المسؤليه

موضوع: المسؤليه الأحد 05 أكتوبر 2008, 8:07 am

الساده اعضاء المنتدي في البدايه التحيه لكم جميعا واقول ليكم كل سنه وانتم طيبين

وربنا يحقق الاماني وداير اتكلم في موضوع مهم جدا لان الموضوع بخص الاداره
قبل الاعضاء
في شهر رمضان الكريم يمكن انا كنت من القلايل الموجودين في المنتدي لهذا
لاحظت عدم دخول كثير من الناس الي المنتدي وبامانه المنتدي اصبح مافيهوا الفايد
البتخلي الناس تخش عشان كده الناس نفرت منوا والسبب الريسي انو المشرفين علي
علي المنتدي مابخشوا المنتدي عشان يعرفوا الحاصل وبالجد انا من اصبحت مشترك
في هذا المنتدي وانا مراغب المشرفين لاوجود لهم مع احترامي الشديد لهم
عشان كده انا داير اقدم مقترح للنقاش واجوا انو الناس تبدي بالراي عشان نصل
لي حلول
ولينا عوده
معز السماني

موضوع: رد: المسؤليه الأحد 05 أكتوبر 2008, 10:07 am

أخوي معذرة هذه المداخلة نزلت بالخطأ في موضوع آخر لك .. يعني بس غفلت لكتابة مداخلتي وجدتك دخلت بموضوع آخر دون ملاحظتي للعنوان .. ولو بيدي مفاتيخ اللعب كنت حصلت الموضوع عدواً وخصوصاً لياقتي حديد .. لكن العين بصيرة واليد قصيرة .. ولم أجد أمامي ألا أن أأشر بيدى .. والأرسال تم .. وأتحكر ردي في موضوعك الأخر.. عليه أرجو المعذرة
بالنسبة لموضوعك أعلاه أقول لك ...أخي معذ كل عام وأنت والجميع بخير
طبعاً أنا لست من المشرفين ولكن بحكم عضويتي وإنتمائي لهذا الصرح كان لابد لي من توضيح بعض النقاط ، إستوقفني حديثك بخصوص غياب الأعضاء خلال شهر رمضان المبارك
نعم كان هناك غياب .. ولكن لبعض الأعضاء .. ونزل بوست خاص بهم بعنوان المختفين .. وتفاعل معه الجميع.. وطبعاً لخصوصية الشهر المبارك أمر طبيعي جداً أن يحدث بعض الغياب .. وتتعدد الأسباب.
فيما يخص بأن المنتدى أصبح مافيهو فائدة تجعل الناس تشارك .. أعتقد أن هذه النقطة لم يحالفك الحظ فيها وبها كثير من التجني ..
عليه أرجو أن تعمل مراجعة سريعة لأقسام المنتدي .. بالتأكيد سوف تجد أن مواضيع كثيرة تم عرضها خلال شهر رمضان وشارك فيها الجميع. وتفاعلوا معها.. وربما لم يسعفك الوقت للدخول أو المشاركة في بعض المواضيع التي طرحت ، أو ربما لم تجد نفسك متفاعل مع بعض مما طرح.
أنت حملت المسئولية للمشرفين .. ولكن السؤال الذي يطرح نفسه .. هل خاطبت أي أحد من المشرفين على بريدهم الخاص .. هل أبديت لهم ملاحظاتك .. هل وهل ....... ؟ أم جلست تراقبهم كما ذكرت في حديثك .. عليه كان من المفترض بعد أن أبديت ملاحظاتك نحوهم بأن تقوم بمخاطبتهم كل على حدا .. ومنها تعم الفائدة المرجوة على الجميع.في نص حديثك قلت بأنك كنت داير تقدم مقترح للنقاش وترجوا انو الناس تبدي بالراي عشان نصل لي حلول .. وختمت حديثك..
طيب بعد كل حديثك كنت أتمنى بأن تقوم بطرح مقترحك للنقاش ليبدى الأعضاء رايهم .. ولكنك لم تفعل..
عليه أرجو التوضيح مع خالص شكري لك ولجميع مشاركاتك القيمة خلال الفترة الماضية..[/size]

موضوع: رد: المسؤليه الإثنين 06 أكتوبر 2008, 2:37 am

اخي عصام التحيه لك وعزرك مقبول ياسيدي
اخي عصام اولا اريد ان اقول قبل التعليق علي ردك انا لم اكمل الموضوع لانني وانا
بكتب الموضوع اطريت ان اخرج من المنتدي لكن تحت انا دايما بكتب ولنا عوده
وانا كتبت وكنت راجع عشان اعدل فلك المعزره
اما بالنسبه لموضوع عدم وجود الاعضاء او المشرفين انت زكرت انو في بوست بعنوان
المختفين والناس اتفاعلت معاهوا مافي مشكله في الكلام ده لكن لا اتفق معك في
العزر بان شهر رمضان منع المشرفين من الدخول للمنتدي
اخي عصام عاوز اسالك هل تزكر اخر مره دخل فيها زبن كوف المنتدي قبل رمضان
مع العلم ان زين كوف هو المشرف السياسي وانت تعلم المشاكل القايمه في القسم السياسي
والمشرف ماعارف الحاصل في القسم شنو
هل تزكر متي دخل اخناتون المنتدي هل تزكر متي دخل معتصم بابكر المنتدي هل تزكر متي
دخل تساليه المنتدي
ايضا الخ حافظ العبيد المشرف الرياضي انا منذو اشتراكي ولم يدخل المنتدي

اما بخصوص ان المنتدي اصبح مافيهوا فايد اظنني لم اوضح وجهة نظري جيدا
ليس قصدي ان المواضيع التي كتبت ما مواضيع ذات فايده ولكن اريد ان يجتهد الناس اكثر
حتي نستفيد جميعا
اما بالنسبه الي انني حملت المسؤليه للمشرفين نعم حملتهم المسوليه وانا لم اخاطبهم علي البريد الخاص
وطرحت الفكره علي العامه من اجل المشاركه لا من اجل المشاكل
اخي عصام انت من اكثر الناس المتابعين لمشكلة القسم السياسي والمشرفين لم يحلو الموضوع الي
الان
اخي عصام كتبت هذا الموضوع لا اريد ان افتعال المشاكل مع المشرفين ولا اريد ان اقوم
الاعضاء علي المشرفين ولاكن اريد ان نتشاور ونتحاور من اجل الفايده العامه
اما بخصوص المقترح
اريد من المشرفين اما ان يعدلوا في المناصب بتعين اناس يمكنهم بزل الجهد حتي يتطور المنتدي
او اجراء انتخابات لمعرفة المشرفين الجدد وانا مع المقترح الثاني لانني اري انه الانسب
ولنا عوده
معز السماني

موضوع: رد: المسؤليه الإثنين 06 أكتوبر 2008, 3:24 am

السلام عليكم معز السماني الحاضر الغالي

عصام عبد الصادق
سلام مني اليكم وكل عام وانتم بخير
قريت موضوعكم وبالجد موضوع جميل وداير وقفة وانا ماحاقدر اقيف معاكم عشان رجلي تاعباني شوية((0))
المهم
لا تنسو اخوتي
بان المشرف فهو انسان كان نحن بشر فهو ياكل كما ناكل نحن وهو يشرب كما نشرب نحن وهو يبكي كما نبكي نحن وهو يرحل كما نرحل نحن وهو يسعد كما نسد نحن وهو يسافر كما نسافر نحن وهو ينام كما ننوم نحن ودية اشغال كما لدينا نحن ولدية مشاكل كما لدينا نحن وله اسرة كما لدينا نحن وله وله وله
عزرآآآآ اخوتي فاين نحن من هذا الكم العريض من المشاكل والظروف التي تمر بهعم وبنا نحن فهل يجب علي المشرف ان يقضي كل يومة دخل اطار المنتدي وهل يجب عليهو ان يكرس كل جده داخل المنتدي فاين الاسرة التي تنتظر في نهاية كل شهر واين لاطفال الزين يركضون من الصباح في رسوم السبت ورسم الدراسة وحق الفطور واين رسوم الخضار (الحلة)واين واين فكل هذه المشاكل داخل راسة فبد كل هذا كان راضي بان يحمل معنا ومعكم هم هذا الصرح الكبير ورضا بنفسة ان يدخل له عب زياده عن التعب الزي يحمل داخل لن يكون ذلك سهلآآآ عليه ولكم الشكر ولي عوده معكم

جرد رائي

تسالية ونسة

المشرفين انعين رسايلهم لينا

ماكنتو بتراسلوانشاء الله مانع خيرل كتتبو شنو الحاصل انشاء الله مانع خير

موضوع: رد: المسؤليه الإثنين 06 أكتوبر 2008, 3:44 am

التحيه لك اخي نبيل احمد وكل سنه وانت طيب

اخي نبيل الاعزار التي زكرتها موجوده عند كثير من السودانين خليك من المشرفين
فهذه العزار كانت امامي قبل ان اكتب الموضوع ولكن عندي انا شخصيا لا اقبلها
لانها لا تتعارض مع الدخول لمعرفت الذي يحدث في القسم المسؤل عنوا
وزكرت مثال زين كوف ومشكلة القسم السياسي
بعدين يا عزيزي انحنا موجودين في منطقه وحده وبنعرف بعض
والما بنعرفوا ناس عصام بعرفوهوا ده لو المشرف عندوا
ما يمنعوا من الدخول للمنتدي

موضوع: رد: المسؤليه الإثنين 06 أكتوبر 2008, 1:44 pm

سلام وتحية لكل الموجودين

شكرا لكاتب الموضوع الاستاذ معذ وهذا يدل على اهتمامك بالمنتدى وحبك للجريف

واتمنى ان يكون هدف الكل الجريف

بخصوص المشرفين وعدم متابعتهم للمنتدى شئ طبيعي فكل المذكورين اعلاه لهم اسباب

خاصة تمنعهم من الدخول كبقية الاعضاء

عندما قامت الادارة بتعين المشرفين كان السبب تواصلهم المستمر

ومشاركاتهم الفعالة في اقسام المنتدى واعرف ان كثير منهم

سحب هذة المشاركات في الاونة الاخيرة وعزرهم معهم

وبالتاكيد الادارة متابعة عدم تواصل المشرفين

ولكن هنالك منتدى جديد تحت الانشاء للجريف وهو سبب عدم تعين مشرفين جدد الى ان يتم

افتتاحه وتقسيم المهام والتكاليف واختيار مشرفين

لديهم الوقت الكافي للاشراف ومتابعة المواضيع فيه

اتمنى ان اكون وفيت بهذة المشاركة البسيطة ولك الشكر

اجزله لاهتمامك والشكر ايضا موصول للعم عصام والاخ نبيل

التحيه لكي الاخت سودانيه واشكرك علي التعليق واقول

زكرتي ان عدم متابعت المشرفين للمنتدي شي طبيعي فهم لهم ظروفهم الخاصه
الاخت سودانيه انا لا اتفق معك في هذا الشي لانني كما قلت سابقا في ردي
علي الاخ نبيل انني قبل ان اكتب الموضوع وضعت كل الاعزار امامي
ووجدة انه ليس من المعقول ان يختفي المشرفين عن المنتدي كل هذه
الفتره واني اري ان هذا الكلام مستحيل واتمني ان يكون كلامي غلط
ونشوف المشرفين متواجدين ومتابعين للحاصل في الاقسام بتاعتم

اما بخصوص المنتدي الجديد بالجد ان مافهمته ياريت توضحي يعني كيف جديد
وهل الاعضاء هم نفس الاعضاء في المنتدي الجديد وهل المواضيع هي نفسها
الجديده والقديم ارجوا التوضيح واذا كانت هناك خطوه ذي دي لابدالرجوع
للاعضاء لابدا الراي
ولنا عوده
معز السماني

الأخوة الكرام ..
تحية وإحتراماً ..
ظاهرة الغياب ظاهرة عامة لكل الأعضاء والمشرفين ..
وأحترم نظرة أخونا نبيل في إيجاد العزر لبعض الأعضاء والمشرفين ..
ونحترم الظروف التي حالت دون المشاركات الفعالة للأعضاء والمشرفين ..
وأنا بعرف ناس فعلاً لديهم ظروف حرمتهم من الدخول المستمر ومتابعة المنتدى
من مشرفين وأعضاء .. والدليل على ذلك تجد أن كثيراً من الأعضاء او المشرفين
يكتبوا مواضيعاً تم تناولها من قبل ..
أما غياب بعض المشرفين .. فأرجو منهم الدخول ولو لفترة وجيزة للمتابعة ..
أما بخصوص الموقع الجديد .. فهو موقع وليس منتدى .. موقع شامل على حسب علمي ..
يحمل بين حناياه أقسام وروابط كثيرة جداً يحكي عن تراث الجريف تاريخها وعراقتها ..
ويتحدث عن التعليم في الجريف والرياضة في الجريف وعمالقة الجريف وأعيانها ..
وبها صفحات تتحدث عن الرجال الذين أثروا الساحة الجريفية وبها منتدى كبير جامع يخص الجريف شرق .. وبه وبه وبه ..
وهناك فريق عمل يعمل على إنجاح ذلك البرنامج .. ويجمع في الداتا للموقع الجديد ..
وفي إنتظار الأخت سودانية للمزيد من المعلومات ..
وهناك بوست خاص بهذا الموضوع للمتابعة ..
نرجو أن لا نكون قد خرجنا من الموضوع الأساسي لهذا البوست ..

ودوموا لنا ولها ...

معذ السماني الحاج ياسين كتب:: اما بخصوص المقترح
اريد من المشرفين اما ان يعدلوا في المناصب بتعين اناس يمكنهم بزل الجهد حتي يتطور المنتدي
او اجراء انتخابات لمعرفة المشرفين الجدد وانا مع المقترح الثاني لانني اري انه الانسب
ولنا عوده

وأنا هنا أوافقك الرأي ..
وأبدأ بنفسي وأضع قسم الجريف العام فوق منضدة الإنتخاب والترشيح ..
لمن يرغب في ذلك .. أو ترشيح من هو الأنسب ..

ولكم الشكر والتقدير .. والله من وراء القصد ..

فقط دمتم لنا ولها ...

اقتباس مشاركة للاخ الهندي يوضح فيها بعض النقاط التي سيحويها الموقع الجديد

المشاركة من موضوع (اصحو ياناس المنتدى) وكاتب الموضوع الاستاذ تسالية

[quote="الهندي بشير نابري"]

الاستاذ بدر عبدالماجد .. أبو محمد ... بمقدار ما يسعدني تواجدك الدائم
بمقدار ما أنحنى دائما أمام كلماتك التي تنعش في النفس جوانبها فكن بخير
ولك امتناني وتقديري ولكلماتك حق الانحناء والتبجيل دوماً

أما عن المنتدى والموقع لتلك الأم الرؤوم .. فالعمل مستمر وأطمئنك نحن
قادمون بأقصى سرعة وبأقوى ما نستطيع .. فقط نحتاج لمن يزينو مكاننا
بطيب أصلهم وجوهر معدنهم أمثالكم ليكونوا حولنـــا هداة لكل عمل صحيح
وزول عطبره قول ليه المهرة جات في اللفة وقربت بس خليك قريب وشوف
انشاء الله تلقى ما يرضيك ومن هنا وفي هذه المساحة بينكم اعلنكم قريباً جدا
قريباً جداً افتتاح المنتدى الجديد وهو بمثابة امتداد لهذا المنتدى الذي لمع نجمه
في سمانا وقلوبنا جميعاً وجمعنا من كل الانحــــاء ونال الفضل في تجميع كل الاصوات
والاقلام حول هذا المكان وسيكون امتداد له انشاء الله علما بأن كل الاخوة من ضمن فرق
عمل واحد يحمل نفس الفكرة ونفس الحلم لإنشاء بيت سعيد يدعو الى التفاكر والنقاش
النير .. والى التواصل والترابط بين كل أبناء البلد خارج البلاد وداخلها ..وللتعريف
عن المنطقة علة كل الاصعدة والجوانب

وسيكون هناك شريط اخباري لينقل لنـــا الخبر من موقع الحدث مباشرة
كل الافراح والاتراح والمناسبات العامة على ارض الجريف وكل الاخبار بشكل
مستمر انشاء الله وسيكون هناك شريط للاهداءات لتنتقل اهداءاتكم ومواساتكم
مباشرة الى كل الاهل بالجريف ومدكم العنوانين والتلفونات لتقديم العزاء ومشاركة
الافراح ولنربط كل البلد بالموقع والمنتدى بكل اهل الجريف خارج البلاد ولنجد تلك
الثمرة المنشودة من هذا العمل ومازلنا في البحث عن المعلومات وهناك ممن يساعدنا
من أرض الوطن الكثير لهم الشكر والتقدير عبر هذه المساحة النيرة
واليكم نبذة صغيرة عن محتويات الموقع وشكل المنتدى الجديد انشاء الله

اسم الموقع والمنتدى ...( موقع ومنتديات جريـــــــــــــــفنا )
وفي مساحة محجوزة غير محدودة على سيرفرات شركة استضافة على الانترنت
وقد تم اختيار الاسم والموافقة عليه من قبل اعضاء فريق العمل
ولما في هذا الاسم من احساس الانتماء ولشكله ووقعه الاعلامي
والذي نتمنا أن ينال اعجابكم ورضاكم
وياها جريفنــــا كلنا

من فقرات الموقع
* نبذة تاريخية عن الجريف شرق منذ بداية تكوينها والحديث بالتفصيل عن
احيائها واسماء المناطق فيها من بدايتها الى نهايتها ...
* الحديث عن بعض الشخصيات الكبيرة والقديرة على مستوى الجريف شرق
* الحديث عن الجانب الاجتماعي بالجريف شرق والذي يعكس تفوق أهل البلد
عن غيرهم من عادات وتقاليد لهم أن يفخرو بهـــا .. وتلك الجمعيات الخيرية
والذي تقدمه لخدمة أهل البلد وهنا الحديث له طعم مختلف .. تحس انو الدنيا لسه بخيرا ..
* حديث طويل عن الجانب الاسلامي والجانب الصوفي الذي يكسو أهلها كل البهــــاء
* الحديث عن النوادي الرياضية ومراكز الشباب بالمنطقة ومقابلات شخصية مع مدراء
النوادي وسيرة مطوله عن النوادي الرياضية والثقافية منذ الانشاء وحتى الآن وكل رؤسائها
واللعيبة فيها وصور لهم انشاء الله .
* الحديث عن مثقفي الجريف شرق من الكتاب والشعراء والمؤلفين والرواد في كل العلوم
فلهم حق التكريم والحديث عنهم في هذا الصرح الذي نبني لنبثه على كل العالم
* الحديث عن اللجان الشعبية التي مرت على المنطقة ودوراتها ورؤسائها وكلماتهم
* ومن الجانب الاسلامي لنا وقفات كثيرة من القراء في الجريف وتسجيلات بصوتهم
للقرآن كاملاً
* ومن جانب آخر مديح الرسول صلى الله عليه وسلم وهناك الكثير من المداح الذي
أنشدو في مدح الحبيب المصطفى درراً فلنا أن ننتعش بالجلوس معهم عبر هذا الموقع القادم انشاء الله
* ومن جانب آخر لمحات من الجانب الأكاديمي والكثير الكثير عن تلك المدارس التي خرجت وعلمت
الاجيال على أيدي معلمين من البلد يشار لهم بالبنان ولنـــا وقفات طويلة في حضراتهم انشاء الله
* شباب الجريف شرق جيل متعلم مثقف فهم المستقبل المشرق فلنا حولهم وقفات ولقاءات
*رابطة طلاب الجامعات والمعاهد العليا بالجريف شرق وهنا الحديث يطول ويطول
* كلية الجريف شرق وهنا اختراق لحواجز الزمن وانطلاق الجريق الى القمم
ولنــــــــــا حديث طويييييييل هنا
* ومن الجانب الصحي فهناك حديث أيضاً واسهامات مقدرة وجليلة سيتم الحديث عنها والاشارة
لـــها انشاء الله وعن دور تلك المراكز الصحية والعيادات والأطباء الذين قدمو للبلد
وعلى تلك القائمة المرحوم الدكتور محجوب كمال الدين الطيب .. فتلك قامات يجب لنا الوقوف عندها
* ومن جانب آخر على الصعيد الفني فهناك الكثير من الفننانين من أهل البلد ولنـــا
أن نتحدث عنهم وننقل لكم من أصواتهم ما نستطيع انشاء الله
* التطرق للنشاطات المستمرة على الصعيد الرياضي والثقافي والأكاديمي من قبل أهل البلد
والنوادي الرياضية الاجتماعية ومراكز الشباب
* هيئة تكوير الجريف وهي كوكبة من أهل البلد تعمل في الخفاء وتحت الستار ليل نهار
لتقدم للبلد وتطور الجريف شرق تلك الام التي لها ننتمي جميعا فلهم حق التكريم
وذكر كل اعمالهم ومشاركاتهم في البد والتطرق لتلك الهيئة واعضائها انشاء الله
* الجمعيات الاجتماعية في أرض المهجر والدور التي تقدمه لجمع ولّم شتات الابناء
في الغربة .. وصور لها وحديث طويل عن تكوينها ونشأتها انشاء الله
* وسيكون هناك روابط مباشرة للكثير من المواقع الاسلامية والحكومية والمواقع الاخرى
التي من شأنها تقديم المعلومات والقنوات الفضائية والاذاعات الداخلية والخارجية
لرواد الموقع والمنتدى انشاء الله
* دليل للمغتربين وعنوانيهم في بلاد المهجر لسهولة الوصول اليهم والاتصال بهم
* نبذة تعريفية عن فريق العمل في الموقع والمنتدى واشارة وشكر لكل من قدم يد المساعدة
وذكر لهم وعن بداية نشأة الفكرة والحلم وولادتها
وبداية العمل فيهـــــــــــــــــــا

وهناك الكثير موجود في الخطة انشاء الله ونحو التنفيذ بخطوات متسارعة فقط كونو بقربنا ما امكن
ونرجو ان يكون العمل مثيرا لدعواتكم لنــــا لنستمر ونعمل باجتهاد وتفاني بلا توقف ونجاح

وعلى الجانب الآخر ( منتديات جريفنا )
قد تعتبر المنتديات الآن جاهزة تماما للعمل في ساحة الانترنت الى حد بعيد
وهي من نسخة vBulletin 3.6.7
وتم تصميمها وبرمجتها بلغة برمجة PHP و XML
وتمت اضافة التعديلات البرمجية لتظهر أمامكم بأبهى الصور انشاء الله
سنتمتع فيها بامكانية الحصول على قواعد البيانات للموقع والمنتدى
الذي سيكون مستقل تماماً
كما تمت اضافة كل ما نحتاج من اضافات برمجية وفنية
لنتمكن من تسخيرها لقضاء كل مطالبكم واحتياجاتكم ومساعدتنا بكم لقيادة المنتدى
كما تم تشكيل شريط محطة وقناة الجريزة الاخباري لينقل لكم اخبار العالم بشكل مستمر
انشاء الله وهناك شريط إخباري آخر لينقل لكم أخبار الجريف بشكل محدث
ومستمر انشاء الله ما امكن

بالنسبة لأقسام المنتدى الموضوعة
أولا منتدى جريفنا للحوار العـــــــــــــــــــــام
وهو قسم عام يعتني بكــــــــــل المواضيع العامة
ثانــيا منتدى جريفنـــــــــــا الاسلامي
ويعتني بالمواضيع الاسلامية والحديث والسيرة وفي داخلة قسم فرعي للمدائح الصوتية والمرئية
ثالــثا منتديات جريفنــــــــــــا الثقافية
والتي تعتني بكل المواضيع الثقافية والشعرية والخواطر وبداخله قسم خاص للأغاني
المرئية والصوتية والفلاشات
رابعاً منتديات جريفنــــــا للكمبيوتر والاتصالات واللغات
وهنا تبرز مواهب كل رواد الكمبيوتر والانترنت من محاضرات ومناقشات في عالم الكمبيوتر
والاتصالات وحل لجميع المشاكل التي تواجه الاعضاء وشروحات للكثير
من البرامج التي تساعد مستخدمي الكمبيوتر وهنا االحديث يطول عن هذا القسم
وأيضا يحتوي المواضيع الانجليزية ودورات تعليم وتطوير للغة الانجليزية انشاء الله
من قبل المشاركين
خامســـاً منتديات جريفنـــــــــا الرياضية
وهنا نجد كل المواضيع التي تهتم بالرياضة العالمية والمحلية والرياضة داخل الجريف
والنوادي الرياضية واخبارها واخبار دوراتها وانجازاتها ومتابعة لكل تقدمها انشاء الله
سادســـاً قسم المناسبات والترحيب
وهذا القسم سيعتني بكل المناسبات من الافراح والاتراح التي تمر على أهل البلد واعضاء
المنتدى وسيكون بهذا القسم أيضا الترحيب بالاعضاء الجدد والسؤال عنهم والتهاني ومشاركة الاحزان .
سابعاً منتديات جريفــــــــــــــــيات
وفي هذا القسم سنعيش انشاء الله وكأننا في الجريف تماما من خلال المواضيع الترفيهية التي
نناقش فيها الهموم والمشاكل والذكريات وأخبار البلد والتعارف المستمر بين الاعضاء
والترتيب للقاءات بين الاعضاء على مستوى كل البلدان والدول ونقل لأحداث اللقاءات
والتعارف عبر الصور وغيرها من الوسائل والتوثيق وأيضاً التعريف عن اجزاء البلد
ومناطقها وأسرها ومناقشة ومتابعة الجمعيات الاجتماعية لأبناء الجريف شرق في كل البلدان
والكثير الكثير .

الاخوة الاعزاء هذه قليل من كثير في الحنايا تجاه تلك البلد فقط كما هو أمامكم المجهود كبير جدا ويحتاج للكثير
من الايدي التي تعمل باخلاص نحو الوصول الى هذا الهدف ونحتاج منكم المشورة المستمرة والرأي والنقد
والتوجيه والاعتراض .. ونعلم أن كل قادم منكم يعلو بشأن المكان ويزيد من ألقة وبهائة .. ويهب الفكرة الضياء
ويقذفها في عين الشمس لتصمد وتعانق الواقع والحقيقة... فنحن لن نكون إلا بكم ولكم فساعدونا بكل آرائكم ما
استطعتم وبخبراتكم في كل الاصعدة التقنية والالكترونية والثقافية والمعلوماتيه والاجتماعية
فنحن في حوجة لكل زهرة تأتينا منكم نرفقها في تلك الصورة التي نرسم
وهذه وردة ود أهديها لكـــــــــــــــــــل من يمر بهذا المكـــــــان ولكم ودي وتقديري
الهندي بشير عبدالله نابري
من فريق العمل بموقع ومنتديات جريفنـــــــا
وقريبا سأمدكم بصور من المنتدى والموقع انشاء الله

[/quote

بسم الله والصلاة والسلام على رسول الله
الاخوه المتحاورين والاخ كاتب الموضوع معز السمانى لكم جميعا التحية والتجلة ولك الشكر
اخى على اثارة هذا الامر وأود ان اوضح وجهة نظرى فى هذا الموضوع فقد بدأت مشاركتى
بالمنتدى قبل فترة ليست بالطويلة وقد كنت اكثر المتواجديين بالمنتدى واكثرهم مشاركة ومداخلة
ومتابعه لكل المواضيع المطروحة واستمر هذا الوضع لشهور الى ان تم تكليفى من قبل الادارة
بتولى الاشراف غلى قسم الجريف شرق وأصدقك القول اننى حتى الان اتهيب من هذا التكليف
الصعب واعترف باننى فى الفترة الاخيرة وخصوصا شهر رمضان وحتى اليوم اننى اكثرت من
الغياب او المتابعة كمتصفح فقط لاواكب المستجدات التى تطرأ حتى لا أكون بعيدا عن المنتدى ...
ولا اريد ان ابرر موقفى هذا ولكن هنالك ظروفا قاهرة لو مررت بها انت شخصيا او اى شخص
بالمنتدى لامتدت فترة غيابه كما حدث معى ... وعلى الرغم من ذلك فاننى معك فيما قلت ولكم حق
تنفيذ ما ترونه مناسبا .. ولكن اخى معز هذا المنتدى مختص بالجريف الحبيبة فقط وليس لدى

ادنى شك بان كل الاعضاء من الحادبين على المنطقة والحامليين همومها وانت اولهم ولذلك فان أمر الاشراف
يكون مختلفا عن المنتديات العامة وذلك لان المصلحة واحدة والهم مشترك .. قد نختلف او نتفق
نقترب او نبتعد ولكن تبقى الجريف همنا المشترك جميعا ..

قصدت بحديثى هذا ان اوضح انه لافرق بين العضو والمشرف من حيث ظروف الحياة العامة والخاصة

فليس كل المختفين لفترات طويلة هم المشرفين فقط فكثير من الاعضاء اختفو وتفرقت بهم السبل والظروف

القاهرة وسياتى الوقت الذى سيرجعون فيه وبقوة وسوف يدهشونك بحضورهم الانيق والدائم وفى

ذلك ايضا تخدمهم الظروف وبعيدا عن الاشراف اود ان أقول لك

(كما كنا حاضرون اختفينا وكما اختفينا سنكون حاضرين)

والله ولى التوفيق

ولى عودة لهذا الموضوع باذن الله

موضوع: رد: المسؤليه الخميس 09 أكتوبر 2008, 1:41 am

معتصم بابكر عبدالعزيز كتب:: [
(كما كنا حاضرون اختفينا وكما اختفينا سنكون حاضرين)

والله يا معتصم الله يكملك بعقلك ياخي !

موضوع: رد: المسؤليه الخميس 09 أكتوبر 2008, 2:52 am

الاخ العزيز معتصم بابكر اشكرك علي التعليق واقول ليك حمد الله علي السلام بركه

الانت طيب
العزيز معتصم كلامك جميل وايع واعتزارك اروع اعتزار زول بتهموا الجريف والمصلحه العامه
وانا ماداير اخوض في الموضوع مره تانيه وداير اقول ليك القصد الاساسي من هذا الموضوع
لي ان يدخل الاعضاء المنتدي بما بيهم المشرفين عشان الناس تتابع الحاصل وهنا تكمن الفايده
عشان كده بقول كلامك جميل ورايع وحمد الله علي السلامه
اما بخصوص ان المشرفين ليس هم الغياب وحدهم اتفق معك في هذا ولكن انا ماقاصد المشرفين
بس الاساس الوجود العام
ولينا عوده
معز السماني

موضوع: رد: المسؤليه الخميس 09 أكتوبر 2008, 5:45 pm

الشكر أجزله ايها الرائع دوما وابدا عبدالله محمد نابرى....

الاخ الرائع وابن الدفعه الجميلة التى لاتزال ذكراها بالوجدان والخاطر معز السمانى
أحب ان أؤكد لك اننى فهمت ما ترمى اليه جيدا وانا معك قلبا وقالبا فلابد من تواجد
الجميع على المنتدى اعضاءا ومشرفين وادارة حتى تعم الفائدة على الجميع ...
فكن بخير دائما وابدا ايها المتفجر روعة ...

موضوع: رد: المسؤليه السبت 11 أكتوبر 2008, 8:23 am

الاعزاء الكرام التحيه لكم جميعا واشكركم جميعا علي التعليق والمشاركه

واود ان اقول انني عندما كتبت في هذا الموضوع كنت متوقع انوا كل
الناس حاتقول الزول ده داير يشيل المشرفين وكده لكن الحمد للله القصد وصل
وانا والله مبسوط جدا لانو شايف المشرفين سجلوا حضور وشايف قايمة الاعضاء
المتواجدين بدت تتحرك كويس والله لو كنت عارف من زمان كان كتبته الموضوع
ده
وتاني بقول ليك يامعتصم حمد الله علي السلام ودايرين الباقين عشان الفايده
تعم ونمشي قدام
ولينا عوده
معز السماني

موضوع: رد: المسؤليه الأحد 12 أكتوبر 2008, 5:34 am

الوارف

معز

طق خااااااااااص

الشئ الاول

احييك على اهتمامك الظاهر بالمنتدى

الشئ التانى

بخصوص عدم تواجد المشرفين

انا شخصيا يامعز يا سمانى لم ادخل المنتدى منذ فتره طويلة نسبتا لظروف خاصه

اسلفتها سابقا فى بوست( المختفين) لابو تراجى وببدو انك لم تقراءه

لكن مافى مشكلة تانى اعيد ليك وبالدارجى كمان

ياعزيزى الايام دى انا فى السودان والعبد الفقبر لله(انا) لا املك انتر نت بالمنزل فى السودان

يعنى يا سمانى اما امشى كوبر ودى اقرب منطقة بها انتر نت او امشى الخرطوم يوما عشان

ادخل الانتر نت وطبعا ده حاجة صعبة

واتخيل لى يا سمانى بتوافقنى الراى بحكم انك عائش بالسودان

وادرى منى بظروف السودان

لكن اوعدك يامعز يا سمانى ح احاول بقدر الامكان عدم الانقطاع من المنتدى فى الفتره الجايه

الشئ التالت والاهم

مسألة الانتخابات ودى مسألة مهمة جد

ا بس اصبر شويييييييييييه يامعز ياخوى لحدى ماننقل المنتدى

فى الموقع الجديد وللا رايك شنو يا انتخابات عفوا يا معز؟؟؟؟؟

خارج النص:

وليد يا سنقد قلت لى شنو؟؟؟

فى مقهى جوار الجامعة

والله ياوليد( دخت السبعة دوخات) عشان القى هذا المقهى

ولكن للاسف فشلت

سلامات يا مقهى

موضوع: رد: المسؤليه الأحد 12 أكتوبر 2008, 6:32 am

العزيز تساليه اشكرك علي التعليق وعلي التحيه
واقول ليك بركه البقيت طيب وحمد الله علي السلامه
عزيزي تساليه لهجتك ماعجبتني شنو يعني (ياسماني )
ده كلوا عشان هبشنا المشرفين
عزيزي تساليه اظنك لم تقراء الموضوع جيدا لانني قلت في الموضوع انني
وضعت كل الاعزار امامي فلم اجد اي عزر مقبول يمنعني علي كتابت الموضوع

بعدين المشكله شنو يعني لو طلعته الخرطوم يوم او يومين في الاسبوع بعدين كلنا
ماعندنا انترنت في البيت لاكن دي ما مشكله تخليك ما تخش المنتدي
وذي ما بتقول انته
فاوضني بلا زعل
ولنا عوده
معز السماني

موضوع: رد: المسؤليه الأحد 12 أكتوبر 2008, 6:59 am

التحية والتقدير لكل المشاركين ولك أخي معز

و اسمحوا لي بأن أتقدم بهذا الإقتراح للإدارة بخصوص المشرفين.
1- في حالة غياب المشرف يكلف شخصاً ينوب عنه بعد إفادة الأدارة
2- في حالة غياب المشرف لمدة إسبوع و لم يبلغ الإدارة تعين الإدارة شخصاً ينوب عنه حتى ظهوره

و ما توفيق إلا بالله

موضوع: رد: المسؤليه الأحد 12 أكتوبر 2008, 8:46 am

الوارف معز

طق خااااااااااااااص تانى
عفوا معز الماعجبك شنو فى لهجتى؟؟
وكلمة السمانى قصدت بها التميز يعنى لا اكتر ولا اقل
لكن يظهر انو فكرك راح لبعيد دى نقطة
النقطة التانية
شنو كلمة عشان هبشنا المشرفين
انا شحصيا ما عندى اى مشكلة يعنى ممكن اتقبل كلام اى زول بس يكون الكلام منطقى
وقريت موضوعك كويس وفهمتو
ووضحت لك اسباب غيابى فى الشهور الفاتت
لكن يظهر عليك ما اقتنعت ودى مشكلتك
وياعزيزى الحاجة الانا عارفها انو انت بتخش النت من الشغل
وانا الايام دى فى اجازه يعنى شغل تك
ويا معز باختصار شديد
اوكى بخش ليك الانتر نت كل يوم طالما لم تتفهم اسباب غيابى
ولم تقتنع
مؤونة عام من الود

موضوع: رد: المسؤليه الإثنين 13 أكتوبر 2008, 5:33 am

العزيز تساليه لك كل الود والحترام واقول ليك

الطقطقه الكتيره شنو
عزيزي تساليه الماعجبني في لهجتك اني حسيت بالاستهتار لكن ده ما موضوعنا
انا ماداير اطلع من الموضوع الاساسي
ياعزيزي انا لمن اتكلمت عن موضوع المشرفين كنت قاصد حاجه واحده
وهي انوا الناس تخش المنتدي (وياعزيزي الكلام بقي مكرر )
اما بخصوص عزرك بالنسبه لي مامقبول ووريتك الحل يوم يومين
مامشكله
بعدين اعمل حسابك من الطقطقه الشديده عشان ماتطق
(مسروقه )
فاوضني بلا زعل
ولينا عوده
معز السماني

موضوع: رد: المسؤليه الإثنين 13 أكتوبر 2008, 6:44 am

السادة الأفاضل ..

معز وتسالية ..
كل الود ..
نلاحظ خروجكم من صلب الموضوع الأساسي ..
وطقطقتكم حصلت خشم الباب ..
نرجو لو لنا عندكم رجاءاً أن تخففوا من الطقطقة .. وتتناولوا موضوع الغياب
الحاصل في البلد .. وكيفية الحفاظ على منتدانا الحبيب إلى أنفسنا ..
وانا هنا أقترح زي ما ذكر أحد الإخوة في غير هذا البوست ..
أن نعمل تقييم لأداء المشرفين كل فترة .. لتجديد نشاط المنتدى .. ومراقبة الأداء ..

رائكم شنو ؟؟

فقط دوموا لنا ولها ...

موضوع: رد: المسؤليه الإثنين 13 أكتوبر 2008, 7:30 am

الرائع معز ... تحية طيبة واحترام وتقدير
وكل عام وأنت بألف خير وحقق الله أمانيك

غياب الجميع بلاشك لأسباب واجهتهم في الفتره السابقه ولظروف كتيره ولكن المهم
في النهاية أن يظل هم محمول على أعتاق الجميع .. موضوعك متزن جدا ويدل
على اهتمامك بالمنتدى واصابتك بداء ادمانه كما الكثيرين .. وتعليقك على الغياب
وطلبك لوجود الجميع ومنهم المشرفين طلب ونداء جميل وله صدى بلا شك
فللجميع الحق بالانتقاد البنـاء والذي يبني ويفيد الكل سواء المنتدى أو أعضائة
وبالأحرى المشرفين لأن كل انتقاد يزيد المشرف أو المسؤول انتباهة نحو مايحتاج
التعديل وأبشرك أن القادم أجمــل إن شــاء الله

وأتمنى أن يكون التنبيه والاقتراحات على تقصير المشرفين على المستوى الخاص وعن طريق مراسلته على الخاص أو بريده المباشر ليجد السرعه في التلبية والأهتمام أكثر
أو على ايميلات الإدارة

شكرا جزيلا اهتمامك الفائق وكن بخير أبد الدهــر

موضوع: رد: المسؤليه الإثنين 13 أكتوبر 2008, 7:36 am

عمر حسن حمزه كتب:: التحية والتقدير لكل المشاركين ولك أخي معز

و اسمحوا لي بأن أتقدم بهذا الإقتراح للإدارة بخصوص المشرفين.
1- في حالة غياب المشرف يكلف شخصاً ينوب عنه بعد إفادة الأدارة
2- في حالة غياب المشرف لمدة إسبوع و لم يبلغ الإدارة تعين الإدارة شخصاً ينوب عنه حتى ظهوره

و ما توفيق إلا بالله

عمنا عمر حســـن تحية طيبة وتقدير متواصــل ما تواصـل تعاقب الليل والنهار
اقتراحك يزن الجبــال ثقلاً وينمي عن اهتمام واضح ويعتبر حل صائب وسريع
لكل ما يتعلق بفريق الإشراف ويساعده كثيراً على متابعة المهمة الصعبة ان شاء الله .
ودي ضوابط سيتم تنفيذها فوراً وهنـاك اقتراحات قادمة قريباً ان شاء الله ..
لك التحية والتقدير أبو مصعب وكل عام وانت بألف خير

موضوع: رد: المسؤليه الإثنين 13 أكتوبر 2008, 7:29 pm

السلام عليكم ورحمة الله تعالى وبركاته

مشكور الاخ معذ على تواصلك وموضوعك الذي يدل على اهتمامك بالمنتدى

واتمنى الموضوع ده يكون بداية جديدة للتفاعل والمواصله من جميع الاعضاء

ونتمنى من الاعضاء الادلاء بارائهم فيما يرونه مناسبا في تطور وتقدم المنتدى

وحاليا الادارة والمشرفين يدرسون في كل هذه المقترحات ونوعدكم بكل ماهو جديد قريبا بأذنه تعالى

فلكم الشكر اجزله

الاخ العزيز وليد لك مني كل الود والاحترام واشكرك علي التعليق
واسف للخروج من النص بس لو ركزته شويه بتلقه اني قلته لتساليه
انو ده ما موضوعنا وانا ماداير اطلع من الموضوع
بعدين ياعزيزي الطقطقه لابد منها عشان الموضوع يكون فيه حبة مزح
اما بخصوص (لوعندكم لينا رجاء ان تخففوا الطقطقه وتشوفوا موضوع الغياب )
ياعزيز عندنا ليك رجاء ورجاء كبير كما
اما بخصوص المقترح المقدم بتقيم اداء المشرفين فهذا موضوع اخر
اساس موضوعي هو ان اري المشرفين موجودين اما بخصوص
تقيم الاداء فهذا سوف اتطرق له مره تانيه
ياوليد خليك من ده وشوف لينا حافظ عبيد ده الحاصل عليهوا شنو
ولينا عوده
معز السماني