والله يا سامي ما عارف لكن عن تجربه وواحده من نتائج هذا الدعاء
كان عندي مشكله في موضوع الخدمه الوطنيه ليها ذي خمسه اعوام
في اليوم التاني من قرايتي لهذا الدعاء اتوكلت وكلي ايمان ببركة هذا الدعاء
تسخر لي احد موظفي المنسقيه وحقيقه الرجل اثني علي بصوره احترت
لها وقال لي انو الراجل نحنا بنعرفو من كلامو وانا بس عايز اخدمك
وتكون بيناتنا خوه في الله والله ان اتخلعت بالجد وكانو الزول ده حلم بي
زول قال ليهو اخدم الراجل ده لانو في اليوم القبليهو بدق عليهو وما برد لي
تاني يوم هو الضرب لي وقال لي تعال الساعه تسعه صباحا حقيقه استغربت
وقلت الناس ديل عايزين يرفعوني جوبا ولى شنو واتفاجات بالرجل اول شي
تم تصنيفي (ج) يعني ما علي معسكر واستلمت امر التحرك بتاعي وكمان
ولا في الاحلام استلمت اذن استخراج الشهاده الجامعيه
ودعيت ليك والله بالتوفيق يا اخي سامي كمال
واتمنى اي واحد عندو كربه يقرأ الدعاء ده وان شاء الله ربنا يحل كربنا
أبو يارا