............

حبابك عشره يا زائر
 
الرئيسيةالتسجيلدخول

شاطر | 
 

 الكرسى...الساخن2

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: الكرسى...الساخن2   الإثنين 24 نوفمبر 2008, 7:15 am

اخوانى واخواتى اعضاء منتديات الجريف شرق


السلام عليكم ورحمة الله تعالى وبركاته

هزه مساحة جميلة للتقرب من بعضنا البعض والغوص فى اعماق
الشخصيات التى نصادفها فى هزه الشبكة الممتدة .
نتقرب اليوم من رقم عملاق اثبت جدارة قلمه ؛وقوة فكره؛وبلاغة
متناهية النظير من حيث اثراء المواضيع: وكزلك جمال روحه و
عمق ثقافته.
له اطلالة متميزة ومحبوبة من قبل الجميع فهو عضوء لمع نجمه
فى سماء منتدي الجريف شرق . فرحبوا معى ب::::::::::



الاستاز / عصام عبد الصادق



نستضيفه اليوم في الكرسى الساخن فاهلآ ومرحبآ به

حبابك مليون ود عبد الصادق


وتفضل بزكر بطاقتك الشخصية؟
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الإثنين 24 نوفمبر 2008, 8:52 am



وتفضل بزكر بطاقتك الشخصية؟

كدي أول حاجة حبابك يا عبدو ومشكور على هذه الضبة اللذيذة ... وتحية خاصة لجميع أعضاء المنتدى ونتمني نكون خفيفين عليكم... وبعدين يا عبدو بلاش من الأسئلة البائرة .. يعني عاوز حاجة طازة والأسئلة التي لم توزعها على ود نابري ما تديني ليها .
وبعدين يا عبدو عشان نكون على بينة عاوزك يا تقعد بجانبي هنا في الكرسي التاني ده أو تقابلني راس .. لكن تقعد تحوم حوالي كدي بتشتت تفكيري!!!
.. وكمان ما عاوز أقول أنا ... وبعد شوية أقول لك أعوذ بالله من كلمة أنا .. وشوية تقولي بارك الله فيك .. وشوية شوية تخرج من الموضوع
لذا ندخل طوالي ... عصام عبدالصادق حاج الطيب ..
عصام ود ريا بنت عبدالرحمن بابكر الشفيع
الميلاد 27/3/1983م
الزوجة إعتدال مصطفى خالد الفكي على .. شقيقة المرحوم الأستاذ حسن مصطفى (مركز) وحسبو والطيب وخالد ودكتور شمس الدين
الأبناء مصطفى وبدور وبشائر وخالد وكما ذكرت من قبل دي خطة 1/2/1
مقيم في السعودية – الرياض منذ 13/9/1960م ومكان عملى شركة رندا لأبواب الأتومتيكية والأنظمة الأمنية
عبدو يا خوي بدل من تنطط لي عيونك كدة عاوزك تعاين لتاريخ الميلاد وتقارنه بتاريخ دخولي للسعودية ةالحدق يفهم... وخليك مصحصح ..

الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الإثنين 24 نوفمبر 2008, 9:34 am

فهمتك .............................


استازنا كدى هاااااااااااااااااااااااااااااااك ديل:



1/ايهما اقوى لدى عصام عبد الصادق

**احساسه؟؟؟؟
ام

** عقله؟؟؟

2/ كلمة( لا ) ماهو اعرابها فى قاموس االضيف العزيز؟؟؟

3/
*الام؟
*الوطن؟
*الحب؟
*الصداقة؟
*الخداع؟
*الجريف شرق؟
*الغربة؟؟؟؟؟؟؟؟؟؟؟؟؟؟؟؟؟؟؟؟؟؟
**** منتديات الجريف شرق***

خش تووووووووووووووووش وورينا :

؟؟؟؟ مازا تعنى كل * من ال* السابقة
للضيف الكريم؟؟؟؟؟؟؟؟؟؟؟؟؟؟؟؟؟؟؟



انمهل علي


ملحوظة :

الكيبورت بتاع جهازك فيهو مشكلة ...عكس ال...................



وتفضل مشكور.
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الإثنين 24 نوفمبر 2008, 1:05 pm



1/أيهما اقوى لدى عصام عبد الصادق
**
احساسه؟؟؟؟
ام ** عقله؟؟؟
معليش يا عبدو نغير صيغة السؤال ونعتبره أيهما أقوى القلب أم العقل عشان أجد مساحة للتعبير أكثر
البعض يعترف بوجود قلبه ولا يعترف بوجود عقله وليس هذا فقط بل أيضا لقد ألغى العقل وعفاه عن مهمته بالحياة لاعتقاده هذا هو الأنسب وهذا هو الصحيح
والعكس صحيح حيث أن البعض يعترف بوجود عقله وتبرأ من وجود قلبه لاعتقاده بأن القلب مصدر ضعف للإنسان ومصدر مشاكل ... الخ ...
ولكن إذ توقفنا للحظة وفكرنا بالأمر بأن العقل والقلب مرتبطان يبعضهما البعض وبأن العقل لا يكون عقلاً إلا بالقلب وبأن القلب لا يكون قلباً إلا بالعقل فلا نستطيع فصلهما عن بعضهما البعض وان فعلنا لا يكون القلب قلباً ولا يكون العقل عقلاً .
هنا لا نستطيع أن نحدد من هو الأقوى القلب.. أم العقل لأنهما الاثنان هما الأقوى فخطأ أن نعترف بوجود العقل ولا نعترف بوجود القلب والعكس صحيح.
وخطأ أن نقول بأن القلب هو اقوي من العقل لأنه أرحم وخطأ اكبر أن نقول بأن العقل هو أقوي من القلب لأنه عقلاً وحكيماً أكثر من القلب .
ولكن لكل واحد منهما دوره في الحياة وهنا يتوجب علينا معرفة متى نستعمل القلب .... ومتى نستعمل العقل حسب الموقف الذي قد نتعرض له فإن كان يتطلب القلب... نتصرف بقلبنا وان كان يتطلب عقلاً... إذا لنتصرف بعقلنا وان أردنا أن نعتمد على واحد منهما دون الآخر نفشل بحياتنا وتخل الموازنة ويصبح الميزان فيه خلل .
فلا العقل يحل محل القلب ولا القلب يحل محل العقل لأن الله سبحانه وتعالى حين خلقنا خلق لنا القلب والعقل.. وهذا يدل بأننا لا نستطيع أن نتخلى عن واحد منهما مهما حاولنا ومهما مثلنا على أنفسنا ،وقد علمنا متى نستعمل قلبنا ومتى نستعمل عقلنا.
خلاصة القول أن الشعور بالأمان هو سلوك داخلي لا يمكن لأي مؤثرات خارجية أن تتدخل في تكوينه لأنك كانسان تستقبل الحدث بوعيك وتدرك حجمه وتختار، ومنا من يختار أن ينهزم أمامه ويستسلم للخوف ومنا من يختار أن تكون إرادته أقوى فيفرض الإحساس بالرضا في ذاته وينقل تلقائيا هذا الإحساس للآخرين .
2/ كلمة( لا ) ماهو اعرابها فى قاموس االضيف العزيز؟؟؟
ما فاهم حاجة وفهمني عشان نقول آآي أو لا
3/ *الأم؟
هي مصدر الحنان والرعاية والعطاء بلا حـدود ...وهـي الجندي المجهول الذي يسهر الليالي ، ليرعي ضعفنـا ويطبب علتنـا ... وهـي الإيثار والعطـاء والحـب الحقيقـي الذي يمنـح بلا مقابـل ويعطـي بلا حـدود أو منة وهي المصدر الذي يحتوينا ليزرع فينا بذور الأمن والطمأنينة وهـي البلسـم الشافـي لجروحنـا والمخفف لآلامنا وهـي إشراقة النـور في حياتنـا وهي نبـع الحنـان لمتدفـق بل هي الحنـان ذاتـه يتجسد في صورة إنسان وهـي شمـس الحيـاة التي تضيء ظـلام أيامنـا وتدفئ برودة مشاعـرنا وهـي الرحمـة المهـداة مـن الله تعالـى
وطبعاً حديث هذا عن أمي وأمك وكل أم تعيش فوق الأرض ,ومن أفضت روحها الطاهرة إلى رب رحيم كريم..نسأل الله أن يغفر لهم وأن يسكنهم فسيح جنة.. ألا رحم الله أمي وأسكنها فسيح جناته.
*الوطن؟
أحب مكان .. وطني السودان
*الحب؟
الحب هو ذلك الوباء اللذيذ المعدي الذي يصيب جميع الكائنات دون استثناء و بدونه لن تستمر الحياة على أي كوكب ..... وللحب معاني عظيمة و تعاريف عديدة يختلف من عاشق لأخر ، فكل محب لديه تصور وتعريف خاص لمعنى الحب ...
وقيل أيضاً أن الحب كلمة من حرفين عجز كثير من الناس تفسيرها
الحاء= حيرة
الباء= بلاء
فقالوا عنه حيرة وبلاء .. عموماً الحب إحساس جميل
*الصداقة؟
الصداقة تأتي من كلمة ( صدق ) وهذه الكلمة كافية لتوضح معنى الصداقة والصداقة هي علاقة رائعة بين شخصين أو مجموعة.
عكس الصاحب يمكن ان يكون فى فترة معينة فى العمر وبعد ذلك تفترقوا اما الصديق فهو الذى مهما ابتعدت عنه ترجع له مرة اخرى.
ولا خيـــر فـــي خـــل يخـــون خليلــة *** ويلقـــــاه مـــــن بعــــد المـــودة بالجفـــــــــا
وينكــــر عيشـــاً قــــد تقـــادم عهـــده *** ويظهـــر ســراً كـان بالأمـس قـــــد خفـــــــــا
*الخداع؟
حين يقوم الإنسان بعمل وظاهره حسن ، وباطنه سيء فإنه خداع
وربنا سبحانه وتعالى يأمر رسوله بقبول السلم والتوكل على الله ( لمواجهة احتمالات المخادعة من قبل الكفار ) .
ويقول الله تعالى : ( وإِن جَنَحُوا للسلم فأجنح لها وتوكل على الله إنه السميع العليم * وإن يريدوا أن يخدعوك فإن حسبك الله هو الذي أيدك بنصره وبالمؤمنين ) (الأنفال/61-62) .
إذن مواجهة احتمالات الخداع لا تكون بخيانة العهد بل بالتوكل على الله (والحذر الدائم) وان الله ينصر الذين يوفون بعهودهم ينصرهم بالغيب وبقوة المؤمنين .

إذن العياذ بالله من الخداع.
*الجريف شرق؟
حلاتك وحلاة وجيهك الزين
وحلاة اسمك الشايل الحنين
*الغربة؟؟؟؟؟؟؟؟؟؟؟؟؟؟؟؟؟؟؟؟؟؟
من مرافئ الغربة ++++ ليك يا بلدي السلام
نعم أحببنا الوطن وحبه في أعماقنا ... نعيش في الغربة والغربة انتحار بطئ ...ننام في التفكير ونصحو بالتفكير نأكل ونشرب العذاب وطول الانتظار.. نصرخ دوما بأعماقنا
ليلك يا غربة طويل وحزين
وليل بلدي ساحر وحنين
**** منتديات الجريف شرق***
إدمان
خش تووووووووووووووووش وورينا :
؟؟؟؟ مازا تعنى كل * من ال* السابقة
للضيف الكريم؟؟؟؟؟؟؟؟؟؟؟؟؟؟؟؟؟؟؟
ال .. كده بس والله برضو ما فاهم حاجة لكن نقدر نقول الخدر .. أها كدة ريحتك.
انمهل علي
ملحوظة :
الكيبورت بتاع جهازك فيهو مشكلة ...عكس ال...................
وتفضل مشكور.
يا خوي إت ما كنصيح .. الكيبورد بتاعي الجابو ليك شنو .. بسم الله

الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى...الساخن2   الإثنين 24 نوفمبر 2008, 1:22 pm

عصام عبد الصادق "المسيخ اللذيذ" .. امانة ما وقع راجل!!!

هااااااااااك بطريقة كمبيوتر !
اطلقت عليك لقب المسيخ اللذيذ .. هل ترى ان هذا اللقب مناسب لشخصيتك؟!!
الرجوع الى أعلى الصفحة اذهب الى الأسفل
http://www.basilholding.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الإثنين 24 نوفمبر 2008, 1:31 pm


إنت عارف طوالي الإسم ده بيذكرني بالحلو مر
وبعدين ثم ثانياً إت الجابتك شنو .. وإنت كدة بقيت زي الزول الكان في الحلاق ومشى البيت وجد الحلاقة ما مظبوطة ورجع تاني ... عشان كد يا خوي شوف شغلتك وخلي عبدو يخلص مننا والعيد على الأبواب.
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى...الساخن2   الإثنين 24 نوفمبر 2008, 1:42 pm



اته ياخوي شكلك لسه معلق في المحكمة وقايل روحك قاضي عشان تطرد من تشاء وتسكت من تشاء..
وبعدين اته عاوز عبدو يسألك الاسلئة بتاعت ؛ رائك في الصداقة ؟ ووردة لمن تهديها ؟ ورأيك في قضية فلسطين و و و و !!
لكن ابشرك ابو تراجي طلع من السجن وناوي الانتقام ..
والشفيع ابقرجة بجيك ..
انا حبيت ازورك عشان اديك نماذج من الممكن تشوفو عشان ما تقول "لكين انا كت ما قايلو كدا"
وعفوا كمبيوتر .. لكين الزول ده wanted
الرجوع الى أعلى الصفحة اذهب الى الأسفل
http://www.basilholding.com
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الثلاثاء 25 نوفمبر 2008, 6:32 am

عصام عبدالصادق كتب:


وتفضل بزكر بطاقتك الشخصية؟

كدي أول حاجة حبابك يا عبدو ومشكور على هذه الضبة اللذيذة ... وتحية خاصة لجميع أعضاء المنتدى ونتمني نكون خفيفين عليكم... وبعدين يا عبدو بلاش من الأسئلة البائرة .. يعني عاوز حاجة طازة والأسئلة التي لم توزعها على ود نابري ما تديني ليها .
وبعدين يا عبدو عشان نكون على بينة عاوزك يا تقعد بجانبي هنا في الكرسي التاني ده أو تقابلني راس .. لكن تقعد تحوم حوالي كدي بتشتت تفكيري!!!
.. وكمان ما عاوز أقول أنا ... وبعد شوية أقول لك أعوذ بالله من كلمة أنا .. وشوية تقولي بارك الله فيك .. وشوية شوية تخرج من الموضوع
لذا ندخل طوالي ... عصام عبدالصادق حاج الطيب ..
عصام ود ريا بنت عبدالرحمن بابكر الشفيع
الميلاد 27/3/1983م
الزوجة إعتدال مصطفى خالد الفكي على .. شقيقة المرحوم الأستاذ حسن مصطفى (مركز) وحسبو والطيب وخالد ودكتور شمس الدين
الأبناء مصطفى وبدور وبشائر وخالد وكما ذكرت من قبل دي خطة 1/2/1
مقيم في السعودية – الرياض منذ 13/9/1960م ومكان عملى شركة رندا لأبواب الأتومتيكية والأنظمة الأمنية
عبدو يا خوي بدل من تنطط لي عيونك كدة عاوزك تعاين لتاريخ الميلاد وتقارنه بتاريخ دخولي للسعودية ةالحدق يفهم... وخليك مصحصح ..




اولآ بسم الله فى التبادى

علق على التحتم خط

ان كته قائل الكيبورت لاكين معنى كلامك ده

اته قاصد( انا ماحدق)
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الثلاثاء 25 نوفمبر 2008, 6:40 am

نعود اليك ضيفنا العزيز عصام



*الصراحة:

هل عصام عبد الصادق صريح لابعد الحدود..؟؟
وان كان كزلك .....
هل تسببت صراحة ضيفنا فى فقدانه شيئآ. مثل
( صديق او ماشابه زلك)...؟؟

ام دائمآ ما تاتى صراحة عصام عبدالصادق
بنتائج يتوقعها.................؟؟؟؟


والمرة دى خش توووووووووووووووووووش.

تفضل ............
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الثلاثاء 25 نوفمبر 2008, 8:41 am



الصراحة:
هل عصام عبد الصادق صريح لابعد الحدود..؟؟
وان كان كذلك .....
هل تسببت صراحة ضيفنا فى فقدانه شيئآ. مثل
(صديق او ماشابه زلك)...؟؟
ام دائمآ ما تاتى صراحة عصام عبدالصادق
بنتائج يتوقعها.................؟؟؟؟
والمرة دى خش توووووووووووووووووووش.

تفضل
أعتقد أن الصراحه تعتمد على شخصيه الشخص نفسه ... وبالنسبة لي صراحتي تتوقف على الموقف نفسه وماذا يحتاج ... وتجدنى في بعض الأمور لا أجامل فيها أبداً وهذه الصفة إكتسبتها من أخونا عمر حسن حمزة وإن كان عمر أحياناً بيزود العيار حبتين .. ولكن بالنسبة لى توجد شوية تقلان يعني لازم آخذ مساحة للقراء وفي النهاية رأي لازم أقوله مهما يكن .
بالنسبة لفقداني صديق بسبب صراحتى ... لا لم يحدث لى أمر كهذا أن فقد صديق .
أما بخصوص نتائج صراحتي ... نعم كثيرا ما تأتي بنتائج إيجابية.

الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الثلاثاء 25 نوفمبر 2008, 9:06 am

استازى الفاضل / عصام عبد الصادق

احاول جاهدآ ترتيب افكارى ومن ثم اسئلتى
فافشل دائمآ. لزلك لك العزر والعتبى منى
ازا وردت اخطاء.

هااااااااااااااااااااااااااااااااااااااااااااااااااااااااااااااااك:

1/ الحياة؟؟ مراحل مختلفة وعديدة ولكل مرحلة
طعم مختلف ..اليس كزلك؟؟؟
السؤال هو: ما هى اجمل مرحلة عمرية في
سلسلة مراحل عصام عبد الصادق العمرية؟؟؟؟
2/ كيف ترى الجريف شرق من من حيث:
**الناس؟؟؟؟؟؟؟؟؟؟؟؟؟
**التاريخ؟
**الجغرافيا؟؟
3/ استازى العزيز-الا ترى ان الجريف شرق
مثل كل مدن السودان .فهى مدينة شائخة؟؟
تنكفى على ماضى بلا حاضر؟؟؟( ناقش).
4/ معلمى:- لو خير عصام بين حبه للجريف وحبه للسودان
فايهما تختار.....؟؟؟؟؟؟؟؟؟؟؟؟؟؟
وما هو راى ضيفى العزيز فى تفشى الطائفية
علي حساب القومية والوطنية.....؟؟؟؟؟؟؟؟؟؟


الدار دارك ................ والدور جالك
استازى العزيز . تفضل مشكور

وقول كل العندك ...........انا العندى لسة ما ابتدى(شعار. الكرسى الساخن)
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الثلاثاء 25 نوفمبر 2008, 12:41 pm


1/ الحياة؟؟ مراحل مختلفة وعديدة ولكل مرحلة
طعم مختلف ..اليس كزلك؟؟؟
نعم بالتأكيد ودي كمان عاوزة ليها كلام
السؤال هو: ما هى اجمل مرحلة عمرية في
سلسلة مراحل عصام عبد الصادق العمرية؟؟؟؟
والله شوف عشان أكون صريح معاك .. دي عاوزة لها إتكاءة .. أولا بالتبادي وبالتبادي دي براها حكاية لأنك سوف تلاحظ أنها مأخودة من كلمة البداية ونحن هكذا كسودانيين بنعمل تشكيلة خاصة بنا نحن في بعض الكلمات عشان كدة ...... ويا سيدي عشان ما أتوهك نترك الموضوع ده جانب وخلينا في موضوعنا لأنو شايفك قهمت فيني .
أها أولاً بالتبادي بالنسبة لي أجد أن مرحلة الطفولة هي الأجمل لأنني عشتها بكل تفاصيلها الجميلة وما زالت راسخة في ذهني .. وهذه المرحلة تشمل مرحلة الدراسة في الأولية بمدرسة كركوج الإبتدائية القديمة وهل تصدق إنو الشفيع الجزولي كان جاري في الفصل في سنة ثانية والوقت داك كان جاي جديد كرتونة زي ما بيقولوا الجماعة في المنتدى من دنقلا وعشان كدة نجده من يومه زول راقي وسلس ومنها عرفت أول مرة في الدنيا إنو في حاجة إسمها دناقلة ... طبعاً ده عشان أنا كنت صغير وجاهل ..
2/ كيف ترى الجريف شرق من من حيث:
**
الناس؟؟؟؟؟؟؟؟؟؟؟؟؟
والله ده سؤال جميل جداً ..
تعرف يا عبدوأخوي نجد أن السودانيين لهم إحترام خاص من باقي الشعوب الأخرى .. وهذه النقطة يتفق معي فيها الكثيرون .. وبنفس القدر عندما يسألك أي سوداني من أين الأخ وتقول له من الجريف شرق .. تجد الإنشراح بان على محياه .. وهذه الميزة أعتقد غير موجودة في مناطق كثيرة من السودان .
عشان كدة ناس الجريف لهم طبائع خاصة بهم تميزهم عن الآخرين ... وبالرغم من إيقاع سرعة الحياة والمتغيرات التي حدثت إلا أن إنسان الجريف ما زال يحتفظ بطابعه المميز .
**التاريخ؟
والله أنا ما عارف ياتو تاريخ !! هل تاريخ حياتي أم تاريخ الجريف أم تاريخ السودان ...
**الجغرافيا؟؟
يا خوي إنت كنت في لجنة وضع الإمتحانات... والجغرافيا دي يعني عاوزني أقول فيها شنو كمان .. وإذا كانت مادة والله كنت أحبها جداً وأستاذي في المرحلة الأولية ... لا .. لا خليها الإبتدائية لأنو نحن الذين طبقوا فيهم السلم التعليمي .. يعني سنة خامسة وسادسة ... المهم أستاذي كان لمادة الجغرافيا الأستاذ السر البدوي من أهالي أم دوم وربنا يمتعه بالصحة والعافية وهو الذي حبب لنا هذه المادة .
4/ استاذى العزيزألا ترى ان الجريف شرق مثل كل مدن السودان .فهى مدينة شائخة؟؟
تنكفى على ماضى بلا حاضر؟؟؟(ناقش).
نعم .. نعم هذه الاوصاف تشترك فيها كل مناطق السودان بدون إستثناء .. فإذا كانت عاصمة السودان القومية بهذا الحال فما بالك بالمناطق الأخرى .. وهنا نتساءل من المسئول؟
4/ معلمى:- لو خير عصام بين حبه للجريف وحبه للسودان
فايهما تختار.....؟؟؟؟؟؟؟؟؟؟؟؟؟؟
يا أستاذ عبدو الجريف هي السودان
وما هو راى ضيفى العزيز فى تفشى الطائفية
علي حساب القومية والوطنية.....؟؟؟؟؟؟؟؟؟؟
أعتقد أن القبلية لا حرج فيها إذا جاءت في سياق تعلموا من أنسابكم ما تصلون به أرحامكم ... أو في معنى الآية الكريمة ... وجعلناكم شعوباً وقبائل لتعارفوا ، ويجيء تفسير التعارف على ناحيتين ، فالأول أن يميز بعضنا عن بعض في انتمائه والثاني توطيد العلاقات بيننا .. ولكن نجد الأن مفردة القبيلة أصبحت بطريقة مباشرة وعلنية في وسائل الإعلام حتى في الجامعات نجد رابطة أبناء وين ورابطة ما عارف شنو وهكذا .. وهذه واحدة من المشاكل التي تؤسس للقبلية والخاسر الوحيد هو السودان وهذا ما نعاني منه في وقتنا الحاضر.
وعموماً هذه الظاهرة انتشرت بصورة خطيرة جداً .. وأيضاً تعاني منها بعض الدول العربية .
وقول كل العندك ...........انا العندى لسة ما ابتدى(شعار. الكرسى الساخن)
بالله ... وإنت لسه ما بديت ... يعني دي كانت تسخينة بس .. الله يستر
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الأربعاء 26 نوفمبر 2008, 3:44 am

مازلنا مع الرائع عصام عبد الصادق



هااااااااااااااااااااااااااااااااااااااااااااااااااااااااااااااااااااااااااااااااااااااااااك:

1/ متى حسى ضيفنا انه فخور بنفسه؟؟
2/ ما هى الخصال التى يكرهها عصام عبد الصادق؟؟
3/ ما هو الشئ الزى يلفت انتباه عصام عبد الصادق
في الحياة سواء كان موقف سلبى او ايجابى؟؟؟
4/ لكل انسان مقولة او حكمة ماشى عليها
فى الحياة فما هى حكمتك؟؟؟؟ وليييه دى بالتحديد؟؟
( يعنى دلل لينا كلامك بموقف موقفين)؟.




اخوى ود عمى عصام

اتفضل.......
ملحوظة :
نحنا ياداب في مرحلة الشخصية وهبشات بسيطة
وعندى ليك 9اسئلة سميتم الاسئلة الحساسة
خت الرحمان في قلبك وجاوب الاربعة الفوق ديل
والحساسة ...........................................جاية


تفضل مشكور.
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الأربعاء 26 نوفمبر 2008, 4:46 am


1-متى حسى ضيفنا انه فخور بنفسه؟؟
والله السؤال ده فعلاً حا يسخن بي رأسي شديد وعموماً أنا أشعر بالفخر عندما أطرح فكرة لعمل إيجابي وسط مجموعة ويؤمن عليها الجميع ويتم إنجازها.
2/ ما هى الخصال التى يكرهها عصام عبد الصادق؟؟
الكذب والنفاق أضف لذلك طريقة الحوار السلبي عندما لا يستمع الأخر لرأيك
3/ ما هو الشئ الذى يلفت انتباه عصام عبد الصادق في الحياة سواء كان موقف سلبى او ايجابى؟؟؟
الموقف الإيجابي الذي يلفت إنتباهي عندما أجد مجموعة تعمل بروح فريق العمل الواحد وبتناغم وجميعهم مؤمن بالفكرة.
والموقف السلبي الذي يضايقني عندما أجد مجموعة في بيت عزاء أو في المقابر يتهامسون ويتضاحكون.
4/ لكل انسان مقولة او حكمة ماشى عليها فى الحياة فما هى حكمتك؟؟؟؟ وليييه دى بالتحديد؟؟( يعنى دلل لينا كلامك بموقف موقفين)؟
شوف يا عبدو أخوي.. في بداية الثمانينيات عندما كنت في القاهرة ومعي مجموعة من طلاب أبناء الجريف... كانت لدي مقولة دائماً أقولها لهم وهي أن الدنيا بطيخة ... والجميع يضحكون في هذه المقولة ... ولكن بعد زمن طويل أذكر أن قابلت أخونا وعمنا نبيل عمر حاج المبارك ... وربنا يطراهو بالخير ويمتعه بالصحة والعافية والذي كان معنا في تلك الفترة ..... قال لي والله يا عصام بعد الزمن ده كلو فعلاً وجدت أن الدنيا بطيخة .. وأنا ما عارف عمنا نبيل إكتشف ذلك عندما عمل في التدريس أو عندما أصبح ضابط شرطة ..
وعموماً تشبيهي للدنيا بكل ما تحتويه من مخلوقات أتاني إحساس بانها بطيخة مقفولة .. وما معروف تطلع كيف ... وسيبك من حكاية أنو فلان خبير في البطيخ وبيعرفها من الصوت بالنقر عليها أو ما شابه ذلك ..
المهم أحياناً تجد أن بذورها سوداء ولكن لا لون ولا طعم وأحياناً تجدها بيضاء ولكن أحسن من غيرها حتى ولو كان لونها أحمر .. حيث أن القاعدة أن البطيخة الحمراء هي الأجود ..
هي هكذا الدنيا وعليه تجد بعض من بني البشر هم هكذا .
عبدو أخوي ... عرفت ليه الدنيا بطيخة ... وكل المضروبين شواكيش ديل بطيختهم لم تكن على السكين .. والا شنو رأيك.
وعندى ليك 9اسئلة سميتم الاسئلة الحساسة خت الرحمان في قلبك وجاوب الاربعة الفوق ديل والحساسة ...........................................جاية
الأربعة جاوبنا عليهم الكلام الجايات .. والجايات أحسن من الرايحات وعموماً أنا خارج مشوار وبجيك صاد وتكون جهزت الباقي عشان نخلص وأنا رقبتي وجعتني من القعدة .. ويا كافي البلا لا موية طاعمة ولا مسيخة .. ده أسمو كلام تجيب لي نبق وتسالي ... لا حول الله يا رب

الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الكرسى...الساخن2   الأربعاء 26 نوفمبر 2008, 6:57 am


الرائع الروائي / عصام عبد الصادق ..

كما ألفناك روائياً قاصاً سلساً (لذيذاً مسيخاًُ) ..
أبحرت في فيض حديثك .. وكلما انتهي أجد نفسي تتوق إلى الرجوع لما قرأت وتصفحت ..
تارةً لضيق فهمي وعدم إستيعابي لما تسرده أناملك .. وتارةً لأستمتع بحلو حديثك .. وطعم مساختك ..
دم قوياً كعاتدك مع عبدو .. ولا تضعف ولا تهن ..
ربنا معاك .. شد حيلك ساي يا ود امي ..

ودم كما أنت وأكثر ...
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الأربعاء 26 نوفمبر 2008, 8:20 am



لكن يا ود سنقد ود أمي دي ما قطعت مصارين حشاي

شكلك كدي أكيد جاي الليلة من حوش ناس الشيخ العبيد والكلمة دي ما بتجي كدة بالساهل

عموماً لك الشكر على هذه المداخلة التي سوف تزيدني ثباتاً

الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: الكرسى...الساخن2   الأربعاء 26 نوفمبر 2008, 4:20 pm

جدى امانة ماوقع راجل لكن انت قدرة والله نحن تصفح ساى راسنا سخن انت كيف والتاريخ وجع راسى كان مااخاف الكضب ده داير تغشبيه ام العيال سكت وقلت يوم زواجك امكن لله دررك ايها الرائع
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: الكرسى...الساخن2   الخميس 27 نوفمبر 2008, 1:06 am

الاخ عصام


نقول بسم الله

1- نصيحة للمغتربين الجدد حتى لا يكررو اخطاء من سبقوهم


2 - ما هى النقاط المخفية من قضية الطاقية والتى لم يتم ذكرها فى المنتدي

3- برايك اذا كان هنالك انتخابات من ترشح حاج على المنشاري ولا ابو تراجي

الرجوع الى أعلى الصفحة اذهب الى الأسفل
http://aljraif.forumotion.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الكرسى...الساخن2   الخميس 27 نوفمبر 2008, 1:37 am

معز كتب:
الاخ عصام


نقول بسم الله

1- نصيحة للمغتربين الجدد حتى لا يكررو اخطاء من سبقوهم


2 - ما هى النقاط المخفية من قضية الطاقية والتى لم يتم ذكرها فى المنتدي

3- برايك اذا كان هنالك انتخابات من ترشح حاج على المنشاري ولا ابو تراجي


سؤال موجه لأخونا صاحب البوست الجميل ..
يعني بعد دا نقبل على الراجل دا لننتف ريشه ؟؟

وتفضل يااااااا عبدووووووووووووووووووووووووووووو مشكوووووووووووووووراً ..

ودمتم لنا ...
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الخميس 27 نوفمبر 2008, 1:58 am

يا جماعة الخير ما تستعجلوا ونحن يا دوب في مرحلة الكابوريا يعني القطعية لس ما وصلناها .. بس روقوا شوية عشان نشوف عبدو ده آخر حا يفكو متى.
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الخميس 27 نوفمبر 2008, 5:52 am

الاستاز / عصام عبد الصادق
تحياتى النواضر

شد حيلك انته لسه مشوارك طويل.


هااااااااااااااااااااااااااااااااااااااااااااااااااااااااااااااااااااااااااااااااااااااك:

1/ منتدى الجريف ( ايجابياته وسلبياته)وبكل صراحة؟؟؟؟؟
2/ فى رايك ما هو دور المنتدى في حل القضايا المتعلقة
بالجريف شرق وعلى سبيل المثال( كبرى المشاة-ومقابر
ناصر- )؟؟؟؟؟
3/ الحلول والطرق التى يراها ضيفنا حتى تخرج المقترحات
من اكمنة المنتدى الى الى التطبيق على ارض الواقع؟؟؟؟
4/ كيف وصلت الى منتدى الجريف؟؟؟( يعنى متين والدلاك منو )؟؟؟


اعتزر لك استازى لعدم التواصل المستمر نسبة لظروف العمل؟؟؟؟


ويلا الدور جااااااااااااااااااااااااااااااااااااااااااااااااالك. وتفضل مشكور؟؟؟؟
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى...الساخن2   الخميس 27 نوفمبر 2008, 5:54 am

السادة الاعضاء

السلام عليكم

مشكورييييييييييييييييين على المرور لاكين انا لسة ما انتهيت

فرجاءآ انمهلوا شوية


ودمتم ........... طيبين
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الخميس 27 نوفمبر 2008, 9:38 am



1/ منتدى الجريف ( ايجابياته وسلبياته)وبكل صراحة؟؟؟؟؟
اجمل ما في المنتدى رحابة صدر المشرفين ورقة مشاعرهم لأنني ارى أن جميع المشرفين مقربين من الاعضاء بأخلاقهم العالية وطيب خاطرهم وسماحة قلوبهم.
ولقد جمعتنا الألفة والمحبة والمودة بناس مثقفين وفي قمة في الادب والتسامح والاخلاق .. اكتسبنا صداقات جديدة . استفدنا من بعضنا البعض زادت أواصر وروابط الاخوة فيما بيننا، لدرجة جعلتنا نعشق هذا البيت السعيد كما يقول أخونا بدر عبدالماجد
ومن السلبيات الانتقادات الشخصية لا تعجبني واعتقد انها لا تعجب الجميع.
ومن السلبيات أيضاً عدم تفاعل الأعضاء مع بعض المواضيع المهمة التي تحتاج نقاش.
أيضاً أن الرقابة غير مفعلة على المواضيع التى تثير النعرات والعنصريات حيث انه من المفترض على المشرفين المرور على هذه الاشياء وتصفية الغير لائق منها ولكن أتوقع أن في المرحلة القادمة أن هؤلاء الشباب سوف يعالجوا هذه الإشكالية.
2/ فى رايك ما هو دور المنتدى في حل القضايا المتعلقة بالجريف شرق وعلى سبيل المثال( كبرى المشاة-ومقابرناصر- )؟؟؟؟؟
أعتقد أن كوبري المشاة حتى الأن لم يأخذ حقه المطلوب وخصوصاً أن بعض الأعضاء طرح عدة حلول ولكن للأسف لم تفعل وبالتأكيد هذا لن ياتي ما لم يتم تشكيل لجنة مختصة لمتابعة هذا الموضوع والدعاية والإعلان عنه ليتفاعل معه الجميع وليس أعضاء المنتدى فقط بل أيضاً للفت إنتباه العامة في جريفنا الحبية
أما بالنسبة لمقابر ناصر أعتقد أن جميع الأعضاء تفاعلوا معها ودعموها بالراي ..
3/ الحلول والطرق التى يراها ضيفنا حتى تخرج المقترحات من اكمنة المنتدى الى الى التطبيق على ارض الواقع؟؟؟؟
لا شك أن رقي وتطور أي عمل يكمن في مشاركة جميع المنتسبين إليه في تطويره والعمل على تذليل جميع الصعوبات التي تعترض ذلك التطور... وأعتقد أن الأعضاء الموجودون في السودان عليهم العبء الأكبر وأنهم خطوا خطوات جبارة بالإجتماعات التي عقدوها وكل هذا ناتج من تفاعل المنتدى مع بعض القضايا المطروحة.
4/ كيف وصلت الى منتدى الجريف؟؟؟( يعنى متين والدلاك من)؟؟؟
وصولي للمنتدى كان عن طريق الأبناء أحمد والطيب رونالدو وعلى فكرة هم أبناء شقيقي مبارك (الحاج) ومن هنا أتقدم لهم بصوت شكر على هذا الإنجاز الذي قاموا به في إنشاء هذا المنتدى والشكر أجزله لإبننا الهندي الذي تفاعل معهم وواصل المشوار بكل أريحية .
اعتزر لك استازى لعدم التواصل المستمر نسبة لظروف العمل؟؟؟؟
وأنا ما صدقت إنك عملت نائم ... وعلى فكرة بكرة عندي جلسصة في محاكمة الخاصة بقضية الطاقية وربك يستر
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: الكرسى...الساخن2   الخميس 27 نوفمبر 2008, 4:02 pm

[size=29]العرق دساس انت شايت وين امدرمان اندست اكتر ام ناس حاج النبارك
يعنى المساخة زايد اللزازة ماممكن
r=black]]احرج موقف مريت بي


شنو[/size][/size]عايز تفصيل المدرسة والسعوديةو المنتدى
واظرف موقف
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى...الساخن2   الجمعة 28 نوفمبر 2008, 1:15 am

أخي أيمن السر ..... سريع ... سريع أشكرك على المداخلة .. وطبعاً الإجابة على أسئلتك جاهزة .. ولكن على حسب إلتزامي مع عبدو بعدم الرد إلا بعد الإنتهاء من أسئلته وإعطاء الضوء الأخضر لكم.
عشان كدة في مداخلتك لكزني بالمقص وقال لي ما تشتقل بيهو .. سيبو .. سيبو ... وانا بتكلم معاك الأنو وهو مشى بره ينهرلو غنماية كانت واقفة في الباب.. مع السلامة ... مع السلامة.
الرجوع الى أعلى الصفحة اذهب الى الأسفل
 
الكرسى...الساخن2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: