............

حبابك عشره يا زائر
 
الرئيسيةالتسجيلدخول

شاطر | 
 

 راكوبة الجريف

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6  الصفحة التالية
كاتب الموضوعرسالة
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: راكوبة الجريف   الأحد 02 ديسمبر 2007, 10:27 am

السلام عليكم ورحمة الله تعالى وبركاته
كيف حالكم اهلي الجرافة ان شاء الله بخير
طبعا كلنا بنكتب مواضيع وبنشارك وبنتناقش فيها
حبيت اكتب الموضوع دى نفضفض فيو ونتزكر فيو السودان
وخصوصا الجريف واهلنا بالجريف
نعطي فرصة لاقلامنا تكتب بطريقة كلامنا يعني ما باللغة العربية الفصحة ولغة الفلسفة ولغة المواضيع البنكتبة نكتب بلغة البيت بلغة حياتنا اليومية
نكتب وكأننا في كشاشة او راكوبة من الرملة الحمراء مرشوشة بي موية العصر
فيها بنية تفرش في الملايات واطفال في الواطة بيلعبو بالرملة وخالة تعمل في اللقيمات
والشاي جمبها راجل كمل اللقيمات كلها كل دقيقة يشيل واحدة وهناك في الكورنا
في حبوبة بتقلي في البن علشان تعمل القهوة جى جدنا من صلاة العصر شايل عكازو شالو منو الاطفال
يلعبو بيو والاولاد جو من الكورة جو كلهم اجتمعو علشان يشربو الشاي والبنات جايات من الدرس شايلين كراساتهم واقلامهم
كمان جو بي سرعة جابتهم ريحة الليقيمات الواصلة اي مكان... سموها زي ماعايزين تسموها المهم تفهمو قصدي

نتونس فيها ونحكي فيها .. ننسى الجدية ومشاكل الحياة والغربة شوية
نتخيل اننا في الجريف مع الاهل الفقدناهم وفقدنا الونسة معاهم.
اتمنى اكون وصلت المعلومة وتكونو فهمتو قصدي ..
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: راكوبة الجريف   الأحد 02 ديسمبر 2007, 11:13 am

عشان الراكوبة ماتدخلينا الشمس حقو نزيد شوالات الخيش والبرش القديم من فوق الراكوبة ونحول
إسم رونالدو باسم البلولة ولا كيفن الراى يا ود العبيد ولك التحية للمشارك ونحن قفاك من هس
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الأحد 02 ديسمبر 2007, 12:20 pm

يابدر زح لى هناك خلينى اقعد معاكم فى هوا الركوبة الباااااارد

والبلولة عليك الله ناولنى كباية شاى ولقيمات اخوك مهوى شديد
ونادى الجنة داك رسلو لاخناتون وحافظ خلى يقوليهم يجو هسه لانو فى شمار
حاااار .
(والله يا رونالدو فكرتك جميلةعديييييييل كده)


عدل سابقا من قبل في السبت 09 فبراير 2008, 2:25 pm عدل 1 مرات
الرجوع الى أعلى الصفحة اذهب الى الأسفل
أخناتون
مشرف
مشرف


عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: راكوبة الجريف   الأحد 02 ديسمبر 2007, 5:20 pm

البلولة كيفنك ..
عفواً رونالدو (سابقاً) ..
دحين بدر ما كلمك أنو نحن جايين فوق الدرب
من قبيل منتظرين ود العبيد لكنو الظاهر لفي بعند زقاق ناس
الهندي اصلهم جنهم ونسه والعجب تساليه جنو قشاوي
أصلو هو الايام دي مصاحب حافظ ..
رونالدو لقد شممت رئحة البن فلك سلامي يازول يا عسل وزايدنو سكر
الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: راكوبة الجريف   الأحد 02 ديسمبر 2007, 7:44 pm

البلوله ذته الشوالات و البرش ولا لسه, كمان دايرين لينا شوية بطاطين عشان البرد وصل البلد.... ارجو مايكون عندك مانع يا اختاتون لو حولنا اللبن لي شاي لبن عشان الراس ده يظبط شويه ... لو في واحد جاب لينا خشاف من تاج الدين, و الله يكون عمل خير, اصلو طولنا منو كتيييير.....

لكم كل التحايه من فوق البنبر
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: راكوبة الجريف   الأحد 02 ديسمبر 2007, 11:56 pm

اخوى تسالية ابقى قريب واقعد جنبى قبل ود عشاية إخناتون يجى عشان نشوف حكاية الجنووى
الكل يوم يسرقوا منهم شوية شوية ديل و دحين جانا خبر داكى الليلة تانى الجماعة نهبوا جنووى دارفور
اصلو الفريق دا مافيهو رجال يحرسو ، وين التمساح العشارى سيد البلد وعريس الموسم ودالعبيد ودالطاهر
ولضد امى ؟؟؟؟؟؟؟؟؟؟
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الإثنين 03 ديسمبر 2007, 12:32 am

يا بدر ود العبيد شكلو كدة الجو البلدي بقي ما بنفع معاهو

اتعود علي كندشة السعودية(بقي حنكوش)
اخناتون عليكك الله اتصل بود نابري عشان يجي يحصل الفطور....
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الإثنين 03 ديسمبر 2007, 7:36 am

تساليه . اريتك تبقى طيب ... عليك أمان الله أنا جيت اول زول ... علّا النت كان لاحق حبوبتي
وبعد ما كتبت مشاركتي وحكيت حكاوي كتييييره اكان يازول كلامي كله راح في الهوا عليك امان
الله النت يسل الروح ........لكن موش الفطور ده أكان اجي جاري بكرعي خليه النت عنو ما
اتحرك .....
رونالدوووووووووو ... الجاب القوووووووون عمي البله ههههههه
يازول والله ياك انت براك الجبت القون .. انحنا لينا زمن حايصين وحايمين والله اكان راكوبتك
دي الكنا كايسين ليها .. أريتك آبوي تبقى طيب .... وتاني ليك علي كل يوم مقيل معاكم بيجاي
اها بس عاد آخوي ميز الحكايه كويس وكتر القهوه وبالله الشاي بلاش منو مابريدو هههه
تحياتي لكل القاعدين بيجاي
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الإثنين 03 ديسمبر 2007, 7:44 am

ronaldo كتب:
لو في واحد جاب لينا خشاف من تاج الدين, و الله يكون عمل خير, اصلو طولنا منو كتيييير.....
لكم كل التحايه من فوق البنبر
هي هي هي هي هي هي هي هي ... أبكي أنا ولا أسوي شنو ؟؟؟؟؟
يازول يمين أنحنا تاج الدين فلك حلاة ماطولنا منو قربنا نصدي عديييييييييل
وعندك واحد طن خشاف بااااااااارد من تاج الدين فلك وصلحوووو بعد ده اريتو يبرد الجوف ويعوض شوق السنين
أخناتون تعال على بيجاي
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الإثنين 03 ديسمبر 2007, 7:53 am

نساليه كتب:
يابدر زح لى هناك خلينى اقعت معاكم فى هوا الركوبة الباااااارد
والبلولة عليك الله ناولنى كباية شاى ولقيمات اخوك مهوى شديد
ونادى الجنة داك رسلو لاخناتون وحافظ خلى يقوليهم يجو هسه لانو فى شمار
حاااار .
(والله يا رونالدو فكرتك جميلةعديييييييل كده)
أهااااااااااااااااااااااااااااا شفت ياتساليه ده الكلام البيسل الروح ... طوالي طوالي لحقنا الشمار ما تشحتف روحنا
انحنا لابنقدر على المفاجآت ولا جنس دخلات رونالدينو دي قال خشاف تاج الدين فلك والله انا يا اسه حيلي ما شايلني
الرجوع الى أعلى الصفحة اذهب الى الأسفل
http://aljraif.forumotion.com
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الإثنين 03 ديسمبر 2007, 2:39 pm

هاكم الشمار

مشينا انا واخناتون لحافظ عشان نجيبو معانا
الراكوبة( ياااااااااا سودانية ناولينى كباية جبنة السكر يكون خفيف)
كنا واقفين وين يا بدر ايوه عشان نجيبو الراكوبة لقينا حالنو حاله
قال ما بجى لانو ناس المنتدى اتجاهلو العرس بتاعو المهم اقنعناهو فى النهاية
لازم يجى عشان نناقش معاهو المسائل هناك فى ضل الراكوبة
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الثلاثاء 04 ديسمبر 2007, 6:10 pm

هو نحنا عندنا كم حافظ عليك الله وده معقول برضو ؟؟؟ انا ماقلت ليكم ياجماعه ورونا السيره
ماشه بتين ؟؟ أها خلاص نحنا نحسم الحكايه ياجماعه من أسه وبلاش تاخير يوم الخميس الجاي
ياتساليه كلم باقي ناس العولمه وقول ليهم نحنا جهزنا كل البرامج وباقين على الأبلود طوالي
يوم الخميس من عصرا بدري
الرجوع الى أعلى الصفحة اذهب الى الأسفل
http://aljraif.forumotion.com
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الثلاثاء 04 ديسمبر 2007, 6:13 pm

مسعولين من الخير عمي البلوله وين بلدو
الرجوع الى أعلى الصفحة اذهب الى الأسفل
http://aljraif.forumotion.com
أخناتون
مشرف
مشرف


عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: راكوبة الجريف   الخميس 06 ديسمبر 2007, 9:56 am

سلامات يا خلاصه الخير الفي الناس
الرجوع الى أعلى الصفحة اذهب الى الأسفل
Sudania
الادارة
الادارة


عدد الرسائل : 180
مزاجك اليوم :
تاريخ التسجيل : 23/06/2007

مُساهمةموضوع: رد: راكوبة الجريف   الأحد 09 ديسمبر 2007, 10:47 am

البلولة امتحاناتو على الابواب قال (ماشي يزاكر شوية)
لكن متاكدة انو حيكون بياك في خشاف في مرطبات تاج الدين

_________________


*************
\"وما من كاتب إلا سيبلى
ويبقي الدهر ماكتبت يداه
فلا تكتب بكفك غير شيء
يسرك في القيامة أن تراه\"
*************


الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: راكوبة الجريف   الإثنين 10 ديسمبر 2007, 6:24 am

Sudania كتب:
البلولة امتحاناتو على الابواب قال (ماشي يزاكر شوية)
لكن متاكدة انو حيكون بياك في خشاف في مرطبات تاج الدين

لا اله الا الله محمد رسول الله
عليك الله آلبلوله اكل لي معاك شوي
ه
الرجوع الى أعلى الصفحة اذهب الى الأسفل
http://aljraif.forumotion.com
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: راكوبة الجريف   الثلاثاء 11 ديسمبر 2007, 12:16 am

البلولة والخشاف فى قائمة غينس العالمية
حكمته بالغة وارادة الله
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   الأربعاء 12 ديسمبر 2007, 12:49 am

انتو يا جماعة الخير امحمد ود مجبد وامحمد ودالابنطح وجنى ناس تقيتى ديل وين والله راكوبتكم دى اخير منها دانقة ناس ودالاخضر . وانتو مسعولين من الخير انتو الافندية ديل البجيبن فى الراكوبة والكتاحة دى شنو والله شى غريب اسع الواحد لو قال ليهم داير يبقى مدير الطنطنة تكتر من اسع كلام واحد راكوبة شيخ البلولة دى نعمل ليها ترباس وكان مانجح نجيب قسمة واى جنى ما لابس عراقى وسروال طويل ما يدخل معانا واى بنية ما مشلخة مائة وحداشر ما معانا وناس بدر ديل من اسع معانا بس مايجيبوا المماسيخ ديل . كملو علينا قهوتنا وسكرنا
الرجوع الى أعلى الصفحة اذهب الى الأسفل
أخناتون
مشرف
مشرف


عدد الرسائل : 212
مزاجك اليوم :
تاريخ التسجيل : 30/09/2007

مُساهمةموضوع: رد: راكوبة الجريف   الأربعاء 12 ديسمبر 2007, 3:32 am

أهلي الزينين
معليش اخت لي خفسه شويه وما كانت بي أرادتي
لكن دي المعايش جباره كنت مشغول جداً لكن دحين
جيتك وأبقوا طيبين
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   السبت 15 ديسمبر 2007, 1:25 am

يا جماعة عووووووووووووووووووووك الحقونى زيلكم غرقكككككككك تب يا جماعة انتو دحين بنوت الزمن ده جنن ولا شنو ياااااااااااااااااااااااااجماعة البى عارفوا ود الهندىيا ود الهندى شوووووووووووووف صرفه لاخوك يا ناس الهندى وبدر وتسالية ولخناتون وناس احمد وحسن والبلولة يا ناس الحلة وفريق قدام عوووووووووووووووووك زولكم غرق غررررررررررررررررررق
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الإثنين 17 ديسمبر 2007, 5:50 pm

ياناس المنتدى رايكم شنو الشيه فى العيد تكون فى الراكوبة ويابدر جهز الصاج
الرجوع الى أعلى الصفحة اذهب الى الأسفل
نساليه
قلم ذهبي
قلم ذهبي


عدد الرسائل : 760
العمر : 37
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: راكوبة الجريف   الإثنين 17 ديسمبر 2007, 5:57 pm

يا حافظ معليش جيب معاك شطه وانت جاى وكلم أخناتون يجيب الشربوت

ويغشي الهندي يجي يضبح لينا .
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي


عدد الرسائل : 513
تاريخ التسجيل : 28/10/2007

مُساهمةموضوع: رد: راكوبة الجريف   الثلاثاء 18 ديسمبر 2007, 7:56 am

اخوانى ناس تسالية وناس امحمد وناس الامين ود عمر كل الناس هواى العيد مبارك عليكم وبالله جيبو قدح العصيدة فى خلوة ابوى شيخ ود نابرى وياتسالية جايب معاى شطة تمام التمام تنضجد الخشم وتخليك تانى ما تعاكسنا برى عكاسك ده مافى جابك السعودية اقصد جابنا السعودية وخلينا ناس فريق الضلمه وناس ياكلوا فى الشطوط واللحمة يا ناس العيد مبارك عليكم واعفى مننا ود العبيد
الرجوع الى أعلى الصفحة اذهب الى الأسفل
عليوة ودكركوج
عضو جديد
عضو جديد


عدد الرسائل : 6
تاريخ التسجيل : 21/12/2007

مُساهمةموضوع: رد: راكوبة الجريف   الجمعة 21 ديسمبر 2007, 6:34 pm

تحياتي وسلامي لجميع الاهل والاصدقاء بالجريف شرق وتحية خاصة للصديق الغالي دوما اسامة عبدالرحمن وزوجته هنده بمناسبة المولود
وتحية عريضة تبداء من هب النسيم لكل من الاصدقاء ياسر شرقن ومعتصم دقوش وفكه مرورا بالمنزل الهامر ال الصديق الغالي دوما اسامة عبدالرحمن
الي كركوج فريق الشفيع ا لاخ عادل القاسم واولاده والاخ العزيز عثمان علي والاخ ايمن ومحمد مبارك الشفيع
مع خالص ودي وتقديري
ود كركوج
اونتاريو - opps
الرجوع الى أعلى الصفحة اذهب الى الأسفل
ronaldo
الادارة
الادارة


عدد الرسائل : 168
العمر : 29
الاقامة : Canada
المهنة : طالب
تاريخ التسجيل : 26/06/2007

مُساهمةموضوع: رد: راكوبة الجريف   الأحد 23 ديسمبر 2007, 8:53 pm

الهندي ود نابري كتب:

رونالدوووووووووو ... الجاب القوووووووون عمي البله هههههههيازول والله ياك انت براك الجبت القون .. انحنا لينا زمن حايصين وحايمين والله اكان راكوبتك دي الكنا كايسين ليها .. أريتك آبوي تبقى طيب .... وتاني ليك علي كل يوم مقيل معاكم بيجاي اها بس عاد آخوي ميز الحكايه كويس وكتر القهوه وبالله الشاي بلاش منو مابريدو ههههتحياتي لكل القاعدين بيجاي

مشكور كتير يا ود نابري علي الخشاف... جبتو في الوقت المناسب, اكان يروق لينا البطن دي شويه...و العيد مبارك عليكم, السنه الجايه ان شاء الله في السودان و من الفايزين و الغانمين........ و اعـــــــــفــــــــــــــــــــــو مننا عن الانقطاع...... و الله كان عندي امتحانات خليها بالنيه بس...... لكن الحمد لله عدت على خير.... تصدقوا اخر امتحان كان الليله و بكره العيد.. يعني علي حبه ما كنا حنعيد زاتو.... المهم, تحياتنا ليكم كلكم و ان شاء كدي القابله على منى, و عرفات...
الرجوع الى أعلى الصفحة اذهب الى الأسفل
 
راكوبة الجريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 6انتقل الى الصفحة : 1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف للمناسبات والتراحيب-
انتقل الى: