الـنـــاس نـــــــــــــــــــــــــــامت !!

يــــــــــــااهلنا الجرافه ,,,

الحاصل شنو ياناس المنتدى الواحد بيجي يدخل المنتدى كمايقول ود الامين اجيك وكلي حنيه واخاف من نظرتك ليا

وين الجديد مع العيد لا موضوعات لامناسبات الشكيه لله ... لاحوى ولاقوه الا بالله

بقينا ندخل المنتدى ابتداء من قسم المناسبات مرورا بالعام والجريف شرق لمن مانلقى حاجه نغشى القسم الاسلامي

ندعو للوالدين ونوحد ونصلى على الرسول ونمرق الروتين دا كتلنا ..

ياستاذ الخدر ماتنشط البطاقه دي خلي ناس عصام وابوتراجي وعبدالله والهندي ينداحوا مع ناس السودان بقيادة عبدو ومعزوكبيرهم البيجو بالاضافه لباقي العقد الفريد ..

ود رياء النادرالحقنا و افزعنا بالجديد

تساليه خليك من ناس السودان ديل احكينا الحاصل شنو مع الشعب السوداني الفضل !

ود سنقد الجديد شنو في البنيه التحتيه للمنتدى الجديد مع الجرافي ود قمر ود مريم ؟

الهندي اقسام المنتدى ضاقت على الناس فدحين افتح لنا قسم للنقاش والحوارات الجاده لكي ننهل من معين الاعضاء العباقره !

أخونا حسن
لك التحية .. طبعاً الناس كلها مرخمة .. وناس ضاربين الأضاحي .. وناس مضروبين في الأضاحي .. وديل زي حالتي وحالتك .. وناس ضربوا الشربوت .. وناس بفتشوا على الشربوت .. .. وعلى رأي أخونا ماهر .. أنا حزين .. أنا محبط .. أنا جعان ... وربنا يقدرنا على الخروج من هذه الحالة.

عضو نشط عدد الرسائل : 53 تاريخ التسجيل : 27/10/2007

نوم عميق

سلام لكل الاخوان وأهلى الجرافه بعد غياب

كل عام والجميع بألف خير وعافيه

وحج مبارك لكل الحجاج والحاجات من أرض الجريف الغالية

عصام عبدالصادق كتب:: أخونا حسن
لك التحية .. طبعاً الناس كلها مرخمة .. وناس ضاربين الأضاحي .. وناس مضروبين في الأضاحي .. وديل زي حالتي وحالتك .. وناس ضربوا الشربوت .. وناس بفتشوا على الشربوت .. .. وعلى رأي أخونا ماهر .. أنا حزين .. أنا محبط .. أنا جعان ... وربنا يقدرنا على الخروج من هذه الحالة.

العيد دا ماانتهى من زمااااان واللحوم مااظنها في الى الان

لانه الجو بارد وطول الاجازه والطلبه بتكون خلصت الضحيه من ثاني يوم

الله يستر مايكون خرفان السودان فيها الحمى النزفيه !

مصطفى المحسى كتب:: نوم عميق

سلام لكل الاخوان وأهلى الجرافه بعد غياب

كل عام والجميع بألف خير وعافيه

وحج مبارك لكل الحجاج والحاجات من أرض الجريف الغالية

اخونا مصطفى كل سنة وانت بخير وربنا يتقبل

وان شاء الله السنه القادمه في عرفات

تحياتي

العريس مع وقف التنفيذ المهندس حســـن .. كل سنه وانت طيب والسنه الجاية أمانيك محققة
النوم ضارب الجميـــع أصلو المنتدى عندو كم دينمو فعالات لو وقفوا الحكاية حتتعطـــل
انت منهم فإلينــا بالجديد والقادم أجمــل ان شاء الله ....

ابو علي ..

كل عام وانت بخير .. الناس ما نامت الناس رخمت غايتو انا شخصيا جسمي كان "منمل" لانو يا حسن كل انواع اللحم شية محمر ممقمر مدوّر .. اضافة للمدعو الشربوت .. اضف الي ذلك انشغال الجميع بالسنون والشطة عملت عمائل .. غايتو عيد الضحية مرات يديك احساس انك في معسكر من كثرة المشاكل البتحصل فيهو!!
فطور خروف .. وغداء خروف .. وعشاء خروف .. والتحلية ذاتا خروف ..!!
ناس هندي لسه عندهم اثار من الشاب الظريف ناوين عليها يوم الخميس
انا متأكد من انو الامعاء الدقيقة بتكون مستغربة شديد! اما الغليظة بتكون في حالة استنفار والعجب الرأس ومن خلال الشربوت بيكون موهوم وما ناوي يجيبها البر!!
المهم يا حسكو اثار الشربوت ظهرت في هندي شديد حيث انه يدخل في واحدة ويخرج من واحدة وكل ما يدخل ما بيكون ناوي يطلع وكل ما يطلع بيكون ناوي يدخل ..
"الواحدة" مقصود بيها "النومة" عشان ما تفهمني غلط!!

كلامك صاح يا حسن نووووووووووووووووم شديد

وبالنسبة للخروف يا عبد الله سمعت انو ابو تراجي خروفه فى الثلاجة قسمه فى اكياس قال يقضيه شهرين لانه لا قسم ولا عزم

وتقسيم ابو تراحي كان كالاتي

ثلث لابو تراجي

ثلث لام تراجي

ثلث لتراجي

وما تصدق دعوة ابو تراجي فى يوم العيد زوووول زاره مافى

كل سنة وانتم طيبيين

ود عبد المنعم

الهندي بشير نابري كتب:: العريس مع وقف التنفيذ المهندس حســـن .. كل سنه وانت طيب والسنه الجاية أمانيك محققة
النوم ضارب الجميـــع أصلو المنتدى عندو كم دينمو فعالات لو وقفوا الحكاية حتتعطـــل
انت منهم فإلينــا بالجديد والقادم أجمــل ان شاء الله ....

الهندي طابت خرفانك ياخوي وكل سنه وانت بخير وعساك من عوادوا بلغة ناس البلد دي >>

الدينموا دا ماتعبأ بنزين بخروف الضحيه , ولا الدينموات دي بائظه ,, كدي جرلنا سلك من كهرباء البلد دي مامن السودان خلي انوار المنتدى دي تسطع وهواها يبرد لوسمحت ظروفك !!

عبدالله محمد نابري كتب:: ابو علي ..

كل عام وانت بخير .. الناس ما نامت الناس رخمت غايتو انا شخصيا جسمي كان "منمل" لانو يا حسن كل انواع اللحم شية محمر ممقمر مدوّر .. اضافة للمدعو الشربوت .. اضف الي ذلك انشغال الجميع بالسنون والشطة عملت عمائل .. غايتو عيد الضحية مرات يديك احساس انك في معسكر من كثرة المشاكل البتحصل فيهو!!

عبدو بالصحه والهناء وربنا يديم الخرفان لكن من الاسبوع الجاي دا والله تشبع دجاج ميت ورز

فطور خروف .. وغداء خروف .. وعشاء خروف .. والتحلية ذاتا خروف ..!!
ناس هندي

بـــــــــــــــــــــــــاع

لسه عندهم

بـــــــــــــــــــــــــاع

اثار من

بـــــــــــــــــــــــــاع

الشاب الظريف

بـــــــــــــــــــــــــاع

ناوين عليها يوم

بـــــــــــــــــــــــــاع

الخميس

براحه وشويه شويه مايجيك سعر الخرفان

كد ياعبدو عدد لي انواع الخرافان الاكلتها دي ؟

اصلوا هنا في خرفان سواكنيه وحمريه وسعوديه او ذنب قصير واستراليه انا ماعارف دي خرفان ولا محترفين !!

!!

!!

معز كتب:: كلامك صاح يا حسن نووووووووووووووووم شديد
وبالنسبة للخروف يا عبد الله سمعت انو ابو تراجي خروفه فى الثلاجة قسمه فى اكياس قال يقضيه شهرين لانه لا قسم ولا عزم
وتقسيم ابو تراحي كان كالاتي
ثلث لابو تراجي
ثلث لام تراجي
ثلث لتراجي
وما تصدق دعوة ابو تراجي فى يوم العيد زوووول زاره مافى
كل سنة وانتم طيبيين
ود عبد المنعم

المعز عزومة ابوتراجي كانت مرطبات حسب الرسائل الخاصه الجاتنا

يعني اصلا الخروف دا مخلينوا لمن انتهي ابوتراجي من محكمته مع عصام في قضية الطاقيه وداير اضبحوا كرامه بعد البرأة اذا ربنا لطف او عصام اتكرم عليه وعفى عنوا لكن عصام بعد العيد انا قابلتوا وناوي ليه نيه والله يكذب الشينه

نصيحة اي زول عندو حاجه من ابوتراجي اللعجل باخذها (قروش يعني )

يا حسن يا اخوي ..
منو القال ليك العيد إنتهى زماااااااااااااان ؟؟
العيد إنتهى عندكم بس ..
لكن عندنا بيجاي حكاية تانية .. ضحية من اليوم الأول لغاااااااية الرابع ..
وبعد داك تعال شوف الضبح المو خمج .. الناس تضبح ساي بدون أي قيود ..
وإجازة ماشاء الله عليها طويييييييييييييييييييلة .. وكشاتين وشرابيب (جمع شربوت) .
وقعدات ورحل (رحلة اعضاء المنتدى) .. وحاجات تانية حامياني ..
العيد في السودان والله بس تقول عيد ..
ربنا يكون في عونكم ..
عشان كدا اغفروا لينا نومنا الغير مقصود ..

ودمتم ...