............

حبابك عشره يا زائر
 
الرئيسيةالتسجيلدخول

شاطر | 
 

 الـبطــــــــــــــــــــــــــــــــــــان

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: الـبطــــــــــــــــــــــــــــــــــــان   الإثنين 22 ديسمبر 2008, 11:11 am



بالنظر الى بعض الموروثات والمكونات الاساسية لتركيبة الفرد السودانى

من عادات وتقاليد عند بعض القبائل نجد السالب من هذه العادات

( كالجلد فى الاعراس(البطان) ) التى تمارس لبرهنة الفراسة والشجاعة

ونجدها فى الغالب عند اهل الشمال والشرق والوسط والغرب

والسؤال الذى يطرح نفسة بعقلانية هو

هل سيتاكد الجميع فعلا من ان الشجاعة تكتسب اذا تحمل الشخص هذا الجلد

وهل ذلك فعلا مقياس؟؟؟؟

واذا لم يرغب شخص ما فى ممارسة هذه العادة فهل هو جبان؟؟؟؟؟؟؟؟؟

الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: الـبطــــــــــــــــــــــــــــــــــــان   الإثنين 22 ديسمبر 2008, 7:03 pm

نساليه كتب:



هل سيتاكد الجميع فعلا من ان الشجاعة تكتسب اذا تحمل الشخص هذا الجلد

وهل ذلك فعلا مقياس؟؟؟؟

واذا لم يرغب شخص ما فى ممارسة هذه العادة فهل هو جبان؟؟؟؟؟؟؟؟؟


تــــســـــاليه سلامات

الشجاعة ليس بتحمل الجلد او الضرب والا كانت الحمير والحصين اشجع من الفهود والاسود وهذا عكس مافي الطبيعة
في الاعراس السودانيه عند بعض القبائل يعتبر البطان من مقايس الشجاعه , والرجل الذي يجلد بتحمل لو قطعوا جلده لان كل ناس القبيلة وفتياتهــــا حضور عشان كدا مافي مفر والا خسر الشاب رجولته امام الملأ , فاذا حضرت مناسبه ذي دي وقام العريس عبدالله نابري جراك لنصف الداره بعدا شيل شيلتك والا تسمع العجب .
عموما هذا العاده وغيرها بداءت بالاندثار هي وعادات الهمباتا ..

سؤال يـــــــــــــــــــــــاربي في الجريف في مثل هذه العادات ؟ يعني يستخدم مقياس البطانوميتر لقياس معدل الشجاعه
تحياتي
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 28 ديسمبر 2008, 11:32 am

الجميل حسن

فغلا لو كان الجلد مقياس للشجاعة لكانت الحمير اشجع الحيوانات
ونجد البطان يمارس منذ زمن بعيد فى السودان
وينتشر بصوره واسعة فى الاقاليم اكثر من العاصمة
نسبتا لقلة المتعلمين وعادتا مايمارسة الشباب لكى يثبتون لبنات القرية قوة تحملهم وشجاعتهم
لكن ياحسونة من الذى يستطيع ان يقوم هذا الفهم المعوج الذى رسخة بعض الاباء فى ابنائهم
وطبعا اخطر شئ فى مسالة البطان انه يساعد على نقل بعض الامراض مثل الايدز
ولكن من يستطيعان يقنع هولاء الشباب بخطورة هذه (العباطة)
ومشكور على المرور
مؤونة عام من الود
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: الـبطــــــــــــــــــــــــــــــــــــان   الثلاثاء 30 ديسمبر 2008, 8:43 am

الرايع تساليه

التحيه لك والله موضوعك في
قمة الروعه وبالجد هذه الظاهر
من الظواهر السيه التي اتت من
اجددنا كل الاشياء التي ذكرتها
صحيحه واتفق معك فيها
بس داير اضيف ان هذه الظاهره
تسبب الكثير من الامراض ذي
الايدز وسرطان الجلد وغيرها
بس المشكله الحقيقيه تكمن في
ممارست الشباب لهذه الظاهره
وده ناتج من وجهتة نظري من
(الرجاله) معظم الشباب بيعتيروها
رجوله انشاء الله سوف اعود للموضوع
مره اخره بتوضيح كامل
واعتزر انني لم اعلق من قبل
نسبه لخلل في النت في السودان
ولينا عوده
معز السماني
الرجوع الى أعلى الصفحة اذهب الى الأسفل
عمك تنقو
عضو نشط
عضو نشط


عدد الرسائل : 57
العمر : 76
الاقامة : الفردوس الاعلى
المهنة : جناينى
مزاجك اليوم :
تاريخ التسجيل : 12/12/2008

مُساهمةموضوع: رد: الـبطــــــــــــــــــــــــــــــــــــان   الثلاثاء 30 ديسمبر 2008, 9:32 am

نسالية يارائع

اها رايك شنو فى الشلوخ وختان البنات ..؟
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الـبطــــــــــــــــــــــــــــــــــــان   الأربعاء 31 ديسمبر 2008, 4:14 am


تسالية ..
تحيات كتارات ..
عادة الجل والبطان وما أدراك ما البطان ..
هي في الواقع منتشرة بكثرة في بلاد الجعليين ..
ومعرفوف في سيرة الجعليين ما مهو معروف ليدكم ..
الكرم والشجاعة والفروسية والغيرة على معتقداتهم ومواريثهم ..
مما يجعلهم يتمسكون بعاداتهم وتقاليدهم .. وهذه شهادة نشهدها لهم ..
البطان عادة عندهم منذ قدم الزمان وهم الآن يحاولون جاهدين الحفاظ عليها ..
فهي يمكن أن تكون دليل على شجاعة الرجل .. وهي أيضاً بحسبان دين على صاحب المناسبة ..
أي مجاملةً له يمن أن تكون لها مضارها .. ولكن في النهاية اعتبره عرف (على حسب عاداتهم)
لا أقول هي عادة حسنة .. ولكن ينتابك شيئ خفي أثناءها ..
وتحس بصوت (الدلوكة) تدخل إلى اعماق أعماق قلبك ..


معذ السماني الحاج ياسين كتب:

بس داير اضيف ان هذه الظاهره
تسبب الكثير من الامراض ذي
الايدز وسرطان الجلد

إتو اكلام دا بتجيبوه من وين ؟؟


ودمتم لنا ولها ...
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: الـبطــــــــــــــــــــــــــــــــــــان   الأربعاء 31 ديسمبر 2008, 5:52 am

وليد عثمان علي سنقد كتب:

تسالية ..
تحيات كتارات ..
عادة الجل والبطان وما أدراك ما البطان ..
هي في الواقع منتشرة بكثرة في بلاد الجعليين ..
ومعرفوف في سيرة الجعليين ما مهو معروف ليدكم ..
الكرم والشجاعة والفروسية والغيرة على معتقداتهم ومواريثهم ..
مما يجعلهم يتمسكون بعاداتهم وتقاليدهم .. وهذه شهادة نشهدها لهم ..
البطان عادة عندهم منذ قدم الزمان وهم الآن يحاولون جاهدين الحفاظ عليها ..
فهي يمكن أن تكون دليل على شجاعة الرجل .. وهي أيضاً بحسبان دين على صاحب المناسبة ..
أي مجاملةً له يمن أن تكون لها مضارها .. ولكن في النهاية اعتبره عرف (على حسب عاداتهم)
لا أقول هي عادة حسنة .. ولكن ينتابك شيئ خفي أثناءها ..
وتحس بصوت (الدلوكة) تدخل إلى اعماق أعماق قلبك ..


معذ السماني الحاج ياسين كتب:

بس داير اضيف ان هذه الظاهره
تسبب الكثير من الامراض ذي
الايدز وسرطان الجلد

إتو اكلام دا بتجيبوه من وين ؟؟


ودمتم لنا ولها ...


الرايع وليد سنقد
من حديثك اجدك تريد
الجلد بس ملاوز نقطه
سطر جديد
عزيزي وليد انت ذكرته ان البطان عند
الجعلين دليل للرجاله حسب عاداتهم
هل يعني هذا ان الجعلين الذين
يمتنعون الجلد (لس رجالا ) ام ماذا ؟
قال وليد
لا اقول انها عاده حسنه ..
ولكن ينتابك شي خفي اثناءها
وتحس بصوت (الدلوكه ) تدخل الي اعماق
قلبك
عزيزي وليد ده كلام عاطفي وفيهو كميه
من التناقضات

عزبزي وليد
بالنسبه للامراض التي زكرته
نعم الجلد ينقل الايدز لان السوط
الذي يستخدم يمكن ان يعمل جروح
وعند الشخص المجلود ايدز
الذي يجلد بعده يمكن ان يصاب بعد ان يجلد
والجرح مع الجرح والدم مع الدم واللبيب
بالاشاره يفهم
اما سرطان الجلد فده واضح
انتهاب الجلد بعد الجلد
ولينا عوده
معز السماني
الرجوع الى أعلى الصفحة اذهب الى الأسفل
yasser osman
عضو جديد
عضو جديد


عدد الرسائل : 10
تاريخ التسجيل : 05/09/2008

مُساهمةموضوع: رد: الـبطــــــــــــــــــــــــــــــــــــان   الجمعة 02 يناير 2009, 3:28 pm

أريد أن أوضح للأخ( وليد عثمان علي سنقد) بأن العادات والتقاليد والموروثات بأنها ليست عقائد سماوية يجب ان لا تترك، ولكنها ممارسات قديمة كان يمارسها أسلافنا في زمنٍ كانت تتماشى ممارساتهم تلك مع ثقافتهم المحدودة ، ولكن ياعزيزي وليد تغير الزمن والثقافة و(البيئة) يجعلنا نأخذ من موروثاتهم تلك مايفيدنا ويتماشى مع عصرنا نحن (ولّا شنو)(إنت قاعد تمارس البطان ياوليد)
الرجوع الى أعلى الصفحة اذهب الى الأسفل
احمد عوض النمير
قلم ذهبي
قلم ذهبي


عدد الرسائل : 926
مزاجك اليوم :
تاريخ التسجيل : 16/03/2008

مُساهمةموضوع: رد: الـبطــــــــــــــــــــــــــــــــــــان   السبت 03 يناير 2009, 12:53 am

تساليه تحياتى ...
كلام حسن فى الموضوع دا ما بتنزاد كان كافى .. لانو اى واحد فى اللحظه البجلدو فيها كل فتيات القبيله موجودات
واذا لم يثبت لم تثبت رجولته عشان كدا لازم لازم اثبت ..
بس حسب رأى الشخصى المتواضع الحركه دى ( عــــــــــواره ) بس.

ويا جماعه عمكم تنقو دا بفك الدراب ساكت .... درابتو دى شايف مافى اى واحد هبشه وبهبشه ليكم انا يا دممتنى يادممتو بيها



عمك تنقو كتب:
]نسالية يارائع

اها رايك شنو فى الشلوخ وختان البنات ..؟

العم....
[/b]
ختان البنات دا مرفوض تماماً وعلى ما اظن اتلغا حاليا فى السودان والحمد لله
اما بالنسبه لى الشلوخ هى كمان ما اظن فى حريم بتشلخو لى الان كلهم حبوبات.
بس عايز اعرف الشلوخ دى لى شنو؟؟؟؟؟
[/size]
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   السبت 03 يناير 2009, 2:18 pm

معذ السماني الحاج ياسين كتب:
الرايع تساليه

التحيه لك والله موضوعك في
قمة الروعه وبالجد هذه الظاهر
من الظواهر السيه التي اتت من
اجددنا كل الاشياء التي ذكرتها
صحيحه واتفق معك فيها
بس داير اضيف ان هذه الظاهره
تسبب الكثير من الامراض ذي
الايدز وسرطان الجلد وغيرها
بس المشكله الحقيقيه تكمن في
ممارست الشباب لهذه الظاهره
وده ناتج من وجهتة نظري من
(الرجاله) معظم الشباب بيعتيروها
رجوله انشاء الله سوف اعود للموضوع
مره اخره بتوضيح كامل
واعتزر انني لم اعلق من قبل
نسبه لخلل في النت في السودان
ولينا عوده
معز السماني
الوارف

معز السمانى
فعلا هى من الظواهر السيئه
وتعرف يامعز اصبحت من التقاليد والموروثات التى لا يمكن التخلى عنها
نسبتا للفهم العقيم الذى ترسخ فى اذهان الشباب بانها( رجالة)وكان دى الرجاله
الرجاله تطير
ومشكور على المرور
مؤونة عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   السبت 03 يناير 2009, 2:32 pm

عمك تنقو كتب:
نسالية يارائع

اها رايك شنو فى الشلوخ وختان البنات ..؟
الجميل

تنقو
الاثنين من العادات السيئه
انا شخصيا عندى راى كبير فى مسالة الشلوخ والختان
وبعتبر الشلوخ تشوييه اكثر من ماهى تقييف (تجميل)
والحمدلله اندثرو الاثنين (كان الشلوخ او الختان)
وكنت اتمنى ان تناقش و تبدى رايك بكل وضوح فى مسالة البطان
حتي بعد داك نجى لموضوع الختان والفصاد(الشلوخ)
لكن ما قصرت ومرورك زاد البوست بهاء
دندنة:
ماشوهوك بفصاده على الخدود الساده
طبيعى خلقة ربك
ما دايره اى زياده....

مؤونة عام من الود


عدل سابقا من قبل نساليه في الأحد 04 يناير 2009, 2:00 am عدل 1 مرات
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الـبطــــــــــــــــــــــــــــــــــــان   السبت 03 يناير 2009, 2:46 pm

العادات اخ تسالية جزء من مكونات الهوية والعادة لاتنشاء عن فراغ موضوعى او ظرف لكن اى عادة لها علة تاريخية ومعنى مقارنة بالزمان والمكان واصدار حكم متقدم على فعل رجعى فية ظلم وسخرية ومبرر للأجيال القادمة للتبراء من انجازاتنا الثقافية.
علية اذا كانت العاداة لاتتماشى مع جيل جديد بلاشك ستنقرض لاانها لم تجد من يتبناها بالممارسة ولقصورها فى استيعاب جيل جديد.[/
size][size=29]عادة البطان عادة فى طريقها للزوبان نسبة لاأختلاف طرق التعبير عن الشجاعة.وللمعلومة البطان او اظهار الشجاعة لم يكن فرض عين من اراد ان يبطن فأنة خيارة

اسباب الجروح كثيرة ومتوفرة ولااظن ان الوسائل التى تنقل الدم الملوث تقتصر على البطان.
والسوط من ناحية علمية لايتسبب فى سرطان الجلد يا صديقى الرايع معز لكن ببعض الظروف المساعدة قد يتسبب فى زللك.
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 2:35 am

وليد عثمان علي سنقد كتب:

تسالية ..
تحيات كتارات ..
عادة الجل والبطان وما أدراك ما البطان ..
هي في الواقع منتشرة بكثرة في بلاد الجعليين ..
ومعرفوف في سيرة الجعليين ما مهو معروف ليدكم ..
الكرم والشجاعة والفروسية والغيرة على معتقداتهم ومواريثهم ..
مما يجعلهم يتمسكون بعاداتهم وتقاليدهم .. وهذه شهادة نشهدها لهم ..
البطان عادة عندهم منذ قدم الزمان وهم الآن يحاولون جاهدين الحفاظ عليها ..
فهي يمكن أن تكون دليل على شجاعة الرجل .. وهي أيضاً بحسبان دين على صاحب المناسبة ..
أي مجاملةً له يمن أن تكون لها مضارها .. ولكن في النهاية اعتبره عرف (على حسب عاداتهم)
لا أقول هي عادة حسنة .. ولكن ينتابك شيئ خفي أثناءها ..
وتحس بصوت (الدلوكة) تدخل إلى اعماق أعماق قلبك ..

الرائع وليد ود سنقد
ليس كل العادات من المفترض التمسك بها هذا فهم مغلوط
لان هنالك عادات فى بعض القبائل تمارس وهى من مورثات وعادات القبيلة القبيحة مثل
الهمبته (السرقة عدييييييل)
والبطان من العادات الضاره
مثلها مثل الشلوخ والختان والهمبته كما ذكر عمك تنقو
لذلك يجب ان تحارب (عادة البطان)من قبل المجتمع
ببث الوعى حول الشباب
اما بالنسبة لمسالة الكرم وما ادراك ما الكرم فى دار جعل
دى ما بختلفو فيها اتنين
تفتكر ده مبرر لكي يمارسون تلك العاده ويتمسكون بها ياسنقد
وياعزيزى البطان من العادات يعنى مامن المقدسات وطالما له مضار من المفترض تركه
وطالما انك لا تريد ان تقول من العادات الحسنة
على الاقل قول من العادات السيئه
وكونو البطان ينقل ويسبب بعض الامراض دى مسالة مافيها اختلاف
وممكن تسال
وعارف يا سنقد انا شخصيا ينتابنى بعض (الزهج والضيق) عندما يمارس البطان امامى فى بيت (العرس)
كســــــــــــــــــــــره:
وليد انت جعلى وللا شنو؟؟؟؟؟؟؟؟؟؟
مؤونة عام من الود


عدل سابقا من قبل نساليه في الأحد 04 يناير 2009, 3:01 am عدل 1 مرات
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 2:53 am

yasser osman كتب:
أريد أن أوضح للأخ( وليد عثمان علي سنقد) بأن العادات والتقاليد والموروثات بأنها ليست عقائد سماوية يجب ان لا تترك، ولكنها ممارسات قديمة كان يمارسها أسلافنا في زمنٍ كانت تتماشى ممارساتهم تلك مع ثقافتهم المحدودة ، ولكن ياعزيزي وليد تغير الزمن والثقافة و(البيئة) يجعلنا نأخذ من موروثاتهم تلك مايفيدنا ويتماشى مع عصرنا نحن (ولّا شنو)(إنت قاعد تمارس البطان ياوليد)
الوارف

ياسر
كلامك جميل وعقلانى بصوره كبيره وما خليت لى اى فرصة للتعقيب
الزمن تغير والناس من المفترض تتجاوز هذا (العبط والسخف)
لكن مين بقدر يقول البقلة فى الابريق...
مؤونة عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 5:27 am



الوارف ايمن السر

حضناً دافى ونبعاً صافى عليك مدلوق

الشى الاول

البطان ليس من مكونات الهوية السودانيه بدليل ان هنالك قبائل سودانيه لاتمارسه

مثل الفبائل التى فى جنوب السودان

واكيد بتتفق معى بان هويتهم سودانيه

الشى التانى

بتقول انه لم ينشئ عن فراغ

لا ياخوى انشئ عن فراغ وماعندو اى معنى واذا كان هنالك سبب منطقى من انشائه ارجو ان تذكره

واياك ان تذكر لى اثبات الشجاعة احدى اسبابه لان الشجاعة لست بالضرب

والا كما قال حسن لكانت الحمير اشجع المخلوقات

الشى التالت

اى عادة او موروث غير نافع ومُجدى من الطبيعى سوف يكون ضار وبتالى رجعى(ودى ما دايره اى فلسفه)

ومن الطبيعى الحكم عليه بالرجعية

ودى مافيها اى نوع من الظلم والاجحاف

وطالما انك تقول فى طريقها للزوبان والتلاشى هذا اكبر دليل على رجعيتها

الشى الرابع

تقول اسباب الجروح كثيرة اتفق معك فى كلامك بس كمان يا ايمن معظم هذه الجروح غير متعمد

(يعنى الزول بكون ماقاصد يجرح رقبتو)

لكن البطان بختلف لانو الزول بكون قاصد ومتعمد انو ينزل دم من ظهره

وبتالى دى تبقى هباله مش رجاله

الشئ الخامس والاخير

اقول ليك سر يا ايمن السر

عمرى ما فكرة ولو لحظه فى ممارسة هذا العبط

وانصحك اياك ثم اياك تفكر ان تمارسه

ولو مُصر عرس عبدالله نابرى قريب ومابقصر معاك اصلو جلاد وحا.....

.مشكور على المرور

مؤونة عام من الود




الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 6:05 am

عارف يا تيسو .. انا البوست ما كنت عاوز اخشو كلو .. كلو
لاني بخاف من الجلد .. وكنت حريص جدا انو ما انجلد حتى في المدرسة ..
نظام الكرسات تمام والواجبات محلولة جداول الضرب موضوعه منتهي ...الخ
المهم ..
طبعا يا تسالية أكيد في عادات ضارة بس ده ما بيمنع من ممارستها كالتخدين مثلاً
البطانة بالنسبة للناس البمارسوها عبارة عن رجولة وفحولة ووو ..
وده ما معانهو انهم ناس متخلفين او رجعيين بس لانو من شب على شي شاب عليه ..
الشي التاني العادة دي بدت تختفي نسبة لانو الناس ذاتا ما ذي زمان
والعروس اصبحت لا تنبهر بوقفة الزول للسوط .. بقدر ما تنبهر بـالسيارة والبيت والموبايل ..الخ
وحتى الشباب القاعدين يمارسو العادة دي ما زي ناس زمان ..
يعني ناس زمان الواحد بيركز للصوط .. بس مرة شاهدت في قناة هارموني واحد واقف للبطانة ولمّا اخد الصوط الاول اخد ليهو جفلة كدي !!!
واي جفلة او رمشة في البطانة ما بتنفع ..
والبطانة زاتها اعتقد ان لها مواسم يعني لا يمكن ان تمارس في فصل الشتاء مثلاً!!!
بالجد يا تسالية الموضوع فعلا شيق ...
ولينا عودة علي قول معز

مخرج على قولك ...
حرامي تلّب على بيت عزابة وفي واحد من العزابة كان صاحي وشاف الحرامي فقام شال ليهو موية صآآآقطة من الزير وكشحها في الحرامي ..
الحرامي اتخلع خلعة شديد وقال : ها ناس ها .. الشكية لي الله ما عندكم عكاز !!؟؟
الرجوع الى أعلى الصفحة اذهب الى الأسفل
http://www.basilholding.com
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 6:14 am

احمد عوض الحاج النميرى كتب:

تساليه تحياتى ...


ويا جماعه عمكم تنقو دا بفك الدراب ساكت .... درابتو دى شايف مافى اى واحد هبشه وبهبشه ليكم انا يا دممتنى يادممتو بيها



العم....
[/b]
ختان البنات دا مرفوض تماماً وعلى ما اظن اتلغا حاليا فى السودان والحمد لله
اما بالنسبه لى الشلوخ هى كمان ما اظن فى حريم بتشلخو لى الان كلهم حبوبات.
بس عايز اعرف الشلوخ دى لى شنو؟؟؟؟؟


[/size][/center]
الجميل احمد عوض
الشوق احضان
مسالة البنات قاعدين وانت فى اللحظة دى لازم تثبت وجودك ده كلام غريب
بفهم بسيط اثبت رجولتى لمنو؟؟
لبنت مقاييسها ومعاييرها للرجالة بالضرب والبطان تفتكر بنت بهذا الفهم العقيم
تستحق ان ابرهن وادلل لها عن رجولتى!!!
وانا شخصيا بتخيل مثل هذه الفتاة فهمها متواضع وبسيط
والبنات المتل ديل يا احمد يا خوى تصنيفهن مامهم

*والله يا احمد كلامك الفى عمك تنقو ( دراب ودممنى ) ضحكنى شديييييد
والشلوخ ابتكروها الانجليز لتميز القبائل السودانيه على ما اعتقد

مؤونة عام من الود
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 7:07 am

عبدالله محمد نابري كتب:
عارف يا تيسو .. انا البوست ما كنت عاوز اخشو كلو .. كلو
لاني بخاف من الجلد .. وكنت حريص جدا انو ما انجلد حتى في المدرسة ..
نظام الكرسات تمام والواجبات محلولة جداول الضرب موضوعه منتهي ...الخ
المهم ..
طبعا يا تسالية أكيد في عادات ضارة بس ده ما بيمنع من ممارستها كالتخدين مثلاً
البطانة بالنسبة للناس البمارسوها عبارة عن رجولة وفحولة ووو ..
وده ما معانهو انهم ناس متخلفين او رجعيين بس لانو من شب على شي شاب عليه ..
الشي التاني العادة دي بدت تختفي نسبة لانو الناس ذاتا ما ذي زمان
والعروس اصبحت لا تنبهر بوقفة الزول للسوط .. بقدر ما تنبهر بـالسيارة والبيت والموبايل ..الخ
وحتى الشباب القاعدين يمارسو العادة دي ما زي ناس زمان ..
يعني ناس زمان الواحد بيركز للصوط .. بس مرة شاهدت في قناة هارموني واحد واقف للبطانة ولمّا اخد الصوط الاول اخد ليهو جفلة كدي !!!
واي جفلة او رمشة في البطانة ما بتنفع ..
والبطانة زاتها اعتقد ان لها مواسم يعني لا يمكن ان تمارس في فصل الشتاء مثلاً!!!
بالجد يا تسالية الموضوع فعلا شيق ...
ولينا عودة علي قول معز

مخرج على قولك ...
حرامي تلّب على بيت عزابة وفي واحد من العزابة كان صاحي وشاف الحرامي فقام شال ليهو موية صآآآقطة من الزير وكشحها في الحرامي ..
الحرامي اتخلع خلعة شديد وقال : ها ناس ها .. الشكية لي الله ما عندكم عكاز !!؟؟
يااااااااااااااااااااااااااااااااااه عبدالله نابري شخصيا!!!!!!!

البوست بتاعى مندهش لمشاركتك
اقول ليك حاجه انا ذاتى مندهش
مرحب بك يارائع
اول حاجة شايفك بتقول البوست ده ما كنت عايز تخشو كلو كلو لانو بتخاف من الجلد
ياربى ده السبب؟؟؟؟؟؟؟؟؟؟؟

غبدالله يا خوى كيفن يكون من العادات الضاره ومافى مانع من ممارستها
ضار وامارسه كلام متناقض
وياعزيزى شنو من شب على شئ شاب علية
يعنى اعتبر ده مبرر للاخطاء
يعنى الزول من صغره اذا تعود على السرقة والكذب الى ان كبر نعفيهو؟؟؟بحجة انه شب وشاب عليه دى نقطة
النقطة التانية
ما تدلل لى بالدخان
الدخان بكل مسمياته اذا كان سجائر او بنقو او حشيش او مارجوانا او شيشه
يعد من المكيفات
يعنى بالواضح كده الزول المتعاطى بتكيفو وكان ما تعاطاها بخش فى حالة تانيه (صداع واحمرار عيون وووالخ)
وما مرتبط بزمن او مناسبة او قبيلة
لكن البطان مرتبط بزمن وبمناسبة وبقبائل وبالاولاد دون البنات
يعنى ياعبدالله مافى وجه شبه نهائى بين السجاير والبطان
على الاقل جميع الادخنة بتكيف الشخص الذى يتعاطاها
لكن البطان بألم الحمار الواقف تحت السوط
ومابتقنعنى انو فى هذه اللحظه متكيف
ياعزيزى شايفك وضعت للبطان اسس وقواعد
يمارس صيفا والثبات الكامل (عدم الجفلة) ومشهادة العروس للحدث
مؤونة عام من الود
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 8:09 am

ياضئ بقول حب
وروعة بتمشى نبض
صديقى الجميل جدا تسالية
انا قلت العادة ولم اخص البطان
[size=29]ولم اخص الهوية السودانية
[size=29]اناقلت هناك ظروف لوجود العادة
الغاية اظهار الشجاعة وليس الهدف الضرب(انا بكرة ميكافللى)
الحيوانات لاتضرب باختيارها لزلك لاتصلح للقياس (اصلا هى لاتعى)رغم الالم
الايدز والسرطان تهويل ومبالغة رغم قيام الاحتمال بالاصابة
انا ماداير اتجلد .[/size]
[/size]
بماذا تفسر المصارعة الحرة؟
الناس لاتترك العادة لاأنها مضرة هناك عادات ضارة وشغالة قرف
اى زمن بي زمنو
العادات لاتنشاء عن فراغ الانسان كائن غير همجى ولو اختار ان يكون همجيا


عدل سابقا من قبل ايمن السر بابكر في الأحد 04 يناير 2009, 9:08 am عدل 1 مرات
الرجوع الى أعلى الصفحة اذهب الى الأسفل
مصعب عمر حسن حمزة
عضو فعال
عضو فعال


عدد الرسائل : 155
العمر : 21
الاقامة : المملكة العربية السعودية -الرياض .
مزاجك اليوم :
تاريخ التسجيل : 10/04/2008

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 9:00 am

السلام عليكم موضوعك جميل عادات الشلوخ و البطان عادات واثنها من أجدادنا
وكلها عادات سيئة وأنا بقوليك أن الحمير لو إنضربة مامعناه إنها شجاعة لأنها ماقالت
تعالو أضربوني معناه إنها مغصوبة لكن الإنسان بقيف عشان الناس إضربوه .
أمابنسبة للشلوخ فهي كانت بتستخدم للتفريق بين القبائل وكلها عادات تقليدية
سيئة .

وشكرا
الرجوع الى أعلى الصفحة اذهب الى الأسفل
http://www.asmerr.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الـبطــــــــــــــــــــــــــــــــــــان   الأحد 04 يناير 2009, 12:48 pm

نساليه كتب:
غبدالله يا خوى كيفن يكون من العادات الضاره ومافى مانع من ممارستها ضار وامارسه كلام متناقض
حبيبي تيسو .. في عادات وموروثات واعراف لا يمكن التخلي عنها ... فالشاب الواقف للبطانة ده بيكون متصور نفسو فارس ...
ولا يمكن ان يتنازل عن هذا الشعور لمجرد انو هذا الامر لا يعجبك !!ودي اعراف ياحلو والعرف
واحد من مصادر القانون ....


نساليه كتب:
وياعزيزى شنو من شب على شئ شاب علية
يعنى اعتبر ده مبرر للاخطاء
يعنى الزول من صغره اذا تعود على السرقة والكذب الى ان كبر نعفيهو؟؟؟بحجة انه
شب وشاب عليه دى نقطة

السرقة والكذب ليس عادة ولا عرف إنما هي خصلة سيئة وحرام في نفس الوقت وتستوجب العلاج فوراً

نساليه كتب:
النقطة التانية
ما تدلل لى بالدخان
الدخان بكل مسمياته اذا كان سجائر او بنقو او حشيش او مارجوانا او شيشه
يعد من المكيفات
ارجع واقول انو العلاقة بين البطانة والسجارة هي الكيف !! أكيد الواحد بيتكيف عندما يقولو عليهو فارس وراجل وصعب وكدا.. لانو يا تسالية مافي زول بقيف للجلد بدون سبب!!
وشائف يا تسالية انو الشباب يتكلمو عن الامراض الايدز وما شابه والموضوع ده حلو بسيط جدا ... اذا في خمسة بطانين يمكن يجيبو خمسة اسواط واي واحد يبطنو بصوط ويترمي الصوط بعد كده يعني ذي موس الحلاقة ..
وصدقني الناس واعية العادات القبيحة الناس قاعد تتركها ذي الختان وقطع الرحط ..الخ بس البطانة من العادات المحفزة للشباب والتي تثير فيهم النخوة والرجولة واعتقد انو الاهداف دي ما شوية ..

الرجوع الى أعلى الصفحة اذهب الى الأسفل
http://www.basilholding.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الـبطــــــــــــــــــــــــــــــــــــان   الإثنين 05 يناير 2009, 3:47 am


حبيبنا تسالية ..
يا اخوي أنا لم أذكر لك أني من هواة الجلد ولا من أنصاره ..
لأنني وبإختصار ليس من قبيلة الجعليين .. وهناك من هو جعلي ولكنه لا يؤيدها ..
لكني أحس عند البطان بنوع من إحترام عادات القبائل لموروثاتهم ..
نعم هي ليست بمعتقدات أو مقدسات ولكنها إتجاهات يجب إحترامها ..
كما قال عمنا عبد الله .. هناك الكثير من الممارسات السئية ولكن تجد من يمارسونها ..
ومنها التدخين (وما تقول لي ما تقارن بالتدخين) هي عادة وليست شئ مقدس ..
ومنها على سبيل المثال لا الحصر المصارعة كما ذكر آنفاً .. وبعض الألعاب الرياضية
العنيفة والتي لا اعرف مسمياتها .. والتي تتسبب في كثير من الأضرار ..
حبيبي كلامي ليس دفاعاً عن البطان أو غيره .. أبداً .. وانا يا باشا لم ولن أتجلد ..
ولكن يا تسالية دعنا نناقش هذا الأمر من باب العادات والموروثات التي تقف شاهدة
على عصرنا هذا .. برغم التطور التكنولوجي والتقدم في مختلف المجالات (والتحضر) ..
ماهي دوافعه وأسبابه التي حالت دون القضاء عليها ..
ما هي المؤشرات التي تنم من إتخاذ البطان عادة ملازمة للجعليين على وجه الخصوص ؟؟
الذي يستخدم التدخين أياً كان نوعه .. عندما توضح له حقيقة التدخين ومضاره ..
تجده سلفاً يعلم ما أوضحته له ويعلم مضاره ويعلم ويعلم .. ولكن تجده يبرر لك التدخين
بشتى السبل ويجتهد ليقنعك أن التدخين لا يسبب السرطان ..
المصارع لو حاولت إقناعه بخطورة اللعبة .. يجتهد ليقنعك بخلاف ما تعتقد ويعتقد هو كمان ..
كذا الجعلي لو قلت ليه البطان دا كدا وكدا وكدا .. الله قال بقولك .. لو ما زحيت منه بعوقك ..
ليه ؟؟ البطان موروث ..بغض النظر عن سلبياته .. وجرى فيهم كجري الدم في الشريان ..
البطان له أحكامه وطريقته التي تتفق مع بعض الناس ..
عفوا بجيك صاد ..
وبرضو يا ناس أنا ما من أنصار البطان .. وبخاف من الجلد .. بس ما زي عبد الله ..


ودمتم في امان الله ...
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الإثنين 05 يناير 2009, 10:10 am

مصعب عمر حسن حمزة كتب:
السلام عليكم موضوعك جميل عادات الشلوخ و البطان عادات واثنها من أجدادنا
وكلها عادات سيئة وأنا بقوليك أن الحمير لو إنضربة مامعناه إنها شجاعة لأنها ماقالت
تعالو أضربوني معناه إنها مغصوبة لكن الإنسان بقيف عشان الناس إضربوه .
أمابنسبة للشلوخ فهي كانت بتستخدم للتفريق بين القبائل وكلها عادات تقليدية
سيئة .

وشكرا
الرائع مصعب

مع احترامى لكل الموروتات
معظم الموروثات اصبحت لاتتماشى ولا توكب العصر
وكونو مارسوها اجدادنا ده مابفرض علينا ممارستها
وفعلا الحمير مرغمة ومجبرة على الضرب
يعنى بالدارجى كده ماعندها خير غير الضرب ده بالنسبة للخمير
اما بالنسبة لينا نحن مخيرين بين الضرب او عدمو
يعنى لامرغمين لا مجبورين
وطالما نحن فى موضع خيار لماذا نختار الوضع الصعب (الضرب)
مع انو هذا الضرب فى وجهة نظرى الشخصية
مابثبت ولا باكد اى شجاعة
مرورك زاد البوست بهاء
مؤونة عام من الود

الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: الـبطــــــــــــــــــــــــــــــــــــان   الأربعاء 07 يناير 2009, 5:47 am

ايمن السر بابكر كتب:
ياضئ بقول حب
وروعة بتمشى نبض
صديقى الجميل جدا تسالية
انا قلت العادة ولم اخص البطان
[size=29]ولم اخص الهوية السودانية
[size=29]اناقلت هناك ظروف لوجود العادة
الغاية اظهار الشجاعة وليس الهدف الضرب(انا بكرة ميكافللى)
الحيوانات لاتضرب باختيارها لزلك لاتصلح للقياس (اصلا هى لاتعى)رغم الالم
الايدز والسرطان تهويل ومبالغة رغم قيام الاحتمال بالاصابة
انا ماداير اتجلد .[/size]
[/size]
بماذا تفسر المصارعة الحرة؟
الناس لاتترك العادة لاأنها مضرة هناك عادات ضارة وشغالة قرف
اى زمن بي زمنو
العادات لاتنشاء عن فراغ الانسان كائن غير همجى ولو اختار ان يكون همجيا
عزيزي ايمن شنو انا قلت العاده وماقلت البطان؟؟؟
ياسيد البطان جزء من العاده وللا شنو؟؟؟
افهم من كلامك انو اجدادننا ابتكروا اسلوب البطان لاظهار الشجاعة؟؟؟
طيب يا ايمن فى اساليب كتييييييييره ومسيخة لاظهار الشجاعة
منها الكرم والجود واتخيل لى ده المعيار الحقيقي للرجالة
وزماااااااااان كان مقياس ومعيار الشجاعة قوة القلب
ولكن فى الزمن العلينا ده معيار الشجاعة اصبح العقل
وكلامك بتاع الناس لا تترك العاده لانها مضره محنى عدييييييييييييل
طيب بتتركها ليه؟؟؟
وعلى قولك اى زمن بزمنو
وده ما زمن البطان
زمن البطان ولى وغار

مخرج لاحمد شوقى
ان الشجاعة فى القلوب كثيره ######ووجدة شجعان العقول قليلا
الرجوع الى أعلى الصفحة اذهب الى الأسفل
كانيجا
عضو نشط
عضو نشط


عدد الرسائل : 49
تاريخ التسجيل : 27/08/2008

مُساهمةموضوع: رد: الـبطــــــــــــــــــــــــــــــــــــان   الأربعاء 07 يناير 2009, 6:18 am



ياتسالية شكلوا الناس البتجلد دي اغلبيتها بتكون مخمورة ومتلخبط احساسها بنشوة الضرب ... والواحد بيكون زي الفي غيبوبة تامة..؟؟؟؟؟

وبعدين الاطباء حذروا كتيير من اختلاط الدم عبر السياط من فتي لاخر ... لانها بتنقل امرلاض كتيرة واخطرها ( الايدز)...

والتخلي عن هذه العادة او العرف هو تحرر من عبودية العائلة.. والتفكير في اساس الاشياء الجميلة والطيبة .

............................................................

كل ماتعمقت ياتسالية في نفسك حتى مقاربة المستوي البدائي او الحيواني : قل الاحساس(الجلد) وكلما ازداد حظك من المدنية وسمت ثقافتك وتربيتك يزداد إحساسك بالتزامك تجاه الناس ويزداد إحساسك بالذنب....







..............................................


كُنتُ في ( الرّحـْمِ ( حزينـاً
دونَ أنْ أعرِفَ للأحـزانِ أدنى سَبَبِ !
لم أكُـنْ أعرِفُ جنسيّـةَ أُمّـي
لـمْ أكُـنْ أعرِفُ ما ديـنُ أبـي
لمْ أكُـنْ أعرِفُ أنّـي عَرَبـي !




الرجوع الى أعلى الصفحة اذهب الى الأسفل
 
الـبطــــــــــــــــــــــــــــــــــــان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: