............

حبابك عشره يا زائر
 
الرئيسيةالتسجيلدخول

شاطر | 
 

 الكرسى..........الساخن..........

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الأحد 16 نوفمبر 2008, 5:49 am

كمبيوتر !!!
ما كفاى بعد كده ؟؟

الرجوع الى أعلى الصفحة اذهب الى الأسفل
http://www.basilholding.com
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى..........الساخن..........   الإثنين 17 نوفمبر 2008, 3:37 am

عزيزى ودنابري



زى ماتحب .

مشكور كتير علي قبولك الجلوس علي الكرسي
الساخن.

مع انك زقته قبال الكرسي ما يسخن ... ما في مشكلة

يسخنوهو الاعضاء معاك .

مشكور مرة تانية .

تخريمة::::_


عبدالله الله بسالك انته ( حبيت)


وسلامات يارائع
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الإثنين 17 نوفمبر 2008, 3:51 am

عبدو(كمبيوتر) كتب:
عبدالله الله بسالك انته ( حبيت)
الرجوع الى أعلى الصفحة اذهب الى الأسفل
http://www.basilholding.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الكرسى..........الساخن..........   الإثنين 17 نوفمبر 2008, 6:28 am

حبيبنا عبده كمبيوتر ..

تحية حب وإعجاب بفكرتك الرائعة ..
والتي ستخرج لنا ما يخبيه الأعضاء من فصاحة لسان .. وتهذيب روح ..
ومرح وفكاهة .. وسلاطة لسان .. وعظيم أفكار ..
حبيبنا وأستاذنا عبد الله ود أمحمد ..
تحيات يا رائع ..
تابعت ردودك بكل تركيز .. وألخص :
قبولك للجلوس على الكرسي بكل رضاء نفس ..
نزولك لرغبة اخوتك الأعضاء بكل أريحية ..
ردودك رائعة جدا .. وأروع مما ألفناه عليك ..
أصبغت ردودك حلة زاهية .. وزينتها بسلاسة السرد ..
أعطيت كل سؤالٍ حقه ومستحقه دون أي نقصان ..
لم تكسر بخاطر شخص في سؤالٍ في غير محله ..
طوعت الأسئلة الحرجة وجعلتها أكثر فكاهة وتقبلاً ..
فلك مني التحية والتقدير ..
[quote="عبدالله محمد نابري"]
كنت زعلان شديد من ود سنقد! بس اسه من احب الناس لقلبي..

سؤالي يا أستاذنا ..
لا أريد أن أسألك عن الشئ الذي جعلني مقرباً إليك .. فأنت كما ألفناك صاحب قلبٍ كبير ..
ولكن أسألك عن الشئ الذي أغضبك مني أو قل زعلك مني ؟؟ لكي أستأصله من جزوره ..
وأعلم أخي واستاذي .. ما سألتك لشئ خفي في نفسي غير ما ذكرت لك ..

ودم لنا أيها الأستاذ المبدع ...


الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الإثنين 17 نوفمبر 2008, 7:04 am

وليد عثمان علي سنقد كتب:

سؤالي يا أستاذنا ..
لا أريد أن أسألك عن الشئ الذي جعلني مقرباً إليك .. فأنت كما ألفناك صاحب قلبٍ كبير ..
ولكن أسألك عن الشئ الذي أغضبك مني أو قل زعلك مني ؟؟ لكي أستأصله من جزوره ..

صدقني يا وليد الاجابة صعب انها تتخه هنا ..!! صعب شديد .. بس عشان ما تمش لبعيد ما ليها علاقة بالاسم .
بس بودعك بديك الاجابة في الخاص .. لكين ما اسه !!
ومشكور على زوقك الرائع بالجد اثلجت صدري..~
تحياتي ... وحبي ... واحترامي...
الرجوع الى أعلى الصفحة اذهب الى الأسفل
http://www.basilholding.com
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: الكرسى..........الساخن..........   الإثنين 17 نوفمبر 2008, 7:13 am


وا حلاتي يا ناس ..


ودمت كدا طوالي ...
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الكرسى..........الساخن..........   الثلاثاء 18 نوفمبر 2008, 3:01 am

عبدالله نابر ي
* الناس المعاك في الصورة الإنت خاتيها دي مين ؟ وكانت بتين ووين

* انت ياعبدالله عارف أن الكرسي الساخن مدته أسبوع راسو عدييييل
الرجوع الى أعلى الصفحة اذهب الى الأسفل
http://aljraif.forumotion.com
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى..........الساخن..........   الأربعاء 19 نوفمبر 2008, 1:42 am

اهل المنتدى




عبدالله ودنابرى

كفاهو ولا شنو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الأربعاء 19 نوفمبر 2008, 1:47 am

الهندي بشير نابري كتب:

عبدالله نابر ي
* الناس المعاك في الصورة الإنت خاتيها دي مين ؟ وكانت بتين ووين


الصورة في عيد رمضان 1429 في ساحة الحرم المكي
ويظهر فيها من اليمين أنا " والحمد لله من قولت أنا" والامورة/هبه بشير نابري وباقي التفاصيل ما واضحة!

الرجوع الى أعلى الصفحة اذهب الى الأسفل
http://www.basilholding.com
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: الكرسى..........الساخن..........   الأربعاء 19 نوفمبر 2008, 10:11 am

ود نابرى



الآف التحايا



1429 دى يا اخوى بقابلة فى الافرنجى 19؟؟

ولا شنو.............................................


ومولع فينا نار الشوق
الرجوع الى أعلى الصفحة اذهب الى الأسفل
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الكرسى..........الساخن..........   الأربعاء 19 نوفمبر 2008, 10:54 am

يا عبد الله بصراحه شديدة جداً، مع شكرنا ليك يا عبدو و ربنا يسخن كراسيك كمان و كمان..

أيهما تفضل الزوجه الذكيه أم متوسطة الغباء، و لماذا؟
الزوجه المطيعة أم التي تصر على أن تشاركك في كل القرارات و يكون ليها رأي..
الزوجه العاملة أم ربة المنزل و لا حسب الظروف؟
أن تفهم الحياة و تفاصيلها على يديك أم تكون مدردحه و فاهمه؟
لو طلبت منك طلب و كانت حالتك تعبانه في لحظتها، بتعمل ما سامع و لا بتعتذر بالمشغوليات و لا بتكون صريح؟
هل تسمح لزوجتك بتدبير إقتصاديات المنزل و لا حا تشعر إنك حا تفقد لقب سي السيد؟
الرجوع الى أعلى الصفحة اذهب الى الأسفل
نبيل احمد علي
قلم ذهبي
قلم ذهبي


عدد الرسائل : 628
العمر : 30
الاقامة : ارض الطيبة والطيبين
المهنة : موظف
مزاجك اليوم :
تاريخ التسجيل : 09/07/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 1:08 am

عبد الله وعبدو الكرسي دا انتها خلاص يا اخوانا ولا الحاصل شنو
الاسئلة واقفة فوق حلقنا ياعبد الله
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 3:34 am

صديق النعمة الطيب كتب:
يا عبد الله بصراحه شديدة جداً، مع شكرنا ليك يا عبدو و ربنا يسخن كراسيك كمان و كمان..
عاوز تقنعني بانو دي اسئلة دي دروس يا استاذ ؛ وساجيبك بكل وصدق..

---------------------------------

- أيهما تفضل الزوجه الذكيه أم متوسطة الغباء، و لماذا؟
افضل متوسطة الغباء حتى يكون هناك مجال تقدر تمارس فيهو سلطاتك كراجل وكتطبيق طبيعي للرجال قوّامون على النساء..

- الزوجه المطيعة أم التي تصر على أن تشاركك في كل القرارات و يكون ليها رأي..
لا افضل الزوجة المطيعة ابداً .. لازم ان يكون في الحياة اخذ وعطا واكثر شي اكرهه في حواء السودان انها لو "قرصتا" عقرب ما بتحّكها (برود شديد!!).

- الزوجه العاملة أم ربة المنزل و لا حسب الظروف؟
افضل الزوجة العاملة لسبب .. قد تلاحظ يا بروف ان معظم نساءنا بعد الزواج والوالدة يتغير حالهن من حيث اللهجة وطريقة الكلام والاهتمامات؛ وحتى الوزن!!

- أن تفهم الحياة و تفاصيلها على يديك أم تكون مدردحه و فاهمه؟

افضل الفاهمة .. فاقد الشي لا يعطيه

- لو طلبت منك طلب و كانت حالتك تعبانه في لحظتها، بتعمل ما سامع و لا بتعتذر بالمشغوليات و لا بتكون صريح؟
بعمل ما سامع وبصراحة يا بروف ما بقدر اقول لا بصراحة ..

- هل تسمح لزوجتك بتدبير إقتصاديات المنزل و لا حا تشعر إنك حا تفقد لقب سي السيد؟
بالعكس تدبير اقتصاديات المنزل ده حايكون من صميم عملها .. عشان تعرف تقدر حجم المسئولية..
الرجوع الى أعلى الصفحة اذهب الى الأسفل
http://www.basilholding.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الكرسى..........الساخن..........   الخميس 20 نوفمبر 2008, 4:09 am

أخونـــا الغالي / عبدالله نابري
التألق والإبداع
الرقي والإمتاع
فلرقي الحرف هنا سيل من نور
صباحك جميل .. وليلة ساحره
بتواجد القدير
نجم ساطع في سماء منتديات الجريف شرق
هو قلم مبدع

هو إنسان مرهفة الإحساس لو لم تعرفوه بعد
عذبة الكلمات عفوي الحديث


تحياتي صديقي وأتمنى أن تكون مبسوط بالكرسي
إليك بعض الأسئلة .. لازم تجاوب عليها كلها ومرفوض
أن تحذف أياً منها لحدي ما أجيب ليك الباقيات وانت عارف لو حذفت أي حاجه أنا بأقدر أسوي شنو

* الى اي مدى تعتقد ان المنتديات تخدم ابناء المنطقة عموماً
* ما هي المقترحات التي تحب ان تراها في منتديات الجريف شرق ؟؟
* ما هو الشي الذي لمسته في المنتديات وتعتقد بانه غير ملائم لها ..؟؟
* الى اي مدى تشعر بان منتديات الجريف شرق تخلق نوع من الشليليات
التي تفيد وتضر.؟؟ حسب اراء الكثيرين؟؟

قليل من كثير قادم بالطريق فاليوم الخميس ومافي دوام
الرجوع الى أعلى الصفحة اذهب الى الأسفل
http://aljraif.forumotion.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 4:20 am

الهندي بشير نابري كتب:
صاحب القلم الرصين ... عبدالله نابري
تحياتي وأتمنى أن تكون مبسوط بالكرسي
إليك بعض الأسئلة .. لازم تجاوب عليها كلها ومرفوض
أن تحذف أياً منها لحدي ما أجيب ليك الباقيات
* الى اي مدىتعتقدين ان المنتديات تخدم ابناء المنطقة عموماً
* ما هي المقترحات التي تحب ان تراهو في منتديات الجريف شرق ؟؟
* ما هو الشي الذي لمسته في المنتديات وتعتقدين بانه غير ملائم لها ..؟؟
* الى اي مدىتشعري بان منتديات الجريف شرق تخلق نوع من الشليليات

التي تفيد وتضر.؟؟ حسب اراء الكثيرين؟؟
قليل من كثير قادم بالطريق فاليوم الخميس ومافي دوام

الغالي هندي ود .. الخ تحياتي اقصى ما تراه العيون "بتاعتك"!
اته يا خوى شكلك رحبت ببت الجريف ولسه معلّق .. لانو اسئلتك السألتني ليها دي كلها حقات بنات شوف معاى:

* الى اي مدى تعتقدين ان المنتديات تخدم ابناء المنطقة عموماً .. "تعتقدين"!
* ما هو الشي الذي لمسته في المنتديات وتعتقدين بانه غير ملائم لها ..؟؟ "تعتقدين"!!
* الى اي مدى تشعري بان منتديات الجريف شرق تخلق نوع من الشليليات
"تشعري"!!!

فانا اسه ما عارف الاسئلة دي موجهة لي ام لبت الجريف اللتوّك رحبت بيها..
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 4:26 am

التعديل ده جا متأخر يا هندية .. اقصد يا هندي ..
انا اول ردي عملت اقتباس لمشاركتك الاولى وسألتك اذا كانت الاسئلة موجهه لي ام لبت الجريف !؟؟؟؟؟؟؟
الرجوع الى أعلى الصفحة اذهب الى الأسفل
http://www.basilholding.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: الكرسى..........الساخن..........   الخميس 20 نوفمبر 2008, 4:47 am

نبيل كتب:
عبد الله وعبدو الكرسي دا انتها خلاص يا اخوانا ولا الحاصل شنو
الاسئلة واقفة فوق حلقنا ياعبد الله
وأنا برضو بسأل نفس السؤال وواقف بتفرج بس .. لكن المحيرني شائف في ناس فكت الحظر .. وعملوا مداخلات .. وما عارف ديل شغالين في الأمن .. أم لجان شعبية.. أم بسط أمن شامل..
وشوف يا عبدو أخوي .. يا تفك الحظر ..يا تخلينا نفكو نحنا بطريقتنا ..
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الكرسى..........الساخن..........   الخميس 20 نوفمبر 2008, 5:15 am


عبدالله ما تزوغ من الموضوع ...
عرفناك متابع المنتدى متابعه شديد والبكتب ليهو كلمة بالغلط ما بتديهو نفس لحدي ما يعدل
(طبعاً كان ممكن أنكر ليك الكلام ده كلو وماحتقدر تثبت أي حاجه ههههه )
ركز معاي في الأسألة وأسه هي بعد التعديل جاوب عليها واخد ليك ساعتين تلاته بعد الدوام
لحدي ما تجاوب على أسئلتي كلها .... الكلام ده واضح ؟

بعدين يانبيل الكرسي الساخن ده حدو شهر عديل لعبدالله ده بالذات لأنو زمان كان تاعبنا
شديد في الجلسات الأسرية واللمات في العائلة ودائما كان بيقعد الناس في الشوايه ..وأنا
الى الآن ماشايف زول سخنه كويس .. انا المشكلة ما بأقدر لأجو بيجيني راجع بالتلفون
طوالي ينتف ريشي لكن نفسي في زول يكون اسمه مستعار يقبل على عبدالله ينتف ريشو
تمااااااااام التمام .

عمنا عصام الزول ده يكون فقيرو قوي .. مخلي الناس الأسئلة قاعده في حلوقهم وماقادره
تسأل ولا تتكلم .. لكن عندي ليك اقتراح ...
لما تدخل البوست ده أتخيل أنو عبدالله ده من كفار قريش أو من ناس الـ.... وزرزره على كيفك
وبيمهلة بعد ما تقرأ ياسين وآية الكرسي وتتحصن تماااااااااام وسل السيف ..

الزول ده تريــان أسرار ومليان حكاوي وقصص ... شوف على الأقل قصة ( بنديك معاها قبه)
بالله عليك دي جابا من وين أنا متأكد من التكــل القديم الفي ناصية راسو ...
ولنا معاك ياعبدالله أسئلة من الأعماق بس خلكي جاهز هيع هيع هيع
انا الأسد الفرتيت أكنت غايب والليله جيت
الرجوع الى أعلى الصفحة اذهب الى الأسفل
http://aljraif.forumotion.com
عامر عبد الوهاب
مشرف
مشرف


عدد الرسائل : 656
العمر : 41
الاقامة : حبي الأول
المهنة : مقرر
مزاجك اليوم :
تاريخ التسجيل : 24/08/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 5:19 am

والله يا عبدالله يأخوي من اول يوم داير اشارك
في الكرسي الساخن واسخنك ذياده لكن
مشكلتي قاعد أريدك ساااااي كده والكرسي
القعدوك فيه ده زاتو واجع لي قلبي شدييييد

أبو يارا
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: الكرسى..........الساخن..........   الخميس 20 نوفمبر 2008, 6:06 am


* من كتــّاب كل من المواضيع التالية بمنتدياتنا
- لغة الشماسة والراندوك
- شركة زين للاتصالات بين مجارة السوق وخدعة العميل (سؤال )
- المرأة النخلة
- التمبلولو كع . عليكم الله شوفو جنس الملايين دي
- مظكراتي عن مايا
- دعوة خاصة بناس العولمة والانترنت فقط ولاداعي للاحراج
- مكتوبي من شهر العسل شهر المرض شهر السجم

* من هم أصحاب التواقيع التالية
- فاوضني بلا زعـــل ( عارفة بتاع تسالية . حبيت أوريك علشان تشوف حاجه تانية غيرو)
- حسبي من السلوي ....أنس النبض تسبيحاً ....يصل ... على حصي الجبل الدكيك ...
وأمرغ الأعظام في شذراته أبكي منابع أدمعي واشق كبد الشعر فيك ..
فعساي ادرك كلب أهل الكهف منزلةً وأتبع عاشقيك ولعل ماجرحت أظافر زلتي ..
تمشي عليه يد المسيح ولعل بطن الحوت يلفظني .... الى البر الفسيح فاستريح ....
-Choose silence of all virtues, for by it you hear other men's imperfections, and conceal your own.
- كل طائر مرتحل عابر البحر قاصد الاهل حملتوا اشواقى الدفيقه
- اغدآ القاك...........؟
فيا خوف فؤادي من غـــــــــــدآآآ.........؟

- لا إله إلا الله عدد ماكــــــــــان وعدد مايكون وعدد الحركــــــــــات والسكون
- الشمس كبيرة وأشعتهــــا صفراء ومسخنه بالنهار .

ولسه برضو ياعبدالله الجايات في الشارع كتير
الرجوع الى أعلى الصفحة اذهب الى الأسفل
http://aljraif.forumotion.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 7:26 am

- أيهما تفضل الزوجه الذكيه أم متوسطة الغباء، و لماذا؟
افضل متوسطة الغباء حتى يكون هناك مجال تقدر تمارس فيهو سلطاتك كراجل وكتطبيق طبيعي للرجال قوّامون على النساء..
يعني يا عبد الله،سلطاتك دي ما فهمناها و بعدين ده معناهو إنك عايز تتحرك في المناطق الفاضية أي نصف الغباء، ده كلام برضو ما مفهوم، لأنو في الحالة دي ما حايكون في أي فايده من السلطات أصلاً، كدي حاول تراجع فكرة الذكيه مره تانية قبل ما تتوكر إحتمال تقدر تتفهم طلباتك أكتر و تديك العايزو بسرعه بدل ما تتعبك و تمارس سلطاك و احتمال في النهاية ما تفهمك إنت قاصد شنو و تفتكر السلطات دي زي ما قال عصام ...أمن و لا بسط أمن شامل و لا حاجه كده..

- الزوجه المطيعة أم التي تصر على أن تشاركك في كل القرارات و يكون ليها رأي..
لا افضل الزوجة المطيعة ابداً .. لازم ان يكون في الحياة اخذ وعطا واكثر شي اكرهه في حواء السودان انها لو "قرصتا" عقرب ما بتحّكها (برود شديد!!).
دي ما فهمناها كلو كلو، من وين مطيعة أبداً، و الحياة أخذ و عطا... لأنو المطيعة أبداً حاتكون سلبية و دي زاته الما تحك قرصة العقرب و سكوته أحسن منو قرصة العقرب،،

- الزوجه العاملة أم ربة المنزل و لا حسب الظروف؟
افضل الزوجة العاملة لسبب .. قد تلاحظ يا بروف ان معظم نساءنا بعد الزواج والوالدة يتغير حالهن من حيث اللهجة وطريقة الكلام والاهتمامات؛ وحتى الوزن!!
دي معاك فيها حق، لكن برضو الرجال هم السبب لأنو النسوان بتعاملو بردة الفعل و الإيحاءات البتجي من الرجال، و طبعاً الرجال بيصدروا إيحاءات كتيرة جداً بطريقة لا شعورية و هي البتشكل المرأة خلال فترة الزواج، من ضمنها دخول الرجل للحياة الزوجية بالفكرة دي، و لما المراة تكون متوقعة من الرجل شيء معين حا تعملو و برضو بطريقة لا شعورية، فتور الرجل في فتره تجاه المرأه هو البخليها تفش غلها في الأكل و القطيعة مع النسوان و من ثم تكون مثلهم،،

- أن تفهم الحياة و تفاصيلها على يديك أم تكون مدردحه و فاهمه؟
افضل الفاهمة .. فاقد الشي لا يعطيه
دي ما فيها تعليق...

- لو طلبت منك طلب و كانت حالتك تعبانه في لحظتها، بتعمل ما سامع و لا بتعتذر بالمشغوليات و لا بتكون صريح؟
بعمل ما سامع وبصراحة يا بروف ما بقدر اقول لا بصراحة ..
تخيل بقولوا أجمل كلمة في اللغه العربية هي كلمة لا، صغيره و مريحه، و بتوفر ليك إعادة شرح الأسباب و احتمال تنسي أمس إعتذرت بي شنو... خليك حمش

- هل تسمح لزوجتك بتدبير إقتصاديات المنزل و لا حا تشعر إنك حا تفقد لقب سي السيد؟
بالعكس تدبير اقتصاديات المنزل ده حايكون من صميم عملها .. عشان تعرف تقدر حجم المسئولية

- دي حقيقه لكن ما كاملة دوره في راسك تاني، لأني عندي فيها تجربة، مره من المرارير قلته لزوجتي تمسك المصاريف و مشينا السوق و سلمتها القروش قدر الطلبات، و عملت نايم... مره مرتين التالته قدمت استقالته و لعنت آدم اسمث و تايلار....
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 2:43 pm

البروف صديق النعمة حاج الطيب: أيهما تفضل الزوجه الذكيه أم متوسطة الغباء، و لماذا؟
افضل متوسطة الغباء حتى يكون هناك مجال تقدر تمارس فيهو سلطاتك كراجل وكتطبيق طبيعي للرجال قوّامون على النساء..
البروف: يعني يا عبد الله،سلطاتك دي ما فهمناها و بعدين ده معناهو إنك عايز تتحرك في المناطق الفاضية أي نصف الغباء، ده كلام برضو ما مفهوم، لأنو في الحالة دي ما حايكون في أي فايده من السلطات أصلاً، كدي حاول تراجع فكرة الذكيه مره تانية قبل ما تتوكر إحتمال تقدر تتفهم طلباتك أكتر و تديك العايزو بسرعه بدل ما تتعبك و تمارس سلطاك و احتمال في النهاية ما تفهمك إنت قاصد شنو و تفتكر السلطات دي زي ما قال عصام ...أمن و لا بسط أمن شامل و لا حاجه كده..
طبعا يا بروف سؤالك ده ما ساهل بس يخيل لي انو المرة الذكية بيتفي عندها الاحساس بالدهشة !! يعني ما حاتقدر تضيف لحياتها أي جديد .. لذلك افضل المرأة "نصف الذكية" عشان تكون انت رقم في حياته مثلا صديق النعمة حاج الطيب خلاص الكلام وقف ! وهكذا ...

البروف: الزوجه المطيعة أم التي تصر على أن تشاركك في كل القرارات و يكون ليها رأي..
لا افضل الزوجة المطيعة ابداً .. لازم ان يكون في الحياة اخذ وعطا واكثر شي اكرهه في حواء السودان انها لو "قرصتا" عقرب ما بتحّكها (برود شديد)!.
البروف: دي ما فهمناها كلو كلو، من وين مطيعة أبداً، و الحياة أخذ و عطا... لأنو المطيعة أبداً حاتكون سلبية و دي زاته الما تحك قرصة العقرب و سكوته أحسن منو قرصة العقرب،،
اقصد انو يكون عندها دور وجود يعني تتاقش معاك ترفض .. تزعل .. تحرد ... تعرف تقول لا!!
سمعت بعض القبائل ان الزوجة لا تكتشف وجهها لزوجها وذلك لهيبة الرجل عندهم !! متخيل معاى الصورة!؟؟

البروف: الزوجه العاملة أم ربة المنزل و لا حسب الظروف؟
افضل الزوجة العاملة لسبب .. قد تلاحظ يا بروف ان معظم نساءنا بعد الزواج والوالدة يتغير حالهن من حيث اللهجة وطريقة الكلام والاهتمامات؛ وحتى الوزن!!
البروف: دي معاك فيها حق، لكن برضو الرجال هم السبب لأنو النسوان بتعاملو بردة الفعل و الإيحاءات البتجي من الرجال، و طبعاً الرجال بيصدروا إيحاءات كتيرة جداً بطريقة لا شعورية و هي البتشكل المرأة خلال فترة الزواج، من ضمنها دخول الرجل للحياة الزوجية بالفكرة دي، و لما المراة تكون متوقعة من الرجل شيء معين حا تعملو و برضو بطريقة لا شعورية، فتور الرجل في فتره تجاه المرأه هو البخليها تفش غلها في الأكل و القطيعة مع النسوان و من ثم تكون مثلهم،،
بصراحة ما فهمت اي حاجة من كلامك ده !!

البروف: أن تفهم الحياة و تفاصيلها على يديك أم تكون مدردحه و فاهمه؟
افضل الفاهمة .. فاقد الشي لا يعطيه
البروف: دي ما فيها تعليق...
قصدي انو انا لم امارس هذه الحياة فلا استطيع ان افترض انو ممكن ادردحها " لا احكم على شي غائب"

البروف: لو طلبت منك طلب و كانت حالتك تعبانه في لحظتها، بتعمل ما سامع و لا بتعتذر بالمشغوليات و لا بتكون صريح؟
بعمل ما سامع وبصراحة يا بروف ما بقدر اقول لا بصراحة ..
البروف: تخيل بقولوا أجمل كلمة في اللغه العربية هي كلمة لا، صغيره و مريحه، و بتوفر ليك إعادة شرح الأسباب و احتمال تنسي أمس إعتذرت بي شنو... خليك حمش
بالجد لازم الواحد يعرف يقول لا ... بس الاهم انو الطرف التاني يفهم معنى الحرفين ديل !!

البروف: هل تسمح لزوجتك بتدبير إقتصاديات المنزل و لا حا تشعر إنك حا تفقد لقب سي السيد؟
بالعكس تدبير اقتصاديات المنزل ده حايكون من صميم عملها .. عشان تعرف تقدر حجم المسئولية
البروف: دي حقيقه لكن ما كاملة دوره في راسك تاني، لأني عندي فيها تجربة، مره من المرارير قلته لزوجتي تمسك المصاريف و مشينا السوق و سلمتها القروش قدر الطلبات، و عملت نايم... مره مرتين التالته قدمت استقالته و لعنت آدم اسمث و تايلار....
سبحان الله ديل مؤسسي علم الاقتصاد .. بس ما مرّ عليهم المثل السوداني "المرة كان فاس ما بتكسر الراس
"
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 2:51 pm

عامر عبد الوهاب كتب:
والله يا عبدالله يأخوي من اول يوم داير اشارك
في الكرسي الساخن واسخنك ذياده لكن
مشكلتي قاعد أريدك ساااااي كده والكرسي
القعدوك فيه ده زاتو واجع لي قلبي شدييييد
أبو يارا
ابو يارا العسل .. م ش ك و ر ... س ت ة ... ش هـ و ر ... انشاء الله ما نجيك في جنس ده ؟؟!!!
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 3:16 pm


هندي ود البشير عمي :
من كتــّاب كل من المواضيع التالية بمنتدياتنا
لغة الشماسة والراندوك ..
للعضو المايسترو

شركة زين للاتصالات بين مجارة السوق وخدعة العميل (سؤال )
للعضو: قرشي التوم

التمبلولو كع . عليكم الله شوفو جنس الملايين دي
ده اته ذاااااتك

- مظكراتي عن مايا
- دعوة خاصة بناس العولمة والانترنت فقط ولاداعي للاحراج
- مكتوبي من شهر العسل شهر المرض شهر السجم
- المرأة النخلة
ديل ما عارفن الكضب حرام

من هم أصحاب التواقيع التالية
- حسبي من السلوي ....أنس النبض تسبيحاً ....يصل ... على حصي الجبل الدكيك ...
وأمرغ الأعظام في شذراته أبكي منابع أدمعي واشق كبد الشعر فيك ..
فعساي ادرك كلب أهل الكهف منزلةً وأتبع عاشقيك ولعل ماجرحت أظافر زلتي ..
تمشي عليه يد المسيح ولعل بطن الحوت يلفظني .... الى البر الفسيح فاستريح ....
ده سيدو معروف .. امش للشجر الموجود في ساحة الخواطر بتلقه يشم ليهو في ورده!

Choose silence of all virtues, for by it you hear other men's imperfections, and conceal your own
Yes it's!!cc

كل طائر مرتحل عابر البحر قاصد الاهل حملتوا اشواقى الدفيقه
ده كان شعارو "اه اه اه يجريف"

اغدآ القاك...........؟
فيا خوف فؤادي من غـــــــــــدآآآ.........؟
قول ليهو امش ساكت ما تخاف ابوهم مافي .. بس شيل معاك كيس برتكان و 2 كيلو موز وباسطة!

لا إله إلا الله عدد ماكــــــــــان وعدد مايكون وعدد الحركــــــــــات والسكون
ده اشهر من نار على علم .. ده ود عمي وآآ حلاتي يا ناسي..

الشمس كبيرة وأشعتهــــا صفراء ومسخنه بالنهار .
اته البوديك تتحاوم بالنهار شنو !
الرجوع الى أعلى الصفحة اذهب الى الأسفل
http://www.basilholding.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: الكرسى..........الساخن..........   الخميس 20 نوفمبر 2008, 10:33 pm

التحية لعبدو كمبيوتر

بدون تعليق دي قصدت بيها إنو إجابتك رائعة و مدهشة و في محلها، و بعدين النسوان خشم بيوت و مافي قاعده بتمشي فيهن كلهن، و ده تنظير مني... مِريره (تصغير لكلمة مرَّه) بتصيب و كتيييير بتخيب، و بعد إذن أبو يارا و أبو تراجي، طبعاً أنا عندي تومتين، يعني خياراتك كترت شديييد جداً و متعلمات في أولى روضه و لسانن خلي ساي،
قصة المره ما تشوف وش راجله دي عندها قصة لذيذه:
عندنا عمه لينا رحمة الله عليها و على امواتنا، ما شافت وش راجله نهائي، يعني لو لاقاها في السوق و اتكلم معاها ممكن تلم فيهو الناس، و هو عاده بتأخر بره كتير، مره جاء حرامي و لما سمعت الكركبة و كالعاده قالت ليهو "جيتو" "إتعشيتو" و بتناولو المفتاح بيدها و باقي جسمها كلو بكون مغطى، المهم الحرامي طبعا ما صدق شال المفتاح بكل هدوء و خم البيت خم الجن، و باقي القصة متروك لخيال القارئ....
و أحسن خطه أقفل عينيك و جُر نفس طويل و نط
الرجوع الى أعلى الصفحة اذهب الى الأسفل
 
الكرسى..........الساخن..........
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: