............

حبابك عشره يا زائر
 
الرئيسيةالتسجيلدخول

شاطر | 
 

 الكرسى...الساخن2

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الجمعة 28 نوفمبر 2008, 2:43 am

استازى عصام

تحياتى النواضر
الاسئلة الجاية دى تسلية وهدوء حيسبق العاصفة

ويلاااااااااااااااااا ومن غير زعل وخجل
هاااااااااااااااااااااااااااك:
1/ المعاكسة: حصل ( رازيت بت ) واحرجتك؟؟
2/ من هى المراة التى لفتت انتباه عصام ؟؟؟
3/ الاشياء التى تعلمها عصام وصارت تخدمه فى حياته اليومية ؟؟
4/ احلى شئ فى الدنيا ؟؟؟ بالنسبة لعصام؟؟
5/ لحظة سعادة ؟؟؟ ولحظة حزن ؟؟؟ ولحظة وداع
( عصام بتصرف كيف فى اللحظات القلتها دى
واحكى لينا موقف لكل)؟؟؟؟
6/ هل عصام مياااااااااااااااال للجنس اللطيف؟؟
7/ هل؟؟ عصام ميال للحرية ام ميال للتمسك
بالعادات والتقاليد ؟؟؟
8/ هل ترى في نفسك الرجل المناسب لادارة
عائلة؟؟؟؟( رايك بصراحة فى تعدد الزوجات
وهل انته ممكن تكون واحد من
راجل مرتيين)؟؟؟؟؟


مخرج:
حكمة اليوم ( بنبر مريم رمى مره رميه)مره يعنى ست
ردد الحكمة دى 6مرات وبسرعة وحنتقابل.


وتفضل مشكوووووووووووووووووووووووور.
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الكرسى...الساخن2   الجمعة 28 نوفمبر 2008, 3:11 am

يا عبدو اسعلو لى من اخوة الطاهر مالو غايب من البرنامج دي
اصلو قال انت محلفو مايرد
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الجمعة 28 نوفمبر 2008, 4:53 am


هاااااااااااااااااااااااااااك:
1/ المعاكسة: حصل ( رازيت بت ) واحرجتك؟؟ )
يا سلام وأنا عوير عشان أهبل بي نفسي... وخليك تقييييييييل خليك تقيل.
2/ من هى المراة التى لفتت انتباه عصام ؟؟؟
إبنة عمتي الراحلة بثينة محمد سليمان عليها الرحمة
فهي مثال للأم والمرأة المثالية وأستطاعة بقوة عزيمتها أن تصنع الإنجاز بأن أحسنت تربية أبناؤها وبناتها وأن تخدم المرأة الجرافية بالعمل التطوعي وفي جميع المجالات وتفوقت على كثير من الشباب وبعض من الرجال الذين يتبوؤن أعلى المناصب في الدولة ولكنهم لم يتفاعلوا مع مشاكل الجريف .. أسأل الله الكريم أن يتقمدها بواسع رحمتها بقدر ما قدمت وأعطت.. وأن يسير أبناؤها وبناتها على نفس الدرب.. وأتمنى من المعنيين بالأمر في المنطقة بأن يتم تأبينها وتكريمها حتى يكون دافع للمرأة الجرافية بأن يحزون حزوها .
3/ الاشياء التى تعلمها عصام وصارت تخدمه فى حياته اليومية ؟؟
الصبر ثم الصبر ثم الصبر والتوكل على الله
4/ احلى شئ فى الدنيا ؟؟؟ بالنسبة لعصام؟؟
لايٌحس بالصحة الا من جرب المرض ...... ولا بالحرية إلا من جرب الحرمان ..... ولا بلذة شرب الـماء إلا من أحس بالظـمأ ...... ولا بالشبع إلا من ذاق مرارة الجوع ...... ولا يحُس بالراحه إلا من ذاق مرارة التعب
ولا بلذة النوم إلا من اطال السهر
وهكذا يا عبدو على ذلك قارن ... منها تعرف حلاوة الدنيا ومرارتها.
6/ لحظة سعادة ؟؟؟ ولحظة حزن ؟؟؟ ولحظة وداع
عصام بتصرف كيف فى اللحظات القلتها دى واحكى لينا موقف لكل)؟؟؟؟
قمة سعادتي بعبر بها من داخل الحمام وتجدنى أدندن بأعذب الألحان وهذه كثيراً ما تسبب لى مشكلة مع بناتي
أما لحظات الحزن كثيراً جداً ما أعبر بها في دواخلي ... ... نعم أتفاعل مع الحزن ولكن من الصعب جداً أن تنزل دمعتي ... ومثال لذلك عندما توفيت والدتي عليها الرحمة لم أبكيها في لحظة وفاتها .. ولكن بكيتها بعد أربعة شهور ... وفي مكان لم يخطر على بالي .. بعد آداء العمرة وأنا أؤدي السعي بين الصفا والمروة وفي منتصف الشوط الخامس من المروة أتاني صوت الوالدة عليها الرحمة وذهلت لحظتها ولم أجد أمامي سوى أن أتنحى جانباً وشعرت بأنني أريد البكاء ... نعم بكيتها وبكيتها حتى شبعت من البكاء .. ومن المفارقات العجيبة بعد فترة من هذا الموضوع كلما أتذكر هذا الموقف أقول في نفسي أحتمال كل الذين مروا من أمامي في المروة وأنا في لحظة بكائي يقولوا الزول ده أكيد عاملوا مصيبة كبيرة في الدنيا دي .. وكل يغني على ليلاه .
وبالنسبة للحظات الوداع ... برضو في لحظتها لا أتفاعل معها كثيراً إلا بعد مرور فترة.
وعموماً في الفترة الأخيرة أشعر بأنو المكنة خفت وبتفاعل مع أي أمر .. وإحتمال يكون الكبر دخل.
7/ هل عصام مياااااااااااااااال للجنس اللطيف؟؟
ياخي مافي داعي للإحراج
8/ هل؟؟ عصام ميال للحرية ام ميال للتمسك بالعادات والتقاليد ؟؟؟
أميل للحرية ولكن ليس على حساب تقاليدنا وعاداتنا.. التي ربونا عليها.. داخل الأسرة
9/ هل ترى في نفسك الرجل المناسب لادارة عائلة؟؟؟؟( رايك بصراحة فى تعدد الزوجات وهل انته ممكن تكون واحد من راجل مرتيين)؟؟؟؟؟
والله شوف الإجابة على هذا الشؤال سوف تأتي بطريقة غير مباشرة بعد الإنتهاء من هذا البوست والكرسي الساخن وعليه ممكن تحديد إذا كنت بقادر على إدارة عائلة.
وبالنسبة لتعدد الزوجات دائماً ما يتم الإستشهاد بقول الله تعالى (فانكحو ما طاب لكم من النساء مثنى وثلاث ورباع)
ولكن نأخذ الأية كاملة يقول تعالي (وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولو ) النساء:3
أعتقد بذلك أن المعنى واضح
ويقال ان مشكلة العنوسة لا تحل إلا بتعدد الزوجات ... ولكنه حل غير جذري ... وتخيلوا بان يقوم كل من لديه قدرة مادية باعانة احد الشباب الذين ليس لديهم القدرة على تكاليف الزواج وعليه سوف يعطيه الله عز وجل على ذلك اجرا عظيما ويبدله حلاوة وسعادة فى بيته اكبر بكثير من زواجه بالثانيه .. لأنو الشيطان بيكون مبسوط عندما يفرق بين الرجل وزوجته ولكن مصيبته الكبرى وحزنه هو عندما يجد مسلماً اخا له فى زواجه .. والا رأيكم شنو يا ربي أنا خرمت..
ولكن في المقابل ماذا نفعل بعقول النساء والواحد يستغرب عندما يجدهن يبغضن لشريعة الله الذي هو أعلم بهن من أنفسهن ولايبغضن الفواحش وكثير من النساء يرضين لأزواجهن بفعل الفاحشة وتغفر له ... ولكن إذا فكر في الزواج .. يا سواد ليلوا منها ومن اهلها .
ومن ناحية أخرى ماذا نقول عن رجل باحث عن رغباته وما أحله الله له مستغلا ذلك بان يعطي لنفسه كل الصلاحيات في الحريه وهضم حقوق من يشاركونه حياته من زوجة وأبناء وأهل.
وهل انته ممكن تكون واحد من راجل مرتيين)؟؟؟؟؟
أنا .... أنا... يا خوي الله يقدرني على الواحدة المعاي وأوفق بإسعادها وإسعاد أولادي وأن يعينني الله على تربيتهم أحسن تربية علماً وأدبا ... ونسأله الرضا والعافية .
مخرج:
حكمة اليوم ( بنبر مريم رمى مره رميه)مره يعنى ست
ردد الحكمة دى 6مرات وبسرعة وحنتقابل.
شكيتك علي الله يا عبدو والله مريم في المرة التالته بقت رمية والرميه الأخيرة بقت مريه
الرجوع الى أعلى الصفحة اذهب الى الأسفل
حاج علي المنشاري
عضو جديد
عضو جديد


عدد الرسائل : 9
تاريخ التسجيل : 02/11/2008

مُساهمةموضوع: رد: الكرسى...الساخن2   الجمعة 28 نوفمبر 2008, 10:15 am

أخونا عبدو تشكر على هذه المحاورة الجميلة مع أخونا عصام ، والراجل حتى الأن ثابت وماشي كويس ... بس خليك مفتح وحاول تستعين بالذين يعرفونه جيداً .. والراجل ده مستودع وحتى الأن ما أعطاك 5% من المخزون الذي يمتلكه .. سواء كان معلومات أو مواقف .. أو مقالب .. ومقالبه كثيرة وأخونا عبدالرحمن يسن واحد من ضحاياه.
لكم جميعاً التحية
الرجوع الى أعلى الصفحة اذهب الى الأسفل
Admin
الادارة
الادارة


عدد الرسائل : 33
مزاجك اليوم :
تاريخ التسجيل : 23/06/2007

مُساهمةموضوع: رد: الكرسى...الساخن2   الجمعة 28 نوفمبر 2008, 10:29 am


عمنا عصام لك التحايا والله يعينك على الكرسي
نستاذن من عبدو كمبيوتر بسؤال لك بعد الجلوس على الكرسي ادناه

السؤال ماذا تقول عن الهبوب او الكتاحه??



الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الجمعة 28 نوفمبر 2008, 11:46 am


عمنا عصام لك التحايا والله يعينك على الكرسي
نستاذن من عبدو كمبيوتر بسؤال لك بعد الجلوس على الكرسي ادناه
السؤال ماذا تقول عن الهبوب او الكتاحه؟؟
وأنا كمان برضو بستأذن من عبدو بالرد عليكم لأنو عبدو يعرف جيداً أنه إذا لم يوافق حا يطيروهوا ويطيروني أنا ذاتي معاه.
وطبعاً من صيغة السؤال أشعر بأن هنالك طابور خامس بدأ يتحرك ...
أولا نشكركم على الكرسي المملوكي المرفق وبيني وبينكم كرس عبدو قص ضهري .
وعموماً بالنسبة للكتاحة لها مواقف طريفة معي ولكن يظل الموقف الأشهر هو يوم زواجي حيث تزامن زواجي مع زواج أخونا عمر حسن في فترة واحدة .. وعلى فكرة يا أخوي عبدو أخونا الشفيع الجزولي وأهلنا الدناقلة عملوا لنا حنا في تلك الفترة ولن يمحوها التاريخ من ذاكرتي..
وأنا شائف مما جبت ليك سيرة حي الدناقلة شائف حيلك مات عشان كدة نرجع لموضوع الكتاحة المهم في ذلك اليوم كانت السماء صافية والفترة ليست فترة أمطار ولا كتاحة وقبل أن يتحرك موكب سيرتي بحوالي النصف ساعة ظهرت في الأفق بوادر كتاحة ولكن من شكلها خفيفية وبتعدي .. وقلنا بسيطة .... وشوية شوية ظهرت تحتها طبقة أخرى... وبعد شوية ظهرت طبقة ثانية وفي خلال عشرة دقائق تكاثرت الطبقات وكل طبقة لها لون آخر .. ولكن اللون الأسود هو اللون المرعب ووالله كانت لحظة رعب بكل حق وحقيقة وعليك الله مما الله خلقك شفت ليك كتاحة لونها أسود بي أحمر مخلوط بلون بنفسجي ... أها دي كتاحة اليوم داك ... وطبعاً الكلام ده والكتاحة حتى الأن ما دخلت الجريف .. ودي كلها مناظر طبيعية من على البعد... وأخوك لابس بدلة الزفاف مع الضريرة في الرأس .. وأخيراً دخلت الكتاحة الجريف .. وبعدها بدأ فيلم الرعب الحقيقي وهذه الكتاحة إستمرت أكثر من ساعتين .. والمشكلة أنها كتاحة صامته ... يعني لا توجد حركة للأشجار أبداً .. وما تسمع إلا أصوات الكلاب والغنم والحمير .. ودي واحدة من الحاجات القطعت قلبي .. وبعدين كمان أنس أنك تشوف واحد بجانبك ... أو زول بيتكلم معاك .. المهم في تلك اللحظة وبيني وبينكم عقلي وده وجاب ووصلت لقناعة بأنو القيامة خلاص قامت .. ولا من شاف ولا من دره.
والحمدلله ربنا لطف بعباده وعدة الأمور على خير وتفتحت السماء ولكن إنكشف المستور وتبهدلت البدلة ... والضريرة تحلوت إلى كتلة من الطين والكهرباء قاطعة والماسورة قاطعة ... وأعدنا الكرة من ثاني .. وسارت السيرة ... والطريف الأمر أن أخونا عمر حسن كان ينتظرني في الفندق ووجدها فرصة وقام بتوثيق هذه الكتاحة بالكاميرا وأصبحت شاهد على التاريخ ... والأطرف في الأمر أن ثاني يوم في الإعلام أفادوا بأن آخر كتاحة بهذه الصورة كانت سنة 58 ... والحمدلله قدر الله وما شاء فعل.
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   السبت 29 نوفمبر 2008, 1:43 am

استاز عصام


تحياتى

1\ عصام مشرف عام لمنتديات الجريف شرق
فمازا فاعل انته؟؟؟؟؟؟؟؟ بصراحة؟؟.
2\ كاتب تعجبك مواضيعه وآخر تمل من قراءة مواضيعه؟؟؟
3\ اكتر رد ( ضايق عصام)؟؟؟
4\ اهمس لهؤلا الاعضاء:
*ابو ترااااااااااااااااااااااااااااااااااااجى؟
*الهندى ود نابرى؟؟؟
* منير السمانى؟
*عمر حسن ؟؟؟
* هادم اللزات؟
* ابو يارا ( عامر عبد الوهاب)؟
* وانا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   السبت 29 نوفمبر 2008, 5:10 am


1/ عصام مشرف عام لمنتديات الجريف شرق فمازا فاعل انته؟؟؟؟؟؟؟؟ بصراحة؟؟
والله ما أعتقد أني أكون مشرف لهذا المنتدى لأنه تكليف كبير ومهمة صعبة.. وقليل جداً من يقدر عليها .
ولكن لو ... وأنا قلت لو أصبحت مشرف على منتديات الجريف شرق سوف أسعى بأن يكون أسلوبي لبق في النقد لانني مجبر بالرد على جميع المواضيع بدون تمييز... ولابد ان أكون ناصح ومرشد بنقد يقبله الطرف الاخر حتي أصل لأفضل اسلوب أوصل اليه بنقدي لان النقد لاتنحصر اهميته في قول مانريد ولكن في جعل الطرف الاخر يقبل ما نريده.
وايضا سوف أحاول إدخال قليل من الروح في ردودي .. وبعيداً عن المزاح ... بأن أضع نقاط مرحة هادفه في الموضوع لتضيف له وتقويه حتى أجعل النقاش أمتع...
وسوف أسعي للإستقطاب في منتدانا ذوى الامكانات بمعنى في منتديات النقاش أقوم بجذب الاشخاص الذين أجد نقاشهم فعال ويجذب الاخرين ، وفي قسم المرح أقوم بجذب اصحاب النكته وفي القسم الإسلامي أحاول إستقطاب من أجد لديه الكفاءة بحيث يستفيد منه الجميع ويكون الناصح والمرشد لنا جميعاً في كل الأمور الدينية . وهكذا أقوم بجذب الأخرين ..... .... والتشجيع والنقد البناء هو أساس كل شئ.
أيضاً سوف أسعى بتنظيم المواضيع ومتابعة الردود .. ولتصحيح الأخطاء حال وجودها.. ولتنظيم الجهود الأعضاء حتى يكون المنتدى مفيدا بنظامه وترتيبه ، لان إحساس العطاء جميل بلا شك .. برغم المشاق الواضحة في الإشراف.
لوكنت مشرف عاماً ، سوف أضع شرط جزائي بحذف المشرفين الغير فعالين بشكل دوري كل 45 يوم .. وسوف أسعى للتقنية الحديثة بحذف المتداخلين بأسماء وهمية ..
وأخيراً لو فعلاً أصبحت مشرف على منتديات الجريف شرق سوف أطردك يا عبدو أول واحد وبعدها أتوقع أن يطيروا جميع الإعضاء والمشرفين من المنتدى ولن يتبقى إلا أنا وأخوي أبو تراجي. .
2/ كاتب تعجبك مواضيعه وآخر تمل من قراءة مواضيعه؟؟؟
الذين تعجبني مواضيعهم في منتدانا والله أعتقد أنهم كثيرون وفي تزايد مستمر ... وصدقني يصعب حصرهم .. ولكل أسلوبه الخاص الذي يجذبك إليه .. ولكن تظل أقلام أستاذنا خضر والأخ الشفيع بأنها مميزة .
أما بالنسبة للذين أمل من قراءة مواضيعهم ... والله حتى الأن لم أجد الشخص الذي أمل من قراءة موضوع له .. لأننى أقرأ بفطرتي ..
3/ اكتر رد ( ضايق عصام)؟؟؟
صراحة الكاتب بديع الغريب أعتقد عنده الكثير المفيد ولكنه لم يصرح به حتى الأن .. ولكن أتضايق من أسلوب ردوده القامضة والمختصرة وخصوصاً بالإشارة .. وسوف أسعى جاهداّ في إيجاد مداخل لشخصيته حتى أحاول إستخراج الكثير جداً منه.
4/ اهمس لهؤلا الاعضاء:
*ابو ترااااااااااااااااااااااااااااااااااااجى؟
أخي وصديقي ورفيقي .. عاوزك تستحملني شوية يا ملح المنتدى.
*الهندى ود نابرى؟؟؟
خليك قريب مننا وما تبتعد كثير.
* منير السمانى؟
لك أيها المشاغب الحريف ولأسرتكم مليون تحية وكمان تحية خاصة لأخونا سامي.. وأخونا معز ..وبالنسبة لماهر .. طبعاً معانا هنا في الرياض ومقدور عليه وكمان ضاحك علينا وقال إيه ... قال محبط .. يا سلام وده علينا نحن..
*عمر حسن ؟؟؟
إبن عمتي ورفيق دربي منذ الطفولة إلى الكهولة .. أعتقد أنك حتى الأن لم تعطينا في المنتدى سوى نسبة 10% من طاقتك القصوى من المخزون الإستراتيجي لديك.
* هادم اللذات؟
طبعاً هادم اللذات ده الموت ... والموت حق والحياة باطلة ، ولكن هادم اللذات الموجود حولنا ... أعتقد إنو ده إبليس ، لذا أقول ....
( بسم الله الرحمن الرحيم )
قُلْ أَعُوذُ بِرَبِّ النَّاسِ * مَلِكِ النَّاسِ * إِلَهِ النَّاسِ * مِن شَرِّ الْوَسْوَاسِ الْخَنَّاسِ * الَّذِي يُوَسْوِسُ فِي صُدُورِ النَّاسِ * مِنَ الْجِنَّةِ وَ النَّاسِ ... صدق الله الغظيم.
* ابو يارا ( عامر عبد الوهاب)؟
أبو يارا ... أم أبو طويلة ...
لذا أنا أقول له يا عامر أخوي ويا ود أمي وأبوي أديني أضانك ... شوف يا يا أبو يارا والله والله .... تعرف إنو إذا تاني ...............................................
* وانا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إنت يا عبدو أخوي يوم شكرك لس ما جاء!
ويا خوي ما معقول .. وعدمتني النفس
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   السبت 29 نوفمبر 2008, 6:00 am

استاز عصام


هاااااااااااااااااااااااااااااااااااااااااااك:

1\ السياسة : انتماءك السياسى؟؟
2\ شخصية سياسية ؟؟؟؟
3\ مازا يمثل لك:----------------

* حزب الامة؟؟؟؟؟؟؟؟؟
& الحزب الشيوعى ؟؟؟؟
** الحزب الاتحادى ؟؟؟؟؟؟؟؟؟؟
$$ المؤتمر الوطنى؟؟؟؟؟؟؟؟؟؟؟
** الحركة الشعبية ؟؟؟
** البعث؟؟؟؟


ارجو الرد بشفافية والابتعاد عن الدبلوماسية..
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   السبت 29 نوفمبر 2008, 9:13 am


1\ السياسة : انتماءك السياسى؟؟
هل سمعت يا عبدو بي حاجة إسمها البدون ؟ أها أخوي ديل ناس نحن.
لأننا نشأنا وتفتحنا في فترة مايو .. وهتفنا لنميري .. ونحن الذين فرحنا للإنتفاضة ورقصنا ولكن إتبهدلنا خلالها وجاءت الإنقاذ لتنقذنا من البهدلة ولكن فيها زدنا بهدلة وإنكسار ... لذا نحن جيل البدون.
2\ شخصية سياسية ؟؟؟؟
سابقاً محمد أحمد المحجوب
وحالياً أحترم لام أكول
3\ ماذا يمثل لك:----------------
* حزب الامة؟؟؟؟؟؟؟؟؟
القومي أم الفدرالي ....
& الحزب الشيوعى ؟؟؟؟
أحترم شخصياتهم التاريخية بفكرهم وليس بنهجهم ... ولكن الشئ الغريب تجدني دائماً عند إطلاعي في بعض القراءات تجدني أعجب بفكر شخصية ثقافية أو فنية ما .. وفي النهاية أكتشف أنه شيوعي ... يقطع الخميرة من البيض..
** الحزب الاتحادى ؟؟؟؟؟؟؟؟؟؟
معجب بزعاماتهم التاريخية سابقاً وخصوصاً نهج وفكر الشريف حسين الهندي وقرأت عنه كثيراً
$$ المؤتمر الوطنى؟؟؟؟؟؟؟؟؟؟؟
وده أقول فيهو شنو ...
** الحركة الشعبية ؟؟؟
أنا أكثر واحد مهيأ بالإنضمام للحركة الشعبية شكلاً ومضموناً وفكراً
** البعث؟؟؟؟
أسمع به فقط ولكن والله لم أقرأ عنه وأعرف أن له إرتباط سابق بحزب البعث العراقي وليست لدي معلومات كافية عنه .
ارجو الرد بشفافية والابتعاد عن الدبلوماسية..
وفي شفافية أحسن من كدة .. يا ود يا شفاف إنت


الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الأحد 30 نوفمبر 2008, 12:48 am

عصام

صباحك زين

اولآ كلمات فى حق الفقيد الراحل / الاستاز والصحفى
والمحلل السياسى \ حسن ساتى ؟؟؟؟؟؟؟؟؟؟؟؟؟؟؟

2/ كيف ينظر ضيفنا للوضع الفنى والرياضى والثقافى

يعنى كلوكلوا كده رايك شنو؟؟؟؟؟؟؟؟؟؟؟؟؟؟؟؟
3/ عصام عبد الصادق ممثلآ ؟ اى الادوار تختار؟ولمازا؟
4/ فنان سودانى يعشقه ضيفنا العزيز؟؟
5/ ماهو رايك فى اتجاه الشباب للاغتراب؟؟؟
سواء من العلم او من اجل المال؟؟؟؟
6/ الشباب فى الجريف بصورة خاصة
رؤية وتحليل؟؟؟؟؟
7/ عصام عبد الصادق رياضيآ ( ازرق ولا احمر)؟؟
8/ وقربته يا عصام


وخش مشكور
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الأحد 30 نوفمبر 2008, 3:52 am


اولآ كلمات فى حق الفقيد الراحل / الاستاذ والصحفى والمحلل السياسى \ حسن ساتى ؟؟؟؟؟؟؟؟؟؟؟؟؟؟؟
مات .. لا حول ولا قوة إلا بالله العلي العظيم ... والله الكلام ما سمعتو إلا منك الأن .. وبعدين يا خوي خبر زي ده بجيبوهوا طوالي خبط لزق على طول.
رحم الله فقيدنا الأستاذ حسن ساتي وأحسن نزله مع الصديقين والشهداء .
وحقيقة والله حزنت لأنني متابع جيد له منذ أن كان يكتب في صحيفة الأيام فيما مضى من سنوات وأعتبره من العقول النيرة وله تأثيره الواضح على المتلقي حيث أن حديثه حلو ولا يشبه كثير من الصحفيين فله أسلوبه وطابعه الخاص وأعتبره من الأعلاميين المميزين.
وحتى فكرة هذا الكرسي الساخن والذي نجلس عليه الأن أعتبر أن فقيدنا هو صاحب الفكرة الأساسية له عندما كان يقدمه في تلفزيون السودان في فترة السبعينات مع الصحفي أحمد البلال الطيب .
و فقده ليس على السودان فقط وإنما على عالم الصحافة عامة داخلياً وخارجياً حيث أنه كتب في عدة صحف مصرية وفي صحيفة المدينة وصحيفة الشرق الأوسط والتي أبدع فيها كثيرا ... وأخيراً أعتقد أن الجميع تابع لقاؤه مع الأستاذ وردي قبل فترة وجيزة وكيف كان هذا اللقاء.
له الرحمة والمغفرة.
2/ كيف ينظر ضيفنا للوضع الفنى والرياضى والثقافى يعنى كلوكلوا كده رايك شنو؟؟؟؟؟؟؟؟؟؟؟؟؟؟؟؟
فنياً .. إختلط الحابل بالنابل .. وأنا حتى الأن متوقف في محطات عثمان حسين ووردي والجابري وأحمد المصطفى والتاج مصطفى وكابلي وسيد خليفة ومحمد أحمد عوض وابراهيم عوض وزيدان ومصطفى سيد أحمد .. وشوية من ود محمد نور.. وعربياً متوقف في محطة أم كلثوم ونجاة الصغيرة ووردة سابقاً.
3/ عصام عبد الصادق ممثلآ ؟ اى الادوار تختار؟ولمازا؟
قبل أن أختار الدور لابد لي أن أعرج شوية ونعطي التمثيل حقه..
فيما مضى ونحن أطفال لم نتعدى السادسة من العمر كنت أشكل مع أخي عمر حسن حمزة فرقة تمثيلية ونقوم بعرض أعمالنا في المناسبات فقط لأطفال العائلة .. وفي الجمعيات الأدبية بالمدرسة كأن يتم إسناد الأدوار الصعبة لنا لأننا أصبحنا متمرسين وحتى الأن زملاؤنا في المرحلة الإبتداية سابقاً ينادونا بتلك الأسماء. وليلة السمر بنادي الشعلة كانت نتاج الهواية والإمكانيات المتوفرة لدينا من قبل مع بقية العقد الفريد بفريق الشعلة.
وفي مرحلة لاحقة بعد أن قوي عودي شاركت خلال تواجدي في القاهرة بمسرحية مأساة الحلاج وهي كانت من إخراج أخونا الطالب في ذلك الوقت يحي عثمان عيسى وقدمت في إحتفالية يوم المسرح العالمي بمسرح الطلبة بمناسبة أعياد الإستقلال .. التحية لأخي يحي عثمان عيسى أينما كان.
وبعد ده لو خيروني في دور سوف أختار السكران أو المسطول ويا حبذا لو كانت الشخصية المكتوبة معقدة.
4/ فنان سودانى يعشقه ضيفنا العزيز؟؟
أرجع لإجابة السؤال الثاني.
5/ ماهو رايك فى اتجاه الشباب للاغتراب؟؟؟
سواء من العلم او من اجل المال؟؟؟؟
الإغتراب من أجل العلم نعم وأبصم عليه بالعشرة في ظل تردي التعليم بسبب ثورة التعليم.
والإغتراب من أجل المال لو قلت كلامي بيقولوا على زي صاحبنا مع أخوهوا زمان .. يقال أن واحد مقيم في جدة وأخوهوا في السودان مغلبوا غلبة شديد كل فترة يقول له أرسل لي شيكة (شيك عمرة) يرد عليه أخيه يا خوي السعودية إنتهت . وتكررت المحاولات إلى أن زهج أخوه منه وأرسل له شيك العمرة ... وأخيراً وصل جدة .. وفي المساء أخوهو المقيم وصاه فقال له أنا الصباح بطلع بدري للعمل .. وأذا إحتجت أي حاجة ...عندك موجودة في الثلاجة .... المهم صاحبنا قام الصباح وفتح الثلاجة وأول ما شاف قدامو كانت البيبسي الحجم العائلي وكانت طالعة كمنتج جديد في الأسواق السعودية .. يعني في السودان لا شافوها ولا سمعوا بيها في تلك الفترة.
وصاحبنا مسك قارورة الحجم العائلي وبجرة نفس واحد إنتهى منها وفي نهاية قعد إكرع ... آآآع ... تقولي السعودية إنتهت آآآآع تقولي السعودي إنته آآآع تقولي لي إنتهت...
6/ الشباب فى الجريف بصورة خاصة رؤية وتحليل؟؟؟؟؟
أشتم رائحة التغيير الإيجابي في شبابنا برغم الإحباط الموجود وعلى رأي حبيبنا ماهر السماني ولكن ما لم يتم إزاحة الدكك الفي الشوارع واللساتك المدفونة ... لن ينصلح حال جزء ليس ببسيط من شبابنا.
7/ عصام عبد الصادق رياضيآ ( ازرق ولا احمر)؟؟
أعشق الموج الأزق ولكن بدون تعصب ولم أصل مرحلة حالة أخونا نبيل
8/ وقربته يا عصام
القربة عندي مقدودة.
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الإثنين 01 ديسمبر 2008, 4:05 am

استاز عصام


لك كل الود فقد كنت ضيفآ عزيزآ

وكما الفناك انيقآ فى جميع اجاباتك

فازا بدر منى ما يجرح عصام
فلك العتبى حتى ترضى .


ولك منى خالص الود والشكر

وفى الختام المجال مفتوح امامك للرد
على اسئلة الاخوة الاعضاء.

والان المجال مفتوح امامك لتختم كما تشاء

وكل عام وانته بخير بحلول عيد الاضحية
والقابلة على عرفات.....





ودم لنا بالف خير
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الإثنين 01 ديسمبر 2008, 7:57 am


لك شكري وتقديري أخوي عبدو .. وطبعاً بفكرك ونصاحتك قدرت تطلع منى بعض الخفايا المركونة للزمن .. وإن كان الجماعة خوفونا من أسئلتك ... ولكن بالعكس أسئلتك كانت في قمة الذوق والأدب والذكاء الحد .. لك مني كل التوفيق في صيدك لفريستك القادمة .. وربنا يقدرنا على باقي الأعضاء ومحاورتهم.

الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: الكرسى...الساخن2   الإثنين 01 ديسمبر 2008, 8:09 am


اخيرا انتهي الحظر الصحفي يا عبدو
صراحة يا عبدو انت مشروع صحفي باذن الله



الاخ عصام
اسئلة خاصة بالمنتدي على خفيف

نقول بسم الله


1- نصيحة للمغتربين الجدد حتى لا يكررو اخطاء من سبقوهم


2 - ما هى النقاط المخفية من قضية الطاقية والتى لم يتم ذكرها فى المنتدي

3- برايك اذا كان هنالك انتخابات من ترشح حاج على المنشاري ولا ابو تراجي

الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الإثنين 01 ديسمبر 2008, 11:41 am


معز عبدالمنعم كتب :
اسئلة خاصة بالمنتدي على خفيف
نقول بسم الله
1- نصيحة للمغتربين الجدد حتى لا يكررو اخطاء من سبقوهم
معز أخوي والله ما بقدر أقول أي نصيحة طالما أنا ما زلت في الغربة .. وبعدين أنا ما عاوز أكرر قصة الحصل لصاحبانا بتاع البيبسي والحجم العائلي.. التي تطرقت لها في خلال حديثي مع عبدو.
2 - ما هى النقاط المخفية من قضية الطاقية والتى لم يتم ذكرها فى المنتدي
النقاط المخفية يا معز أخوي والله كثيرة جداً ولكن فقدان الطاقية والله دي حقيقة.....
ولكن في هذا البوست الخاص بالقنصلية إعتمدت في كتابتي على كوميديا الموقف Situation Comedyوهو فن الإضحاك القائم على تصرفات الأشخاص بدافع سوء الفهم معتقدين أن تصرفاتهم سليمة وهم غير مدركين لذلك . بحيث يقوم المتلقي (أعضاء المنتدى) بالضحك من المفارقات مع التصور الكامل للمكان والزمان وسلوك الأشخاص داخل القاعة.
3- برايك اذا كان هنالك انتخابات من ترشح حاج على المنشاري ولا ابو تراجي
يا خوي الإثنين معاً تاريخهم أسود ... وإذا لم أعطيهم صوتي ... برضو حا يفوزوا.. وأعتقد حاج على سوف يكتسح أبو تراجي بعدد وافر من الأصوات لأن تاريخه في العمل العام طويل جداً .. وسوف يشفع له ...
الرجوع الى أعلى الصفحة اذهب الى الأسفل
mistika
عضو فعال
عضو فعال


عدد الرسائل : 156
الاقامة : دنيا الاحباط
المهنة : محبطاوي
مزاجك اليوم :
تاريخ التسجيل : 10/08/2008

مُساهمةموضوع: رد: الكرسى...الساخن2   الإثنين 01 ديسمبر 2008, 12:31 pm

كتب عصام عبد الصادق
اقتباس :
..وبالنسبة لماهر .. طبعاً معانا هنا في الرياض ومقدور عليه وكمان ضاحك علينا وقال إيه ... قال محبط .. يا سلام وده علينا نحن..

انته يا عصام اسع بتفلق مالك اعمل حسابك بقبل عليك وبسيب جلاكين السياسة
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 2:15 am

يا عبدوي ده الكرسي الساخن صاح .. آآى
طيب يا عصام هااااااااااااااااااااااااااااااااااااااااااك



............................ عصام راتبك الشهري كم ؟؟؟
الرجوع الى أعلى الصفحة اذهب الى الأسفل
http://www.basilholding.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الأربعاء 03 ديسمبر 2008, 2:27 am

راتبي 475 ريال + 20 ريال بدل طاقية .. وحلاة لق لق ...
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 2:55 am



عصام "مسيخا لذيذا" ....... هااااااااااااااااااااااك "
هاك دي بتاعت عبدو بتديك احساس ذي الكأنو شغال طلبة وقاعدين تنزلو ليكم في دور طوب"
المهم هاااااااااااااااااااك

عصام عبدالصادق كتب:
راتبي 475 ريال + 20 ريال بدل طاقية .. وحلاة لق لق ...

اجاباتك في الكرسي ابتداء من اول سؤال وحتى اخر سؤال كانت في قمة الروعة وردود شافية ووافية وواضحة الا في السؤال بتاع الراتب ؛ الا ترى ان ذلك امتداد وتطبيق عملي للحكمة القائلة انو "المرة ما بتوري عمرها والراجل ما بوري ماهيتو" ناقش!!
الرجوع الى أعلى الصفحة اذهب الى الأسفل
http://www.basilholding.com
نبيل احمد علي
قلم ذهبي
قلم ذهبي


عدد الرسائل : 628
العمر : 30
الاقامة : ارض الطيبة والطيبين
المهنة : موظف
مزاجك اليوم :
تاريخ التسجيل : 09/07/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 3:39 am

عصام سلامات :-
سؤال:-
عصام عبد الصادق ما داير يخت ليهو اي صورة (والقلم الفضي الجميل دا قاعد زي عتبت الباب )ليه..........؟
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 5:15 am

استقرار يعنى شنو
الرجوع الى أعلى الصفحة اذهب الى الأسفل
خضرحسن الفضل
عضو فعال
عضو فعال


عدد الرسائل : 141
تاريخ التسجيل : 03/11/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 5:31 am

إزيـك يـا أستـاذ عـصام
اول حـاجـة الحـمـد الله على السلامة من سخـانة الكـرسى عـبدو ولـه الشـكر على طـريقـتـه الـذكـية فى إخـراج المـخـزون السرى من قلوب وعقول الأعـضاء.
بس يـا أستاذ عصام
عاوزك1/ تشرح سر إختيارك لأسمـاء أبنـائك الأعـزاء.
2/هل توافق على أن يكون اسم البنت هو الكنية؟؟ أبو فلانـة ... ودفلانـة؟؟
و لك الشكر
خضر حسن
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الأربعاء 03 ديسمبر 2008, 9:46 am


عبدالله محمد نابري كتب:
عصام "مسيخا لذيذا" ....... هااااااااااااااااااااااك "
هاك دي بتاعت عبدو بتديك احساس ذي الكأنو شغال طلبة وقاعدين تنزلو ليكم في دور طوب"
المهم هاااااااااااااااااااك

لا والله أنا بتديني إحساس إنو قاعد يكدليهو في دومة .. وشوية يقوليك ها كدي....


عصام عبدالصادق كتب:

راتبي 475 ريال + 20 ريال بدل طاقية .. وحلاة لق لق ...
اجاباتك في الكرسي ابتداء من اول سؤال وحتى اخر سؤال كانت في قمة الروعة وردود شافية ووافية وواضحة الا في السؤال بتاع الراتب ؛ الا ترى ان ذلك امتداد وتطبيق عملي للحكمة القائلة انو "المرة ما بتوري عمرها والراجل ما بوري ماهيتو" ناقش!!
يقول د. حسام الدين عفانة ـ أستاذ مشارك كلية الدعوة و أصول الدين ـ جامعة القدس ـ فلسطين:
الأصل في العلاقة الزوجية الثقة المتبادلة بين الزوجين والتعاون فيما بينهما. والمرأة كما قال الله تعالى هي السكن للزوج: (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ ( الروم 21 )
والمودة والرحمة تقتضي أن يكون هنالك
تعاون وثيق بين الزوجين، وأن يتفاهما على شؤون الحياة.
ولا مانع من أن تعرف الزوجة ما لزوجها وما عليه في القضايا
المالية. ولكن تبقى القاعدة الأساسية أن للزوج ذمة مالية مستقلة، وكذلك الزوجة.فإن أطلعها على أموره المالية فبها ونعمت. وإن لم يفعل فلا حرج عليه.
وإن كنت أنا شخصيا أفضل الأولى؛ لأنه
إذا لا سمح الله توفي، تعرف الزوجة ما له وما عليه.فقد يكون عليه ديون أو له مستحقات عند الناس، أو عنده أمانات مالية للناس... فالأولى أن تكون زوجته على معرفة بذلك. وكونها تعرف هذه الأمور لا يعني أنها تتصرف بمال زوجها دون إذنه.
والله أعلم.
منقول للفائدة..
عشان كدة يا عبدالله خلي مرتي تسألني وبعدين نشوف الإجابة كيف ولكل حدث حديث...

نبيل أحمد على كتب
عصام سلامات :-
سؤال:- عصام عبد الصادق ما داير يخت ليهو اي صورة (والقلم الفضي الجميل دا قاعد زي عتبت الباب) ليه..........؟
كدي أول حاجة سلامات وياخي بعد الشر عليك .. وبعدين يا نبيل إذا كان القلم الفضي ما سلم منك ولحقتو أمات طه .. وما تقول لي زي عبدالله نابري ما بيقول ... وتقولي أمات طه ديل منو
المهم عاوزني كمان أخت صورتي .. وتلحقني أخوات طه.
أيمن السر كتب:
استقرار يعنى شنو
.. أيمن أخوي .. إت ما كنصيح .. مالك جنيت .. وإنت شايفني أنا مستقر عشان تسألني
وبعدين إنت عاوز معناها اللغوي أم مفهومها العام .. لكن عشان أريحك هاك الكلام ده إنشاء الله يريحك ويريحني ويخلي حالتك مستقرة يا ود عشاي.
عندما نجد واحد زيك وزي عبدالله محمد نابري عزاب وبيفتشوا لعروسة ... وده عشان شنو ؟ عشان الإستقرار ... واخد بالك معاي.
وعندما نجد واحد زي حالاتنا كدة يحن للوطن وده عشان شنو ؟ عشان الإستقرار
وعندما نجد واحد يبحث لبيت كبير وده عشان شنو ؟ عشان الإستقرار
وعندما نجد واحد يبحث عن فرصة عمل وده عشان شنو ؟ عشان الإستقرار ... واخد بالك معاي
ولكن عاوزك بملمحة سريعة تنظر لموتانا في المقابر سوف تجد منهم الكثير من كان يبحث عن الإستقرار .. وأخيراً أين وجدوه
وعلينا أن نتساءل عندما نجد كل الأشياء التي تمنيناه من أجل الإستقرار .. هل سوف نشعر بالإستقرار؟
عليه لابد لنا أن نرضى بما قسمه الله لنا وأن نجعل القناعة بما نحصل عليه .. ولحظتها سوف نشعر بطعم ولذة الإستقرار المطلوب وعندها سنتقدم بخطى ثابتة ومستقرة تشعرنا بسعادة حقيقية عند تحقيق مانصل إليه مهما كان قليلاً.
خضر حسن كتب:
إزيـك يـا أستـاذ عـصام
اول حـاجـة الحـمـد الله على السلامة من سخـانة الكـرسى عـبدو ولـه الشـكر على طـريقـتـه الـذكـية فى إخـراج المـخـزون السرى من قلوب وعقول الأعـضاء.
بس يـا أستاذ عصام
عاوزك1/ تشرح سر إختيارك لأسمـاء أبنـائك الأعـزاء.
كيف حالك يا أستاذنا خضر .. والله عبدو ما قصر .. ولكن في آخر يوم قطع حته من أضاني.
وبالنسبة لأسماء أولادي والله بعض منها مخطط له
يعني إبني البكر مصطفي تسميته أتت من الوالد عبدالصادق تيمناً على جده مصطفى ود خالد .. وبالنسبة لبنت الكبرى سميتها أنا على إسم شقيقتي الكبرى بدور والبنت الثانية سسميت بشائر .. تفاؤلاً بالخير وتزامنت مع ميناء بشائر وآخر العنقود خالد .. وده حكايته طويلة....
2/هل توافق على أن يكون اسم البنت هو الكنية؟؟ أبو فلانـة ... ودفلانـة؟؟
والله أحس فيها بطعم المحنة والحنية وخصوصاً عندما يقال لى يا ود فلانة.
و لك الشكر
خضر حسن
ولك تشكراتي
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: الكرسى...الساخن2   الأربعاء 03 ديسمبر 2008, 10:25 am

اسئلة فى العالم الحقيقى

اخونا عصام بيقولو الغربة احيانا تظهر معادن الرجال اعطينا امثلة حقيقية
.................
................
...............
.............
برايك ما هو الافضل ان تربي ابنائك معك بالغربة ولايكون هناك توفير......

ام تتركهم بالسودان وتكون بعيد عنهم وتختصر الغربة
.................
................
...............
.............
اسئلة فى العالم الافتراضى
هل توافق بعزل ابو تراجي من قنصلية الجريف الافتراضية مع ابقاء داره الحقيقية قنص ليه للجريف
.................
................
...............
.............
هل تقبل بعمل استفتاء داخل المنتدي بينك وبين ابو تراجي حول موضوع الطاقية والمشاركون اعضاء المنتدي
علي ان يتولي عبد الله نابري لجنة الاستفتاء


وراجعين ليك يا عصام
الرجوع الى أعلى الصفحة اذهب الى الأسفل
http://aljraif.forumotion.com
 
الكرسى...الساخن2
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: