............

حبابك عشره يا زائر
 
الرئيسيةالتسجيلدخول

شاطر | 
 

 راكوبة الجريف

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6  الصفحة التالية
كاتب الموضوعرسالة
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الأربعاء 16 أبريل 2008, 1:22 am

المعز سلااااااامات
انت آخوي حافظ ده ماك عارف العليهو
اها نحنا قلنــــــا نقول باسم الله ونقعد كلنا في الواطة
ونبرك تب ومانقوم الا نحل ليهو الباقيه عليهو
الحمد لله على مراد الله

الرجوع الى أعلى الصفحة اذهب الى الأسفل
http://aljraif.forumotion.com
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الأربعاء 16 أبريل 2008, 12:07 pm

والله يا ميوزك انا بختلف معاك حافظ لسه صغييييييييير وجاهل

وعلى قول الشاعر القدال (الدنيا ماشافت جديدو ولا الحزن دقالو باب)
وبالمناسبة العرس شهر سبعة من هسه يا ميوزك جهز القشرة وكده
لانو المغتربيين جايبين العريس سيره من الرياض للخرطوم
ويا ودسنقد عليك الله جهز الساوند وعربن الفنان لانو نحنا لزوم مغتربين وكده
مابنعرف الحاجات دى
ههههههههههههههههههه
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   الأربعاء 16 أبريل 2008, 10:38 pm

تسالية


يا اخوى والله شماراتك عجيبة والله معاك
اصلوا ما دايرين نوزع كروت دعوة انت
دحين انت بتعرف جمال حسن . مراتو كانت
اسمها منو فى مسلسل اقمار الضواحى
اه انت صحى ما متابع اقمار الضواحى
انت من جماعة نانسى عجرم
اههههههههههههههههههه
تحياتى تسالية علشان اكتل الدش فى
يدك يا جماعة عوووووووووووووووووووووك
الزول نازل شهر سبعة وحكمة الله اى زول سمع
قال اشاعة اهههههههههههههههههههههههه
دحين انا زاتى صدقت انها اشاعة .
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: راكوبة الجريف   الخميس 17 أبريل 2008, 2:56 am


قال صغير وجاهل قال ..
منو دا الصغير ؟؟ ود عبيد ؟؟
يا جماعة ما تخلونا نفتو ساي ..
غايتو العروس إلا يجبوا ليها شهادة تسنين من جدة بعمر صغير لود عبيد ..
ههههههههههههههههههههههههههههههههههههههههه
كطعتوا مصارينا بالضحك شباب ..
تسالية .. ابشر بجهز ليكم الساوند . وقدر ما مشيت لفنان يغني في عرس الجنى دا ..
يقول لي : بري حافظ ما بغني ليه .. ههههههههههههه .. دا كلام دا ..
غايتو مشيت إتفقت مع ناس الجوارح وقالوا : مديح بس ..

ههههههههههههه

ود عبيد دم لي ...
الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: راكوبة الجريف   الجمعة 18 أبريل 2008, 12:12 am

الهندي, حمد الله على السلامه,,, شنو ياخ الغيبه الطويله دي.. طمنا عليك...

الليله جيتكم بي تسالي و دوم و لالوب, يعني كل ما تشتهيه الانفس.. بس ما تتخاتفو... جايبنو ليكم من السودان طازج و كامل الدسم.. نمش اجيهو ليكم و اجي مسافة تقسلوا يديكم.....
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   الجمعة 18 أبريل 2008, 11:41 pm

اهى يا ود سنقد كيتا فييك وفى المعز

الحفلة بزيدان ابراهيم ولو فى طريقة
على الطلاق كان اجيب الجابرى
او حسن عطية .
وحفلة القاعودة بتاعت العروس
على بالطلاق بحمادة بنات وكبشور
ودى كيتا فى ندا القلعة وحنان بلوبلو
ايه رائك والحاجات دى كيتا فى بنت المعز
القال دايرة تقراء دى اههههههههههههه
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   الجمعة 18 أبريل 2008, 11:44 pm

اخى عصام

والله كوارعك تب قبلناها ولكن
الفيك اتعرفت تب .
يا اخوى قول لعمنا خالد
جهز نفسك من اسع لتقديم الفنان
وجهز عودك للقعدات الحنة
طبعا انا عارفو بيقول ليك عزابية بس
قول ليه يا اخوى مقبولة تب عزابية
وامرنا لله
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الثلاثاء 22 أبريل 2008, 4:47 am

ronaldo كتب:
الهندي, حمد الله على السلامه,,, شنو ياخ الغيبه الطويله دي.. طمنا عليك...

الليله جيتكم بي تسالي و دوم و لالوب, يعني كل ما تشتهيه الانفس.. بس ما تتخاتفو... جايبنو ليكم من السودان طازج و كامل الدسم.. نمش اجيهو ليكم و اجي مسافة تقسلوا يديكم.....


الله يسلك آ لاعبنا وكبتنا
لكن حاجاتك الجبتها دي لازم نكشف عليها أول شئ انتي باقي شيتك كلو عينه براهو
ومرات مرات بكون ملخبط بلاخنزييييير وده تره البنخاف منو
الرجوع الى أعلى الصفحة اذهب الى الأسفل
http://aljraif.forumotion.com
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: راكوبة الجريف   الخميس 24 أبريل 2008, 9:29 pm

قلت لي خنزير..Smile لا ماتخاف تب, البضايع المره دي سودانيه 100% و ما فيها كلام تب
اليوم داك احمد لقى الدوم قاعد كاشف, قال لي ختو في كيس ما ينشف Smile



الرجوع الى أعلى الصفحة اذهب الى الأسفل
Admin
الادارة
الادارة


عدد الرسائل : 33
مزاجك اليوم :
تاريخ التسجيل : 23/06/2007

مُساهمةموضوع: رد: راكوبة الجريف   الأحد 07 سبتمبر 2008, 12:15 pm


سلام وتحية لاهل الراكوبة

رمضان كريم وتصومه وتفطرو على خير
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: راكوبة الجريف   الأحد 07 سبتمبر 2008, 2:05 pm

الدعوة موجهة لكم جميعاً بأن تحيوا لنا هذه الراكوبة في هذا الشهر المبارك .. وحتى تطمئنوا كل ما تشتهيه الأنفس سوف تجدوهوا وجماعة الكوتشينة الترابيزة جاهزة وناس الضمنة برضو وضعكم مؤمن .. وجماعة الونسة الدقاقة لهم وضع خاص.. وناس الشمارات جهزنا لهم ركن بمواصفات خاصة .. وأفلام توم وجيري أحضرنا مجموعة ممتازة منها.

.. ومحمد كمال الدين جهزنا له موقعه لعمل محاضرات في الدين وفي التراث السوداني ..شدو الحيل وما تخذلونا
الرجوع الى أعلى الصفحة اذهب الى الأسفل
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: راكوبة الجريف   الأحد 07 سبتمبر 2008, 3:04 pm

السلالالالام عليـــكم يا ناس الـــراكوبــة.... تعرفــوا أنا طوووولت من الـــبلد لكن راكوبتكم دى فرزتهــا بى ريـحة قهــوة ست الشــاى الجــاية من طــرف تــساليــة وهى مبسسوووطــة منه لأنها قالت الحــال ضاق بيــها وما عــارفة تقبل وين... وألف كتر خيرك يا تساليــة والحــمد لله هى قالت متبرعة بى نظافة الــراكوبة.... لكن يا عصــام ...عبدالله ود أمحــمد قاعــد بره زعلالالالان قال عاوز ألعــاب بــلدية من نوع سك سك ... ام بعيــرة ... سجـك بجــك.
سكووووووووووووووووووووووووووت مولانا محــمد كمــال الدين وصــل والمحاضــرة الأولى قال عن شرعيــة السرقة فى الكــوت شينة { أو كمــا يسميها سعــادة المستشار عــبدالــرحمن يس ..الكــوت سمحــة}.
سؤال يا مــولانا:ــ أنـا شفت واحــد سرق الجوكــر والشوفة كانت شرعيــة فهل أتكــلم أم أغض البصــر؟؟ علمــاً بأن مستكــة حاجــز ليه 3 يوم وخايفين عليــه من إرتفــاع درجــة الإحبــاط؟
خضر حــسن
الرجوع الى أعلى الصفحة اذهب الى الأسفل
محمد كمال الدين
قلم فضي
قلم فضي


عدد الرسائل : 420
تاريخ التسجيل : 11/06/2008

مُساهمةموضوع: رد: راكوبة الجريف   الأحد 07 سبتمبر 2008, 5:21 pm

اخوانـــي في راكبــو الجريــف شرق
السلام عليكم ورحمة الله وبركاته

سامع صوتكم من بعيــد وقــلت اقعــد معاكم في ضـل الراكوبــه البارده دي ، وسماحة الهواء البارد ، واللفــت انتباهــي البــرمـه البارده دي ، وليكم علـي كلما تكمـل مويتها ، أمليها ليكم ، والبرش الفي الضــل دا علي افرشـه ليكم ، وابـداء ليكم الونسـه في المواضيع بعيـده عن السياسة ، يعني ذي دكان ود البصيـر ما نخلي شيء ، لكن كما نفكر لينا في حاجة نجيبها تسلي الناس المابيحــو الكوارع ، نجيـب ليهم عصيده بتقليــه ، ابقـو لا جــوه ، وهاك يا ود سنقـد الخرطوش رش الرمله القادام دي .. قبل الناس يتلموا . وحبابكــم .
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: راكوبة الجريف   الإثنين 08 سبتمبر 2008, 6:13 am



عجيب والله.. بعد دعوتكم للراكوبة وخصوصاً بعد أن تمت تهيأتها لإستقبال الزوار خلال هذا الشهر الكريم نجد أول الذين تجاوبوا والواصلين لراكوبتنا أخوانا خضر ومحمد كمال الدين .. ويا ربي دي من شنو وتكون جات كدة صدفة أم يا ترى حسب الفي بالي .. وبرضو التقلة سمحة وفي مقبل الأيام الصورة حا تكون واضحة.

كدي أسع باقي الجماعة ديل وين وبا أهلنا الدناقلة أنا عارف قلبكم قوي وميت وما بهمكم شئ وعشان كدة أبقوا داخلين لي جوة .. وود ريا جائب مجموعته .. وكان على أخوي الشفيع قابلتو في الطريق وكان مفروض نصل سوا للراكوبة لكن رجع وقال نسى كيس .. وما وضح لينا الكيس ده كيس شنو .. لكن إنشاء الله يكون كيس ودعماري لأنو مع رملة الراكوبة مافي مشكلة.

ويا أستاذ خدر إنت بتقول عبدالله ود أمحمد زعلان .. وطيب أنا أعمل شنو وأقطع نفسي ويا دوب من شوية أتفكينا من مشكلة ولقيت واحدة من كركوج ومعاها ولد مفلوق في رأسو وقالت فلقوا حاج على ودحاج ابراهيم .. والمشكلة أنا بهدي فيها وهي تدعي في حاج على وتقول ( حاج على التشل إيدو .. حاج على التعوج كرعينو .. حاج على إنشاءالله ما تعرفوا ماشي لي وراء والا لي قدام ) .. وأنا أهدي فيها وأقول لها يا حاجة كدى أستهدي بالله وحاج على ده ما بيحتاج للدعاء ده كلوا وكرعينو أساسا معوجات.. وبحاول أقنعها أنو حاج على ده ما موجود وليهو زمن في حفر الباطن .. وكان شافتو الأن والله حصحاصة ما يقدر أجدعها .. وطبعاً زمان غلب الدنيا بالحرب بين قمر وكركوج لكن خلاص زمنو فات والأن جيل أبناؤه مصطفى وسمر وسحر..

المهم المرأة لم تقتنع إلا بعد ما جاء سيف نمر وأقنعها إنو حاج علىده بره السودان .. لكن الضرب الشافع ده الطيب ود حاج بخيت .. لكن الشهادة لله ما كان قاصد يفلق الشافع .. والكسارة كانت موجهة لي هناي داك ... إسمو منو .. قول معاي ... وحرم مع العطش نسيت إسمو...

أستاذنا خضر بالنسبة لسؤالك عن سارق الجوكر..
~أعتقد أن دورك في اللعب هو الذي يحدد غض البصر أم خلافة .. والله أعلم

الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: راكوبة الجريف   الإثنين 08 سبتمبر 2008, 6:45 am

وانا ما عارف الزول كان ضحك يكتبها كيف في المنتدى ده !!
لكن بالجد يا عصام ضحكتني شديد خاصة المرة البتدعي في حاج علي الله يعوج كرعينو واساسا كرعينو معوجات!!

الرجوع الى أعلى الصفحة اذهب الى الأسفل
http://www.basilholding.com
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: راكوبة الجريف   الثلاثاء 09 سبتمبر 2008, 2:27 pm

الــراكــــوبة دى الواحــــــد لو مــا جــا من بــدرى ما يلــقى محــل ينوم فيــه النــاس كلهــا تشخــر !!! وعـــبد الله وحـــده اللى قــاعـد يــضحك على كــرعــين حــاج على حــقوا نطــالب بإمـــتداد للــراكـــوبة ... لكــن المشكلة حـــسن ركـــب رأسه وقــال لالالالالالالالالا
من عــاداتـــنا فى الجـــريف أنــه الــواطه للبـــنت... والفــــسحــة دى كلـــها محـــجـوزة لـــــــــــعروسة المنتـــــــــــدى لامـــــــار بــنت الـشاذلى ود الـطيب لأنها عـــضوة فى المنتـــــــــــدى بالمـــــــــــــيلاد... فألــــــــــف مبــــروك للعـــــــــــروسة بكـل أراضى المنتــــــــــدى.
ويا المعـــز شوف لى ولـــــــدك سيــف عشــان يحـــــارب معـاك ويحــــــــــرر ليـــــه كم متـــــر كـــــدى لآنـه كل الأراضـــى بالجــــريف وبمنتـــــــــدى الجـــــريف سجـــــــــلهـا حسن للبنــــــــــات وحوطــــها بتعــويـذة كيمائــــــــــية معــــقدة تنفجـــر فيـك بمجـرد ما تحــــاول تحـلها فى الكـراسات بتـاعـات حسبو ود حسين حـاج الطـــــيب اللى إ شتـــراها أبوتراجـى وخــــــوفى على أولاد المنتـــــــــدى يحـــــــوموا زى صاحــــب أبومصعـب وكل واحــــد شايـل لـوازم الشيــــلة فى ضـــــهره ويكورك بالشــــــــوارع... المعـــــاه بيــــوت.... من بنتــــه مـا بنفــــوت

** أحد الأخوة المقيمين معنا بالرياض. إشترى (شنطته) و ذهب
جاهزاً للزواج. قابلته في إجازتي و سألته مالك حايم لغاية دي الوقت؟ ماليقيت نصفك
الآخر و الا شنو الحكاية!! قال لي الحكاية ببساطة كل ما أمشي لناس وحتى الآن أربعة
، إقولو لي و الله ما عندنا بيت. إذا عندك بيت مرحب. و أنا والله بيتنا مساحة أبني
فيها حمام مافي. والآن بفتش على البيت قبل البنت.
{ رواهـا أبــــــــو مصــعب الحـــــمزاوى}

ورمضــــــــان كـــــريم وصحــــــــــوا النــــــوم
ودمتم لنـا
خـضر حـسن
الرجوع الى أعلى الصفحة اذهب الى الأسفل
محمد كمال الدين
قلم فضي
قلم فضي


عدد الرسائل : 420
تاريخ التسجيل : 11/06/2008

مُساهمةموضوع: رد: راكوبة الجريف   الثلاثاء 09 سبتمبر 2008, 4:36 pm

الاخوه الحبايـب ( بالراكــوبه )

السلالالالالالالالالالالالالالالالالالالالالالالالالالالالام عليكم ورحمة الله وبركاته
سامعك ضحكك من بعيـد يا عبدالله ود نابري ، ودايـر تعـرف عصام بضحك الناس كيـف كــده ( ههههههههههههههه ) بـس معليـش تعــال معاي اليوم جـايب ليكم كمـونية علشان اخونا خضــر طــول منها ، لكن ما تقــول لـي يا أحمــد ( رونالــدو ) شـكل الــدوم والقونقوليــس ، عـارضنهم كيــف كيــف ، الواحـد لعابـه يسيـل ، دا جبتوه من ويـن ، دي امــور ابوك الحاج ، واللـه مشتاقين ليـه ، قـل ليـه منتظـرينك في الراكوبـه .
اخـوي ابو مصطفى .. نعم حاج علي كرعينو معوجات وخشموا معوج ، وكان تاعبنا في الحـرب بين قمـر وكركوج ، ولكن ما تقول فيه كـدا .
كـدي تعالوا في البـرش البـره الراكـوبه دي ، بعـد ما رشاها ود سـنقد ، وانا متأكـد أســع الراكـوبه تتملي والضـل بـره يبـرد ويحلـو .
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: راكوبة الجريف   الأربعاء 10 سبتمبر 2008, 3:18 am


هوي السلام عليكم ..
قالوا ليكم ارحكوا الغداء جاهز ..
اي جاهز وقدامنا تب ..
اي في الديوان حايكون وين يعني .. عامل راسك دا ..
عصام فك الجنى دا .. قدرك ؟؟
بنادي ليك الدرديري ..
الجنى ابكريشة دا ..

ودمتم متغديين ...
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: راكوبة الجريف   الأربعاء 10 سبتمبر 2008, 4:53 am

السلا عليكم ورحمة الله وبركاته

رمضان كريم كلكم بلا فرز
اخاونى بالراكوبة حضرنا ولم نجدكم (لم نجدكم دى اتعلمتها من توزيع عصام لكروت الاعراس زمان ال كان يدفنها فى مجارى المطر ) جيتكم بالنهار فى الراكوبة ولقيت الراكوبة مليانة ومافى مكان والناس صايمة ونايمة وما صدقوا لقو الراكوبة مرشوشة وباردة

الله يهديك يا ود سنقد غداء وفى رمضان
ونقول ل ود رياء الدوم والتسالى العارضه فى الصورة ده رسل لينا منو شوية مع ابو تراجى ( القنصل الما فخرى للجريف)
واقول لاخونا الخضر نحنا اولادنا امرهم هين الكلام البنات علشان كده لما اجى ازوج البنات بعمل مقايضة يعنى ال داير يتزوج البنت لازم تكون عنده واحدة لولدنا علشان ما ياخد البنت مع البيت مجانى كده
واقول لاخونا عبد الله اى واحد يقع فى اخونا عصام الله يخارجه
علشان كده نقول لحاج على الا تترك السعودية وتشوف ليك بلد تانى
ونقول لاخونا الخضر لقد افتى مولانا محمد كمال الدين بتعطيل الحدود اثناء لعب الكوت شينة
لكن الكلام الناس البتسرق الجوكر قبل ما يوزع الورق ديل الفتوة فيهم شنو
معز عبد المنعم خالد
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: راكوبة الجريف   الأربعاء 10 سبتمبر 2008, 6:58 am



وأنا ماشي على الراكوبة وقبل ما أصلها لقيت الشكلة دي.
يا زول أوع تاني تجي بيجاي
حرم أجي.
إنت كان راجل تعالي بيجاي تاني .. والله تنكسر كسرة..
آآ .. عان آ... جماعة قال أكسرني .. تكسر منو آزول إت ما كنصيح ..
يا زول خلاص أتوكل وما تكتر كلامك .. وعملت لينا وجع رأس ومسخت لينا القعدة في الراكوبة دي وكل يوم تكورك ......... تكورك .........
يا زول دي تجارة .. شن عجبك..
عليك الله دي شغلة راجل ..
يا زول .. ده شغل ضراعي .. وأحسن لي من أشحد الناس ..
أسع عليك الله ..
المهم الجماعة تلاسنوا وتضاربو ووصولي كان في الوقت المناسب وكانت ممكن تحصل كارثة ..
إنت يا الطيب بخيت مالك على الزول ده ومشاكلك كترت وقبل يومين فالق ليك شافع
يا خي ده زول وسخان بس.
كيف الكلام ده .
آآي والله ما عندو شغلة .. وكلو يوم جاي بي هنا ويكورك ..
يكورك مالو جنه .. وبيكورك بيقول شنو
يا خي ده عمل لينا وجع رأس .. وكل يوم جاي يكورك .. الطلح ..... الطلح ... حطب حطب الطلح.
طيب ود حاج بخيت ده رزق وده بيفتش على الرزق.
هاي لكن .. رزقوا هنا في الراكوبة دي .. ما الشارع ده طويل إشمعنا هنا .. والزول ده ما لاغي يبيع إلا الطلح .. لا الزول ده قاصد حاجة ..
يا خي قاصد شنو إنت معقد الأمور ساكت ..
لا والله الزول ده تافه وأسألني منو أنا وطريقة كوراكو أساساً أنا ما عاجباني.
يا خي إن بعد الظن .... وقبال ما كمل قال لي .. يا خوي إنت شغلتك شنو بالزول ده .. جابوك محامي ليهو ... لا والله بس طريقتك معاهو ما عجبتني .. يا خوي شن عجبو وإنت كان داير كسر .. حرم نكسرك .. فقلت له إنتو منو .. فقال لي نحن ناس أبو تراجي .. وتسالية وود ريا وهناي داك وناس معز وناس حسن شمش الدين ومحمد عوض .. فقلت له طيب خالد شريف معاكم .. فقال لي لا لا خالد شريف ده خليهو اليومين ديل عائش في ملكوت ثاني .. كيف يعني .. ياخي ما شايف كتاباتو كلها في الجمال والنعيم والأخرة والزهور والبكاء والضحك .. والله فعلاً كلامك صاح وأنا أقول كل مرة خالد ده مالو .. أتاريهو مبسوط ..
طيب يا ود حاج بخيت عليك الله أنا داخل جوه الراكوبة بس سيد الحطب ده كان جاء ثانية ما عندك بيهو شغلة وإلا والله أكلم ليك الخدر ومحمد كمال الدين والشفيع والرجال الكبار كلهم وناس نحنا .. وأقوليهم الطيب بخيت شاكل سيد اللبن.
كدي أبق مارق والله نديك جنس كسرة .. تكسر شنو .. إنت البتخاف من وجع الضهر ..أمش أمش والله أنا بضيع في زمنى معاك ساكت.. وإنت كان عندك زمن بتشاكل سيد اللبن ... هى أقصد سيد الطلح .. أمش أمش .. والله ما عندك .....
عفواً إخواني دي هترشة في رمضان

الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: راكوبة الجريف   الأربعاء 10 سبتمبر 2008, 7:41 am

الراكوبة دى سوها للونسة وشراب القهوة والشاى ولا للعوو والمكاتلة دحين الناس مالها الحصل عليها


شنو يمكن ياربى دا الغلب الكتر علينا (الفريق القومى و الهلال و المريخ) ولا الحكاية شنو الشاب الاسمو عصام
ده من زمن الحرب بين ناس جريف قمر وكركوج ...لالا لا عرفت المحرق روحو شنو طبعاً دا الكيس الكان
راجيهو من زمن والحمدلله وصلوا سوا فى رمضان لكن السبب كان محمد السر الجاك وطبعاً دا من المناشير
يعنى من جماعة حاج على البفلق فى الراس عرفتووووووووووووووووووه أشرب من الليمون وأبعد من الحلوومر
لانو بحرق روحك زيادة وبكتر من الهترشششششششششششششة .
وراجعين
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: راكوبة الجريف   الخميس 11 سبتمبر 2008, 1:39 am



أخونا بدر عبدالماجد كتب :

الراكوبة دى سوها للونسة وشراب القهوة والشاى ولا للعوو والمكاتلة دحين الناس مالها الحصل عليها
شنو يمكن ياربى دا الغلب الكتر علينا (الفريق القومى و الهلال و المريخ) ولا الحكاية شنو الشاب الاسمو عصام
ده من زمن الحرب بين ناس جريف قمر وكركوج ...لالا لا عرفت المحرق روحو شنو طبعاً دا الكيس الكان
راجيهو من زمن والحمدلله وصلوا سوا فى رمضان لكن السبب كان محمد السر الجاك وطبعاً دا من المناشير
يعنى من جماعة حاج على البفلق فى الراس عرفتووووووووووووووووووه أشرب من الليمون وأبعد من الحلوومر
لانو بحرق روحك زيادة وبكتر من الهترشششششششششششششة .
وراجعين

-----------------------------------------------------------------------------------------------------------

أخوي ود عبدالماجد حبابك في الراكوبة والله جيتك دي إنتظرناها من زمان لكن الظاهر بقيت ما بتريد قعاد الواطة.. وفات عليك إنو راكوبتنا مجهزة بكل الكماليات والراحة التامة..

عموماً كدي أبق داخل وعليك الله الشوال الفوقك ده أجدعو بي فوق عشان يسد الفتحة الفوق دي والهندي ود البشير وصيناهو قبل رمضان يجيب معاهو شوالين ثلاثة ومن يومها لا حس لا خبر .. والولد ده يا ربي يكون جالدو .. والا شنو

المهم ... ما علينا .. يا خوي إنت براك شفت الكيس وقصة الكيس ... وأنا ما جبت حاجة من عندي وكلو حصل قدامك.. وصاحبك ود حاج بخيت براهو وقع في ما لا يحمد عقباه .. وحقي أنا وريتو بأخذه تالت ومتلت ... ولحدي ما يقول براي سويته في نفسي ... ويا خوي والله الناس دي كلها روحه محرقاها وعشان كدي قلنا نلمهم في الراكوبة دي .. لكن المصيبة قدام الراكوبة جماعتك بدو التفلق ... وبمناسبة محمد السر الجاك ... عليك الله أسالوا وقوليهو مالك مع عصام..

الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: راكوبة الجريف   الخميس 11 سبتمبر 2008, 6:30 am


ههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههه
ههههههههههههههههههههههههههه
ههههههههههههههههههههه
هههههههههههههههه
هههههههههه
هههه
هه
ه

سمحة زنقة رمضان والله ..

والله يا عصام بالغت عديل ..
قلت لي ود بخيت لو عنده زمن ما كان شاكل بتاع اللبن .. هي بتاع الـ ... ؟؟
هههههههههههههههههههههه
والله دا بتاع حجج ساي ..
ات عارف .. دا زي عمنا السيد الله يرحمه .. كل يوم شكلة مع كسار الحطب ..
قال شنو .. الراجل دا قاعد يقول السيد ــ لما يقول كسار ــ ..
يا حاج السيد : الراجل دا قاعد يقول كسار .. ما قاعد يقول السيد ..
ابدا .. قال بس لاراجل دا قاصدني وأنا ما بخليه ..


ودمتم لنا ,,,
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: راكوبة الجريف   السبت 13 سبتمبر 2008, 2:10 pm

اخونا عصام عبد الصادق .. بمناسبة كيس الابرى الجابو ليك الطيب بخيت البقه عليهو شنو !!
انته قلت حا تكتب عنو في المنتدى ..
للناس المستغربة !! ايوه كيس ابرى أحّمر .. ده كان من المفترض انو يكون موضوع في المنتدى بس يبدو ان عصام بله الابرى وبرد جوفو وكتحا لينا ترابه..
الرجوع الى أعلى الصفحة اذهب الى الأسفل
http://www.basilholding.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: راكوبة الجريف   السبت 13 سبتمبر 2008, 2:28 pm

أخوي عبدالله لك التحية

بالنسبة للكيس والله حلفت ما أجي بجانبه إلا بعد أن أقوم بعرض موضوعه .. وحالياً الموضوع في طور الإعداد.. .. لكن الصور وين؟
الرجوع الى أعلى الصفحة اذهب الى الأسفل
 
راكوبة الجريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 5 من اصل 6انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف للمناسبات والتراحيب-
انتقل الى: