............

حبابك عشره يا زائر
 
الرئيسيةالتسجيلدخول

شاطر | 
 

 أنت المسئول!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: أنت المسئول!   الخميس 06 نوفمبر 2008, 2:09 am

كل شخص فينا بيسعد عندما يرسل والديه او احد اقاربه الى الاماكن المقدسة لزيارة بيت الله الحرام وزيارة المصطفي عليه افضل الصلاة والسلام .. ودي بتكون امنية عمره انو يحج مع امو وابوه والمصرين (اهمه) بتكون (تحويشة) العمر عشان الهدف ده...
ما دعاني لفتح البوست هو الجهل المصاحب لكبار السن عن هذه المشاعر وكيفية اداءها وسأورد لكم قصص حقيقية حصلت لي مع ناس سودانين :


الاولى :
كنا جالسين بأحد الكفتريات بالقرب من الحرم فإذا برجل سوداني كبير السن اقبل علينا متسائلا ..
يا جماعة اتو سودانين ..
آآآى بالحيل ..
قال انا عندي ولدي رحت منو وما عارف محلو ؟؟
طيب عندك رقم جوالو ...
قال : رقم جوالو وشطنتي واغراضي كلها راحت بالفندق الكنت ساكن فيهو ..
طيب الفندق ده وين ؟
قال والله ما عارفو وين!
طيب يا حاج انته جاى من وين
قال : انا جيت من المدينة لمكة (بكرعي)
طبعا نحن اندهشنا جداً .. فالمسافة من المدينة لمكة قرابة الاربع ساعات ونصف بالعربية.. سرعة 120كلم (اسرع من العطسة)..
قلت ليهو : من المدينة لمكة بكرعيك !! طيب مشيت كم ساعة؟!!!!!
قال : والله يا اولادي قريب الساعتين وانا ماشي!

طبعا هنا بدينا نفكر في الموضوع وقد اعتقدنا انو الزول عقله ما تمام!! لكن يبدو عليه انو انسان واعي خاصة انو كان شغال في وزارة الصحة فترة طويلة ..
المهم بعد كم سؤال تبين لنا انو هو معتقد انو الفندق بتاعم في المدينة المنورة ولانه تاه من الفندق واصبح يبحث عنه قرابة الساعتين وعندما وصل الي الحرم المكي افتكر نفسو كان ماشي من المدينة لمكة ...
المهم اخذنا الرجل وذهبنا به لقسم المفقودين على بعد خطوتين من مكاننا واذا بنا نجد ان ابنه مسجل اسم والده وجواله في المفقودين واتصلنا على ابنه وانتهي الامر..


القصة الثانية :
في مرة من المرات كنت بعمل عمرة وانا في السعي – الصفاء والمروة - وفجاة واحدة سودانية وقفتني :
هي يا ولدي اقيف النسعلك .. وكان يبدو عليها التعب الشديد والارهاق..
قلت مستفسرا : خير يا خاله؟
قالت: لي يا ولدي انا رايحه من جماعتي من صباح الرحمن وجيت المكان ده وبقيت ماشة مع الناس ديل والناس ديل – تقصد الناس القاعدين يعملو في السعي – لا كلّو لا ملّو والله ما وقفوا الا لصلاة الضهر والعصر!!
تخيلو معاى يا ناس واحدة ماشة مع ناس السعي تصل المروة وترجع للصفا وهي تعتقد انو الناس دي حا تطلع لمكان ما ولم يخطر ببالها
ان أي واحد من الناس ديل بعمل السعي ( 7 مرات) وهي وعلى حسب الوقت الذي استغرقته بتكون عملت قرابة 37 او 48 شوط بين السعي والمروة ..
قلت: ليها طيب انتي شفتي الكعبة ..
قالت : والله يعميني فوقا ,,
وسبحان الله! المسعي مطل على الكعبة فاخذتها الى هناك ولا استطيع ان اصف لكم حالها بعد ما شافت الكعبة ...


القصة الثالثة :
حصلت مع والدتي العزيزة .. ذهبنا الحرم ووضعتها في مكان النساء وانا متأكد انو رقم جوالي مربوط في طرف ثوبها .. المهم بعد ما انتهت الصلاة ذهبت لمكانها الذي وضعتها فيه ولم اجدها .. باختصار قعدنا 3 ايام نبحث عنها .. وعندما سألتها لماذا لم تتصلي بي تبيّن ان رقم جوالي مربوط في طرف توبها الموجود في البيت وده توب تاني !!
اما عن حال الجالية السودانية في الحج فحدث ولا حرج ..
اتمني من كل من يفكر بارسال اهله لاداء هذه المناسك ان يحعلهم يتعرفون على المناسك وكيفية اداءها قبل ذهابهم اليها ... وأصلو ما يربط ليهو رقم جوال في طرف توب!
الرجوع الى أعلى الصفحة اذهب الى الأسفل
http://www.basilholding.com
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: أنت المسئول!   الخميس 06 نوفمبر 2008, 2:54 am


الوجية عبدالله

صبحك الله بالخير
كتبت :طيب يا حاج انته جاى من وين
قال : انا جيت من المدينة لمكة (بكرعي)

وتانى:قالت: لي يا ولدي انا رايحه من جماعتي من صباح الرحمن وجيت المكان ده وبقيت ماشة مع
الناس ديل والناس ديل – تقصد الناس القاعدين يعملو في السعي –
لا كلّو لا ملّو والله ما وقفوا الا لصلاة الضهر والعصر!!

وأقوى واحدة: وأصلو ما يربط ليهو رقم جوال في طرف توب!
هههههههههههههههههههههههههههههههههههه
الله يجازى محنك يا عبدالله
و التحية للوالدة التى أنجبتك

الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: أنت المسئول!   الجمعة 07 نوفمبر 2008, 4:40 am

من اقوال الحاجة (حمرا )عليها رحمة الله

قولوا للنبى دربك موكر !!!!
الدرب ما موكر بس كلام عبدالله هو البحصل لمعظم الحجيج السودانين
عشان عدم معرفت المناسك والاندهاش الدائم لمعظمهم هذا اولا!!
ثانياً القائمين على امر الحاج السودانى لايهمهم ان يحج هذا الحاج او الحاجة (امراء البعثات)
فقط يفضل هؤلاء الخروج باكبر قدر من الغنائم (من موارد الحاج المغلوب علىامره )
والله منذ ان تم نقلى الى جدة قبل خمس سنوات اشاهد ما لا استطيع البوح به من افعال القائمين على هذا الامر ومعانات الحجيج السودانى
وهناك من يحضر من السودان لاداء مناسك الحج ولا يحج
هذه ما يحصل فى العموم ولا اود سرد بعض هذه الاشكالات
ولى عودة
ابو تراجى


عدل سابقا من قبل ابو تراجى في الجمعة 07 نوفمبر 2008, 2:45 pm عدل 1 مرات
الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي


عدد الرسائل : 1225
العمر : 43
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: أنت المسئول!   الجمعة 07 نوفمبر 2008, 7:51 am

كلام اخونا عبدالله وعمنا ابوتراجى ده الكل عام وكل موسم عمرة بيحصل وكثير نشاهد تفكك الحجيج السودانى بالذات ومنهم من يسكن فى الطرقات دون ماوى ولم يعرفوا اى شى عن مسول البعثة الغنيميه اقصد السودانيه وفعلا ينشغلون بجمع غنائم الحج ويتركون الامر الذى وكل لهم وينسون بان كل راع مسول عن رعيته والرعيه موجودين وتايهين اتسال اين الراعى وقد لفت اخونا عبدالله نظرنا الى هذا الموضوع ومن هذا البوست نناشد القائمين بامر الحجيج السودانى الاهتمام بهم وتوعيتهم قبل وصولهم المملكة عن كيفية الحج ومانسكه والله يكون فى عون حجاج السودان وعوننا
الرجوع الى أعلى الصفحة اذهب الى الأسفل
عبدالرحيم حطي
قلم ذهبي
قلم ذهبي


عدد الرسائل : 743
العمر : 43
الاقامة : بالمملكة العربية السعودية
المهنة : لا يهم
تاريخ التسجيل : 09/03/2008

مُساهمةموضوع: رد: أنت المسئول!   الجمعة 07 نوفمبر 2008, 2:15 pm


القصة الثالثة :
حصلت مع والدتي العزيزة .. ذهبنا الحرم ووضعتها في مكان النساء وانا متأكد انو رقم جوالي مربوط في طرف ثوبها .. المهم بعد ما انتهت الصلاة ذهبت لمكانها الذي وضعتها فيه ولم اجدها .. باختصار قعدنا 3 ايام نبحث عنها .. وعندما سألتها لماذا لم تتصلي بي تبيّن ان رقم جوالي مربوط في طرف توبها الموجود في البيت وده توب تاني !!
اما عن حال الجالية السودانية في الحج فحدث ولا حرج ..
اتمني من كل من يفكر بارسال اهله لاداء هذه المناسك ان يحعلهم يتعرفون على المناسك وكيفية اداءها قبل ذهابهم اليها ... وأصلو ما يربط ليهو رقم جوال في طرف توب!
[/size][/quote]

عبد الله نابري

ما كان تشتري ليها جوال كان افضل التحيه لها و ادام الله لها الصحة والعافية
وبخصوص القصة الاولى :
والله هذه حقيقة كثير من حجاج السودان لا يعرفون علم فقه الحج والعمرة
وتحصل في الحج والعمرة كثير من مثل هذه القصص .
ودمتم سالمين وعون للمساكين من الحجاج والمعتمرين
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   السبت 08 نوفمبر 2008, 2:06 am

الشفيع السلس الجزولي ...
البيحصل ده فيض من غيض كما ذكر الاخ ابو تراجي
وشكرا على المرور في العام
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   السبت 08 نوفمبر 2008, 2:11 am

ابو تراجى كتب:
من اقوال الحاجة (حمرا )عليها رحمة الله
قولوا للنبى دربك موكر !!!!
الدرب ما موكر بس كلام عبدالله هو البحصل لمعظم الحجيج السودانين
عشان عدم معرفت المناسك والاندهاش الدائم لمعظمهم هذا اولا!!

الرائع (ابو تراجي) سلامات
بالمناسبة يا عبد الرحمن ما يدهشني هم حجيج دول شرق اسيا - تجدهم منظمين كالعقد المربوط وعندما يمرون عليك في الطواف او السعي تفسح لهم الطريق وفوراً فهم سيدهسونك اذا لم تبتعد عن الطريق لانهم ماشين كالقطر وبنظام كما الساعة تماما وهم يعلمون ان الطواف 7 اشواط تبدأ من الحجر الاسود وتنتهي بالحجر الاسود وبعده صلاة ركعين خلف المقام ثم السعي 7 مرات يبدأ من الصفا وينتهي بالمرورة بمعني من الصفا للمروة شوط ومن المروة للصفا شوطين وهكذا لانو في بعض الناس - وحصلت كتير - بيبدأ من الصفا ويصل المروة ويرجع الصفا ويحسب واحد .. وكثير من الامور الدينية مجهولة ناهيك عن الحاجات التانية.. ابسط حاجة في رمي الجمرات في ناس قاعدين يرمو الجمرات (بالسفنجات! ) اكرمكم الله ..



عدل سابقا من قبل عبدالله محمد نابري في السبت 08 نوفمبر 2008, 2:27 am عدل 1 مرات
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   السبت 08 نوفمبر 2008, 2:19 am

الطيب الامام الطيب كتب:
ومن هذا البوست نناشد القائمين بامر الحجيج السودانى الاهتمام بهم وتوعيتهم قبل وصولهم المملكة عن كيفية الحج ومانسكه والله يكون فى عون حجاج السودان وعوننا

قبل ان نناشد المسئولين يالطيب نناشد انفسنا بتعليم أهلنا كيفية اداء هذه المناسك ..
وأن ننبههم لوجود قسم للمفقودين لو اي واحد ضاع ممكن يسأل اي عسكري عن قسم المفقودين في مكة او المدينة ..
لأنو يا الطيب الروحه حآآآآآآآآرة
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   السبت 08 نوفمبر 2008, 2:23 am

ود رياء كتب:
ما كان تشتري ليها جوال كان افضل التحيه لها و ادام الله لها الصحة والعافية
اجمل الحلوين ود ريا ...
انا ما كنت متوقع انها ممكن تضيع مني خاصة وانا على بعد 15 او 20 متر منها ..
بس تقول شنو قدر الله ... وبالمناسبة الروحة دي ممكن تحصل بصورة طبيعية جدا وفي اي وقت وبدون ما تتوقع لذلك الحذر! الحذر ..
الرجوع الى أعلى الصفحة اذهب الى الأسفل
http://www.basilholding.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: أنت المسئول!   الأحد 09 نوفمبر 2008, 6:22 am



عنوان كلما نظرت إليه استفزني و اتهمني بالعجز وأبعدني عن المشاركة فيه، لا أدري لماذا ربما يكون محاولة للتنصل عن المسؤولية أو رغبة في عدم الإحساس بها...

حياتنا كلها ماشه بالبركة و خليها على الله و ربنا سيجعل لها فرجاً....

كلها كلمات جميلة و عين الحقيقة و لكننا قد أفرغناها من مضمونها تماً وأصبحنا شعب لا يفكر إلا في أمسه و لو بالغ تب في يومه، لا نستيقظ إلا لننام مرة أحرى...

كلما وقعنا في مشكلة لا نبحث عن الحل و لكن نبحث عن الضحية التي ستحمل أخطاءنا و فشلنا... نلعن أمريكا على تخلفنا و اليهود على فسادنا و العرب على غربتنا و و دول الجوار على زعزعة أمننا و الحكومات على فقرنا و حتى الهنود و النيبال على مزاحمتنا...

و لكن يبقى الرد بكل بساطة "أنت المسؤول"..... معليش يا عبد الله و أرجو أن لا أكون قد خرجت عن النص



الرجوع الى أعلى الصفحة اذهب الى الأسفل
حسن
قلم ذهبي
قلم ذهبي


عدد الرسائل : 803
الاقامة : الرياض- السعوديه بلد المصطفى
المهنة : كيميائي
تاريخ التسجيل : 23/11/2007

مُساهمةموضوع: رد: أنت المسئول!   الأحد 09 نوفمبر 2008, 9:08 am

واللد دا شئ واقعي وحاصل نتمنى من ناس الحملات حل هذه المشكله

مع العلم انو القائمين على الامر عملوا بطاقات تكون لكل حاج وهي شبه
بشريحة الموبايل ويمكن تحديد اي حاج داخل الحرام ....
لك التحيه عبدالله
الرجوع الى أعلى الصفحة اذهب الى الأسفل
منير السماني
قلم فضي
قلم فضي


عدد الرسائل : 353
تاريخ التسجيل : 22/01/2008

مُساهمةموضوع: رد: أنت المسئول!   الأحد 09 نوفمبر 2008, 10:42 pm


العزيز عبد الله تحياتي يا بقة..
طبعاً كل ما ذكرته يحصل في كل حج منذ زمن بعيد
ولن ينتهي مهما حصل من اجراءات ومهما حصل من تنظيم
فالحج جهاد بكل ما تعني هذه الكلمة ويعلم الإنسان الصبر والجلد
بحمد لله قد كتب الله لي حجة مع الوالد والوالدة ولله الحمد والمنه
قضينا هذه الأيام بكل يسر وقد سهلها الله ولم اتعرض لمثل ذلك
وذلك لانني قد جلست وشرحت لهم كل تفاصيل الحج من البداية وإلا النهاية
وذلك قبل عامين من الأن فالوضع تغير للأحسن بكثير وأصبح ميسوراً واسهل من اول
أتمنى أن يتحدث الجميع عن ما طرحته عن تلك المشاكل وأن لا ينحرفوا إلى اشياء اخرى
تزيد الذنوب ويكيلون الاتهام للأخرين!!! فالحج مؤتمر عالمي وفيه العدد الذي يصعب على
اي نظام أو حكومة السيطرة عليه.. ودمتا اخي العزيز سالماً غانماً
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   الإثنين 10 نوفمبر 2008, 2:04 am

منير السماني كتب:
بحمد لله قد كتب الله لي حجة مع الوالد والوالدة ولله الحمد والمنه
قضينا هذه الأيام بكل يسر وقد سهلها الله ولم اتعرض لمثل ذلك
وذلك لانني قد جلست وشرحت لهم كل تفاصيل الحج من البداية وإلا النهاية

الغالي منير السماني .. واحشنا ياخي ..
ده المقصود من هذا البوست يا منير انو تبدأ المسئولية من هنا من البيت ... والباقي على الله
فالناس قنعت من حكومة ومن بعثة !!
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   الإثنين 10 نوفمبر 2008, 2:07 am

حسن كتب:
مع العلم انو القائمين على الامر عملوا بطاقات تكون لكل حاج وهي شبه
بشريحة الموبايل ويمكن تحديد اي حاج داخل الحرام ....

أول مرة اسمع الكلام ده يا حسن ..!!
ودي بشارة كويسة ..
مشكور على المرور
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أنت المسئول!   الإثنين 10 نوفمبر 2008, 2:09 am

صديق النعمة الطيب كتب:
كلما وقعنا في مشكلة لا نبحث عن الحل و لكن نبحث عن الضحية التي ستحمل أخطاءنا و فشلنا... نلعن أمريكا على تخلفنا و اليهود على فسادنا و العرب على غربتنا و و دول الجوار على زعزعة أمننا و الحكومات على فقرنا و حتى الهنود و النيبال على مزاحمتنا...
و لكن يبقى الرد بكل بساطة "أنت المسؤول"..... معليش يا عبد الله و أرجو أن لا أكون قد خرجت عن النص

ده لُب البوست يا استاذ أن نعرف من أين تبدأ المسئولية؟ وما هي حدودها..؟
الرجوع الى أعلى الصفحة اذهب الى الأسفل
http://www.basilholding.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: أنت المسئول!   الجمعة 14 نوفمبر 2008, 1:41 am

حقا وكما أِشار الجميع المسؤولية على عاتق الجميع


وخصوصا المرافق في الحج ولو كان والد أو والدة أو زوجه أو ابن وابنه
فالكل يحتاج للتوجية والذي يحتاج أكثر هو القادم من خارج المملكة أو لأول مرة
فالملامح متغييرة تماما والمعالم بالنسبة له فلابد من شرح تفصيلي أو توفير
كل السبل التي تساعد في الحصول عليه ومتابعته وارشادة ..وكما ذكر حسن
طريقة متابعة الحجيج عن طريق قمر صناعي أو جهاز بث يتيح للمسؤولين
التعرف على أماكن الحجيج بسهولة .. خبر جميل جدا نتمنى أن نراه حقيقة
........................................

شكرا عبده على الموضوع المخيف الطريف الواقع
وتعليقا على المرأة التي مازالت في السعي من صباحها الى نهارها
بس لو كانت فكرت شوية وتابعت ليها زول واحد كانت انتهى بيها المطاف قريباً بلا شك
لكن شوف البساطه ودي ابسط حاجه أن السعي سبعه أشواط والشوط الواحد من الصفا للمروة
وكذلك العكس شوط آخر .. ولكن الجهل وعدم العلم رغم اجتهاد ولاة الأمر بالمملكة للتوعية
الدينية لعب دورا كبيرا في خلق المتاعب للكثيرين .. شكرا عبدالله مرة ثانية على الموضوع الحيوي
الرجوع الى أعلى الصفحة اذهب الى الأسفل
http://aljraif.forumotion.com
 
أنت المسئول!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: