: الشريف مبسوط منى   الأحد 08 فبراير 2009, 3:55 am

زمان كان في البطل والخاين والشريف وكل واحد بي سلاحو
وبي قدرة قادر اتغير الفلم بقي بس الشريف وسلاحو
البطل مات... والخاين مات... .والمتفرجين ماتو ... واستفرد الشريف تحت تهديد سلاحو بكل البنات الفي البلد واحده تغني وواحدة ترقص وواحدة تكنس وواحدة تغسل وواحدة تطبخ ..وواحدة مخصوصه لي نضافة سلاح الشريف وطبعا دي اكتر واحدة الشريف بيثق فيها عشان كده رضيان ومبسوط منها وطوالي تلاقيها مبسوطة وكل صباح تنزل تتمطي وتتمقي وتغني:

يا اخواني ما مني
الشريف مبسوط مني

انطف ليهو السلاح
شروفي ديما مرتاح

حبيبي ياهو الشريف
ياديما سلاحك نضيف

ايـــــوي ...يـــــــــــــــــــــــــــوي ...يــــــــــــــــــــــــــــــــــــــــــــــــــوي
والشريف يعرض وينطط
والبنات يزغردن ويهتفن
الشريف سلاحو نضيف ...الشريف سلاحو نضيف ....


وطبعا البنات مابين حاسدات لكن خايفات
ومابين مجاملات مستنات دورن في تنضيف سلاح الشريف .
THE END
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الثلاثاء 17 فبراير 2009, 7:02 am

يا يحى
انه زمن الاختزال
والجوطة والكبسيبه
غفر الله للزين اورثونا لها عايرة
وغفر الله لنا عشان ادينا ها سوط
الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: الشريف مبسوط منى   الثلاثاء 17 فبراير 2009, 1:52 pm

الســـــــيد / الســـر
مشكورين جدا على الموضوع

تحيا.. يايحيا..وصح لسانك..
وزمـــــــــــــان قالو الغرام قسمه
اســع بى الغرام لاقسمــه ولاشىء.. لانـو مابقا غرام بقــا
دا حرام ..داحرام
الرجوع الى أعلى الصفحة اذهب الى الأسفل
الطيب نصرالدين
عضو نشط
عضو نشط


عدد الرسائل : 67
العمر : 32
الاقامة : sudan
المهنة : مهندس
تاريخ التسجيل : 21/09/2008

مُساهمةموضوع: رد: الشريف مبسوط منى   الأربعاء 25 فبراير 2009, 1:56 am

يا ااخوانا كدي اهدو اهدو
يا اايمن نحن محل ما نقبل نلاقي البلد منتهيه بعدين
الشريف دا مالو ما حارس مرمي 100 % وغنت ليهو ندي القلعه والموضوع انتهي وبعدين هي غنت للفريق كلو الشريف دا ما تزعلو منو
اها
خلونا من سفاسف الامور وحقو نعرف لو الغناء براهو الخرب في البلد دي ما مشكله يعني يعني نحن ما عندنا حاجه اصلا بعد دا ( الشكيه لي الله ) لا شباب شغال زي الناس ولا علما نتفاخر بيهم لا شركات عالميه ( نتقلقص بيها ) حتي المصانع العندنا كلها بتاعت بسكويت والعجب الحكومه لا جيش بيحلقنا بعدين وغير جيب جيب تاني ما في حاجه
العلم انتهي مدارس صفر
جامعات صفرين
شغل صفر صفر صفر
عرس دا ما اصافر دا مافي عديل ( نكون واقعيين )
لذا اعزائي عندما يتمايل الشباب في اغنيه هابطه كا الشريف وراجل مراه ما هو الا ترحيك للالم التي بهم
مافي زول عايز يكون ( غرزه ) لكن بالليل مافي موضوع اخير نمشي ( نقتل الحفله دي )

وبالجد بالجد
السمن دا سوء تغذيه
وللمناضلين الاحرار
عزيز انت ياوطني برغم قساوة المحن
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الشريف مبسوط منى   الأربعاء 25 فبراير 2009, 4:33 am

الظاهر البوست اشتغل مظبوط، أيوه يا جماعة عايزين تهزو أمخاكم كمان وكمان...

عندي كم سؤال كده لكل الإخوة المتداخلين طالما الموضوع تجاوز السوط و وصل منطقة القيم الجوانا بصفة عامة...

لماذا يهتم الشعب الفلسطيني بالتعليم و لا أقول الحكومة الفلسطينية و قد استطاعوا أن يحققوا، رغم ما رأينا و ما يتنظر أن نراه و ما عتمه الإعلام عنا و ما لم يراه الإعلام، أقل نسبة أمية في العالم العربي... بعد القصف الفسفوري العشوائي بيوم واحد بدأ الطلاب في الذهاب للمدارس و كلهم عزم و اصرار و إرادة بوحي من الثقافة السائدة في المجتمع وهي لا خلاص إلا بالعلم و ليس بوحي من الحكومة، و لم نرى اهتزازاً لقيمهم بل رأينا عزماً و اصراراً يفل الحديد، و جنوب افريقا أيضاً رزحت تحت هول التفرقة العنصرية و لم تهتز قيمها و عادت و وقفت في مكانها الذي لم تبارحه ،،،
ونحن مقارنة بما هم عليه نعتبر أحسن حالاً.... اللهم إلا إذا كنا عمي لا نرى و هو على ما يبدو ذاك...
لماذا نرزح تحت وطأة الجهل و لا نحرك ساكناً، و السؤال عندما تذهب هذه الحكومة كم من السنين سنحتاج حتى نعيد تعليم شعبنا أو بالأحرى تعليم شعبنا لأننا لم نكن متعلمين و صفحات التاريخ أمامنا، ثم من سيعلم من؟؟
و رجائي أن تكون الإجابات موضوعية، حتى نعالج موضع الألم، مع إنو الجسد كلو على بعضو ألم،
لكي نغني بعدئذ "ضمرينا مبسوط مننا"، و المحيرني واحد شنبو يرك فيهو الصقر و يغني راجل المرة، بصراحة دي حارقاني شديد خلاص، إذا كان دا الراجل و دا حالو فمن باب أولى أن تغني المرة الشريف مبسوط مني،...
هل جوهر القيمة يمكن أن يهتز، و أنا أتكلم عن القيم التي جعلت منا سودانيين، إذا كان للقيم أن تهتز فلا أعتقد أن هناك أمل في رجوعها على الأقل في القريب العاجل...
و تحياتي الرائعات بروعة مداخلاتكم...
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الشريف مبسوط منى   الأربعاء 25 فبراير 2009, 5:29 am


لا حولة ولا قوة إلا بالله العلي العظيم ..

إنما الأمم الأخلاق ما بقيت وإذا ذهبت أخلاقهم فهم ذهبوا .. أو كما قال الشاعر ..
لا تقوم لأمة قائمة إذا ذهبت أخلاقهم .. وجعلوها دون ما يهتدون بها ..
فعلاً نحن نحتاج إلى تجربة الفلسطينيين لنهتدي بها على اقل تقدير ..
نحتاج إلى أن نعبي أطفالنا الصغار أو الذين لم بروا النور بعد ولم يصرخوا لدخولهم دنيانا
ليوم النصر (ألا إن نصر الله قريب ... الآية) ..
نحتاج إلى وقفة مع أنفسنا لنسأل لماذا آل علينا حالنا هذا ؟؟
وإلى ماذا نحتاج لنخرج من محنتنا هذه ؟؟
فبدل أن نتحسر على حاضرنا دعونا نعد العدة لغدنا ..
نعيب زماننا والعيب فينا .. وما لزماننا عيب سوانا ..
يجب تقويم أنفسنا لنستطيع أن نقوم غيرنا ..
نقطة سطر جديد .
اللهم إهدي ولاة أمورنا لما فيه خير البلاد والعباد ..

ودمتم ...
الرجوع الى أعلى الصفحة اذهب الى الأسفل
saida sopahi
عضو فعال
عضو فعال


عدد الرسائل : 153
العمر : 34
مزاجك اليوم :
تاريخ التسجيل : 30/12/2008

مُساهمةموضوع: رد: الشريف مبسوط منى   الأربعاء 25 فبراير 2009, 6:15 am



ايمن السر التحيه ليك

سمعت الاغنيه دى ياايمن

البغنو ديل كشمشا بس بغنو دايرين عشا

ياحليل كروم وسرور .... غنو الكلمه احساس وشعور

بعدهم ياما شفنا كرور...... جانا السيل ودانا الخور

ماعرفنا البت من الولد ........... اصوات شبيه لمن غلط

المشكله ياايمن كل مانقول الالفيه الجديده والبلد ماشه تتقدم يجو الزى ديل وغيرهم يرجعوها تانى

( ضاقت ولما استحكمت حلقاتها ............... ضاقت تانى )

الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الأربعاء 25 فبراير 2009, 7:11 am



كتب اللامع الطيب نصر الدين

العلم انتهي مدارس صفر
جامعات صفرين
شغل صفر صفر صفر

عارف يالطيب الاصفار دى كلها عادى امه متخلفه فاتى قطار التقدم بنغش نفسنا باى حاجه

لكن يفوتنا قطار الاخلاق

المفخرة التى نعتز بها ميزتنا ....

وكمان نحن مسلمين

الشريف مبسوط منى ما اغنيه

انما تصريح بالانحلال

ومفخرة ببيع قيمنا ولحمنا فى الخارج

الشريف مبسوط منى دعايه للدعاره السودانية بالخارج.....

لايقتصر الموضوع على كونه اغنيه............

الاخ الطيب

انت بكل فخر نموزج مشرف حققت نجاح هائل فى فتره وجيزة نحت فى الصخر يعنى كان لديك كل مبررات الجب جبه وكتل

الحفلات لكنك تجاوزتها للنجاح

لماذا ؟لانو كان عندك ارادة للوصول والحمدلله .............

لايوجد مبرر مقنع لتجاوز الاخلاق

قال الامام الشهيد سيد قطب فى كتابه معالم فى الطريق:اننا لن نستطيع اللحاق باوربا فقد تجاوزتنا ولن نقدم جديدا فية مجال العلوم لكن نستطيع ان نقدم نموزجا اخلاقيا لان لدينا مقوم النموزج الاخلاقى...
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الأربعاء 25 فبراير 2009, 7:59 am



الاخ صديق

كم من امنيه تأوهت فى الدواخل

وكم من حلم مسكين تلب برة قبل ما يلوليهو صباح

وكم من ليل بفتش لى نهار بق

غياب الارادة اخى صديق هو سبب النكسات التى تلاحقنا كل يوم وليله الفرق الزى بيننا واطفال غزة

الارادة الارادة الارادة

ونحن نردد مع الفنان وردى دى الارادة ونحن ما بنقدرنواجه المستحيل.......

وفى كل العربات بنكتب (مقدر ومكتوب)

وقدر اصلا مسطر لى

ياريت لو بنعرف اعقلها وتوكل

وياريت لو بنؤمن بانو العمل عبادة والجهاد زى ايمانا بالقدر والتسطر

ما ممكن يقيف الكرسى على رجل واحدة بل لايقف على تلاته ارجل ونحن موقفين امه كاملة على النصيب والمكتوب على الجبين .....

القيم يا اخى حسب الفكر المادى جات نتيجه حوجه مثلا الانسان الاول تعب من الحرب ابتكر السلام تعب من السلام اخترع المصلحه وعمك التور والبقره واشتهاء الطفل لثدى امو ونظرة الراجل لى بنتو وناس عمك ماركس وداروين ....

نحن راكبين الشارع دا برضو اى خطاء وفاجعه عندنا ليها مبررات غريبه زى المبررات الفوق دى

وزى ما قال احمد عوض النميرى :نحن مامشكله المشكله الوراء يعنى الفينا اتعرفت .....

القيم بتتغير يا صديق لا نحن البنتغير فى حاجات كتير بقت عادى ولابنتهذا ليها زى البناطلين الناصله والصور الفاضحة وعشان تعرف صور فاضحه لسودانين وفى اليو توب وفى قسم الشرطه وفى السجن والضباط يتفرجو عادى والبرقص (القسم) رررررراجل يعنى بالعربى(مان) وكان ما عارف رقصه القسم اعرف ليك(القسم) بى كل بساطه القسم هو(وصمه عار فى جبين الاخلاق والقيم السودانيه الكانت نبيلة واكبر دليل على موتنا احياء)

القسم كان ابراء قدسى للزمه امام الله له هيبته وقدسيته تحول بى قدرة قادر الى اسم رقصه الناس بدل ابكو على الحال بنطربو ...
الرماد كال حماد


الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الأربعاء 25 فبراير 2009, 8:06 am

حبيبنا ود نا سنقد
لك الف تحيه والحمدلله الفتح علينا بشوفتك
تخريمه
علل اسباب الغياب والجفا
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الشريف مبسوط منى   الأربعاء 25 فبراير 2009, 8:11 am

الاخت سيده لك التحيه
وماخفى اعظم
عرفى
زوج الدم
والمثليه
و
الفاتحه

الرجوع الى أعلى الصفحة اذهب الى الأسفل
الطيب نصرالدين
عضو نشط
عضو نشط


عدد الرسائل : 67
العمر : 32
الاقامة : sudan
المهنة : مهندس
تاريخ التسجيل : 21/09/2008

مُساهمةموضوع: رد: الشريف مبسوط منى   الخميس 26 فبراير 2009, 5:53 am

عزيزي ايمن السر

اود ان اشكرك علي مواضيعك ودايما انت ( بتهبش في اللحم الحي )
واعجبتني موقوله العلامه سيد قطب بان نفوت الغرب في الاخلاق
ثنايا
احب ان اطنمك ان الضعف و الوهن وانحطاط الاخلاق غير مربوط بالسودان والسودانيين فقط بل بكل الامه العربيه والاسلاميه
مثلا السعوديه يوجد فيها بيت الله الحرام من منا يفكر ان السعوديين في يوم من الايام سيلجون التي تكوين هيئه للامر بالعروف والنهي عن النكر
المسلمين بتعاليم ربهم وامره ينهون انفسمهم با بنفسهم عن المنكر ويودون المعروف عن طيب خاطر
نحن امه مطالبه باداء واجبتها الايمانيه عن قناعه وحب وطاعه واستسلام لهذا كان اسمه الديني الاسلامي فمتي ما تمرت عن الاستسلام له في فروضه وواجباته تخرج عنه
لذا شرع الاسلام في ضبط اللسان والقلب والعقل وجعل خروجك منه لو تفوهت بكلمه انت ممنوع منها عقايديا ويثوبك بحرف واحد في سبيله ويضاعف لك
قال (ص) في معني الحديث يقول ابن ادم الكلمه ولا يلقي لها بال فتدركه في نار جهنم سبعين خريف
هذه سماحته واخلاقه ولطف تعاليمه فاين نحن من هذا
تخلينا عن كل قيمنا الاسلاميه فلماذا نسال عن القيم السودانيه
اليست هي اولي وافيد
المشهد الاخير
في معني الحديث
يسلط الله الكافر علي السلطان الجاير ليذهب بهما

تحياتي
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الشريف مبسوط منى   الخميس 26 فبراير 2009, 7:20 am



الأخ الطيب لك الشكر الغزير غزارة مياة النيل...

كلامك جميل و راقي و بلمس مشاعر كل إنسان مازال متمسكاً بأهداب هذا الدين الذي ما إن تمسكنا به لن نضل أبداً، في زمان القابض فيه على دينه كالقابض على الجمر...

وهذا إن دل فإنما يدل على طهارة منبتك و جلاء معدنك، و كما قا سنقد إنما الأمم الأخلاق ما بقيت، لأن بناء أي شعب أو حضارة أياً كانت لا بد أن يستند على مبدأ الأخلاق و حدود هذه الأخلاق الدنيا أن تكون على أقل تقدير فيما بينهم كما نرى ذلك في الغرب، يطبقون حقوق الإنسان على شعوبهم و يسلبونا حقوق الحيوان...

لا بد من وقفة نعيد فيها ترتيب البيت كما قال الأخ أيمن، و نعرف كرعينا من رجلينا، و نبطل حركات البهلوانات في الملبس و السلوكيات التي ستقذف بنا في جحيم الدنيا قبل الآخرة...

و لا بد لنا في هذا المنتدى أن ننكأ الجراج رغم ما فيها من ألم حتى نطهرها و نداويها و إلا ستتقيح الجرح و ربما يكون البتر أو الموت هو الحل، و نسأل الله أن يحفظنا جميعاً و يحفظ سودانا من الأعادي....

و لكن لي ملاحظة صغيرة جداً جداً... و هي أن التقاليد و العادات السودانية الأصيل منها مستمد من الإسلام، و لا ضير من أن ننادي بها لأن كل شعب يتميز بخصوصيته في إطار الدين الإسلامي، حتى و لو كانت كل الشعوب اسلامية ستجد هناك فوارق ذات صلة بالبيئة و التراث و الثقافات السائدة، وهذه من عظمة الإسلام، أن فيه من الرحابة و السعة ما يحتوي كل القيم السامية و الطاهرة.....

و لكن يجب أخذ الحذر حيث من أن هناك بعض العادات السودانية لا ندري من أين أتت، و هذه يجب أن تجتث من ضمير الأمة حتى تسير في طريقها نحو الحضارة السودانية ذات الضمير الإسلامي اليقظ...

ودمت لنا و ما تحرما من مدادك الذي يعبق مسكاً ...

الرجوع الى أعلى الصفحة اذهب الى الأسفل
 
الشريف مبسوط منى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: