اب شورا جاكم

موضوع: اب شورا جاكم الجمعة 14 نوفمبر 2008, 4:46 am

بسم الله الرحمن الرحيم
السلام عليكم اهلي واخواني ابناء الجريف لكم التحيه والاحترام وكل التقدير عامه واعضاء المنتدي خاصة
في الحقيقه انا سمعت عن المنتدي وكان نفسي اشارك لاكن كان عندي مشكله مع التعامل مع الحاسوب والانترت كان جد مشكله لاكن الحمد لله اخوى ود جريف قمر له جزيل الشكر بل له الفضل بعد الله سبحانه وتعالي في انو اشارك اواكون مع احبتى واخوانى من ابناء مع محبوبتى الجريف شرق واتمنى تقبلونى معكم وعضواً
مشاركا فعالاً فى ظل هذا الملتقى الرحيب واتمنى انت تكون مشاركاتى خفيفه الظل علينا وعليكم (ياخونى ان عجبتكم اسكتو سااااااااااى ودحين ان ماعجبتكم قوووووووووولو ماعجبنا)
مع اخذ الاعتباراحترام الراى والراى الاخر

عــــجـبـنــــا وزيـن العـجـــب....
وبــقـدومـك التـرحـاب وجــب....
مـع تحـياتى لـك ولـولـد جـريـف قــــــــــــمر ولأسرتــيـكـــم

خـضر حـسن

حباب أب شورا
وأنا برحب بيك بدون شورى وبي قلب جامد .. طالما لزاك لينا ود الطيب الغالي علينا محمد وأسأل الله أن يديم عليه وعليكم نعمة الصحة والعافية وأن يجعلكم محبين ومتحابين وهائمون حباً في الجريف الغالية
حبابك وأبق داخل لي جوة لا..لا الباب ما تغفلوا .. الباب ما تغفلوا .. ها يا ود الحلال التغفل أضانك .. ما قلنا ليك الباب ما تقفلوا عشان البيجي بي وراك يدخل على المنتدى طوالي.. علي العموم حصل خير وخلي الباب متاكأ
ها .. جماعة أستاذ الخضر ده جه من وين لا حول الله ..

يـا أب شـورا ألـف مـبـروك عصـام أداك سلام تـعظـيم طـوالى لأنـك جـاى مـن طـرف حـفيـد جـدنـا حـسب النبى عـليـه رحـمــــة الله.
ويـا استـاذ عـصــام أنـا كنــت معــزوم فــطور عـند نـبيل ولكن وجـدت الشكـلة مـدورة وجـيت راجــع لكـى أستـعــيـن بقـوات القـائـد الشفـــــــــيـــع أبــو قــــرجــــــة فلـقـيـت أبوشـورا ورحـبت بيـه سـريع سـريـع كـدى يعـنى والـبركـة فـيك مـا قصـرت
خـضر حـسن

الاخ خضر حسن
حبابك وبيتك مخضر وليك الفين سلام وتحيه
ومودة ممزوجه بعطر الجمعه المباركه
عسى ربنا ان يتقبل منا ومنكم صالح الاعمال
ترحابكم عجبنا وسرا قليبنا وعاد ياخوى انا تانى مابقدر
افوتكم وبخليكم .من هنا تقبلونى معكم..............

الاخ العزيز عصام عبد الصادق
انتو اهل الشورى البفوتكم ماعندو شورى وانا جيت اشاوركم واشاركم
واكون قريب منكم ننهل من روعتكم ونرتوى من شرف لقاكم فنحظى
ونكون من من اعطاهم الله نعمة مجاورة السعداء ومعرفة الرجال الذين
يكونو ارقاماً فى حياتنا لا نتجاوزها بل مصابيح تضيى لنا الطريق
ومراجع ترينا معنى الحقيقه كاامثال اخونا محمد ودالطيب الذى انار لى
الطريق لى ارى اناس يفيضون روعه كروعته البهيه مشكور اخونا
عصام واخى وصديق دربى محمد ود جريف قمر.......

هلا والف ترليون مرحبا على قولت اخونا ودسنقد وابقى داخل لجوه ياابوشورى بندور نشاورك وتكون شورنا لخير شورا ونورت الدار والدار دارك ودمت لنا

الف الف مرحب بيك يا أب شورا وان شاء ما نعدم

شورتك معانا

أبو يارا

اب شورا حبابك ..

اسلوبك راقي وجميل ..
ومرحب بيك في المنتدى ,, وصدقني ستستمع اكثر عندما تتعامل باسم الحقيقي!

اهلا ابا شورابيننا فى منتدى الجريف وبيننا فى الجريف المنطقة

امل ان تكون اضافة حقيقية لنا ونتبادل الالشورا يا اب شورا
ابوتراجى

اخى
وصديقى والتى لم تلده امى
كم كنت احلم بهذا اليوم ان تكن ضمن اعضاء المنتدى
لعلمى التام بقدرتك وسلوبك الجميله وقلمك الرصين
وقدرتك على جمع حب الناس اليك بصوره غريبه
كم انت جميل ايها الفتى عندما تحكى وتعبير عن مشاعرك واحساسك لينا (الكوع الجنب الدكان) باسلوبك
الرقيق المتسلسل الدقيق فى كل تفاصيله لا يستطيع المرء ان يمل منه بل يزداد عن عندما نراءك
وياسعد المنتدى بحضورك البهى
بس خليك متواصل معنا ياحبيب

أبوشورا حبابك حبابك حبابك مليون ومليون تاني مرحب نورت البلد
وأقعد بيمهل أنحنا في رجــاك والظاهر الحمد لله الفايروس بتاع المنتدى ضربك تب
أصلو منتدانا ده البجيهو تاني بغلبو يفوتو نحمد الله
حياك الخالق يا أب شورا ومرحب بيك بيناتنا