عيدكم مبارك

موضوع: عيدكم مبارك الأربعاء 03 ديسمبر 2008, 1:13 am

بالود الاحنا فيه
باللهفة والشوق والحنين
بالفرحة بالعيد بالخروف
بالشية بأم فتفت بالشربوت
بشطة الأتي والليمون
بلمة جبنة المغربية وريحة التيمان في البخور
كل سنة وانتوا طيبين , بيها مبروكين , بلحمتها مضحيين , بأيامها متعايدين

كل سنة وكل يوم وكل ساعة وانت بالف خير يا شمس ..
والتحية والتهنئة لكل ناس المنتدى بما فيهم "هدومي" ذاااتو .. يعني شنو !!

هههههههههههه

احيك وانت الرائع دائما
انا قلتة اسع عبدالله اقول العيد كان الناس نست خرفوا تزكروهم ليهو
لاكين اتزكرتة انك ما متزوج عشان كدا فرحان كدا بالعيد وكبيرك الملابس .
ربنا علي الظالم ، شفتة اسع كان سمعتة كلام عبدة كمبيوتر كان من الصباح تحك في راسك للخروف ... خليك قرييييييييييب يا راجل يا راقققققي ..وعيدكم مبارك والسنة الجاية معاااك ناااابري صغيرررررروني كدا .

كل عام والجميع بالف خير

غايتو مابكتر من الشطة تاني

كل عام وانتم بخير
وعيدكم مبارك لكل اهل الجريف وخاصة اعضاء المنتدي

التحيه لك الاخ العزيز

شمس الدين السيد واقول
ليك كل سنه وانت طيب
واخوي عبد الله برضوا
طيب
وكل اعضاء المنتدي
طيبين وانشاءالله العيد
الجاي نكون كلنا بخير
ونكون حلحلنا كل
مشاكلنا
ولينا عوده
معز السماني

السيد / بلبل

اولا كفارة وسلامتك وكل الحثالة كرامتك

قالوا عييااااااااان مالك

بيني وبينك كثرتة بس من شنو ما عارف ؟؟

طبعا كلامي بحددو اليوم اذا خميس بكون هنااااااي اما اذا غير كدا بكون يا كثرتة في الاكل يا السهر ؟؟ اذا بعد الفطور يكون كثرتة في الشطة اما اذا بعد الشاي ابقي خفتة تتاخر من دوامك ساكت ،، والعيد براة شطة ما عيييييييييييد علي راي البنجلاديش ...

عيدك مبارك الاخ / معذ

وكل عام وانت بخير .. وانشاء السنة الجاية زي ما عايزين
تحياتي عابرة من داخل قلبي مبعوثة الي الاخوان بالقصيم ( تاج الدين بلال - ووليد الخضر وباقي الاخوة اللاعزاء ) والسنة الجاية ذي ما عايزين

الاخ / معذ السماني

تحية عيد مليونية مبعوثة اليك محمولة علي طيات النسيم متمني ان تصلك تجدك كالاتي
1 - مشتري خروف الضحية
2 - مشتري الكسوة
3- ودا طبعا عندي الاهم تجد عندك كل الاهل بخير ، معيدين بطيبتهم وباخوتهم وتدوم المحبة والاخوة وكل عام والكل بخير ... عيدك مبارك .... وانشاء الله زي ما عايز ..

التحية اخونا شمس وكل عام والامة السودانية والجريف على وجه الخصوص بخير وعافية وربنا يحقق امانى الكل

وانت بخير يا ابو الطيب ، انشاء الله ربنا اعيدو علينا وعليكم بالصحة والعافية

ويوفقك ويجعل ليك ببركة العيد دا في كل خطوة سلامة ، ويرجعنا لاهلنا وبلدنا سالمين وغانمين باذن الله تعالي ، واجعل الالفة والمحبة بين اعضاء المنتدي وييسر لكل واحد طريقه .

أخونا شمس الدين والاخوه في المنتدى

من العايدين ومن الفايزين ان شاء الله

أبو المريوده

اخونا / ابو المريودة

كل عام وانت بخير وصحة وعافية وانشاء الله السنة الجاية تكون زي ما عايز يا رب العالمين
وعبرك اهني جميع الاخوة الاعضاء وكل عام وهم بخير عايدين فايزين غانمين سالمين وكمان المريودة تكون دائما في اتم الصحة والعافية هي والباقين ... يارب العالمين

ابو الشموس

عيدك سعيد يارب

وكل احبتى بدار الجريف شرق للتلاقى عبر الشبكة
العنكبوتية.

والقابلة على منى انشاء الله
وفى عرفات

آآآآآآآآآآآآآآآآآآآآآمين.

والله يا / ود اختي

عرفااات السنة دي طاااااااااارت مننا بدرب زحمة الشغل
ربنا انشاء الله يجمعنا في عرفات السنة الجاية
وبعدين اشتريت الخروف ولا لهسع بتتلفت ؟؟

» مبارك بيتنا بك يا مبارك
» مبارك زروق