بانوراما 2008م

موضوع: بانوراما 2008م الثلاثاء 13 يناير 2009, 3:24 am

بينما انا أتصفح في تاريخ المنتدى القديم ..
وأنا أتصفح البوستات القديمة .. إستوقفني بوست اظنه رائع جداً
للوجيه تسالية في قسم الجريف العام .. قام بكتابته في اليوم الرابع من يناير من العام 2008م ..
وبالتحديد الساعة واحدة وسبعة وعشرين دقيقة مساءً ..
ولفت نظري وأعجبني لما فيه من تخليد وتمجيد وتوثيق للأشياء التي حدثت بالمنتدى ..
وبالتالي توثيق لمجريات الأحداث بالجريف .. وكذا السودان والعالم الخارجي ..
ولشدة ما عجبني .. قمت بإنشاء هذا البوست (بانوراما 2008م) ..
وأبدأ بان اخونا تسالية قام بإنشاء بوست بانوراما 2007م في مطلع يناير من العام الماضي ..
وكان اللقاء الأسري الاول لاعضاء منتديات الجريف شرق يوم الجمعة بشارع النيل ..
وكذا اللقاءات الدورية للأعضاء ..
وكانت رحلة الأعضاء المشهود لها بالنجاح والعظمة ..
وزواج الوجيه ماهر السماني ..
وأترك المساحة للجميع لتوثيق ما يمكن توثيقه على جميع الأصعدة ..

ودمتم بأمان الله ...

خلاص خلاص خلاص يا حسن ما تزعل ..
وايضاً عقد قران الوجيه العريس مع وقف التنفيذ حسن شمس الدين .
حدد اليوم براك يا حسن ..
وأيضاً (بلغ عدد الأعضاء المشتركين بالمنتدى أكثر من 500 عضو) ..
كما لا ننسى وفاة فقيد الشباب والمنطقة رجل البر والإحسان :
أخونا عبد المنعم الامين عبد القادر في عيد الفطر المبارك وأثناء صلاة العيد ..
له الرحمة والمغفرة ..

ودمتم ...

في هذه العام 2008 يا ولّي سجل معنا محمد الحسن الامين "بتاع عامر" عصام قال ليهو انا فتشت لاسمك ده سلقط ملقط ما عرفتو! وكان هدفو انو يدمر المنتدى .. وتاني اختفى ما عارف ليه
برضو سجل واحد باسم هادم اللذات!! برضو الشباب ما قصرو وهدموه قبل ان يهدم هذه اللذة!!
سجلت معنا برضو د. سالي وعملت بوست بتاع اشبك اصابعيك وخلت الناس مشكبين وفاتت!!

يا سلااااااااااااااااام ..
عفواً نسيت اهم حدث (في نظري) ..
وهو زواج الوجيه الهندي .. هي أقصد حافظ ود العبيد ..
وعد الأول وأنعم الله علي الثاني بالسعادة والرفاهية ..

ودمتم ...

ذهب عام 2008 وهو يحمل فى معيته كل ماهو جميل ومفرح

كما يحمل كل ماهو حزين ومؤلم
اهم الاحداث المؤلمة على الصعيد العالمى
احداث غزه
والحدث المفرح فوز الرجل الاسود باراك اوباما برئاسة الولايات المتحدة
اما على مستوى السودان
غزو امدرمان وقرار المحكمة الدولية اوكامبو بين قوسين
وعلى مستوى الجريف سوف اذكر الاحداث الجميلة وما دون ذلك سوف اتجاوزها
زواج الاخ رحال والاخ خالد الجزولى
واللقاء الدورى لاعضاء المنتدى بالسودان
ورحلة المنتدى فى عيد الاضحى
والخبر الاسعد
تعيين المشرفيين الجدد
عامر عبدالوهاب وحسن وبدر عبدالماجد
همهمة تحت تحت:
ياربى ابرز احداث 2019سوف يكون من ضمنها زواج (الزول المن زمن بت مريم) وللا لا

نساليه كتب:: همهمة تحت تحت:
ياربى ابرز احداث 2019سوف يكون من ضمنها زواج (الزول المن زمن بت مريم) وللا لا

دي غلطة مطبعية ولا كييييييييييييف ؟؟!!!!! يفكر

كمبيوتر! والله مرات الحاجات دي بتريح الزول !!

ود سنقد العجيب فكره جميله فلك التحيه

اهم احداث 2008 ضم منتدى الجريف شرق كوكبة رائعه وجميله منهم
عبدالله نابري ود سنقد وعامر وعبدو وكل العقد الذهبي المشارك حاليا
فهو حدث يستحق ان نقف فيه كثيرا

حقيقة يا تسالية ..
لعل احداث غزة تعتلي قمة أحداث العام المنصرم ..
ويا لها من احداث تلهب المشاعر بالأسى ..
فلها الله غزة ياااااارب أنصر اخواننا في غزة ..
اللهم عليك باليهود وما عاونهم ..

نساليه كتب:: همهمة تحت تحت:
ياربى ابرز احداث 2019سوف يكون من ضمنها زواج (الزول المن زمن بت مريم) وللا لا

الكلام دا ما واااااااضح يااااااا ...

والكلام ليك يا المنطط عينيك ..

ودمتم ...