............
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

............

حبابك عشره يا زائر
 
الرئيسيةأحدث الصورالتسجيلدخول

 

 وصية امرأة نجيضة لابنتها العروس

اذهب الى الأسفل 
3 مشترك
كاتب الموضوعرسالة
بديع الغريب
عضو فعال
عضو فعال
بديع الغريب


عدد الرسائل : 267
تاريخ التسجيل : 27/12/2007

وصية امرأة نجيضة لابنتها العروس Empty
مُساهمةموضوع: وصية امرأة نجيضة لابنتها العروس   وصية امرأة نجيضة لابنتها العروس Emptyالسبت 29 نوفمبر 2008, 10:43 pm

وصية امرأة نجيضة لابنتها العروس


يا بت هوووي فتحي عينك و ابقي نجيضة وفالحة.. قدر ما اجي داخله عليكم القاكي ... هي هي هي ... و قر قر قر .. تضحكي مع عبد الله دا... الراجل ما تضحكي لو كتير.. يسألني الله يحقر بك...الراجل اديهو العين الحمرا... وان قدرتي لعند ايدك تلحقيها ليهو لحقيها..ابقي نجيضة..أيَّة.. زي امك..الله بسألني وقت ابوكي يقول حاجة تضحك... امشي اتحشر في الأوضة واضحك زين واجي مارقة صارة وشي..و بعدين اوعك ثم اوعك ثم ايضا اوعك.. تقولي ليهو الجلابية دي سمحة ، والله العمه اللابسها دي سمحة.. نفسو تقوم تعجبو يعرس فوقك... وبعدين تشربي ما تروي...وأكربيهو بالطلبات... اوعي تخلي لك قرش يبيت في جيبو..وأوعك تخليهو يشوف المسلسلات... بيخربن الرجال... وقت المسلسل داك... شفتي جيبي فندقك..واقعدي دقي أي حاجة جنبو ويا ريت لو كانت شطة.. ولو كان عندك شافع بيرضع وجيعان وبيبكي خليهو في بكاهو داك لمن المسلسل ينتهي..

وان جنك نسوان وله بنات...ما تخليهو يقعد وسطن...ويتونس... طيريهو من البيت...وان ابى يمرق.. قدر ما يقولو نكته والله يخفف دمو قدامن صري ليهو وشك... وقولي ليو انت يا عبد الله ؟ ما عندك غير النكتة دي؟ يا خي عملت لينا بيها وجع وش..اصلهم الرجال عارفاهم.. الواحد فيهم من يشوفلو لمت بنات يقعد يخفف في دمو ويعمل فيها ود نفاش..وتلقيهو يضحك بلا سبب.. حتى ان واحدة كحت ساكت .. يقعد يضحك ويصفق اديهو...واوعك تخليهو معاهن وتدخلي المطبخ تسوي ليك شربات..
بنات الزمن دا ان غفلت من راجلك دقيقة بس تلقيها عرستو!!
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي
عبدو(كمبيوتر)


عدد الرسائل : 817
العمر : 39
الاقامة : khartoum
المهنة : technition of nursing (coronarycare unit
مزاجك اليوم : وصية امرأة نجيضة لابنتها العروس Pi-ca-50
تاريخ التسجيل : 17/07/2008

وصية امرأة نجيضة لابنتها العروس Empty
مُساهمةموضوع: رد: وصية امرأة نجيضة لابنتها العروس   وصية امرأة نجيضة لابنتها العروس Emptyالأحد 30 نوفمبر 2008, 12:59 am

بديع



وليك مده مابنته.....

وطولته ما رديت ...بعدين معاك لوجيت


اهلآ بعودتك

ومشكور على النصيحه

ويا ابو المريودة
حبيب المريودة .............. وين رااااااااااااااح.


بديع غريب الغريب

دم يا راقى
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي
عبدالله محمد نابري


عدد الرسائل : 968
العمر : 115
الاقامة : kSA - RIYADH
المهنة : Chief Accounts
مزاجك اليوم : وصية امرأة نجيضة لابنتها العروس Pi-ca-22
تاريخ التسجيل : 04/06/2008

وصية امرأة نجيضة لابنتها العروس Empty
مُساهمةموضوع: رد: وصية امرأة نجيضة لابنتها العروس   وصية امرأة نجيضة لابنتها العروس Emptyالأحد 30 نوفمبر 2008, 4:42 am

بديع الغريب "البديع" حاجاتك دائما مختلفة !
بس عليك امان الله النسيبة دي عاملة ذي المنشار وتديك احساس انو في حرب شعواء حاتحصل
وانا مستغرب ليش دائما ام البت ما بتكون واتقة من راجل بتها ؟؟!!
وليه المرة بتكره ام راجلا سبه بلاسبب؟!!
لكين زولتك غتيتة غتاتة شديدة خلاص ... كيف يعني تخش الغرفة تضحك "زين تيا" وتجي مارقة!!؟؟؟

وكان مرتي بقت كدي علي بالطلاق وحرّم وحررررررم كان اديها اخر فرصة..


انا يا بديع دائر مرتي تكون كدي:
اصيلة ام ولدي
بتشيل قفاي سندي
بتعيش معاى راضية
كان عندي ما عندي
-----
كريمة يا بنية
كان جو الضيوف مية
بتجود بموجودا
لو مافي ! بالنية
-----
الحسيسه العشورا
السامية في شعورا
في ضيوفا ما مرقت
ما قطعت الشورا
-----
راضية بالعيشة
كان كسرة كان عيشة
ان مافي ما قالت
يا ناس دي ما عيشة
-----
البشوشة الخدوما
ما الصاره قدوما
ست بيت فنجرية
ما ها مزمومة
-----
حكامة كان فتا
ربّاية كان متا
بتعيش وليداتا
ما تجيهم الحته
-----
ما مرقت من جوة
ما سوت العوة
ما ليها في فلانة
فلان عمل سوى
-----
دي النايرة ما غبشة
ماها الخبوب روشا
في راسي ما نقرت
ما سوت الدوشة
-----
ما بارت بالحلة
ما شالت الحلة
ماشة لفلانة
من جملة الشلة
-----
ما ضاقت من شدة
ما عارت الشدّا
بهدمتي القدمت
ما بدلت عدة
-----
بتصلي صلواتا
الخمس في اوقاتا
ما نامت بعشاها
لا يوم صبح فاتا
الرجوع الى أعلى الصفحة اذهب الى الأسفل
http://www.basilholding.com
بديع الغريب
عضو فعال
عضو فعال
بديع الغريب


عدد الرسائل : 267
تاريخ التسجيل : 27/12/2007

وصية امرأة نجيضة لابنتها العروس Empty
مُساهمةموضوع: رد: وصية امرأة نجيضة لابنتها العروس   وصية امرأة نجيضة لابنتها العروس Emptyالأحد 30 نوفمبر 2008, 6:29 am

عزيزي عبدو(كمبيوتر)
اهديك :
https://www.youtube.com/watch?v=JRnWpTk06vI
الرجوع الى أعلى الصفحة اذهب الى الأسفل
بديع الغريب
عضو فعال
عضو فعال
بديع الغريب


عدد الرسائل : 267
تاريخ التسجيل : 27/12/2007

وصية امرأة نجيضة لابنتها العروس Empty
مُساهمةموضوع: رد: وصية امرأة نجيضة لابنتها العروس   وصية امرأة نجيضة لابنتها العروس Emptyالأحد 30 نوفمبر 2008, 6:30 am

حبيبنا عبدالله ودالنابري
اهديك :

https://www.youtube.com/watch?v=sBIeWgPxPuw
الرجوع الى أعلى الصفحة اذهب الى الأسفل
 
وصية امرأة نجيضة لابنتها العروس
الرجوع الى أعلى الصفحة 
صفحة 1 من اصل 1
 مواضيع مماثلة
-
» وصيه ام لابنتها
» قصة العروس التي ابكت كل الحضور

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: