............

حبابك عشره يا زائر
 
الرئيسيةالتسجيلدخول

شاطر | 
 

 الواجــــــــــب المامشكور عليه !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: الواجــــــــــب المامشكور عليه !   الأربعاء 07 يناير 2009, 5:39 pm

السلام عليكم ورحمة الله وبركاته
سبتيني لي ليل الضياع
سبتيني ياريتني القرش
العمرو ماعمر قلوب غير ماتغش

جفت زهور الامنيات ...
سوف اكتب عن شريجه في المجتمع السوداني وخصوصا اهلنا ناس الجريف شرق
ظلت تعطي بدون مقابل بذلت كل ماتملك من قوة وتدفع ثمرة شبابها واجمل ايام عمرها في سبيل توفير المال
وترسلوا الى الاسره ( من غير الاولاد والزوجه ).
المغتربون في الخارج والداخل شموع تحترق لتضئ للاخرين وفي النهايه ولاشئ يذكر لهم سوى والله دا ماواجبهم
عرفناه واجبهم ! لكن واجب لواجب بختلف يعني واجب الزوجه والاولاد ماذي واجب الاخ والاخت والخال وغيرهم
الشريحه التي تؤثر على نفسها ولم تنسهم غابات الاسمنت التي عاشوا فيها حينا من الدهر بيوت الطين والراكوبه والميادين والحبوبه والجدول والكماين والاخ والجيران والنادي وغيره .
كدي تعال نشوف نظرة المجتمع ليهم كيف :
دا ضيع عمرو في الغربه , فلان قالوا نائم في بيت الجمعيه ساي ليه سنين , دا ماداير يعرس لسع ماماعندو شئ وحق النزول ماعندو , ومن الجانب لاخر ياخي وقت ماعندو شئ مايجئ مارق لبلدوا ساى بسخريه وغيره الكثير وهم ماعارفين هو يخدم ويرسل لناس حسام ورندا بقروا في الجامعه ولمصاريف البيت الاصبحت كثير على رب الاسره ولي تجهيز اخته او تصليح البيت قبل ماينزل لانوا ناس البيت اقولولك انت عملت لنا شنو ؟ دا كلوا ينسوا ولا يشكروه ليك ,
دا كوم وناس الحكومه كوم ثاني تدفع في الخدمات ودعم جهاد وسلام وقناة فضائيه وغيره من الجبايات ولمن تجئ تدرس اولادك بالجامعه ياخذوا منك بالدولار شهاده عربيه ولا يحنوا عليك ويعطوك شبر ارض دا غير الجمارك ذات الارقام الخياليه اذا جبت ليك شئ .
الجانب النفسي يصفونهم بصفات الكذب والخداع وغيره من الصفات الذميمه والصادق منهم يفسرون صدقهم بعدم الفلاحه وبساطتهم في التعبير بالمسكنه وحبهم للغير بالسذاجه ..
حبيت اطرح هذا الموضوع وداير رائيكم في هذه الشريحه المالقت شكر لامن اسره او حكومه او غيره .
تحياتي للجميع بقضاء اوقات ممتعه بالغربه الضيعنا فيها شبابنا ساهي علي قولون !
حسن شمس الدين
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الواجــــــــــب المامشكور عليه !   الخميس 08 يناير 2009, 12:03 am

أخى المهندس / حسن

لك التحية وأنت تحى فينا الا حساس بقوة الصبر بما نعانيه نحن المغتربين من ألسنة الاخرين
ومن ظلم نعانيه من حكومتنا وأهلنا حتى فى أبناءنا ليكون لنا مقابل نحس به من ما نعانيه من
وحقيقة حسن نحن لم نسلم من ألسنة الغير حتى من أهلنا وكل ما زكرته نجد الكثير منا يعيشه
ولا أحد ينكر ويحاول الهروب وإنت عزفت فينا وتر حساس وأتمنى من الجميع المشاركة لنبرد نارنا .

وهناك أبيات شعر تقول : جراحات السهام لها إلتئام
ولا يلتأم ما جرح اللسان


ما أحد من ألسن الناس سالماً
ولو أنه فى شنعاء ليس تقال

ولك الشكر أخى حسن على هذا الموضوع الجيد وربنا يحفظنا من ألسنة الناس ويكتب لنا الاجر
لكل ما عملناه فى هذه الغربة .

وراجعين
[/size][/color]
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الواجــــــــــب المامشكور عليه !   الخميس 08 يناير 2009, 2:18 am

العجيب ابو علي ..
برجع ليك تاني بس في الاول هاك تعريف المغترب "منقول من احد المنتديات"
الزمن ده البشارك ليك في بوستك ما خله ليك حاجة !!
عموما المغترب هو :
كائن حي
مقهور اعلامياً.
ومظلوم دوليا .
ومشتت ذهنيا .
ومهتم ماديا .
ومضطهد فكريا .
ومكروف دوليا .
واجازته سنويا .
ومنكوب شهريا .
ولازم يتصل يوميا .
ومحكوم عليه غيابيا .
ومنسي اسريا.
ومقصّر دينيا .
وما عندو طريقة شوفة شرعياً "دي مني"!!
الرجوع الى أعلى الصفحة اذهب الى الأسفل
http://www.basilholding.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الخميس 08 يناير 2009, 3:20 pm

بدر عبد الماجد كتب:
أخى المهندس / حسن

لك التحية وأنت تحى فينا الا حساس بقوة الصبر بما نعانيه نحن المغتربين من ألسنة الاخرين
ومن ظلم نعانيه من حكومتنا وأهلنا حتى فى أبناءنا ليكون لنا مقابل نحس به من ما نعانيه من
وحقيقة حسن نحن لم نسلم من ألسنة الغير حتى من أهلنا وكل ما زكرته نجد الكثير منا يعيشه
ولا أحد ينكر ويحاول الهروب وإنت عزفت فينا وتر حساس وأتمنى من الجميع المشاركة لنبرد نارنا .

وهناك أبيات شعر تقول : جراحات السهام لها إلتئام
ولا يلتأم ما جرح اللسان


ما أحد من ألسن الناس سالماً
ولو أنه فى شنعاء ليس تقال

ولك الشكر أخى حسن على هذا الموضوع الجيد وربنا يحفظنا من ألسنة الناس ويكتب لنا الاجر
لكل ما عملناه فى هذه الغربة .

وراجعين
[/size][/color]

[size=18]استاذنا وحبيبنا بدر تحياتنا العطره

حضورك الكريم يضفي على المكان القا وسناءا ونحن الذين نكتحل من نوربهائكم
كما قلت لا احد سالم من لسان الناس اللاسع ولكن !من الذين ساعتهم واحسنت اليهم صعبه !
نحن نجعل اعمالنا دي خالص لله سبحانه وتعالى فنطلب الاجر من الله

من يفعل الخيرلا يعدم جوازيه ... لا يذهب العرف بين الله والناس

مادام ان الله مطلع عليك ويعلم ماقدمته من خير فما عليك من الناس

مشكور الاخ بدر للمشاركه الجميله[/size]
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الخميس 08 يناير 2009, 3:32 pm

عبدالله محمد نابري كتب:
العجيب ابو علي ..
برجع ليك تاني بس في الاول هاك تعريف المغترب "منقول من احد المنتديات"
الزمن ده البشارك ليك في بوستك ما خله ليك حاجة !!



ليه ياعبدو الناس دي مشغوله للدرجه دي ؟
وبعدين كل مره يسالوا وين الجديد وين المواضيع ولمن تاتي بالموضوع ينموا ويكتفوا بالاطلاع فقط !
بالله ياعبدو التقول فراشين عطور في السوق العربي الناس تتلم وتشوف وتمشي والبجاملك داك اقوليك بيكم العطر ؟

عموما المغترب هو :
كائن حي
مقهور اعلامياً.
ومظلوم دوليا .
ومشتت ذهنيا .
ومهتم ماديا .
ومضطهد فكريا .
ومكروف دوليا .
واجازته سنويا .
ومنكوب شهريا .
ولازم يتصل يوميا .
ومحكوم عليه غيابيا .
ومنسي اسريا.
ومقصّر دينيا .
وما عندو طريقة شوفة شرعياً "دي مني"!!


لاحولا ولاقوة الا بالله اتاري المغتربين ديل منتهين نهايه مره

عبدو منتظرين جيتك بس ما تطويل دي مامحسبوبه الشاي ماشربتوا !

تحياتي حسن


الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: الواجــــــــــب المامشكور عليه !   الجمعة 09 يناير 2009, 1:37 am

اخونا حسن من جد انت اتيت بموضوع هام ومن اجلنا نحن فى الغربة الواحد بموت فى الثانية الف مرة من بعد الاهل والوطن وكل مغترب لديه ظروفة الخاصة من مسواليات تجاه اسرته ومن الملاحظ بان الكل فى السودان معتقد ان الخارج الوطن بامكانه فعل كل شى ويقومون بفرض طلبات لاتتصورها وفى النهاية تسمع ابسط كلمة هو انت عملت شنوا بعد ضياع عمرك فى الغربة وتلبية طلباتهم وسمعنا ان البنات بقوا يتزواجوا اخوه المغترب ولما يجى المغترب يرفضوه ويفضلوا اخوه لان اخوه موجود معاهم وكل العندك مابتبخل بيه على اخوك وفى النهاية تلقى العمر فاتك والصلعة زحفت وتفكر فى الرجعة والعجب ان نزلت اجازة والله يعصروك جنس عصر اخير عصر القبر ربنا بيرحمك شوية لكن جنس عصرهم ده لافيه رحمة ولاشفقة والثوب اللبسه زاتوا عندهم فيه راى من جد بنمر بى ماسى وعدم اعطائنا الى ابسط حقوقنا الواحد لما يروح اجازه يشيل هم من الاشياء الزكرتها وكلها حقيقة ولا احد ينظر الى التعب والجهد والسهر والزلة التى تواجهك فى بلاد غير بلدك وربنا معانا لكن زى مابقولوا دى حفرة وقعنا فيها ولى الان ماقادرين نطلع منها
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الجمعة 09 يناير 2009, 12:53 pm

الطيب الامام الطيب كتب:
اخونا حسن من جد انت اتيت بموضوع هام ومن اجلنا نحن فى الغربة الواحد بموت فى الثانية الف مرة من بعد الاهل والوطن وكل مغترب لديه ظروفة الخاصة من مسواليات تجاه اسرته ومن الملاحظ بان الكل فى السودان معتقد ان الخارج الوطن بامكانه فعل كل شى ويقومون بفرض طلبات لاتتصورها وفى النهاية تسمع ابسط كلمة هو انت عملت شنوا بعد ضياع عمرك فى الغربة وتلبية طلباتهم وسمعنا ان البنات بقوا يتزواجوا اخوه المغترب ولما يجى المغترب يرفضوه ويفضلوا اخوه لان اخوه موجود معاهم وكل العندك مابتبخل بيه على اخوك وفى النهاية تلقى العمر فاتك والصلعة زحفت وتفكر فى الرجعة والعجب ان نزلت اجازة والله يعصروك جنس عصر اخير عصر القبر ربنا بيرحمك شوية لكن جنس عصرهم ده لافيه رحمة ولاشفقة والثوب اللبسه زاتوا عندهم فيه راى من جد بنمر بى ماسى وعدم اعطائنا الى ابسط حقوقنا الواحد لما يروح اجازه يشيل هم من الاشياء الزكرتها وكلها حقيقة ولا احد ينظر الى التعب والجهد والسهر والزلة التى تواجهك فى بلاد غير بلدك وربنا معانا لكن زى مابقولوا دى حفرة وقعنا فيها ولى الان ماقادرين نطلع منها

اخونا الطيب الامام مشكور للمرور والاضافه


فعلا ماذكرت اعصروك لمن تنشف في ايديهم واريتوا اتمر فيهم ولا شكر ولا كتر خيرك

المهم نحتسب الاجر عند الله

تحياتي اليك واشواقي الخالصه
حسن
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: الواجــــــــــب المامشكور عليه !   السبت 10 يناير 2009, 12:45 pm

يا شباب تكفيكم ابيات الشعر هذه ؟؟؟؟
*****
****
***
**


يا غربة يا بكاية يا غشاشة يا مستهبلة
ياغربة يابكاية ياغشاشة يامستهبلة تغرينا بي درهم فلوس ووراه قنطار بهدلة
جيناك نقعد بس سنة وحاجاتنا ناقصة نكمله نبني البيوت في العاصمة ونفرش اثاثها ونجمله
وكورلا حارة نرسلها أصلو النقل صار مشكلة ونكمل الدين بي مهل والسمحة جاهزة نحصله
غير القروش للأهل عبر الشهور حنرسله والباقي يدخل في البنوك ونشوف دبارة نشغله
ناس فكرت تجني العلم وتبدأ الدراسة تواصله أحلام كثيرة وشيقة وآمال كبيرة مدنكلة
لكن حساباتنا الغلط في كل عام بنرحله مرت سنين من العمر بنعزها وبنفضله
***************************************
والحسبة وصلت طاشرات إمكن نعيش وندبلة وتعال نحاسبك ياوهم من غير رقم أو أمثلة
كان للقروش نجري ونحوش لكن تقول بنشاكله ماراضية تقعد في الجيوب وتقول حرامي بينشله
لكن بترقد في الظهور ديون ثقلة مطولة ممحوقة مابتقضي الغرض واقل حاجه تكمله
كملانه بطحاء وحق وزن ومجاملات مسفحلة ضرائب ابوعاج المشي وإلزامي حمدي نحوله
واحلامنا ديك صبحت سراب نمشي ونجري مانحصله ياريت يكون هم القروش ياغربة هو المعضلة
لكن تعال شوف الهموم الما افتكرنا نقابله ذلة ومهانة و احتقار خلو النفوس متململة
*****************************************
سجناً كبير فيه الكفيل سجان قيوده مكبله أشغال شاقة ومؤلمة ودائماً تكون مستعجلة
مرض الضغط والسكري ومرض القلب ووجع الكلي مصران وقرحة واكتئاب ونفوسنا مامتحمله
وبقا فيك كيمان لحم تحت الهدوم متندله وأكيد يكون أكل المجمد والمعلب عامله
عدم الرياضة والكندشن لابد يكون ليهم صلة وكمان تعال لي معادلة ماقدرنا ابداً نعدله
سجن العيال جوة الشقق ولا فراق العائلة جيب العيال بي جيبنا مال وجيوبنا غيرة مميلة
وصغارنا صبحت بي الزهج متوحشة ومتجفله لاقادره تدرس بي نفس من الدروس المذهلة
******************************************
تلقي الولد غالبه الكلام والبنت كبيره مريله كل الضغوط جاتم سوا ماقدرنا حتي نقلله
في كل طرف تلقي القرف تلقي الخيوط متداخله اما الفراق اصل الوجع ومشاكله بايته ومقيله
كل زول مفارق عارفه كيف ما في داعي أبدا نفصله يا غربة اديناك كثير أدينا خاطرك يسهله
خلينا نرجع بالفضل نلحق حياتنا نعدله آمالنا فيك بدري إنتهت إلا الرجولة متوحلة
وبقينا زي أهل القبور لا البرة عارف يدخلا ولا الجوه يرجع لي وراء يحكي الحقيقة يوصله
لكن خلاص هان الخلاص عدك نزل مهما علا وإن شاء الله نحيا ونودعك وتكوني ذكري نغازله

ياغربة يابكاية ياغشاشة يامستهبلة
ياغربة يابكاية ياغشاشة يامستهبلة


الرجوع الى أعلى الصفحة اذهب الى الأسفل
http://aljraif.forumotion.com
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الواجــــــــــب المامشكور عليه !   السبت 10 يناير 2009, 11:52 pm


لك التحية أخى المناضل بجبهة معارضة القنصلية .

حقيقة كلامك ده تب ما بنزاد شوف جنس النضمى ده مليان حكم .



خلينا نرجع بالفضل نلحق حياتنا نعدله آمالنا فيك بدري إنتهت إلا الرجولة متوحلة
وبقينا زي أهل القبور لا البرة عارف يدخلا ولا الجوه يرجع لي وراء يحكي الحقيقة يوصله
لكن خلاص هان الخلاص عدك نزل مهما علا وإن شاء الله نحيا ونودعك وتكوني ذكري نغازله



وراجعين
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الواجــــــــــب المامشكور عليه !   الأحد 11 يناير 2009, 12:36 am


ياغربة يابكاية ياغشاشة يامستهبلة
ياغربة يابكاية ياغشاشة يامستهبلة

*************
الحبيب حســـن .. الموضوع حقيقة مره لأسف وقد انقلبت الصورة على ماكان عليه الحال
سابقــا ولكن يبقى هنــا أن الضمير قد ارتاح حينما يقدم المغترب لأهلــه وأسرته بضمير صافي .. وهذا هو العزاء ..
لكــــن يستمر الألـــم في الغربة نفســها كيف التعايش معها والاستمرار فيها لكي يستمر الانشان في الانتاج والعطــاء ....ز
بيني وبينك الواحد لو نزل السودان اجازة وطلع ليهو بعقد زواج ولو حتى مع ايقاف التنفيذ برضو كويس هههه ولا رأيك شنو



الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: الواجــــــــــب المامشكور عليه !   الأحد 11 يناير 2009, 12:57 am

الهندي بشير نابري كتب:

بيني وبينك الواحد لو نزل السودان اجازة وطلع ليهو بعقد زواج ولو حتى مع ايقاف التنفيذ برضو كويس هههه ولا رأيك شنو




العزيز الهندي
عقد زواج مع وقف التنفيذ ممكن من هنا بدون ما تمشى السودان
لكن بدون فائدة ما طمئن اخونا حسن وطمئن روحك
الرجوع الى أعلى الصفحة اذهب الى الأسفل
http://aljraif.forumotion.com
رحال
عضو نشط
عضو نشط


عدد الرسائل : 86
تاريخ التسجيل : 03/09/2007

مُساهمةموضوع: رد: الواجــــــــــب المامشكور عليه !   الأحد 11 يناير 2009, 12:59 am

سلامات الشفيف حسن

تداعيات المغترب دائماً هي صوت مكتوم لا يسمعه إلا من ذاق من الغربة ما ذاق "القلب المملوء حزناً يصعب حمله،كما الكأس الطافحة" -حكمة عالمية-
*لا شيء جديداً في كل صباح باكر، مازال توقيت ساعتي كماهو ومازلت اخلط بين توقيت مدن العالم جميعاً اليوم في الغربة مختلف لانه بلا روح حتى لو سافرت مع اسرتك واولادك فسوف تشعر بالوحدة.
ما كنت احسب اني سافتقد الجريف وأهلها كما اشعر الآن.
الشعور بالغربة شيء عجيب يؤكد لك ارتباطك بالمكان والزمان في وطن واحد،لا شيء يعدل الوطن
ان تكون مغتربا يعني ان تكون هناك زاوية بعيدة جدا في داخل القلب تبكي بصمت لانك خارج بلدك
انت تمارس حياتك الاعتيادية تذهب لمقر عملك وتقابل الاصدقاء وتستمتع بوقتك وتقضي وقتا جميلا مع اسرتك، الجو جميل، والمناظر الطبيعية اجمل لكنك لا تتذوق دائما هذا الجمال.
حين تترك ارضك وقتا طويلا تشعر بانك تتحول شيئاً فشيئاً الى طفل واجه اخيرا حقيقة فراق امه ورغم انهم يعدونه انها ستعود لكنه يبكي ليس لانه لم يصدقهم بل شوقاً اليها.
اأسترجع ايامي في الجريف وضجة الحياة، وهاتفي الذي لا يتوقف عن الرنين او استقبال الرسائل الجوالية.
هنا رغم ضجة الحياة اشعر بالسكون ربما هو ايقاع الحزن
لكن للغربة مزايا فانت باستمرار تفتح قلبك للآخرين وتقدم تضحيات لهم وأنت في تمام الرضى فالغربة تجعلك تتجاوز عثرات الآخرين وتحتمل زلاتهم لأنك بحاجة الى رفيق في الطريق الطويل.
والناس في الغربة مختلفون لكنهم رغم كل شيء اصدقاء طريق واحد.
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: الواجــــــــــب المامشكور عليه !   الأحد 11 يناير 2009, 1:14 am

رحال كتب:
سلامات الشفيف حسن

تداعيات المغترب دائماً هي صوت مكتوم لا يسمعه إلا من ذاق من الغربة ما ذاق "القلب المملوء حزناً يصعب حمله،كما الكأس الطافحة" -حكمة عالمية-
*لا شيء جديداً في كل صباح باكر، مازال توقيت ساعتي كماهو ومازلت اخلط بين توقيت مدن العالم جميعاً اليوم في الغربة مختلف لانه بلا روح حتى لو سافرت مع اسرتك واولادك فسوف تشعر بالوحدة.
ما كنت احسب اني سافتقد الجريف وأهلها كما اشعر الآن.
الشعور بالغربة شيء عجيب يؤكد لك ارتباطك بالمكان والزمان في وطن واحد،لا شيء يعدل الوطن
ان تكون مغتربا يعني ان تكون هناك زاوية بعيدة جدا في داخل القلب تبكي بصمت لانك خارج بلدك
انت تمارس حياتك الاعتيادية تذهب لمقر عملك وتقابل الاصدقاء وتستمتع بوقتك وتقضي وقتا جميلا مع اسرتك، الجو جميل، والمناظر الطبيعية اجمل لكنك لا تتذوق دائما هذا الجمال.
حين تترك ارضك وقتا طويلا تشعر بانك تتحول شيئاً فشيئاً الى طفل واجه اخيرا حقيقة فراق امه ورغم انهم يعدونه انها ستعود لكنه يبكي ليس لانه لم يصدقهم بل شوقاً اليها.
اأسترجع ايامي في الجريف وضجة الحياة، وهاتفي الذي لا يتوقف عن الرنين او استقبال الرسائل الجوالية.
هنا رغم ضجة الحياة اشعر بالسكون ربما هو ايقاع الحزن
لكن للغربة مزايا فانت باستمرار تفتح قلبك للآخرين وتقدم تضحيات لهم وأنت في تمام الرضى فالغربة تجعلك تتجاوز عثرات الآخرين وتحتمل زلاتهم لأنك بحاجة الى رفيق في الطريق الطويل.


والناس في الغربة مختلفون لكنهم رغم كل شيء اصدقاء طريق واحد.


أخى رحال لك كل الود ومؤونة قرن من الزمان .

رغم قلة مساهماتك التى لاتتعدى الرقم 64 ولكن كل واحدة أجمل من الثانية ونحن فى إنتظار إبداعاتك ياجميل وما طول الغيبة !!!

وراجعين
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الواجــــــــــب المامشكور عليه !   الأحد 11 يناير 2009, 3:12 am


المعز عـــساك طيب ... والله صدقت حقو أطمن روحي شديد
أو ألعب بنفس التشكيلة اللعب بيها أخونــا رحــال وشــال بهيا الكاس
وتبقى علينا بس مرارة الغربة الممزوجه بالسعادة والهنــا وصدقني بعد
شويه القلب بيموت والزول بينشغل في عسلو وهنــاهو .. ولا رأيك شنو ياراحــال

آل .. لكنك لا تتذوق هذا الجمال .. آل ... ياراااااقل ؟؟!!!

أمنياتي السامقات أحبتي




الرجوع الى أعلى الصفحة اذهب الى الأسفل
http://aljraif.forumotion.com
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الواجــــــــــب المامشكور عليه !   الأحد 11 يناير 2009, 5:49 am

[size=29]طبعا غير النكات البزيئة ياحسن
بدر .الهندى رحال معز.......
[size=29]عارفين فى كم شاكوش وراه مغترب
زايد اغانى البنات
والشيلة الدستة دستة
الغربة دى عاملة زى خنس مشكل
ما تقدر تعرف تختها فى ياتو رف
المهم الغربة بتدى ةتاخد العاقل البياخد منها المفيد وبس
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الإثنين 12 يناير 2009, 2:48 pm

كل زول مفارق عارفه كيف ما في داعي أبدا نفصله يا غربة اديناك كثير أدينا خاطرك يسهله
خلينا نرجع بالفضل نلحق حياتنا نعدله آمالنا فيك بدري إنتهت إلا الرجولة متوحلة
وبقينا زي أهل القبور لا البرة عارف يدخلا ولا الجوه يرجع لي وراء يحكي الحقيقة يوصله
لكن خلاص هان الخلاص عدك نزل مهما علا وإن شاء الله نحيا ونودعك وتكوني ذكري نغازله

والله يا المعز صدق الكاتب في كل سطر كتبه وربنا يرد غربتنا انشاءالله



مشكور الاخ معز للمرور للعطر وللقصيده الجميله ومعبره
تــــــرد غـــربتا يا الله وعـــمرنا الباقي دا يحــصل
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الإثنين 12 يناير 2009, 3:59 pm

الهندي بشير نابري كتب:

ياغربة يابكاية ياغشاشة يامستهبلة
ياغربة يابكاية ياغشاشة يامستهبلة

*************
الحبيب حســـن .. الموضوع حقيقة مره لأسف وقد انقلبت الصورة على ماكان عليه الحال
سابقــا ولكن يبقى هنــا أن الضمير قد ارتاح حينما يقدم المغترب لأهلــه وأسرته بضمير صافي .. وهذا هو العزاء ..
لكــــن يستمر الألـــم في الغربة نفســها كيف التعايش معها والاستمرار فيها لكي يستمر الانشان في الانتاج والعطــاء ....ز
بيني وبينك الواحد لو نزل السودان اجازة وطلع ليهو بعقد زواج ولو حتى مع ايقاف التنفيذ برضو كويس هههه ولا رأيك شنو



الهندي بشير انت ياخوي ربط ليك عمه للفصاحه وله شنو ؟


الحق ليك عقد زواج سريع لانوا بتندم بعدين وتقول ياريتني عقد من زمان لانو تحت تحت قالوا في خطه اسكانيه للناس المتزوجين 2008 ولي ورى يعني 2009 مافي ليهم ديل ليس طلبه خرجين وانت وعبدالله مافي ليكم ارض الا شوفوليكم شقه في الغرابي ...




الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الثلاثاء 13 يناير 2009, 4:19 pm

رحال كتب:
سلامات الشفيف حسن

تداعيات المغترب دائماً هي صوت مكتوم لا يسمعه إلا من ذاق من الغربة ما ذاق "القلب المملوء حزناً يصعب حمله،كما الكأس الطافحة" -حكمة عالمية-
*لا شيء جديداً في كل صباح باكر، مازال توقيت ساعتي كماهو ومازلت اخلط بين توقيت مدن العالم جميعاً اليوم في الغربة مختلف لانه بلا روح حتى لو سافرت مع اسرتك واولادك فسوف تشعر بالوحدة.
ما كنت احسب اني سافتقد الجريف وأهلها كما اشعر الآن.
الشعور بالغربة شيء عجيب يؤكد لك ارتباطك بالمكان والزمان في وطن واحد،لا شيء يعدل الوطن
ان تكون مغتربا يعني ان تكون هناك زاوية بعيدة جدا في داخل القلب تبكي بصمت لانك خارج بلدك
انت تمارس حياتك الاعتيادية تذهب لمقر عملك وتقابل الاصدقاء وتستمتع بوقتك وتقضي وقتا جميلا مع اسرتك، الجو جميل، والمناظر الطبيعية اجمل لكنك لا تتذوق دائما هذا الجمال.
حين تترك ارضك وقتا طويلا تشعر بانك تتحول شيئاً فشيئاً الى طفل واجه اخيرا حقيقة فراق امه ورغم انهم يعدونه انها ستعود لكنه يبكي ليس لانه لم يصدقهم بل شوقاً اليها.
اأسترجع ايامي في الجريف وضجة الحياة، وهاتفي الذي لا يتوقف عن الرنين او استقبال الرسائل الجوالية.
هنا رغم ضجة الحياة اشعر بالسكون ربما هو ايقاع الحزن
لكن للغربة مزايا فانت باستمرار تفتح قلبك للآخرين وتقدم تضحيات لهم وأنت في تمام الرضى فالغربة تجعلك تتجاوز عثرات الآخرين وتحتمل زلاتهم لأنك بحاجة الى رفيق في الطريق الطويل.
والناس في الغربة مختلفون لكنهم رغم كل شيء اصدقاء طريق واحد.


رحـــــــــــــــال اسعد دوما بمرور البنفسج بصحبة حروفك الراقيه الجميله وهي تزين مشاركتي وحضوري المنتدى

فلك مني عاطر التحايا والتقدير
لا شئ يمكن ان ينسي الانسان وطنه وارضه التي ولد وترعرع فيها مهما منح من مترفات الحياة الزائله ..

علاقات الناس في الغربه هي علاقات جبريه فرضتها عليهم ظروف البلد القاسيه العادات والتقاليد

واخير كما ذكرت متعة هذه الغربه ان تضحي لتسعد الاخرين وانت راضي ,, ولكن هل هم يرضون ام يرؤنه بعض من كثير بل يريدون المزيد ؟؟

يسعد ايامك يارحال تحياتي
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الواجــــــــــب المامشكور عليه !   الأربعاء 14 يناير 2009, 1:34 am


حـــسن ازيك يا باش مهندس وصباحاتك ورد وياسمين ...
يا أخوي خطه اسكانية مادايرنهــا البتطلع بعد اربعه واربعين سنه
وأخير لينا شقه في حي المصيف أو حي المروج تكون قريبة
من مخرج خمسة قريب للشغل المهم يكون معاها تنفيذ موش خطه اسكانية
ووقف تنفبذ ههههه ...شكرا ليك ياوسيم تواجدنا ببوسك انعشنا كثيراً
وأمتعتنا ردودك وردود الحضور الأنيق
الرجوع الى أعلى الصفحة اذهب الى الأسفل
http://aljraif.forumotion.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الواجــــــــــب المامشكور عليه !   الأربعاء 14 يناير 2009, 5:40 am

ابو علي!!
الموضوع حيوي جداً وفي غاية الاهمية ..
اولا قبل نظرة اهلك للغربة .. ماهي نظرتك انت للغربة !؟
هل الغربة مقنعة بالنسبة لك !!
لماذا اخترت خيار الغربة ؟؟
اعتقد انو الاجابة على السؤالين ديل كافية عشان الواحد يقدر يقيم الغربة وفي اعتقادي الشخصي انو الغربة كربة بس كمان انا مؤمن بالحكمة القائلة : الغربة بالمال وطن والوطن بدون مال غربة ..
وبالنسبة لكلام الاهل والاقرباء فتكفيك فقط قناعتك الشخصية هي البتحكم تصرفاتك ويكفي ان تشعر بالرضى تجاه نفسك ..


ومن اشتغل بالناس مات هماً ..
تحياتي ,, وحبي ,, وإحترام
الرجوع الى أعلى الصفحة اذهب الى الأسفل
http://www.basilholding.com
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الأربعاء 14 يناير 2009, 1:00 pm

عبدالله محمد نابري كتب:
ابو علي!!
ماهي نظرتك انت للغربة !؟
هل الغربة مقنعة بالنسبة لك !!
لماذا اخترت خيار الغربة ؟؟

[color=indigo]تحياتي ,, وحبي ,, وإحترام

عبدو مساء /صباح الخير

الغربه في نظري تجربه وزاد اشتياقات ذي مابقول ود الامين

الى حدا ما مقنعا لانها حققت لي بعض الامنيات وهي العمل في مجالي وتخصصي واكمال نصف الدين(حتى الان 4/3)

اختر خيار الغربه لانه مافي خيار مع ناس ارمي قدام ورى مامن


تحياتي وتقديري
الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الواجــــــــــب المامشكور عليه !   الخميس 15 يناير 2009, 9:15 pm

ايمن السر بابكر كتب:
طبعا غير النكات البزيئة ياحسن
بدر .الهندى رحال معز.......
[size=29]عارفين فى كم شاكوش وراه مغترب
زايد اغانى البنات
والشيلة الدستة دستة
الغربة دى عاملة زى خنس مشكل
ما تقدر تعرف تختها فى ياتو رف
المهم الغربة بتدى ةتاخد العاقل البياخد منها المفيد وبس

[size=24]ايمن السر ازيك ياباشا


المغتربين ديل زمان ماكانوا ذي الشباب ديل الاشكشو يعني دورة حياة تشوكش تغترب تجي تشوكش وهكذا

فعلا العاقل الباخذ منها لكن 85% من السودانين ماعرفين نهاية غربتهم متين تصدق ؟

تحياتي اليك
الرجوع الى أعلى الصفحة اذهب الى الأسفل
 
الواجــــــــــب المامشكور عليه !
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: